رواية حب عمري 💟 الحلقة الثالثه💟
الفصـــــل الثـــــآلــــث
*** حب عمرى ***
في صباح اليوم التالي استيقظت داليا مبكرا.. وايقظت منى و مجدى ليذهبوا الي
اشغالهم فبالرغم من نومها متأخرة الا انها دائما تستيقظ مبكره دخلت المرحاض واخذت شاور وبدلت ملابس النوم ببنطال قصير من الجينز " برمودا " وتي شي شيرت ابيض عليه رسمة باربي ورفعت شعرها علي ذيل الحصان وحذاء رياضي ابيض
داليا : صباح الخير يا خالتو
حنان : صباح الخير يا روح خالتو ع فين ع الصبح كده
: هنزل مع منى اتمشي شويه ع الكورنيش واجيب الفلافل السخنة ونفطر سوا انا وانتي
حنان : ماشي يا حبيبتي
داليا : يلا يا منى هتتأخري
منى من الداخل : جايه اهو
خرجت منى واتجهت الي طاوله الطعام وصنعت لنفسها سندوتش من الجبنه واخذته ثم غادرت المنزل مع داليا
منى : يلا انا هركب المشروع " ميكروباص "ده
داليا : طيب سلام انا
منى : سلام
كانت تسير داليا ع الكورنيش وتستمتع بهواء الصباح النقي وكانت حرارة الشمس رائعه فوجدته يسير بجانبها
سيف: صباح الخير ازيك يا دودى
داليا بفرحة : صباح النور ازيك يا سيف
سيف : تمام الحمد لله .. ماشيه لوحدك ليه
داليا : كنت بتمشي ع الكورنيش شويه وهروح اجيب فطار ليا ولخالتو
سيف: مشي الصبح ع الكورنيش ممتع
داليا : جدا
سيف: هتستلمي التكليف امتي
داليا: لسه الاسبوع الجاي ان شاء الله
سيف : بالتوفيق ان شاء الله
داليا : وانت مسافر امتي
سيف: بكرة ان شاء الله
داليا : تروح وترجع بالسلامة يارب
كانت فرحة بانها تسير بجوار حبيبها.. بالرغم من ان الصمت قد عم عليهم ولكن كان قلبها يدق بشده .. وكانت الرعشه تسري في جسدها فهي لا تصدق هل صحيح انها تسير بجوار من احبت .. قريبه منه تتحدث اليه كل هذه الافكار كانت في عقلها.. وكانت تختلس له النظر من حين الي اخر حتي قطع شرودها بكلامة
سيف : بعدنا نرجع بقي
داليا : اوك علشان كمان هجيب فطار
ذهبوا الي مطعم ليحضروا الافطار
سيف : عايزة ايه اجيبهولك
داليا : عايزة فول وفلافل وبطاطس الفلوس اهي
سيف وهو ينظر لها : عيب كده لما تديني الفلوس هروح اجيب
كانت تشعر بانه رجلها ..هو من تمنته سنين طوال .. ودعت الله بان يكون من نصيبها .. فهو حب حياتها ولم تحب سواه .. فتحت عيناها علي حبه هو ولم تتمني سواه زوجا لها
سيف : يلا
داليا وهي تنظر له بحب : يلا
ذهبوا الي منازلهم وصعدت داليا وكانت هائمة وكانت خدودها موردة دقت الباب وفتحت لها حنان
حنان : ايه يادودى اتأخرتي ليه كده
داليا : هه ابدا يا خالتو كنت بجيب الفطار
حنان : مالك يا دودى فيكي ايه
داليا : مشي معايا ع الكورنيش يا خالتو ومرضيش يخليني ادفع فلوس الفطار
حنان : سيف
داليا : ايووووووووووووة بتنهيدة سيف
حنان : ربنا يجعله من نصيبك يارب
داليا : اميييييييييييييين يارب .. هدخل اغير واحضر الفطار
حنان : ماشي يلا
دخلت داليا الي غرفتها ..وبدلت ملابسها الي فستان قصير باللون الزهري من القطن نص كم مرسوم عليه مجموعه من الشخصيات الكرتونيه ..ودخلت الي المطبخ اعدت الفطور واعدت الشاي .. وجلست هي وخالتها حول المائدة لتناول الفطور.. وبعد ان انهوا فطورهم جلسوا يحتسون الشاي امام التلفاز .. واذ بباب الشقه يدق قامت داليا لتفتح الباب وجدت امامها نجلاء
