لعنة المدخنه

قصة لعنة المدخنه ( القصه كمله)
الطفوله

انا اسمي اسماء عايشه مع عمتى وهيا زى امى وهيا كل حاجه في حياتى امى متوفيه وهيا بتولدنى وبابا زعل جدا لما ماما توفت ومتجوزش بعدها ديما كان بيسافر كتير مش بشوفه غير لما كان بينزل مصر كل سنه وتوفي لما تميت ١٢ سنه عمتى ست طيبه اوى وكمان حنونه اوى و بتعاملنى زى بنتها انا متفوقه جدا في الدراسه و بطلع من الاوائل حياتى عاديه جدا زى اى طفله في سنى بروح المدرسه وبرجع البيت وعايشه فترت طفولتى لعب وكل حاجه حلوه ..

عمتى ديما لما كنت برجع من المدرسه كنت لازم اشوفها بتتخانق مع جارتنا وكنت بسمعها بتقول لجارتنا( انا عارفه الي انتى بتعمليه ولو استمريتى علي الحال ده انا مش هسكت)

ولما عمتى كانت بتشوفنى جيت من المدرسه كانت بتشدنى وتدخلنى الشقه الخناقات بين عمتى وجارتنا كان كل يوم بيحصل

في يوم كنت راجعه من المدرسه زى كل يوم سمعت عمتى بتتخانق مع جارتنا زى العاده بس المره دى كانت الخناقه شديده اوى لدرجه اني خفت وجريت علي الشقه وعمتى بعدها ب ٥ دقائق دخلت ورايا وقلتلي يا اسماء ياحببتى احنا هنروح مشوار انا وانتى بس لما تكلي وهننزل مشوار كده وهنرجع علي طول وهجبلك حجات من الي انتى بتحبيها واحنا رجعين انا فرحت اوى وكلت بسرعه عشان عاوزه اخرج واتفسح واشترى الحلويات الي بحبها ..

يلاه يااسماء البسي بسرعه عشان ننزل انا لبست وعمتى خدتنى ونزلنا ووصلنا عند بيت قديم اوى في مكان بعيد عن بلدنا خدنا ٥ ساعات في الطريق وصلنا البيت وعمتى خدتنى من ايدى ودخلنا البيت وطلعنه شقه عمتى خبطت ووحده فتحت الباب ومجرد مافتحت الباب عمتى قلتلها ..

( السلام عليكم سيدنا الشيخ موجود )

ردت عليها وقلتلها اه موجود اتفضلي دخلنا والست الي فتحت الباب رجعت تانى وكلمت عمتى وقالتلها انتى حجزه وله لسا هتحجزى جلسه .

عمتى ردت عليها وقلتلها لا انا اتصلت ب سيدنا الشيخ قبل ما نيجى بلغى سيدنا بس ان الست ام اسماء وصلت وهوه هيعرف .
ردت عليها وقلتلها ماشي انا هبلغه دخلت ورجعت بعد ثوانى وقلتلها اتفضلي سيدنا منتظرك جوه ..

دخلنا اوضه في الشقه دى وكانت مليانه دخان بخور وكانت رحتو وحشه اوى والشيخ قاعد علي كرسي وقدامه طبق من الفخار وعليه البخور ده وكل شويه يطلع من البخور ويحطه في طبق الفخار الكبير ده وكان طالع من البخور ريحه وحشي جدا مش قادره اشمها عمتى دخلت علي الراجل ده وراحت باست ايده وقالت ليه ..

( بوسى ايد سيدنا يا اسماء ياحببتى )

بست ايد سيدنا وقعدنا انا وعمتى علي كنبه كانت موجوده في الاوضه وعمتى اتكلمت سيدنا وقلتلو ..

دى اسماء الي كلمتك عنها ياسيدنا الشيخ ابتسم الشيخ وقام من مكانه وجه عليه وراح حاطة ايدو علي راسي وقعد يتمتم بكلام لمدة ثوانى وراح شال ايدو وراح ابتسم وقال .

( عال عال )

انا مش فهمه احنا رحنا للشيخ ده ليه عاوزه اتكلم واقول لعمتى انتى ليه جيبانه هنا متكلمتش واتخرصة قلت لما اشوف ايه الي هيحصل للاخر..

