احببت طباخة💠الحلقة 26💠

الحلقة 26 رواية أحببت_طباخة
وقفنا عند
ميار قربت من زياد و شهد
و كانو قاعدين علي الشاطيء بيضحكو
ميار :انتي بقا شهد
زياد اتصدم لما شافها
شهد :اه انا انتي تعرفين
ميار :أحب أعرفك بيا. .. انا ميار خطيبة زياد
شهد بصدمة :ايييه
ميار :ايه يا زياد هي مش عارفة ان انت خاطب
شهد بصتله و هو مبينطقش و ساكت
شهد :هي دي خطيبتك يا زياد.... رد عليا
ميار مسكت ايد زياد :ايه ده يا بيبي انت مش لابس دبلتي ليه اه نسيت اقولك يا شهد اصل خطيبي لما بيقابلك بيسيب الدبلة علي الكوميدينو عشان انتي متعرفيش انه خاطب تخيلي
شهد دموعها نزلت منها و اللي اكدلها ان كلامها صح ان زياد ساكت
ميار :عارفة انك مش مصدقة بصي الصور اللي في الفون دي دي صور خطوبتنا و صورته علي الدبلة اهو و اسمه عليها
شهد بصت ل زياد و بصوت عالي:ليه ليه كدبت عليا
ريماس و مازن و إبراهيم و شيماء اخدو بالهم ان شهد صوتها عالي مشيو ناحيتهم
ريماس بصدمة:ميار
ميار :مش كنتي تقوليلي يا ريمو ان خطيبي مرتبط بواحدة تانية علي الأقل مش يضحك عليا و يقولي سوري اصل انا مشغول و هو مقضيها مع بنت تانية و ياريت اي بنت او من مستواك حتي دي بتشتغل شيف و مستواها أقل بكتير منك يا زياد
زياد بنرزفة:ميار اسكتي متكلميش عليها كدا
ميار :هو انت ليك عين تتكلم اصلا
شهد و دموعها نازلة زي المطر :مكنتش اعرف انك زبالة اوي كدا بتضحك عليا و بتتسلي
زياد :لا يا شهد انا حبيتك فعلا ولله العظيم و عمري ما ضحكت عليكي شهد انا مكدبتش عليكي ولله انا
شهد بعصبية :أنت ... انا هقولك انت ايه انت حيوان و واطي و زبالة خاطب و مرتبط بواحدة تانية ليه ليه خلتني احبك و اتعلق بيك ليه وعدتني و انت بتكدب
زياد :شهد اهدي عشان خاطري
شيماء و إبراهيم ساكتين و مصدومين فيه
شهد بصت ل ريماس :و انتي يا ريماس كنتي عارفة انه خاطب انتي يا صاحبتي كنتي عارفة ليه ليه كدا كنتي بتشوفيني بغرق و انتي عارفة اني بغرق كنتي عارفة اني رايحة للنار بايدي و ساكتة و مبتتكلميش كنتي عارفة و ساكتة ليه يا ريماس ليه
زياد :شهد صدقيني انا كنت هقولك ولله العظيم كنت هقولك
شهد خبطته علي صدره و ضربته بالقلم علي وشه:أنت واحد حيوان اصلا و انا بكرهك كنت هتقولي امتي يوم فرحك انا مش عايزة اشوف وشك تاني
و مشيت شهد بسرعة و ريماس و مازن و شيماء و إبراهيم مشيو وراها
و ميار و زياد واقفين مكانهم

