بناتي حياتي 🌸الحلقه الخامسه🌸
رواية 💖بناتي حياتي💖
بقلم_ولاءيحيي
الحلقه الخامسه
لين من فرحتها تاهت عن الكون.... فضلت بصه لسليم من غير ما تتكلم ونسيت انها تقريبا في حضنه وسليم عاوزها تفضل كده وماتبعدش عنه....وبعد شويه فاقت لين وبعدت عنه بسرعه وجريت وهي مكسوفه وسبيته وقف يبص عليها و وهي بتجري وطايره من الفرحة
سليم بابتسامه وفرحه : طعمه طعامه بنت الآية بحبها اوي
لين تطلع جري علي الجناح الخاص اللي كانوا بيجهزه فيه.... وترمي نفسها علي الكرسي وتحط ايدها علي قلبها من كتر ما بيدق من الفرحة.... بس تلقي الباب بيخبط
لين لنفسها : لا مش ممكن يكون طلع ورايا... لا مستحيل يكون مجنون لدرجادى... وتقوم وتقف وراه الباب
لين بارتباك :مين
صافي : افتحي يا لين انا صافي
تفتح لين الباب ويدخلو البنات التلاته جري ويشدوها لوجوه الجناح
لين باستغراب : في ايه مالكم
الاء بابتسامه : اعترفي حالا وبسرعة قالك ايه وايه اللى حصل
لين بستعباط :هو مين دا
شوشو :بت بطلي استعباط احنا شوفناكم وانتم مع بعض وكان ماسك ايدكي وتايهين في عيون بعض
لين بفرحه تتنهد : ااااه سليم.... (وتبص لهم) طيب بصو هقولكم بس مش دلوقتي علشان الفرح.... يلا ننزل دلوقتي عشان سيلا ومامي ولما نروح هقولكم
البنات : ماشي بس هتقولي كل اللى حصل بالتفصيل
لين بابتسامه : اوكي يلا بينا
ونزلوا البنات ودخلوا القاعة.... وراحت لين لمامتها واديتها الفون... وطلعت عند سيلا... ووقفت مع البنات..... لقيت سليم واقف مع الشباب وبيبص ليها وبيضحكوا..... ورح مربع ايدو.. وعوج راسه وغمز ليها....وهي انكسفت وابتسمت وبصت في الارض وفضلت طول الفرح ترقص مع البنات واختها وكل ما يقرب منها حد من ولاد عمها تبعد وتبص لسليم تلقيه باصص عليها ومبتسم..... وجيه وقت الرقصة السلو الأخيرة...... لين راحت شده فاروق من ايده علشان ترقص معاه.... قبل ما حد من الشباب يجي ياخذها علشان يرقص معاه
فاروق :في ايه يا بنتي انا ما صدقت أن ايمان سابيتني ارقص.... وكل البنات الحلوة دي واقفه و انتي عاوزني ارقص معاكي.... بصي يا لينو سيبني ارقص مع صحبتك الحلوة اللي هناك دي وانتي روحي ارقصي مع رامي أو سالم
لين بتهديد : هترقص معايا ولا اروح اقول لايمان انك بتعاكس البنات
فاروق بغيظ : خلاص هرقص معاكي وامري لله
ويبدا الرقص وكل اتنين يرقصوا سوأ
سيلا واحمد.... ولين مع فاروق.... امير مع سميه اخته رامي مع رشا اخته.... شوشو مع طلال.... وريهام مع محمد جوزها.... سليم مع شروق اخته.... و سالم مع سها اخته.... وغيرهم كتير
لين بترقص وهي مبتسمه وعينها في عين سليم وهو كان زيها.... وبشفايفه راح قالها بحبك... فانكسفت وخبت وشها في كتف فاروق.....وماخدوش بالهم أن كان في حد كمان متابعتهم....وشاف سليم وبص و شاف فرحت لين.....فحس ان قلبه انجرح وان حلمه ضاع منه وقلبه وجعه
ويخلص الفرح....والخوف دب في قلب لين... وهي بتبص على اختها اللي خرج في ايد أحمد.... لين دموعها مليت عينها فسيلا لأول مره هتبعد عنها و لأول مره هتنام في مكان سيلا مش موجوده فيه
