الفصل الثالث عشر من "لفة ورد"🌸🌸

الفصل الثالث عشر من (لفة ورد)..💐💜

جميلة لم تبدل ملابسها بعد و كانت جالسة علي السرير
فسمعت صوت يقول:جميلة....
سمعت صوته و لم تنظر ظنًا منها أنها تتوهم،لأنها اعتقدت أنه لن يعود مرة أخري إليها،
و بالأخص عندما سمعت اسمها منه هو؛فهو لا يذكر اسمها أبدًا
قطع شرودها سماعها لاسمها مرة أخري بصوته العذب:جميلة أنتِ سامعاني؟!
نظرت له جميلة و هي غير مصدقة بأنه هنا،
نظرت له و عرفت دموعها مسارها للخروج فانفجرت عيونها بالدموع كالشلالات
حمدت مني ربها بصوت مسموع:الحمدلله عيطت و بدأت بالبكاء هي الأخري
قال محمد:الحمدلله أنها عيطت أحسن ما كانت تكتم في قلبها
همَّ يوسف بالذهاب إليها و لكن حمزة مسك يده و قال:ممكن يا يوسف أنا اللي أروحلها
هز يوسف رأسه بالموافقة بغير كلام
فذهب حمزة لها و جلس بعيدًا عنها علي طرف الفِراش و قال لها مازحًا:علي فكرة أنتِ سريرك صغير أوي
نظرت له و بكت أكثر فقال لها بمزاح:غرقينا بقا بدموعك دي
نظرت له بتبرم و قالت بصوت خارج من أعماق أعماقها و مبحوح قليلًا:اطلع برا
نظروا جميعًا لها بدهشة فما هذا الذي تقوله؟!!!،
و خافوا من ردة فعل حمزة
فقال حمزة باستفزاز:مش طالع
قالت جميلة و قد مسحت الدموع التي أغرقت وجنتيها:أنا قولت لحضرتك اطلع برا و أنا مش عاوزة أعرفك تاني و الحمدلله كل حاجة ظهرت قبل ما اتورط معاك
حمزة باستفزاز مرة أخري:يعني ايه؟؟!
هرمي البلالين و الشيكولاتات الكتيرة دي؟!!!!
و يااااااه الورد كمان؟!
أنا أعرف أنك مش بيهون عليكي الورد خالص مالص
ارتبكت جميلة و قالت بكسوف:هـا هات الورد و كـ و كمان البلالين
ثم نظرت إلي الصندوق و قالت بعيون محملقة:هو البوكس ده كله شيكولاتة؟!
هز حمزة رأسه بالموافقة كالأطفال وقال بأسي مصطنع:أيوة للأسف كله شيكولاتات و أنواع كتير كمااان كتتتير أوي بس للأسف هاخدهم و أمشي بقا
و هَّم لأخذ الأشياء ليمشي لكي يمازحها
فقالت مسرعة:طب استني هاتهم و امشي
حمزة:لا اللي عاوزنا ياخدنا احنا الاتنين هيه
شعرت جميلة بالحرج و قد نظرت للأسفل
فقال حمزة:لونها أزرق و فيها ورد أبيض
جميلة بتعجب:ها؟!
هي ايه دي؟!
