احببت طباخة💠الحلقه 13💠
الحلقة13 (أحببت طباخة)
شهد كانت خايفة و واقفة تبص علي المباني اللي حواليها و هي متعرفش اي مبني فيهم و شيماء كانت لسة مرنتش عليها
_________
اما زياد لمحها و هو رايح عندها اتصدم لما شاف
___________
كان في 3 شباب بيتكلمو مع بعض
(فارس و عاصم و حاتم ) في سنة 4 إعلام
فارس :شايف البت اللي بتبص حواليها دي يا عاصم
عاصم :اه شكلها اولي
فارس :هروح اتعرف
عاصم :بس شكلها محترمة يا فارس
رامز :ما خلاص يا فارس بقا انت كل ما تشوف واحدة تعمل كدا يا اخي انت عندك اخت بنت عيب عليك ولله اللي بتعمله ده
و سابهم و مشي
فارس:ايه الواد ده دايما كدا خنيق
حاتم :سيبك منه
فارس سابه و راح عند شهد
فارس:ايه يا عسل انتي واقفة لوحدك كدا ليه لو مش عارفة حاجة ممكن أعرفك علي فكرة انا قديم هنا في سنة 4
شهد بصتله بقرف :شكرا مش عايزة اعرف
فارس :طيب انا فارس وانتي بقا اسمك ايه
شهد سكتت ولسة بتبص حواليها
فارس:علي العموم لو عايزة تعرفي فين المدرج بتاعك انا ممكن أعرفك
شهد بعصبية :جري ايه يا جدع انت ما قولتلك مش عايزة اعرف هو عافية
في اللحظة دي كان زياد وصل عندها :مش رجولة يعني انك تتعرف بالعافية انت مالك واحدة مش عايزة تتكلم معاك يبقا تحترم نفسك و تمشي بالادب
شهد بصت للصوت و قالت ده صوت انا عارفاه لاقته زياد
فارس :وانت بقا مين ان شاء الله
زياد :دي بنت عمي و ياريت تتفضل حضرتك
فارس:ها ... اه عن أذنك
و مشي فارس
شهد ابتسمت :زياد انت بتعمل ايه هنا
زياد :كنت بوصل اختي
شهد :يعني انت مش معانا هنا في الجامعة
زياد :لا انا متخرج من هندسة من 3 سنين
و بعدين مش نتلم بقا مش كل ما اشوفك يحصلك حاجة
شهد :وانا يعني كنت قولتله يعاكسني ولا قولتله تعالي اتعرف عليا
زياد :لا بطلي تحلوي عشان محدش يعاكسك
انتي بتبصي حواليكي كتير ليه
شهد :ها ... عشان اشوف المدرج بتاعى ..بدور عليه
زياد بيضحك:بتدورى على عيل تايه
وبعدين انتى المفروض دلوقتى هتكونى فى مدرج ايه
نور :مش عارفة
زياد :وواقفة هنا ليه..المدرج بتاعك مش هنا اصلا. ..تعالى اوديكى
شهد:لا قولى اروح ازاى لان مستنية شيماء صاحبتي هي قاعدة دلوقتي مع خطيبها
زياد:شهد مبحبش اعيد كلامى مرتين... تعالى اوديكى يلا
شهد: مش عاوزة مساعدتك اتفضل شكرا
زياد:خلاص براحتك ..سلام
شهد اتضايقت فكرت انه مش هيسيبها و هيوديها فضلت تبص عليه لحد ما مشي و اختفي خالص و كلمت نفسها :انا غبية ولله مش كان لازم اعند يعني كنت خليته يوديني اوف بقا يارب و شمياء انتي كمان لسة بترغي مع خطيبك
بصت تاني حواليها مش لاقية زياد
مشيت شوية سمعت صوت وراها بيقول
زياد :مش من هنا على فكرة ..انتى ماشية غلط
شهد بابتسامة:زياد..ممكن تودينى
زياد سكت و مردش عليها لمدة دقيق
شهد :انا اسفة
زياد ضحك:ما كان من الاول ..يلا
_________
عند فارس و صاحبه
عاصم :ها عملت ايه
فارس:ابن عمها ايجا و هي ايه تقيلة جدا و هزقتني
عاصم :بس شكلها محترمة فعلا
فارس :يا عم ما كلهم كدا في الأول
عاصم :علي رأيك يلا بينا المحاضرة بتاعتنا هتبدا
________
شهد و هي ماشية معاه كل البنات كانت معجبة جدا ب زياد و يبصو عليه و هو كان مش بيبص علي حد و هي اتضايقت من البنات دي لحد ما وصلت عند المدرج
زياد :هو ده المدرج بتاعك ..اكيد حفظتى الطريق
شهد :اه حفظت ..شكرا بجد يا زياد
زياد بص فى ساعته و قالها:الساعة 9 لسه فاضلك نص ساعة على محاضرتك
شهد :انت عرفت منين معاد المحاضرة
زياد شاورلها علي الجدول:ايه الغباء ده ما الجدول اهو
شهد :طيب امشى انت بقى ..معلش عطلتك ..وشكرا اوي
زياد:انتى هتفضلى واقفة كده
شهد :مش عارفة ..بس هقف هعمل ايه يعنى .ما تمشى بقى انا هستني صاحبتي
زياد:طيب اقعدى هناك لغاية ما المحاضرة بتاعتك تبدأ ..ومتكلميش حد متعرفهوش فاهمة
شهد:حاضر
زياد :طب عايزة حاجة
عشان رايح الشركة
شهد بأبتسامة :شكرا
زياد:خلى بالك من نفسك ..سلام
شهد:سلام ..
