رواية نقطة و سطر جديد (الحلقه الرابعه)
الفصل الرابع
انا نزلته عشان شيماء طلبت انزله مع ان مش هيجيب تفاعل بس متنسوش رأيكم
نسرين بضيق : يعني ايه مش هتزف في العربية
علي بعصبية : هنعمل ايه يعني مش كفاية عربيتي اللي باظت دي
قرب منهم سواق توكتوك ( سعيد )
سعيد : تحب اوصلكم انا يا استاذ علي
علي : ماشي يا سعيد اركبي يا نوسا
نسرين بنرفزة : مستحيل أركب البتاع ده انت عارف شكلي هيكون ايه قدام صحابي و اهل الحارة دول كانو يفضحوني بيها بقي انا نوسا اتزف ب توكتوك الحقيني يا ماما
مامتها:مينفعش يا علي صح اتصرف يا حبيبي
علي : وانا اعمل ايه يعني ما قدامكم العربية و اتحرقت و الكاوتشات و نامت خلاص هتركبي ولا نروحها مشي
نسرين : مستحيل يا مامي اتصرفي
علي : لا متعوجيليش لسانك ده يا بنت سعدية مالو التوكتوك حلو اركبي بقي اتأخرنا علي الناس
نسرين : طب شوف عربية حد من صحابك
علي : صحابي كلهم معفنين مش معاهم عربيات جايين في تكاتك و موتيسكلات نفسي اعرف مين اللي عمل العملة السودة دي في العربية
ركبت نسرين و هي متضايقة
___________________________________
وصلوا لمكان القاعه قبل ما يدخلو
وقفت "نور" بتستجمع نفسها و قوتها
لاحظ اسلام : مالك يا نور .. نرجع؟
نور : لا انا كويسة
مسكها اسلام من ايديها ودخل القاعه وشافوها اصحابها واتفاجئوا أنها جت تحضر الخطوبة وقربوا منها
.... : نور ..
معقولة انتي جيتي ازاي
..... : ده اسلام اخوكي قمر اوي و مين اللي معاه ده حاجة جامدة كدا
قامت نور و معاها إسلام تبارك ل ( علي و نسرين ) لاحظت نسرين الثقة اللي كانت فيها فعلا حضرتك الخطوبة و علي كان مش مصدق ان نور ممكن تيجي
نسرين : ناني ميرسى يا حبيببتى انك جيتى مكنتش اتوقع بصراحة قولت انك هتعتذري و تقولي انك تعبانة و بصراحة استغربت اكتر لما جيتي بتضحكي و مبسوطة اصل اي حد كان هيقول
قاطعها إسلام و غمز بإعجاب ل نور: لا كان هيقول ازاي القمر نزل من السما علي الارض و بيحضر خطوبتك ده كلو الا انتي يا نسرين اول ما قالتلي نروح خطوبة "علي و نسرين " حسيتها احلوت كدا و نفسيتها بقت احسن بكتير و طبعا زي ما انتي شايفة قمر طول عمرها
نسرين بضيق و استغراب : امممم لا والله معقولة
خبطت "نور " رجل "إسلام ": مبروك يا نوسا ربنا يسعدكم
يا حبيبتي
نسرين : عقبالك يا ناني
نور بصت لاسلام : تعالى
بقى نرجع ترابيزتنا علشان الجو هنا حر اوى
اسلام : انا بقول كدا برضو يلا بينا
اما علي كان عينيه متشالتش من علي نور و لاحظت نسرين و اتضايقت
نسرين بعصبية : ايه يا علي مالك هي عاجباك
علي : ها ايه اللي بتقوليه ده و بعدين انا في الاخر مش خطبتك انتي
نسرين : يوووه بقي
البنات مستغربين من تماسك نور و بتضحك و باين عليها الفرحة فعلا
اسلام شدلها الكرسي و أكلها الجاتوه بنفسه كان بيحاول يغيظ صحاب نسرين
نور ضحكت : خف بقى يا ظريف
اسلام : ايه فى ايه..
نور : ايه يا واد السهوكة اللي انت فيها دى
اسلام بيغمزلها :معجب بقي اعمل ايه
نور:اعمل خط وامشى عليه
اسلام :لا هلعب باليه
عمرو ضحك : اللي ميعرفكمش يقول اتنين مرتبطين مش 2 اخوات صحيح هما بيبصوا عليكي ليه يا نور
نور : مكنوش يتوقعوا انى هحضر الخطوبه اصلا
بياكلها بايديه : خليهم يتوقعوا
ضحكت "نور" وخبطته ف كتفه
بدأ اول رقصة و نور قامت من الكرسي و شاورت ل ميشو و غمزتله
و ال دي جي شغل أغنية ( أبعد عني )
قامت نور و قربت من واحدة صاحبتها ايام الثانوي
نور : دعاء .. دودو تعالي عايزاكي
دعاء : ايه يا نونا
نور : إسلام اخويا .. عايزاكي تلهيه
دعاء باستها من خدها: بجد يا نونا مش عارفة اقولك ايه اخدتي بالك اني معجبة بيه صح
نور : اهدي يا بت قصدي تلهيه قوليلو تعالي وصلنا برة اجيب حاجة اي حوار بس خليه يطلع برة ظبطي كدا
دعاء : ايه ده ليه
نور :هقولك بعدين
دعاء قربت من كرسي اسلام و طلبت منه يخرج معاها تدور علي أخوها الصغير بحجة أنها مش لاقياه و نور أصرت يروح معاها و اضطر يخرج و هو مخنوق لكن كان عايز يلاقي الطفل عشان خايف عليه
دعاء : تعالي ندور عليه في القاعة اللي فوق
اسلام : ماشي
_____________________________________
قامت نور و رقصت علي الأغنية و الكل كان مركز معاها كانت اجمل واحدة في الحفلة و نسرين اتضايقت و كل شوية تتعصب علي ( علي ) و طلبت منه يقولها تروح او تبطل رقص
قام علي و حاول يقولها كفاية الكل مركز معاكي شدته يكمل معاها الرقصة وصلت الأغنية عند الكوبليه
الاقي زيك فين ياعلي وانت في العين دي والعين دي يا علي
و اتفاجأ علي ب الأربع بنات اللي كان مرتبط بيهم مع نسرين في نفس الوقت بيرقصوا معاه
علي : عملتيها يا نور .. ارجوكي مشيهم
نور : لا
علي :يا نور عشان خاطري كفاية بقي
____________________________________
عمرو كان عايز يروح يقولها كفاية رقص لكن مش من حقه و خصوصا انه عارف نور بتحرج اي حد فكر يتصل علي إسلام
عمرو : أيوة يا اسلام مش وقته انزل بسرعة نور ...