.... فاروق كان ماسك ايد لين فحس بيها بتترعش فبص ليها
فاروق بقلق : لين مالك يا حبيبتي بتترعشي ليه كده
لين وعينها مليانه دموع :سيلا.... سيلا مش هتروح معايا يا انكل.... هروح لوحدي
فاروق حس ان لين هتعيط : لا بقولك ايه امسكي نفسك..... سيلا مجنونه لو شفتك بتعيطي ممكن تسيب الفرح واحمد وتروح معاكي
رامي حس ان لين فيها حاجه فقرب منهم
رامي بخوف : في ايه مالك يا لين انتي تعبانة
لين بدموع : سيلا مش هتروح معايا يا رامي.... بقيت لوحدي
رامي بابتسامه وحب :لوحدك ازاي يا لين كلنا معاكي متخافيش
فاروق : رامي خدها انت واسبقنا وروحوا وخد حد من البنات معاك.... مش عاوز حد يحس بيها ويشوفها بالشكل دا
رامي بابتسامه : حاضر(ويمسك ايد لين) تعالي يا لين
رامي مسك ايدها وسندها واخدها وخرج علي عربيته..... ركبها على الكرسي اللي جمبه.... واتصل برشا اخته علشان تيجي معاهم واخدهم ومشي بالعربية.... من غير ما حد يشوفهم...... غير سليم اللي شاف لين وهي خارجه مع رامي.... وكان هايتجنن ليه لين تمشي مع رامي لوحدها.... فدخل بسرعه جب شروق ومشى بسرعه علشان يحصلهم
#بقلم_ولاءيحيي
💖💖💖💖💖💖💖💖💖💖💖💖💖
وفي عربيه رامي كان كل شويه يبص علي لين.... وهي بصه من شباك العربية ودموعها نزله من غير صوت.... بص علي اخته رشا لقها نامت على الكنبه من التعب والرقص طول الفرح
رامي يبص للين : تحبي نوقف علي النيل شويه تشمي هوا.... هترتاحي
لين بابتسامه : ياريت (وتبص علي رشا تلقيها نايمه علي الكنبة ) طيب ورشا نسبها لوحدها
رامي بابتسامه : احنا هنقف قدام العربية مش هنروح بعيد
يوقف رامي العربيه وينزلو.... ويقفو علي النيل وساكتين..... بس بعد شويه رامي حس ان لين بردانة فقلع جاكت البدلة وحطه علي كتفها فلين بصت له
رامي بابتسامه : البسيه احسن تبردي .... انتي اصلا عملتي مجهود كبير النهارده....فضلتي ترقصي من اول الفرح لأخره
لين تبتسم : ما انت كمان كنت بترقص.... انا اول مره اشوفك بترقص..... دا انت مرقصتش في فرح ريهام غير سلو... (وتضحك) والنهارده طلعت مواهبك وطلعت بترقص حلو اوي
رامي يضحك : اصل انا مواهبي مش بتطلع بسهولة... وانا النهاردة كنت فرحان جدا.... أخيراً خلصنا من سيلا ومقالبها فينا... بس انا ناوي اخد سي دي الفرح وأخبيه..... احسن اختك ساعات بتقلب على مرتضي منصور..... وممكن تضايق مني مره فتنشرهم ليا.... وتقولي سي ديهادك معايا ههههههههههه
لين تضحك اوي..... وطبعا الضحكة دي بتسحر رامي فيتوه عن الدنيا و يبص ليها بحب
رامي بحب : انا بحب ضحكتك اوي... وخصوصا لما بكون انا سبب الضحكه دي.... لما بتضحكي بحس ان الدنيا كلها بقيت ملكي
لين تبتسم وتكسف
رامي يبتسم لما شاف كسفها : وكمان بحب لما بتكسفي مني ووشك بيحمر تبقي فروليه
لين بابتسامه رقيقه : فروليه كل الناس بتقول طمطمايه.... انت خليتها فروليه
رامي يوقف قدامها ويبص في عينها بحب
رامي بحب : ما انتي مش زي الناس. . انت عندي خاصه ومختلفة عن اي حد في الدنيا
لين تبص لعينه وتحس لأول مره بنظرة عينه... تحس ان فيها نظراته فيها حاجه.... وان دا مش نظرة طبيعية دي نظرة ( وتخاف تقول لنفسها نظرة حب)
