عودة الملعونه 3

#عودة_الملعونة3
الجزء الأول
السلام عليكم أزيكم عاملين إيه أنا عادل فاكرني والملعونة كدا أكيد هتفتكرو لما الشيخ حرقها وقالت هترجع تاني وتنتقم مرت 3 سنين على الحادثة دي أتجوزت وعندي ولد أسمه مروان على أسم صحبي الله يرحمه كانت حياتنا جميله جدا لغايه لما قابلتها ست كبيره في السن بصتلي وقالتلي ربنا معاك يابني في اللي جي ويسترها على إبنك ومراتك وأهلك أنا قولت ست كبيره وبتخرف وسبتها ومشيت فضل يتكرر الموضوع دا أكتر من مره لغايه لما روحتلها وسألتها شاورت إني أمشي وراها ومشيت فعلا ودخلنا بيت شكله غريب وقالتلي أدخل وأقفل الباب وراك البيت كان مليان طلاسم وأشكال غريبه قالتلي متستغربش يابني دا علشان يحميني منها يحميكي من مين ياحجه قالتلي من الملعونة قولتلها ماهي ماتت والشيخ موتها قالتلي دي مابتموتش يابني دي موتت ولادي كلهم أنا هحكيلك الحكايه زمان أبوها وأمها جابوها على أساس إن في جن عاشقها بس الموضوع كان غير كدا خالص لأنها كانت ملعونة وكان لابسها أكتر من جن لأنها كانت عاوزه تكون كدا حاولت معاها بالقرأن والطلاسم ومفيش فايده حتى الضرب مأثرش فيها بس اللي رعبني إنها كانت بتتوعدلي بالدمار وفعلا يومها بليل لقيتها في أوضتي وكان شكلها مرعب حاولت أقرأ طلاسم أو أي حاجه لكن بدون نتيجه قالتلي الضرب اللي إنتي ضربتيه ليا هيتردلك دلوقتي لقيت حد بيضربني معرفش إزاي لغايه لما وقعت في الأرض وجسمي كله فضل ينزف وقبل ماتختفي قالت دي حاجه صغيره من العذاب اللي هتشوفيه وأختفت وأنا أغمى عليا صحيت لقيت نفسي في المستشفى والدكاتره قالو لازم نعمل محضر لأن الضرب دا مش طبيعي بنتي فضلت تسألني بس هقولها إيه بالمناسبة أنا كان عندي بنت وولدين وماتو لسه هقاطعها قالتلي سبني أكمل يابني وبلاش تقاطعني عدي أسبوع وخرجت من المستشفى وقبل ماأروح البيت جالي خبر موت أبني الكبير أنا جريت زي المجنونه لقيته ميت موته بشعه وشه متخشب وجسمه كله مليان علامات زرقه وعنيه جحظه لبره أخوه جه وشلناه ودفناه بليل وأنا قاعده ومش مستوعبه إن دا حصل لإبني لقيتها ظهرت وقالت دي البداية لسه إبنك التاني وبنتك لسه ههجم عليها لقيت حاجه مخفيه مسكتني ومنعتني عنها سمعت صراخ بنتي وأنا مش قادره أتحرك حتى الخدام اللي عندي مش قادرين يعملو حاجه قالت سيبها خليها تشوف جثه بنتها جريت على أوضه بنتي لقيتها ميته بنفس طريقه أخوها بس المره دي مرسوم على جسمها طلسم فضلت أصرخ وأعيط لدرجه إن الجيران كسرو الباب ودخلو بقيت بدفن ولادي بإيدي ودا بسبب الملعونة دي أتصلت على إبني وقولتله حاول تهرب وحكتله كل حاجه ملحقتش أكمل سمعت صراخه في الموبايل مقدرتش أشوفه لأنهم قالو لقوه متقطع وإنت تقولي إنها ماتت اللي زي دي مابتموتش يابني قولتلها بس أنا شوفتها بتتحرق قدامي قالت لو ماتت إزاي أنا شوفتها من يومين قولتلها إيه من يومين إزاي قالت معرفش أنا مش عاوزه أعرف عنها حاجه لأنها دمرتني ودمرت حياتي كلها روح يابني بيتك وربنا يسترها عليك وعلي أهلك الكلمة قلقتني الصراحة روحت البيت كانت الساعه متأخرة فتحت الباب حسيت بحرارة غريبه رغم إننا كنا ف الشتا بشغل أنوار الشقه بس مبتنورش فضلت أنادي على مراتي بس مفيش حد بيرد شغلت كشاف الموبايل وكانت الصدمة لقيتها قاعده على الكرسي ومبتسمه نفس الإبتسامة اللي مبتختفيش من بالي وقالتلي بدأت اللعنه من جديد ودورك جه.
