كبرياء الصمت (الحلقه 14)
الفصل 14 ( كبرياء الصمت )
الدكتور : بصي هو نصيب برضو ربنا رايد انه يجي
بوسي : لا مستحيل طبعا بص انا عايزة اعمل عملية إجهاض
الدكتور بصدمة : اسف مقدرش للاسف هاتيلي موافقة من دار الإفتاء غير كدا مش هقدر
بوسي : انا في كلية ألسن قسم إيطالي لحد دلوقتي مش عارفة اخد اخر سنة متخيل مش عارفة اتخرج بأجل و في سنة 3 جبت تقدير زي الزفت المفروض ان حتي اخر سنة اجيب فيها تقدير كويس مش عارفة و لا حتي عارفة أذاكر و عشان بنتي تدخل مدرسة انترناشونال لازم يكون باباها و مامتها تعليم عالي و متخرجين
الدكتور : طيب نفترض انك نزلتيه طيب وبعدين هتقدري تدخلي السنة الجاية يعني ضامنة تقدير امتياز و تتخرجي دى نعمه فى كتييييير قووووى بيتمنوها فكرى تانى كدا انتي إنسانة متعلمة و بعدين جوزك اكيد هيرفض طبعا
بوسي بعصبية: وانا مين هيشيل عني الحمل ده انا محدش بيقف جنبي في حاجة و بتعب لوحدي أيوة للاسف هيرفض
الدكتور :لااله الا الله ربنا ييسرلك حالك يا مدام بوسي بس برضو حتى لو ده امر ربنا والاعتراض عليه حاجه وحشه ربنا يعفينا ويعافيكى ولو ربنا مكنش رايد مكنتيش هتخلفى استعيذى بالله كده وان شاء الله ربنا يكرمك ويكمل حملك على خير ويرزقئك زريه صالحه ويبعد عنك كل شر هقولك حاجة بس ممكن تهدي و تبطلي عياط
بوسي : اتفضل
الدكتور :انا كنت اول جوازى فى مشاكل بينى وبين مراتي وكنت خلاص هطلق وسبحان الله كانت حامل فى الشهور الاولى وكانت برضو عاوزة تنزل الجنين زيك نصحناها انا و مامتها و الحمد لله دلوقتي حامل في اخر السادس اهو بحمد ربنا على نعمه انى هبقى اب وبعد الايام علشان اشوف ابنى ربنا يجيبه بالسلامه يارب ويرزق كل مشتاق وان شاء الله ربنا يقدرك على حملك صدقيني فرحتك بالبيبي هتمحي اي حاجة تانية ما يمكن ده يكون احن عليكي من اي حد
بوسي :طيب انا لازم امشي
الدكتور : أتمني تشيلي الأفكار دي من دماغك و تعقلي و هستناكي تيجي تتابعي معايا
بوسي :حاضر ان شاء الله عن أذنك
بعد ما خرجت بوسي
الدكتور لنفسه : سبحان الله الانسان مننا غريب مبيقدرش النعمة والرزق اللى ربنا بيعبتهوله
وغيره بيتمنااه ربنا يهديها
_____________________________________
روان : اااه بطني مش قادرة الحقني يا احمد
احمد : روان مالك في ايه
فجأة روان غابت عن الوعي
احمد بيفوق فيها مش بتفوق قرر ياخدها علي اقرب مستشفي
_____________________________________
بوسي اتصلت علي ايسل كانت مع سيف في النادي قالتلهم يسبقوها علي شقتها
____________________________________
احمد اتصل علي هند
احمد : أيوة يا ماما .... مفيش انا في المستشفي هاتي معاكي هدوم ل روان مش عارف مرة واحدة اغمي عليها ماشي سلام
في غرفة الكشف
الدكتور: حضروا الحالة لغرفة العمليات بسرعة
خرج الدكتور من الغرفة
احمد : طمني يا دكتور هي عندها ايه
