رواية حب عمري 💟الحلقه الثانيه💟

الفصــــل الثــــآنـــــي

*** حب عمرى ***

منى باستغراب : ماله سيف يا دودى

داليا : ا

وهنا قطع حديثها خروج مجدى من الشرفه متجها الي باب المنزل

منى بأستغراب : رايح فين يامجدى

مجدى بلهفه : اصل سيف جه من السفر هنزل اطلع معاه الشنط وهبط الي الاسفل

نظرت منى الى داليا وقالت لها : طول عمرك بتحسي بيه

ذهبت داليا الي الشرفه لتري حبيبها وتطفئ نار شوقها ولهفتها عليه .. وقفت تنظر له

بدقه شديدة تسمع صوته الرجولي الجذاب تستمع لكل حرف ينطق به وقفت تنظر له نظرات مليئه بالحب ..وكانت شاردة في وسامته وملامحة الرقيقه

منى : تخن شويه

داليا بحب : اه بس احلو اوي وكمان الدقن عليه حلوة موت

منى : فين الدقن دي .. انتي بتسمي شويه الشعر اللي في وشه ده دقن

داليا وهي تضربها برقه : بس يا رخمة .. انا بعشقه بكل حالاته ..يااااااااااااه حاسه اني اتولدت من ساعه ما شوفته .. حاسه ان روحي رجعتلي تاني

منى : خلاص اهو انتي هتقعدي في اسكندريه وهتشوفيه ع طول

داليا: انا مش مصدقه اني هفضل عايشه جمب حبيبي ع طول.. نفسي يحس بيا ويفهم قلبي ومشاعري اوي

منى : ان شاء الله يحس بيكي يا حبيبتي ويبقي من نصيبك

داليا : يااااااااااااااااااااارب انا مش بتمني حاجة من الدنيا غير انه يبقي نصيبي وبس

في تلك الاثناء هبط مجدى الي اسفل ليري حبيبته رودينا ويساعد سيف في تصعيد الحقائب

مجدى وهو ينظر الي رودينا : واحشني اوي يا ابو سيف

خجلت رودينا من تلك النظرات واحمرت وجنتيها ووضعت رأسها في الأرض

سيف : انت كمان يا جوجو والله وحشتني

مجدى بحب : ازيك يا رودينا حمد الله ع السلامة

رودينا بخجل : الله يسلمك

مجدى : ازيك يا طنط نجلا

نجلاء : الحمد لله يا حبيبي تمام وازي ماما ومنى

مجدى : الحمد لله تمام بيسلموا ع حضرتك

سيف: انت هتفضل واقف كده كتير مش هتطلع الشنط ولا ايه

مجدى : هه اه اه اتفضلو انتوا وانا وسيف هنطلع الشنط

بدأ مجدى في مساعده سيف وقاموا بالصعود ومعهم الحقائب وسلم عليهم مجدى وعاد الي شقته بعد ان اطمئن علي حبيبته

اما دالياا ظلت واقفه في شرفه غرفتها وقامت بتشغيل الحاسوب الشخصي علي اغنيه ساكن قصادي لنجاة الصغيرة وكانت شاردة مع كلمات الاغنيه

ساكن قصادي وبحبه وأتمنى اقابله

فكرت أصارحه لكن أبدا مأقدرش أقوله

وفضلت استنى الأيام في معاد مايسهر ومعاد ما يرجع

كل خطوة أرسم احلام تكبر ف قلبي والقلب يطمع

وأقول مسيره ح يحس بيا لو يوم صادفني وسلم عليا

حيلاقي صورته ساكنه في عينيا ويحس بيها برعشة ايديا

***

كنت حاسه أن حـبـه كل ماده كان بيكـبــر

أبقى عايزه لو يكون لي قلب غير قلبي الصغيـر

فضلت أمالي مع الليالي

تقرب حبيبي اللي ساكن قصادي وبحبه

كان في غرفته يقوم بتوضيبها .. وسمع الاغنيه خرج الي الشرفه وجدها واقفه شاردة تردد كلمات الاغنيه