فضلت تبص عليه لحد ما اختفي خالص
كانت وقتها شيماء بتتصل تشوفها فين ردت عليها
شهد :ايه يا زفتة بتحبي في الواد هيما و سيباني كدا
شيماء :انتي فين
شهد وصفتلها المكان و شيماء ايجت عندها
(ملحوظة شهد كانت بسيطة جدا و رقيقة و مع ذلك جذبت زياد و أعجب بيها بالرغم ان ميار كانت بتحط ميكب و بتغير قصة شعرها و لونه كتير و بتلبس براندات عالية و شهد يعتبر لبسها مش براند و بسيط جدا لكن كانت جميلة اوي الفكرة ان اللي هيحبك هيحبك انتي مش هيفرق معاه لبس ولا ميكب ولا كل ده)
________
بدأت المحاضرة
بدأ الطلبة كلها اتجمعت و ريماس كانت قاعدة في اول بينج و شهد و شيماء في النص
دخل الدكتور ادم
ادم :صباح الخير .... احم احم
انا دكتور آدم بشتغل معيد من 3 سنين و معاكو ان شاء الله و اعتبروني اخوكم مش الدكتور بتاعكم انا هديكو مادة مدخل الإذاعة و التليفزيون
ادم شاف بنت بتبص حواليها و كأنها خايفة و متوترة
ادم :اللي لابسة اخضر
ريماس بتبص جمبها
ادم :أيوة انتي اللي في اول بينج و بتبصي حواليكي
ريماس بصتلو :انا
ادم :أيوة انتي
ريماس قامت :أيوة يا دكتور في حاجة
ادم :مالك خايفة كدا ليه انتي لسة في سنة اولي
انتي اسمك ايه
ريماس بتوتر :ري .. ريماس اسمي ريماس
ادم بيضحك علي كسوفها :تمام يا ريماس خليكي مركزة عشان هبدا اشرح و ياريت متبصيش كتير حواليكي
اتفضلي اقعدي
ريماس :شكرا
و قعدت
و دكتور آدم بدأ الشرح
تعالو نتعرف علي دكتور آدم هو شبه (الفنان كريم فهمي عشان تتخيلوه حاطلكم صورته )
عنده 25 سنة بيتشغل معيد بقاله 3 سنين شاب وسيم و عنده غمازة في دقنه
دكتور آدم كان مركز جدا مع ريماس و هدوءها
بعدها المحاضرة خلصت
و ريماس خرجت و هي مالهاش صحاب و متعرفش حد خالص في الكلية دي
و المحاضرة التانية كانت بعد نص ساعة
عند شهد و شيماء راحو قعدو في الكافتيريا
شيماء :تعالي نجيب حاجة نشربها ناكل حاجة عشان جعانة
شهد :طب قومي بس خايفة حد ياخد مكانا ده طب واحدة فينا تقعد تحجزه
شيماء بتضحك:نحجز ايه انتي هبلة احنا مش في المدرسة علي فكرة
شهد :طيب يلا قومي
اما ريماس اشترت عصير و كب كيك واكل و بتدور علي مكان تقعد فيه مش لاقية بصت شافت مكان فاضي قعدت فيه
كانت في نفس اللحظة شهد و شيماء ايجو عندها
شهد :مش قولتلك احجزيه اهي الآنسة دي قعدت مكانا
ريماس اتوترت اتوترت و خافت:هو ده مكانكو
شيماء بتضحك علي كسوفها و هدوءها :بس يا شهد البنت خافت
ريماس :انا انا مكنتش اعرف ولله
انا اسفة
و كانت هتعيط
شهد:مالك يا بنتي احنا عملنالك حاجة بتعيطي ليه
ريماس :انا معرفش حد هنا خالص و ماليش صحاب
شيماء :علي فكرة احنا كمان كدا برضو
عموما خليكي قاعدة معانا
ريماس بابتسامة :بجد عادي يعني
شهد :اه يا بنتي عادي
و لو عايزة تكوني صاحبتنا عادي
ريماس بفرحة :انتو طيبين اوي
ياريت عشان انا معنديش صحاب خالص
شهد:انا اسمي شهد و دي شيماء
ريماس :وانا اسمي ريماس