الدكتور : لازم تدخل أوضة العمليات بسرعة و تشيل الزايدة لانها ملتهبة جدا والا هتنفجر في بطنها بس محتاج ولي أمرها يمضي ع الإقرار ده
احمد بخوف : انا أخوها طب طمني هي هتبقي كويسة
الدكتور : لحد دلوقتي كويسة بس ربنا يستر انتو ازاي سبتو حالتها تتأخر كدا
احمد : يعني فيه خطر عليها يا دكتور
الدكتور : ان شاء الله لا بس ادعيلها تعالي معايا عشان تمضي ع الإقرار ده
احمد :ماشي
_____________________________________
في شقة بوسي
سيف : اتاخرنا عليكي
ايسل بقلق: مالك كنتي بتعيطي صح
بوسي : مخنوقة شوية
سيف : طيب انا هنزل
بوسي : لا خليك يا سيف
ايسل : مالك يا بنتي في ايه
بوسي : انا حامل
ايسل : بجد مبروك هو في واحدة حامل تعيط كدا
بوسي : مش عايزاه
سيف : مش عايزاه ازاي يعني انتي بتهزري صح
بوسي : انا عايزة انزله
ايسل بعصبية : انتي بتستهبلي صح تنزلي مين انتي هبلة طب و احمد عارف
بوسي : ميعرفش اني حامل اصلا ولا هيعرف اني هنزله انا كلمتكم عشان تساعدوني و نشوف عملية ولا أدوية تنزله
سيف : لا حول ولا قوة الا بالله حرام عليكى صدقيني غيرك بيتمنى الطفل ده ومستعد يدفع عليه كل اللي وراه واللي قدامه
ايسل: عايزة ترجعي هدية ربنا اعطهالك بتتطلبي مننا نشاركك و نساعدك في قتل طفل مالوش اي ذنب صدقيني مافيش اصعب من قتل النفس بكرة يجي اليوم اللي تدوري علي 100 حل عشان تحملي و متلاقيش ولله اعرف واحدة اجهضت ابنها قصد و دلوقتي بتتمني تحمل تاني و مش عارفة
بوسي : انا لازم اجهض وعارفه ان الاجهاض حرام و غلط وفاهمه بس محدش فاهم او مقدر ظروفي قدي انا محتاجه مساعدتكم عايزاكم تكونو جنبي يوم العملية دي
ايسل : حبيبتي اهدي كدا .. وقولي الحمد لله علي الحمل ده لان دي نعمة مبتتقدرش بثمن, ومحدش يعرف قيمتها غير اللي فقدها.. ده الخير فيما اختاره الله اوعي تعملي العملية دي لان متعرفيش عقاب ربنا ايه
سيف : انتي كنتي بتاخدي حبوب منع حمل
بوسي :انا كنت ماشيه عليها و لخبطت فى ميعادها وحصل حمل الدكتور قالي اني في حامل في شهر يا جماعة انا كمان اعصابى تعبت من تربيه العيال وطالما ولسه نطفه مش حرام لانه مش نفخ فيه الروح
ايسل بنرفزة: نطفة ايه وروح ايه المهم المبدأ ازاي مفيش حاجة اسمها الروح لسة ربنا خلقو من وهو نطفة يبقي ازاى انتى تنزليه دي فيها ذنب وكبير كمان هان عليكي تقتلي اللي بطنك اوعي يا قلبي بكره هتندمي ولله
سيف : اللي بتفكري فيه ده هو الحرام ازاي البويضة حية والحيوان المنوي حي وتتقولي لسه مش فيه الروح حي وحي يجيبو حي سواء بقي نطفه ولا اي حاجه اوعي تعملي كدة ده رزق وربنا بعتهولك تقومي ترفضيه؟ولو ع التعب مش فاهم تعب ايه يا بنتي ده كله كلام فاضي ولما تولدي ابنك وتقومي بالسلامة وتبصي فعينه وهو بيضحكلك مش هتسامحي نفسك ابدا انك فكرتي ف كدا مش انتي دايما تقوليلي اتجوز عشان لما تصحي تبص في عيون ابنك و هو كل يوم بيكبر قدامك ولا ده كلام يعني
