وريث شمس المعارف الكبري

قصه حقيقيه
وريث_شمس_المعارف_الكبرى
(نصيحه اقرأ كل ما يخص شمس المعارف بعينيك فقط لا تردده بلسانك)
مش مهم اسمى ولا سنى ولا عنوانى انا بس الى عايزه اعرف تفسير الى حصل وبيحصل وهيحصل ده ..
هل ده سحر شعوذه جنان او غضب وسخط من ربنا انا الى طالبه منكم تسمعونى بس ده رجاء منى ورجاء تفسرولى الى بيحصلى ابوس ايديكم ..
انا ابويا راجل متدين جدا وزاهد فى الدنيا دايما يخطب فى الجمعه ويقرا قرأن فى العزاء، بدون اجر كله لله.. ودايما بيحضر جلسات ذكر ، كان بيحب قرأه القرأن جدا ، وكانت شغلاه حروف القرأن وهى ازاى محطوطه كده اكيد كل حرف ليه معنى، والم اكيد ليها معنى والر ليها معنى كل ده متحطش كده وخلاص اكيد ربنا ليه حكمه ، كان دايما بيجيب كتب تفسير، وانا طبعا بقرا فيها دايما كده بس مش قد والدى ، وفى مره كده دخل عليا البيت فرحان كنت شايف اللمعه فى عنيه والابتسامه الى للودان ، وقالى وفى ايده كتاب اخضر: اخيرا لقيت التفسير الى عايزه لقيت الكتاب الى فيه كل حاجه وهيدينى كل حاجه ...
قلتله: ايه الكتاب ده متوريهولى يا حج ...
رفض وبشده وكانت ايديه متشبثه بالكتاب اوى .
بس حطيت فى دماغى ان اعرف ايه الكتاب ده فلما نزل يصلى فى الجامع ، رحت اوضته وخدت الكتاب..
حجمه ووزنه تقال وورقه اصفر وخشن فتحت اول صفحه فى الفهرس مكتوب فيها :
باب جلب الرزق والحبيب ..
باب التهيج والنكاح ..
تفسير حروف القرأن الكريم ..
دعاء ايه الكرسى فى خواص بعض الاوفاق والطلسمات..
النصر فى الحرب ..
التفريق بين الجماعات ..
لقطت الكلام م الفهرس والكتاب متقسم اربع اجزاء فى الفهرس فتحت اول صفحه بعد الفهرس لقيت فيها الآتى :
الشيخ احمد بن على البونى قدس الله روحه المتوفى سنه ٦٢٢ هجرى وقال والمقصود بذلك الكتاب ان يعلم بذلك اسماء الله تعالى وما اودع فى مجرها من انواع الجوامر الحكميات وكيف التصريف بالاسماء والدعوات وما تبعها من حروف السور والايات ليتصل بها الى حضره الزبانيه من غير عقب ويتصل بها الى رغاب الدنيا بلا نصب
{ويليه}
رساله ميزان العدل ورساله فواتح الرغائب...الخ حتى رسائل السيد عبد القادر الحسينى الادهمى .
وفوق الكلام ده بخط كبير بس مزخرف ومقرتهوش فى الاول عشان ملخبط كان مكتوب (شمس المعارف الكبرى) وبخط صغير تحتها(لطائف العوارف) ..
اول ما سمعت الباب بيعمل صوت تزيق ..
رحت قفلت الكتاب بسرعه واتسحبت برا اوضه ابويا على اوضتى ..
نهار اسود انا سمعت عن الكتاب ده قبل كده وكل حاجه عنه متطمنش ..
لو قلت لابويا هيعرف انى شفت ..
بس ابويا من ساعه ما جاب الكتاب بقا دايما قافل الاوضه على نفسه ولما اقوله على الصلاه يطنشنى حتى ماما مبيدخلهاش اوضته اعتزل هناك ..
فى مره كده بليل وانا رايح الحمام عديت من جمب الاوضه ..
سمعت صوت قاله : اقرأ ..