لين بابتسامه وتحاول تداري خوفها : انت عارف يا رامي مكانتك عندي.... انت و امير وسالم اخواتي
رامي بابتسامة حزينة :اخواتك.... طيب ماينفعش يكون ليا مكان تاني في حياتك غيرمكان الأخ.... انا نفسي يكون ليا مكان تاني
لين الخوف كبر جوه قلبها
لين بارتباك : هو فيه مكان افضل ولا اجمل من الأخ عند اخته
رامي يبص لها بحب : فيه اني اكون حبيبك وجوزك. دا مكاني.... مكان بتمناه طول عمري و بحلم بيه.... وانا فضلت نجح واتفوق علشان احقق الحلم دا وكون جدير بيكي وبحبك
لين انصدمت وقلبها بقي يدق بقوه بقيت خايفه تجرح رامي وخايفه اكتر تكسروا... وتكون سبب في وجعوه..... وبقي في صوت جوها بيتكلم
لين لنفسها : انتي ازاي ماحستيش بيه . ازاي اول مره تشوفي النظرة دي في عينه .... ازاي يوصل للمرحلة انه يحبك و يتعلق بيكي وانتي ماحستيش كان الصوت دا جوها وهي بصه لرامي وساكته
رامي برجاء : ردي عليه لين.... قوليلي اي حاجه. قوليلي لو في امل بسيط أن يكون ليا مكان في قلبك في يوم من الايام... قوليلي وانا هستني... هستني عمري كله.... لين انا مش مستعجل... و هستناكي هستني حتي لو هفضل العمر كله عايش بس علي أمل انك تحبيني في يوم من الايام (ويسكت ويبص للأرض ويرجع يبص ليها ويبتسم )
رامي :ولو ما فيش امل انك تحبيني... صدقيني عمري ما هزعل منك ولا هتنازل عن مكانتي كاخ ليكي.... هفضل جمبك احميكي.... وعمري ما هتخلي عن اني اكون جزء في حياتك.... المهم اني اكون معاكي وجمبك
لين كل عينها دموع لأنها هتجرح حد غالي عندها بس مقدرتش تسكت ويفضل متعلق بيها
لين تبص للأرض بحزن ودموع : انا يا رامي مش شايفه ان انا وانت ينفع نكون غير اخوات
رامي يغمض عينه بحزن شديد ووجع ورغم كده يبص ليها ويبتسم
رامي بابتسامه حزن : وانا عمري ما هتنازل عن مكاني كاخ ليك... وهفضل جمبك ومعاكي طول عمري
ويرجع رامي يقف قدامها ويبصوا الاتنين لنيل بحزن... رامي كان جواه وجع والم وجرح كبير ... ولين جواها حزن وخوف علي رامي.... وبعد وقت مش طويل
رامي بابتسامه : مش يلا نروح بقى احسن زمانهم اتحركوا... ولو وصلو المنصورة قبلنا فيقلقوا علينا
لين تهز راسها بموافقه ويتحركوا ناحيه العربية بس يلقوا عربيه عملت صوت فرمله عالية ووقفت جمبه وطبعا دا كان سليم.... اللي نزل من العربيه وهو متعصب... وخصوصا لما شافهم واقفين علي النيل لوحدهم.... وشاف لين لبسه جاكت رامي.... وطبعا ماشفش شروق اللي كانت نايمه جوه العربية
سليم بعصبيه : خير يا رامي واقفين كده ليه... هي العربية عطلت ولا حاجه
رامي بضيق : لا العربيه سليمه .... بس لين كانت تعبانة شويه... فنزلنا علشان تشم هوا و ترتاح
سليم يرفع حجبه ويبص للين بغيظ : لا سلامتك يا لين .... وياترى عامله ايه دلوقتي بعد وصفه الهوا ارتحتي
لين تبص للارض بحزن.... فاليوم فيه من المفاجأت والصدمات اكتر من احتمالها .... فردت رد مختصر ومن غير ما تبص ليه علشان ما يشوفش دموعها
لين بحزن : الحمد الله
سليم يبص ليها بعصبيه : طيب كويس عن ازنكم
ويركب عربيته ويطلع بيها بسرعه لدرجه انها عملت صوت عالي جدا في الارض