بوسي :انا تعبت اعمل ايه بس انا فى مرار مش مستعده لمرة تانية لحمل وولاده ورضاعه وتربيه غير شقاوة جنة و عذابي معاها و هي بتكتب الواجب و اصلح وراها كل حاجة كل شويه حررررام انا تعبانة حسو بيا شوية
ايسل :بصي هو الموضوع صعب انا عارفة بس مش قادرة أتخيل ان ام بيهون عليها تقتل طفلها ده قدر من ربنا و ان شاء الله لما يجي هيصلح حاجات كتير في حياتك وانتي اكيد ربنا هيعينك
و بعدين لو علي دراسة جنة يا ستي واسطة من باباكي تدخل بنتك المدرسة علي طول و ممكن تكملي دراستك عادي بصي طالما ربنا رزقك بيه يبقى عارف انك تقدري تتحملي مسئوليته ده ربنا ارحم الراحمين افتكري ان : (لا يكلف الله نفسا الا وسعها)
سيف : انا مش هقولك غير اني مش هشارك في جريمة زي دي و جوزك لازم يعرف
ايسل :ولله نفسي آخدك و تروحي بيت جارتي و تسمعي كلامها دي بتتمني الحمل و مستعدة تدفع دم قلبها ارجعي عن موضوع الاجهاض لان ده رزق وربنا باعتهولك ومينفعش تنزليه ابدا لان انتي في نعمه و بالنسبة لأحمد مينفعش ميعرفش ده ممكن لما يعرف يفرح اوي و يحسن معاملته معاكي و تبطلو خناقات فكري كويس قبل ما تاخدي اي خطوة حرام هي مسموح تعمليها فعلا لو كان الحمل بيأثر على صحتك انتي بس صحتك الحمد لله كويسة , يعني متفرطيش بيها
سيف قعد جنبها و ضمها في حضنه و هو بيمسح دموعها : افتكري ماما كدا كانت بتشوف أسوء معاملة من بابا و رغم كدا عمرها ما منعت تاخد موانع حمل ده بالعكس يعني
(ده ربنا سبحانه و تعالى قال :و عسي ان تكرهوا شيئا وهو خير لكم و عسي ان تحبوا شيئا وهو شر لكم ولله يعلم وانتم لا تعلمون )
ماما كانت دائما تقول
..الولاد عزوة وسند ليها لما تكبر و فعلا احنا اللي كنا مصبرينها علي العيشة دي اوعى تموتى ابنك ولا بنتك لانك هتعيشى ندمانة طول عمرك و روحى للدكتور وتابعى حملك
قبل راسها :و ربنا يهديكى ويتملك على خير يارب
بوسي : انا فعلا اقتنعت و مش هعمل حاجة و هقول لاحمد
ايسل بسعادة : بجد
بوسي :ربنا يخليكو ليا
سيف : جنة فين
بوسي : عند ماما عبير
سيف : طب انا جعان و متغدتش برة هتعمليلي اكل ولا امشي
بوسي : لا هعملك تعالي ساعديني
ايسل : لا انا هتفرج ع Tv
بوسي: بت انتي يلا قدامي تتعلميلك اكلة تطبخيها
سيف : انا هنام في الأوضة دي لما تخلصوا صحيني بقا
ايسل : كدا هتسلمني ل بوسي مش هعرف اهرب منها
بوسي : بتقولي ايه
ايسل : مبقولش يلا قدامي ع المطبخ
____________________________________
في المطبخ
بوسي : انا هعلق علي اللحمة
ايسل : وانا هعمل لايك علي الحلة
بوسي : ايه يا بنت الظريفة مالك
ايسل بتضحك : الله بهزر معاكي يا بوسبوس
بوسي : بطلي دلع و ناوليني ازازة الخل دي
ايسل : اوكيه
بوسي : علي ما الماية تغلي هرش شوية خل ع اللحمة
ايسل : ليه
بوسي : عشان تستوي بسرعة ياختي بقولك اعمل ملوخية ولا بامية
ايسل : بصي خلي اللحمة مسلوقة بلاش تحمريها و اعملي ملوخية
بوسي : ماشي بتعرفي ولا اعلمك
ايسل : لا والنبي الملوخية دي صعبة اعميلها انتي انا هتفرج عليكي بس