مسكت بنت من اللي نور عزمتهم المايك
البنت : مساء الخير عليكم احب اقول مبروك ل لولو حبيبي مبروك يا حبيبي بقيت راجل و بتخطب اهو اصل حبيبي كان معشمني انه هيجي بس قالي ان المشكلة في امه اصل هو بيسمع كلامها اوي و مش هينفع يخطبني
في اللحظة دي اسلام كان نازل من القاعة و شافها شدها من ايديها بعصبية و خرج من القاعة
اسلام : انا اللي غلطان اني جبتك اصلا
و بالفعل الخطوبة باظت و معظم الناس مشيت و بيضحكوا
___________________________________
تاني يوم الصبح
سمر بتتصل علي عمرو و هو مبيردش عليها و اخيرا قرر يرد
عمرو :نعم خير حضرتك عايزة ايه
سمر : ايه يا عمرو مبتردش ليه
عمرو :انجزي عايزة ايه
سمر : طيب انا كنت عايزة اقولك انهاردة ميعادك عشان تشوف جوري و كمان عشان تطلقني رسمي
عمرو بخنقة : طيب حاجة تاني
سمر : لا .. باي
_____________________________________
شاهيناز صحيت بدري اليوم ده و دخلت المطبخ كانت نور بتجهز فطار ل عمرو مرضيتش تنكد عليها بالليل خصوصا أن أخواتها كانوا صاحيين ف قررت تستني للصبح
نور : ايه يا ماما صاحية بدري يعني انهاردة
شاهيناز : اه قولت اجي اساعدك
نور : هه اتفضلي
شاهيناز : ده الفطار بتاع زينب صح
نور بتوتر: اه يدوب اروح اوديهولها دلوقتي
شاهيناز : اه تحبي اجي معاكي
نور بتوتر:ها لا متتعبيش نفسك انا هروح بسرعة
شاهيناز : اصل انا كنت عندها امبارح و قالتلي أنها زعلانة منك بقالك اكتر من اسبوع مش روحتيلها ليه كدا يا نور ؟
نور : ماما انا
شاهيناز : انتي تفهميني كدا الاكل ده بيروح فين
نور : حاضر حاضر هفهمك بس ممكن ادخل الحمام بس و هطلع احكيلك
شاهيناز بعصبية : اتنيلي
دخلت نور الحمام و خرجت موبايلها من جيب البيجامة و اتصلت علي ميار صاحبتها (اخت علي)
نور : أيوة يا ميار ركزي معايا
ميار : معاكي في ايه
نور : لما بتحوري علي مامتك و تكدبي عليها بتعملي ايه
ميار ضحكت : لازم اعرف الحوار علي حسب يعني يا نور الموضوع
نور بنرفزة : يا ميار ساعديني بتتنيلي تحوري ازاي لو كدبتي عليها انك مثلا كنتي هتودي اكل ل جارتك و طلع اكلتيه انتي
ميار: طب ايه الحوار في كدا عموما قوليلها وديته لحد محتاج و خوفتي هي تزعقلك
نور : طيب سلام دلوقتي
خرجت نور من الحمام و دخلت غرفتها و بتدعي ربنا مامتها تصدقها
شاهيناز بحدة:ها اتفضلي قولي
نور :بصي يا ماما الحوار ان انا
سكتت لحظات
شاهيناز : كملي
نور : بصي هو المفروض ان انا هحور عليكي و هكدب لكن انا رجعت في كلامي و هقولك الحقيقة لاني عمري ما كدبت عليكي و لأنك عودتيني أحكيلك اي حاجة بس صدقيني انا معملتش حاجة غلط ولله العظيم
شاهيناز : قولي
حكت نور لوالدتها كل شيء ما عدا انه كان قاعد معاها في شقة ياسمين و زودت أن عمرو كان بيدفعلها فلوس الاكل
نور : بس هو ده كل الحوار انا كنت بدفع الفلوس اللي بيدهاني عمرو و انا بشتري الخضار او الفراخ
شاهيناز : و بتدخلي شقته ولا بتوديله الاكل ازاي
نور : لالا انا بديلو الاكل من برة
شاهيناز : و مجتيش قولتيلي ليه
نور : يا ماما كنت خايفة ترفضي انا معملتش حاجة غلط يا ماما
شاهيناز : طيب نتكلم في الموضوع ده لما ارجع من المستشفى انا ماشية دلوقتي
_____________________________________
دخلت "جوري" غرفة والدتها و هي بتلبس
جوري :مامي...
سمر : نعم يا جوري...