دالياا : ازيك يا طنط
نجلاء : الحمد لله يا حبيبتي حنان هنا
داليا : اه هنا اتفضلي يا طنط
نجلاء بعد ان دخلت : قولت اسأل مادام انتي مش بتسألي
حنان وهي تقوم لتسلم علي نجلاء : ازيك يا نوجا حمد الله ع سلامتك
نجلاء : الحمد لله يا حنون واحشاني والله
حنان : وانتي كمان والله تعالي اقعدي
داليا : هقوم انا اعمل القهوة التمام لاحلي نوجا وحنون
نجلاء : عقبال ما اشرب شرباتك يارب
رداليا وتوردت خدودها : ان شاء الله
نجلاء : يا خراشي ع العسل وهو بيتكسف
دخلت داليا الي المطبخ تسويه القهوة
نجلاء : مش هنفرح بيها ولا ايه
حنان : لسه نصيبها ماجاش
نجلاء : يارب تفرحي بيها هي ومنى في يوم واحد يارب
حنان : امين يارب
جاءت داليا حامله القهوة ووضعتها ع الطاوله وجلست بجوار نجلاء
داليا : هي رودي ماجاتش معاكي ليه يا طنط
نجلاء : ده لسه نايمة الهانم
داليا : طول عمرها خم نوم
نجلاء : نفسي تتعلم منك النشاط
داليا : انا لازم اكون نشيطة علشان دراستي وشغلي ..الثانيه ممكن تفرق في حياه انسان
نجلاء : نفس كلمة سيف .. يا ابني اقعد كول.. الوقت يا ماما الثانيه تفرق في حياه انسان
داليا بحب : ربنا يحميه نفسي اكون دكتورة شاطرة زيه
نجلاء : ان شاء الله واحسن منه كمان
داليا : طيب بعد اذنكم انا اسيبكم تاخدو راحتكم وهدخل انا اظبط الكركبه اللي منى عملتها
حنان ، نجلاء : اوك
دخلت داليا الي غرفتها وبدأت في توضيبها .. ثم ذهبت الي الشرفه ووقفت فيها تنتظرة حتي تراه فهي تشتاقه حتي وهو امام عيونها.. دائما تريدة بجانها حولها قريبا منها ..كانت تقف شارده مبتسمة وخرج هو الي الشرفه ممسكا بكوب الشاي بحليب
سيف: انتي ع طول كده قاعده في البيت يعني جايه اسبوع تتفسحي حابسينك كده
داليا : لا ابدا انا بحب وقفه البلكونه منها بشوف البحر وبشوف الناس
سيف: بس انتي قدامك اسبوع واحد وتمارسي عمل شاق جدا لازم تصفي ذهنك وتحسي براحة نفسيه علشان تعرفي تشتغلي
داليا : انا حياتي هو شغلي ومش بلاقي راحتي غير فيه لاني نفسي اثبت ذاتي وابقي اكبر جراحة قلب في مصر
سيف: ان شاء الله توصلي للي انتي بتتمنيه بس كمان لازم تتفسحي شويه
داليا : مجدى ع طول مشغول ومنى بترجع متأخر وخالتو طبعا مش هتنزل معايا وانا بحب اجي اقعد معاهم واشوف طلبات خالتو
سيف: خلاص هخلي رودي تعدي عليكي ونخرج سوا انهاردة ايه رئيك
داليا: ماشي هدخل اقول لخالتو واستأذن منها
سيف : ماشي وانا هستناكي
دخلت داليا الي الغرفه المتواجد فيها نجلاء وحنان
داليا : خالتو بعد اذنك ممكن اخرج مع سيف ورودينا
حنان : طيب استني لما مجدى يجي ويخرج معاكم هو ومنى
نجلاء : حرام عليكي يا حنان مجدى طول النهار في الشغل ومش بيرجع غير متأخر.. ومنى زيه ومش هيبقوا فاضيين وتعبانين ..هي بقي جايه تتفسح ولا تقعد في البيت .. ما تخليها تخرج معاهم ورودينا هتبقي معاهم بس اهو سيف يحميهم
حنان : طيب يا دودى
داليا بفرحة : ميرسي يا طنط نوجا ميرسي يا احلي خالتو في الدنيا
خرجت داليا الي الشرفه لتبلغ سيف ان خالتها وافقت ع الخروج معه
سيف: طيب ادخلي البسي عقبال ما اصحي الموصيبه اللي نايمة جوة دي نروح نتغدي في حته وبعد كده نشوف هنروح فين
داليا : اوك
دخلت داليا الي المرحاض واخذت شاور .. وارتدت ملابسها