بوسي : صعبة ولا انتي اللي فاشلة يا بت
ايسل : علي فكرة انا عندي قدرات محدش يعرفها لسة و بعدين انا قولتله اني بتعلم برضو
بوسي : هو اللي موصيني عليكي اعلمك اصلا
ايسل : طيب استنى بس اسجل محاضرة انهاردة في النوتة عشان احفظ الطرق دي
بوسي : محاضرة
ايسل : أيوة ما انا باخد معاكي كورس طبيخ
بوسي : ايه ده التليفون بيرن ... ناوليهوني كدا
ايسل : خدي
بوسي برفع السماعة : أيوة يا احمد ... بترن علي موبايلي اه ده فصل شحن تقريبا لا انا مش عند ماما انا في البيت .. معايا سيف و ايسل .... مال صوتك انت فين كدا .... ايه انت بتقول ايه ازاي دي كانت كويسة
ايسل بقلق: في ايه يا بوسي
بوسي : طيب يا احمد في اي مستشفى. .... لا طبعا لازم اجي ماشي سلام
ايسل : في ايه يا بوسي مين دي
بوسي : روان عملت الزايدة
ايسل :ايه ازاي دي كانت كويسة
بوسي : يلا دلوقتي انا هعلق ع اللحمة و اوطي عليها و لو كدا اجي قبل ما تستوي اطفي ع الأكل
ايسل : انا هروح اشوف سيف عشان يوصلنا
____________________________________
جريت على الغرفة اللي سيف نايم فيها .... ايسل بتصحيه يقوم
ايسل : سيف قوم
صحى سيف من بكاءها و خوفها
سيف : مالك في ايه طب اهدي
ايسل قاعدة جنبه و مبتردش عليه و بتعيط و هو بيحاول يهديها بيطبط عليها تهدي رأسها مالت علي كتفه و اترمت في حضنه تلقاءي هي محستش بنفسها و هو كان متلخبط كان حضن استمر لمدة 5 دقايق لما ايسل هديت شوية و فاقت نظرت لعينيه و هي مازالت بتبكي
سيف : فى ايه يا سيلا مالك ايه الى حصل ؟
كل ده و ايسل هي اللي حضناه و ماسكة في القميص بتاعه مش عايزة تخرج من الحالة اللي دخلت فيها و هو بيحاول يبعد عنها مش عارف
سيف : طب فهميني في ايه عاصم زعلك
ايسل لما سمعت اسمه شعرت بخوف و فاقت من اللي هي فيه و بعدت عنه بالراحة كأنها مش عايزة تسيبه :
ايسل : انا انا اسفة يا سيف مش قصدي
سيف : قولي في ايه
ايسل : قوم البس بسرعه روان في المستشفى بتعمل عملية الزايدة و الدكتور قال ان حالتها مش كويسة وأنا خايفة انا ماليش صحاب غيرها هي و منار وانت
سيف: ايييييييييييييه ازاي دي كانت كويسة
ايسل : قوم بسرعه وانا هتصل ب منار تيجي
____________________________________
في المستشفي _ ممر غرف العمليات
روان ترقد في سرير العملية و أخوها و والدتها و ايسل و سيف و بوسي جالسين بجوار الغرفة و ينظروا إليها من خلال الشباك في قلق شديد
خرج الدكتور من اوضه العمليات
كلهم : خير يا دكتور
الدكتور : الحمدلله هي كويسة دلوقتى و فاقت بس مش هتحس بيكم ولا بأي حاجة غير بعد شوية و هنقلها دلوقتي تقعد في غرفة عادية
ايسل : بجد يعني هي كويسة دلوقتي طب نقدر نشوفها
الدكتور : لا هسيبها ترتاح دلوقتي
احمد : الحمد لله متشكر اوي يا دكتور
الدكتور : متقولش كدا ده واجبي طبعا
____________________________________
عاصم بيتصل علي سيف
