المهرج بهلول (الجزء الثاني)
خلصنا من جو الهزار هندخل في الجد شويه
المهرج_بهلول
الجزء_التاني
نزلته من الربطه اللى انا كنت ربطهاله وقعدت اتفرج على التلفزيون ..
لقيته بيقولى انا عاوز اخرج .
قولتله تخرج فين يابنى الساعه ديه ؟ وبعدين انا مش همشى معاك فى الشارع بشكلك ده !
قالى ونبى يا خيرى عايز العب فى الملاهى شويه انا بقالى كتير محبوس فى الفيلا ومبخرجش خالص .
قولتله جرى ايه يلا يا بهلول هو انا مقعد ابن اختى معايا ! ملاهى ايه اللى عاوز تلعب فيها ؟!
قالى ونبى يا خيرى متخفش انا هتشيك والبس كويس !
قولتله طب ووشك ؟
قالى لا ده مكياج لزوم الشغل بس انا شكلى احلى من كده !
قولتله والله شكلك بنى ادم وبتشتغلنى .. بس خلى فى بالك لو طلعت بنى ادم مش جنى اقسم بالله لهحرقك !
قالى ياعم جنى والله استنى اطلعلك البطاقه ..
طلع من جيبه حاجه شبه البطاقه كده بس ملونه ..
قولتله شيل يابنى البتاعه دى فى جيبك وسيبك من شغل العيال الصغيره ده وخش نام !
دخل الاوضه ..
دخلت الاوضه بعديها بشويه لقيته نايم وبيشخر ..
روحت مزعق بصوت عالى يا بهلوووول !
قومته من النوم مفزوع ولقيته بيقولى جرا ايه يا ابن المجنونه انت ! هو انا معرفش انام فى البيت ده ابدا !
قولتله عيد كده الكلام ده تانى .
قالى انا اسف والله انت مامتك مش مجنونه دى مامتك ديه ست العاقلين !
مسكته من قفاه ونزلت فيه ضرب ..
وهو يقولى والله ماكنت اقصد ياعم والله ما اقصد ده كلام انفعالى بس !
بعد ما خلصت ضرب فيه سبته وقومت انام ..
صحيت مفزوع على صوته وهو بيهز فيا ويقولى يا خيررررى !
ولقيته سابنى وقعد يتنطط ويقولى عملتها فيك زى ما انت عملتها فيا ! وكان فرحان اوى !
قومت غسلت وشى ودخلت لبست وجيت خارج من باب الفيلا لقيته جاى ورايا ولابس قميص اسود وبنطلون اسود ومدارى شعره الاحمر ب كاب اسود وماسح المكياج عن وشه والصراحه كان شكله شيك اوى يمكن اشيك منى ..
قولتله وانت ياعم بهلول متشيك كده ورايح على فين ان شاء الله ؟
قالى جاى معاك الشركه طبعا .
قولتله شركه ايه اللى انت هتجيها ؟!
قالى ما هو انا عينت نفسى عندك فى الشركه !
قولتله انت فى حد فى عيلتكوا متخلف يلا ؟ عينت نفسك فى الشركه ازاى يعنى ؟!
قالى ما اصل انا روحت اول امبارح قدمت ورقى فى الشركه واتعينت الحمدلله .
قولتله طيب مش انت اتعينت فى الشركه بتاعتى صح ؟!
قالى اه .
قولتله طب اعتبر نفسك مرفوض من دلوقتى يا كلب !
وسيلته وخرجت ورزعت الباب فى وشه وروحت الشركه ..
مش عارف انا هفضل فى الهبل ده لحد أمتى ؟!
روحت الشركه واول ما دخلت المكتب قفلت الباب ..
لقيته واقف ورا الباب وبيقولى ازيك يا خيرى .
قولتله مين اللى دخلك هنا يا حيوان انت ؟!
قالى انت نسيت ان انا جني ولا ايه مش محتاج حد يدخلنى .
قولتله طب اطلع بره دلوقتى ومش عايز اشوفك تانى انا زهقت منك ! ومسكته من رقبته ..
لقيته مسك ايدى وضغط عليها جامد ووشه بدأ يتحول لمسخ !
مسخ لونه اسود ملوش ملامح غير عينين بيض تماما ، كان منظره يخوف وفى عز ذهولى وانا بحاول اقفل عينى علشان مشفش شكله !
لقيته بيزوقنى ورمانى على الارض والباب خبط ودخل موظف المكتب بس هو كان اختفى وملوش اى اثر وانا كنت واقع فى الارض زى ما انا لقيت موظف اسمه احمد بيقومنى وقالى ايه اللى وقع حضرتك كده ؟ حضرتك تعبان ولا حاجه ؟
قولتله لا لا ده انا اتزحلقت بس غصب عنى معلش ممكن تسيبنى دلوقتى يا احمد .
قالى طب ممكن حضرتك تمضى على الورقه دى .. ديه ورقه الشحنه اللى مسافره المانيا .
قولتله تمام تمام يا احمد ومضيت على الورقه وسابنى وخرج ..
فضلت افكر فى الحصل وقولت والله لاخلص من الموضوع ده انهارده انا هروح اقتله دلوقتى !
روحت البيت اول ما فتحت الباب لقيته قاعد حاطط رجل على رجل لكن غير لبسه ورجع تانى بلبس المهرج ..
طلعت المسدس ورفعته ناحيته وخرجت طلقه من المسدس ومشيت بسرعه اسرع من الضوء ! ودخلت فى نصف رأسه وبدأ الدم يسيل لغايه لما وصل عند رجلى والدم عمال يخرج ولقيته بدأ يملى الفيلا ..
حاولت افتح الباب واخرج لكن معرفتش والدم عمال يزيد ويزيد لدرجه انى بقيت حاسس انى فى بحر من الدم !
لغايه لما الدم وصل لغايه وشى وبقى ما بينى وبين السقف مسافه صغيره وكانت فى ايادى كتير مسكه فى رجلى وعماله تشدنى لغايه لما الميه غطتنى !!
وفجأه صوت عالى بيقول يا خيررررررى !
طلع انى كنت نايم وبهلول المتخلف بيصحينى من النوم ..
قولتله يلا يلعن ******* !! يا أخى ايه انت فى الحلم والحقيقه يا أخى !
قومت وزقيته بره الاوضه ولبست هدومى ..
لقيت موبايلى بيرن وكان رقم احمد موظف الشركه ..
رديت لقيته بيقولى الحق يا استاذ خيرى الشحنه بتاعه المانيا اللى حضرتك مضيت على الموافقه بتاعتها امبارح ..
السفينه اللى كانت عليها غرقت ! والطقم كله مات وحضرتك مطلوب دلوقتى لتحقيق معاك !
قولتله ازاى ؟! هو انا ممضيتش على حاجه ؟!
قالى ازاى يافندم مش امبارح دخلت على حضرتك ومضيت على الورقه .
قولتله طب اقفل دلوقتى بعد اذنك ..
ورحت على بهلول وقولتله ايه ؟! انت نويت تبوظ حياتى ولا ايه ؟!
قالى ابوظ حياتك ! انت لسه شوفت منى حاجه ؟! انا احسن منك وانا الاحق بكل ده ! انا المخلوق من نار وانت المخلوق من طين !
يتبع.........
الباحث_عن_المتاعب
رونالدو
التعليقات على الموضوع