حب من النظرة الاولي💕الحلقه الثانية💕
…‗_●♥ حب من النظرة الآولى♥●_‗...
الحلقة الثانية
بقلم_سلمى_محمد
عبد العزيز وقف مذهول فى مكانه بيبص لبنته الغرقانه فى دمها مش عارف هو عمل كده أزاي
سميرة بدموع غزيرة وبصياح : أتصل بالاسعاف بسرعة .. روح منك لله
الآسعاف جات بسرعة والجيران أتجمعو وبيسألو الآسعاف جايه لمين
- دول طلعين شقة الحاج عبد العزيز
- هو الحاج حصل ليه حاجة
- الله أعلم
- هيبان مين دلوقتي
ليقول صوت أخر بذهول: دي رقية ودمها سايح
وصوت أخر بفضول: هيا أتصابت أزاي
- علم علمك
ليرد أحد الجيران : أنا كنت سامع صوت الحاج بيتخانق وبعدها بشوية خطيب بنته نزل وبعد مانزل بفترة سمعت مراته بتصرخ والاسعاف جات بعدها علطول
ليقول جار أخر بخبث : أستر على بناتنا يارب .. اكيد عملت مصيبة عشان يحصل فيها كده
ليرد أحد الجيران بغضب: أستغفر الله .. رقية بنت فى منتهى الادب والاخلاق والعيبة عمرها ماتطلع منها أبدا
#بقلم_سلمى_محمد
فريدة وهى متعصبة : أنت أكيد أتجننت .. أنت أزاي تعمل فى بنتك كده
عبد العزيز بندم : لحظة غضب مني .. مش عارف عملت كده أزاى
وهى بترد عليه بغضب: رقية طول عمرها بتسمع كلامك من بين ولادك كلهم وبتقولك علطول حاضر وطيب وعمر ماصوتها كان عالي عليك .. ليه تعمل فيها كده .. أنت شوفت شكلها كان عامل أزاي دلوقتي .. دي البنت مفهاش حته سليمة
عبد العزيز والدموع فى عينيه : أنا عارف .. بس والله غصب عني وخرجت عن شعوري .. لما رفضت تخرج تقعد مع خطيبها لقيت نفسى متعصب ومش شايف قصادي
وهى زعلانة قالت: هو الجواز بالعافية .. رقية مش مرتحة ليه وأنا كلمتك وقولتلي هتفكر .. هو ده بقا التفكير
عبد العزيز بندم : كفاية بقا .. أنا مش مستحمل
فريدة : هو أنت لسه شوفت حاجة
عبد العزيز بحزن: أكتر من اللى شوفته وعملته فى بنتي
فريدة: أيوه .. لسه البوليس لما يجي ياخد أقولها
عبد العزيز بدهشة : بوليس ليه
فريدة : مش عارف ليه .. دى جناية وبنتك جيت المستشفى مش بتنطق ولسه لما ياخدو اقولها لما تفوق
عبد العزيز برفض : دى بنتي وليه بقا البوليس هيتدخل
فريدة أتفاجأت من كلامه فقالت بغضب: أنت أيه ياشيخ .. هو عشان بنتك من حقك تموتها من الضرب .. لا مش حقك فى قانون ليه الحق يحاسبك وممكن تتحبس فيها
عبد العزيز بعدم تصديق: أنتي بتتكلمي جد
فريدة : أيوه أمال بهزر وغير كلام الناس فى المنطقة .. شوفت نتيجة عصبيتك الزايدة
عبد العزيز بنبرة رافضة: وليه بقا الناس هتتكلم
فريدة: أنت مسمعتش الناس بتقول أيه على اللي حصل .. ده أنا روحت ساعة واحدة شقتك وسمعت كلام مكنتش متخيلة أسمعه على رقية وكل ده من تحت راسك وعصبيتك الزايدة
عبد العزيز بقلق: والناس بتتكلم بتقول أيه بالظبط
فريدة بزعل : بيقولو أكيد عملت مصيبة كبيرة .. ومش مبطلين كلام فى سمعتها
عبد العزيز وشه أحمر من الغضب: قوليلى مين قال كده والله ماهسيبه وهطلع روحو في أيدي
فريدة : ده اللي أنت فالح فيه وتأكد الكلام الناس عليها
عبد العزيز: يعني أسيب الناس تتكلم عليها
فريدة : متنساش أنت السبب فى كل اللي حصل
عبد العزيز : أومال أعمل أيه
فريدة : أنا هتصرف وهقطع كلام الناس .. بس لما رقيه تفوق ألاول .. هقولك أعمل أيه
ولما رقية فاقت والظابط بياخد أقولها قصاد عبد العزيز وهو كان واقف منتظر أجابت بنته
- مين عامل فيكى كده
رقية بصت لأبوها بحزن وكانت هتعيط : مفيش حد
الظابط : اتصابتى أزاى
رقية وهى بتتكلم بالعافية: وقعت
الظابط بعدم تصديق: وقعتي !! كل ده ووقعتي بس
رقيه هزت راسها وقالت : ايوه
واستمر استحواب رقية وهى بترفض رفض نهائي أن يكون فى شخص مسئول عن أصابتها وبعد ما الظابط مشي .. عبد العزيز حاول يقرب من بنته فرقية أدارت راسها للناحية التانية وغمضت عينيها
عبد العزيز بحزن : سامحيني يا بنتي
لكن قلبها كان مليان حزن ووجع ملهوش حدود ورفضت تنطق بكلمة ومع أصرارها بعدم الكلام معاه....خرج عبد العزيز من الاوضة وهو موطي راسه
وبعد ما خرج دخلت امها وعمتها من غير كلام معاه ولا كأنهم شايفينه
سميرة والدموع فى عينيها : متزعليش مني انا السبب .. أنا اللي نادته ..كان أتقطع لساني قبل ماأنادي عليه
رقية بصوت ضعيف : بعد الشر عليكى يأمي ..هو قدر ومكتوب ليا
سميرة بصوت عالى شوية: أنااا السبب
فريدة : خلاص بقا ياسميرة اللي حصل حصل ومش هيتغير ودلوقتي رقية عايزه راحة عشان تخف بسرعة ومش عايزه جو نكد
سميرة : خلاص مش هتكلم وبصت لرقية بحزن وقالت متزعليش مني
رقية : وأنا والله مش زعلانه ياماما
فريدة : والله يارقية لولا أنه أخويا كان زماني حبسته بسبب اللي عمله فيكي ..بس مرتضتش عشان العشرة
رقية بتعب : أنا عارفة بابا كويس .هو طيب بس صعب اوى وبيحبني أوى وهو عمل كده بسبب الغضب اللي عماه وقتها
فريدة : بعد اللي عمله فيكي ولسه بتبرري تصرفاته ..أنتي قلبك طيب أوي يارقية ..انتي خسارة فى ابوكي
التعليقات على الموضوع