حمزة:البطانية اللي بتبصي عليها
نظرت له جميلة بكل غِل و قالت:اطلع برا يا حمزة
محمد بمزاح:لا برا ايه بقا ده احنا اللي المفروض نطلع برا
يلا يا عزة يلا يا أولاد شكلنا وحش واحنا هنا أوي أوي يعني
يوسف و هو يكمل مزاح والده:ياسمين متكلمتش غير لما علاء الدين جالها يا حزني عليا
جميلة بغضب:اطلعوا برا كلكوا عاوزة أبقي لوحدي
حمزة بجدية:طب نتكلم جد شوية بس و اوعدك لو عاوزاني أخرج و متشوفيش وشي تاني صدقيني ده اللي هيحصل
يوسف:اتفضل يا حمزة
حمزة:الله يكرمك
نظر ناحية جميلة و لكنه لم ينظر لعيونها كالعادة وقال:بصي أنا هحكيلك اللي حصل
أنا و يوسف كنا قاعدين بنتكلم في موضوع و لقيت رسالة جتلي فتحتها لقيتها من رقم غريب و قرأت فيها الكلام ده
يوسف شافه و مقدرش يستني و كلمكوا علي طول مع اني مكنتش عاوزه يعمل كده أنا كنت عاوز نقعد و نتكلم الأول أنا و هو و نوصل لحل تاني سوا قبل ما نقول ليكوا حاجة
قاطعته جميلة قائلة:طب ليه لما بصيت ليك وأنت هنا لفيت وشك عني؟!
حمزة:لأني أولًا مش بنظر لعيون أي واحدة ست و أنتِ مش حلالي لسه علشان أبص في عيونك
ثانيًا أنا كنت مخنوق من نفسي لأن الكلام كان بيأذيكي و أنا مش بايديا أعمل حاجة كنت حاسس أني مشلول وكنت محروج منك أوي والله
محمد:ربنا يكرم أصلك ياابني
حمزة:و يكرمك يا حبيب قلبي
جميلة:أنا والله فكرتك مش هتثق فيا بعد كده
حمزة:أنا يوم ما دخلت بيتكم أول مرة و أنا عرفت قد ايه أنتوا ناس كويسين و عرفت والدك و والدتك و أخوكي يوسف و عرفت أخلاقهم فأكيد أنتِ زيهم
جميلة:ما أنت أكيد بردو قولت في نفسك أن الأهل مش كل حاجة لأن فعلًا الأهل مش كل حاجة لأن ساعات بيكون ابن العالم فاسد و ابن الفاسد عالم
حمزة بحرج:بس أنا وثقت فيكي يا جميلة
خفق قلب جميلة عند سماع اسمها بصوته هو و قالت في نفسها بعد أن أغمضت عيونها و وضعت يدها علي قلبها:ايه ده؟!
هو أنا اسمي حلو كده؟!!!!
ابتسمت رغمًا عنها فسمع همسة ابتسامتها فابتسم لبسمتها و قال بصوت منخفض:خلاص سمعت ضحكتك
جميلة بدهشة:بس أنا ابتسمت بس مضحكتش
حمزة:حسيت بهمسة ضحكتك
يوسف:والله ما ينفع كده يا جدعان راعوا مشاعر أخوكوا السنجل ده والله ما يصح كده الله
ضحكوا جميعًا و قالت مني:عقبال ما نفرح بيك يا چو
جميلة بإحراج و هي تتصنع الجدية:احممم ممكن تخرجوا بقا عاوزة أرتاح شوية والله حاسة بدوخة صعبة و تعب
حمزة:والله هنخرج بس عاوزك متشيليش هم حاجة طول ما احنا جنبك واعرفي ان عمر ثقتنا فيكي ما هتقل لا دي بتزيد
و عاوز اللي حصل النهاردة ده ميتكررش تاني أنتِ صحتك بالدنيا
و أوعدك بعد كتب الكتاب هندور سوا علي اللي عمل كده بس لازم نبين ليه أن احنا مش فارق معانا كلامه هاااا معلش استحمليني
و خلاص كتب الكتاب بعد يومين عاوزك تنزلي مع هدي تختاري اللي انتِ عاوزاه لكتب الكتاب
مني:أنا كنت هنزل بكرة والله علشان نجيب الحاجات سوا بس علشان هي تعبانه بلاش بكرة
حمزة:لا هي مش تعبانة هي زي الفل و الله و هتمشي
بلاش تقعد في البيت علشان متتعقدش
بإذن الله هدي هوصلها بكرة هنا تروح معاكم
أسرع يوسف بالكلام:طب أنا هروح معاهم لازم راجل يعني معاهم و كده ميصحش
مني:هو إسلام المفروض يكون معانا أصلًا و كنا متفقين يبقي معانا
جميلة:ما تيجي يا حمزة معايا ممكن؟
فرح حمزة بشدة فماااا هذا الذي تطلبه؟!
