بناتي حياتي 🌸الحلقه السادسه🌸
رواية 💖بناتي حياتي💖
بقلم_ولاءيحيي
الحلقه السادسه
مروه :ماما يا ماما الحقي بسرعه
عايده : ايه يا بت... رجعتي ليه
مروه : اصل وانا خرجه لقيت ابنك قعد في الجنينة مع البت المايعة اللي اسمها لين
عايده باستغراب : و اختك مش قعده معاهم
مروه : لا بقولك لوحدهم... شروق نايمه في اوضتها
عايده بضيق : ودي قعده مع اخوكي ليه... عاوزه منه ايه
مروه :شكلها كده حطه عينها علي سليم.... وشكلها كده وقعت ابنك.... اصله قعد وبصص ليها وهيمان وسرحان
عايده بضيق وغيظ :وقع دا ايه... تلقيها عاوزه في حاجه وبتكلموا فيها... سليم مابيفكروش في البنات والكلام الفاضي دا
مروة : حتي لو هو مبيفكرش.. البت دي مش سهله دي بت مايعة كده وممكن توقع اي حد فخافي علي ابنك علشان دي لو ابنك حبها مش هتشوفيه تاني دي مش بعيد تأخذوا وتسافره يشتغل مع ابوها وساعتها بقي انسي انه يرجع ليكي تاني
عايده بخوف :يالهووووي يسافر ويسبني لااا مش ممكن سليم عمره ما يوافق.... هو ميعرفش يبعد عني دا انا امه هو بيعرف ينام ولا يأكل غير من أيدي
مروه : انتي حره عموما انا عملت اللي عليا وقولتلك مترجعيش بقي لما سافرتوا معاها تعيطي وتقولي ابني ضاع مني
عايده بخوف :يالهوي وهو انا هستني... تعالي يا بت لما نشوف المصيبة دي جايه عاوزه مننا ايه
#بقلم_ولاءيحيي
💖💖💖💖💖💖💖💖💖💖💖💖💖
عند سليم ولين كانوا قاعدين بيتكلموا
لين بصدمه :ازاي بس يا سليم... بابي صعب انه يوافق اني اتجوز دلوقتي.... دا انا لسه هدخل اول سنه في الكلية... وبعدين ازاي هنتجوز وادخل الجامعة في الكويت
سليم :وانتي ايه اللي هيدخلك الجامعه في الكويت انا من زمان وانا بقولك ادخلي الجامعة في مصر ودا كان رائي بقوله ليكي.... لان ماكنش ليه صفه اني اقوله.... لكن دلوقتي انا بقولك انتي هتدخلي الجامعة هنا.... وفي المنصورة مش القاهرة كمان انتي مش هتبعدي عني تاني يا لين
لين :ازاي بس دا صعب جدا يا سليم... انا متفقه مع بابي اني هدخلAuc بالكويت دا حلمي وحملوا هو كمان... ازاي دلوقتي اقوله اني هدخلها الجامعه في القاهرة
سليم بضيق : وانا ما قولتش انك هتدخلي في القاهرة.... انتي هتدخل الجامعة هنا في المنصورة
لين باستغراب :وهو فيه Aucفي المنصورة يا سليم
سليم بضيق : وهو لازم Aucما تدخلي جامعه عاديه في المنصورة والا هو انتي غاويه مظاهر وعاوزه يبقى اسمك في Auc والكلام الفاضي دا
لين بضيق : لا طبعا انا عمر ما كان دا تفكيري... ولا عاوزه ادخلها مظاهر زي ما بتقول... انا عاوزه ادخلها علشان اقدر اخد منحه تفوق واسافر احضر الماجيستر والدكتوراه في اميركا دا حلمي اني اسافر.... وبمنحه تفوق كمان مش علي حسابي كمان لأني استحقها بمجهودي وتفوقي ودا مش حلمي انا بس دا حلم بابي كمان
سليم بضيق : وانا فين من حلمك دا يا لين ازاي بتحبيني وانتي رسمه حياتك وانا مليش مكان فيها
لين بالهفه : لا يا سليم ماتفهمش غلط... دا حلمي من زمان اوي من قبل ما احبك
سليم بفرحه :قولتي ايه