شيماء :شهد استني عشان خاطري استني بس
شهد :لو سمحتو سيبوني لوحدي
ريماس :انا اسفة يا شهد
شهد بتضحك :اسفة ... اسفة علي ايه يا ريماس اسفة علي وجع قلبي ولا اسفة علي انك منصحتنيش ان اخوكي كداب و خاطب
مازن :شهد صدقيني زياد مش كداب زياد فعلا  بيحبك ولله
إبراهيم :مش كفاية كدب بقا يا مازن لسة هتداري علي صاحبك انت
ريماس :ولله العظيم ما بنكدب زياد فعلا بيحبها شهد انتي مش عارفة هو خطبها ليه و كان
شهد :لو سمحتي ياريت منتكلمش تاني بعد اذنك
ريماس دموعها نزلت منها :ليه يا شهد انا ذنبي ايه
شهد بنرفزة :ذنبك انك شاركتي اخوكي في الغلط ذنبك انك كدبتي زيه ذنبك انك اخته
ريماس :شهد انتي اختي انا لو كنت اعرف ان اخويا بيلعب بيكي لحظة كنت بعدته عنك لكن كنت شايفة الحب في عينيه هو مشكلة خطوبته دي و كان هيحلها لكن زياد بيحبك
شهد :هو مثل عليكي انه بيحبني
مازن :لا يا شهد زياد فعلا بيحبك ولله العظيم بيحبك بجد صدقيني
شهد :انتو كلكو كدابين اصلا و انا بكرهكو و انتي يا ريماس أنسي ان احنا كنا في يوم من الايام صحاب عن أذنك
و مشيت شهد خطوتين
ريماس :بس محدش بينسي روحه حتة من قلبه مفيش اخت بتنسي أختها يا شهد
شهد بصتلها:لو كنت اختك فعلا مكنتيش سيبتيني اتجرح يا ريماس
ريماس :انا كنت دايما بتخانق معاه بسبب الموضوع ده ولله و هو كان دائما يقولي انا هتصرف مكنتش اعرف أنها هتوصل  لكدا
شهد :وانا شايفة ان صحوبيتنا اصلا كانت غلط الصحاب مش كدا الصحاب بيخافو علي بعض
محدش يجي ورايا عايزة اكون لوحدي
شيماء :لا انا مش هقدر اسيبك لوحدك
شهد :شيماء معلش سيبيني علي الأقل دلوقتي لو سمحت يا إبراهيم خدها
إبراهيم :شيمو معلش نسيبها شوية بس و هنرجعلها تاني
________
عند زياد و ميار
زياد دموعه نزلت غصب عنه
ميار :حبيتها يا زياد
زياد :اكتر من اي حاجة في الدنيا
ميار :ليه مقولتليش ليه كدبت عليا
زياد :كنتي هتعملي ايه يعني لا انا بحبك ولا انتي بتحبيني و احنا الاتنين مغصوبين علي بعض كنتي هتعملي ايه
ميار :علي الأقل اكون عارفة راسي من رجليا على الأقل اكون عارفة ان قلبك مش معايا
متزعلش من اللي حصل لانك غلط و اللي بيغلط يتحمل نتيجة غلطه
زياد بعصبية:ميار سيبيني لوحدي
ميار :لا مش هسيبك مش هسيبك من غير ما تفهمني انت ناوي على ايه و عايز ايه
مش هسيبك من غير ما أفهم
زياد :ميار انا عمري ما حبيتك ولا انتي كمان بس انتي زيك زي اي بنت فرحانة انك مخطوبة و خلاص لكن اللي انتي مخطوبة ليه قلبه مكنش معاكي
ميار :فرحانة .... فرحانة ازاي فرحانة انك كنت بتقعد بالشهر متكلمنيش ولا اشوفك ولا فرحانة انك دايما كنت تزعقلي و تتعصب عليا فرحانة انك كنت مع غيري و بتعاملها احسن مني
زياد :ميار اسكتي اسكتي خالص
ميار :انا ماشية عشان كلامي لا هيقدم ولا هياخر
________
في اللحظة دي ريماس و مازن وصلو عندو
ريماس :بسببك خسرت احسن صاحبة ليا بسبب دمرت حياتي بسببك كل حاجة هتكون وحشة
زياد :عايزة ايه انتي كمان
ريماس :لا خالص مش عايزة حاجة بس فاكر فاكر يا زياد لما كنت بنصحك و اقولك صارحها هي هتفهم قولها احسن ما تعرف من برة لكن كان كلامك ملكيش دعوة انا عامل حساب كل حاجة انتي مالك
زياد :كنت كل ما اقولها اخاف ... بخاف تفهم اني كدبت عليها و تسيبني بخاف .....كنت خايف يا ريماس خايف شهد تسيبني
مازن :و هي دلوقتي معاك ما هي سابتك ياما نصحناك يا زياد لكن انت اللي مسمعتش الكلام انت اللي كنت دايما تقول انا مخطط و عارف انا بعمل ايه كنت دايما رافض كل نصايحنا كنت مصدق عقلك بس استحمل بقا نتيجة غلطك
زياد :انتو عايزين ايه انا فيا اللي مكفيني كلامكو لا هيقدم ولا هياخر
ريماس : كلامنا بقا وحش عشان هو الصح ياريتني كنت قولتلها انا كانت علي الأقل مش هتتعلق  بيك ولا قلبها هيتكسر كدا
________
شهد كانت قاعدة علي الرملة و بتعيط و حاسة ان قلبها واجعها و بتفتكر كل لحظة عاشتها مع زياد قلبها بيقولها ان كل ده كان حقيقي و ان زياد فعلا حبها بجد لكن عقلها مش قادر يقتنع و في النهاية عقلها اللي اقنعها ان ده كان تسلية مش حب
شهد لنفسها :ياااه مكنتش اعرف ان الحب وحش كدا كنت فاكرة ان الحياة بتضحكلي و بتقولي أخيرا نصك التاني ايجا
__________
في اللحظة دي إبراهيم و شيماء وصلو عندها
شهد لما شافت شيماء اترمت في حضنها و كأنها كانت مستنية ده اوي
شيماء :مالك يا دودو
شهد :مفيش تعبانة شوية
إبراهيم :شهد اتكلمي قولي كل اللي جواكي متكتميش في قلبك
شهد دموعها لسة بتنزل منها شيماء مسحتلها دموعها و هدتها
إبراهيم : ممكن تتكلمي اعتبري بتفضفي مع نفسك لو مكسوفة مني هقوم امشي ولله
شهد :لا يا هيما انت أخويا
شيماء :شهد سكوتك ده بيقلقني اتكلمي و قولي كل اللي انتي حاساه
شهد :(حطت ايديهـا علي قلبهـا ) :الدنيا دي وحشة اوي و الحب كمان وحش كل حاجة كرهتها عارفين كنت دايما بتمني احب زي اي بنت و يكون عندي نصي التاني لكن نصي التاني ده ضحك عليا كذب عليا و كان بيتسلي كان خاطب حاسة ان قلبي اتكسر خلاص حاسة ان كل حاجة سودة قدامي
شهد كانت بتتكلم و هي مبتسمة و عيونها مليانة دموع مش بتبطل تنزل

