رواية حب عمري 💟الحلقه السادسة💟
الفصـــل الســــآدس
*** حب عمرى ***
في صباح اليوم التالي استيقظت داليا متأخرة فاستيقظت قبيل الظهر بقليل وخرجت الي الصاله وجدت خالتها جالسه ع الاريكة تقلب في قنوات التي في
داليا بنوم : صباح الخير يا خالتو
حنان :صباح الفل يا حبيبه خالتو ايه نموسيتك كحلي انهاردة
داليا: نايمة بعد الفجر والله يا خالتو جو صحي ولا لسه
حنان : انا دخلت عليه الصبح لاقيته نايم وايده مربطة هو ايه اللي حصل
داليا: متعور بس الحمد لله جت بسيطة انا هدخل اتوضا ومعلش يا خالتو صحي جو علشان عنده تحقيق وكمان علشان صلاه الجمعه
حنان : بس ده نايم بعد الفجر
داليا: معلش يا خالتو علشان حتي يصلي الجمعه
حنان : طيب يا حبيبتي ادخلي انتي اتوضي يكون صحي وافطروا سوا عقبال ما خم النوم اللي جوة دي تصحي
ا: اوك يا خالتو
دخلت داليا الي المرحاض لتتوضأ وتزيل اثار النوم بينما دخلت حنان الي مجدى غرفته وجدته مستغرقا في النوم اقتربت منه وربتت ع كتفه وحاولت ايقاظة
حنان : حبيبي يلا يا بابا قوم
مجدى بنوم : طيب طيب وغط في نوم عميق مرة اخري
حنان : يلا يا جو .. ولكن دون فائدة كان نائما نوم عمييييييييييييييق
خرجت حنان وجدت داليا انهت اغتسالها وبدأت في تحضير الفطور وايقظت منى ايضا
داليا : ايه يا خالتو هو فين
حنان : نايم يا حبيبي خالص
داليا : الله يكون في عونه بصراحة وكمان نزف دم كتير
حنان : يا حبيبي يا ابني .. انا قولت بلاش الكليه الزفت دي صمم عليها وقالي لازم ابقي زي بابا
داليا : ياخالتو لو كل ام قالت مش عايزين كليات شرطة ولا حربيه ولا ولا يبقي البلد هتبوظ
حنان : ربنا معاهم يارب .. ويحميهم هو واللي زيه
ا : امين يارب يا خالتو انا هدخل اصحيه
دخلت داليا الى مجدى غرفته وجدته نائما بعمق اقتربت منه وبدأت في ايقاظة
: مجدى .. جو .. يلا يا جو قوم
مجدى بنوم : ها في ايه
داليا : قوم يا ابني الساعه 11
مجدى وهو يستيقظ : 11 ايه
داليا : 11 الصبح يلا يا ابني قوم
مجدى بتثاقل : طيب يا دودى خمسه بس وهحصلك وهنا رن هاتف مجدى التقطة وعندما رأي اسم اللواء خالد علي الشاشه نهض مسرعا من فراشه وبدأ في الرد وجاءه
صوت خالد من الهاتف باعطاء التعليمات له ورد عليه مجدى قائلا :تمام يا فندم ساعه وهكون عند حضرتك مع السلامة يا فندم
داليا : لو مكنش التليفون مكنتش صحيت
مجدى مسرعا : معلش يادودى اعمليلي بس قهوة عقبال ما اخد دش والبس
داليا : حضرتك ادخل خد دش وقبل ما تغير ناديني علشان اغيرلك ع الجرح.. ومفيش قهوة هعملك عصير علشان الدم اللي فقدته ماشي يا حضرة الظابط
مجدى : ماشي بس اخلصي
دخلت داليا الي المطبخ واحضرت العصير وغيرت له ع الجرح وجلس معهم ع طاوله الطعام
مجدى وهو ينظر الي كميه العصير : انا هشرب العصير ده كله
داليا : من اوله لاخرة متسبش نقطة انت فقدت دم كتير ومحتاج تعوض اللي فقدته ده
حنان : اسمع كلامها يا مجدى وبعد كده تخلي بالك من نفسك انا مش ناقصه وجع قلب
منى: انتوا محسسني انه اتضرب بالنار ده حته تعويرة
داليا : تصدقي انك معندكيش دم بدل ما تقوليله سلامتك