الشيخ طلب من عمتى انها تطلع بره مش عاوز حد موجود غير الشيخ وانا بس انا رفضت واصريت ان عمتى تكون معايه واله هخرج من المكان ده الشيخ قال خلاص خليكى موجوده ياست ام اسماء ..

الشيخ جاب كوباية مياه وحط عليها ماده لونها احمر وقعد يتمتم بكلام غريب مش مفهوم علي الكوباية وطلب منى ان اشربها انا خت الكباية خت منها شوية لقتها طعمها وحش جدا مقدرتش ابلعها غصب عليا الشيخ وقالي حاولي تشربيها يااسماء انا غصبت علي نفسي وشربت الكوباية للاخر وبعدها محستش بحاجه وحسيت اني عاوزه انام وفي ثوانى كنت نمت ..

اول مانمت شوفت نفسي اني في مكان واسع اوى وصوت كلاب كتير حوليا المكان ده انا عارفه كويس انا في مقابر قومت من مكاني ومش عارفه اروح فين المنظر يخوف اوى تخيل معايه انا في مقابر والدنيا كحل قدامي مش شايفه اى حاجه يادوب نور خفيف من ضوء القمر يخلينى عارفه ابص قدامى بجرى زى المجنونه وصوت كلاب كتيره اوى بتقرب عليه عماله اقول يارب عاوزه اصحى من الحلم الي انا في ده وانا بجرى كام كلب عمال يجرى ورايا وشكلهم مرعب اوى مش قدره اجرى كل مااجرى اقع واقوم واكمل جرى لحد مارحت في مكان غريب اوى ومافهوش غير قبر واحد بس وسامعه صوت خبط جى من جوه القبر انا مرعوبه ومش عارفه اتحرك من مكاني وصوت الخبط عمال يعله اوى وفي لحظه ..

باب القبر اتفتح وخرجت منها حاجه بتسحف عليه وفي لحظه قامت وكانت ست شكلها مرعب جدا شعرها محروق ووشها كله محروق مفيهاش عين زينا عنيها مش موجوده في مكنها انا مرعوبه عوزه اصرخ صوتى مش بيطلع عوزه اتحرك من مكاني مش عرفه اتحرك وفجأه ..

الست دى هجمت عليه وممدت ايدها علي رقبتى واعدت تضغط فيها بدوفرها الي عمله زى الحوافر مش قدره اتنفس وفي لحظه كل حاجه اسودة ..

عشان افوق علي كوباية مياه بتتحدف علي وشي فوقت وانا بصرخ وعماله اهلوس واقول ابعدوها عنى انا عوزه اخرج من هنا الشيخ وعمتى هدونى لحد ما هديت والشيخ ابتسم اوى وقال لعمتى كده خلاص انا عملت المطلوب وعليكى انتى بقا تنفذي الباقي تقدرو تمشو الان عمتى سندتنى لحد ماطلعنه من البيت وركبنه عربيه الي هتوصلنه البيت وطول الطريق مش حسه باى حاجه حوليه عمله زى المتبنجه ومش بنطق بحرف لحد ماوصلنا البيت ومن هنا بداءت المعانه بتعتى ...

اول ما وصلنا البيت كنت محتاجه ان انام دخلت الاوضه بتعتى واول حطيت جسمي علي السرير نمت نوم محدش نامه بقاله ايام
اول مارحت في النوم صحيت علي صوت همس في اذنى قومت من علي السرير عشان اعرف الصوت ده جى منين بس لحظة ان انا نيمه علي سريرى عادى بس مش في الاوضه بتعتى انا في مكان واسع اوى ومن فوقي ضوء القمر وشيفه النجوم ببص حوليه عشان استكشف ايه المكان الي انا في مش باين اى معالم منه قوم وحطيت رجلي علي الارض ومشيت وانا مش عرفه انا ريحه فين حسه بحراره شديده حوليه حراره في المكان كله حراره مش طبيعيه سمعه صوت كلاب كتير جدا حوليه واصوات صرخات مرعبه جدا وفجأه ...