سمعت بابا بيرتجف وبيقول :حاضىى حااضر..وسمعته بيقول ( "فريقن فريقن انيقن انيقن حريفن حريفن مليقن مليقن انزلو حتى يراكم الناظر بعينه ويكلمك بلسانه ليسألكم عن حوائجه فهو محيطُُ بكم ...اينما تكونو تأتونى مسرعين مسرعين مسرعين مسرعين ..بحق برهتيل برهتيل ، كريرن كريرن ،تتليه تتليه ، طوران طوران ،مزجل مزجل بزجل بزجل ،ترقب ترقب ،برهش برهش ،غلمش غلمش ،خوطير خوطير ، فلنهود فلنهود ،برشان برشان ، كظهير كظهير، نموشلخ نموشلخ ، بيهولا ،كيدهولا ..أؤتونى مسرعين مسرعين مسرعين مسرعين .الوحا الوحا العجل العجل الساعه الساعه ،انزلو اينما تكونو ...
ولقيت الارض كأنها بتتهز من تحت رجليا والنور بينور ويطفى فجريت حبست نفسى فى اوضتى م الخوف ..
والى عرفته بعدين ان دى العزيمه البرهتيه وبيحضرو بيها الجان ..
بعد اليوم ده مشفتش ابويا غاب يجى خمس ايام دورت عليه فى كل حته ..
وسألت اصحابه قرايبنا والاماكن الى بيعدى عليها ..
وفى اليوم السادس رجعلنا البيت وكان تعبان وبيرتجف وشكله مبهدل اوى ووشه شاحب ...
كان عمال يردد : هما هنا انا شايفهم عايزين يقتلونى .
ويبحلق حوليه ، ويقول برعب :انا اتعديت على عالمهم ومش هيسبونى فى حالى .
صابته حاله هياج هستيريه وقعد يكسر فى كل حاجه ..
فطلبنا الدكتور واداله حقنه مهدئه ..
وسبناه فى الاوضه يرتاح ..
بعدين دخلت اتطمن عليه لقيت فى سائل احمر مغرق الدنيا مغرق الارض منبعه السرير قربت وانا قلبى مقبوض وحاسس بنغصه كده فى بطنى ..
ابويا كان نايم ع جمبه فعدلته لقيت ..
لقيت رقبته مشروخه وجمبه قرن عاج ..
وكتاب شمس المعارف جمبه ، كانت عنيه مبحلقه بشكل غير طبيعى ..
عنيه اتحركت ناحيتى لاخر مره وسكت ..
خوفت وجريت وقلتلهم ع الى حصل ..
اتخضو الى جرى عليه زى امى وعمتى اترمو فى بحر الدم الى هو متغرق فيه ..
والباقين كانو اعقل شويه فكلمو الاسعاف والبوليس ...
الطب الشرعى قال ان دى حاله انتحار وبصمات ايده الشمال على قرن العاج ..
ازاى اصلا ؟؟!
ابويا ايده الشمال كان فيها اعاقه ...
وعملنا العزا واتفقنا اما نروح نحرق الكتاب ده ...
بس لما روحنا الكتاب ملقناهووش كان اختفى ..
ده الى حصل كله ..
انما الى بيحصل ..
اول ما نمت وعينى غمضت على سريرى شفته ..
ابويا كان قاعد فوق عرش من دهب ..
وبعد كده ظهرلى ..
راجل طويل اسود ايديه اطول من جسمه كله عنيه حمرا مشقوقه عنده ديل مدبب ..
مد عليا الكتاب كان كتاب شمس المعارف الكبرى ..
وابويا نزل من عرشه وسحبنى وقعدنى مكانه ..
صحيت م النوم عرقان وريقى ناشف زى رمال الصحرا ..
حسيت بثقل فى حجرى ببص لقيته ..
لقيت كتاب شمس المعارف ..
فسرولى ايه ده ايه الى حصل وبيحصل وهيحصل ..
الحقونى ابوس ايديكم مش عايز يحصلى زى بابا ..
انتهت
وريث_شمس_المعارف_الكبرى
بقلم _حسين_البوليس