لين باستعباط : قولت دا حلمي من زمان
سليم غمز لها :لا مش دي... اللي قولتيها قبلها
لين بكسوف تبص للأرض :كان حلمي زمان قبل ما احبك
سليم بحب : طيب ممكن اسمعها لوحدها من غير اي كلام معاها
لين تبص لعيونه : بحبك
سليم بفرحه يمسك ايدها ويبوسها : وعلشان بتحبيني وانا بحبك تسمعي كلامي وتفضلي هنا وتقنعي عمي فؤاد انك تفضلي في مصر وأننا نتجوز
لين لسه هتعترض... رح سليم رفع وشها بيده من عند دقنها وحط صابع علي شفيفها وهو بيبص عليهم بشوق.... ونظرته دوخت لين وخليها مش حسه ولا سامعه غيره
سليم : وانا مقدرش ابعد عنك تاني... لين لو عاوزنا نفضل سوأ يبقي تسمعي كلامي وتفضلي معايا وما تفكريش تبعدي عني تاني ابدا
تخرج في الوقت دا عايده ومروه.... وأول ما عايده تشوف سليم وهو ايده في اايد لين وايده التانيه علي شفيها.... تحس بالغيره... وتحس وان مروة عندها حق... وان لين لعبة على سليم وأنه اتعلق بيها وهيروح منها
عايده بعصبيه وزعيق : سليم
سليم ولين يقفوا بسرعه وخضة.... ولين تكسف وبقيت مش عارفه تعمل ايه... فسليم شاور لها علشان تتحرك معاه ورحوا وقفوا قدام عايده و مروه
سليم بابتسامه : ايوه يا ماما
عايده بضيق : انت قعد هنا ليه
سليم يبص للين : ابدا دي لين كانت جي عاوزه شروق
لين بابتسامه و ارتباك : مساء الخير يا طنط ازي حضرتك(وتبص لمروه) ازيك يا مروه
مروه مترديش عليها
عايده تبص ليها بضيق : اهلا... شروق نايمه ومش هتصحي دلوقتي
لين تكسوف وتبص في الارض ودموع تتجمع في عينها من الموقف اللي هي فيه : ميرسي يا طنط.... عن ازنكم
سليم يقف قدمها بسرعه لما حس بزعلها
سليم بحب وخوف : رايحه فين... تعال انا هصحيها
لين تبص للأرض وتهرب من بعينها من عينه علشان مايشوفش دمعها
لين : ما فيش داعي انا هبقي اجليها وقت تاني... عن ازنكم.... وتخرج من قدامهم بسرعه وهي عيونها كلها دموع
سليم بضيق وعصبيه : ليه عملتيها بشكل دا يا ماما اهي زعلت
عايده بعصبيه : مش هنتكلم في الشارع قدام الناس اتفضل ادخل جوه قدامي
ويدخلوا بيتهم
سليم بعصبيه :ممكن يا ماما اعرف انتي ليه عملتي لين بشكل دا.... وانتي يا ست مروة هي مش قاللتك ازيك.. مرديتش عليها ليه
مروة : انا حره مش عاوزه ارد.... انا مابردش غير علي الناس المحترمة
سليم بغضب يقرب عليها : لين محترمه غصب عنك انا مش هسموحلك تتكلمي عليها نص كلمه
عايده بغضب لدفاع سليم عن لين : والله عال ياسي سليم انت بتتخانق مع اختك علشان مين... مين دي علشان تتعصب وتتخانق قدامي كده
سليم بعصبيه : انتي مش سمعه بنتك بتقول ايه
عايده بغضب : انا عاوزه اسمعك انت يا بشمهندس يا محترم..... البت دي كانت هنا عاوزه ايه والمنظر اللي خرجت وشوفتك فيه دا اسميه ايه.... يا محترم يا راجل البيت يا اخو البنات
سليم باستغراب : منظر! منظر ايه احنا كنا قاعدين في الجنينة بنتكلم عادي.... لا كنت حضنها ولا ببوسها
عايده بتريقه : مهو دا اللي كان ناقص يا بشمهندس... بعد مسك الايد.... وايدك التانيه علي وشها