يتبع........

..........

#عودة_الملعونة3
الجزء التاني
بعد مالقيتها رجعت من تاني وقالت الكلام دا أختفت أنا طلعت أجرى علشان أشوف مراتي وإبني بخير ولا لأ كانو نايمين وكويسين الحمدلله طلعت قعدت بره مفيش نوم بعد اللي حصل دا فضلت أفكر رجعت إزاي بعد ماشوفتها بتتحرق قدام عيني أنا لازم أكلم الشيخ طلعت الموبايل وفكرت إن الوقت متأخر قولت خلاص هكلمه الصبح نمت على الكنبه مع صباح يوم جديد صحيت على صمت تام مخيم على الشقه قومت والصداع هيفرتك دماغي بصيت في الساعه لقيتها 1 الضهر يانهار أسود الشغل وإزاي مراتي متصحنيش دخلت لقيتها قاعده في الأوضه وبتعيط وأول ماشافتني قالتلي أطلع بره أنا قولت إن إبننا مات دخلت علشان أشوفه فضلت تصرخ وتقولي أطلع بره ملكش دعوه بيه بس أنا ملاحظ على وشها علامات ضرب قولتلها مين اللي عمل فيكي كدا وإبننا ماله قالت إبنك كويس ومش عارف مين اللي عمل كدا قولتلها لأ طبعا بس جه في بالي الملعونة بس ردها صدمني وقالت إنت اللي عملت كدا جيت أصحيك علشان تروح الشغل فضلت تزعق زي المجنون وضربتني ورجعت نمت تاني قولتلها أنا إزاي أنا مش فاكر أي حاجه من الكلام دا، أخرج بره مش عاوزه أشوفك تاني وفعلا غيرت هدومي ونزلت ماأنا لازم أفهم كلمت الشيخ مره وأتنين وتلاته مبيردش كلمت سعيد والحمدلله رد إنت فين ياعم أنا في البيت طب خليك مكانك علشان جايلك ومدتلوش فرصه يتكلم وقفلت الموبايل روحت لسعيد وفتح وقالي مالك يابني في إيه ومروحتش شغلك ليه دخلت جوه وسبته يتكلم مع نفسه دخلت أدور في الكتب اللي عنده قالي بتدور على إيه قولتله أي حاجه أحمي بيها عيلتي قالي هتحميهم من إيه قولتله من الملعونة أول ماسمع الأسم شوفت على وشه علامات الخوف بس كان بيحاول يطمن نفسه ملعونة إيه اللي بتتكلم عنها مش إنت قولت إنها إتحرقت إزاي هترجع، معرفش ياسعيد عندك حاجه ولا لأ اللي هيحميهم يعادل القرآن ومكلمتش الشيخ جلال ليه كلمته ياسعيد كتير ومردش عليا شكلها موتته ولا حرقته أنا عاوز حاجه أحمي بيها إبني ومراتي يابني ماأنا قولتلك القرآن هو الوحيد اللي هيحميهم من شرها كلمت مراتي وكالعاده مبتردش سبتلها رساله مكتوب فيها إنها تروح بيت أهلها وتشغل قرآن في البيت كله الموضوع حياه أو موت لقيتها بتتصل بيا وقالت إيه اللي إنت باعته دا أنا مش فاهمه حاجه قولتلها أسمعي الكلام ولو هتفضلي شغلي قرآن في البيت كله وعلى موبايل وتجيبو مصاحف وتحطوها معاكم في الأوضه وتقفلو على نفسكم ومتفتحوش الباب حتى لو كانت أمك هي اللي بتخبط فاهمه وقفلت الخط لما لقيت الشيخ جلال بيتصل قالي معلش معرفتش أرد عليك لأني كان عندي جلسه علاج في حاجه ولا إيه قولتله الملعونة رجعت ياشيخ مش إنت حرقتها إزاي رجعت قال تعالى إنت وسعيد دلوقتي نزلنا ورحناله وصلنا وقعدنا معاه وقال شكل قوتها زادت بس مهما كانت قوتها والشياطين اللي حواليها مش هتفوق على قوه القرآن روحو دلوقتي والسلاح اللي هيحميكم منها هو القرآن وأنا هتصرف ودي هتكون أخر حاجه هعملها روحنا أنا وسعيد أول ماوصلت لقيت العمارة كلها بتولع والجيران كلهم في الشارع فضلت أدور على مراتي وأبني