رامي يبص للين ويلقيها بتبص على عربية سليم ودمعها نزلت من غير صوت... فاليوم كمل معاها اليوم بزعل سليم منها... فيتنهد بحزن
رامي بحزن : يلا يا لين... اركبي علشان نروح
تركب لين العربيه.... ويفضلو طول الطريق ساكتين ويصلوا وبعدهم بشويه يوصل الكل بس يكون التعب اتمكن منهم كلهم فيناموا علي طول
#بقلم_ولاءيحيي
💖💖💖💖💖💖💖💖💖💖💖💖💖
نروح عند سيلا واحمد
سيلا داخلت هي وأحمد الجناح الخاص للعرايس وكل مظاهر الشجاعة اللي دايما رسمها تختفي
احمد بعد ما اقفل الباب يلقى سيلا واقفه مكسوفه.... فيمسك ايدها ويقعدها علي كرسي ويقعد قدامها علي الارض
سيلا بكسوف شديد : انت ليه قعد علي الارض
احمد بكل حب : اعمل ايه ما انا عاوز اقعد في المكان اللي عينيك بتبص عليه علشان تشوفيني
سيلا تبتسم بكسوف احمد يقعد جمبها ويرفع وشها بأيده
أحمد بابتسامه : مبروك عليا وجودك في حياتي يا حبيبتي.... (ويمسك ايدها ويبوسها) عارفه انا النهارده ربنا حقق ليا اهم واكبر امنيه اتمنتها.... استجاب لدعوه بدعيها من زمان اوي.... انت الدعوة اللى كنت بدعيها في كل ركعه و في كل صلاه
سيلا تبص ليه بحب : انت كمان ياحمد كنت امنيتي وحلمي ودعوتي لربنا
احمد بابتسامه : طيب قوم يا حبيبتي بقي عشان عاوزك في حاجه مهمه
سيلا بخوف : عاوزني... َ عاوز ايه
احمد بضحك : عاوز نصلي سوا ونشكر ربنا انه استجاب لينا.... هكون عاوز ايه يعني (ويبص ليها لما بصت للأرض بكسوف ويحاول يغيظها ) هو انتي افتكرتي اني عاوز ايه ....
سيلا تعض شايفها بكسوف وتفضل بصه للأرض
احمد يضحك: ااااه افتكرتي اني عاوز حاجه تانية.... هو انتي بتفكري في الحاجات دي.... وأنا للي فكرك مؤدبه (يقولها بصوت اللمبي)
سيلا تبص ليه بغيظ وتضرب على كتفه وتمشي بسرعه من قدامه وهو عمال يضحك.... سيلا تدخل الاوضه و تغير هدمها وتلبس وتصلي معاه
احمد يغير بره.... وتخرج سيلا وياخدها ويصلي بيها ركعتين ويحط ايده علي راسها ويقول (اللهم إني أسألك من خيرها ومن خير ما جبلت عليه وأعوذ بك من شرها ومن شر ما جبلت عليه) ويخلصوا صلاه يلقي سيلا بصه في علي الارض فيروح لفف وحط راسه في حجرها ويبص لعينها ... فسيلا تضحك
احمد بابتسامه : ما انا هوصل لعينيك هوصلها... حتي لو هقف علي راسي في الارض.... دا انا تجوزتك علشان افضل باصص لعينكي... وانتي تحرميني منهم وبصه للأرض
سيلا بابتسامه : يعني انت أجوزتني علشان عنيه بس
احمد يقوم يتعدل ويمسك صوابعها وهي تبص عليه
احمد وهو بيعد علي صوابعها : لا طبعا.... أتجوزتك علشان عينيكي و حلاوتك وشقاوتك وطعمتك وجنانك ( ويروح واقف مره واحده )
احمد : يووووه بقي دا في حاجات كتير اوي صوابعك مش هتكفي اعد عليها ( ويروح رفعها بين ايده ويشلها )تعالي جوه علشان اعرف اعد برحتي
ويغمز لها وسيلا تخبي وشها في صدره.... ويروحوا مع بعض لدنيا جديده... وعالم لاول مره يزوره هما الاتنين بحب وتفهم ورضا ربنا
#بقلم_ولاءيحيي
💖💖💖💖💖💖💖💖💖💖💖💖💖
ويبدا يوم جديد يوم يحمل مشاعر مختلفة لكل واحد... في اللي نام مبسوط... و في اللي النوم طار من عينه والدموع زارتهم طول الليل