جوري : انتي خارجة؟
سمر : اه
جوري: هشوف بابي امتي .. مش انتي قولتي بعد اسبوع
سمر : اه يا حبيبتي بس حصل ظروف معاه
جوري بصوت مخنوق: و الظروف زعلانة مني ليه و مش عاوزاني اشوف بابي
سمر: عادي يا جوري هخليكي تشوفيه قريب بس روحي علي أوضتك دلوقتي يا صبااح تعالي شوفي جوري لبسيها عشان تروح المدرسة
دخلت صباح غرفة سمر و اخدت جوري ل اوضتها
صباح : مالك يا جوجو
جوري :انا زعلانة من مامي و زعلانة من الظروف اوي تفتكري يا صباح ممكن اقابلها ؟
صباح : هي ايه دي يا حبيبتي
جوري : الظروف يا صباح .. عايزة اقولها خليني أفرح بقي...يمكن لما تشوفني تزعل عليا هي كمان وتخليني أفرح و بابي يرجع بسرعة
ضمتها إلى صدرها :
_ بإذن الله يا جوجو هتفرحي يلا بقي عشان تاخدي الحقنة
_____________________________________
في شقة عمرو
كانت نور قاعدة معاه في الريسبشن و بتتكلم معاه
عمرو : بس انتي شكلك لسة بتحبيه
نور :بالعكس ده انا بكرهه
عمرو : ده بعد ما خطب صاحبتك
نور : لا من قبل من اول ما كان بيخوني و اسمع من ده و ده كرهته جدا
عمرو : و فضلتي معاه كل ده ليه
نور : كنت صغيرة شوية و بحبه لحد ما قدرت اخد موقف و قولت دي هتكون اخر فرصة و الحمد لله نسيته خالص
____________________________________
بعد المغرب
اتصل إسلام علي "ندي" يسألها علي العنوان
إسلام : أيوة يا ندي ازيك
ندي : ازيك يا مسيو
إسلام : نسيت اخد منك العنوان من بعد ما اتفقتي معايا علي مواعيد الدرس
ندي : اه سوري يا مسيو نسيت خالص
إسلام : تمام قولي بقي عنوانك فين؟
ندي : التجمع الخامس
إسلام ضحك : لا بتكلم بجد
ندي باستغراب : التجمع الخامس
إسلام :يا بنتي أنا مش جاي أخطبك ..يعني عادي ممكن تقولي الحقيقة بولاق،امبابة،شبرا
ندي ضحكت : التجمع الخامس فيلا حسين عباس جنب كايرو فيستيفال سيتي
رفع حاجبه اليمين بدهشة :سيتي
ندي : لأ سيتي أنا
اسلام ضحك : هههههه طيب تمام هوصل و اكلمك تاني سلام
____________________________________
في فيلا سمر
كان عمرو موجود و معاه سمر و حسام و باسل صديقه ، كان عمرو في الحديقة و معاه جوري دخلت عنده سمر
سمر : المأذون خلص و يلا عشان تمضي ممكن بقي تتفضل
دخل عمرو و بص ل باسل باحتقار لحظات مش قادر يصدق ان ده كان صاحبه في يوم
المأذون : اتفضل امضي هنا يا استاذ عمرو
خلص عمرو الإجراءات و سمر طلبت تقعد معاه
سمر : اسمع يا عمرو انا عارفة انك عايز بنتك لكن صدقني وجودها معايا افضل .. انت مش هتقدر تصرف عليها ولا هتوفرلها مصاريف مدرسة و مينفعش ننقلها من مدرسة انترناشونال ل مدرسة حكومة و مصاريف علاجها و لبسها كل ده انت مش هتقدر عليه ف انا شايفة وجودها معايا افضل
عمرو : و يا ترى مسموحلي اشوفها كام مرة سيادتك
سمر : مرة كل أسبوعين كويس
عمرو : محتاج اخد حاجات من اوضتي
سمر : حاجات ايه
عمرو بعصبية: ميخصكيش
سمر : تؤ تؤ اتكلم بهدوء يا عمرو دلوقتي مش من حقك تاخد اي حاجة و ياريت تتفضل دلوقتي
عمرو : سمر عايز ادخل اوضتي اخد حاجات منها
سمر : قصدك شهاداتك اتفضل انا مجهزاهالك اهي
اخد الشهادات منها و هو خارج الحديقة قابل هاني في طريقه مسك الملف الي موجود فيه شهادات عمرو C.V بتاعه و ضحك بسخرية
هاني: الشهادات دي تبلها و تشرب مايتها عشان موصي عليك توصية جامدة انك متشتغلش
مسكه عمرو من لياقة القميص بعنف
عمرو بعصبية : يا بن ال ***
اتدخل 2 من البودي جاردز و خرجوا عمرو من الفيلا
سمر : سيبوه يقعد مع بنته شوية و بعد كدا يروح
كانت جوري قاعدة في الحديقة راح عندها و قعد معاها
عمرو : حبيبتي انا ماشي
جوري: بابي انت مش قاعد معانا ليه
عمرو : عشان انا و ماما اتطلقنا
جوري : يعني ايه
عمرو : يعني سيبنا بعض
جوري بحزن: مش انت بتحبها و هي بتحبك ليه سيبتها انا عايزاك معايا متمشيش
عمرو : حبيبتي لما تكبري هتفهمي
جوري لاحظت أنه متضايق:بابي...أنت زعلان ؟
نزلت دموع من عينيه
_ أيوة انا زعلان علشان أنتى زعلانة...ولما تفرحي بابي كمان هيفرح
جوري : خلاص يا بابي انا مش هزعل تاني عشان انت متزعلش
عمرو : حبيبتي عايزك تفهمي أن ده غصب عني وجودك مع مامي افضل
جوري : بس انا زعلانة اوي انا عايزة اروح معاك عشان انت هتوحشني اوي
عمرو باسها من خدها: وانتي هتوحشيني جدا متقلقيش انا هشوفك كل أسبوعين .. بصي لما اوحشك هاتي صورتي و احضنيها و نامي و انتي بتفكري فيا هتحلمي بيا انا لازم امشي دلوقتي يا حبيبتي و هشوفك تاني
