كبرياء الصمت (الحلقه 13)
الفصل 13 ( كبرياء الصمت )
مختار : بصي يا ايسل بصراحة كدا انا استغربت لما إبني قالي انه عايز يخطبك لان المعروف عنده بتاع بنات و مش بتاع جواز
ايسل : اه مانا عارفة
مختار : هو قالك
ايسل: اه هو مش بيخبي عني حاجة اصلا
مختار : وانتي وافقتي عادي
ايسل : لان هو قالي انه هيتغير
مختار بسخرية : وانتي مصدقاه
ايسل : اه
مختار : اتمنى يحصل كدا بس معتقدش يعني عموما يعني متضيعيش وقتك في القلق و الاهتمام بحاجات عمرها ما هتتغير
ايسل : نعم مش فاهمة
مختار : Don't waste your time stressing about things you can't change ☺✋
ايسل بتضحك : طب ما هي هي قصدك يعني ان هو مش هيتغير
مختار : تراهنيني
ايسل : مجربتش حوار الرهان ده بصراحة بس اشطا مفيش مشاكل
مختار اخرج من محفظته دفتر شيكات: و ده شيك ب المبلغ اللي تطلبيه لو انتي كسبتي الرهان تصرفيه
ايسل بدهشة: نعم
مختار: عايزة كام
ايسل بتضحك : هو ان عاصم يتغير مقابل فلوس لا يا مختار باشا انا هساعده يتغير عشان انا بحبه مش عشان شوية فلوس من حضرتك بعد اذنك انا لازم امشي
مختار : امممممم استني
ايسل : خير
مختار : من اول مرة شوفتك فيها عجبني جدا اسلوبك قولت يبقا عشان كدا عاصم حبك انا عايز اقولك بس حاجة و ياريت تفهمي عاصم مبيحبنيش و مش قريب مني و يمكن ده من أسباب انه بعيد عني حاولت بكل الطرق أقرب منه لكن هو بيعتبرني اب بالاسم و بس موضوع الشيك ده كان اختبار كنت عايز اعرف انتي زي البنات اللي هو بيحبها ولا لا
ايسل : و اتاكدت
مختار : اه طبعا بس عايزك تعرفي انك هتتعبي معاه و صعب يتغير عموما انتي و شطارتك بقا انا لازم امشي عشان عندي جلسة في المحكمة
ايسل : اه اوكيه اتفضل
_____________________________________
روان بلخبطة : نعم صاحبتي ميادة انت انت عارفها
احمد بضحكة عالية : طب رتبي الكلام الأول عموما انا هخلص شغل و جايلك سلام
روان قفلت معاه و هي مرعوبة من الخوف و مش عارفة تعمل ايه ولا تتصرف ازاي
روان بصوت عالي: ماما ماما
هند : ايه
روان : موبايلك فين
هند : ليه
روان : اصل موبايلي فصل شحن
هند : طيب هتلاقيه عندك في الأوضة ع الشاحن
دخلت روان غرفة والدتها و مسكت الموبايل بتتصل علي رقم ايسل
روان و هي قاعدة علي الارض و جسمها بيترعش من الخوف : أيوة يا ايسل
ايسل : مالك انتي كويسة
روان : الحقيني انا في مصيبة
ايسل بقلق: طب اهدي انا في التاكسي عموما اجيلك طيب
روان : اه بس متتاخريش و اوعي تبعتي اي مسج علي موبايلي ولا تكلميني عليه هقولك لما تيجي
ايسل باستغراب: ماشي مسافة السكة .. باي
روان : باي
مسكت موبايلها وضعت رقم عمرو في قائمة الحظر و بتحاول تمسح مكالماتها معاها
___________________________________
بعد 10 دقايق كانت ايسل عندها و قاعدة معاها في غرفتها
ايسل : مالك في ايه شكلك متلخبط
روان : الموبايل بتاعي متهكر
ايسل : ايه عرفتي ازاي و مين اصلا اللي يقدر يهكره
روان : احمد
ايسل : طب و بيعمل كدا ليه هو لسة شاكك
روان : معرفش حاجة كل اللي اعرفه هو قالي سلميلي علي ميادة صاحبتك و انا مسيفة رقم عمرو ب اسم ميادة
ايسل : يعني هو بيسمع المكالمات ولا ايه مش فاهمة
روان : تقريبا كل حاجة متراقبة
ايسل:طب هكره ازاي هو انتي مش موبايلك عليه باسورد اصلا
روان :معرفش ازاي انتي ناسية ان اخويا مهندس كمبيوتر اصلا يعني يقدر يعمل أي حاجة المهم انتي بتفهمي في الهكر و الحاجات دي صح
ايسل : لا مش كل حاجة بعرفها بس سيف هو اللي يعرف هتصل عليه و اقوله يقولنا نتصرف ازاي
روان : ماشي
___________________________________
ايسل بتتصل ب سيف
ايسل : سيف
سيف : ايه يا سيلا
ايسل : بقولك ايه لو فيه موبايل معموله هاك نشيله ازاي
سيف : سوفت وير او اعملي إعادة ضبط مصنع
ايسل : متأكد يعني الهكر هيتشال خالص
سيف :انتي حد عاملك حاجة
ايسل :لا ده احمد عامل ل روان
سيف : اوبس عشان كدا سألني علي أحدث ابليكشن للهاكر
ايسل : انت حيوان و قولتله ليه اصلا
سيف : انتي عبيطة هو اصلا مهندس كمبيوتر يعني يعرف اكتر مني هو بس كان بيسال عشان عايز يعرف اللي معاه أحدث ولا اللي انا عارفه
ايسل : طيب ماشي
سيف :هو مراقبها ليه مش فاهم
ايسل : هحكيلك بعدين
سيف : طيب خليها تعمل زي ما قولتلك و فيه ابليكشن هبعتلك اسمه خليها تنزله عشان يحمي الموبايل بتاعها من اي هاك تاني هيحصلها
ايسل : اوكيه ابعت اسمه
سيف : اوكيه باي
____________________________________
ايسل : حبيبتي اهدي كدا احنا خلاص احنا رجعنا الفون كأنه لسة جديد