سليم بضيق :يا ماما احنا كنا بنتكلم... ومسكت ايدها عشان نتفهم مش اكتر
مروه بابتسامه وتريقه : و تفهم ايه ان شاء الله اللي محتاج مسك الايد
سليم يبص ليها بغضب :و انتي مالك انتي بتدخلي ليه... اسكتي خالص ملكيش دعوي بحياتي
عايده بغيظ : وياتري انا كمان مدخلش في حياتك يا سليم
سليم : لا طبعا يا ماما حضرتك حاجه تانية... وانا كنت هتكلم مع حضرتك... بس حبيت اكلم مع لين الاول
عواطف بغضب : والله عال ياسي سليم.... كويس جدا.... بقي رائي بعد رائي ست الحسن... وياتري كنت بتاخد رائيها في ايه
سليم بهدوء : انا عاوز اتجوز لين
عوطف تقف بغضب شديد :وانا مش موافقه البت دي اخر واحده ممكن تجوزها (تخرج شروق من اوضتها علي صوتهم)
شروق باستغراب : في ايه مالكم اصوتكم عاليه ليه
مروه باستهزاء : اصل سليم عاوز يتجوز لين وعاوزنا نروح نخطبها ليه
شروق بفرحه تجري علي سليم : بجد يا سليم الف مبروك انا كنت حسه انك بتحبها
عايده بغضب وزعيق : اخرصي يا بت انتي خالص (وتبص لسليم) انا مش موافقه يا سليم.... وشيل البت دي من دماغك.... الجوازه دي لا يمكن تتم ولو اخر واحده في الدنيا مش هتجوزها
سليم بعصبيه وغضب : لا هتجوز.... انا هتجوز لين يا ماما ومش هتجوز غيرها.... ودا اخر كلام عندي
و
سليم قال كلمته وخرج وسيب البيت
شروق تبص لأمها بحزن : ليه كده يا ماما... لين بنت كويسه جدا و
وقبل ما تكمل عايده ضربتها قلم علي وشها
عايده بغضب : انا مش عاوزه اسمع صوتك... اجري علي اوضتك مش عاوزه اشوف وشك انتي اللي دخلتي المصيبه دي بتنا.... غوري من وشي
تجري شروق وهي بتعيط وايدها علي وشها
تقرب مروه من امها بمكر : شوفتي... صدقت كلامي... اهو من اولها ابنك وقف في وشك.... هاااا تعملي ايه هتسبيه يتجوز البت دي وتاخده منك
عايده بغضب : مستحيل اخليه يتجوزها....يا انا يالبت دي.... انا هلقي حل وهرجع ابني تاني لحضني
#بقلم_ولاءيحيي
💖💖💖💖💖💖💖💖💖💖💖💖💖
لين بعد ما خرجت من بيت سليم دخلت بيتهم وهي مضيق من الحصل... وكانت عينها ملينا دموع... فقعدت لوحدها في الجنينة ودمعها نزلت وهي بتفتكر معاملة ام سليم ومروه ليها... اول مره حد يعاملها بشكل دا
لين قعده تكلم نفسها : انا اللي غلطت ازاي اقعد معاه لوحدي وفي جنينة بيتهم وازاي اسمح ليه يمسك ايدي ويلمسني... هي عندها حق انا اللي غلطانه
تعيط ودمها تنزل... في الوقت دا رامي كان رجع البيت... هو بعد كلامه مع لين.. لما رجع البيت
وطلع اوضته وبقي لوحده فضل يعيط ويتألم علي حبه اللي ضاع وحبيبته اللي مش حسه بيه بس بعد وقت قرر انه ميضعفش ويشغل نفسه في شغله فلبس هدومه ونزل المستشفى... وكان لسه راجع وكان تعبان نفسيا وجسديه
بس اول ما دخل و شاف لين قعده في الجنينة وكان هيطلع بس لما شوفها بتمسح دموعها... قلبه ما سمحش ليه انه يطلع ويسيبها ف راح لعندها
رامي بيقرب منها : لين
لين تلف وشها وتمسح دمعها بسرعه : ايوه يا رامي
