رواية حب عمري💟الحلقه الرابعه💟
الفصـــــل الــــــرآبــــــع
*** حب عمرى ***
في صباح يوم جديد استيقظت داليا مبكرة كعادتها بالرغم من نومها متأخرة ..الا ان اليوم غير باقي الايام التي مضت فاليوم سفر حبيبها الي محل عمله في مرسي
مطروح.. فكانت حزينة علي سفره وعدم روئيتها له ولكن ماذا تفعل فيجب ان يسافر فمرضاه ينتظرونه لانه اشهر جراح في هذه المشفي ..
دخلت الي المرحاض واغتسلت وازالت اثار النوم وبدلت ملابسها الي بنطال قصير باللون الابيض من خامة الجينز وبدي ضيق نص كم باللون الموف مرسوم عليه
صورة باربي باللون اللامع وارتدت حذاء رياضي بمزيج من اللونين الابيض والموف ..ورفعت شعرها الي اعلي ووقفت في الشرفه تنتظرة رآته خارجا من البناية خرجت من الشرفه تركض ولكن اوقفها عن الركض صوت حنان
حنان : راحة فين يا داليا
داليا : هنزل اجيب حاجة
كانت حنان ستكمل حديثها ولكن داليا تركتها واكملت ركضها الي اسفل وجدته واقفا في اول الشارع ركضت نحوة مسرعه حتي وصلت اليه
داليا وهي تلهث من شدة الركض : صباح الخير يا سيف
سيف: صباح النور يا دودى ايه مالك بتنهجي ليه كده كنتي بتجري ولا ايه
دالياا وهي تلقط انفاسها : اه كنت بجري ع السلم كده تسافر من غير ما تسلم علينا
سيف: معلش انتي عارفه يادوب الحق القطر وبعدين ما احنا كنا سوا امبارح بالليل
داليا : لازم اسلم عليك برضه
سيف : تسلمي ربنا يخليكي
داليا : خلي بالك من نفسك وتروح وترجع بالف سلامة
سيف : الله يسلمك
داليا وهي تنظر الي عينيه : هتيجي يوم الخميس
سيف : والله مش عارف لسه ع حسب الشغل انتي عارفه
داليا : ربنا يوفقك .. هستناك
سيف : ان شاء الله
دالياا : لا اله الا الله
سيف: سيدنا محمد رسول الله
استقل سيف سيارة اجري وعادت داليا الي شقتها وهي حزينه ع فراق حبيبها سيتغيب عنها من جديد ولم تعد تراه الا اخر الاسبوع فهي تشعر بانه سيتغيب اربع سنوات ليس اربع ايام فاليوم في بعاده بسنه بل بعده سنوات عادت الي شقتها وكان الحزن يخيم علي وجهها دخلت الي الشقه بعد ان فتحت لها حنان
حنان : ايه يا دودى كنتي فين ومالك راجعه متضايقه كده
دالياا : ولا حاجة يا خالتو بس كنت بسلم على سيف قبل ما يسافر
حنان : ايه يا دودى هو احنا مش اتفقنا اننا منبقاش مع سيف لوحدينا
داليا : اعمل ايه بس يا خالتو بلاش اسلم عليه قبل ما يسافر ليه محدش قادر يفهم انا بحبه اد ايه كل اللي بعمله ده غصب عني
حنان وهي تضم ابنه اختها الي صدرها : ربنا يقرب البعيد يا بنتي ويجعله من نصيبك
داليا : امين يارب يا خالتو
حنان : طب يلا ادخلي بقي غيري كده وتعالي افطري معايا
داليا: حاضر يا خالتو
دخلت داليا الي غرفتها وبدلت ملابسها الي بنطال باللون الوردي وتوب نص كم قصير باللون الابيض في الوردي ودخلت الي خالتها المطبخ وحضرت معها الفطور وجلست بجوارها لتتناول افطارها ولكنها لم تتناول شئ فكان الحزن هو رفيقها مع غياب حبيبها
حنان : هتفضلي سرحانه ومسهمة كده كتير ماهو شويه وراجع