روان ببكاء: انا خايفة اوووي انتي مش عارفة أخويا صعب ازاي
ايسل : عارفة طبعا بس خليكي جامدة كدا متخافيش و اتفاهمي معاه
روان : احمد ميعرفش يعني ايه تفاهم خليكي معايا متمشيش
ايسل : مش هينفع يا بنتي هيقولي انتي مالك وانا مش هقدر اتدخل بينكم انتي عارفة
روان : انا خايفة
ايسل بتفكير: جاتلي فكرة جامدة
روان : هي ايه
مسكت موبايلها بتتصل علي بوسي
بوسي : ايه يا سوسو
ايسل : ايه بوسي بقولك
بوسي : ايه
ايسل : هو احمد عندك
بوسي : اه و بيلبس عشان جاي لمامته
ايسل : طب تعالي معاه
بوسي : هو قالي رايح لوحده
ايسل:لا تعالي معاه اتصرفي يا بوسي
بوسي : هو فيه حاجة
ايسل :اه احمد شكله هيتخانق مع روان لأنه كان مهكر الفون بتاعها
بوسي : طب روان فين
ايسل :انا عندها بس انا همشي كمان شوية انا كلمتك عشان تيجي معاه عشان ميعملهاش حاجة
بوسي :حاضر هاجي متقلقيش
ايسل :ماشي يا حبيبتي
بعد قفلت معاها
ايسل :خلاص بقا بطلي عياط
قربت منها و ضمتها لحضنها مالت برأسها علي كتف ايسل و بتبكي
ايسل : اهدي يا رورو ولله ما هيقدر يعملك حاجة بس اهدي كدا
___________________________________
ايسل روحت البيت و كان قلبها واجعها علي صاحبتها و خايفة عليها و هي قاعدة بتفكر لاحظت ان ضوء هاتفها بينور و يطفيء لأنه صامت
عاصم :نفسي مرة تردي من اول مرة اتصل
ايسل :ما انت عارف بكون عاملاه سايلنت و بنسي اعمله عام
عاصم : ليه يعني انتي عارفة اني بقلق عليكي جدا
ايسل : انا اسفة مش قصدي
عاصم : مالك
ايسل : ماليش انا كويسة
عاصم :متأكدة؟
ايسل :اه مفيش حاجة
عاصم :طيب انا بيني و بينك مش كتير يعني قدامي كدا ربع ساعة و أكون عندك
ايسل :ليه انت كنت جاي
عاصم :لا بس حسيت انك مخنوقة هاجيلك قومي البسي و قولي لمامتك ان هعدي عليكي هنروح ماكدونالدز نتغدا و نشرب حاجة و بعد كدا هروحك
ايسل بابتسامة : بحبك جدا يعني
عاصم : بعشق الجملة دي منك
ايسل : يلا انا هقوم البس بقا باي
_____________________________________
احمد خبط مرتين و بعد كدا دخل غرفة روان كانت بتبص علي الشباك و دموعها بتنزل منها و بتمسحها
احمد :طبعا مكسوفة تبصيلي
روان : احمد ممكن نتكلم بهدوء
احمد بسخرية:هو انتي اللي عملتيه ده عايز هدوء بتضحكي عليا و تفهميني انه زميلك و هو اصلا متخرج
روان :انت اللي خوفتني منك و ده مش معناه انك تروح تراقبني و تهكر موبايلي
احمد :مش عشان تتربي لما تكدبي معناها انك بتعملي حاجة غلط لو كانت صح مكنتيش كدبتي
روان : انا مش بعمل حاجة غلط و بتهيالي انت ملكش دعوة بيا لما ماما تموت ابقي تعالي حاسبني
احمد شدها من شعرها بقوة : لا واضح اني دلعتك بما فيه الكفاية لكن و رحمة ابوكي لاعلمك ازاي تردي عليا
روان بتألم:حرام عليك شعري بيوجعني يا ماااما
دخلت بوسي و هند و جنة عندهم
بوسي بتحاول تبعده عنها :اوعي كدا دي هتموت في ايديك حرام عليك
احمد بعصبية : بوسي ملكيش دعوة انتي دي اختي وانا بعرف اربيها كويس
هند :هي عملت ايه
احمد :بتكلم واحد و بيضحك عليها ولا بيحبها ولازفت مش كفاية بسيبك تلبسي براحتك حتي ال طرحة مغصبتكيش عليها و قولت بكرة تعقل و تلبس كويس انا الي بدافع عنك دائما قدام ماما
هند :سيبيه يا بوسي يربيها و اطلعي و خدي بنتك عشان شكلها خايفة
بوسي بنرفزة:نعم اسيبها ازاي ده هيموتها من الضرب
هند :علي رأي المثل اكسر للبنت ضلع يتطلعلها 24 ده أخوها و من حقه يربيها
بوسي :حرام عليكي دي بنتك
هند : البنت مبينفعش معاها غير الشدة كدا احسن عشان عيارها ميفلتش
احمد بعصبية:سمعتي قولتلك ايه و خدي بنتك دي اللي بتعيط
بوسي ضمت بنتها لحضنها و خرجت و قلبها واجعها علي روان
احمد اخد موبايل روان و اتصل علي رقم عمرو
احمد : بقولك ايه لو راجل يعني متقفلش انا اخوها و ياريت سيادتك متتصلش علي الرقم ده تاني ياريت يعني سلام
___________________________________
خرج احمد من غرفة روان ... هي كانت قاعدة علي الارض و بتعيط كانت حاسة ان فعلا هي في مجتمع عقيم حتي والدتها مش حنينة عليها وشها كان احمر من ضربه ليها و شعرها بيوجعها
جنة قامت من حضن مامتتها و دخلت عند عمتها تشوفها
بوسي : انت مكنتش قاسي كدا
احمد :هي اللي استفزتني و قالتلي ملكش حكم عليا اومال مين يعني اللي ليه انا نازل هتيجي معايا
بوسي :لا
بعد ما احمد خرج
بوسي :حضرتك يا ماما بتقولي اكسر للبنت ضلع يطلعلها 24 ليه
هند : ده مثل قديم و معروف
بوسي : انا بجد بتقهر من المثل ده أيوة عارفة انه مثل قديم و كلنا عارفينه و للاسف كتير اتربوا عليه وبيه وفيه ناس مازالت لحد دلوقتى مقتنعة بيه جدا وبتطبقه للاسف يا ماما ده من الأمثال الي بتولد فكرة الخوف في البنت لان هما عندهم اعتقاد ان البنت بتجيب المصائب او العار