دخان كتير حدا حوليه دخان حى من العدم الدهان اتشكل علي ست انا عرفاها كويس دى نفس الست الي انا شوفتها وانا كنت عند الشيخ ..
الست دى كانت شكله مرعب حدا كانت لبسه لبس غريب انا مش عرفه واول مره اشوف اللبس ده وكانت وشها مرعب جدا مش قدره اوصفه وش اكتر من مرعب ...

انا الي عملتو ان حطيت ايدى علي وشي عشان مش عوزه اشوف وشها المرعب ده يارب ساعدنى انا عوزه افوق من الكابوس ده الست قربت عليه واعدت تتمتم بكلام غريب مش مفهوم كلام انا مش قدره افهمه وكل ما تقول الكلام ده جسمي كلوه يتنفض من مكانه كل ما تزيد في الكلام يحصل لجسمي تشنجات يارب انا مش قدره استحمل العذاب الي انا في ...

الست دى بحركه مفجأه لفت علي جسمي كله سلسله كانت سخنه جدا وقعدت تسحب فيه وتسحب فيها بقوى لحد ما وقفت في مكان في قبر وراحت اعدت تفحت لحد ما فتحت باب القبر وراحت حدفتنى في وقفلت الباب كل حاجه قدانى عباره عن ظلام كحل مش قدره اشوف اي حاجه بس انا حسه بانفاس كتير حوله انفاس سخنه اوى وصوت عضعضة اسنان وفي لحظه حاجه مسكتنى دى كانت ايد سخنه اوى ...

الايد دى مسكتنى من كتفي وغرزة حاجه في جسمي حسيت بالم شديد في كتفي والالم ده كفيل ان افقض الوعى ..

صحيت وانا في نفس الاوضه بتعتى وعلي سريرى بس انا حسه بالم شديد في كل جسمي الم مش قدره اتحمله قومت بالعفيه من علي السرير عشان احاول ادخل الحمام واغسل وشي عشان افوق من الي انا في ده رحت علي الحمام وفتحت الباب ودخلت نحيت الحوض بس عينى لمحت انعكاس وشي في المرايا ..

مكنش انعكاس وشي انا ده كان انعكاس وش نفس الست الي شفتها في الحلم وكانت مبتسمه جدا ليه ابتسامه مرعبه جدا ..

انا خرجت اصوت من الحمام وطلعت اجرى علي الاوضه بتعتى صوت صريخي سمعته عمتى جت جرى علي الاوضه بتعتى واول ماشفتنى راحت مصرخه في وشي انا مش عرفه هيا شافت ايه خلتها تصرخ كده ...

راحت قيله ليه عمتى ( انتى شكلك عامل كده ليه هدومك مقطعه ووشك عليه علامات ضرب ده انتى ايدك محروقه انتى مش شيفه نفسك يا اسماء جسمك في ايه جريت علي المرايه واول ماشوفت شكلى صرخت ووقعت من طولي ..

صحيت وانا علي السرير وعمتى جمى وبتقولي انتى فيكى ايه يا اسماء احكيلى حكتلها كل حاجه حصلت من ساعة ما جينه من عند الشيخ الملعون ده وكل حاجه شفتها في احلمى ..

الي عمتى قلته اخنا لازم نروح للشيخ تانى وهوه هيعرف يتصرف ..

قلتلها شيخ مين الي هيتصرف ما انتى والشيخ ده هو السبب في الي حصل ليه انا مش هروح للشيخ ده تانى مش هقرب من بيته تانى ..

عمتى درت وقالت يابنتى هو الي هيعرف يخلصك من الي انتى في ده اوعدك ده هيكون اخر مره نروح لسيدنا الشيخ تانى .

قلتها ماتقوليش سيدنا تانى الراجل ده ملعون وهو السبب في كل حاجه وانتى كمان السبب ..

عمتى قعدت تقنع فيه اننا نروح ومع الاسف وفقت من كتر الالحاح في الكلام وفقت مش قدامى اى حاجه غير ان اعمل كده ...

تانى يوم كنا محضرين نفسنا ورحنا للشيخ واول ما وصلنا عمتى خبطت ونفس الست فتحت وعمتى قلتلها احنا وخدين معاد مع سيدنا الشيخ بالفعل دخلنه واول ما دخلنه الشيخ ابتسم وقال كنت عارف انكم هتيجه تانى ..

