لعنة المرايا (الجزء الاول)

لعنة_المرايا
الجزء_الاول
أعرفكم بنفسي أنا أدهم كاتب روايات  رعب الناس القديمة هنا عرفاني كويس  وشهدوا علي نجاح روايتي الأخيرة #موعد_مع_الشيطان، أكلمكم بصراحة  مكنتش أعتقد إنها هتنجح كل النجاح  ده وبعدها بقي عندي شغف أكبر لكتابة الرعب الواقعي،  الرعب  اللي بعيش أحداثه بنفسي مش هنكر إني  من ساعة ما بدأت أكتب رعب وأنابتحصل معايا حاجات  مش عادية أبداً، يعني خيالات، وأصوات، كوابيس،  أكيد لسه بخاف زي زمان بس بقي عندي مناعة من كتر ما بقابل،  بعد إصدار الرواية وكمية النجاح اللي حققته، بقي  عندي إصرار أكتر أفضل مع الشيخ لقمان، وفعلاً  شوفت حاجات كتير اوي في العالم ده،  كل الكلام اللي بحكيه كوم واللي بشوفه وبسمعه كوم تاني  من أول الجن العاشق والقرين والاعمال لحد السحر الأسود كان في حالات  كتير بتتعالج مع الشيخ لقمان وحالات  أكتر مكنش حد بيعرف يعملهم حاجه للأسف، كل ده خلاني  أقرر أكتب روايتي التانية وبصراحة  دي قصة بنت كلمتني عشان أساعدها وعرفت إن دي روايتي الجديدة
جاتلي مكالمة من كام يوم هحكيها زي ما حصلت بالظبط
ادهم:  السلام عليكم، مين معايا؟!
علي الطرف التاني  :  وعليكم  السلام حضرتك إستاذ أدهم؟! 
أدهم:  أيوه أنا، حضرتك مين؟! 
أنا ندى ومحتاجة مساعدة  حضرتك في مسألة مهمة
أدهم:  مساعدة بخصوص أيه
ندى:  مينفعش الكلام علي التليفون، لازم أقابل حضرتك  وأشرحلك بنفسي، أرجوك دي مسألة حياة أو موت
أدهم:  تمام، ممكن نتقابل بكره لو تحبي  تعرفي كافيه (.......)  معادنا الساعه 5
ندى:  تمام وياريت حضرتك متتأخرش أرجوك
دلوقتي أنا في طريقي ليها، متوتر شوية مش فاهم  موضوع أيه  اللي هساعدها فيه، وليه أنا بالذات، خايف يكون الموضوع نصب،  أصل وارد جداً  يكون نصب، هانت كلها شوية وهعرف  ،  وصلت المكان ورنيت عليها شاورت من بعيد،  بنت جميلة جداً، بس ملامحها مش مصرية اوي، فيها لمسه غريبة  كده مختلفة
قربت سلمت عليها، كانت متوترة وخايفه إيديها بترتجف، مرهقة وتحت عنيها  إسود، قعدت وطلبت منها  تحكيلي حصل أيه
بدأت تحكي لما وقفتها وإستاذنتها إني هسجل كلامها  وافقت وبدأت تحكي
أنا ندي، خريجة لغات وترجمة، بشتغل فى شركة سياحة، طبعاً  حضرتك بتقول أنا مالي بكل ده، هدخل حالاً في الموضوع،  الحكاية  بدأت من حوالي سنة جدتي تعبت جداً  ، جالها زهايمر، فقدت النطق،  مبقتش تقدر تقف علي رجلها تحديدا،  كانت نايمة طول الوقت  في سريرها مبتتحركش،  أهلى كلمونى أخد أجازة من شغلى وأقعد مع جدتى شوية لإنهم إعتبروها في أيامها الأخيرة ومحتاجة نكون كلنا معاها  وحواليها،  فعلاً خدت أجازة وقعدت مع أهلى وجدتى،  لما جدتى شافتنى معرفتنيش وده عادي طبعاً  بسبب مرضها، بدأ تحصل الحاجات اللي رعباني،  أول ليلة ليا نمت فى أوضتى حلمت بكابوس وحش جداً  قومت من النوم مفزوعة وقررت أروح المطبخ  أشرب  ،  لما عديت من قدام  أوضة جدتى، كان  في نور خارج من تحت الباب الغريب إن النور كان متقطع يعني زي ما يكون في أشخاص كتير  بيعدوا ويقطعوا النور،  شوية وسمعت صوت جدتى بتتكلم، هو صوتها أنا عارفاه  كويس،  بس إزاي قالولي إنها فقدت  النطق، أكيد في حاجه  غلط،  مسكت مقبض الباب كان سخن جدا كان في نار جوه  ، فتحت  الباب بقوة، شوفت جدتي واقفة قدام المراية، شعره منكوش  ،  بتردد كلام  غريب  بلغة غريبة والاغرب إن المراية كانت بتنور وفيها أشخاص بتتكلم  بس مش لغة معروفة أنا دارسة لغات وعارفة معظم اللغات وبقولك انا مكنتش اعرف أنا سمعت ايه تحديدا
بس فجأة جدتي شافتني بطلت كلام وبصت ناحيتي و...................
يتبع 😍
Hadeer_saeed