هند: لان ضربها و كسر كرامتها ده اقصر طريق للسيطرة عليها
بوسي:سيطرة الراجل مش كدا
هند : عشان الراجل أقوي و اعقل و افضل و هو اللي مسئول دائما عن حماية البنت
بوسي :لا يا ماما الكلام ده غلط الست زيها زي الراجل طب حضرتك نسيتي الآية القرآنية اللي بتقول
{ للرجال نصيب مما كسبوا ، وللنساء نصيب مما اكتسبن }
هند :طيب يا حبيبتي خلصتي محاضرتك
بوسي : اه خلصتها انا داخلة لبنتك اللي هي اصلا محتاجة حضنك اكتر مني
____________________________________
ايسل كانت واقفة مع عاصم قدام المطعم
عاصم : هتطلبي ايه
ايسل :أي حاجة بقولك ايه ما تطلب اوردر ناكله في العربية
عاصم : اوكيه هطلب و اجيلك خليكي مكانك
ايسل : ماشي
كان فيه عربيات بتعدي عاصم شدها تلقائي لدرجة ان تقديم خطبت كتفها وقفها علي اول الرصيف بسبب ان العربيات بتعدي بسرعة جسمها اترعش
عاصم :انا مش قصدي مالك خايفة كدا ليه خليكي واقفة مكانك و ركزي انا مش عندي غير سيلا واحدة علي فكرة
ايسل : ربنا يخليك ليا يا حبيبي ..... يلا بقا ادخل جيب الاكل انا جعانة هتفضل واقف متنحلي
عاصم بيضحك : ماشي لما اجيلك بس
_____________________________________
بوسي دخلت عند روان و معاها صينية اكل
بوسي : عملت لك بامية و شوربة لسان عصفور اللي انتي بتحبيهم
روان : ماليش نفس
بوسي : و بعدين بقا هتفضلي مقموصة كدا
روان : حتي ماما بتقولي تستاهلي و كأني عملت جريمة
بوسي : سيبك منهم انتي عارفة دماغ مامتك بس احمد ولله طيب هو بس عشان انتي عصبتيه ينفع واحدة تقول لاخوها ملكش حكم عليا اومال مين اللي ليه
روان : غصب عني مش عارفة قولت كدا ازاي ... انا كان نفسي بابا يكون عايش مكنش هيسمحلو يمد ايديه عليا
_____________________________________
في سيارة عاصم
عاصم : تاكلي ايس كريم
ايسل : هو فيه انثي مبتحبش الايس كريم
عاصم و انتي ايه علاقتك بالأنثى يا حبيبتي
ايسل بتضحك :صاحبتها يا بيبي
عاصم :قصدك صاحبها بقا
ايسل : بس يا واد
عاصم : ماشي يا صاحبي ولله حاسس اني خاطب واحد صاحبي بجد فين الأنوثة يا بت
ايسل : الأنوثة دي تلاقيها مع أمينة شلباية يا حبيبي
عاصم بيضحك : استني اما اجيب ايس كريم بقا
ايسل:عارف انا بعشقك اللون الزيتي ده
عاصم : مانا عشان كدا لبست البوكليت زيتي عشان عارف انك بتحبي اللون ده
ايسل: انت لابس تحته شيميز صح
عاصم :اه
ايسل : طب ما تقلعه
عاصم باستغراب : نعم
ايسل : انت عارف ان بحب اللون ده عليك اقلعه عشان احتفظ بيه
عاصم : وانا مالي .... بتحبيه تبلطجي عليا انا ليه
ايسل : يا حبيبي دي ذكرى مش بلطجة و بعدين هاتلك واحد تاني غيره
عاصم : لا انسي ده البراند بتاعته عالية اصلا انتي عارفة جايبه بكام
ايسل : ماليش دعوة عجبني و لازم اخده
عاصم : ماشي
و فعلا غير البوكليت بتاعه و اعطاهولها
عاصم : انتي مفترية ولله
ايسل : عارفة عارفة
_____________________________________
عاصم : عارف يا احمد حصل معايا موقف حلو جدا
احمد : خير
عاصم : شكلك مش في المود خالص
احمد :لا ابدا احكي
عاصم : كنت رايح انا و ايسل ماكدونالدز و بعدين كنا واقفين في الشارع قولتلها هدخل اطلب اوردر و راجعلك وانا لسة داخل كانت هي واقفة سرحانة و كان في عربيات بتعدي غصب عني شدتها و خبطت كتفها عشان تفوق و تقف علي الرصيف .... لقيت جسمها بيترعش و كأني كهربتها
احمد : و بعدين ؟
عاصم : مفيش اتضايقت عشان لمست كتفها بس فهمتها ان غصب عني
احمد : اممممم
عاصم : مالك يابني شكلك متغير كدا
احمد : مفيش
عاصم : عليا برضو
احمد : لو فيه هحكيلك
____________________________________
ايسل بتفتح الواتس اب كان فيه رسالة من عاصم فيها :
(من المؤكد أنه هنالك عددا يحصى النجوم انا لا أعرفه و لكني أعلم جيدا انه بحجم هذا العدد احبك )
ايسل بسعادة بتكتب: بص هقشر برتقالة و اجي ارد 😍😂🍊🍊
عاصم : لا غوري و مترديش خالص
____________________________________
ايسل كانت عند بوسي في شقتها
في المطبخ
ايسل : هتعملي الفراخ دي في الفرن ولا محمرة
بوسي : لا في الفرن
ايسل بتفتح غطاء الحلة و تتذوق: يلهوي انا زودت الملح ... احمد هيزعقلك شوفتي قعدت اقولك انا مبعرفش اطبخ اهو بوظتلك الاكل
بوسي بتضحك : الحق عليا بعلمك تطبخي عشان لما تتجوزي
ايسل : لا ماهو احنا هنطلب ديلفري او يجيبلي شغالة انا فاشلة يا بيبي
بوسي :و هو موافق يعني