سيف : ايه يابني انت فين .... اه ايسل كلمي عاصم عايزك
ايسل : ايه يا حبيبي موبايلي .... انا اسفة ولله موبايلي سايلنت
عاصم : طبعا دي عادتك ولا تشتريها و بعدين مش عشاني انا بس ده مامتك قلقانة عليكي و جدك كمان عشان فاكرينك مع بوسي و برن عليها تليفونها مقفول
ايسل: اااه صحيح انا نسيت اكلمهم بس انت عرفت ان سيف معايا ازاي
عاصم : مش عارف انا بكلمه اسأله عنك قالي انك معاه اومال انتو فين كدا
ايسل : احنا في المستشفي
عاصم بقلق : مستشفي ايه و فين
ايسل :روان عاملة عملية الزايدة واحنا كلنا عندها
عاصم : طيب انا جاي حالا و متنسيش تشوفي موبايلك و كلمي مامتك طمنيها عليكي
ايسل : حاضر
_____________________________________
هند : الف حمد الله على السلامه يا بنتى انا اسفة لو مكنتش مهتمة بيكي الفترة الأخيرة دي
و حاولت تقبل ايديها و رأسها لكن روان اتوجعت من البوسة لانها خبطتها من غير قصد
هند : معلش يا حبيبتي سامحيني مقصدش
ايسل : خضتينا عليكى رونا
منار : كنا هنموت عليكى
روان حاولت تتكلم مقدرتش اكتفت بابتسامة فهموا معناها
الممرضة :لو سمحتوا مين المرافق اللي هيفضل معاها
هند : انا
ايسل و منار : لا يا طنط احنا هنقعد معاها
هند : مش هينفع يا حبيبتي انتو بنات مينفعش لا
ايسل : خليها توافق يا عاصم
عاصم شدها علي جنب : مامتك مش هتوافق انتي بتهزري
ايسل : انا عايزة اقعد معاها ماليش دعوة وانت هتقدر تقنعها عشان خاطري
عاصم : حاضر هقولها بس الأول نقنع طنط هند تروح
____________________________________
ايسل قاعدة جنب روان علي السرير بتسرح شعر روان وهي نايمة و منار نايمة علي السرير اللي جنبهم
دخلت بوسي و هند و جنة عندهم
بوسي : صباح الخير
ايسل : صباح النور
جنة : سيلا وحشتيني
ايسل : وانتي كمان
هند : حالتها ايه دلوقتي
ايسل : الممرضة دخلت ادتها حقنة و نامت تاني و الدكتور بيقول يومين و هتخرج
____________________________________
تاني يوم في المستشفي
احمد : طيب انا هروح الشغل اعمل حاجة بس و هاجي تاني عشان في شغل واقف عليا
روان : ماشي روح يا احمد عشان متتعطلش انا بقيت كويسة
احمد قبل راسها : ماشي يا حبيبتي اجيبلك حاجة وانا جاي
روان : عايزة سلامتك
خرج احمد من الغرفة و يكاد ان ينزل السلالم لكنه يلتفت تجاه السلالم و يبدأ في النزول للأسفل ، عمرو ينظر من خلال باب الغرفة و لكنه يتراجع عندما يري والدة روان
بعد لحظات يخرج عمرو من باب المبني و يراه احمد و يقاطع احمد طريقه
عمرو بينظر تجاهه بقلق
احمد بعصبية : بتعمل ايه هنا
عمرو : جيت اشوف روان
احمد : بصفتك ايه
عمرو بيجمع شجعاته و بيحاول يتغلب علي قلقه تجاه احمد : بصفتي ... بصفتي واحد نفسه يقضي بقية عمره معاها
احمد كان هيضربه لكن شيء منعه : انت قد كلامك ده و ايه اللي يثبت انك فعلا كدا
عمرو : لو انت توافق انا مستعد اتجوزها من بكرة الصبح
احمد بابتسامة: متزعلش مني ع اللي حصل مني قبل كدا