إبراهيم و شيماء ساكتين وباصين علي شهد وهي بتتكلم قد ايه هي مبتسمه وعيونها مليانه بالدموع..محبش يقاطعوها عشان تكمل كلامها
شهد لسة بتتكلم كتير وكأن ماسوره وانفجرت

إبراهيم كان حابب يخليها تضحك : بس تعرفي يا شهد ان عيونك حلوه وهي بتلمع
شهد بنص ضحكه : شكرا يا هيما
شيماء :ايه عيونك حلوة دي يا هيما ما تلم نفسك
شهد بتضحك
إبراهيم :أيوة كدا يا دودو اضحكي بس بجد مش بهزر عنيكي حلوه و انتي بتعيطي ..عارفه يا شهد للدنيا دي مش وحشه ولا حاجه بس هي عاوزه تتعاش من الناس الصح ..مينفعش ترمي حياتك مع ناس قلوبهم سودا وتقولي الحياه وحشه ليه☺
مينفعش تختاري الشخص الغلط وتقولي ان الحب هو اللي وحش ..الحياه دي نعمه من ربنا ومعتقدش يا شهد ربنا هيدينا نعمه وحشه ..الناس هي اللي وحشه مش الدنيا
شهد : فعلا الناس وحشه اووي ..ايه ذنبي اني احب واحد و هو بيخوني و خاطب ..وبيلعب بيا ..ايه ذنبي لما كل املي واحلامي يتهدوا عشان خاطر شخص مستهتر ومعندوش قلب عشان خاطر شخص اناني
شهد بصت ل شيماء :نفسي انساه تفتكره هقدر
شيماء :فاكرة يا شهد لما ابراهيم عمل فيا المقلب  انه بيحب واحدة تانية فاكرة كلامك ليا
شهد :مكنتش عارفة ان الحب صعب اوي كدا مكنتش عارفة انه بيوجع ياريتني ما قابلته ولا حبيته ولا عرفته ياريتني فضلت زي ما انا من غير ما قلبي يدق لحد
إبراهيم :يا شهد ده قدر و مكتوب ربنا كاتبلك كدا
يلا بينا نروح عشان تنامي شوية
________
مر  اليوم ده عليهم كلهم صعب
شهد طول الليل بتعيط و زياد ضميره بيانبه عشان مصارحهاش و ميار متضايقة عشان اللي حصلها و أنها اتخدعت في زياد
________
تاني يوم الصبح
ادم شاف دينا ماسكة شنطها و كانت ماشية
ادم :دينا
دينا :أيوة يا دكتور آدم
ادم :انتي بتعملي ايه و رايحة فين
دينا :لا ابدا بس سما كانت عايزاني اقعد يومين و اهو لازم امشي عشان عندي حصة الساعة 12 الضهر و يدوب عشان اوصل بدري
ادم :طب هترجعي ازاي هو انتي بتشتغلي ميس
دينا :اه انا مدرسة لغة عربية هاخد تاكسي و اروح الموقف عشان ارجع
ادم :بس كان نفسي تقعدي الكام يوم دول معانا
دينا :يلا معلش بقا للاسف مش هينفع عشان انا جاية يومين اصلا مع سما تغيير جو و مش هينفع اخد إجازة اكتر من كدا
_______
عند شهد صحيت الصبح بدري و نزلت قعدت قدام البحر اكتر مكان بتحبه