عمتى زى نفس المقبله الي فاتت راحت للشيخ وباست ايده وطلبت منى ابوس ايد الشيخ انا رفضت وقلتلها انا مش هبوس ايد حد انا اصلا جيه معاكى غصب عنى ...
الشيخ قال لعمتى قلها في ايه ياست ام اسماء ردت عمتى وقلتله ياسيدنا الشيخ اسماء من يوم الجلسه الاخيره وهيا بتحصلها حكتله كل حاجه بالتفصيل بالي حصلي الشيخ رد عليها وقلها ...

عارف ان ده هيحصل بس المطلوب اتنفز وجرتك اختفت ومش رجعه تانى وده الي كنتى عوزه ..

انا اول ماسمعت الكلام ده مصدقتش نفسي وغرفت ان عمتى كانت عمله عمل لجرتنا واستخدمتنى انا في العمل ده عشان الشيخ طلب منها عشان يقدر ينفز العمل ده لازم يكون في بنت صغيره ويكون سنها لا يزيد عن ١٢ سنه عشان يعمل جلسة التحضير وتصليت خادم من الجن علي جرتنا عشان ينفذ الجن هو ينفذ المطلوب منه علي جرتنا وكان المطلوب من الجن الي صلته الشيخ علي جرتنا ان يخفي جرتنا وماترجعش تانى ...

انا مش مصدقه اى كلمه بتتقال الي عملته ان صرخت وزعقت في الشيخ وعمتى ( انتم ازاى تعمله فيه كده انتم دمرته حياتى انا مش قدره استحمل الي انا بشوفه ) واثناء وانا بصرخ وبزعق الشيخ قام مره وحده وجه نحيتى وحط ايده علي راسي وبص للصقف واعد يقول كلام غريب وكل ما يقول احسن ان في شريط بيتعرض قدامى بكل الي حصل ليه من يوم ماجيت عند الشيخ الملعون ده والي شوفته في احلامى والست الي بشوفه في الاحلام ظهرت ليه كل حاجه بالتفصيل شفتهة في شريط بيتعرض قدامى وانا بتفرج عليه ...

بعدها فوقت وانا حسه نفسي ان في حاجه من علي دهرى اتشال حمل تقيل اوى واتشال انا الحمد الله اتعالجة ومش بشوف اي حاجه في احلمى حياتى بقت طبيعيه وبروح مدرستى انا خلاص كبيرة دلوقتى انا عندى ٢٠ سنه وفي كلية تربيه ومتفوقه اوى في الدراسه بس احب اعرفك ان اول اهتماماتى هو عالم الجن وما وراء الطبيعه ليه عشان الي مريت بي وانا صغيره لسه فكره لحد الان وده هو الي خلنى اهتم بالموضوع واتعمق في وادرسه عشان اعرف ايه هو حقيقة العالم الكبير ده وهو عالم الجن وماوراء الطبيعه من هنا الحكايه هتبتدى وهيبتدى مغامرات اكتر خطوره ....

 انا انتقلت من بلدنا وسبت عمتى ورحت القاهره دخلت كليه تربيه واشتريت شقه علي قدى بالفلوس الي بابا الله يرحمه سبهالي وعملت حياه جديده ليه في القاهرة يومى بيبداء بان اروح كليتي الصبح وارجع من الكليه علي البيت اكل واذاكر شويه واقعد شويه علي الكمبيوتر وساعات اسراء زملتى في الكليه كانت بتبات عندى في الشقه .
دى حياتى العاديه حبيت احكيلك عنها قبل ماادخل في الموضوع ..

لما كنت بفتح الكمبيوتر لما برجع من الكليه كنت ببحث في الصفحات علي الفيس بوك والمواقع عن عالم الجن بس مكانش في حاجه بتشد انتباهي كله كلام مش حقيقي انا عوزه اكتشف العالم ده بنفسي مش عوزه اقراء كتب فيها اي كلام وخلاص ..

كتبت بوست علي جروب علي الفيس بك بيهتم في عالم ماوراء الطبيعه كتبت ( الي يعرف مكان مسكون او بيت بيحصل في حاجات غريبه ومش مفهومه يبعت ليه العنوان علي الخاص وبعدها قفلت الكمبيوتر عشان انام عشان اصحي بدري الكليه  .

