رواية حب عمري💟الحلقه 13💟

الفصــــل الثالث عشـــر

*** حب عمرى ***

دخلت داليا المستشفي ولكنها فوجئت بصدمة كبري امامها .. وجدت لوح من الورق مكتوب عليه " ترحب اسرة المستشفي بانضمام دكتور سيف طبيب جراحة القلب الي هيئه اطباء المستشفي "

قرأت داليا ه الكلمات ووقفت امامها كالتمثال لا تتحرك وكانت دموعها تنهمر منها بغزارة كشلال من الامطار ركضت الي غرفه الاستراحة وبدأت

تبكي بشده علي ما يصيبها فكيف تتحمل كل هذه الصدمات في ان واحد .. كيف تتحمل ان تراه يوميا معها بل ويمكن ان تعمل معه لعده ساعات طوال .. كيف

ستتحمل ان تراه معها يحدثها وتحدثه تضحك معه ويضحك معها .. كيف كل هذا .. هل ستتحمل ام انها ستنهار سريعا .. يالله اعني علي ما انا فيه .. اللهم اني

رضيت بحكمك ولكني لا استطيع المقاومة .. لقد تعبت بل انهرت اعني يا الله

ذهبت غرفه الملابس لتبدل ثيابها الي ثياب المستشفي وذهبت الي دكتورة سحر

رناصوت مخنوق تقتله الدموع : انا اسفه ع التأخير

سحر بنبره حاده وحازمة : دي اول واخر مرة تأخير مفهوم ولا مش مفهوم

تهبط من عيناها دموعها : حاضر

سحر : اتفضلي ع شغلك

كانت تسير لكنها لم تري الطريق من كثرة الدموع التي تملأ عيناها ولكنها اصطدمت بشخص

له : اسفه

رامي : طيب ع الاقل بصي شوفي انتي خبطي في مين

داليا هي تنظر له : اسفه يا دكتور رامي

رامي بقلق : في ايه الدموع دي كلها

داليا بعد اذنك اشوف شغلي

رامي وهو يستوقفها : استني يا داليا تعالي اوضتي لو سمحتي

ذهبت معه غرفه مكتبه

رامي : ممكن تقعدي

جلست داليا امامة ع المكتب وبدأ في استكمال حديثه : ايه يا داليا الدموع دي كلها انتي فيكي ايه مش طبيعيه بقالك فترة

بدأت تبكي بشدة لم تستطع ان تتحمل كل هذا الالم .. كانت خناجر تطعن في قلبها الرقيق .. كيف لهذا القلب ان يتحمل تلك الصدمات المتتاليه .. بدأت تبكي

وتبكي .. تركها رامي تفرغ ما بداخلها حتي هدأت وجففت دموعها

رامي وهو يقترب منها : انا مش هقولك دلوقتي مالك بس لما تحبي تتكلمي هتلاقيني اول واحد هسمعك

داليا بدموع : انا تعباااااااااااااانه ومش قااااااااااااادرة حاسه اني همووووووووووت

رامي بلهفه : بعد الشر عنك اوعي تقولي كده ع نفسك تاني .. رامي وهو يقترب منها .. اهدي يا داليال كل حاجة هتتحل بس بالراحة

داليا بتنهيدة قويه : ااااااااااااااااااااااااه

رامي بخوف: ايه يا داليا قوليلي مالك فيكي ايه .. ايه اللي اقدر اعملهولك اساعدك بيه

داليا بدموع : محدش يقدر يساعدني في اللي انا فيه .. محدش يقدر

رامي : انا هقدر بس مشوفكيش كده تاني

داليا انا هبقي كويسه .. هبقي كويسه .. بعد اذنك

رامي : خلي بالك من نفسك وهتلاقيني دايما جمبك

وقفت مكانها لانها شعرت بدوار عنيف حتي سقطت مغشيا عليها

ركض رامي تجاهها وحملها وذهب بها الي احدي الغرف المجهزة رآته سحر وركضت نحوة لتري ما بها داليا سحر بانفعال : في ايه مالها يا رامي