كان زياد قاعد فى الحديقة فاتح اللابتوب الخاص بيه و بيتفرج علي كل صوره مع شهد ...ميار ايجت عنده
ميار :صباح الخير يا زياد
زياد :صباح الخير ..ايه اللى مصحيكى بدرى كده
ميار :منمتش اصلا
زياد :خير عايزة حاجة
ميار:هو احنا هنفضل كده كتير
زياد :مش فاهم
ميار :عايزة افهم انت عايز ايه و ناوي علي ايه
يعنى طنط خليتنى اجى عشان نقرب من بعض اكتر بس بالعكس احنا مش بنقعد مع بعض خالص وانت جاي عشان شهد
زياد بعصبية:ميار خلاص شهد راحت و بعدين مش فاضى للتفاهات اللى انتى بتقولى عليها دى
ميار دموعها نزلت:تفاهات..بقى انا بقول تفاهات مش كفاية مش كفاية شهور مش حاسس انك خاطب مش كفاية بقا انت عايز ايه مش كفاية انك كنت بتضحك علي التانية و مفهمها انك خاطب
زياد بعصبية :يووووه بقا انا ماشي عايزة حاجة
________
ميار طلعت اوضتها و دموعها نازلة
مسكت تليفونها و اتصلت علي رامي
ميار:رامي
رامي :ازيك يا ميار
ميار :رامي ممكن اتكلم معاك شوية ..بس مش هينفع في التليفون
ميار :طيب ينفع كمان شوية عشان انا في الشركة
ميار بكاءها زاد و كانت بتبكي بصوت
رامي بقلق :ميار انتى كويسه
ميار :لا مش كويسه
رامي :زياد عملك حاجة
ميار لسة بتعيط و سكتت
رامي :طب انتى فين دلوقتى وانا جايلك
ميار :انا في الفيلا ممكن نتقابل في اي كافيه
رامي:طب بصي اركبي تاكسي و قوليه عايزة اروح كافيه Hard Rock Cafe
ميار :ماشي
________
شهد كانت قاعدة علي الرملة و دموعها لسة بتنزل منها
حست أنها نفسها تغني
غنت اغنية (ألف وعد  )
كان كل يوم يوعدنى ...يوعدنى بالف وعد
يحلف يقول هنعيش ...هنعيش على طول لبعض
وصلنى فوق كل النجووووووم
حببنى فيه يوم بعد يوم
على حبه كله بنام واقوم وفى يوم صحيت ملقتش حد
علقنى بحبه ياما.... خلانى احبه ياما
شوفت الدنيا بعنيه..... بقى بعد ما كان حببنى
اهون عليه يسبنى
من غير ميقولى ليه؟؟
علقنى بحبه ياما
خلانى احبه ياما ...شوفت الدنيا بعنيه
بقى بعد ما كان حببنى اهون عليه يسبنى
من غير ميقولى ليه؟؟