سيف بفرحة : دودى ازيك

بدأت دقات قلبها تتزايد .. شعرت برعشه تسري في جسدها ..فصوته بالنسبه لها تيار كهربائي يسير في شراينيها عندما تسمعه ..وها هو يحدثها وتري عينيه فهذا يجعلها لا تستطيع التحدث ابدا ولكنها تمالكت نفسها وتحدثت

داليا : الحمد لله ازيك يا سيف

سيف: الحمد لله .. حمد الله ع سلامتك

داليا : الله يسلمك وحمد الله ع سلامتك ومبروك الدكتوراه مع انها جايه متأخرة

سيف : الله يسلمك .. والله يبارك فيكي لا متأخر ولا حاجة كلها 9 شهور بس وعقبالك يارب ان شاء الله .. انا سمعت صوت نجاه بصراحة حسيت انها انتي بس قولت بقي اطلع اشوف مين

داليا : لسه فاكر اني بحب نجاه

سيف: اه طبعا ناسيه اننا كنا بنسمعها سوا واحنا صغيرين

داليا: ليه هو احنا كبرنا ولا ايه

سيف: هههههههههههههههه لا خالص كبرنا ايه بس

داليا : ههههههههههههههههههههههههه

سيف: وانتي دلوقتي في سنه كام

داليا : لاء انا خلاص خلصت الامتياز وجايه استلم التكليف

سيف: تكليفك هنا في اسكندريه

داليا : اه

سيف : طيب كويس والله الف مبروك يا دكتورة

داليا : الله يبارك فيك

سيف: اتخصصتي ايه

داليا : جراحة قلب

سيف: بس مش صعبه عليكي وخاصه انك رقيقه وكيوت هتستحملي تشوفي العمليات دي

داليا واحمرت وجنتيها من الخجل : ان شاء الله لازم اثبت جدارتي

سيف : بأذن الله ربنا يوفقك .. وع العموم ده نفس تخصصي يعني لو احتجتي اي حاجة انا تحت امرك

داليا : ربنا يخليك

سيف : طيب بعد اذنك انا لسه جاي من السفر بقي هرتاح شويه

داليا : اه طبعا اتفضل وسلملي ع طنط نجلا ورودي كتير

سيف : يوصل ان شاء الله سلام

داليا : سلام

دخل سيف الي غرفته واغلق باب الشرفه ..في تلك الاثناء كانت منى تقف خلف باب الشرفه ولم ترد الدخول حتي لا تقطع تلك اللحظة ع داليا ولكنها قررت الدخول

منى : ها يا عم الحبيب كلمتيه

داليا وهي تمسك منى من يدي وتلف بها : بحبه بحبه بحبه

منى : مجنونه والله

داليا : طلع لما سمع اغنيه نجاه

منى : تعرفي ان الاغنيه تنطبق عليكي بالظبط فاكرة لما كنتي بتقفي طول الليل والنهار

علشان بس تشوفيه وتفضلي قاعده مستنياه لحد ما يرجع اخر الليل من عند اصحابه انا عمري ما شفت حب كده

داليا: اديكي شوفتي علشان بس متقوليش اني حارماكي من حاجة

منى : الموصيبه انه مش حاسس

داليا : مش مهم كفايه عليا بس اشوفه قدامي واكيد في يوم هيحس بيا

منى : يارب يا اختي يحس .. طب يلا بقي ندخل ننام علشان انا بصراحة مش قادرة

داليا : اوك يلا

دخلت كل واحدة منهم الي فراشها . ولكن كانت هناك عيون ساهرة وهي عيون داليا التي لم تغمض لها جفن.. فكانت تفكر في حبيبها وكيف تغيرت ملامحة فغابت عن هذه الملامح 3 سنوات كم اشتاقت الي تلك العيون السوداء الساحرة .. واشتاقت الي تلك البشرة الصافيه القمحيه بلون اهل مصر ..واشتاقت الي تلك الملامح الجذابة وظلت تفكر فيه حتي غلبها النوم