(و بدءو يتعرفو علي بعض و اخدو أرقام بعض و الاكونت علي الفيس لحد ما المحاضرة التانية بدأت و دخلو قعدو جمب بعض)
لحد ما اليوم خلص و زياد بعت مسدج ل ريماس تطلعله
ريماس :طب عن اذنكو يا بنات اخويا بعتلي مسدج هخرجله انتو هتروحو امتي
شيماء :انا مستنية إبراهيم خطيبي هيوصلنا اطلعي انتي يا ريماس عشان اخوكي
ريماس:تمام يا بنات باي بقا و هبقي اكلمك يا شهد انتي و شيماء
شهد :ماشي يا قلبي
__________
شهد بصت ل شيماء :عسولة اوي ريماس دي
شيماء :اه و طيبة جدا
شهد و شيماء قعدوا يضحكوا ويهزروا
ابراهيم جه عدي علي شهد و شيماء واخدهم معاه في العربية عشان يوصل شهد الأول شغلها و بعدين يروح شيماء
شيماء و شهد قعدو يحكولوا علي ريماس و عشان يبقي واثق فيهم لما تكون معاهم
إبراهيم وصل المطعم
شيماء : سلام يا دودو
شهد : حاضر ..يلا سلام يا هيما
إبراهيم : سلام يا دودو☺
شيماء : ايه بقي احكيلي عن شغلك النهارده
إبراهيم فضل يحكي ل شيماء عن شغله وازاي فاتن ساعدته في شغله شيماء حست بغيرة شويا بس ثقتها في إبراهيم وان هيا اللي في قلبه متكلمتش
__________
شهد راحت المطعم و استلمت الشيفت و خلصت و روحت البيت و كانت قاعدة مع امل و عبدلله
شهد :بس شكلها سنة حلوة باينة من اولها
امل:ان شاء الله خير متقلقيش
عبدلله:ربنا معاكي يارب
شهد و هي بتتاوب :طيب ..انا هدخل انام مش قادرة ..تصبحوا على خير
__________
مر اسبوع علي دراستهم
وبعد ما شهد و شيماء اتعرفوا علي ريماس اكتر و خدو علي بعض اكتر
و زياد لسة مستمر انه ياكل في المطعم لكن كان بيروح بالليل عشان الشيف اللي بيحب اكله الشيفت بتاعه بالليل و يعتبر بطل ياكل في البيت و زياد كان كل يوم يوصل اخته عشان يشوف شهد لكن كان مش بيكلمها كان بيشوفها من بعيد و شهد لسة بتشوفه في المطعم
شيماء و إبراهيم كانو بيتفقو علي الخطوبة و هيعملوها فين
اما رانيا كانت بتبعد عن ناصر كل ما تشوفه
و ريماس لسة كالعادة بتحب مازن و معترفتش ليه
و ميار و زياد مش بيتكلمو كتير ولا بيتقابلو كتير لكن اسمهم مخطوبين
اما رامي بقا بيركز في شغله و بس عشان يقدر ينسي ميار
و فارس لسة بيحاول يارب من شهد لكن شهد كانت بتصده دايما
_____
شيماء في البيت
وفاء : بقولك ايه هو ابراهيم عدي عليكي النهارده
شيماء : اه يا ماما ..ليه في حاجه
وفاء : لا ياحبيبتى ابدا بس حنان كانت قيلالي انه هيتأخر شويا☺
شيماء : ماهو الاجتماع اتأجل فهو جالي عشان متبهدلش في زحمه المواصلات
وفاء : ربنا يكلمكوا بعقلكوا يابنتى
شيماء : انتى بتعملي ايه
وفاء : عزمت حماتك و إبراهيم النهارده علي العشا
شيماء : ومتقوليليش يا ماما
وفاء : احنا لسه الساعه 4 لسه بدري
شيماء : كده يا ماما اجهز نفسي امتى.... كان نفسي انام
وفاء : قومي نامي واصحيكي قبلها بساعه
شمياء : ماما اوعي تنسي والنبي
وفاء : خلاص بطلي رغي
شيماء : اااه واعملي الهوت دوج مسلوق عشان الدايت
وفاء : دايت يابنت المعصعصه ..ده فستان الفرح هيقع منك يوم فرحك