وصلنى فوق كل النجوم...حببنى فيه يوم بعد يوم

زياد كان في الوقت ده شايفها و سامعها و حس بوجع قلبها لأنه هو اللي وجعه

كان في شخص سامع شهد و هي بتغني مشي ناحيتها
.....:تعرفي ان صوتك حلو  جدا
شهد بدهشة:فارس
فارس :مالك يا شهد بتعيطي ليه
شهد :مفيش
فارس :عارفة يا شهد مفيش حاجة في الدنيا دي تستاهل ان دموعك دي تنزل حتي لو مين
شهد بصتله:وانت مالك اصلا
فارس :انا مش قصدي اتدخل بس
شهد :خلاص يا فارس اتفضل

زياد :هي مش قالتلك اتفضل انت مالك بيها
شهد :و انت مالك اصلا انا بعرف اتصرف و انا حرة ياريت حضرتك انت كمان تتفضل

و مشيت شهد من عندهم
فارس بيضحك:كسفت نفسك الصراحة يا معلم
زياد بعصبية:وانت مالك اصلا اوعي كدا انا ناقصك
و مشي زياد من عنده و كان ماشي ورا شهد

زياد :شهد ... طب ردي عليا
شهد :نعم عايز ايه
زياد :شهد لازم تسمعيني
شهد :جاي تكدب تاني مش كفاية كدب بقا يا زياد
زياد :شهد صدقيني انا مكدبتش عليكي ولله العظيم ما كدبت انا كل كلمة كنت بقولهالك كانت بجد ولله العظيم كانت بجد
شهد :مش كفاية كدب بقا انت عايز ايه تاني انا خلاص كرهتك
زياد :كدابة طب عيني في عينك كدا
شهد :أبعد بقا عني انت مش مكفيك اللي عملته فيا عايز ايه تاني حرام عليك بجد انا خلاص اتكسرت بسببك
زياد :ليه مصممة تعاقبيني علي حاجة كانت غصب عني
شهد :هههه غصب عنك اه غصب عنك ازاي بقا ايه خطبت غصب عنك ولا كدبك عليا كان غصب عنك حتي حبك ليا اكيد كان كدب