بس مش لاقيهم سألت الجيران عليهم قالو إحنا سمعنا صوت جوه وحاولنا نكسر الباب بس كان في حاجه غريبه مش عاوزاه يتكسر وقعت على الأرض من الصدمه خلاص مراتي وأبني ماتو فوقت على صوت الموبايل لقيت حماتي بتكلمني طب أقولها إيه بنتك ماتت رديت عليها وبحاول أخفي الحزن اللي جوايا لقيتها بتقول في إيه يابني زعلان إنت ومراتك ليه ومراتك فيها حاجه غريبه أول ماجت شغلت قرآن في البيت كله ولمت المصاحف وجمعتنا كلنا في أوضه في إيه قولتلها مفيش حاجه يعني هي كويسه ومروان كويس قالت أيوه يابني كويسين قولتلها طيب الحمدلله ببص حواليا لقيت المكان فاضي تماما مفيش حد ولا حتى العمارة بتولع طلعت أجرى على الشقه لقيت مراتي وأبني جوه إزاي أتصلت على حماتي قولتلها مين اللي عندك اللي موجوده عندك مش بنتك قالت مالك يابني إنت تعبان إزاي مش بنتي قولتلها دي الملعونة أهربي بسرعه ولسه هكمل سمعت صرخه جوه وملقتش مراتي وأبني جريت على الأوضة لقيتها واقفه في ركن الأوضه بوشها المفزع وقالت أنا هجننك هخليك تتمنى الموت أنا مش عارفه أوصل لإبنك بسبب إنك عامل فيها شيخ بس إنت بقى هخليك تموتهم بإيدك وشوف صحبك سعيد الغلبان اللي كان بيحاول ياعيني يحميك مني أهو مات لأنه مسمعش كلام القرد بتاعكم لقيت الموبايل بيرن وراجل بيقولي إلحق سعيد صحبك ميت إحذر حتى لاتجدها خلفك.
يتبع..........
...........

عودة_الملعونة3
الجزء الأخير
جريت زي المجنون علشان أشوف سعيد لقيته متفحم وكان جنبه طلاسم شكله كان عاوز يعمل أي حاجه علشان يبعدها بس مش بالطريقه دي الشيخ جلال قال بالقرآن ياسعيد كلمت الشيخ جلال وغسلنا سعيد وصلينا عليه ودفناه روحت قعدت مع الشيخ جلال وأنا حاسس بتعب مش قادر أوصفه والشيخ جلال بيكلمني حاسس بصوته بعيد جدا لغايه لما صوته أختفي علشان ألاقي نفسي في أرض مهجوره والملعونة تاني واقفه وقالت إيه رأيك سعيد معاك والدور جه على حماك قولتلها حرام عليكي كفايه قالت شوف بس الراجل اللي بتخنقه دلوقتي فوقت لقيت نفسي بخنق الشيخ جلال وبضربه قومت بسرعه والشيخ جلال كان بياخد نفسه بالعافيه سبت البيت وطلعت أجرى لقيت مراتي بتتصل بيا وبتقولي إحنا في البيت بقالنا كتير ومش عارفه أروح عند بيت أهلي أنا قفلت السكه في وشها لقيت حماتي بتتصل بيا وبتقولي حماك مات ومراتك منهاره وبتتصل بيك موبايلك مقفول قفلت في وشها هي كمان أنا مبقتش فاهم حاجه أنا خلاص أتجننت روحت الشقه وفضلت أزعق هو دا اللي إنتي عاوزاه إنك تجننيني أنا خلاص أتجننت موتيني لقيتها ظهرت بس بشكل جميل وقالت أموتك علشان ترتاح أنا موجوده علشان أعذبك لسه هجري عليها علشان أضربها لقيت حاجه مسكتني ومش قادر أتحرك وقالت إيه رأيك الضحيه التالته تكون أختك قولتلها أرجوكي أختي لأ أنا هعملك اللي إنتي عايزاه بس أختي لأ أختفت واللي كان سايبني أختفي هو كمان أتصلت على أختي مبتردش جريت وركبت العربيه ورحتلها لقيتها متعلقه في الصاله ومشنوقه أنا وقعت من الصدمه نزلتها وأنا منهار ورحت دفنتها رجعت للشيخ جلال وحكتله كل حاجه قالي إنت مجنون الجن ميعرفش يموت حد قوم قولي وديتها فين جريت معاه وأنا