ووضعت القليل من مساحيق التجميل التي تبرز لون بشرتها البرونزيه وخرجت من الغرفه
داليا : خالتو انا نازله
نجلاء : بسم الله ماشاء الله قمر
داليا وقد توردت خدودها : ميرسي يا طنط
حنان : طيب يا دودى خلي بالك من نفسك يا حبيبتي
داليا : حاضر يا خالتو بعد اذنكم
الاثنين : اتفضلي يا حبيبتي
نجلاء : انتي مكنتيش عايزة تخرجيها مع سيف صح
حنان : بصراحة يا نجلاء صح البنت في رقبتي ومينفعش حد يتكلم عليها ربع كلمة سيف انا عارفاه ومربياه بس الناس ماتعرفش ده
نجلاء : وانا والله معاكي بس البنت حرام جايه وطلعان عينها 8 سنين في الكليه نفسها تتفسح وعيالك مش فاضيين وانتي عارفه ان سيف كل فين وفين لما بيجي وبصراحة بقي كده انا حاسه ان فيه انجذاب بينهم خليهم بقي يمكن نفرح بيهم
حنان : وانا ما اكرهش يا نجلاء وا
تي عارفه ان انا نفسي افرح داليا حتي قبل ما افرح بمنى وسيف ده اكتر من مجدى عندي بس كمان يا حبيبتي كلام الناس مش بيرحم
نجلاء : خلاص بقي متعقدهاش ماهي رودينا معاهم
حنان : خلاص يا نجلاء
هبطت داليا الي الاسفل ووجدت سيف ورودينا سلمت عليهم وساروا جميعا في اتجاه الكورنيش
سيف: ها تحبو تتغدوا فين
رودينا : ايه رئيك يا دودى نروح كوك دور
داليا : اوك
ذهبوا الي كوك دور وجلسوا حول الطاوله وذهب سيف واختار لهم الطعام فهو يعلم ما تحبه داليا وعاد اليهم
سيف : طلبتلك السوبر كرانشي اللي انتي بتحبيه يا دودى
فرحت داليا بان سيف مازال يتذكر ماذا تحب وماذا تكره فهو دائما يشعرها بالاهتمام ودائما يكون بجانبها
دالياا : ميرسي يا سيف
جاء النادل ووضع الطلبات وبدأو في تناول طعامهم وكانت داليا تتفقده من حين الي اخر بالنظر اليه لكي تشبع من روئياه
سيف: وانتي يادودى مبسوطة ان التكليف بتاعك جه اسكندريه
داليا : طبعا انت عارف اني عشت عمري كله هنا في اسكندرية وانا بعشق اسكندرية وكمان انت عارف اني بحب خالتو ويويا وجو
سيف: اه طبعا ربنا يخليكي ليهم بس مش هتبقي مفتقده باباكي ومامتك
داليا : اه طبعا هفتقدهم ووحشوني جدا كمان في اليومين دول واللي مفتقداه بجد زياد
سيف: صحيح زياد اخوكي عامل ايه تعرفي اني بقالي ازيد من 5 سنين معرفش عنه حاجة من ساعه ماكان في الكليه
داليا : زياد اتخرج من الكليه واتدرب عند محامي كبير اوي واشتغل معاه فترة وبعد كده استقل بقي عنده مكتبه الخاص
سيف: والله فرحت ليه جدا ربنا يوفقه يارب
داليا : يارب
رودينا : تعرفي يا بت يا دودى انا اعرفك بقالي زمن اهو ومخدتش منك رقم تليفونك ولا ميلك ولا حتي الفيس بوك بتاعك
دالياا بضحكة : ههههههههههههه فيس بوك يا بنتي انا الفيس بوك بتاعك ده واصلي من كام شهربس انا علاقتي بالنت سطحيه جدا هو مجرد مقالات طبيه مجالات طبيه مؤتمرات تقارير اكتر من كده شكرا
رودينا : ده انتي قديمة اووووووووووي
داليا : اعمل ايه بس انا معنديش اجازات يادوب هو الاسبوع اللي كنت باجي فيه كل سنه واخر سنتين مكنش فيه حتي يوم اجازة بس الحمد لله وصلتله
رودينا : طب هاتي ميلك وانا اضيفك
داليا: طيب خدي الميل اهو
وكتبت لرودينا الميل الخاص بها
داليا : وانت يا سيف عندك فيس بوك
سيف : اه عندي بس نادرا لما بفتح يعني
داليا : اوك هبقي اضيفك
سيف : خلاص تمام