في اللحظة دي سلمي شافتهم و ايجت عندهم
سلمي :ايه يا دودو ازيك
زياد :مين دي
سلمي :انا سلمي صاحبة شهد
شهد :استني يا سلمي وانت مالك دي مين يلا يا سلمي نمشي من هنا
سلمي :يلا
سلمي :هو مين ده يا شهد و بتعيطي كدا ليه
شهد :ده زياد
سلمي :مين زياد ده
_______
سلمي :عايزة الصراحة يا شهد
شهد :ياريت
سلمي :بصراحة كدا انتي غلطانة مين زياد ده عشان تعملي كل ده عشانه ايه يعني يغور في داهية
شهد :ياريتني زيك باخد كل حاجة ببساطة يا سلمي
سلمي :بصي يا شهد هي الدنيا كدا مش هتديكي كل حاجة حلوة لازم تتوجعي و تعيطي لكن في النهاية كلنا مش هناخد حاجة منها اضحكي يا بنتي ضحكتك بالدنيا
شهد :عارفة يا سلمي مع اني أعرفك من كام يوم لكن انتي طيبة جدا و انا حبيتك اوي ولله
سلمي :وانا كمان يا دودو
_______
رامي راح ل ميار الكافيه قلق لما شاف عينيها حمراء من الدموع
رامي:ميار فى ايه
ميار :رامي انا محتجالك اوي
رامي :طيب ممكن تهدى الاول اهدى بقى احنا من ساعة ما جيت وانتى مبطلتيش عياط
الويتر (الجرسون ) :تحبوا تشربوا ايه
رامي :اتنين ليمون من فضلك
الويتر:حاضر يا فندم
رامي :ممكن بقى تقوليلى فى ايه .بس ارجوكى من غير عياط
ميار :انا خلاص مش عارفة انا عايزة ايه انا حاسة انى زى اللعبة اللى بيحركوها فى كل مكان
رامي :ميار انا مش فاهم حاجة
ميار :ماما تقولى حبى زياد وانا حاضر ..روحى معاهم قربى منه وانا المطلوب منى حاضر وبس
محدش بيحس بيا خلتنى اتخطب ل زياد وانا مش فارقة معاه
رامي :ميار زياد بيحبك
ميار بعصبية : متقولش بيحبنى انا عارفة انه عمره ما حبنى زياد بيحب واحدة تانية و مرتبط بيها
الويتر :اتفضل يا فندم الليمون
رامي :طب اشربى واهدى كده  و فهميني
_________
عند كريم و ملك في المدرسة
ميس دينا :طلعو كراسة الإملاء
ملك :يوووه انا نسيت اجيبها
كريم بص ل ملك :ملك خدي كراستي
ملك :لا طبعا يا كريم مش هينفع ميس دينا ممكن تعرف خطك
كريم :مش هتعرف خدي الكراسة
ميس دينا كانت واقفة جنبهم و سمعتهم
ميس دينا بعصبية :كريم انت ازاي تعمل كدا وانتي يا ملك حسابكو معايا بعد الحصة ما تخلص
___________
ميار :بس هو ده كل الموضوع و مامي قالتلي و شهد دي متعرفش انه زياد كان خاطبني
رامي:ميار طب اهدي كدا انتي بتعيطي ليه انتي بتحبي زياد
ميار :مش عارفة بس انا حاسة ان كرامتي اتهانت اوي
رامي بعصبية:مفيش حاجة اسمها مش عارفة يا ميار بتحبيه ولا لا
ميار :انت بتزعقلي كدا ليه يا رامي
رامي:للدرجة دي مش حاسة مش حاسة اني بحبك
ميار اتصدمت :بتحبني. ... من امتي
رامي :من و احنا في ثانوي لما كنا مع بعض في الدروس لحد دلوقتي بحبك
ميار :و ليه مقولتليش ليه
رامي :كنت خايف اخسرك خالص
ميار ساكتة و حاسة من جواها أنها مبسوطة
رامي وقف و حط فلوس الحساب
رامي:انا لازم امشي يا ميار بعد اذنك
ميار :رامي استني
رامي سابها و خرج و هي قعدت تفكر في كلامه
________
عندك كريم و ملك بعد انتهاء الحصة
ميس دينا :كريم ... ملك استنو هنا
كريم :أيوة يا ميس دينا
ميس دينا :ينفع اللي عملتوه ده يا كريم بتكدب عليا
ملك :احنا اسفين يا ميس
كريم :اه ينفع يا ميس عشان ملك متضربش
دينا :ليه يا كريم مش نسيت كراستها تتضرب
كريم :خلاص اضربيني مكانها
دينا :كريم كلامك ده معناه ايه
انت بتحب ملك
كريم :اه
دينا :وانتي يا ملك بتحبي كريم
ملك ساكتة
دينا :عيب يا كريم اللي بتقولوه ده يا حبيبي مفيش حاجة اسمها حب انتو لسة صغيرين عارف يا كريم كل ما هتكبر و هتروح مرحلة جديدة من عمرك هتشوف ناس جديدة و هتحب و كل مرة هيكون حاسس ان ده الحب اللي بجد لكن ده مش حب مفيش اصلا حاجة اسمها حب يا كريم
كريم :لا يا ميس انا هفضل احب ملك كل ما أكبر
دينا :كريم مش عايزة اسمع الكلام ده تاني ممكن
كريم :حاضر يا ميس
___________
زياد :حضرو شنطكم عشان هنرجع اسكندرية دلوقتي
رباب:ليه كدا يا زياد
زياد :مفيش يلا يا ماما  و شوفي ميار و ريماس عشان هنتحرك كمان شوية وانت يا مازن جهز عربيتك
_________
رامي :أيوة يا خالو معلش انا لازم ارجع اسكندرية انهاردة شوف حد مكاني يتابع الشغل
_____
شهد :شيماء انا جاهزة يلا بينا عشان نرجع
شيماء :يلا إبراهيم مستني تحت بيحاسب مدة اقامتنا في الاوتيل
_______
ملك و كريم و هما في الفسحة بيلعبو
ملك :كريم انت صح هتبطل تحبني
كريم :لا يا ملك متصدقيش كلامهم انا بحبك
ملك :وانا كمان يا كريم بس احنا لسة صغيرين
كريم :بس احنا هنكبر يا ملك
ملك :تعالي نلعب مع العيال
كريم:ملك
ملك :أيوة يا كريم
كريم :الشوكليت بتاعتك اهي
ملك :شكرا يا كريم
_______
ميار و هي داخلة الفيلا
اتصدمت لما شافت ......
استوووب