____________________________________
وصل إسلام بالتاكسي للعنوان اللي قالته ندي و كان حاسس أنها بتكدب
رن الجرس و فتحت الشغالة و دخلته
كانت ندي منتظراه في الريسبشن لما سمعت صوته خرجت
ندي : اهلا يا مسيو اتفضل
اسلام بدهشة : ده طلع بجد انتي ساكنة هنا فعلا انا اسف
ندي : بتعتذر عن إيه؟؟
اسلام :عن موضوع امبابة وبولاق
ندي: لا..عادي.. بس انت مستغرب كدا ليه
اسلام : اصل انتي حسيتك بسيطة وضحكتك قريبة دايما، و باين عليكي جدعة و بتهزري كتير ف استغربت
ندي قاطعته: ليه هم بنات شبرا وامبابة بس هم اللي فرفوشين و دمهم خفيف، وبنات التجمع الخامس لا
اسلام : لا ده الي شوفته بصراحة اتعاملت مع ناس كتير زيك كدا في الكلية و مفيش حد فيهم زيك يعني
ندي : لا بعد كدا بقي تشوف كل الناس بنظرات مختلفة و تصدقني بعد كدا
إسلام بابتسامة : اكيد طبعا يلا نبتدي الدرس
ندي : مالك داخل حامي كدا ليه يا مسيو ارتاح شوية و بعدين نبدأ
إسلام : لا للاسف فات 55 دقايق ف مفيش وقت يدوب نبدأ
ندي :تحب نبتدي فين ممكن في الريسبشن هنا
اسلام : اه ممكن
قعد ندي و اسلام كانت مجهزة ترابيزة و كرسيين
إسلام : الأول هنبتدي ب ..... عشان هو اللي بيلموا عليه منهج grammar كلو
ندي : اوف انا بجد بكره الجرامر كلو
إسلام : مش شرط تحبيه او تكرهيه المهم تفهميه عشان تنجحي فيه
____________________________________
تاني يوم الصبح
نور كانت واقفة عند محل فول و فلافل فتحي ( للفول و الطعمية )و بتفطر و بتساعد فتحي في تحضير الساندويتشات
دخل عمرو المحل لأنه كان ماشي من قدام المحل و شافها ف دخل عندها
عمرو : بتعملي ايه هنا بقيتي seller ( بائعة ) فول و طعمية
نور بتبص حوالیا لاقت عمرو واقف وراھا
وضحكت
نور : اصلى فطرت ومكنش معایا فلوس ف عم فتحي اخدنى رھینة
فتحي ضحك : ربنا يسعدك يا نور يا بنتي
عمرو : بجد طیب كویس یلا روحى ھاتى ٢٢ سندوتش وكوبایة شاى علي حسابك
نور : یاصباح الطمع .. بدل ما تقولى انا ھدفعلك الرھن
وكده
عمرو: وحد قالك تتفجعى علي الصبح كده
نور: بتبصلى یا عمرو فى الكام سندوتش اللى ضربتھم اصل الطعمية حلوه اوى
عمرو ضحك : طب هاتيلي شاي بقي
نور : لا روح ھات لنفسك
عمرو : لا ھاتیلى انتى اصل الشاى من ایدك طعمه
مختلف
نور بتبصله: لا یاراجل علي اساس ھنا انا عاملاه
عمرو : لا جیباه
نور بتضحك: شاى ھنا وشاى فى البیت ایه الرحمة
دخلت نسرين المحل و بصت لنور ب سخرية
نسرين : انكل فتحي بليز عايزة 4 Green Burger
فتحي : عايزة ايه
نسرين : Green Burger ( طعمية )
فتحي : ده اسم دوا بلغم ده يا بنتي ولا ايه عموما هتلاقي طلبك عند الصيدلية اللي جنبنا دي
نسرين : صيدلية ايه بس يا انكل انا عايزة 4 Green Burger
فتحي : معنديش يا بنتي الحاجات دي
نسرين : لا يا انكل اهي بليز يا ناني ممكن تجيبيلي انتي بما انك اشتغلتي seller هنا
نور بصتلها ب قرف : عايزة ايه يا عينيا
نسرين : Green Burgerr اللي هي دي يا انكل
( شاورتله عليها )
فتحي : لا دي طعمية
نسرين :whatever انا عايزة منها 4 صاندويتش
نور : قصدها شندوتش يعني يا عم فتحي طب ما تقولي عايزة طعمية يا بنت تانت ( طنط ) سعدية
نسرين : اوووه بجد الفاظك بلدي اوي اوكيه انا عايزة صاندويتش بابابينز يا انكل
فتحي بعصبية:لا حول ولا قوة الا بالله شاوريلي يا بنتي علي البتاع ده
نسرين شاورتله علي الفول:ده يا انكل
فتحي :ده اسمه فول يا بنتي
نسرين : whatever انا عايزاه
نور : الله يرحم ابوكي كان بيشرب الشوربة بالخرطوم و جدك كان بيركب الحمار و يبدل
نسرين : مش هرد عليكي
اشترت نسرين الفطار و نور خرجت من المحل هي و عمرو
نور : علي فكرة ماما عازماك انهاردة علي الغدا
عمرو : اشمعنا
نور : ها لا اصل بتقول يعني انت وحيد و كدا و اكيد بتاكل اكل جاهز ف قالت هتعزمك هتيجي
عمرو : ماشي هشوف كدا
نور : لا مفيش حاجة اسمها هشوف هتيجي صح
عمرو : ماشي
____________________________________
تاني يوم كان عمرو عند اسلام و بيلعبوا بلايستيشن
اسلام :برشا .. برشا اووووه
عمرو : اووه ايه يابني
اسلام : يا عم باصي بقي باصيلو و اديلو بقي يا عم
عمرو : التاني هيجي دلوقتي هيجي بقي أيوة بقي
عمرو بصوت عالي : جوووول
اسلام : لا يا عم ده حظ
عمرو ضحك : يا لوما انا محدش يقدر يكسبني فيها مصدقتنيش
دخلت نور عندهم
نور : في ايه انت و هو صوتكم عالي ... الغدا خلص مش هتاكلوا