في صباح اليوم التالي استيقظت داليا مبكرة .. وقامت بفتح الشرفه لتدخل لها اشعه الشمس وقامت بتحضير الفطور وقامت بايقاظهم جميعا والتفوا جميعا حول مائدة الطعام وقاموا بتناول وجبه الافطار

مجدى وهو ينهي وجبته : الحمد لله

داليا بمشاغبه : ليه كده يا جوجو مش اكلتك دي

مجدى : بس يابت كلي وانتي ساكته وبعد ما تاكلي اعمليلي قهوة

داليا : قهوة مين يا ابو قهوة هقوم اعملك شاي بحليب

مجدى : ماشي اعملي اي حاجة

داليا: ومفيش سجاير انا قولت اهو

مجدى : اخلصي عايز اخد دوش علشان الحق صلاه الجمعه

: حاضر ماهي داليا الخدامة اللي مامي جبتهالك

مجدى وهو يداعب خدودها : ده انتي حبيبتي يا دودى

داليا : علشان ليك طلب هقوم اعملك اهو

مجدى : وانا في البلكونه

حنان : انا مش فاهمة لما انتوا بتحبوا بعض كده ما اجوزكم وافرح بيكم

داليا : خالتو انا وجو اخوات بس ومتنسيش ان جو بيحب رودي

حنان : ابني غبي وانتي اغبي منه ..هو رايح يحب واحده مش راضيه تتخطبله علشان دراستها .. وانتي بتحبيلي واحد مش حاسس بيكي اصلا عيال اخر زمن

داليا بحزن : خالتو خلاص بقي خلصنا ومهما عملتي انا و جو مش هينفع نكون غير اخوات وبس انا هقوم اعمله الشاي بحليب

دخلت داليا الي المطبخ وقامت بتحضير الشاي بحليب لمجدى ..ولكن كانت دموعها

تنسال من عيونها علي كلمة حنان لها ان سيف لم يشعر بها هي تعلم هذه الحقيقه ولكن عندها امل ان يحبها فكل من يعرفها يحبها و سيف يعرفها منذ كانت صغيرة ولكنها لا

تعلم لماذا لا يتحدث لها حتي الان ..دخلت اليها حنان ووجدتها تبكي بدون صوت ضمتها الي صدرها

حنان : متزعليش مني يا دودى ده انتي بنتي بس كان نفسي تبقي لمجدى

داليا : انا مزعلتش منك يا خالتو بس صدقيني انا ومجدى طول عمرنا اخوات ولو دخل بينا الجواز صدقيني هنخسر بعض

حنان : ربنا يكرمك يا بنتي وتنولي اللي بتحبيه ويبقي من نصيبك

: يارب يا خالتو ادعيلي

: داعيالك يا بنت قلبي

داليا: انا هروح اودي الشاي بحليب لجوجو لحسن يفتحلي تحقيق

حنان : ماشي يا حبيبتي

دخلت داليا الي الشرفه لتعطي مجدى الشاي بحليب ..ووجدت سيف يقف في الشرفه المقابله وكان يتحدث مع مجدى

داليا: الشاي بالحليب لاحلي نقيب .. صباح الخير يا سيف

سيف: صباح النور يا دكتورة .. مفيش واحد شاي بحليب سيف ولا ايه

داليا بابتسامة : بس كده من عنيا

سيف بنظرة حنونة : تسلملي عيونك يارب

دخلت داليا من خجلها وكانت ستفضحها عيناها ويفضحها قلبها امام مجدى الذي لم يعلم شئ عن حب دالياا لسيف

بعد قليل خرج مجدى من الشرفه ودخل الي المرحاض ليأخذ حماما ..ويتوضأ لكي ينزل الي صلاه الجمعه وخرج من المرحاض ودخل غرفته وارتدي الجلباب الابيض لينزل الي المسجد ليقضي فريضه صلاه الجمعه.. وانتظر سيف في الاسفل حتي هبط له سيف وكان يرتدي الجلباب الابيض المغربي وكانت منى وداليا واقفين في الشرفه