داليا : غصب عني يا خالتو والله كفايه استحملت سنين مشوفهوش بس تعبت من كتر البعد عنه وفرحت اوي اني هاجي اعيش في اسكندريه علشانه بس تقريبا الفراق من نصيبي حتي وانا معاه
حنان : نهايه الفراق اللقي يا حبيبتي وخلي املك في ربنا كبير وبعدين محدش عارف الخير فين اصبري وربنا يكتبلك الخير
داليا : يارب يا خالتو
كانت تمر الايام ببطئ شديد كانت داليا دائما وحيدة فالجميع منشغل عنها بالعمل كانت دائما تقف في الشرفه وتتخيله امامها كانت واقفه مبتسمة وتتخيله يضحك لها وخرجت رودينا الي الشرفه ووجدت داليا تبتسم وشاردة
رودينا : ايوة ياعم يا بخته
داليا بعد ان افاقت ع صوت رودينا : هو مين ده
رودينا وهي تغمز لها : اللي واخد عقلك
: والله انتي فايقه ورايقه وحاولت ان تغير مجري الحديث وانتي مش باينه ليه كده
رودينا : انا اهو تحت النظر بس انتي اللي مبقتيش بتقفي في البلكونه كتير ولا بتسألي
داليا : انا اهو موجوده بس بشوف طلبات البيت مع خالتو
رودينا : طب ما تيجي نروح نقعد ع البحر ولا نعمل اي حاجة انا زهقت
دالياا : طيب خليها بالليل لما سزكا تيجي ننزل نتمشي شويه ع الكورنيش
رودينا : خلاص تمام يلا انا هدخل علشان ماما بتنده
: اوك وسلميلي عليها كتير
رودينا : يوصل
دخلت رودينا ودخلت داليا ايضا وبدأت في تجهيز وجبه الغداء مع خالتها
داليا : خالتو هنزل اناومنى ورودي نتمشي شويه اخر النهار
حنان : ماشي يا حبيبتي
ظلت داليا وحنان يقوموا باعداد وجبه الغداء حتي جاءت منى و مجدى من العمل وكانت منى في شدة الارهاق والتعب وجلسوا جميعا حول الطاوله لتناول الغداء
مجدى وهو يشم رائحة الطعام : ياعيني ع ريحة الملوخيه اللي تجنن
حنان : اكل دودى ده
مجدى : ما تسيبك من الطب دده وخليكي في المطبخ وانتي بتطبخي حلو كده
داليا: هههههههههه مكدبش المثل اللي بيقول توصل لقلب الراجل عن طريق معدته
مجدى : وهو حد قالك انه كدب ده صح ميه في الميه وخاصه لما يبقي هفتان زي كده وعمال اجري ورا الحراميه ليل ونهار
داليا : هفتان فعلااااااااا ياعيني ايه ده انت مالك كده خاسس حتي ابقي روح اكشف
مجدى : ما انا هبقي اجي اكشف عندك بس يا خوفي تطلعي دكتورة اي كلام
: اي كلام في عينك ال دكتور اي كلام ال
مجدى : بكرة نشوووووووووووف
وبدأو الاثنين في الضحك وكانت تشاركهم الضحك حنان وكانت تنظر لهم بالم وحسرة فكانت تتمني ان تأخذ داليا لمجدى ولكن ما باليد حيله فالحب اقوي واعظم من اي شئ
دالياا : بت يا منى بطلي حشر شويه هننزل كمان شويه انا وانتي ورودي
منى : ليه رايحيين فين
: هننزل نتمشي شويه انا زهقانه
منى : مع نفسك انتي وهي انا مش فاضيالكم
دالياا : بطلي رخامة بقي
مجدى : اجي انا
رنا : ليه ما انت كنت عاملي تحقيق علشان خرجت مع رودينا وسيف ولا هو حلال ليك
مجدى: احم احم ايه الاحراج ده بقي .. انا كنت بهظر ع فكرة
داليا وهي تهز رأسها : عارفه ع فكرة
مجدى : رخمة ع فكرة
داليا : مش جديدة ع فكرة