اسلام : استني يا نور بعد الماتش ده
نور : يلا يا إيسو بقي العب بعدين
عمرو ضحك : خلاص يا إيسو انت كدا كدا خسران
اسلام : طب عشان ضحكت بقي الماتش ده هيتحسب تعادل
عمرو ضحك : عادي يا لوما انا بكسب كتير كدا كدا
اسلام : ماشي يا عمرو بس شوف مين هيخليك تلعب معايا تاني
عمرو : خلاص يا حبيبي انت اللي كسبت 2 _ 0 قشطة
اسلام : قشطة يا معلم يلا نروح ناكل بقي
نور : طيب انا هروح احط الاكل علي السفرة علي ما تقفلوا الماتش
خرجت نور و اسلام قفل اللعبة
عمرو :إسلام انا طالب منك طلب
اسلام : اتفضل يا مارو
عمرو : إسلام انا عايز اشتغل اي حاجة مش مهم بس للاسف شهادتي مش هينفع اشتغل بيها لان في واسطة جامدة اني مشتغلش في اي مكان و من فضلك من غير ما تسألني ليه و مين اللي بيعمل كدا انا عايز اشتغل اي حاجة
اسلام : أي حاجة مهما كانت
عمرو : اي حاجة
_____________________________________
بعد مرور ايام
في المدرسة وقت البريك
اسلام كان قاعد في الفصل بيكتب حاجات دخلت مرام عنده
مرام :إسلام ازيك ممكن اقعد معاك شوية
اسلام بخنقة : مرام ... ممكن كفاية اوي اسلوبك ده انا عمري ما هيكون في بيني و بينك حاجة عن اذنك
مرام : إسلام انت ليه بتعاملني كدا
اسلام : عشان انا مش عايز كدا انتي حاجة وانا حاجة و انا مش بفكر في اي ارتباط اصلا ف ياريت تبعدي عني بدل ما انا اللي انقل من المدرسة
مرام :ماشي انا خارجة
مرام في سرها :بس خليك فاكر ان هيجي وقت و هتندم و هتطلب مني نرتبط وقتها انا اللي هقولك لا
و هي خارجة دخلت ندي الفصل
اسلام لنفسه : يوووه كنت ناقص بقي
ندي :مسيو ازيك
اسلام : تمام
ندي : ممكن اقعد معاك شوية
اسلام : ما تروحي تقعدي مع صحابك خليكي معاهم و كملي اكلك
ندي : لا لا عادي انا هجيب اكلي و اقعد معاك و بالمرة افتح نفسك علي الاكل
فتحت شنطتها و خرجت اللانش بوكس و كان معاها ساندويتشات و شيبسي و بيبسي
اسلام لنفسه : الله يخربيت سنينك انا كنت ناقص مش كفاية مرام
ندي : ايه مبتاكلش ليه هو انا سديت نفسك
اسلام :لالا بس يعني مرة واحدة كدا فجأة حسيت نفسي اتسدت و مبقتش جعان
ندي :امممم تلاقيك اكلت الصبح
اسلام : لا مفطرتش اصلا
ندي : طب ايه
اسلام : مش عارف بقى
ندي قربت منه ومسكت ساندويتش قربته من فمه
ندي : يا مسيو انت لازم تتغذي كويس ده انت بتتعب و بتشتغل كتير بص انا هأكلك يلا هم يا جمل
اسلام :هم يا جمل ايه بس يخرب عقلك لو حد شافك كدا هيكون منظرنا زبالة
ندي ضحكت : ايه يعني باكلك
اسلام قام من علي الكرسي و بيلم حاجته: طيب انا لازم امشي
____________________________________
في شقة عمرو
نور بقلق : انت مش ملاحظ انك بتتأخر اوي
عمرو : ايه قلقانة عليا ؟
نور بإرتباك: مش حوار قلق ، لا طبعا قلقت عليك انت متعرفش حد هنا و مش معاك فلوس كفاية و حتي مبتردش علي موبايلك
عمرو : سوري هحاول معملش كدا تاني
بتبص علي هدومه اندهشت و بصوت عالي :
_ إيه اللي بهدل هدومك بالشكل دا....أنت انت.. كنت فين؟
عمرو : مفيش كنت بتمشي و ماخدتش بالي سندت علي عربية و كانت مش نضيفة
نور : طيب .. خد لك دش على ما اسخنلك الاكل اللي برد
عمرو : لا انا أكلت
نور : علي فكرة انا ملاحظة انك مش بتاكل الاكل اللي بجيبهولك خالص الاكل زي ما هو في التلاجة
عمرو : لما أشتري الأكل من فلوسي هبقى اكل
نور بغضب: يوووه بقي في ايه يا عمرو احنا واحد علي الأقل الفترة دي لحد ما تشتغل
عمرو : لأ مش واحد يا نور انا وانتي مش واحد خالص
نور : هو ايه اللي حصل يا عمرو انت مبقتش تاكل ليه
_____________________________________
تاني يوم
في المدرسة وقت البريك
كانت نور مع اسلام في المدرسة و ندي و صاحبتها روان واقفين بعيد منهم
ندي : رورو انتي يا بت
روان : نعم
ندي : هي مين البت اللي شكلها وحش و ملخبط دي اللي واقفة مع اسلام تبقي مين
روان بصت اتجاه اسلام و اندهشت
روان بتضحك : ايه ده حرام عليكي يا شيخة بقي المزة دي دي شكلها وحش و ملخبط ده احنا اللي ملخبطين اسكتي والنبي .. تاكلي شيبسي؟
ندي بصتلها بغضب: تصدقي انا غلطانة اني باخد رأيك ولله انا رايحة عندهم اشوفها مين دي
روان : يخرب عقلك هتعملي ايه يا مجنونة .. وانا مالي أكمل الاكل ده .. لالا احسن المجنونة دي تعمل حاجة اما اروح الحقها
ندي وقفت مع اسلام و نور و هي بتتفحص نور بنظراتها
ندي : ازيك يا مسيو
اسلام : اهلا ازيك يا ندي عاملة ايه ؟ ..