عمرو : مش زعلان عشان كان عندك حق فعلا انا اللي اسف ممكن رقمك عشان احدد ميعاد معاك و اجيب بابا
احمد : لما هي تقوم بالسلامة الأول و بعدين لازم رأيها .. رقمك معايا هبقي ارن عليك
عمرو : اوكيه انا هروح
احمد : معاك عربية ولا تحب اوصلك
عمرو : عربيتي عطلانة بس هاخد تاكسي
احمد : طب تعالي معايا هوصلك
____________________________________
احمد كان داخل الشقة و بوسي اول ما سمعت صوته شدته من ايديه من قبل ما يقلع الجزمة و سحبته من ايديه لغرفة النوم
كانت لابسة فستان قطيفة اسود طويل من غير كتف و من اول الكتف و ايديها بدانتيلا و شعرها البني الطويل مفرود علي ظهرها
دخلته غرفة النوم كانت متزينة بالبلالين و علي جنب عشا رومانسي و جنبه شموع و علي السرير بوكس لونه احمر ملفوف بشريط
احمد متفاجأ بالتغيير ده
بوسي قربت منه و بتحط ايديها علي رقبته
بوسي : أحمد
احمد : ايه ده كلو ده عيد جوازنا لسة بدري عليه
بوسي : لا يا حبيبي مش عيد جوازنا
احمد: اومال ده ايه
بوسي : حبيبي هو احنا كام في الشقة
احمد : انتى هبلة
بوسي : بجد مبهزرش
احمد : انا وانتى و جنة يعنى 3
بوسي سحبته من ايديه و اعطته بوكس الهدية
احمد : ايه ده
بوسي : أفتحها الأول
احمد بيفتح البوكس بيشوف تحليل حمل
احمد بدهشة : ايييييه لالالالا انا مش مصدق
بوسي مسكت ايديه و وضعتها علي بطنها : أيوة هنا في نونو
احمد عينيه دمعت من الفرحة و حضنها: يعني انا هبقي اب لتاني مرة
بوسي هزت رأسها : أيوة
احمد : هييييييه الحمد لله بجد
بوسي : بس يا مجنون جنة هتصحي
احمد : اصحي يا جوجو ماما هتجيبلك اخت او اخ تانى اصحي اصحي
بوسي : أحمد مالك ..محسسنى انك اول مره تبقي اب
احمد : لانى نفسي املي البيت ده عيال منك واحس انى في نادي مش بيت
بوسي : لا كفايه اووي جوجو واللي في بطنى ده
احمد شدها لحضنه تاني : انا بحبك اووي ربنا ما يحرمنى منك ونفضل سوا مع بعض
بوسي : ولا يحرمني منك يارب ❤❤
اخدها في حضنه و باسها بوسة طويلة شالها علي ايديه و وضعها علي السرير و ابتدي يبوسها تاني من رقبتها و خدها و بدأ من شفايفها تاني
و همس بصوت هاديء : بحبك جداااااا
____________________________________
ايسل بتتصل علي عاصم مردش عليها و هي داخلة من باب العمارة اتفأجات بشخص بيلمسها من ضهرها فجأه اتخضت وكانت ھتصوت
عاصم : یخربیتك الناس ھتفتكر انى بتحرش بیكى
ايسل وضعت ايديها علي صدرها و بتاخد نفسها قلبها كان بيدق بسرعة : حد يخض حد في الضلمة كدا
عاصم بيضحك : وحشتيني
ايسل : وانت كمان بس جيت ليه
عاصم بيرفع دقنها لعينيه: ايسل
ايسل : ها
عاصم : هي وحشتيني مش كفاية
ايسل بلخبطة: طيب انا طالعة و اوعي كدا ممكن حد يشوفنا علي فكرة و يفهم غلط
عاصم : عادي محدش ليه عندنا حاجة و بعدين كلها كام شهر و هتكوني مراتي
ايسل: يعني لسة مبقتش مراتك و بعدين لازم طبعا اعمل حساب للناس انا طالعة بقا
