الفصل الرابع عشر من "لفة ورد"🌸🌸

الفصل الرابع عشر من (لفة ورد)..💐❤

في اليوم التالي استيقظت جميلة عند الفجر بدون منبهات فأيقظت مني قائلة:قومي يا مني نصلي جماعة
قالت مني بصوت ناعس:ايه ده هو أنا بحلم؟!
ضحكت جميلة و قالت:يا بت أنتِ مش بتصدقي فيا أي عمل صالح كده خالص!!
ضحكت مني و قالت:مش قصدي بس أنتِ اتغيرتي اوي و بتتغيري لسه
جميلة و هي تغمز لها:و لسه اللي جاي أحلي
مني بتعجب:مش فاهمة
جميلة:هتشوفي النهاردة يا منون
مني:أنا بقيت أتوقع منك أي حاجة والله
جميلة و هي تضحك:طب قومي يلا نتوضي
توضأتا الفتاتان و ذهبتا لعرفتهما للصلاة
فقالت جميلة:أنا بيبقي في قلبي راحة كبيرة أوي لما بصلي الفجر في ميعاده
صمتت ثم تابعت:تعرفي يا مني الحديث اللي هو (ركعتا الفجر خير من الدنيا و ما فيها)؟!
مني:أيوة عارفاه
جميلة:الركعتين اللي في الحديث المقصود بيهم ايه؟!
مني:ركعتا السُنة
جميلة:اممم أيوة أصل أنا كنت بحثت و كده علشان أتأكد و لقيت كلام علي أن هما الفرض و كلام تاني أن هما السنة
بس لما دخلت مواقع علي النت سمعت أنها موثوق منها اسمها اسلام ويب و غيره عرفت أنهم السنة فقولت أسألك أنتِ تعرفي ولا لا
مني بابتسامة:لا أنا عارفة يا حبيبتي
بس أنا فرحانة أنك حابة تتعمقي في الدين و تعرفي حاجات فيه
أنتِ مكنتيش كده
جميلة بابتسامة:نفسي أعرف حاجات كتير والله يا مني
مني:بس لما كنت بقولك حاجة عن الدين كنتي بتتجاهليها
جميلة بشئ من الندم:كنت عبيطة والله
مني:ربنا يهدينا يا حبيبتي
جميلة:ياااارب
طب يلا بقا نصلي
بعد الانتهاء من الصلاة قالت جميلة لمني:يلا نقول الأذكار بقا بتاعة الصلاة و أذكار الصباح
علي فكرة أنا حملت برنامج حلو أوي اسمه أذكار المسلم فيه كل الأذكار سواء صباح أو مساء أو صلاة أو النوم أو الاستيقاظ أو حتي المسجد يعني كل الأذكار و كمان بيشتغل تلقائي كده لو مثلًا ماسكة الموبايل يجيلي ذِكر علي الشاشة علشان منساش ذكر الله
مني بفرحة:طب والله حلو أوي
تعرفي يا جميلة أن الأذكار دي بتحصنك و بتحميكي لما  تقرأيها؟!
جميلة بدهشة:لا معرفش دي
مني:أهو عرفتي يبقي اقرأيها دايمًا بقا هتحميكي دايمًا دايمًا
ضحكت جميلة و قالت:خلاص هقرأهم علي طول
مني:طب يلا ننام شوية كمان علشان النهاردة شكله هيبقي يوم صعب
جميلة:حاضر يلا
قامتا و خلعتا ملابس الصلاة و ذهبتا للفراش فقالت مني:بما أنك عاوزة معلومات يا أخت جميلة اسمعي المعلومة دي
الرسول صلي الله عليه و سلم....صلِّ عليه يا بت
جميلة:عليه أفضل الصلاة والسلام
تابعت مني:كان بينام علي جنبه اليمين و بيحط كفه اليمين تحت خده و العلماء علي فكرة فسروا أن دي طريقة صحيحة للنوم و بتكون مفيدة في حاجات كتير و بتسرع النوم
هي سُنة يعني مش فرض بس هتاخدي ثواب لو اقتديتي بيها 
و كنت سمعت أنك لو عندك صداع مثلًا و عملتي كده هتنامي و الصداع ده يخف