ايسل: هقنعه متقلقيش .... يا بنتي انا عرضوا عليا اشتغل شيف علي قناة cbc سفرة بس انا اللي رفضت
بوسي : و موافقتيش ليه
ايسل : انتي عارفاني متواضعة بقا
بوسي :طيب يا متواضعة هاتي بطاطس من الرف عندك و قشري واحدة منهم
ايسل : انتي مش عاملة بطاطس اصلا و بعدين ليه واحدة ايه البخل ده
بوسي : بطلي لماضة ده عشان تمتص الملح يا موكوسة
ايسل : بجد
بوسي : اه ولله البطاطس بتمتص نسبة كبيرة من الملح
ايسل : يعني الاكلة مباظتش كدا الحمدلله
دخلت جنة عندهم في الوقت ده
جنة : عايزة عصير فراولة بالموز يا مامي عشان اكل معاه المولتو اللي بابا جابهولي
ايسل: خلاص يا روحي انا هعملك بس ناكله سوا
جنة : امممم هتاخدي 2 بس
ايسل: و جاية علي نفسك كدا ليه ما بلاش اخد خالص
جنة : اوكيه بلاش
و خرجت و سابتها
ايسل:شايفة بنتك ... اما أعملها العصير دي ممكن تأذيني
بوسي : انتي بتتصلي بمين
ايسل : ب عاصم موبايله مقفول
بوسي : بت انتي ابقي اعملي موبايلك عام انا بتشل علي ما تردي عليا
ايسل : دي اكتر حاجة بنتخانق عليها اصلا ... برضو مقفول
بوسي : ممكن مفيش شبكة ... طب ما تتصلي علي التليفون الأرضي بتاع البيت
ايسل : طب فين الرقم
بوسي : هتلاقيه في النوتة اللي عندك
ايسل بتطلب الرقم
ايسل : الو .... ازيك يا طنط .... اه مانا عند بوسي .... اه الحمد لله تمام .. و حضرتك عاملة ايه. ... طب ممكن اكلم عاصم لان موبايله مقفول .... اوكيه معاكي ...... ايه يا عاصم موبايلك بقاله ساعا مقفول
عاصم : كنت سايبه ع الشاحن اكيد فصل وانا بحطه
ايسل : اصل قلقت عليك .... اومال انت فين ؟
عاصم : يعني هكون في الجامعة و ساحب السلك هناك
ايسل : هههههههه يالهوى علي العسل اخو سيف هتوقع منه ايه يعني و بعدين يا بيبي انا نسيت اصلا
عاصم : لا مش نسيتي ده اسمه غباء متصلة علي تليفون البيت و تقوليلي انت فين
ايسل : طب افتح موبايلك بقا
عاصم : ماشي باي
ايسل : هطلع العصير بقا لجنة
خرجت ايسل من المطبخ و دخلت غرفة جنة
جنة بتمسك كوب العصير من الصينية انسكب علي السجادة
ايسل : اتكب .... امك هتبهدلك دي لسة غاسلة السجاد ده
جنة : انا هستخبي وانتي امسحيه
ايسل : نعم ياختي وانا اتدبس لوحدي
دخلت ايسل المطبخ عند بوسي و كأنها بتبحث عن شيء
بوسي : بتدوري علي ايه
ايسل : ها لا ده كنت عايزة فوطة
بوسي : جنة كبت العصير صح
ايسل : ماليش دعوة بنتك هي اللي كبته ولله
بوسي : طيب خدي كيس الملح ده متاخديش فوطة
ايسل : ملح ازاي يعني
بوسي : خدي كيس الملح ده و رشي مكان العصير و سيبيه دقيقة كدا و هاتي الجاروف اكنسيه مش هتلاقي اي بقعة خالص مكان العصير
ايسل : بجد يعني دي احسن من الفوطة
بوسي : هي سجادة الأوضة بتاعتها ولا فين
ايسل : اه اوضتها
بوسي : اه اللي لونها كافيه فاتح دي
ايسل : أيوة علي بيج كدا
بوسي :طيب خدي برطمان النشا و حطيه بعد ما تكنسي الملح هتلاقي مفيش اي لون خالص موجود عشان الملح بيشرب اللون بسرعة
ايسل:طب لو شاي برضو اعمل كدا
بوسي : اه حتي لو شاي عادي
بعد ما ايسل نضفت مكان العصير قعدت مع جنة في غرفتها بيشربو العصير
جنة : سيلا كنت عايزة منك طلب
ايسل : قولي يا روحي
جنة : عايزة أتعلم الصلاة
ايسل : بجد مع انك لسة صغيرة يعني بس فرحت ولله ياريته هو كمان يصلي
جنة :مين ده
ايسل خطرت ببالها فكرة : بقولك ايه يا جوجو هعمل معاكي ديل حلو
جنة : ها قولي
ايسل : بصي هعلمك الصلاة تمام و في نفس الوقت هنخلي حد تاني يقرب من ربنا و يصلي
جنة : مين ده
ايسل : عاصم
جنة : خالو
ايسل : بس ولله يا جنة لو بوظتي كل حاجة بجد المرة دي هزعل منك بصي الأول
جنة : حاضر متقلقيش
ايسل : الأول بقا هعلمك الصلاة انتي كدا كدا حافظة ربع جزء عم صح
جنة : لا حافظة اكتر
ايسل : اه صح انا بقالي كتير مسمعتلكيش طيب بصي تعالي أعلمك ازاي تصلي و بعدين هقولك بعدين هتعملي ايه
____________________________________
ايسل كانت قاعدة مع جدها في البلكونة بيتكلمو كان ماسك في ايديه البوم صور
ايسل : لسة بتحب تيتة
جلال :وانا من امتي نسيتها جدتك
ايسل : جدو هو انا شبهها فعلا
جلال : نفس ضحكتها و غمازتها و عينيكي
ايسل : هي كانت جميلة ماشاء الله
جلال : كانت بتحبك اوي .. عارفة يا سيلا لما كانت بتروح مشوار و تتأخر كنت بفضل ازعق و احس اني مخنوق بجد كان ابوكي بيتجنب يتكلم معايا و امه مش موجودة لأني مش بطيق البيت من غيرها البيت كان من غيرها ميتم
لكن اول ما تيجي الضحكة تترسم علي وشي كانت أول ما اشوفها احس ان البهجة كلها دخلت البيت
ايسل : ربنا يرحمها
جلال : مالك
ايسل: بصراحة كدا حصل معايا موقف مع بابا عاصم