عاصم : احم طيب مامتك قالتلي اجي عشان هنتفق علي شوية حاجات نجيبها و الشقة و الفرش و كدا
ايسل: بس مش قالتلي هي مستعجلة كدا ليه
عاصم : مستعجلة ايه يا بنتي ده يدوب و بعدين انا بشوف شقة مناسبة الأول
ايسل: طب اطلع بدل ما نتكلم علي السلم كدا
طلع معاها و دخل الشقة
____________________________________
في غرفة روان دخل عندها الدكتور كانت روان بترتب شنطتها تخرج
الدكتور :كدا هتمشي
روان بتضحك : انا بقيت كويسة خالص
روان : هو مين اللي جايب الورد ده
الدكتور : مش عارف بس شوفيه كدا
روان بتمسك بوكيه الورد موجود فيه كارت مكتوب عليه
بحبك .... تتجوزيني
و جنبه علبة شوكولاتة جواهر جلاكسي
روان : ده اكيد حد من صحابي بيهزر صح
الدكتور بيضحك :مش عارف بس صحابك مش هيكلفوا نفسهم كدا
روان : أيوة ما انا بقول برضو
بتنظر للورد بسعادة و تشمه
عمرو دخل وراءه
الدكتور : طيب انا هستاذن دلوقتي
عمرو :اتفضل يا دكتور
عمرو بيمد ايديه يسلم عليها و هي مترددة و خايفة
عمرو : احم مش هتسلمي ....
روان : ها انت ازاي تيجي كدا
عمرو : وحشتيني قولت اجي اشوفك و بالمرة اطمن عليكي
روان : مين اللي قالك اني هنا ...
عمرو : العصفورة قالتلي
روان : ايسل صح
عمرو : بصراحة انا كلمتها ع الفيسبوك اطمن عليكي و هي قالتلي كلمتين لو بتحبها بجد هتعرف تعمل المستحيل عشان تكون ليك و قالتلي انك في المستشفى
روان : وانت طبعا عملت المستحيل ده من اول مشكلة ليا جريت زي العيل الصغير حتي محاولتش تقف جنبي سوري يا عمرو بس انا مش حابة كدا لو كنت بتحبني بجد زي ما بتقول كنت كلمت أخويا و بعدين انت هنا بصفتك ايه مش فاهمة يعني
عمرو : روان انا بحبك
روان بسخرية : و ايه اللي يثبت يعني و بعدين انا خلاص هسمع كلام اخويا و مش هخبي عليه حاجة تاني و لو عرف انك هنا دلوقتي ممكن يزعل مني جدا
عمرو : .......
احمد دخل في الوقت ده : طب لو قولتلك ان اخوكي مش زعلان منك عشان انتي احسن بنوتة في الدنيا
روان : أحمد انا مكنتش اعرف ولله انه هيجي و
احمد : عارف ما تتكلم يابني بدل ما انت ساكت كدا
عمرو : روان هو الورد عجبك
روان بدهشة : انت اللي جايب الورد ده
عمرو : اه انا
روان و هي ماسكة الكارت : يعني انت عايز
عمرو قاطعها : تتجوزيني
روان وقفت جنب احمد و هي مكسوفة و مش قادرة تبص ل عمرو
عمرو : أفهم من كدا ان دي موافقة
روان : اللي احمد يشوفه
احمد : لا انتي شايفة ايه لسة بتحبيه؟
روان هزت رأسها : اااه
____________________________________
عاصم : تمام بقا جهزي نفسك بكرة هنروح نشوف الشقة اللي في هليوبوليس
ايسل : اوكيه
ايسل نزلت معاه من علي السلم
عاصم : طيب اطلعي انتي انا هنزل
عاصم بيسلم عليها و هو بيسلم عليها شدها في حضنه
ايسل اتفاجأت من الموقف و بعدت عنه و طلعت سلمتين من السلالم و وقفت لحظات هو كان متوقع أنها هترجع لحضنه تاني لكن هي طلعت تاني علي السلم
_____________________________________
رأيكم
التعليقات على الموضوع