رواية حب عمري 💟 الحلقه الاولي💟
الفصـــــــل الآول
*** حب عمرى ***
سيف : تتجوزيني
داليا بأستغراب : اتجوزك .. جاي دلوقتي تطلب مني الطلب ده .. وليه انا بالذات يا سيف
سيف : لأنه مينفعش يكون حد غيرك يا داليا
داليا: اعتقد انك اخدت وقتك في التفكير علشان تفكر في الموضوع ده وانه انا كمان من حقي افكر
سيف : خدي وقتك وهستني ردك
داليا : اوك .. بعد اذنك
تركته داليا وذهبت إلي مكانها المخصص علي شاطئ البحر وجلست واسندت رأسها علي خلفيه المقعد وبدأت
تتذكر ما حدث في الماضي
في أحدي الشقق بحي سيدي بشر بالأسكندريه كان جرس الباب يدق وقامت ربة المنزل بفتح الباب فكانت سيدة
في أواخر العقد الرابع وتدعي حنان
حنان بعد ان فتحت الباب ورآت الطارق قالت بفرح : دودى حبيبتي
داليا وهي تضم حنان : خالتو وحشتيني
قامت حنان بضم داليا وتقبيلها : تعالي يا حبيبتي ادخلي
دخلت داليا الي الشقه واغلقت الباب ووضعت حقيبه سفرها وجلست بجوار خالتها
حنان : عامله ايه يا دكتورة وبابا وماما عاملين ايه والواد زياد اخبارة ايه ولا اقول سيادة المستشار
داليا : كلهم كويسين يا حبيبتي وبيسلمو عليكي .. وخليتي زياد مستشار مرة واحدة ده لسه بيقول يا هادي
وفاتح مكتب المحاماه
حنان : ربنا معاه يارب يا حبيبتي وانتي واحشاني اوي والله يا دودوى
داليا : وانتي كمان والله يا خالتو واحشاني اوي اوي اوي
حنان : يا بت يا بكاشه لو كنت وحشتك صحيح كنتي تسألي عني لكن نقول ايه بقي يلا
داليا : يا حبيبتي ده انتي الخير والبركة
حنان : يا بت يا بكاشة هتاكلي بعقلي حلاوة
داليا : هو انا اقدر برضه ياست الكل .. امال فين مجدى ومنى
حنان : منى في الشركة انتي عارفه موسم سياحه وبتتأخر في الشغل اليومين دول اما بقي مجدى فهو في
المديريه لو كان يعرف انك جايه كان استناكي
داليا : يعني جاي انهاردة ولا في مأموريه
حنان : لا يا حبيبتي جاي بس انتي عارفه شغل مجدى الواحد ميضمنش ايه ممكن يحصل
داليا : يلا ربنا يوفقهم يارب
حنان : قومي انتي وضبي دولابك وخدي دش علي ما يجوا
داليا : حاضر يا حبيبتي .. دولابي زي ماهو ولا البت منى استولت عليه
حنان : لا يا حبيبتي دولابك وسريرك زي ما هما من اخر مرة كنتي هنا
داليا : تسلميلي يا ست الكل
دخلت داليا الي غرفه منى ووضعت ملابسها في الخزانه الخاصه بها ثم دخلت الي المرحاض لتأخذ حماما
وبدلت ملابسها الي بنطال قصير باللون الرمادي وتوب نص كم باللون الوردي وتركت شعرها ينسدل خلفها
وفتحت الشرفه ووقفت فيها وبدأت تستنشق هواء الأسكندرية وكانت نسمات الهواء تداعب خصلات شعرها
القصير الناعم الكستنائي وكانت اشعه الشمس تسقط علي عيناها العسليه لتنعكس ع بشرتها البرونزيه وكانت
شاردة
جاءت من الخلف وتمسك خصرها النحيل لتقطع شرودها : محدش منهم هنا ع فكرة
داليا بخضه وهي تلتفت لمصدر الصوت : خضتيني يا بايخة
منى وهي تعانقها : وانتي وحشتيني مووووووووووووت
داليا وهي تقبلها : انتي وحشتيني اكتررر
منى : وحشتك اوي علشان كده بقالك سنتين مجتيش صح
داليا : انتي عارفه اخر سنه في الكليه كانت امتحاناتي طول الصيف غير السنه الامتياز خلصتها وشوفت
التكليف بتاعي وجيت جري
منى : والتكليف بتاعك فين
داليا : هقولك بعدين .. متوهيش مين اللي محدش منهم هنا