ذهبوا من المطعم وساروا ع الكورنيش وبدأو في التقاط الصور التذكاريه سويا وكان اكترها يجمع بين سيف و داليا ثم عادوا الي منازلهم صعدت داليا الي شقه خالتها ووجدت مجدى في انتظارها
مجدى بجديه: داليا عايزك لو سمحتي
داليا بقلق : حاضر يا مجدى
تبعته داليا الي غرفته في كثير من القلق والحيرة ودخلت خلفه وجدته جالسا امام مكتبه وكان يظهر ع وجهه الشده
مجدى بحده : اقفلي الباب وراكي واقعدي قدامي ع المكتب
اغلقت داليا الباب ثم ذهبت اليه وجلست امامه ع مكتبه
مجدىى : انتي خلاص بقيتي زيك زي منى .. طالما هتعيشي هنا يبقي انتي تحت مسؤليتي انا .. انا هنا راجل البيت تخرجي تتصلي تقوليلي.. مش ارجع اسأل عليكي ماما تقولي مع سيف ..سيف راجل غريب عننا يعني مينفعش تخرجي معاه لوحدك
داليا وكانت عيونها ممتلأه بالدموع وكان صوتها يخرج بالكاد يسمع : بس سيف متربي معانا
مجدى : انا مقولتش ان سيف وحش ..بس عايزة تخرجي تقوليلي انا عايزة اخرج ..كلام الناس مبيرحمش وانتي سمعتك من سمعتنا مش هقبل باي مخلوق يمسك
دالي ودموعها تنهمر : بس انت ع طول مشغول ومنى كمان وانا كنت مخنوقه وهو عرض عليا اننا نخرج ورودي كانت معانا
مجدى وهو يقوم من علي المكتب ويتجه اليها ويضع يده ع كتفها ويجلس امامها وينظر لها : دموعك مش عايز اشوفها ولو عايزة تخرجي تقوليلي وانا هخلقلك وقت حتي لو هعمل المستحيل بس خروج مع سيف تاني لاء
داليا : ليه يامجدى
مجدى : علشان مينفعش ..انا خايف عليكي يا حبيبتي اتفقنا
داليا وهي تقوم بمسح دموعها : حاضر يامجدى انا اسفه
مجدى : خلاص يا دودى واخر مرة قومي غيري يلا علشان نتعشي
داليا : حاضر
دخلت داليا الي غرفتها وكانت دموعها تنهمر منها .. فلا احد يفهمها فهي تنسي نفسها
عندما يطلب منها شئ فكيف ترفض له ان تخرج معه و تتمتع بالنزهه معه .. فهو حبيبها بل هو نبضها وكيانها فهي تنتهز الفرصه التي تكون معه بجوارة وبالقرب منه
..يطلبون منها ان تفوت الفرصه في التقرب منه كيف يطلبون منها ان تتخلي عن الفرصه الوحيدة التي تسمح لها بان تكتسب نفسا عميقا ليساعدها ع الحياه .. ولكن قطع شرودها صوت حنان من خلف الباب تنادي عليها لتذهب لتناول العشاء معهم
ذهبت داليا وجلست معهم حول الطاوله ولكن لم تقم بتناول اي شئ كان يلاحظ هذا الجميع ولكنهم لم يعلقوا فاصبحت داليا فتاه عاقله يجب ان تحاسب علي كل تصرف تفعله ثم غادرت الطاوله واتجهت الي غرفتها ولحقتها منى
منى : ايه يا بنتي انتي مالك
دالياا: مجدى زعل مني علشان خرجت مع سيف
منى : لازم تحكمي عقلك شويه متخليش مشاعرك هي اللي تتحكم فيكي مينفعش انتي خلاص بقيتي دكتورة ومشاعرك لازم تتجنبيها شويه
داليا : بضعف معاه يا منى بضعف ومش بقدر ارفض ليه طلب ده انا ما بصدق انه يكلمني جوايا حاجات كتير اوي نفسي اقولهاله بس لما بشوفه مش بقدر اقول ولا حرف حتي
منى : لو هو نصيبك هيحس بيكي وهيجيلك جري بس لو مش نصيبك يبقي منزعلش ونشوف بكرة مخبيلنا ايه
داليا : مش بتمني من الدنيا غير انه يحس بيا وباللي جوايا
منى : ربنا يريح بالك ويجعله من نصيبك
داليا : امين يارب