وقفت روان معاهم
روان همست ل ندي: احم ندي يلا
ندي :لا
نور : لا بس المدرسة طلعت حلوة
اسلام ضحك : يا بنتي كفاية جنان بقي و حرام عليكي البت كل ما تشوفيها تديها كلمتين حلوين كفاية
نور ضحكت : هي اللي بتجيبه لنفسها يا بيبي
ندي بصتلها بغضب بتحاول تخفيه
ندي في سرها:بيبي بتقوله يا بيبي
نور : قلبك كاروهات ولله ..
و بصت ل ندي و روان : علي فكرة لوما قلبه كاروهات جدا
ندي بضحكة مصطنعة :امممم اه فعلا
اسلام :هو انتي مش كلمتيني و قولتي انك رايحة مشوار و مروحة
نور : مانا حبيت اعمل عليك كبسة بس من غير لحمة
اسلام و روان ضحكوا
اسلام : سكر .. سكر يا روحي
روان خبطتها في رجلها و بصوت هاديء: ندوش حبيبتي اضحكي
ندي : أضحك علي ايه دمها تقيل اصلا
روان : حرام عليكي دي سكر و دمها خفيف
نور لاحظت ان ندي مبتضحكش: للدرجة دي دمي تقيل صح
ندي بضحكة صغيرة : لا خالص دمك خفيف جدا يعني جدا
نور ضحكت : ولله انتي عسل اوي
نور موبايلها بيرن
نور : طب ثواني ارد علي ولاء بتتصل و راجعالك
وقفت نور بعيد عنهم
نور : ايه يا لولو ازيك
ولاء : الحمدلله .. انا عايزة منك طلب يا نور
نور: اتفضلي
ولاء : مصطفي جوزي لما يتصل عليكي قوليلي انك كنتي بتكلميني انهاردة الساعة 5 بعد الفجر
نور باستغراب: ليه انتي كنتي بتكلمي مين اصلا
ولاء :كنت بكلم وليد
نور بعصبية: انتي مجنونة يا ولاء انتي لسة بتكلمي وليد .. وليد اللي سابك زمان قبل ما تتجوزي مصطفي و بتكلميه ليه انتي دلوقتي المفروض ست متجوزة حرام عليكي بجد
ولاء بتبكي: والنبي يا نور ساعديني و مش هكلمه تاني عشان خاطري يا نور مصطفي بيرن علي رقم وليد و وليد لما سمع صوته قفل السكة و قفل الموبايل لان بعتله رسالة يقفله و لما سألني قولتله ده نور كلمتني من موبايل مامتها عشان خاطري ساعديني
نور : ماشي اول ما يتصل هرد عليه و اقوله اني كنت بكلمك
ولاء :ربنا يخليكي ليا يا نور انا مش عارفة من غيرك كنت هعمل ايه
نور :متقوليش كدا بس خلي بالك من بيتك و جوزك
ولاء : حاضر انا هقفل دلوقتي عشان بكلمك من وراه سلام
قفلت نور معاها و هي مش عارفة اللي هتعمله ده صح ولا غلط لكن قالت يمكن ربنا بيديها فرصة تانية و اكيد مش هتكررها و هتبعد عن وليد
اما ندي كانت هتموت من الخنقة
ندي : مسيو هي مين البت الوحشة دي
خبطتها روان في كتفها: ههههه عسل يا ندي
اسلام رفع حاجبه باستغراب : دي وحشة نور دي قمر
ندي : دي قمر قمر ازاي يعني
رجعت نور ل اسلام
نور : معلش اتأخرت عليك
اسلام :لا ولا يهمك هو انتي غيرتي تسريحة شعرك
نور : اه ايه رأيك
اسلام : حلو طبعا اي حاجة عليكي لازم تكون حلوة
ندي بصتله و عيونها هتدمع من الغيرة و هو مش قادر يفهم عصبيتها و نظراتها دي معناها ايه
نور : بطل مجاملة يا لوما
اسلام بيوجه كلامه لندي: طب بذمتك مش حلو عليها يا ندي
ندي بغيظ : ااه حلو حلو اوي
نور : شكلك بتجامليني صح
اسلام :طب انا و هجاملك عشان اخوكي هي هتجاملك عشان ايه
ندي اتحولت ملامحها من الغضب للسعادة : ايه اختك .. احلف بجد انتي اخته
نور ضحكت : هو مش باين
اسلام بص ل ندي و غمزلها: علي فكرة ندي اول ما شافتك لما وقفتي تكلمي ولاء قالتلي مين البنت ال..
ندي بلعت ريقها و قاطعته : اللي زي القمر دي
اسلام : أيوة صح قالت كدا مش كدا يا روان
روان : اه فعلا و دي حقيقة انتي جميلة
نور ضحكت : ولله انتو اللي زي القمر ..
موبايلها رن
ثواني هرد علي ولاء
بعدت نور عنهم و بترد : الو .. أيوة انا نور ااه ازيك يا مصطفي .. اه فعلا انا كلمتها انهاردة من موبايل ماما
اسلام : البنت الوحشة دي تبقي اختي ها
ندي باحراج : ولله انا كنت بهزر دي زي القمر و علي فكرة اصلا يعني انا كنت حاسة من الأول أنها اختك اصلا يعني
اسلام :اصلا كدابة
روان ضحكت : أيوة صح يا نودي انتي مكنتيش تعرفي أنها اخته
نور وقفت معاهم مرة تانية
نور : صحيح ما تعزمهم يا اسلام علي خطوبة عدي ايه رايكم تيجو يا بنات
روان :بابا ممكن ميوافقش بس لو عرفت هاجي انما ندي عادي عندها
نور : خلاص تعالي انتي يا ندي
ندي : اه طبعا جاية
نور : تمام هاتي رقمك بقي عشان اكلمك وقتها و اتفق معاكي
ندي:تمام اكتبي 010
_____________________________________
مد يده في جيبه وأخرج منه بعض من الأوراق النقدية
مسكتهم نور بتعجب: ايه ده ؟
عمرو :مصروف البيت
نور :أيوة مانا عارفة انهم فلوس جبتهم منين
عمرو : ده مرتبي عن شغل اشتغلته الأيام اللي فاتت
نور : أنت بتشتغل؟؟ بتشتغل إيه؟
عمرو :مالكيش دعوة
نور : وانا مش هاخد الفلوس إلا لما أعرف
عمرو :طيب .. وأنا مش هاكل ولا لقمة منك إلا لما أحس أني مش عوالة على حد...
