رواية حب عمري 💟الحلقه السابعه 💟
الفصــل الســـآبـــع
*** حب عمرى ***
في اليوم التالي استيقظت داليا مبكرة جدا فاليوم اول يوم لاستلام تكليفها ..استيقظت ودخلت المرحاض اخدت شاور وصلت فريضتها ودعت الله ان يوفقها ..وارتدت بنطال جينز اسكيني بلون الجينز وتوب كاروة بمزيج من اللونين الابيض
والتركواز بدون اكمام ..وارتدت من فوقه بوليرو من الجينز وحذاء رياضي بمزيج من اللونين الابيض والتركواز ووضعت القليل من مستحضرات التجميل وتركت شعرها ينسدل برقه وتركت غرتها تزين وجهها الطفولي الرقيق ..وخرجت الي
الشرفه لتطلع علي حبيبها لتراه قبل سفرة ولكن الشرفه كانت مغلقه خرجت الي الصاله وجدت مجدى جالسا ع طاوله الطعام وعندما رآها بدأ في اصدار صوت من فمه
مجدى وهو يقوم ويأخذ يداها ويلف بها : وااااااااااااااااو يخربيت القمر انا لو دكتور وشوفتك كده وربنا ما هسيبك
داليا باستحياء : اه لو رودينا سمعتك ناو
مجدى : رودينا مين وبتاع مين ايه يا بت الحلاوة دي خافي ع نفسك
داليا بحرج : بس يا جو
مجدى : بس يا جو ايه بس وانتي قمر كده
خرجت حنان من المطبخ علي مغازله مجدى داليا: دودى طول عمرها قمر بس بعيد عنك في ناس عاميه ومبتشوفش نقول ايه
مجدى : ايه لازمته بس الكلام ده
داليا : انا هقوم امشي لو قعدت هنا هتأخر
حنان : مش هتفطري
داليا : معلش يا خالتو والله هتأخر
وكانت داليا بجوار النافذه فرآت سيف وهو يخرج من البنايه
داليا بتسرع : خالتو باي بقي سلام
حنان : خلي بالك من نفسك
داليا وهي تسرع الي الباب : طيب طيب
ركضت داليا الي اسفل لتلحق سيف ووجدته منتظرا سيارة اجري
داليا : صباح الخير
سيف وهو ينظر لها باعجاب : صباح النور .. اول يوم
داليا : اه
سيف: ربنا معاكي
داليا : يارب ..وقامت باخراج شئ من حقيبتها ممكن تقبل مني ده
سيف : ايه ده
داليا : ده مصحف خليه معاك يحفظك
سيف .. ميرسي يا دودى
داليا : العفو تروح وترجع بالسلامة هتوحشنا
سيف : وانتو كمان يلا علشان متتأخريش خلي بالك من نفسك
داليا : وانت كمان لا اله الا الله
سيف : محمد رسول الله
تركته داليا واستقلت سيارة اجري لتذهب بها الي المستشفي وكانت طوال الطريق شاردة في حبيبها ورقته وحنيته وكل شئ فيه يجذبها حتي افاقها السائق من شردوها وابلغها انهم وصلوا هبطت من السيارة ودخلت الي المستشفي ووقفت قليلا تطلع اليها في فخر وذهبت الي الاستقبال
داليا : لو سمحتي انا متدربه وكنت عايزة اعرف اروح فين انا متدربه جراحة
موظفه الاستقبال : الدور التالت اسألي علي غرفه المتدربين
داليا : شكرا
صعدت الي الدور الثالث حتي وصلت الي الغرفه التي يتجمع بها المتدربين وجدت مجموعه من المتدربين موجودين بهذه الغرفه
داليا بابتسامة مشرقه : صباح الخير
الجميع : صباح النور
داليا : هو مفيش معانا دكاترة
احد المتدربين : الدكتورة لسه مجتش
داليا : اوك ميرسي
بعد قليل دخلت اليهم سيدة في اوائل العقد الثالث ترتدي بالطو ابيض الخاص بالدكاترة : سلام عليكم
الجميع : وعليكم السلام
الدكتورة : انا دكتورة سحر وانتوا هتكونوا معايا فترة التدريب بتاعتكم بحب الالتزام محبش التأخير ومش بحب اعيد كلامي مفهوم
الجميع : مفهوم
سحر : اتعرف عليكم
وبدأ كل فرد يقول اسمة وكانت اسمائهم هكذا
طارق - ريم - داليا - شاهنده - شريف
سحر : الكل يتفضل يلبس اليوني فورم بتاعه وتحصلوني ثواني تكونوا قدامي في استقبال الدور بدأ الجميع في ارتداء اليوني فورم الخاص بالمتدربين واجتمعوا جميعا امام استقبال الدور