داليا بتنهيدة : قمر وهو بالجلابيه البيضا دي .. بعشقها عليه بيبقي شكله يهبل

منى : بس يا مجنونه هتفضحينا

داليا : اعمل ايه يا منى بس.. بحبه اوي

منى: حبيه يا اختي بس بعقل شويه مش كده

خرجت من الشرفه المقابله رودينا وكانت تتثائب ووتفرد ذراعيها

منى : اتمطعي يا اختي اتمطعي ده انتو عيال شلل

رودينا كانت غامضه العينين ولا تري من بالشرفه كانت تفتح عيناها بتثاقل ولكنها كانت تعلم ان منى هي من تتحدث : بس يا بت انا اعمل اللي انا عايزاه ثم فتحت عيناها ورأت داليا امامها دودى وحشتيني

داليا : انتي كمان وحشتيني يا خم النوم عامله ايه

رودينا : الحمد لله والله تمام وانتي اخبارك ايه يا دكتورة كنت بعرف اخبارك من البت اللي جمبك دي

داليا : الحمد لله تمام بس البت اللي جمبي دي ولا كانت بتقولي اي حاجة خالص

رودينا : ماهي علشان واطيه

منى : ما تحترمي نفسك انتي وهي ايه العيال دي

الكل : هههههههههههههههههههههههه

داليا : طب يلا ندخل نصلي قبل ما سيف و مجدى يرجعوا من الصلاه

منى : يوووووووووووووه هما برضه هيرجعوا يلعبو شطرنج واحنا نشجع

رودينا : اه ان كان عاجبك يلا اخلصوا بقي

دخلو جميعا لقضاء فريضه الظهر ثم عادوا الي الشرفه

داليا : انا نسيت اقولك يا رودي

رودينا : ها

داليا : التكليف بتاعي جه اسكندريه

رودينا : قولي والله فين

داليا : اه والله فى....

رودينا : اشطه هتيجي كل يوم معايا الكليه بقي

داليا : مش كل يوم طبعا لان حضرتك محاضراتك بتكون بعد الضهر ع حسب انا هنزل كل يوم الصبح بدري

رودينا : مش مهم بس اكيد هبقي اشوفك

داليا: ان شاء الله

بعد انتهاء صلاه الجمعه عاد سيف و مجدى وجلسو امام بناية سيف وطلب سيف من اخته ان تأتي بالشطرنج والدومينو

كان سيف و مجدى يلعبوا الشطرنج وكانت البنات تشجع من الشرفات وكان دائما مجدى هو الغالب في الشطرنج

مجدى : يا ابني اللعبه دي بتاعه الاذكيا فقط

سيف : ماشي يا عم الذكي العب بقي ووريني

بدأو يلعبون من جديد حتي حانت وجبه الغداء وصعد كل منهم الي منزله وتناولوا وجبه الغداء وتقابلو جميعا في الشرفه

داليا : انا عايزة اتفسح مش جايه انا بعد 8 سنين شقا وفي الاخر متفسحونيش

سيف : عايزة تروحي فين

داليا : اي مكان انا عايزة اتفسح وبس

سيف : طيب ادخلو البسو

الجميع : اوك

دخل الجميع وارتدو ملابسهم وهبطو الي الاسفل

مجدى : هنوديهم فين ياعم

سيف : والله ما انا عارف .. تحبو تروحو فين يا بنات

رودينا : الملاهي

الكل : اوك

ذهبوا جميعا الي الملاهي وقضوا وقتا لطيفا هناك .. ثم ذهبو الي الكورنيش وجلسو قليلا.. واكلو الذرة المشوي ع الفحم واشتري سيف لداليا غزل البنات لانها تعشقه منذ كانت صغيرة .. ثم عادو الي حيث منازلهم وجلسوا في الشارع