جميلة:طب والله أول مرة أسمع المعلومة دي بس خلاص هعمل كده هعمل كده
مني:طب يلا ننام يا قلبي
جميلة:تصبحي علي جنة
مني:جمعني الله بكِ فيها
جميلة:اللهم آمين
******************************
في الصباح و عندما استيقظ الجميع و جهزوا أنفسهم للذهاب إلي السوق اتصل يوسف بإسلام و قال له بمزاح:
يا صباح الخير ياللي معانا ياللي معانا
ضحك إسلام بشدة و قال:صباح الخير يا مصر
يوسف:يلا يا أخويا احنا جهزنا خلاص تعالي خدنا لأن أنا هاجي معاك أنا و مني و حمزة هياخد جميلة مع أخته
إسلام:أتشرف طبعًا
يوسف:طب غور بقا
إسلام:ماااااشي
أغلق يوسف الهاتف مع إسلام و اتصل بحمزة و قال له:السلام عليكم يا عم الرومانسي
ضحك حمزة و قال:و عليكم السلام يا اخويا
يوسف:تعالي يلا علشان تاخد جميلة معاك أنت و أختك و أنا هروح مع إسلام و مني
حمزة:امممم طيب ثواني و أبقي عندك
يوسف:طب يلا في داهية
ضحك حمزة وقال:يا الله عليك ده أنت صعب أوي
يوسف:معلش
حمزة:خليهالك هصرفها فين يعني
يوسف:طيب ياأخويا
أغلق يوسف الهاتف و قال لأخواته:يلا يا بنات استعدوا للرحيل
قالت جميلة و هي تضع يديها حول خصرها و مضيقة عيونها:أنت بتكلمه كده ليه؟
ضحك يوسف و قال باستفزاز:يااامي يااااامي ياااامي خاف يا عيد
جميلة و قد أشارت باصبعها السبابة له:اياك ثم اياك ثم اياك تكلمه كده تاني فاهم ولا لا؟؟!
مني و هي تضحك:اهدي يا كابتن مش كده الله
ضحكت عزة وقالت:خاف يا يوسف يا لهوي البت هتاكلك
محمد:يا بنتي ده بيهزر معاه يعني
جميلة بمزاح:احممم احممم يعني يا بابا ما أنا عارفة أنه بيهزر الله
محمد:يا جدع؟!
ما أنتِ مشوفتيش نفسك صحيح
احتضنت جميلة يوسف و قالت:ده يوسف هو الدنيا ليا و اللي فيها ربنا ما يحرمني منه أبدًا
قبَّل يوسف رأسها وقال:والله بعشقك يا حب الحب
مني:حبوني معاكم ممكن؟!
ولا لازم أتعب علشان أعجِب يعني!!
جذبها يوسف من ذراعها و احتضنهما معًا و قال:ربنا ما يحرمني منكم كلكم
غمزت مني ليوسف و قالت:كلكم كلكم؟!!
ضحك يوسف و قال:ااااااه كلكم كلكم
ابتعدت جميلة عنهما و قالت:يوووووه ده أنتوا رخمين أوووي
مكنتش كلمة تمسكوا فيها كده يعني!
لم تكد تنتهي من كلماتها حتي سمعوا صوت هاتف يوسف و كان المتصل حمزة
غمز لجميلة ففهمت أنه حمزة و فتح الهاتف و قال:أيوووة
حمزة:انا تحت و إسلام هنا بردو يلا انزلوا
يوسف:طيب هننزل أهو
ودعوا والدهم و والدتهم و ذهبوا
و عندما نزلوا لهم نظر إسلام لمني و قال لها:إزيك يا مني؟
كانت سترد لولا أن يوسف قال:هي كويسه زالفل علي فكرة هااااه
إسلام:يوووه عليك أنا بسألها هي يا عم الرخم
يوسف:ما أنا و هي واحد صح يا مني ولا ايه؟!
مني:صح يا چو
اسلام:بقا كده مااااااشي أنتوا الاتنين طب ده أنا كنت هعزمكوا كلكوا علي الغدا النهاردة بس شكلي هغير رأيي
يوسف بمزاح:ايه ده يا مني أنتِ ازاي مترديش علي اسلام ينفع كده!!
حمزة:ده أنت والله لعيب كبير
يوسف قال لحمزة بصوت منخفض:أومال هي فين؟!