سحر : طارق غرفه 502 مع دكتور رامي - شاهنده انهاردة هتخلصي ملفات المرضي - شريف مع دكتور وائل غرفه 300-داليا وريم معايا في الاسعاف
كانت تسير سحر وكانت تركض خلفها داليا وريم وبدأو في بدايه عملهم فكانت داليا تعمل باجتهاد كانت تحب ان تثبت ذاتها ومر الوقت سريعا وجاء موعد الاستراحة ذهبت داليا وريم الي الكافيه الخاص بالمستشفي وجلسوا معا علي نفس الطاوله
ريم : انتي جامعه اسكندريه يا داليا
داليا: لاء انا جامعه القاهرة
ريم : انتي اصلا من القاهرة
داليا: انا اصلا اسكندرانيه بس حصلت ظروف ونقلنا القاهرة قبل دخولي الجامعه ع طول
ريم : انا برضه بقول مشوفتكيش في الكليه بس انتي عايشه هنا لوحدك ولا رجعتو
داليا : لاء بابا وماما واخويا في القاهرة انا قاعده عند خالتو هنا في سيدي بشر وانتي
ريم : انا اسكندرانيه وعايشه هنا في محطة الرمل
داليا : اها احسن ناس يا قمر اهل اسكندريه اللي انا منهم طبعا
ريم وداليا : ههههههههههههههههه
ريم : انتي بقي باباكي دكتور
داليا : انا معنديش حد دكتور خالص بابا قاضي واخويا محامي
ريم : وانتي بقي اشمعني الطب
داليا : لاني حابه الطب وانتي عندك حد دكتور
ريم : اه اخويا دكتور جراح قلب بس عايش في انجلترا
داليا: يرجع بالسلامة
ريم : ان شاء الله
داليا بخضه : في استدعا يلا
ركضت داليا وريم الي الاسعاف وعادو الي عملهم من جديد حتي انتهاء يوم العمل وعادت داليا الي المنزل في قمة الارهاق والتعب دخلت الي الشقه والقت بجسدها المرهق ع الاريكة وجاءت لها خالتها
حنان : دودى حبيبتي
دودى بنوم : ها يا خالتو
حنان : ايه يا حبيبتي قومي يلا غيري وتعالي كولي
: لاء انا هقوم اخد دش لحسن حاسه ريحتي بقت كلها ادويه
حنان : طيب يا حبيبتي عقبال ما احضرلك الغدا
: لا يا خالتو انا اكلت في المستشفي حاجات خفيفه كده بجد مش قادرة هو جو لسه ماجاش
حنان : لا يا حبيبتي منى بس اللي نايمة جوة
داليا : نايمة نامت عليها حيطة هقوم اخد دوش واصحيها
حنان : ماشي يا حبيبتي
دخلت داليا الي المرحاض ووقفت تحت الدش وكانت قطرات الماء تتساقط عليها لتفيقها من ارهاقها وخرجت الي غرفتها وايقظ منى
دالياا : منى منىىىىىىىىىىىىىىىى
منى بخضه : ايه في ايه
داليا : انا جيت
منى : يعني اعمل ايه انا يعني اضرب سلام مثلا طب سمعني احلي سلام علشان دودى جت
داليا وهي تضربها : بطلي رخامة بقي قومي احكيلك عملت ايه
جلست منى ع السرير : ها اشجيني
بدأت ا تقص علي منى كل ما حدث حتي المرضي والمصابين التي قابلتهم اليوم وحكت لها عن ريم حتي انتهاء اليوم الاول
منى: خلصتي
: اه خلصت
منى : انام بقي
دالياا بزعل : ع فكرة يا منى انتي مبقتيش زي الاول مبقتيش تسمعيني ولا حتي طايقالي كلمة
منى : والله ابدا يا دودى ربنا وحده يعلم انا بحبك اد ايه بس والله عندي ضغط في الشغل كبير انا اسفه معلش
داليا : انا عمري ما ازعل منك ابدا ده انتي اختي حبيبتي
ضمتها منى الي صدرها :وانتي اختي وصحبتي وكل ما ليا يارب افرح بيكي واشوفك مبسوطة
داليا: انا وانتي في يوم واحد يارب
جاء مجدي والتف الجميع حول طاوله العشاء وبدأت داليا تقص لهم احداث يومها الشاق هذا وكانوا يستمعون لها بعنايه حتي منى التي استمعت الي هذا الكلام من قبل
كانت فخورة وسعيدة لان داليا ا سعيدة بعملها وكانت تدعي لها ان الله يوفقها في عملها وفي حياتها ...........
التعليقات على الموضوع