منى وهي تغمز لها : حبيب القلب
داليا بأستغراب : ليه راحو فين
منى : مطروح
داليا : راحو مطروح يعملو ايه
منى : انتي ناسيه ان حبيب القلب بيشتغل في مطروح راحو يقعدوا معاه ويصيفوا بالمرة
داليا وارتسم علي وجهها الحزن : ليه هو مش بيجي ولا ايه
منى : لاء بيجي بس هما خدوها مصيف وتغير جو يعني
داليا بأرتياح : بقالهم اد ايه
منى : بقالهم اسبوع هما المفروض يجوا انهاردة ده اللي انا سمعتو من رودي بس مش عارفه بصراحة ظروفهم
ايه بقي
داليا بحب : وهو عامل ايه
منى : هيكون عامل ايه يعني زي القرد
داليا وهي تضربها ع صدرها : قرد في عينك انتي اللي قرد
منى : هههههههههههههههه هو كويس
داليا باطمئنان : الحمد لله انه كويس سأل عليا يا منى
منى: اممممم سأل مرة واحدة بعد ما رجع من بره ع طول
داليا بخيبه امل : مرة واحدة بس
داليا: انا مش بشوفه والله وبعدين ما انتي عارفه انه بعد ما خد الدكتوراه ورجع من بره اشتغل في مطروح وانا
مش بشوفه غير بالصدفه بس
داليا بشوق : وحشني اوي يا منى
منى : عارفه يا حبيبتي والله ان شاء الله يجوا انهاردة وتشوفيه
داليا برجاء : يارب
وهنا سمعوا صوت ذكوري من الخارج
داليا بفرحة : مجدى . منى بسرعه الحقي خالتو قبل ما تقوله اني هنا عايزة اخضه
خرجت منى الي اخيها
منى : جوجو تعالي عايزاك
مجدى : عايزة ايه
منى : تعالي بس
سارمجدى مع منى إلي الغرفة .. التي كانت تخبئ داليا خلف بابها .. و ما أن دخل حتى ظهرت أمامه
مصدرة صوت عالي ...
مجدى بخضه : يا بنت اللذين طب تعالي بقي وبدأ يركض خلفها
اقترب منها مجدى وقال لها : وحشتيني يا دودى
داليا : وهي تعانقه انت كمان وحشتني يا جوجو عامل ايه يا سيادة النقيب
مجدى وهو يعطي لها التمام : زي الفل يا دكتورة انتي عامله ايه
داليا : تمام الحمد لله بس نصيحة يعني يا سيادة النقيب روح خس شويه انت مش عارف تجري ورايا
مجدى وهو يشد جسده : يا بنتي انا رشيق
داليا : رشيق اوي ده انت لو بتجري ورا حرامي مش هتعرف تجيبه ال ظابط ال
مجدى وهو يبدأ الركض : بقي كده طب تعالي بقي
وبدأ الضحك يتعالي في اركان المنزل فقد جاءت داليا الشقيه لتملأ الجو مرح وفرح وسعاده فعندما تأتي لا
ينقطع الضحك من المنزل فهي تأتي إلي منزل خالتها كل صيف لقضاء العطله الصيفيه وعندما تأتي يتبدل الحال
الي المرح والسعاده فا داليا ليست بنت خالتهم فقط فهي اختهم الثالثه
كانوا جالسين يمرحون ويضحكون وقطع هذا الضحك صوت حنان
حنان : نونا .. دودى تعالو حطوا معايا الاكل
منى : ياربي انا مش عارفه ليه مبقتش ولد كل يوم احط الاكل واغسل المواعين ايه الارف ده
مجدى : يلا يا بت انجري بلاش لكاعه عايز اتغدي
داليا :يلا يا اختي متجيبلناش الكلام
ذهبت منى و داليا الي المطبخ وقاموا باعداد طاوله الطعام والتف الجميع حول المائدة
داليا : ياااااااااااه وحشني سمك اسكندرية اهو هو ده السمك مش اللي احنا بناكله لا طعم ولا شكل
حنان : الف هنا وشفا يا حبيبتي
داليا : الله يهنيكي يا احلي حنون .. احم احم عندي ليكم مفاجأة
حنان : خير يا حبيبتي مفاجأة ايه
داليا : اممممم التكليف بتاعي جه اسكندرررررررررررية
منى: هييييييييييييييييييييييييييييييييه
مجدى : فين في اسكندرية
داليا : في مستشفي ....