نور : يوووه بقي هنرجع للاسطوانة دي علي فكرة براحتك لو مش عايز تاكل اللي يأكل علي ضرسه ينفع نفسه
عمرو سكت لحظات : يعني مش هتاخديهم
نور : مش هاخد حاجة معرفش مصدرها ايه
عمرو : متخافيش مش سارقهم ولله
نور : في ايه يا عمرو هو انت بتشتغل شغل سري فيها ايه لما تقولي
عمرو لف ظهره لها و دخل اوضة النوم و هي دخلت وراه
عمرو مسك الفلوس و أعطاهم ل نور في ايديها
عمرو : اوكيه عموما انتي حرة خدي الفلوس او ولعي فيها ولا ارميها انتي حرة بس الفلوس مش هتفضل معايا و اعملي حسابك هدفعلك كل كام يوم جزء من الفلوس اللي كنت اخدهم منك و كمان انا حاسب مصاريف الاكل
نور بتنهيدة: طب لو ماخدتهمش هتعمل ايه
أعطاها ظهره :
ـ مش هاكل حاجة منك بعد كدا و اعتقد انتي شوفتي بنفسك مش باكل منه ..فحرام الأكل ده يترمي
نور : بس انا مش
قاطعها عمرو بنبرة حادة: عايز انام ممكن
نور : طيب ما تنام هو انا مسكاك
عمرو : المفروض يعني تطلعي برة
نور :مش هطلع غير لما أتأكد انك نمت بجد مش يمكن بتضحك عليا عشان امشي
عمرو : طيب خليكي
بيفتح زراير القميص و هيخلعه شهقت بصرخة وضع ايديه علي شفايفها
عمرو : في ايه اهدي
سحب ايديه من علي فمها
نور : أنت كنت بتقلع هدومك
عمرو : المفروض انك تخرجي لو بتفهمي يعني اعملك ايه انتي اللي عايزة تتفرجي عليا وانا نايم
نور : نعم أتفرج ليه يعني انا كنت هتأكد بس
عمرو : طيب اقلع ولا هتفضلي واقفة لو عايزة تفضلي واقفة انتي حرة بس متصرخيش تاني بعد كدا
نور : لا انا خارجة خلاص بس عشان خاطري كل أي حاجة
عمرو ببرود بيفتح زرار من القميص مرة تانية: سمعتي قولت ايه
خرجت نور من الأوضة
_____________________________________
يوم خطوبة عدي و هيام
كانت نور حاسة ان ندي معجبة باسلام و أصرت ان ندي تيجي اليوم ده اول ما شافتها فرحت و سلمت عليها
نور : كنت هزعل لو مجيتيش
ندي : انا اقدر برضو
نور : علي اساس انك جاية عشاني مثلا
ندي : ها اومال عشان مين
نور بصت علي اسلام من بعيد : عشان اسلام مثلا ندي انا عارفة انك معجبة بيه صح
ندي : عرفتي ازاي
نور : اللي بيفضح الحب النظرات و الغيرة وانتي كان باين عليكي اوي انك بتحبيه عموما انا هساعدك تقربي منه و هسيب الباقي عليكي
ندي : انا بحبك اوي يا نور و بجد بحس انك شبههي جدا
نور : دي حقيقة فعلا
____________________________________
بعد ما هيام لبست الذهب
نور بتبحث عن عمرو بعينيها و مش لاقياه مسكت موبايلها و بتتصل عليه لاقته واقف وراها
عمرو : شكلك كدا مستنية حد
نور ضحكت : أيوة واحد كدا قالي انه جاي و اتأخر اوي
عمرو : رخم الواد ده
نور : اوي
عمرو : عموما هو بيعتذرلك جدا عن التأخير
نور : عدي كان هيزعل منك لو مكنتش جيت اصلا
اشتغلت اغنية سلو و نور وقفت مع اسلام و رقصت معاه
____________________________________
هيام بترقص مع عدي
هيام : عدي انا بحبك اوي
عدي: انا اللي بموت فيكي يا روح عدي
هيام :وعدتني انك هتكون ليا و وفيت بوعدك
عدي : عشان انا بموت فيكي
هيام :ربنا يخليك ليا يا حبيبي
____________________________________
و لاحظت اسلام عينيه علي ندي : ما تركز معايا بقي ولا هناك احلي
إسلام :هناك فين
نور : بقي كدا ماشي
قربت نور من ندي و مرة واحدة تصنعت الألم
اسلام بقلق: مالك يا نور
نور :مش عارفة رجلي وجعتني مش قادرة اكمل
ندي قربت منها
ندي :مالك يا نور
اسلام : رجلها وجعتها مش عارفة تكمل الرقصة طب استريحي يا حبيبتي
نور بصت ل ندي و غمزلتها : بس فال وحش انك متكملش الرقصة
مسكت نور اید ندي وقربتها ناحية اسلام
نور : كملي يا ندي مع اسلام انتي
ندي باستها من خدها من الفرحة و اسلام تنح لحظات
اسلام : استني فال ايه بس
نور : بقولك فال وحش كملو بقى انتوا
اسلام كان لسة متنح و بيحاول يستوعب و مش عارف يعمل حاجة
ندي : ما تكمل الناس بتبص علينا يا نكمل الرقصة او نقعد
اسلام : يبقي نقعد
ندي شدته من ايديه : نقعد ايه انت مصدقت مش هيحصل حاجة يعني لو رقصنا ولا ايه
اسلام : ها .. ااه فعلا
ورقصت ندي مع اسلام (سلو)