رامي : ضغطها واطي متقلقيش

سحر : هو ايه اللي حصل

رامي : مش عارف انا فجأة لاقيتها واقعه مغم عليها هي تقريبا في حاجة تعباها

سحر : انا حاسه انها تعبانه اوي الفترة دي

رامي : ربنا معاها

وبدأت داليا تفتح عيناها ببطئ شديد

رامي بلهفه : انتي كويسه

كادت داليا تقوم من علي السريرولكن اوقفها رامي بحديثه

رامي : راحة فين انتي لازم ترتاحي شويه

داليا هي تأخذ نفسا عميقا : انا كويسه الحمد لله

سحر : انتي لازم تروحي انتي مش هتعرفي تكملي كده

داليا متشكرة يا دكتورة انا هقدر اكمل اليوم

رامي بحده وعصبيه ادهشت سحر : يعني ايه هتقدري تكملي انتي مش خايفه ع نفسك اتفضلي غيري هدومك علشان تروحي

داليا بحدة :والله انا اللي اقدر احكم هقدر ولا مش هقدر بعد اذنكم ومتشكرة ع الاهتمام

خرجت داليا تتابع الحالات الخاصه بها بالرغم تعبها وارهاقها الواضح للجميع وبعد خروجها

سحر : زودتها شويه

رامي وهو ينظر لها : بعد اذنك يا دكتورة اشوف شغلي

اما ع الجانب الاخر بعد ان خرجت داليا تمارس عملها اليومي بين المرضي قابلت ريم

ريم بفرح : دودى شوفتى الخبر اللي تحت

داليا وهي تحس بقهرا منها : اه شوفته

ريم : انا فرحانه اوي ان سيف هيبقى معانا هنا وهنشتغل معاه .. ايه يا دودى مش فرحانه ولا ايه

داليا بعصبيه : يعني المفروض اعمل ايه مثلا اسيب شغلي واروح اباركله ولا تحبي اعمل فرح في المستشفي اصلك واحدة فاضيه انا ماشيه

ظلت ريم واقفه مكانها منصدمة من اسلوب داليا معها وبدأت دموعها تهبط منها ولكن دون صوت

بعدما ذهبت داليا من امام ريم دخلت الي المرحاض وبدأت في البكاء الشديد : " ليه مكتوب عليا الحزن والجرح ليه .. ليه هي فرحانه وانا بموت من

عذابي وهي السبب وبتضغط ع الجرح اوي ليه .. ايه اللي انا عملته علشان اتعذب اوي كده يارب صبرني ع اللي انا فيه انا تعبت اوي .. اعمل ايه من قهري

وتعبي مش عارفه اعمل ايه .. لازم ترمي ورا ضهرك وتحققي حلمك .. محدش هينفعك هما هيكبروا ويبقي ليهم كيان وليهم الفرح وانتي هيبقي مكتوبلك

العذاب .. لازم تتغلبي ع عذابك علشان تقدري تعيشي .. اه يارب صبرني وقدرني علي اني اتحمل اللي جوايا "

جففت داليا دموعها واخذت نفسا عميقا لتخرج به كل الالام والهموم التي يتحملها قلبها الصغير الرقيق وبدأت في الرجوع الي عملها مرة اخري وذهبت

الي سحر

سحر متفحصه اياها : اخر مرة هسألك هتقدري تمارسي اليوم

داليا وهي تأخذ نفسا : هقدر يا دكتورة

سحر : طب يلا في حاله في الاسعاف

ركضت سحر وخلفها داليا الي الاسعاف ليروا الحاله التي جاءت الي المستشفي

وجدت داليا امامها فتاه في اوائل العقد الثاني من عمرها تتالم وبشده بدأت سحر بفحصها بمساعده داليا قاموا بعمل اللازم لها

الام بخوف : مالها بنتي يا دكتورة هي كويسه

داليا متقلقيش يا ماما هي كويسه بس للاسف حاله انتحار احنا عملنالها غسيل معده بس لازم المستشفي تبلغ الشرطة

الام ببكاء : شرطة .. اه يا بنتي .. منه لله اللي كان السبب

داليا طب اهدي يا ماما ممكن بس تحكيلي الحكايه يمكن اعرف اتصرف

الام ومازالت منهارة من البكاء : منه لله .. منه لله

داليا : حضرتك اهدي بس كده وان شاء الله كل حاجة تتحل

الام بعد ان هدأت : بنتي كانت بتحب واحد وفضلت تحبه سنين لحد ما جه خطبها بس للاسف منه لله ابوها مسكه وهزقوا وقاله انا معنديش بنات للجواز كل