وبدأو في الضحك من جديد فكانت داليا تحب مجدى حبا جما فهو اخوها الذي رباها فكانت عائله دالياا تعيش بالاسكندريه حتي كانت دالياا بالصف الثالث الثانوي ولكن حصلت ظروف عائليه اضطرتهم للتنقل الي القاهرة للعيش فيها وكانت قريبه من مجدى جدا ويعلم عنها كل شئ وتعلم عنه كل شئ ولكنه لا يعلم بحبها لسيف
دالياا: ها قولتي ايه
منى : امري الي الله هروح معاكم
مجدى : بس ما تتأخروش
دالياا : حاضر والله مش هنتأخر
منى : طب هدخل انام شويه علشان مفصلش منكم
داليا : ماشي بس 6 هصحيكي
منى: ماشي يا قدري
داليا : قدر زي العسل
الجميع : ههههههههههههههههه
قاموا جميعا وقامت داليا برفع الاطباق ودخلت منى الي غرفتها واستلقت ع فراشها وغطت في نوم عميق اما داليا فاحضرت القهوة الي مجدى وذهبت بها اليه في الشرفه
داليا : احلي قهوة لاحلي نقيب في المديريه كلها
: ياسلام كل ده علشان وافقت انك تخرجي
داليا : انت كنت تقدر تقولي لاء اصلا
مجدى : متكبرهاش في دماغي
داليا : بهزر يا جوجو ايه مبتهزرش
مجدى : هههههههههههه لاء بهزر يا اختي
الاثنين : ههههههههههههههههه
خرجت رودينا الي الشرفه عند سماع صوت ضحكاتهم
رودينا : ياعيني ع الضحك اللي جايب لاخر الشارع
داليا بدلع : الله بضحك انا وجو حبيبي عندك اعتراض
رودينا وهي تنظر لها بحده : لاء طبعا معنديش
داليا بضحك : بص بص بتبوصيلي ازاي هتاكولني بعنيها متخافيش اوي كده انا وجو اخوات بس يالهوي ع غيرة البنات
مجدى : ههههههههههههههههه
رودينا : اضحك اضحك لما نشوف اخرة الضحك
داليا : خير ان شاء الله
رودينا : طب يا اختي ادخلي البسي علشان نلحق نرجع
داليا : طيب هدخل اصحي القتيله اللي جوة دي ونلبس وننزل
رودينا : اوك
دخلت رودينا من الشرفه لترتدي ملابسها ودخلت ايضا داليا وقامت بايقاظ منى وقاموا بتبديل ملابسهم وهبطوا جميعا الي الاسفل واتجهوا الي كورنيش البحر
داليا: ها هتودوني فين بقي
رودينا : في حته كافيه توحفه في وسط البحر انا وسيف روحناه مرة
دالياا عندما سمعت كلمة عسيف فاهتزت من داخلها وشعرت برعشه تسير في جسدها وقالت بحب : اوك .. صحيح يا رودي سيف جاي بكرة
رودينا : هو كان بيقول انه هيجي بس اتصل بماما وقالها انه مش هيقدر يجي الاسبوع ده
شعرت داليا بالحزن لعدم روئيتها لحبيبها هذا الاسبوع فلقد مر هذا الاسبوع بطيئا ملئ بالملل بدونه فكيف ستستحمل اسبوعا اخر لا يكون موجودا فيه
داليا بحزن : يجي بالسلامة ان شاء الله
ذهبوا جميعا الي الكافيه وجلسوا وطلبوا عصير من الفواكه الطبيعيه
داليا : بس انتي مفضوحة يا رودي غيرتك بانت عليكي وانا مع مجدى
رودينا : انتي رخمة ع فكرة
داليا : ههههههههههههه بتتكثفي يا بيضه ما احنا عارفين اللي فيها بس اللي انا هموت واعرفه انتي مش موافقه ع الخطوبه ليه
رودينا وشردت بعيدا : انا لسه فاضيلي سنتين علي ما اخلص كليه يمكن دي حجة انا عملاها لنفسي بس هتصدقيني لو قولتلك خايفه خايفه اوي كمان
منى : ليه انتي مش بتحبي مجدى ؟
رودينا : بالعكس يا منى انا عمري في حياتي ما حبيت حد اد ما حبيت مجدى
منى: وليه خايفه
رودينا : خايفه اقرب منه يسيبني ويبعد هو
داليا بعدم فهم : مش فاهمة