داليا : سيف ممكن تعزفلنا شويه ع الجيتار

سيف: بس كده من عنيا هطلع اجيب الجيتار واجي

صعد الي منزله واخذ الجيتار ثم هبط الي الاسفل من جديد

: ها تحبو اعزفلكم ايه

داليا : قصاد عيني

منى : يوووووووووه هو مفيش غير الاغنيه دي كل ما تيجي لازم سيف يعزفهالك

داليا: وانتي مالك يا رخمة انا بحبها ع الجيتار

سيف: خلاص هعزفلها قصاد عيني وبعد كده كل واحد يطلب اغنيه اعزفهاله

كان سيف يعزف علي الجيتار وكأنه يعزف ع اوتار قلب داليا بكل رقه وكانت تغني بصوت هامس وكانت تنظر الي عينيه بحب وشوق وكان هو يعزف ويشعر بكل كلمة وبكل صوت يخرج من الجيتار وانهي العزف وبدأت داليا بالتصفيق

داليا : الله يا سيف انا نفسي اتعلم اعزف الاغنيه دي

سيف : خلاص ان شاء الله اعلمهالك في اقرب فرصه

كانت تقف في الشرفه تسمع عزف ابنها

نجلاء : محدش بيسمع المواهب دي غير لما داليا بتكون هنا .. زعلانه منك ع فكرة يا دودى

داليا: طنط نوجا واحشاني

نجلاء : كده هنا من امبارح ولا حتي تقولي اطلع اسلم ع نوجا حبيبتك

داليا : طالعالك حالا

صعدت داليا الي نجلاء وسلمت عليها وجلست معها قليلا وقالت لها انها هنا مدة طويله بسبب التكليف ثم هبطت اليهم من جديد

سيف : يلا بقي انا همشي انا علشاان عندي كام مشوار كده خدي الجيتار ده يا رودينا معاكي

صعد كل واحد الي منزله وكانت داليا تدندن بكلمات اغنيه قصاد عيني وكانت في حاله هيام

وبينا معاد لو احنا بعاد
اكيد راجع ولو بيني وبينه بلاد

قصاد عيني في كل مكان
قصاد عيني في كل مكان

ومن تاني اكيد راجعين
انا دايب وكلى حنين
ولا عمري ابيع لو مين
قصاد عيني
ومش قادر علي الايام
ولا يوصف هوايا كلام
وطول ليلي ولما بنام
قصاد عيني

قصاد عيني في كل مكان
قصاد عيني في كل مكان

في يوم هنعود
دا بينا وعود
وفي غيابه اكيد لسه الامل موجود

قصاد عيني في كل مكان
قصاد عيني في كل مكان
ومن تاني اكيد راجعين
انا دايب وكلى حنين
ولا عمري ابيع لو مين
قصاد عيني
ومش قادر علي الايام
ولا يوصف هوايا كلام
وطول ليلي ولما بنام
قصاد عيني

قصاد عيني في كل مكان
قصاد عيني في كل مكان

ثم صعدت ودخلت غرفتها وبدلت ملابسها وظلت واقفه في الشرفه تنتظرة حتي يأتي

منى : انتي يا بنتي مش هتنامي

داليا بقلق : الساعه بقت 2 بعد نص الليل وهو ماجاش ازاي يجيلي نوم

منى : يا بنتي شويه وهيجي الدنيا صيف والطريق زحمة

داليا: ازاي انام وهو لسه مرجعش البيت

منى : طيب انا هنام

ظلت واقفه تنتظرة حتي لمحته من بعيد ارتاح قلبها وخمدت نار القلق التي تعلوها.. وظلت منتظرة حتي صعد الي منزله ورأت نور غرفته مضئ ثم خرج للشرفه لكي يغلقها.. ولكنه رأها وكانت عيونها ناعسه

سيف : ايه يا دالياا ايه اللي مصحيكي لحد دلوقتي

داليا : مش جايلي نوم

سيف: مش جايلك نوم ايه بس انتي مش شايفه شكلك عامل ازاي ادخلي نامي يلا تصبحي ع خير

داليا : وانت من اهله

دخلت دالياا الي فراشها وارتسم وجه امامها حتي غطت في ثبات عميق....