مش فاهم فتح التربه أختي كانت عايشه إزاي أنا أتجننت خلاص بدفن أختي بإيدي لقيت الشيخ بيطلعها جيت أروحلها لقيتها زقتني وبتقول أبعد عني مش عاوزه أعرفك تاني الشيخ قالي سيبها دلوقتي ورحها البيت وقالي أسبقني على البيت عندي روحت فضلت قاعد مستنيه جه قولتله هي كويسه قال متخفش أنا حصنت البيت وهي نايمه دلوقتي قولتله بس والله أنا شوفتها ميته مكنتش اعرف إنها عايشه قالي إنت معاك المصحف اللي قولتلك خليه معاك على طول قولتله أيوه فضلت أدور عليه ملقتوش قال هي بتتحكم فيك بتخليك كدا علشان إنت اللي تموت أهلك بإيدك قولتله طب سعيد مات إزاي قالي علشان سعيد غبي أستخدم طلاسم فاكر إن الطلاسم هتموتها أنا أسف والله ياشيخ أنا معرفش عملت معاك كدا إزاي قالي أنا عارف إحنا لازم نخلص منها روح دلوقتي وتيجي الصبح وهقولك نعمل إيه روحت بس وأنا طالع سمعت صوت حد بيعيط فضلت ماشي ورا الصوت لقيته طالع من شقتي فتحت الباب بحذر لقيت مراتي بتعيط وماسكه أبني قولتلها إنتي عملتي إيه قالت موته وضحكت بصوت عالي وبدأت حاجات زرقه تظهر على وشها أنا خوفت منها ورجعت لورا باب الشقه مش عاوز يتفتح قالتلي عاوز تهرب من مراتك حبيبتك متخفش هنروح لإبننا مش إنت عاوز تروحله قول أيوه قولتلها لأ وإنتي مش مراتي لقيت الغضب بدأ يظهر على وشها وأنا فضلت أقرأ قرآن أنا مبقتش بخاف منك وقعت في الأرض وحطت إيديها على ودانها وقالت كفايه فضلت أقرأ لغايه لما أختفت لقيت الملعونة طالعه بس في وقتها باب الشقه لقيته أتكسر والشيخ جلال دخل وقفل الباب لقيت في لمح البصر الشيخ جلال رمي عليها عبايه أول ماجت عليها فضلت تصرخ وهو بدأ يقرأ قرآن حسيت بزلزال في الشقه وأصوات كأنها من الجحيم وكان معاه مسك كل شويه يرمي منه عليها أصوات كتير متداخله في بعض والشيخ كان بيقرأ بصوت عالي أنا خوفت منه لقيت وشه أتغير وحاجه جوايا بتقولي موته لقيته بيقولي قاوم متخليش أي حاجه تتحكم فيك حاسس إن صوته جوه عقلي وهي بتصرخ وصرختها بتهز المكان كله لغايه لما العبايه ظهر من تحتها نار والشيخ شال العبايه والملعونة بقت فحمه وأنا أغمى عليا صحيت لقيت الشيخ جلال جنبي وقال حمدلله على السلامه يابطل قولتله إيه اللي حصل متخفش كل حاجه خلصت أنا كنت قاصد أقولك إننا هنعمل كل حاجه بكره علشان تجيلك وهتحاول تتخلص منك وإحنا كان لازم نفاجأها المره اللي فاتت هي عرفت إننا رايحين علشان كدا رجعت من تاني طب إيه العبايه دي
العبايه دي يابني من أيام جدي الشيخ إسماعيل عليها العهود السليمانيه اللي بتخلي أي جن مهما كانت قوته ضعيف وأنا قدرت بفضل ربنا إني أخلص عليها بشكل نهائي بس داوم يابني على الصلاه والقرآن وبلاش تعمل زي سعيد اللي مفكر إن الطلاسم هتحمي لأ الطلاسم بتضر وبتموت كمان ربنا يحميك يابني إنت وعيلتك أنا حصنت البيت بس شغل فيه كل يوم سوره البقرة أستأذن أنا يابني وسابني ومشي وأول حاجه عملتها روحت لأختي وحاولت أصالحها قالت أنا مش زعلانه الشيخ فهمني كل حاجه ورحت لمراتي وأبني وخدتهم وروحنا وبكدا خلصت حكاية الملعونة للأبد أشوفكم على خير مع السلامه.

الباحث_عن_المتاعب
رونالدو