رودينا : عمركم ما هتحسوا باللي جوايا علشان محدش جرب احساس البعد زي
داليا : طب وضحي
رودينا : انا خايفه اعيش مع مجدى ايام حلوة مجدى ظابط بيخرج من البيت وهو حاطط روحة ع ايده ربنا يديله طوله العمر يارب بس مجدى متهور واتعرض قبل كده لحوادث كتير جدا كان في كل حادثه بموت الف مرة خايفه اموت من غيره
داليا : ياعوز بالله ايه يابت النكد ده الله يخربيتك
رودينا : انا مش بتمني الشر يا دودى بس خايفه بجد
داليا: يا حبيبتي شيلي الاوهام دي من دماغك كله اجل ومكتوب
سمنى : ماهو انتي هبله اصلا ازاي بتفكري كده انا معاكي انك تخافي بس كمان مش تفكري كده زي الهبله لازم تؤمني بقضاء ربنا وان كل واحد وليه يوم مكتوب في لحظة
رودينا : انا عارفه كل ده
داليا : لما انتي عارفه كل ده.. كتك خيبه الواحد بيبقي عايز يسرق لحظة حلوة من الدنيا وانتي كل حاجة حلوة قدامك وباوهامك عايشه في نكد البت دي غم
الجميع : هههههههههههههههههههههههه
رودينا : انا غم يا دودى
داليا : اه والله عيشي حياتك مع الانسان اللي بيحبك بدل ما ترجعي تندمي وتقولي ياريت
رودينا : عندك حق
داليا : يعني ابشر جو واقوله انك مستعده للخطوبه
رودينا : لاء طبعا مش دلوقتي بابا جاي اخر الشهر الجاي نهائي لما يجي
داليا بفرحة : بتهرجي عمو اسماعيل جاي وكمان نهائي
رودينا : اه والله
داليا : ياااااااااااااااه تعرفي انه واحشني جدااااااا
رودينا : وانتي كمان واحشاه اووووووووووي والله ودايما يسأل عنك
داليا : سلميلي عليه بقي وابقي قوليله ان احنا مستنينك
رودينا : من عنيا يلا بقي علشان منتأخرش علشان مجدى
داليا : ابن خالتي طلع حمش يا ناس
الجميع : هههههههههههههههههههههههه
ذهب الجميع الي منازلهم وكان الحزن يخيم ع وجه داليا لان سيف لم يأتي هذا الاسبوع وظلت تفكر فيه حتي غلبها النوم ولكنها استيقظت قبل اذان الفجر بقليل اثر سماعها لفتح باب قامت لتري من في الخارج
داليا بنوم : ايه يا جو لابس كده ورايح فين
مجدى : عندي شغل يا دودى
داليا : دلوقتي
مجدى : اه يا حبيبتي عندي
اجتماع مهم في الادارة بصي انا سايب ورقه لماما وانتي برضه ابقي طمنيها
داليا : حاضر هترجع امتي
مجدى : والله ما انا عارف يا رنوش دعواتك بس يلا خلو بالكم من نفسكم
داليا : حاضر وانت كمان لا اله الا الله
مجدى : سيدنا محمد رسول الله
بعد خروج مجدى خرجت حنان من غرفتها لتري من الذي يتحدث
حنان : ايه يا دودى بتكلمي مين
داليا : ده جو يا خالتو عنده اجتماع مهم تقريبا فيه مهمه
حنان بقلق : ترجعلي بالف سلامة يارب يا ابني
داليا بخوف : ان شاء الله يا خالتو هيرجع بالسلامة وبصوت هامس ليكي حق يا رودينا تموتي من الخوف
حنان : بتقولي حاجة ياداليا
داليا: سلامتك يا خالتو انا هدخل اصلي الفجر وادعي لجو يرجع بالسلامة
حنان : ماشي يا حبيبتي
دخلت داليا توضأت وادت فريضه الفجر ورفعت يداها للسماء وبدأت تدعي ان مجدى يعود بالف سلامة وان سيف يكون من نصيبها وعادت الي فراشها وغطت في سبات
عميق .......
التعليقات على الموضوع