منى : سلامته ع ايه ده بيجي كل مرة متبهدل اخر بهدله
مجدى وهو ينظر ال منى : ماهو احنا بنتبهدل علشان نحافظ علي امثالك
داليا : بجد الله يكون في عونكم
مجدى : يلا انا همشي بقي
داليا : مجدى الدوا ده يجي ويتاخد وانت نازل من اي صيدليه
مجدى : حاضر يا دكتورة يلا سلام عليكم
الجميع : وعليكم السلام
بعد خروج مجدى
حنان : انتي كده علي طول مش بتحاسيبي ع كلامك خلي عندك شعور افرضي كان جراله حاجة لا قدر الله
منى بحزن : والله يا ماما كنت بهرج
حنان : يبقي تخلي بالك ع كلامك بعد كده
داليا : خلاص يا خالتو يعني هو مجدى لسه هيعرف منى
حنان : قومي شيلي الفطار ووضبي البيت بدل ما انتي قاعده مالكيش لازمة كده
منى : حاضر
دخلت منى الي المطبخ بعد ان رفعت الاطباق ودخلت داليا لتحضر اكوابا من الشاي بالحليب واخذت كوبها ودخلت الي الشرفه ووجدت سيف
داليا بحب مع ابتسامة رقيقه :صباح الخير حمد الله ع السلامة يا سيف
سيف: صباح النور .. الله يسلمك يا دودى عامله ايه
: تمام الحمد لله انت اخبارك ايه
سيف : تمام الحمد لله
داليا : انت لسه صاحي ولا ايه
يوسف : اه بس مين قالك
داليا : يعني علشان لسه الشاي بحليب في ايدك
يوسف : ههههههههههه يا اروبه اه والله لسه صاحي
داليا : ماهو الله يكون في عونك راجع وش الفجر لازمتها ايه المرمطه دي ما ترجع اسكندريه
سيف باستغراب : مين اللي قالك اني راجع الفجر
داليا بتردد : اصل كنت في البلكونه مستنيه مجدى
سيف باستفهام : ليه هو مجدى كان فين لحد الفجر
دالياا : كان عنده مأموريه وراجع الفجر
سيف: وهو كويس
داليا : اه بس جرح بسيط
خرجت رودينا من الشرفه عندما سمعت جرح بسيط
رودينا بقلق : مين ده اللي جرحة بسيط
داليا بتردد: ده مجدى يا رودي
رودينا وتجمعت الدموع في عينيها : حصله ايه يا دودى
: يا بنتي في ايه مفيش حاجة والله هو كويس وراح شغله كمان
رودينا بعصبيه : يعني ايه راح شغله وهو تعبان كده
سيف بحده : في ايه يا رودي ما بالراحة شويه
رودينا : ماشي ياسيف وتركتهم ودخلت
داليا : معلش يا سيف م انت عارف خايفه ع مجدى
سيف: لازم تتعود ع كده يا دودى مجدى مكنش بيتخانق في الشارع
داليا : معلش هي بس قلقانه عليه .. انت عارف مجدى يبقي ايه لرودينا
سيف/ عارف ولولا تنشيف دماغها كانوا زمانهم مخطوبين بس مش كده لازم تتعود
داليا : معلش اصعب حاجة بجد انك تبقي خايف علي انسان بتحبه غصب عنها
سيف: علشان خاطرك بس .. انتي اول يوم ليكي في المستشفي .. عايزك ترفعي راسنا بقي
: يارب ان شاء الله دعواتك بقي
سيف: ان شاء الله ربنا يوفقك .. انا هدخل اتوضا بقي يادوب الظهر قرب يأذن
داليا : تقبل الله
سيف : منا ومنك
اما رودينا عندما دخلت امسكت بهاتفها وبدأت في الاتصال بمجدى ولكنه لا يوجد رد
رودينا : كده يا مجدى ماشي
وبعد قليل وجدت هاتفها يرن وكان مكتوب اسم جو في خانه المتصل
مجدى : ايوه يا رودينا
رودينا بعصبيه : بمنتهي السهوله ايوة يا رودينا راجع امبارح متعور وانهارده في الشغل وانا اتحرق اولع مش مهم
مجدى بحده : رودينا انا في شغل ومش فاضي للمهاترات دي انا بتعرض لاكتر من كده وانتي عارفه كده كويس