جلال: حماكي مالو
ايسل :طلبني و قابلني
( حكتله ايسل علي كل اللي حصل )
جلال : طب وانتي شايفة ايه
ايسل : خوفت مقدرش فعلا مش عارفة الثقة اللي جاتلي دي ازاي
جلال : مفيش حاجة مستحيلة
ايسل : بص يا جدو انا فكرت في حاجة كدا في موضوع الصلاة
جلال : بصي يا ايسل أعتقد انه لو مش في نيته هيبقا صعب اوي تقنعيه
ايسل: لا هو ناوي بس انا هقدر بإذن الله هقولك الفكرة بقا ايه رايك لو اخلي طفل صغير يصلي قدامه دايما و يقرأ قرآن و طبعا مفيش غير جنة هي طلبت مني تتعلم الصلاة و جنة ذكية ماشاء الله يعني هتقدر تسمع و تنفذ كلامي
جلال : جميل جدا حلوة الفكرة دي برضو بس انتي اوعي تبطلي تدعي ادعيله دايما ربنا يهديه بس لازم كمان تتفقي مع حد من البيت يشغله قرآن دايما و طبعا من غير ماهو يحس
ايسل : ممكن سيف
جلال :بصي كلميه عن عذاب ربنا بس بطريقة كويسة مش شديدة يمكن يتراجع قوليلي شوفت فلان مات امبارح و كان شاب زي الفل
ايسل :مدام مبيصليش يبقي مش هيخاف من الموت و الكلام ده
جلال : ممكن يخاف مش من اول مرة طبعا و خلي أخوه يقوله تعالي صلي معايا واحدة واحدة هيتغير بالتعود هيصلي
ايسل : تمام انا برضو كنت بفكر انزله علي موبايله ابليكشن المؤذن عشان يذكره دايما
جلال :تنزليله ابلاكاشة ليه يا بنتي
ايسل بتضحك : ابلكاشة ايه بس ابليكشن يا جدو يعني برنامج المؤذن علي الموبايل
جلال :يا بنتي انا مش بفهم في التليفونات دي انا مسكته عشان اطمن عليكي بس
ايسل: طب و السجائر يا جدو امنعه عنها ازاي يبطلها
جلال : السجائر دي اصعب حاجة بس عموما شوفي الأول الصلاة و بعد كدا السجاير واحدة واحدة يعني
ايسل : ماشي
_____________________________________
ايسل اتصلت ب سيف
ايسل : يا سوفي ازيك
سيف بيكح: تمام وانتي
ايسل : انت تعبان؟
سيف : لا بستهبل
ايسل بتضحك : نفسي مرة تبطل لماضة
سيف : لما تبطلي انتي الأول المهم كنتي عايزة ايه
ايسل : بصراحة كدا عايزة منك طلب
سيف : ها اشجيني يا بيبي
ايسل : عايزاك تشغل قرآن الفترة دي في البيت
سيف : ليه
ايسل : عشان اخوك يقرب من ربنا اصل انا قررت أساعده يصلي و المرة دي مش هيأس
سيف : امممم موافق
ايسل : بس مش عارفة اقنعه ازاي المرة دي
سيف : انتي لما بتبعدي عن ربنا و تكوني مقصرة بترجعيله تاني ازاي او مثلا لو مكسلة تقومي تصلي
ايسل : بفكر في القبر و ان انا هبقي لوحدي بحس بخوف ف بقوم اتوضي و اصلي بس اللي زي اخوك صعب يقتنع ب كدة
سيف : عشان من الاخر مفيش حاجة بتيجي مرة واحدة انا لما جات عليا فترة قصرت في الصلاة بعدت عن الحاجة اللي كانت بتلهيني عن الصلاة و ربنا بيعينا
ايسل : انا بدعيله ولله ربنا يثبته لان الهدايا دي من عند ربنا
سيف : اممممم جاتلي فكرة كويسة
ايسل : ايه هي
سيف : بصي لازم نحسسه ان مش هو بس اللي مقصر و عنده ذنوب و مبيصليش لا ده فيه كذا حد غيره
ايسل : طب هنجيب مين
سيف : هشوف واحد صاحبي مثلا و نكون قاعدين كلنا في مكان و صاحبي ده يقول انا مش عارف اقرب من ربنا و مش قادر اصلي و الكلام ده و هو فعلا جات عليه فترة بعيد عن ربنا بس انا كنت بنصحه مينفعش نجرحه كل شوية بالكلام فاهماني
ايسل : بجد ياريت جدا وانا فكرت ان جنة كل ما تيجي عندكم تصلي قدامه
سيف : جميل جدا خلاص كدا تمام اوي و ان شاء الله هيقتنع واحدة واحدة هيقتنع
ايسل : اشطا فكر في الحوار ده و رتبه و حوار جنة هيمشي زي ماهو لحد ما تشوف صاحبك ده ____________________________________
في يوم جنة كانت في بيت جدها و دخلت غرفة عاصم اللي كان قاعد و فاتح اللابتوب
جنة : خالو
عاصم : الله انتي لابسة طرحة و عباية ليه
جنة : حلوين
عاصم : قمر يا حبيبتي
جنة : عشان اصلي
عاصم باحراج: بجد ربنا يهدينا
جنة : خالو انت صليت
عاصم : لا
جنة : طب ما تقوم تصلي معايا
عاصم : لا خليها بعدين
جنة بتشده من الجاكيت بتاعه : لا ماليش دعوة دلوقتي يلا قوم
عاصم :حاضر حاضر اهدي كدا هقوم اتوضي اهو
__________________________________
في الجامعة كان دكتور عاصم قاعد مع صحاب ايسل في الكافيتيريا بيشرحلهم جزء من المنهج
عاصم بعد ما انتهي من الشرح غني اغنية ( خليني ذكري )
عاصم : لو عشت بعدي وبعد بُعدى جيت وحبيت
ابقي افتكرني واحكي عني مهما كنت نسيت
خليني ذكري جميلة عندك واوعي تنسي زمان
خليني ذكري جميلة عندك واوعي تنسي زمان
ماتقولش حبي وقت عدي ويوم خلاص عشناه
قول اني حبي حب غالي بس هي حياة
وابقي افتكرني بكلمة حلوة تنسي قلبي الآه
وابقي افتكرني بكلمة حلوة تنسي قلبي الآه
مش كل حلم نشوفه سهل هنبقي حققناه