حنان : الف مبروك يا حبيبتي
داليا : الله يبارك فيكي يا خالتو
منى : كده بقي ضمنت انك تقعدي معايا ع طول
داليا: ان شاء الله يا حبيبتي
مجدى : الف مبروك يا دودى وكويس انها جمبنا هنا علشان نكون مطمنين عليكي
داليا : ربنا يخليك يا جوجو
لم يخلي الطعام من الحديث العادي عن أهل داليا .. و بعد انتهاء الطعام حملت منى و
داليا الأطباق لغسلها
.. و انتهت داليا من غسيل الأطباق فذهبت إلي الشرفة لتجد مجدى وقفاً يدخن بشراهة ...
داليا: ايه يا ابني حريقه حرام عليك صدرك
مجدى : انتي هتعملي عليا دكتورة ولا ايه
داليا : ياعم لا دكتورة ولا بتاع بس شكلك مش متظبط
مجدى : طب كلي عيش بقي وادخلي اعمليلي قهوة
داليا : هو حد قالك ان انا الفلبينيه اللي بابي جبهالك
: انجري يا بت
داليا بدلع : حاضر يا سي جوجو
ماجدى : ههههههههههههههههه
دخلت واعدت له القهوة وعادت بها إلي الشرفة وجدته ساندا علي سور الشرفة .. و كان شارداً ...
داليا وهي تقف بجانبه : وحشتك
مجدى وهو يتنهد : اوي
داليا: هي ليه مش موافقه ع الخطوبه
مجدى : انتي عارفه انها لسه قدامها سنتين وهي مش عايزة خطوبه في الدراسه خاصه ان انا كمان شغلي
صعب
داليا : ربنا يكرمكم يارب .. امال هما جايين امتي
مجدى : جايين انهاردة ان شاء الله
داليا بفرحة : يجوا بالسلامة .. انا هدخل اشوف منى بتعمل ايه
مجدى : اوك
ظل مجدى شارداً في حبيبته منتظر قدومها .. لكن داليا ركضت إلي منى وجدتها تشاهد التلفاز و أمامها
المكسرات و الحلويات .. جلست بجانبها ...
داليا: يا بنتي ارحمي نفسك بتودي الاكل ده فين
منى : اقعدي اقعدي اتفرجي معايا ع المسرحية
جلست داليا بجوارها واخدت مجموعه من المسليات : طب هاتي الفيلم الاجنبي
منى : اقعدي اتفرجي ع المسرحيه وانتي ساكتة
جلست تشاهد المسرحية .. لكن كانت شاردة في حبيبها منتظر للحظة رؤيته بعد سنتين كاملتين .. فجأة هبت من
مجلسها و هي تقول ...
سيف
التعليقات على الموضوع