ده علشان الولد لسه في بدايه حياته ..الولد بعد ما مشي من عندنا بنتي سمعت خبر انه مات في حادثه انهارت وانهاردة دخلت عليها لاقيتها مرميه وجمبها

علبه الدوا كلها فاضيه .. ارجوكي يا دكتورة استري ع بنتي احنا مش وش بهدله

داليا اهدي يا ماما وانا هتصرف ان شاء الله

ذهبت داليا الي سحر لتوقف اجراءات الشرطة

داليا دكتورة سحر

سحر: ايوة يا داليا بلغتي الشرطة

داليا بصراحة يا دكتورة لاء وكنت عايزة اقول لحضرتك ان البنت دي صغيرة وشكل مامتها طيبه ومش وش بهدله

سحر : بس انتي عارفه ان دي جنايه ومينفعش نتغاضي عنها

داليا يا دكتورة احنا مهمتنا انقاذ الناس مش التشهير بسمعتهم ودي بنت لسه في بدايه حياتها تعبت واتعرضت لصدمة كبيره في حياتها ملاقتش قدامها

غير الحل ده وهو الموت .. هبطت منها دمعه حارة واكملت حديثها بتأثر واضح .. صدقيني يا دكتورة الانتحار لو مكنش حرام انا كنت اول واحدة قررت

انتحر

سحر بانفعال : ايه الكلام اللي انتي بتقوليه ده

داليا صدقيني يا دكتورة .. احيانا الموت بيكون راحة من العذاب والالم اللي بنشوفه في حياتنا

سحر بحده: انا هتغاضي عن موضوع البنت ومش هبلغ الشرطة وعلي مسئوليتي الشخصيه بس لينا كلام تاني في الكلام اللي انتي قولتيه ده .. اتفضلي شوفي

شغلك يا دكتورة

داليا بحزن: ان شاء الله .. بعد اذنك يا دكتورة

سحر بحزم : اتفضلي

ذهبت داليا لتري عملها حتي انقضاء الوقت المحدد للدوام وابدلت ملابسها وذهبت الي الخارج وذهبت علي كورنيش البحر وكانت شاردة في حالها ولكن

افاقها من شرودها هطول امطار ديسمبر الغزيرة مما جعلها تستقل سيارة اجري لتذهب بها الي بيتها .. دخلت داليا الي المنزل وجدت حنان ومنى جالسين

ع الاريكة القت عليهم السلام وجلست بجوار منى وسعي حبه مش عارفه اقعد

حنان : مش تاكلي الاول يا دودى قومي يا حبيبتي غيري هدومك عقبال ما احضرلك الغدا

اليا لا يا خالتو ربنا يخليكي كلت في المستشفي

حنان : انتي كل يوم تقوليلي واكله ده منظر واحدة بتاكل وبعدين هو اكل المستشفيات ده اكل

داليا معلش يا خالتو انا بس هقعد ارتاح شويه وادخل انام

حنان : انا مبقتش فاهماكي يا داليا اخرة اللي انتي بتعمليه ده

داليا بحزن : وانا هعمل ايه بس يا خالتو بس بجوع في وسط النهار فبضطر اكل

حنان : طيب قومي غيري وتعالي اقعدي معانا

داليا معلش يا خالتو انا هدخل ارتاح شويه

حنان : ماشي يا حبيبتي

دخلت داليا الي غرفتها وابدلت ملابسها وتبعتها منى جالسه علي السرير في وضع القرفصاء وكانت دموعها تهبط منها رغما عنها

منى تحتضنها : مالك يا دودى فى ايه

داليا : انا تعبت يا منى مش قادرة استحمل .. سيف في المستشفي اللي انا فيها

منى : انتي بتقولي ايه

داليا هو ده اللي حصل انا مبقتش قادرة من الصدمات اللي كلها ورا بعض والله تعبت

منى وهى تضمها لها وبقوة وتربت علي كتفها :اهدي ياداليا العياط مش هيحل لازم

تتعاملي عادي معاه زيه زي اي دكتور تاني مش هتفرق

داليا ياريت كان ينفع يا منى ازاي اشوفه قدامي وهو معاها وابقي عادي ياريته كان بايدي بس غصب عني والله مش مستحمله