دا ساعات بيبقي السهل صعب لما نتمناه
والدنيا عمر ماحد جالها وعاشها من غير آه
والدنيا عمر ماحد جالها وعاشها من غير آه
اوقات بنتجرّح ونجرح واحنا مش حاسين
وان حد فينا حب يفرح فرحه يبقي حزين
ايام وبتعشنا وفاكرين اننا عايشين
ايام وبتعشنا وفاكرين اننا عايشين
رغدة : صوتك جميل اوي يا دكتور
كلهم : فعلا صوتك جميل ماشاء الله
عاصم : انا بحب وائل جسار جدا
ايسل: وانا كمان بس بحب تامر حسني اووووي
عاصم : احترمي نفسك ايه بحبه دي
واحدة صاحبة ايسل لكن مش قريبة منها اوي لكن بتغيير من ايسل دايما
رغدة : صحيح ي دكتور هو انت ازاي خطبت ايسل اصل فيه بنات كتير احلى منها يعني و سوري يا سيلا انتي مش حلوة هههههه
ايسل كانت لسة هترد عاصم قاطعها
عاصم : هو لو ايسل مش حلوة اومال مين اللي حلو يعني ... كل الجمال اللي في الكون اتجمع في عينيها و ضحكتها مش شرط يعني عينيها تكون خضرة ولا زرقة عينيها البني دي فيها كمية براءة و جاذبية اجمل بكتير اوي من اي عيون ملونة احلى من عيني انا كنت بكمل دراستي برة مصر في لندن عايز اقولكم اني شوفت بنات يعني ملكات جمال و لما كنت في مصر برضو لكن محدش فيهم شدني ولا أعجبت بيه هي اجمل بنت انا شوفتها بجد
بيتر : معلش ي رغدة انا رأيي تعملي تصحيح نظر بجد و بعدين ايسل جميلة شكل و روح ولله معلش يعني مش اللي بتتكلم دي انجلينا جولي
مارينا : لا اصلا اللي شاف المخلل عينيه بتستغرب الجاتوه ولله
بيتر : في الجول يا بيبي ولله
عاصم :اما بقا خطبتها ليه و حبيتها ليه لانها هي الوحيدة اللي بتنور كل الضلمة اللي جوايا و محدش هياخد مكانها في قلبي غيرها عارفين لما يجي الحب مش بيطلب اذن ولا بيمشي وفق القواعد هو بيجي ويخليك تحب حد من غير ماتعرف ليه وايه الاسباب يعني لو هحبها عشان شكلها بس يبقى ده إعجاب و لما جمالها يروح هدور على غيرها و بعدين صعب اوي يا رغدة تقنعي القرد ان المانجا احلى و اجمل من الموز
بيتر : أيوة بقى ي دكتور
رغدة اتحرجت جدا و اتضايقت من كلامه لان كان هدفها تحرج ايسل
ايسل سابتهم ووقفت بعيد لوحدي كانت دموعها هتنزل بتحاول تكتمها
عاصم : مالك
ايسل بابتسامة : مش مصدقة انك كنت هتقول كل ده عني عاصم هو انا بجد وحشة
عاصم : انتي عبيطة انتي زي القمر ولله
ايسل : اصل كلامها شككني يعني
عاصم : دي غيرانة منك و بعدين متسمحيش لنفسك ان حد يهز ثقتك فيكي
ايسل : طب ما انا عارفة اصلا انا اتحب و جدا كمان
عاصم بيضحك : لا بجد
ايسل : عارف دلوقتي بس عرفت يعني ايه اختارت راجل يجيبلي حقي .. اه لو كنتي تسيبني اسكتها بطريقتي
عاصم : و ليه نطول لسانا لما ممكن بالادب نخرص كلام اللي قدامنا
ايسل : اللي زي رغدة دي كانت عايزة طولة لساني .... صحيح قولي اشمعنا انا
عاصم : عشان طب تعالي كدا اقفي هنا
ايسل : ليه
عاصم : تعالي بس هنا كدا
وقفت ايسل في المكان اللي وصفه عاصم كان ضوء الشمس في وجهها لدرجة أنها مقدرتش تبصله وضعت ايديها علي عينيها
عاصم : اهو ده نفس إلى حصلي لما شوفتك و عرفتك احساس غريب بس حلو جمال الشمس حلو اوي لكن مش قادرة تبصيلها لو تعبتي او صدعتي ارجعي مكانك عادي
ايسل: لا كمل
عاصم : اول مرة الاقي بنت مختلفة كسرت القاعدة اللي كنت عاملها اني مش هخطب ولا هتجوز خليتيني احطك بين قوسين كدا لأنك طلعتي مختلفة عنهم كلهم حسيت انك فعلا ادمان سيلا انتي نيكوتين فعلا
ايسل بضحكة : انا نيكوتين ؟
عاصم : قصدي ان حبك في قلبي عندي زي الإدمان كدا
ايسل :انا اصلا مبشوفش نفسي حلوه غير وأنا معاك بجد كل حاجة بتكون جميلة فعلا حتي انا
عاصم : طب يلا يا هانم عندك محاضرة دلوقتي
ايسل بتعمل حركة الظابط : تمام يا فندم
عاصم : لو دخلتي بعدي مش هدخلك
ايسل : هو انا اقدر برضو يلا انا هدخل اهو
(ملحوظة : عاصم مش بيجاملها هي فعلا جميلة لكن دايما بيكون فيه ناس حقودة و قلبها اسود بتشوف كل الناس وحشة زيها )
____________________________________
دخل عاصم المحاضرة و مسك المايك
عاصم : انهاردة مش هنشرح حاجة بس هنتناقش مع بعض في نقطة مهمة جدا .... انا عارف انكم هتستغربو بس لازم نتكلم فيها
بعض من الطلبة: تمام يا دكتور اتفضل
عاصم : الجمال هنتكلم مع بعض عن الجمال سواء للبنت او الولد في اي بداية علاقة كلنا سواء راجل او بنت بيشدنا الشكل الأول لكن بعد التعمق في العلاقة بنلتفت للشخصية للروح للاخلاق للتربية للمواقف و نركز ع المواقف دي