نمت وصحيت عشان ابداء يوم جديد رحت الكليه  واليوم عدى عادى وروحت البيت حهزت الاكل وزكرت شوية وفتحت الكمبيوتر بتاعي عشان اول ما افتح لقيت رساله من حد وبتقول .

( السلام عليكم انا برسل حضرتك بخصوص البوست الي حضرتك نشرتي ) .
دى كانت الرساله وكان مرفق معاها عنوان لبيت في مكان ما في القاهره وبيقول ان البيت ده مهجور من سنين وديما اهل المنطقه بيقوله ان البيت ده بيحصل في حاجات غريبه ومش مفهومه ..

انا قلت اخيرا لقيت الي بدور عليه من زمان انا لازم اروح واشوف ايه حكاية البيت ده وانا مش هروح الكليه بكره انا هروح العنوان ده واعرف ايه حكاية البيت ده ..

قفلت الكمبيوتر وجهزة الشنطه بتعتى عشان بكره اكون رايحه العنوان ده .
نمت وصحيت وحضرت نفسي وعلي الساعه وحده الظهر كنت خرجه من البيت علي نفس العنوان بصراحه انا تعبت لحد ماوصلت للعنوان كان بعيد جدا بس وصلت للبيت اخيرا ..

اول ماوصلت قلت ان انا لازم اعرف الاول من الناس هنا ايه حكاية البيت ده واعرف شوية معلومات عنه قبل ما ادخل البيت .

بس الغريب ان كل مااسال حد عن البيت ده محدش يرد عليه وكله ينفر منى من الي بيحصل قولت في نفسي ان البيت ده اكيد حكايته حكايه ولازم ادخل واعرف سر البيت ..

رحت علي اتجاه البيت وقعدت اتامل في والبيت كان عباره عن ٣ طوابق وكان بيت من منظره بيدل انه بيت قديم جدا وكان بيت متهالك جدا كل الشبابيك متهالكه من الزمن وعلي الباب قفل متهالك ..

واثناء وانا بتامل البيت سمعت حد بيتكلم وبيقول ..

( السلام عليكم هو حضرتك صحبت البيت ده ) .

رديت عليه وقلتله ( لا انا مش صحبت البيت انا جيه هنا عشان سمعت ان البيت ده مسكون وبيحصل في حاجات غريبه وجيه عشان اكتشف سر البيت ده ) ..

رد عليه وقال ..
( انا كمان جى عشان نفس السبب الي انتى جيه ليه ) ..

قلت في عقلي طيب كويس جدا ان حد هيكون معايه ونكتشف البيت انا وهوه بدل ما اكون لوحدى ..

قلتله طيب احنا هندخل البيت ده ازاى ..
رد عليه وقال لاء احنا مش هندخله الان احنا هندخله لما الشارع يهده من الناس عشان مافيش حد يلاحظ اننا دخلنا البيت ويحصل مشاكل ..
بصراحه هو كان عنده حق ..

طيب احنا هنقدى الكام ساعه دى فين .
قالي احنا هنروح نقعد علي كافي شوب قريب من البيت
قلتله خلاص تمام ..

وصلنه الكافي شوب وطلب  عصير  ليه  ولي  واحنا بنشرب العاصير قالي ..

انتى بقا اسمك ايه قلتله انا اسماء وانتا اسمك ايه رد وقال انا محمود عندك كام سنه يااسماء قلتله انا ٢٠ سنه وفي كليه تربيه وانتا قالي انا ٢٥ سنه وبشتغل ف شركه ..

محمود : انتى بقا عرفتى عنوان البيت ده ازاى .
اسماء : انا عرفته عن طريق الفيس بوك كنت نشره بوست ان لو حد يعرف مكان مسكون او بيحصل في حاجات مش مفهومه يبعت العنوان علي حسابي علي الخاص وحد بعت الرساله وكان عليها العنوان ورحت علي العنوان لحد ماوصلت وقبلتك ..
وانتا بقا عرفت البيت ازاى ..

