المنزل المسكون 👻 الجزء الاول👻

(المنزل المسكون) الجزء الاول *حقيقية* 

انا امراءة زوجى توفى ومعى طفلتين واحده فى مرحله الرضاعة والاخرى فى مرحله الابتدائيه بعد وفاه زوجى انتقلنا الى منزل جديد ذهبت لارى المنزل كان المنزل رائع وواسع والاهم انه كان رخيص وخلانى اخد البيت ده بعد ما رحنا للبيت عدت اول ليله واليله التانيه حصلت حاجه مكنتش اتوقعها صحيت بالليل وسمعت صوت الخلاط يشتغل ويقفل بس من كتر التعب مقدرتش اقوم اشوف فيه ايه وتانى يوم فى الصبح صحيت علشان اصحى بنتى تروح المدرسه صحيتها وكنت بسرحهلها شعرها قدام المرايا والموقف المرعب انا وبسرحلها ببص لقيت عينها فى المرايا حمره انا قلت عادى يمكن تعبانه شويه بس الأغرب البنت كانت بتبص عليا ووشها ثابت فى المرايا مرضتش اتكلم قدام البنت علشان متخفش بعد ماراحت المدرسه وانا فضلت افكر ف اللى حصل وقلت ف الاخر يمكن خيال بعدين كنت ف المطبخ وسمعت ابنى اللى لسه بيرضع بيبكى قلت اروح اشوفه قبل ما ادخل عليه سمعت صوت ببص من جمب الباب ولقيت واحده سوده ولابسه لبس قديم وواقفه قدام البيبى وعماله تلاعبه لحد ما سكت معاها وفضل يضحك ضحك اول مره يضحكه بعد كده الكائن ده بص عليا وشاور وكانه بيقولى الدور عليكى والعب هيبدأ
انا كل الحاجات دى اعتبرتها تهيأت وسكت بس فى حاجة لفتت انتباهي أن بنتى اللى ف ابتدائي بتحب تقعد لوحدها ف أوضتها كتير لحد ما لقيتها بتغنى اغنيه كنت انا بغنيهلها زمان بس مش عارفه ايه اللى فكرها بيها
كل ده كان عادى لحد ما جت جارتى وقلتلى هو فيه حد بيسهر عندك ف البيت لحد الساعة ٢ باليل قلتلها لا ليه بتقولى كده قلتلى كل يوم ف المعاد ده بشوف شاب واقف ف البلكونه فجيت سألتك وانتى بتقولى لا قولتلها هو فعلا مفيش حد غيرى انا والبنتين الصغيرين قعدنا شويه مع بعض وفضلنا نتكلم لقيتها كل شويه بتلمح على البيت اللى ساكنه فيه شويه تقولى انا بكره سيره الجن وشويه اوعى تخافى انتى وقاعده وحدك
لحد ما قولتلها انتى قصدك ايه بالكلام ده قالتلى اللى عمرى ما أتوقعه أن البيت ده مسكون وان اليومين اللى جايين هيبقوا اصعب يومين عليكى هتبقى بمثابه حفله استقبال ليكى بس اوعى يابنتى تفرطى فى حقك البيت ده ملكك انتى مش ملكهم هما المنزل المسكون
لما قلتلى جارتنا الكلام ده انا مخفتش انه مسكون والكلام ده بس كلامها صدقته وده اللى دفعنى أنى اكمل فل البيت وجيت اول ليله بعد ما عرفت ان البيت مسكون قلت احط كاميرات فى البيت واعرف ايه اللى بيحصل وفعلا انا حطيت الكاميرات وجيت وقت النوم وجبت بنتى الصغيرة تنام معايا لانى خفت عليها وتقريبا كانت الساعة واحده وسمعت صوت الخلاط بيشتغل قلت عادى انا حاطه الكاميرات ولقيت ظل ناس بيتحرك برا الاوضه انا شوفته من تحت الباب وكنت خايفه اوى لحد مانمت بالعافيه صحيت تانى يوم صحيت بنتى وراحت المدرسه وقلت اشوف ايه اللى كان مشغل الخلاط وروحت جبت الكاميرا وشغلت الفيديو ويارتنى ما شغلت لانى اتصدمت لقيت اللى مسغل الخلاط انا ايوه انا اللى مشغلا الخلاط اتفزعت والاغرب أنى بشغل الخلاط على الفاضي وكمان لقيت الكائن الغريب اللى هو انا بيبصلى ف الكاميرا ومطلع لسانه وبعدين عينه قلبت حمار ومسك السكينه وشاور على الكاميرا فضلت ساعه خايفه اوى بعدين مسكت اعصابى وقلت خلاص على كده تيجى بنتى من المدرسه واخدها ونشوف اى شقه تانيه انا مش مستغنيه عن عمرى ولا عمر ولادى فضلت قاعده تعبت من التفكير فانمت ويارتنى مانمت صحيت على صوت تحت السرير زى صوت كلب بياكل مش عارفه افسره بايه اغرب صوت سمعته ف حياتى وبعدين فضلت قاعده على السرير و خايفه اوى لقيت الصوت بدأ يطلع من تحت السرير ويلف فى المكان كله وكن طافيه النور اصلى مبحبش انام والنور والع عايزه اقوم من على السرير علشان اولع النور من الخوف مش قادره وبعدين حسيت حاجه مسكت رجلى جامد وانا مش قادره حتى اصوت صوتى مش راضى يطلع لحد ما قومت بالعافيه وروحت على النور علشان اولعه بس المشكله ان النور كان قاطع بس ف الاوضه بتاعتى بس ونور الصاله والع خفت اكتر لما سمعت حد بتحرك فى الصاله وجاى على اوضتى روحت جريت قعدت على السرير لحد ما حسيت حد دخل من تحت باب الاوضه وفضل يتحرك بس مش شايفاه وبعد كده لقيت الستاره ولعت وحاجه مسكت ف رجلى تانى وصوتى مش طالع ولقيت السرير بدأ يولع نزلت من السرير واخدت بنتى ولقيت صوت بيهمس ف ودنى وبيقول البيت دا بتاعى وبدأ يعلى الصوت لحد ما بقى مزعج ويكرر البيت دا بتاعى واللى هياخده هيبقى مصيره زى اللى تحت البيت مدفونين والاوضه كلها ولعت فتحت باب الاوضه وكمان ما كنش راضى يفتح خرجت من الاوضه اجرى على باب الشقه بس المسافه طويله كل ماجرى كل ما المسافه تتطول ونور الشقه كله اتطفى وحاسه بنفس واحد جمبى وجيت انا وبجرى وقعت وظهرلى مفيش حاجة باينه فيه غير عينه حمرا وجاى عليا وبيكرر خلاص نهايتك دلوقتي ملقتش حاجه قدامى غير أنى ادعى وربنا استجاب لدعائى سمعت احلى صوت ف حياتى
الله اكبر الله اكبر صوت الاذان بدأ الاذان على طول والنور جه والنار مشيت وسمعت صوتهم وهما وبيقولو هنرجع تانى ويصرخوا من الوجع