أتطلب الإذن من شئ يهواه قلبه و لم يستطع التفوه به؟!
فأجاب بابتسامة:خلاص نروح احنا الستة بكرة ان شاء الله
ضحكت جميلة و قالت:إن شاء الله
صمتت و نظرت لعيون كل شخص فيهم و قالت بحب:أنا بعشق ثقتكم فيا يا أحلي ناس في الدنيا ربنا ما يفرقنا و لا يحرمني من لمتكم
صمتت لوهلة و قالت بنبرة مقصودة:ربنا ما يحرمني منكم كلكم كلكم
فهم يوسف و قال:ما تتلمي ياأختي أنتِ فوقتي يعني؟!
نغز كتف حمزة الذي احمر خجلًا و قال له:قوم روح يا ابني الساعة داخلة علي ١٢ فات والدك و والدتك قلقوا عليك
محمد:اتلم يا يوسف هو ينفع كده!
ضحك حمزة و قال:احمممم ماااشي ماااااشي ابقي قابلني لو عملتلك اللي أنت عاوزه
يوسف بعفوية:بقولك ايه أنا في أوضتي سرير كمان فبقول تبات عندنا الليلة يعني هااا
حمزة:ناس مش بتيجي غير بالعين الحمرا ناس تخاف متختشيش صحيح
يوسف:الله بقا ده أنت فظيع
حمزة:عارف عااارف
نظر صوب جميلة و قال:أنا عاوزك ترددي الكلام اللي هقولهولك ده دايمًا
«اللهم إن الظالم مهما كان سلطانه لا يمتنع منك فسبحانك أنت مدركه أينما سلك، وقادر عليه أينما لجأ، فمعاذ المظلوم بك، وتوكّل المقهور عليك، اللهم أنى أستغيث بك بعدما خذلني كل مغيث من البشر، وأستصرخك إذا قعد عنى كل نصير من عبادك، وأطرق بابك بعد ما أغلقت الأبواب المرجوة، اللهم انك تعلم ما حلّ بي قبل أن أشكوه إليك، فلك الحمد سميعاً بصيراً لطيفاً قديرا»ً...
ده دعاء المظلوم و أنتِ اتظلمتي فقولي الدعاء ده دايمًا و ربنا مش بينسي عباده
نظرت جميلة لحمزة بحب و لم تكن هي فقط التي بُهرَت بكلامه الحسِن بل الجميع
فقال محمد بفرحة غامرة تظهر علي وجهه:أنا نفسي أعرف أنا عملت ايه حلو في دنيتي لدرجة أن ربنا يرزقني بزوجة صالحة و بعدين ذرية صالحة و بعدين أزواج صالحين لبناتي!
حمزة بابتسامة:أكيد قريب من ربنا و بتحبه و بتهابه يا أبي
محمد:ربنا يجعلنا من عباده الصالحين
ردوا جميعًا:ياااااارب
حمزة:أسيبكم بقا يا جماعة أستودعكم الله
ثم قال بمزاح لجميلة:متخليش حد ياكل من الشيكولا غيرك أنتِ
جميلة بكسوف:حاضر
نظر لهما يوسف و قال:يا مُحني أنا عندي مرارة واحدة بس علي فكرة
يلا يا ابني امشي من هنا الله يصلح حالك
ضحك حمزة و قال بصوت منخفض ليوسف:همشي أهو بس صدقني كل ده هطلعه عليك و أنت فاهمني
يوسف بصوت مرتفع:ده أنت حبيب العمر يا حمزة الله
حمزة:مااااشي
ودَّع حمزة الجميع و انصرف
*****************************
كان أهل حمزة ينتظرونه في المنزل و عند عودته ركضت إليه فريدة و عيونها ممتلئة بالدموع
و قالت:كنت فين كل ده يا حمزة و موبايلك مش بيجمع ليه؟!!