محمود : انا كنت راجع من الشغل وبالصدفه شوفت صندوق صغير علي الارض خت الصندوق ورحت البيت وفتحته وكان الصندوق في ورقه والورقه كان فيها شويت كلام مش مفهوم ومكتوب حروف وارقام مش عارف معناها ايه وكانت الحروف والارقم دى

( أ م س ج ١ ١ ٥ ٣ ح ح ٧ ٧ ) ..

انا مفهمتش ايه الي بيدل ليه الحروف والارقام دى وكانت في اخر الورقه مكتوب عنوان رحت علي العنوان ووصلت للبيت لحد ما قبلتك بس حاجه غريبه اوى ان احنا رحنه البيت في نفس الوقت ..

الوقت عده بسرعه لحد ما الساعه جت ٧ مساء

اسماء : الساعه ٧ يامحمود مش هنروح للبيت بقا .

محمود : ايه ده الوقت جرى بسرعه طب يالاه بقا ننزل ونكمل كلمنه واحنا في الطريق ..

وصلنا البيت ..

محمود : انا هدخل الاول وانتى ادخلي ورايا .

اسماء : لاء انا هدخل معاك ..
محمود : طيب يالاه ..
اسماء : ده البيت ضلمه اوى من جوه احنا هنقعد هنا ازاى .
محمود : استنى انا معايه موبايل هنور الكشاف واشوف اى لمبه اشغلها ..
اسماء : طيب مستنى ايه ماتشغل كشاف الموبايل .
محمود : طيب اهو ياستى كوبس لمبه ..
اسماء : طيب ما تفتح الكبس ..

محمود :  حاضر يا اسماء اللمبة نورت بس نورها ضعيف اوى وكمان البيت هيحتاج تنظيف وترتيب عشان نعرف نقعد في الكام يوم دول ..

اسماء : طيب يالا شيل معايه الكنبة دي ونضفها عشان نقعد فيها ..

محمود : طيب يااسماء ..

اسماء : محمود مش الكنبة دي احنا شلناها من هنا ايه الي رجعها مكنها تانى

محمود : ههه ده شكل شغل العفريت اشتغل ويستقبلوا الزوار الجداد
لا ده انا اروح اجيب من البيت حاجه ننور بيها وشويت شموع لزوم الشغل ..

اسماء : انتا هتسبني لوحدي وله ايه .

محمود : انتى خايفه من اولها هو احنا لسا عملنه حاجه ده لسا الطريق طويل وشكلنا هنشوف العجب في البيت ده انا مش هتاخر هروح البيت علي طول وهرجع انتى بس حولي تستكشفي اى حاجه جديده في البيت علي ما ارجع وانتى معاكى موبايل نورى الكشاف لحد ما ارجع ..

اسماء : طيب يامحمود ولو حصل اي حاجه هبقا اتصل بيك ..

لما اروح اكتشف البيت ده من الدور الثاني .
اول ما طلعت شوفت سهم من الدخان بيشير علي مدفئه اكيد المدفئة دي فيها سر واكيد بتوصل لمكان سري في البيت ده ..

اول ما رحت نحيت المدفئة قعدت أتأملها عشان اكتشف واعرف ايه سرها وخلال مانا بتأملها سمعت صوت خبطه جامده جايه من الصالة تحت اتخضيت منها نزلت جرى علي الصالة عشان فجأة ..

اشوف دخان كتير حدا في الصالة مش عارفه الدخان ده جاي منين مش قادره اشوف حاجه من الدخان قعدت اكح كتير من الدخان

وفي لحظه الدخان يشكل حروف وارقام في الهواء مش عارفه اقراء الحروف ولا عارفه افهم أي حاجه من الحروف والارقام كانت مكتوبه بالطريقة دي

( أ ج س ع ر ٢ ٢ ٥ ١٠ ) .

بس في لحظه جمله ظهرت من الدخان وعرفت اقراءها وكانت الجملة هيا

( انتم من اقتحمتم عزلتنا والان تبدا اللعنة ) ..
وزى ما الدخان والكلام المكتوب ظهر فجأة اختفي فجأة .
احنا فتحنا علي نفسنه باب ملعون مش عارفه مصيرنا هيكون ايه بسبب دخولنا البيت ده بس احنا لازم نكمل للأخر ونعرف ايه السر للأخر ..