الوقت بقي العصر ولين هربانه في اوضتها وعامله نفسها نايمه.. وماخرجتش برها كانت خايفه تقابل رامي.... ومش عارفه هتتعامل معاه ازاى بعد اللى حصل امبارح.... كانت خايفه يتغير معاها وتخسروا
وفي نفس الوقت كانت خايفة اكتر ان سليم يكون زعلان منها ومش عارفه ازاي تفهموه وتتكلم معاه... باب اوضتها يخبط و يدخلوا اصحابها علشان يصحوها ويسلموا عليها قبل ما يسافرو
شوشو تقعد جمبها : ايه النوم دا كله اصحي بقي احنا شويه وهنمشي
لين بدموع : سيبوني انام مش عاوزه اقوم
صافي تشد الغطا من عليها :ما فيش نوم.... مش كفاية هربتي امبارح... وماحكتيش لينا اللي حصل قومي حالا أحكيلنا كل حاجه
لين تقوم تقعد وتتنهد بألم وحزن يحسوا بيه
ألاء بقلق : مالك يا لين في ايه. انتي كنت مبسوطة امبارح والفرحة كانت مليا عينيكي حصل ايه
لين عيطت وحكت ليهم كل اللى حصل من اول اعترف سليم لحد لما شافها وهي واقفه مع رامي علي النيل... وقالت ليهم انه زعل لما شافها مع رامي.... بس لين خبت عليهم الكلام اللي حصل بينها هي ورامي ومقالتش ليهم عن اعترفوا ليها بحبه حبت اللي حصل يفضل سر بينها هي ورامي
شوشو : يا خبر.. طب وبعدين هتعملي ايه دا كده شكلوا زعل منك وفهم غلط
ألاء بابتسامه : بالعكس انا شايفه انه كده بيغير والغيرة دليل على الحبه
صافي: طب ما هو اصلا اعترف ليها بحبوه.... بس لين اللي لسه مقالتش ليه عن مشاعرها... وهو كده ممكن يفكر انها رفضه.... دا حتي ممكن يفتكر ان في حاجه بينها وبين رامي
لين بخوف : بس انا بحبه هو... انتم عارفين انا من زمان وانا بستني اليوم اللي يعترف ليا بحبه... وبتمني يبقي من نصيبي واكمل حياتي معاه
شوشو بابتسامه : بس هو ما يعرفش... وعلشان كده لازم تفهميه اللى حصل بظبط... وتعترفي ليه بمشاعرك
لين تمسح دموعها : اشوفه طب ازاي وفين... وبعدين انا ممكن اتكسف اقوله اني بحبه.... انا لما بكون قدامه مبعرفش اتكلم خالص
الاء بابتسامه : بس هو كده يالين ممكن يبعد عنك لو افتكر انك رافضه حبه... وان في حاجه بينك انتي ورامي
لين بحزن : يبعد هو احنا لسه قربنا علشان يبعد
شوشو بابتسامه : علشان كده لازم تقابليه وتتكلمي معاه بسرعه
لين تتنهد :انا فعلا لازم أقبلوا... انا هقوم البس واروح لشروق وهو لما يشوفني اكيد هيجي يقعد معانا وهنتكلم
صافيه بابتسامه : ان شاء الله تتكلموا وتتفهموا... احنا هنسلم عليكي علشان نمشي.... بس اول ما نوصل الكويت هنكلمك ونطمن عليكي ( و يضمها التلاته بحب) خليكي عارفه ان مهمة يحصل احنا موجودين دايما معاكي وجمبك
لين تحضنهم بابتسامه : ربنا يخليكوا ليه ودايما نفضل مع بعض
لين تقوم تلبس وتخرج مع أصحابها... تسلم عليهم وعلى اهلهم ومشيوا... وبعد ما مشيوا.... واقفت قدام بيت سليم وتتنهد وتقرر تروح ليه.... وتدخل لبيت سليم بس وهي داخله تلقي سليم طالع فتوقف قدامه
لين بكسوف : مساء الخير
سليم يتصنع الضيق والزعل... بس من جوه كان فرحان... لأن لين لأول مره هي اللي تقف قدامه وتبدا بالكلام معاه
سليم بتصنع الضيق : مساء النور اتفضلي... شروق جوه