علي اغنية ( ما بعرف كيف بنظرة بتعمل هيك )
ندي : مالك بتبصلي كدا ليه
اسلام : مفيش
ندي : ايه رايك بقى فيا انهاردة
اسلام: عادي يعني اي بنت بتحط ميك اب و بتعمل شعرها و تلبس فستان بتكون جميلة
ندي : لا ولله
اسلام : هي الأغنية دي مش هتخلص بقي
ندي بخنقة : للدرجة دي مش طايق ترقص معايا
اسلام قرب منها و وشوشها : بالراحة عشان بتدوسي علي رجلي كتير و مش هينفع اسیبك الا لما الاغنیة تخلص ولا انتى
عاوزه اسیبك
ندي اتوترت و اندهشت من تحوله المفاجيء: اللي انت عایزه یعنى
اسلام بسخرية: بس انتي بتعرفي ترقصي كويس
_____________________________________
نور لاحظت ان عمرو واقف لوحده قربت منه و وقفت معاه
نور : مالك
عمرو : عارفة يا نور انتي الوحيدة اللي لما بشوفها بنسي كل الهموم اللي عندي و الزعل و بضحك ضحكتك بتحسسني ان الدنيا حلوة
نور بابتسامة : بجد
عمرو : انا بجد نفسي اكون زيك أضحك كدا و اهزر و انسي اي هم ليا
نور : طب ما تكون كدا
عمرو :مش عارف بس هحاول .. انا عايز اسألك علي حاجة ممكن
نور : اتفضل
عمرو : هو انتي حلوة ليه كدا انهاردة
نور اتكسفت : ها .. ممكن عشان عاملة شعري و حاطة ميكب
عمرو : اه بس انتي حلوة اوي انهاردة
نور بصت الناحية التانية : انت عارف انا حاسة اني حلوة اوي فعلا عشان انت شايفني حلوة
____________________________________
في مطعم كانت هيام منتظرة عدي علي الترابيزة
عدي : ازيك يا حبيبتي عاملة ايه
هيام: الحمد لله يا حياتي حبيبي بابا كان عايزك عشان كان عايز يتكلم معاك في المؤخر و المهر
عدي باستغراب :مؤخر؟
هيام : ااه
عدي :حبيبتي ما احنا اتكلمنا و اتفقنا قبل كدا علي المؤخر
هيام قربت منه و بدلع:يا حبيبي ماهو شايف انه قليل اوي و عايز يزوده
عدي :طيب هشوف ماما و بابا و اقنعهم
هيام بخنقة : ماشي يا حبيبي ااه مش انا شوفت يا حبيبي طقم عجبني اوي بس للاسف فلوسه مش هتكفي
عدي باستغراب : مش انا مديكي 15000 جنيه من اسبوع لحقتي تخلصيها
هيام بدلال :يا حبيبي 15000 جنيه هتعمل ايه بس كل حاجة بقت غالية
عدي مسك ايديها و باسها: ولا يهمك يا حبيبتي خلي معاك دول و لو خلصوا اي حاجة نفسك فيها هجيبهالك
هيام : ربنا يخليك ليا يا حبيبي
____________________________________
في صباح اليوم التالي
شاهيناز : مستحيل طبعا انا مستحيل اوافق ع المهر و المؤخر ده
حسان : يابني لا هما ايه بيتشرطوا علينا
عدي : يا ماما هو فيها ايه يعني
شاهيناز : فيها إنهم بيستغلونا وانا مستحيل اوافق انك ترتبط ب ناس زي دي انسي اننا نوافق هيوافقوا ع الاتفاق القديم تمام مش موافقين خلاص و بعدين ده لسة بدري اوي علي خطوة المهر و المؤخر و برغم كدا اتفقنا معاهم انا ماشية رايحة العيادة
_____________________________________
تنهد عمرو وهو داخل الورشة
ـ صباح الخير يا أسطي مشمش
(مشمش صاحب الورشة )
مشمش :صباح الخير يا أسطى عمرو...
عمرو: أخبار الشغل إيه؟؟
مشمش: ميت فل وأربعتاشر...الشغل إيه النهاردة...تقولش عربيات مصر كلها جالها سكتة قلبية ، وبإيديك اللي تتلف في حرير هترجع لها الدموية
عمرو : ماشي يا أسطى مشمش... قبضني الفلوس الأول و بعد كدا نبدأ نشتغل
مشمش : اتفضل يا أسطي ...و خد سندوتش الفول والطعمية وكوباية الشاي عشان تعرف تشتغل بمزاج
عمرو : يا معلم مشمش يا مظبطنا
كانت مقررة تراقبه انهاردة اندهشت و هي بتخفي نفسها خلف الحائط و مش مصدقة اللي شايفاه بيعمل ايه في مكان واضح انه ورشة ميكانيكي طب هتساله ازاي و هو رافض يعرفها شغله و لو سألته هيعرف أنها بتراقبه احتارت تتصرف ازاي ف قررت تمشي و هي ماشية وقفها اتنين معاهم مطواة
_على فين يا قمر..ما لسة بدري
= قمر إيه بس اللي هيطلع بالنهار، أنت مسطول يا بني دي شمس مش شايف عينيها عسلي ازاي
حاولت تمشي مسكها الشاب الأول من ايديها و فتح المطواة
_ ببساطة كدة...من غير رسوم مرور ولا ...
بصلها بوقاحة و هو بيقرب منها
🌸عمرو هيتصرف ازاي لما يكتشف أنها بتراقبه؟
رأيكم
التعليقات على الموضوع