منى اهدي طيب مفيش حاجة تستاهل لازم ترضي بالنصيب يا دودى ومحدش عارف الخير فين

داليا ونعمة بالله بس انا مش عارفه ليه كل ده بيحصلي

منى محدش عارف الغيب .. ربنا مش بيعمل شر .. اهدي بقي هقوم اعمل كوبايتين شاي في التلج اللي احنا فيه ده

داليا هي تجفف دموعها : ماشي

ذهبت منى لعمل كوبان من الشاي وعادت الي الغرفه وجدت داليا تجفف ملابسها

منى مش هينفع كده هاتي انشرهم ع الصبح يكونوا نشفوا ان شاء الله معتقدتش انها تمطر تاني

داليا ماشي

دخلت منى الشرفه لتنشر ملابس فوجئت برودينا تقف في الشرفه

منى بت يا رودي وحشتيني

رودينا : ماهو انتي ندله انتي والبت التانيه دي لا بتسألو ولا بتعبروا ولا كأن البلكونه في وش البلكونة

منى والله انا برجع متأخر والتلج ده عايز نوم وانتي بترجعي متأخر وداليا شرحة

رودينا : البت دودى دي وحشتني جدا هموت واشوفها هي عندك

منى اه عندي

رودينا : طب نادلها عايزة اشوفها

قامت منى بنداء داليا دخلت لهم الشرفه

رودينا : يخربيتك انتي بقيتي عامله زي الموميا كده ليه وعينك مالها وارمة كده هو شغل الطب بيعمل كده

داليا:طب قولي ازيك الاول مش يخربيتك

رودينا : انتي مش بتبصي في مرايه ولا ايه فين داليا المشرقه ده احنا كنا بنحسدك ع اشراقتك ايه اللي انتي فيه ده

داليا يلا الزمن بقي هناخد زمنا وزمن غيرنا

رودينا : عندك حق يا تيته ضحك الجميع ولكن داليا اكتفت بابتسامة رقيقه

سمع صوتها من الداخل خرج ليراها فهو ايضا لم يرها من زمن

سيف اااااااااااه وشك ولا القمر يادودى انا كتير مشوفناكيش

داليا بقهر : الدنيا تلاهي

سيف بس محدش بيتلهي عن حبايبه ولا ايه

داليا بوجع من هذه الكلمة : بعد اذنكم علشان ارتاح شويه

سيف بنظر لداليا

داليا : نعم

سيف اتعينت عندكم في المستشفي معرفتيش

داليا بوجع يعصر قلبها : عرفت .. مبروك

سيف الله يبارك فيكي هشوفك كل يوم هناك

داليا بعد اذنك .. تصبح ع خير

سيف بحزن من اهله

دخلت داليا لكنها تركت باب شرفتها مفتوح وبعد قليل سمعت الحان الجيتار تعزف من

قبل سيف بصوت مسموع مع الحانه كلمات اغنيه انا

مصمم

انا زعلتك فى حاجه طب ايه يا حبيبى هيا ؟؟
بتدارى عينك ليه لما بتييجى فى عنيا ؟؟
...............

كانت تسمع عزفه ع الجيتار وتبكي بقهر فكيف لها ان تقول انك كسرتني ذبحتني قتلتني يا حبيبي .. قتلت قلبي الذي احبك بجنون .. وعقلي الذي تعلق بك ولا

استطيع ان احيا بدونك .. فكيف لي ان اراك مع من احتلت مكاني فكيف لي ان اري نظرات الحب والشوق في عينيك لها واسمع كلمات الحب المعسول التي

ستقولها كل يوم لغيري .. فكيف لي ان اتحمل هذا العذاب وحدي .. يالله فليس لي سواك .. رحماك يا ربي

ظلت تستمع لكلماته والحانه حتي انتهي هو من من عزفه وسمعت صوت غلق الشرفه ولكنها بدأت تبكي وتبكي حتي غلبها النوم .......