رودينا : يعني انت بتزعقلي علشان خايفه عليك يعني
مجدى : يا رودي بس مش كده يا حبيبتي انتي عارفه طبيعه شغلي قوليلي اعمل ايه
رودينا : ماشي يا مجدى
: يبقي لسه زعلانه خلاص بقي بطلي رخامة
رودينا : هتيجي امتي
: هاجي قبل المغرب ان شاء الله بس ادعيلي اخلص التحقيق ده
رودينا : ان شاء الله
: يعني خلاص صافي يا لبن
رودينا بزعل : اه
: لاء حبيبي لسه زعلان فكيها بقي
رودينا : خلاص بقي
: ماشي هاجي انا بالليل اظبطك هقفل بقي علشان اذان الظهر
رودينا : اوك خلي بالك من نفسك
: وانتي كمان لا اله الا الله
رودينا : سيدنا محمد رسول الله
ظلت داليا واقفه في الشرفه تنتظر حبيبها لتراه بملابس الصلاه فهي تحب هذا الجلباب الابيض الذي يرتديه يوم الجمعه وشردت في ملامحة ووسامتة ببشرته القمحيه وشعره الاسود وشاربه ولحيته الخفيفتان ولكن قطعت شرودها منى
منى : مالك واقفه مسهمه كده ليه
داليا بحب : قمر يا ناس
منى : هو مين ده
داليا :سيف
منى سيف مين
داليا : ده ع اساس ان احنا نعرف 500 سيف مثلا
منى : هو سيف جه
داليا بتنهيده : اااااااااااااه جة الفجر
: انا واموت واعرف انتي بتعرفي منين انه جاي وبتحسي بيه ازاي
داليا وهي تنظر الي منى : لما تحبي بجد هتعرفي
منى : يارب اوعدنا .. طب ادخلي بقي اعملي معايا الغدا
داليا : طب يلا يا اختي
دخلت داليا و منى ليقوموا بتحضير الغداء وجاء مجدى وانضم اليهم علي وجبه الغداء ووقفوا بعد الغداء جميعا في الشرفه وكانت تقف رودينا مع سيف في الشرفه المقابله
سيف : ايه ياعم جو حته تعويره عاملك افلام هندي والناس مستنياك لحد الفجر
داليا : وفضلت قاعده انضف في الجرح واعمله عصير وحاجات غريبه كده ومفيش شكرا حتي
سيف : اخص اخص اخص كمان دكتورة دودى هي اللي قامت بالواجب ومفيش شكرا
مجدى : طب اخلع انت منها وهي تعمر
سيف بدلع : اطلع منها يا دودى
داليا : متوقعونيش بينكم اتصرفوا مع بعض
سيف: ماشي يا ست الناصحة ..عايزين ننزل طيب ما تيجو ننزل نقعد تحت .. ده هو حته يوم اللي انا جاي فيه
داليا بطفوليه : الله وحشني عزفك ع الجيتار يا سيف
سيف: لاء جيتار ايه .. انا وحشني لعب الدومينو مع جو قولت ايه يا مجدى
داليا : ومش هتعزفلي ع الجيتار
سيف بتفكير : امممممممممم هعزفلك بس بشرط نغني كلنا سوا
داليا : ماشي
مجدى : طيب هنروح في حته ولا هنقعد تحت بس
سيف: نتمشي شويه ع الكورنيش حتي عايز اشم هوا
مجدى : ماشي .. اصل بصراحة في ناس زعلانه مني وانا مقدرش ع زعلهم
سيف: ياعم سيبك منهم دي بنات فاضيه انا لو منك معبرهمش
مجدى : تؤتؤتؤ ميهونوش عليا
كانت رودينا واقفه وقد صبغت وجنتها باللون الاحمر من شدة الخجل
داليا بهمس : بصراحة انا لو منها اكب عليك ازازة الميه دي كسفتها
مجدى : اسكتي انتي
سيف : ها هتنزلوا
الكل : اه ننزل
نزل الجميع الي الاسفل ثم ساروا قليلا ع الكورنيش
منى : انا عايزة اكل درة
داليا ورودينا : نفسي في مرة اسمعك بتقولي كلمة غير الاكل
الجميع : ههههههههههههههههههههههههه
داليا : وياريته بيبان عليها عامله زي القطط تاكل وتنكر