قلبي وجعني عليك
حمزة:اهدوا كده و أنا هحكي كل حاجة والله
مصطفي:ياريت ياابني لأن والله هنموت من القلق
قَص حمزة عليهم كل ما حدث و سبب تأخره
و عند انتهاؤه قالت فريدة بحزن:طب و جميلة عاملة ايه دلوقتي؟!!
يا قلبي عليها أنا عاوزة أشوفها يا حمزة بالله عليك
مصطفي:خلاص هنبقي نروح نشوفها بإذن الله
هدي بتعجب:ياااااه هو في حد ممكن يأذي حد بالطريقة البشعة دي!!
ده أنا كنت معتقدة أن ده كلام أفلام و مسلسلات بس
طب هو الشخص ده هيستفيد ايه لما يشكك في أخلاق حد؟!
فريدة:ربنا يستر علي الولايا يا بنتي
مصطفي:طب ليه مجربتش تعرف الرقم متسجل باسم مين؟!
حمزة:لما نكتب الكتاب أول مفضلش غير يومين أهو وهنعمل كل حاجة سوا بإذن الله
نظر لهدي و قال:بكرة يا هدي هتنزلي معانا علشان تغيري جو واحنا بنجيب الحاجات
هدي بتساؤل:معاكوا؟!
حمزة:أيوة أنا و يوسف و اسلام و هي وأختها
هدي:حاضر
فريدة:ربنا يفرح قلوبكم يا حبايب قلبي و يبعد عنكم أي حاجة تهلك قلوبكم
***************************
دخلت مني الغرفة فوجدت جميلة تحتضن الورود و البالونات و تأكل من الشيكولاتة
فذهبت لتأخذ شيكولاتة فضربتها جميلة علي يدها و قالت لها:ده بعينك يا حلوة
قالت مني و هي تضحك:والله أنتِ هبلة
جميلة:ليه؟!
مني:علشان أنا مش مصدقة أنتِ ازاي اتغيرتي كده من نحيته و في وقت بسيط جدًا!!
جميلة:عارفة يا مني أنا تقريبًا مشوفتش حد حلو زيه كده في حياتي يعني السمار مع عيون زرقا
أساسًا أنا بحب السُمر اللي لون عيونهم ملونة
بس يوم الرؤية الشرعية ملفتش انتباهي خالص و لا بصيت لجماله ومكنتش طايقاه بمعني الكلمة و مكنتش طايقة دقنه بس عارفة دلوقتي بستني يوم كتب كتابنا ييجي علشان نفسي أقوله حاجات كتير أووووي أوي
حبيت فيه شهامته و رجولته و حسن ظنه بالناس
واحد تاني بعد الرسالة اللي جتله النهاردة دي كان ممكن يبعد و ميسألش فيا بس هو مسابنيش و فضل واثق فيا يا مني
أنا فرحانة أوي والله أنا فرحانة أن هو في حياتي
عارفة لما بعد وشه عني لما بصيت ليه لما يوسف قال أنه جاله رسالة فيها كذا و كذا
أنا موجعش قلبي غير أني اعتقدت أنه مش مصدقني ساعتها مهمنيش غيره 
ابتسمت مني و قالت:ده أنتِ وقعتي خالص يا بنتي الله يسهله بقا
جميلة بكسوف:بس بقا يووووه
مني:أنتِ مكسوفة؟!
جميلة:آه مكسوفة
مني:اشطااااا
ضحكتا معًا فقالت جميلة:بالله عليكي اسنديني عاوزة أقوم أتوضي و أصلي ركعتين لله
مش قادرة أسند نفسي خالص ليه كده؟!
مني:هو اللي أنتِ شوفتيه سهل يلا يا حبيبتي كنا فين و بقينا فين الحمدلله
ابتسمت جميلة وقالت:الحمدلله