المواقف اللي بتبين مين واقف معانا في الشدة مين اللي جدع بجد ... المواصفات دي كلها تقدر تخلي الإنسان يغض بصره عن جمال الشخص لو هو مش كامل او فيه شوية حاجات ناقصة اللي بيحب بجد بيحب العيوب بيعلم حبيبه ازاي يحب عيوبه اللي بيكرهها عارفين برة مصر الأجانب يعني معظمهم بيتجوزها اقل منه جمال بكثير لكن بيحبها لان الحب عندهم الاولوية و منهم اللي يتجوزها أكبر منه لكن احنا كعرب بنجري
ورا الجمال والي يقولك ياعم اتجوزها صغيرة عشان الجمال مع السنين بيروح يا حبيبي بيروح فين الست لحد سن الخمسين هي بتفضل جميلة وفيها روح ومهتمة بنفسها فما تضحكوش على نفسكم ما يمكن الصغيرة دي تفقد جمالها من و هي صغيرة البنت الحلوه فى نظرى انها تكون حلوه الشخصيه والروح وانها تكون شكلها مقبول
طالب: لو سمحت يا دكتور هو معلش يعني هقاطعك بس احنا من حقنا نحب الجمال و نتعلق بيه ماهو انا من حقي اكون مقتنع بشكلها مش معقول يعني اتجوز واحدة مش مالية عيني و كمان عشان مبصش برة مش شرط يعني جمال الروح و كدا
عاصم : مش شرط تكون جميلة اوووي ولا شرط انها تكون وحشه اوى اهم حاجه تكون مقبوله ومقاييس القبول بتختلف من شخص لاخر لكن لو انت هتركز ع الشكل يبقى 10 % انما الشخصيه 90% لانه الشكل بيتغير سواء للحلو او للوحش انما الروح مش بتتغير ابدا الجمال نسبي حقك تتجوز اللي تحسها فعلا جميله من وجهه نظرك بعيدا عن الروح بقا لان فعلا لو مكنتش هتقتنع ان اللي معاك مالي عينك وشايف فيه ع الاقل درجه جمال بتحبو فيها عينك لوحده هتشوف غيرها بعيدا بقا عن اي حاجه تانيه وف الاخر دي مقاييس بتختلف من واحد للتاني..زي ما الحلوه بتتحب برضو الوحشه بتتحب اصل بص كل الناس متساويه لو نقص من الجمال شويه هتلاقيه في حاجه تانيه فالعقل بقا ولا الحنيه ولا المسؤليه
اه وفي نقطه كمان مفيش حاجه اسمها بنت وحشه وحلوه انت اللي بتشوفها حلوه او وحشه
وممكن شخص تاني يشوف الاتنين وتبقابالنسباله الوحشه هي جميله الجميلات واللي انت تشوفها حلوه انا اشوفها عادي وهكذا فاهم
الطالب : فاهم انا اسف مكنش قصدي
عاصم : اما انا ف انا محظوظ جدا لأن نصي التاني و شريكة حياتي جميلة من كل شيء
و بصوت هاديء يكاد لا يسمع: بحبك
هي الوحيدة اللي سمعته و حستها
_____________________________________
في كافيه
سيف : انتي بتستهبلي صح هتقوليلو ايه يعني مش فاهم
ايسل : هفهمه غلطه و انه لازم يتفاهم معاها
سيف :وانتي مالك اصلا هيقولك انتي مالك دي اختي
ايسل : ملكش دعوة خليني اقابله بس هو مش جاي دلوقتي
سيف : أيوة بس انا معرفش ان الحوار كدا لو كنت عارف مكنتش كلمته
ايسل :احم اهو ايجا
ايسل : ازيك يا باشمهندس احمد
احمد : اهلا ازيك يا ايسل
ايسل : تمام انت مستغرب عشان انا مع سيف بس انا اللي طلبت منه يكلمك تيجي
احمد : لو هتتكلمي عن حوار روان يعني
سيف : طيب انا هتساءذن لما تخلصو كلام رني عليا
احمد : لا خليك يا سيف انا مش بخبي عنك حاجة تمام اتفضلي يا ايسل
ايسل : انا كنت عند روان و حالتها النفسية وحشة اوي هو انت ليه رفضت عمرو
احمد : عشان مش داخل دماغي حوار ان والده تعبان و هيجي يتقدم بعدين و بصراحة مش حاسه راجل كدا لو كان راجل بجد مكنش قفل السكة في وشي لما كلمته اول مرة
ايسل : ممكن يكون فعلا باباه تعبان و هيجي يتقدم ليه تقوله حتي لو اتقدمت اصلا مش هوافق عليك
احمد : يا بنتي دي محاولة للهروب
ايسل : يهرب ليه يعني هو انت ماضي عليه شيكات ... يعني ده واحد قابلك و فهمك أنه مستعد يخطب و هيجي بس قدامه الفترة دي باباه يقوم بالسلامة ده غير بقا روان معاملتك انت و طنط هند مش كويسة خالص ليه كدا يعني اقول لطنط تقولي البنت مينفعش معاها غير الشدة و لما انت ضربتها مامتك قالت اكسر للبنت ضلع يطلعلها 24 ليه يعني هي ايه انا معاك ان طنط تفكيرها كدا بس انت إنسان متعلم و فاهم كويس اوي
احمد : كنتي عايزاني اعمل يعني لواحدة بتقول انت ملكش حكم عليا و كلام مستفز
ايسل : مش لدرجة انك تضربها انك تضربها ده هو الأساس يعني في التعامل كأنها بقا كائن من غير عقل ولا شعور و مفيش وسيلة تانية تتعامل معاها بيها غير الضرب دي مجرد أمثلة معقدة و غريبة معرفش الناس دي جابتها منين وعلى أى أساس بيشوفوا أن البنت لازم تتعامل بالشدة والقسوة علشان تبقى كويسة
احمد : بس احب اقولك ان فيه بنات تستاهل الضرب مليون مرة
سيف: في دي عندك حق بقا فيه بنات الأيام دي اخلاقها زفت بس الضرب مش كل حاجة