شيماء :فوفا اتكلمي بأسلوب احسن من كده ها
وفاء :غوري اتخمدي بقي
شيماء: حاضر
_____________
كريم و ملك في الحديقة اللي جمب شارعهم كانو بيلعبو
كريم:ملك بقولك ايه تعالي نسقي وردتنا بدل ما ننسي انهاردة
ملك :طب يلا انا هجيب الجردل و نسقيها ماية
بعد ما سقو الورد و خصوصا الوردة الحمرة الصغيرة اللي كانو مسمينها وردتهم كريم و ملك كل يوم بيعتنو و يهتمو بيها
ملك :تفتكر يا كريم وردتنا هتفضل تكبر معانا
كريم :طبعا يا لوكة كل ما احنا هنكبر هي هتفتح اكتر و هتكبر
و بعدين انتي اصلا وردتي
________
في يوم كانو شيماء و شهد و ريماس في الجامعة قاعدين بيتكلمو
ريماس :لكن انا معرفش عنك حاجة يا شهد بس شيماء مخطوبة و حكايتها مع إبراهيم حكتهالنا 100 مرة طب وانتي يا شهد مرتبطة
شهد :لا خالص لسة نصيبي مجاش
شيماء بتغمز :لكن في حد بتشوفه كتير لكن عمرهم ما اتكلمو بس شهد شكلها واقعة
ريماس :لا ده انتي تحكيلي بقا يا شهد
شهد بدأت تحكيلها عن زياد
ريماس :بس شكله معجب بيكي علي فكرة
شهد :تفتكري
شيماء :مش بقول انك بتحبيه مصدقتينيش
شهد :لا طبعا حب ايه بس و بعدين انا معرفش عنه حاجة يا بنتي
شيماء :طب وانتي يا ريماس مرتبطة بحد
ريماس بحزن :لا حب بس حب من طرف واحد
و بدأت تحكي عن مازن
شهد :انتي يا بنتي هبلة ما تقوليلو طبعا
شيماء :أيوة صح بدل ما يضيع منك ولا يمكن يكون بيحب اللي اسمها رانيا دي
ريماس :مفيش فايدة هحكيلكم ليه معترفتش بحبي لمازن
في يوم كنت وانا في 3 ثانوي كنت مخنوقة و ومش بخرج مازن طلب مني اننا نخرج و كدا عشان اغير جو قررت اليوم ده اعترفله كنا قاعدين في مطعم و بناكل
فلاش باك
ريماس:مازن ممكن اقولك حاجة مهمة
مازن :طبعا يا ريمو قولي
ريماس :مازن انا بحبك
مازن :هههههه هي دي الحاجة المهمة اللي عايزة تقوليها
ريماس بصتله باستغراب:أيوة طبعا
مازن ساب الشوكة :طب مانا كمان بحبك يا هبلة
ريماس :بجد يا مازن
مازن :طبعا انا ليا مين غيرك انتي و زياد انتي اختي الصغيرة اللي ربنا مش رزقني بيها و زياد اخويا و صاحبي
ريماس كانت دموعها هتنزل: وانا كمان بحبك
عشان انت احسن أخ في الدنيا
نرجع ل شهد و ريماس في الجامعة
ريماس و دموعها نازلة:بعدها اتاكدت انه شايفني اخته و من وقتها احتفظت بحبي لمازن لنفسي
شهد :اهدي يا ريمو متعيطيش هو لو من نصيبك هتاخديه ولله غصب عن اي حد
عندك الموكوسة اللي جمبك دي نفس حكايتك يعتبر لكن هو مكنش بينطق و اخيرا نطق و اتقدملها
ريماس :لا مش نفس الحكاية
هو كان بيحبها و مستني تخلص ثانوي عشان يخطبها
لكن مازن بيعتبرني اخته
شهد :طب ولله انتي خسارة في اللي اسمه مازن ده و يمكن يكون بيحبك بس مش عارف و بكرة تقولي شهد قالتلي
ريماس بابتسامة :يارب يا شهد انا بحبك اوي انتي و شيمو بجد ربنا يخليكو ليا بجد
شيماء : و يخليكي لينا يارب يا قلبي طول العمر
__________
شهد كانت داخلة المطعم اندهشت لما شافت. .....
يا تري شهد شافت مين ؟؟؟؟
التعليقات على الموضوع