انتى كنتي مختفيه فين ساعه عمال ادور عليكى في البيت كله وانا اكشفت حاجه غريبه ومش فاهمها بصي علي ساعتك يا اسماء
( ده كان صوت محمود ) ..

اسماء : انت الي كنت فين واتاخرت ده كله ليه وكمان انا مااختفتش ساعه ولا حاجه ده انا شوفت حاجات غريبه ولازم احكهالك

انت لما طلعت من البيت عشان تجيب الحاجات الي قلت عليها طلعت الدور الثاني من البيت عشان استكشف البيت من فوق والغريب ان شوفت سهم من الدخان متجه نحيت المدفئه رحت نحيتها وقعدت أتأمل فيها وفي لحظه سمعت خبطه قويه جايه من الصالة طلعت اجرى علي الصالة والمفاجئ اني شوفت ...

دخان كتير جدا في الصالة مش عارفه الدخان ده جه منين وشكل الدخان كلام مش مفهوم وبعد كده اتكتب عباره من الدخان ده .
( انتم من اقتحمتم عزلتنا والان تبدأ اللعنة ) .

وكل حاجه اختفت لحد ما انتا ظهرت وايه كمان حكاية الساعة دي .
محمود : بصي يا اسماء احنا مش وصلنا البيت هنا الساعة 7مساء ولحد ولما خرجت عشان اجيب شمع وكشاف من البيت ببص علي الساعة لقتها ٢ صباحا يعنى اكتر من ٦ ساعات عدو واحنا ما طولناش في البيت المدة دي كلها والغريب ان اول ما دخلت البيت تانى لقيت الساعة وقفه عند الساعة 7مساء انا مش فاهم حاجه واكيد البيت ده في الغاز كتير مش مفهومه ..

اسماء : ده صحيح الساعة وقفه عند الساعة 7مساء يعنى وقت ما دخلنا البيت احنا لازم ندور علي حاجه توصلنا لحل للغز البيت ده .

وف وقت مابندور ع خيط يدلنا ع لغز البيت ده ظهر كائن مرعب وشكلو غريب اوي نص اليمين بني ادم ونص التاني الشمال  ذئببس الغريبه انو  معملش اي حاجه ولا اتكلم ولا اي هجوم كل ال كان بيعملو باصص نحيتنا بصه تخوف مرعبه وفجاءه  طلع صوت مزعج جدا واتقسم نصين واتبخر

انا ومحمود من الرعب ال احنا فيه حاولنا نجري نطلع برا بس حصل اغرب شئ ان الباب مكنش موجود اساسا وكمان مكتوب بالدخان كلام كتير اوي مش مفهوم لكن ف اخر الكلام  لقد عادت اللعنه وانتم من بداءتم ولن تخرجو من هذا المنزل ابدا

فضلنا ندور ع مهرب ونطلع من البيت لكن كانها مقبره ومفيهاش ولا باب ولا شباك

قالنا مفيش مفر لازم نواجه مصيرنا ونكمل ونعرف ايه البيت ده  عدت نص ساعه  والدنيا هاديه ومحصلش اي حاجه تخوف  انا غلبني النوم  قلت ل محمود اني عايزه انام

من الخوف نمت جمب محمود ورحت ف النوم لكن صحيت ف مشرحه وفيها جثث كتير اوي اشكالهم غريبه وتخوف فيهم ال نص كلب ونص ثعلب  وال منهم جسم حيوان وراسو راس بني ادم ونفس ف ضهري شديد اوي بس محدش واقف ورايا

كل ما اتحرك النفس يشتد اكتر ويزيد حرارتو  انا فين ومحمود فين  واقفه وكل الجثث بصين نحيتي لكن منتظرين اشاره او حد مش عارفه بالظبط

انا لازم اخرج من هنا انا لازم ادور ع محمود  لقيت باب جريت عليه اكيد ده مخرج  لكن طلع باب لجهنم مش للخروج

ف بنت واقفه ف وسط نار  لكن مفيش حاجه لمساها من النار  جريت نحيتها عشان انقذها  لكن المفاجاءه انها اما جت تبصلي  مفيش اي ملامح لوشه مفيش وش  اصلا