ايسل : أيوة عارفة ان فيه بنات تستاهل كدا بس أحب أصدمك جدا لأن أولا القسوة والشدة دى بتخلق عقد وكلاكيع جوا البنت ...الضرب والقسوة مش بيجيبوا نتيجة بالعكس ممكن البنت او الولد يعاند اكتر ويعمل حاجات اكبر من اللي كانوا بيعملوها يعنى من الاخر أكسر للبنت ضلع مش هيطلع لها غيره وهيموت كل حاجة حلوة جواها وفعلا لو عايز تخسر أى واحدة عاملها بشدة وأكسر لها مليون ضلع وصدقنى أنت اللى هتجنى ثمار ده بإيديك سواء كانت الواحدة دى بنتك ولا أختك ولا خطيبتك ولا مراتك ولو ناوي تربي بنتك علي كدا اسمحلي اقولك انك كدا هتربيها غلط
سيف : عندك حق انا عن نفسي شايف من وجهة نظري مع اني لسه متجوزتش ومش عندي اولاد بس دا المبدأ اللي ناوي ان شاء الله اعاملهم بيه اني لازم اقرب منهم كتير واعاملهم مش ولادي لا هكون اكتر من صاحب واخ ليهم مع وجود الشدة في بعض المواقف
ايسل : و انا كمان هعمل زيك ده الرسول صلى الله عليه وسلم قال: رفقا بالقوارير ... سمى النساء قوارير وأوصى بالرفق بهن وقبل وفاته صلى الله عليه وسلم أوصى بالنساء ! المشكلة بس ان البنات مش على طول بيفتحوا قلوبهم لاخواتهم و مامتها عشان كده كتير اوى ما بيبقاش فى تواصل كويس انا ماما عودتني ان مخبيش عنها حاجة
احمد : و هي معملتش كدا هي كدبت عليا
ايسل : عشان انت صعب يا احمد و مش متفاهم لو جيت في مرة كدا أخدتها في حضنك و خليتها تفتح قلبها حتي لو عملت حاجة غلط انت تصلحها انا كنت بتمني يكون عندي اخ ولد و كنت بغيير لما الاقي بنت عندها اخ و اللي تقولي انتي في نعمة بس لما عرفت سيف حكيت لماما عنه قالتلي طالما مبتعمليش حاجة غلط خلاص مفيش حاجة كل الناس عارفة ان سيف ده أخويا لما بعمل حاجة غلط كان ممكن يزعقلي بس بعد كدا بيصلحلي كل حاجة و يفهمني غلطي عايزة اقولك ان الشدة اووي والضرب ممكن يجيب نتيجة عكسية مع البنت ساعات وغصب عنها تعمل حاجات غلط من ورا أهلها
احمد : بجد
ايسل: مش بس كدا ده غير الجرح النفسى اللى بيبقى جواها من المعاملة دى بيفضل ملازمها سنين وسنين وممكن ما ينتهيش خالص مهما حصل وممكن يطول بعد كده لولادها
سيف :بمعنى ان العقد اللى جواها بتطلع عليهم يعنى للأسف المشكلة مش متوقفة عليها هي وبس ولكن على أجيال هتيجى بعدها وهتتورث العقد دى
ايسل :بالظبط
احمد : انا فعلا كنت غبي في تصرفي معاها بس خلاص انا هصلح كل ده
ايسل :ياريت بجد
احمد : طيب انا همشي دلوقتي هجيب حاجة و هروح البيت و متقلقيش هصالحها
بعد ما احمد خرج من المكان
سيف بمرح: ايسل تنمية بشرية دكتور إبراهيم الفقي بيتكلم يا ناس
ايسل بتضحك : شوفت بقا
سيف : لا انا هقدملك تدربي في كورس تنمية بشرية بقا
ايسل : عرضوا عليا اشتغل مدربة تنمية بشرية بس انا اللي رفضت
سيف؛: اووه ريلي
ايسل : شور يا بيبي
__________________________________
احمد بيخبط علي غرفة روان
روان : ادخل
احمد قعد جنبها و حضنها : هتفضلي مخاصماني كدا كتير
روان : انت اول مرة تمد ايديك عليا
احمد : يارب كانت تتقطع
روان : لا بعد الشر عليك
احمد : خايفة عليا يعني
روان : اااه
احمد : البسي احسن فستان عندك عشان خارجين
روان : لا ماليش مزاج
احمد : مفيش حاجة اسمها ماليش مزاج هنخرج انا وانتي ده فرصة مش معانا جنة حتي انا وانتي و بوسي و بعدين حاجز تذكرتين للفيلم اللي كان نفسك تشوفيه
روان : بجد
احمد بيخرج التذاكر : اتفضلي
روان :طيب هختار حاجة البسها هو ينفع اخد رأيك
احمد بابتسامة: اكيد طبعا
روان بتفتح الدولاب : ايه رايك في الفستان ده ولا ده أحلي
احمد : الاتنين يقرفوا بصراحة مش حلوين
روان بغضب: وانا هاخد رأيك ليه اصلا انا عارفة أنهم حلوين
احمد خرج و بعد دقيقة معاه فستان جديد و الإكسسوارات بتاعته و جزمة جديدة
احمد : احم بس ده أحلي
روان : ده الفستان اللي كنت عايزة اشتريه و ماما قالتلي لا بعدين
احمد : يلا البسي و اجهزي هستناكي
روان حضنته:بجد ربنا يخليك ليا
احمد قبل رأسها : و يخليكي ليا يا حبيبتي يلا بقا هستناكي متتاخريش
____________________________________
في عيادة طبيب نساء و توليد
الدكتور : مبروك يا مدام بوسي حضرتك حامل
بوسي بصدمة: انت بتهزر حامل ازاي يعني
الدكتور : هو انتي مش بطلتي البرشام تقريبا
بوسي : لا طبعا مبطلتوش انا لسة باخده بس قعدت كام يوم ماخدوش
الدكتور : بصي هو نصيب برضو ربنا رايد انه يجي
بوسي : لا مستحيل طبعا بص انا عايزة اعمل عملية إجهاض
_________________________________
بعد ما خرجت روان هي و احمد من السينيما
روان :احمد فيه حاجة بتوجعني جامد
احمد بقلق: مالك بس انتي كنتي كويسة
روان بوجع: مش عارفة جنبي واجعني اوووي
احمد : طب اهدي بس هنروح لدكتور حالا
متوقعين ان بوسي هتعمل العملية دي فعلا و تنزل البيبي
التعليقات على الموضوع