منى بمرح : بشقي يا بنتي بشقي
مجدى : بصراحة بتتعب يا جماعه قاعده في تكييف وكرسي وكمبيوتر وبتتعب جدا
الكل : ههههههههههههههههههه
منى : اهو القر ده اللي جايبنا ورا ياعوذ بالله
بدأ الجميع في الضحك واتي لهم سيف بالايس كريم وكانوا يلهون به فوقعت الايس كريم الخاصه بداليا علي سيف اقتربت منه داليا وبدأت في تنضيف ثيابه
داليا بحرج وهي تنظر الي عينيه : انا اسفه
سيف وهو ينظر لها متفحصا نظرتها : ايه يا بنتي حصل خير كنا بنهزر
مجدى : طب يلا علشان سيف يظبط اللي باظ ده
ذهب الجميع الي اسفل البنايات وصعد سيف وغير ثيابه المليئه بالايس كريم واتي بالدومينو والجيتار وبدأ يلعب وهو مجدى وكانت البنات تصفق تصفيق حار لهم
رودينا : ما كفايه بقي احنا زهقنا من الفرجة
مجدى : طب عايزة نعمل ايه
رودينا : اسكت انت .. العب شويه يا سيف ع الجيتار
سيف : تحبوا تسمعوا ايه
داليا : ممكن اطلب انا
منى : متقوليش قصاد عيني انا زهقت من الاغنيه دي ليل نهار مشغلاها
داليا : لالالالا والله اغنيه تانيه بس نفسي اوي اسمعها من سيف واغنيها معاه
سيف وهو ينظر لها : عايزة تغني ايه يا دودى
داليا وهي تنظر الي عينيه : نفسي اقولك بتاعه عامر منيب
سيف: طب يلا كلنا مع بعض
بدأ سيف اللعب ع اوتار الجيتار .. ولكنه كان يلعب ع اوتار قلب داليا بكل لحن يخرج من الجيتار .. وبدأت داليا تغني مع عزف سيف وهي تنظر له وتري كل تفصيله في
وجهه كانت تتأمله وكانت تقول كل كلمة كانها تقولها له وكانت تغني وتقول نفسى اقولك على اللى بيا نفسى اقولك كلمة واحدة انت دارى بشوق عنيا ماتجوبش ثانية واحدة سبنى اقولك من الكلام حاجة توصف اللى بيا و لما اخلص
فيك غرام ابقى رد انت عليا انت مهما تقولى ايه مش هصدق غير عنياة انا بشوف احلام عمرى جوة عنيك لما عينى تنام برضة بحلم بيك حبيبى دوبت خلاص بعد تانى محال عشت بيك احساس ابعد من الخيال ايوة دايب قلبى فيا والاهات فى الوصف صعبة ثانية واحدة تغيب عليا بحس فيها بيك بغربةايوة انا محتاج لحضنك ضمنى حس اللى بيا نفسى اعيش العمر جنبك بس عمرى عليك شويةعايز اقولك على الحقيقة انت اجمل حاجة فيادة انا بشوف احلام عمرى
كانت شاردة مع كلمات الاغنيه وشاردة في هذه الاحاسيس التي بداخلها وتنظر الي عينيه ولا تغمض عيناها ابدا عنه شعر بها نظر لها سارت بجسده قشعريرة
من نظراتها ولكنه شرد في تلك العيون العسليه وتلك البشرة البرونزيه الصافية ولكن سريعا ما افاق من شرودة
سيف : طب يلا ولا ايه انا ورايا سفر الصبح انا هطلع انام
شعرت داليا به وبرعشته التي هزتها ورات في عيناه اجمل كلام ولكنه قطع تفكيرها
عندما قام من مكانه وصعد الي البنايه الخاصه بهم بعد ان سلم عليهم جميعا
وصعد الجميع ودخلت داليا الي غرفتها وظلت واقفه في الشرفه شاردة في تلك العيون وتلك الكلمات التي تخفيها عيونه فكيف تكذذب عيونه وهي اول من
حبتها فكيف تنسي تلك النظرات الساحرة التي تلمس القلب ودخلت داليا عندما شعرت بتأخر الوقت فغدا هو اول يوم لتستلم فيه تدريبها استلقت علي فراشها وغطت في ثبات عميق ....
التعليقات على الموضوع