شبح الغرفه

_شبح_الغرفه_👻💔
بسم_الله_الرحمن_الرحيم
اكيد زي اي اب فرحت جدا لما عرفت ان مراتي حامل
مكنتش مصدق ان انا خلاص فاضل شهور وهبقا اب
بدأت انا ومراتي نشتري حاجات الطفل
ونجهزلوا الاوضه بتاعتوا
وخلاص فاضل شهرين والطفل يبقا وسطنا
بعد م اشترينا كل حاجه للطفل
وجهزنا الاوضه بتاعتوا
قررنا ان احنا هنسافر شرم الشيخ
جهزنا الشنط وكل حاجه
وبدأنا نتحرك من القاهره الساعه 4 الفجر
الطريق كان حلو جدا وهادي
وانا عمتا بحب الهدوء
وصلنا شرم الشيخ وقررنا ان احنا هنقعد 4 ايام
عدي اول يوم عادي جدا ومفيش اي حاجه
بس جي 2 يوم علي الساعه 12 بليل
ومراتي تعبت جدا
تعبت تعب غريب!!
نزلت بيها وفضلت ادور ع اي مستشفي لحد م لقيت مستشفي ف الطريق الصحراوي
اتفاجأت لما الدكتور قالي دي حاله ولاده
قولتلوا بس يا دكتور هيا لسه ف الشهر التامن ؟
قالي بس هيا لازم تولد النهارده
واما هيكون في خطوره علي الطفل
كنت ف موقف صعب جدا
وبعد تفكير قولتلوا
ال تشوفو ي دكتور..
قالي احنا دلوقتي هندخلها غرفه العمليات
فضلت ادعي
لحد م الحمدلله الدكتور طلع وطمني ع مراتي والطفل
هو هيدخل الحضانه
بس مش مشكله اهم حاجه انهم بخير
قطعت كلام الدكتور ممرضه بتقولوا بقلق
بس يا دكتور هتخش اوضه رقم كام ؟
قالها اي اوضه فاضيه
قالتلوا برعب مفيش غير الاوضه رقم 7
قالها خلاص افتحي الاوضه رقم 7
قالتلوا حاضر بس هيا بقالها سنه مقفوله!
مكنتش فاهم الممرضه خايفه كده ليه او اي السبب
خدت مفتاح الاوضه وفتحتها
دخلت مراتي والطفل يقعدوا
وخرجت سألت الممرضه
هو ف حاجه ف الاوضه رقم 7 دي
قالتلي لا بس هيا بقالها سنه مقفوله وكده
مكنتش مصدق اوي
بس حاولت انسي الموضوع
الساعه جت 3بليل
ومش جيلي اي نوم
فجأه لقيت واحده ست داخله ع مراتي الاوضه
نديت عليها بس مردتش عليا
دخلت بسرعه وراها الاوضه
بس اتفاجأت ان مفيش حد غير مراتي جوه ؟
ف اللحظه دي خوفت
وقولت ان لازم اقعد مع مراتي ف الاوضه
شويه والنور قطع ف المستشفي كلها
الاوضه ضلمه جدا
نورت كشاف التلفون
ويارتني مع عملت كده
لقيت واحده  لابسه اسود ماسكه طفل صغير وقاعده جنب مراتي ع السرير وبتبصلي
انا مقدرتش اتكلم
النور رجع ملقتش الست دي
ساعتها قررت ان انا هقول للدكتور
شغلت قراءن ف الاوضه
وخرجت اكلم الدكتور
بس رجعت ع صوت مراتي بتصوت
سألتها ف اي
قالتلي كان ف واحده شكلها وحش
عايزه تموتني
شويه ولقيت مراتي رايحه عند ابننا
وعايزه تموتوا
قولتلها انتي اجننتي انتي بتعملي اي
لقيت شكلها بداء يتغير وبتصرخ جامد
دخلت الممرضه الاوضه ع الصوت
ادت مراتي حقنه مهداءه وقالتلي اكيد تعبانه ولا حاجه
قررت ان انا همشي من المستشفي دي ف اسرع وقت
كنت زهقان وبتمشي ف المستشفي
النور قطع ..
علي النور بتاع القمر شوفت واحده ست قدامي
بتقولي محدش هيخرج من هنا !
قربت مني كان شكلها وحش
لابسه اسود
انا مقدرتش استحمل جريت بسرعه
لحد م لقيت الاوضه بتاعت مراتي دخلت جوه
شغلت قراءن وفضلت قاعد ف الاوضه
لحد م شويه ولقيت مراتي بتصرخ جامد
وكسرت التلفون بتاعي ال كنت مشغل عليه القراءن
مكنتش فاهم هيا بتعمل كده ليه
شويه ولقيتها بتقولي محدش هيخرج من هنا !
جريت مسكت ابننا ولقتها بتحط المخده ع وشو قربت منها وحاولت اخد ابني منها
مسكت سكينه كانت ف الاوضه مع الفاكهه
وضربتني ف دراعي ورجلي
زقتها جامد ومسكت الطفل وطلعت من الاوضه بجري
وانا بنزف المستشفي كانت كلها ضلمه
لحد م النور رجع تاني
لقيت الممرضه بتجري عليا وهيا مرعوبه
خدت مني الطفل ورجعتوا مكانوا ف الحضانه
وقالتلي هو انت شوفتها صح ؟؟
قولتلها ع كل حاجه
قالتلي ان هتصرف وهجبلك شيخ
جابت الشيخ
دخل الاوضه وفيها مراتي
ضلم الاوضه كلها ولع شمع
بداء يقراء قراءن ومراتي بدأت تصرخ جامد وتقطع ف شعرها
وصوتها بداء يتغير
ومكنتش بتقول غير كلمه واحده
انا عايزه ابني
مقدرتش استحمل منظرها وخرجت بره
شويه ولقيت الشيخ خرج
وقالي شغل قراءن ديما
قولتلوا هيا كده بقت كويسه؟
قالي اه الحمدلله
بس ديما تشغل قراءن ف بيتك
الساعه جت 10الصبح
جهزت كل حاجه علشان اخرج من المستشفي دي
بس كان لازم اسأل الممرضه ع حكايه الاوضه واي ال حصل فيها
سألتها
وقالتلي : الاوضه دي من سنه كان فيها واحده كان بقالها 10سنين مش بتخلف
وربنا كرمها وكانت جايه تولد ف المستشفي هنا
كانت قاعده ف الاوضه رقم 7
بس بعد م ولدت الطفل
الطفل مات بعدها ب ساعه
الام اتصدمت
وحاولنا نهديها ونقولها ان هو قضاء ربنا
قالتلنا انها عايزه الطفل يقعد معاها اليوم ده قبل دفنوا
وافقنا علشان حالتها
وتاني يوم دخلنا عليها
لقيناها قاتله نفسها ب سكينه الفاكهه ال كانت ف الاوضه والطفل جنبها.......
جيت اتكلم قاطعتني وقالتلي
مش كده وبس يااستاذ
انا وكل ال شغالين ف المستشفي
لما كنا بنيجي ندخل الاوضه
كنا بنشوف الست دي
وساعات كمان بنشوفها بليل ماشيه ف المستشفي
بس محدش كان بيتكلم وكنا بنتجاهلها
سمعت الكلام من هنا
ونزلت انا ومراتي والطفل
رجعنا القاهره
وقررت اودي الطفل حضانه ف مستشفي قريبه من البيت
ومن ساعتها وانا بكره رقم 7
تمت
Ahmed _Nasser_
الرعب_ملهوش_حدود😍🔥👻