وقفع استعجب ازاي ملهاش ملامح وف وقت ماكنت بتاملها لقيت وشها اتشق نصين وطلع منو حمم ولهب والنار ال ف المكان زادت ومسكت فيا

حسيت ساعتها اني خلاص دي نهايتي بص كنت سامعه صوت عمال ينده عليا فتحت عنيا لقيتني واقفه عند المدخنه و محمودواقف بيصحيني و بيقلي مالك في ايه عماله تقولي كلام مش مفهوم وقمتي مرا واكده وقفتي عند المدخنه وقلتي سوف تدفنون هنا والعذاب الاكبر سوف يأتيكم

فوقت وحكيت ل محمود ع ال شفتو فضل متنحلي وساكت كده دقيقه  ورجع قالي انا شفت نفس البنت دي عند المدخنه وانتي نايمه وفضلت مدياني ضهرها وفجاء اختف زاي ماجت فجاءه   احنا لازم نستكشف المكان ف اسرع مايمكن يامحمود  ايوا معاكي حق

طلع علينا الصبح وانا ومحمود مش عارفين نعمل ايه  محمود انا جعان هروح اجيب الاكل ال ف الشنطه واجي ناكل سوا  محمود راح ومغيش دقيقتين ولقيتو بينده عليا وواقف متشتت وبيقلي ايه ده ببص لقيت دم كتير وجمبها كتاب شكلو قديم قوي  ومترب وحوليه كئنات غريبه جدا اجسام بشره بس زي العناكب  احنا لازم نشوف الكتاب ده وايه علاقه الدم بيه وليه محطوط ف شنطه الاكل

فتحنا الكتاب ولقينا اغرب شي صور  لينا انا ومحمود ومكتوب عليها كلام غريب (چف گا لڤشز) وف الكتاب مكتوب

مكتوب بداءت الحرب الدمويه والبشريين من بداءوها ولكن لن يخرج احد من هذه المعركه اما الانصار لكم او لنا وشويه طلاسيم اما قرءنها البيت اتهز وكل حته ف البيت بقت عباره  عن براكين دخان ساخن

مش بس كدا وكل الكاءنات ال كنا بنشوفهم واحد ورا التاني كلهم ظهرو مع بعض ف وقت واحد

وفجاءه وانا وقفه جمب محمود  ايد ظهرت وشدت رجلي وبلعتني الارض لكن محمود ماسبنيش مسك ايدي وللاسف نزلنا انا وهو تحت الارض

نزلنا تحت الارض واغرب شي شوفتو الست جارتنا ال عمتي كانت بتتخانق معاها فاكرينا  كانت موجوده تحت الارض  وهي والست التانيه ال كانت بتعمل اعمال ل عمتي كانو بيسكنو البيت ده زمان بس اتلعنو من الجان واتحبست ارواحهم وكان اي حد يدخل البيت ده مكنش بيطلع وكان الشكل مرعب تحت براكين دم وجثث والست جارتنا طلعت لنا وراحت ضاحكه ضحكه تخوف ورمت علينا انا ومحمود حاجه كده غريبه لونها اسود بعدها اغمي علينا  واما فوقنا

لقينا نفسنا ف البيت ولقينا اغرب شئ تتوقعوه انا ومحمود بقينامسخ جسمنا بقا جسم واحد وشكلنا مرعب ومش فاهمين ليه مش عارفين ازاي هنواجه الناس ولا ليه احنا كدا

طلعنا من البيت ع امل ان احنا نرجع لشكلنا الطبيعي اول مانخرج من البيت لكن لا اول ما الناس شافونا بقو يجرو ويهربو وينفرو مننا مقدرناش نتعايش مع الواقع المؤلم ده رحنا مكان مهجور وقعدنا فيه لاننا مكنش ينفع نعيش وسط الناس تاني وطبعا انا بكتبلكم الكلام ده وبعده مش هنكون موجودين في الدنيا لان ده خلاص مصرنا وهو الموت وانا كتبت الكلام ده قبل ما نموت واكيد هيوصل ليكم يمكن ما تصدقوش الكلام ده بس هو ده الي حصل معانه  ..