ظلت داليا جالسه وكانت منى معها وسردت عليها كل ما حدث وتناست زعل مجدى الذي عكر عليها صفو فسحتها مع حبيب عمرها ..وفتحت الحاسوب الشخصي ..وقامت بفتح حسابها الخاص ع موقع التواصل الاجتماعي " فيس بوك " وقامت باضافه رودينا في قائمة الاصدقاء وقامت باضافه سيف ايضا وبدأت في تصفح الانترنت حتي ملت منه وقامت بتشغيل الحاسوب الشخصي ع اغنيه" عيون القلب "
عيون القلب سهرانه مابتنامشى
لانا صاحيه ولا نايمه مبقدرشى
يبات الليل يبات سهران على رمشى
وانا رمشى مداق النوم وهو عيونه تشبع نوم
روح يا نوم من عين حبيبى روح يا نوم
حبيبى حبيبى اه من حبيبى عليه احلى ابتسامه
لما بتتضحك عيونه بقول يلا السلامه
لما يسلم عليه والا يقولى كلام
عايزه ورا كل كلمه اقوله ياسلام ياسلام
ده قالى فى يوم ياحبيبتى خدى القمر
ورحت معاها وما ادنى الا السهر
وانا رمشى مداق النوم وهو عيونه تشبع نوم
روح يا نوم من عين حبيبى روح يا نوم
تقولى كلام وافرح بيه انا افرح بيه
اسيب النوم وافكر فيك انا افكر فيك
انت تقول وتمشى وانا اسهر منامشى
ياللى مبتسهرشى ليله ياحبيبى
سهرانى حبيبى حبك ياحبيبى
بكتب على الليالى اسمك ياحبيبى
انت تقول وتمشى وانا اسهر منامشى
ياللى مبتسهرشى ليله ياحبيبى
سهرانى حبيبى حبك ياحبيبى
بكتب على الليالى اسمك ياحبيبى
ده قالى فى يوم ياحبيبتى خدى القمر
وروحت معاها وماادنى الا السهر
وانا رمشى مداق النوم وهو عيونه تشبع نوم
روح يا نوم من عين حبيبى روح يا نوم
حبيتك يا حبيبى من غير ما اسال سؤال
ن
وها اسهر يا حبيبى مهما طال المطال
انا بس اللى محيرانى ومخلنيش انام
ازاى انا بقدر اسهر و ازاى تقدر تنام
و اقوله حبيبى كل ما فيك حبيبى وحلو
صوتك حلو قلبك حلو وحتى لما تتعبنى
و اسهرلك سهرك حلو
وانا رمشى مداق النوم وهو عيونه تشبع نوم
روح يا نوم من عين حبيبى روح يا نوم
خرج الي الشرفه علي صوت نجاه ومعه كوب الشاي بالحليب
سيف: الله عليكي بجد .. تعرفي اني مش بحب اسمع نجاه غير منك
داليا بفرحة : ازاي
سيف: مش عارف لما بسمعها وانتي مشغلاها بيبقي ليها طعم تاني خالص بحس ان كل كلمة بتقولها ليها معني
داليا : " يارب تفهم بقي " انا بحب نجاه من صغري
سيف: وانا بحب نجاه بس عمري ما فكرت اسمعلها اغنيه كده لوحدي لازم اسمع الاغنيه اللي انتي بتشغليها
داليا بتنهيده : خلاص هشغلك كل اغاني نجاه بعد كده
سيف : خلاص بقي ده انا مسافر بكرة
داليا بحزن: ع طول كده
سيف: هو انا هلحق ده يادوب الخميس وهتلاقوني هنا
داليا : تروح وترجع بالف سلامة هنستناك
سيف:ان شاء الله الاغنيه خلصت انا هدخل بقي انام علشان هصحي بدري
داليا وكانت تنظر له نظرات مليئه بالاشتياق والحب : تصبح ع خير
سيف : وانتي من اهله
دخل واغلق باب الشرفه خلفه كانت تشعر بانها اشتاقت اليه بالرغم من انها كانت تراه امامها منذ قليل .. ولكن هاهو الحب ان تشتاق الي حبيبك حتي وان كان امامك .. ظلت واقفه في الشرفه وتنظر الي شرفته المغلقه وكانت تسرح وكانها تريد ان تعرف ماذا يفعل خلف هذه الشرفه وافاقت من شرودها ع صوت منى
منى : يا بنتي ارحميني عايزة انام اقفلي بقي البلكونه دي
داليا وهي تدخل وتغلق باب الشرفه : يخربيت رخامتك انتي ع طول كده مبوظة مودي
منى : طب اتخمدي بقي يا عم الرومانسي
دخلت داليا الي فراشها وامسكت وسادتها وقامت بحضنها وكانت تحلم بتلك الملامح الجذابه التي كانت امامها الان حتي غلبها النوم ونامت .......
التعليقات على الموضوع