حمزة:معرفش
يوسف:ما تقول يا رخم
حمزة:في العربية
يوسف:منزلتش ليه تقف معاك
حمزة:لأن إسلام كان واقف اتحرجت تقف معانا لوحدها
يوسف:الله ينصر دينها
حمزة:ياااارب
بس امشي بقا من جنبي كده لأن أنا عندي مرارة واحدة
يوسف:اسم الله عليك يا أخويا اسم الله بس بس علشان محطش الملاية و أفرشها و تشوف مرارة مين اللي هتطق
شعر حمزة بالخجل و قال:الله يسامحك والله أنا سخنت
يوسف:علشان بس تعرف أن محدش يعرف يحرج قدي
حمزة:ليك يوووووم
ذهبت جميلة لهما و قالت:مش هنمشي بقا يا يوسف
حمزة:هنمشي أهو يلا تعالي
ذهب يوسف مع إسلام و مني و جميلة ذهبت مع حمزة فوجدت هدي في السيارة ألقت السلام و قالت بعدها:شوفتك من بعيد بس معرفتش أجي أسلم بسبب يوسف البارد ده
هدي:ولا يهمك يا حبيبتي
أخبارك ايه؟
جميلة:الحمدلله و أنتِ يا دودو؟!!
والله وحشتيني أوي
هدي بابتسامة:صدقيني أنتِ أكتر طمنيني علي صحتك كده
جميلة بأسي:الحمدلله
يلا ربنا ينتقم من الظالم
هدي:ادعي أن ربنا ياخد حقك دايمًا
جميلة:والله بدعي يا هدي بس بخاف أن ربنا ميقبلش دعواتي
حمزة:أنا سمعت قبل كده أن لو عاوزة تدعي دعوة و ربنا يقبلها
تدعي أن ربنا يصلي علي النبي لأن احنا لما بندعي بالصلاة علي النبي أكيد أكيد بتتقبل و بعدين تدعي باللي أنتِ عاوزاه و بعدين تدعي بالصلاة علي النبي تاني
فالله كريم يستحي أن يرد العبد و قد قبل الصلاتين و أسقط ما بينهما
قالت هدي:يا الله أنا أول مرة أسمع المعلومة دي
جميلة:و أنا كمان
حمزة بمزاح:يلا خدت فيكم ثواب
ضربته هدي بمزاح و قالت:يلا يا بارد
حمزة:قلب البارد
ضحكت جميلة و قالت في نفسها:ده شكله رومانسي أهو
نشلتها هدي من شرودها وقالت:هتشتري ايه النهاردة يا جميلة؟
جميلة بعفوية:هشتري فستان بس محتارة في اللون
هدي و قد غمزت لحمزة:هاتيه بنفسجي
جميلة بدهشة:اشمعني؟!
هدي:أصل حمزة بيحب اللون ده
جميلة بفرحة ظهرت في نبرات صوتها:أيوة وأنا كمان بحبه أوي
هدي:يا جمال الصدف
شعر حمزة بالحرج و جميلة أيضًا فقال حمزة:طـ طب يلا إسلام وقف بالعربية أهو يلا ننزل
نزلوا جميعًا و دخلوا إلي مول ضحم و راقي في نفس الوقت و ذهبوا إلي متجر فساتين فقال يوسف:يلا يا بنات ادخلوا شوفوا اللي أنتوا عاوزينه و احنا هنستني هنا
فأومأن برأوسهن و دلفن إلي المتجر و ذهبن إلي أفخم فساتين المتجر
فلمحت هدي فستان يليق بها و بخمارها فقالت في نفسها:يا الله أنا ليه مكنتش ناوية أشتري فستان طب خلاص هخرج أقول لحمزة أني هجيب فستان لأن ده عجبني أوي
استأذنت هدي منهما و خرجت لحمزة و أشارت له أن يذهب لها و قالت له بحرج:حمزة هو ممكن أشتري فستان؟!
حمزة بدهشة:أنتِ بتستأذني يا هدي؟!
ايه ده هو أنا غريب!
هدي بحرج أكثر:والله مش قصدي بس أنا مقولتش لماما
حمزة:و ماما هتفرح لما تلاقيكي فرحانة و بعدين أنا جايبك تغيري جو و تشتري كل اللي نفسك فيه
يلا خدي الكريديت دي خليها معاكي و اشتري كل اللي نفسك فيه
احتضنت هدي حمزة و قالت له:بحبك أوي يا حمزة
ذهب إليهما يوسف و قال بمزاح:السلام عليكم
شعرت هدي بالاحراج فدخلت إلي المتجر بسرعة
نغز حمزة يوسف في كتفه و قال له:ده أنت رخم أوي يا عم والله
يوسف و هو يضحك بشدة:عاااارف
في الداخل اختارت جميلة فستان بلون البنفسج واختارت مني فستان أخضر اللون و اشترت هدي الفستان الذي أعجبها و كان بلون السماء أي بلون عيونها
خرجن إليهم فقالت جميلة:خلاص اشترينا الفساتين
يوسف:ناويين تروحوا فين تاني؟!
جميلة:أنا قررت حاجة جديدة
يوسف:ايه هي؟!
جميلة:..............