لين تبص ليه بكسوف و تتكلم بمنتهي الرقة : بس انا مش جايه لشروق... انا جايه علشان اتكلم معك انت ( ترفع عينها تلقى سليم بيص لعينها بزعل) بليز يا سليم لازم تسمعني
سليم ماقدرش يقاوم نظرات عينها
سليم بابتسامه : طيب تعالي نقعد في الجنينة ونتكلم
يدخلوا سوا ويقعدو في جنينه بيت سليم
سليم كان حاسس ان لين مكسوفه ومرتبكه فهي عماله تلعب في ايدها
سليم : اتكلمي يا لين انا سمعك
لين بكسوف : ااانا كنت عاوزه اقولك (وتسكت متعرفش تكمل)
سليم بضيق : بصي بقى يا لين لو انتي جايه علشان تقوليلي ابعد عنك
لين بخوف : لا طبعا انا مش عاوزك تبعد ابدا
سليم يبص ليها بفرحه وابتسامه : على فكره انا لسه مكلمتش كلامي.... انا كنت هقولك اني عمري ما هبعد عنك.... وانك بتعتي وملكي وليه انا وبس...(ويرفع صابعوا في وشها) واني مش هتنازل عنك ولا هسيب أي مخلوق ياخدك مني
لين تبص له بابتسامه : طيب كويس
سليم بابتسامه : هو ايه دا اللي كويس انك جننتيني (و يتنهد بحب) المهم دلوقتي انا عاوز اعرف انتي ليه مشيتي لوحدك مع رامي بعد الفرح.... ليه ماستنيش لما تمشي مع عمي فؤاد... ليه تمشي معاه لوحدك
لين بابتسامه : انا ماكنتش لوحدي... رشا كانت معانا بس كانت نايمه في العربية.... انا مشيت لاني تعبت لما لقيت سيلا هتسيبي.... كنت بعيط فانكل فاروق قال لرامي يروحني لأني ماكنتش عاوز سيلا تشوفني كده.... وفي العربيه كنت بعيط وزعلانه فرامي وقف بالعربيه علشان شم هواء و اهدي
سليم. يتنهد : لين انا هقولها ليكي تاني... انا بحبك وبحبك اوي كمان.... ومابقدرش اشوف حد بيقرب منك.... وخصوصا لو اللي حد دا بيحبك وعاوز يأخذك مني
لين باستغراب وتسرع : يحبني انت عرفت ازاي بيحبني
سليم بعصبيه: يعني قالك انه بيحبك.... اعترف ليكي وانتم سوأ امبارح صح
لين بارتباك : لا مش كده دا ( وقبل ما تكمل كلمها قطعها سليم)
سليم بضيق :اوعي يا لين.... اوعي تكدبي واوعي في يوم تخبي عني حاجه.... انا عارف مشاعر رامي ليكي من زمان... بس مش مهم مشاعره.... المهم عندي مشاعرك انت... وانا عاوز اعرف مشاعرك
لين تبتسم وتبص للأرض
سليم يبتسم لكسوفها : لا انا عاوز اسمع
لين بكسوف : تسمع ايه
سليم بحب : اسمع الكلمة اللي بستنا اسمعها منك من زمان اوي
لين تبص لعيونه بحب وتسكت
سليم بابتسامه : عنيكي بتقولها بس انا نفسي اسمعها منك
لين تبتسم وتبص للأرض :المهم انك حاسس بيها
سليم بابتسامه : طيب انا مش هتقل عليكي النهارده بس مش هتنازل اني اسمعها قريب اوي اعملي حسابك.... مش هسيبك كتير المهم عندي دلوقتي انك معايا... وانا يا لين عاوزك معايا علي طول
لين بابتسامه : تقصد ايه
سليم بحب : قصدي انك تفضل معايا هنا في مصر متسافريش تاني تفضلي هنا وتعيشي قدام عينيا وفي حضني... انا عاوز نتجوز يا لين
لين بصت ليه بصدمه ومش مصدقه انه عاوزهم يتجوزه علي طول كده
في الوقت دا مروه اخت سليم خرجت من البيت وشافتهم قعدين سوا و بيتكلمو فدخلت البيت تجري
مروه :ماما ياماما الحقي بسرعه
بقلم_ولاءيحيي
💖💖💖💖💖💖💖💖💖💖💖💖💖
تفتكروا ايه اللي هيحصل نعرف الحلقه الجايه
التعليقات على الموضوع