رامي يقعد جمبها بقلق : مالك يا لين بتعيطي ليه مين اللي زعلك... (و يبص ليها بابتسامه) مع ان صعب أن حد في البيت هنا يكون هو اللي مزعلك
لين تبتسم وتحاول تداري دمعها : وليه بقي صعب أن حد من البيت اللي يزعلني
رامي بابتسامه : اولا لان الكل اللي في البيت بيحبوكي ومابيقدروش علي زعلك
لين بابتسامه : اممممم وثانيا
رامي يبص لها بحب :ثانيا ماحدش يقدر يزعل ملاك زيك
لين تبتسم و تبص للأرض
رامي يحس انه كسفها وانها ممكن تفكر انه بيحاول يتقرب منها تاني
رامي بابتسامه :وثالثا بقي و الأهم
فلين ترفع راسها وتبص ليه : ان لو حد من البيت اللي زعلك كانت نناه موتته... والحمد الله انا لا شايف دم ولا بوليس
لين تضحك
رامي بابتسامه : ايوه كده اضحكي .... قوليلي زعلانه ليه
لين تفتكر فترجع الدموع لعينها
لين بحزن : ابدا بس سيلا وحشتني اوي... و حسه ان البيت بقى فاضي من غيرها
(ودا كان شعور لين حقيقي فرغم وجود اهلها حاوليها بس سيلا هي اقرب حد للين و الحضن اللي لين بتستخبي فيه لما بتزعل وهي كانت محتاجها في الوقت دا)
امير ينزل الجنينة بعد ما كان شاف لين من بلكونه اوضتها وهي بتعيط... فلم نزل لقي رامي قعد معاها وسمعها وهي بتقول سيلا وحشتني
امير يقرب منهم بابتسامه : دا مين اللي جايب سيره سيلا
رامي ولين يبصوا وراهم
رامي بابتسامه : تعالي يا سيدي شوف ... اللي لين زعلانه وبتقول سيلا وحشتها
امير يقعد جمبها : يا شيخه حرام عليكي افتكري لينا طبق رز بلبن احسن
لين بابتسامه : رز بلبن... بقي تبدل سيلا بطبق رز بلبن
رامي بضحك :انا عن نفسي... موافق ابدلها بعلبه زبادي
رامي يضحك هو وامير
لين بابتسامه : والله انتم أشرار... طيب ايه رائيكم بقى ان البيت وحش من غيرها... (وتتنهد) كانت عمله جو وحس في البيت
امير بابتسامه : بصراحه في دي عندك حق.... كان زمانها عمله الف مقلب وسامعين صريخ مالي البيت
رامي يضحك اوي :فاكرين لما علقت فار لعبه بحبل علي باب شقه عمي فايز وضربت الجرس واستخبت وهي مسكه طرف الحبل... واول ما طنط سلوي فتحت الباب سابت الحبل و الفار وقع عليها
لين وامير و يفتكره ويموته من الضحك
امير يضحك اوي :وطنط سلوي كانت في الوقت دا نايمه وصحه من النوم فتحت الباب... فعينيها كانت مورمه والكحل سايح وشعرها منعكش ولبسه جلبيه منقرشه و الوانها غريبه واول ما الفار وقع فضلت تصوت تصوت ونزلت تجري على شقة ناناه
رامي بضحك شديد : واول ما دخلت عند نناه بشكلها دا وشعرها وعينيها... نناه خافت وصوتت واستخبت ورا الكنبة... وفضلت تصرخ وتقول سلام قولا من ربنا رحيم انصرف انصرف
لين عينها دمعت من الضحك : ااااه هموت مش قادره
رامي بضحك : و نناه لما عرفت انها طنط سلوي فضلت تزعق و تقولها.... انتي كنت نايمه جنب ابني بشكل دا.... علشان كده الواد شعره ابيض دا انا انصرعت لما شوفتك امال هو يعمل ايه وهو نايم جمبك كل يوم
فضلوا يضحكوا ويفتكروا وصوتهم كان عالي وصل للبيت كله.... فكل نزل على صوتهم وقعدوا معاهم ولين نسيت زعلها.... وفضله طول اليل يضحك ويهزرو وصوتهم وصل الاخر الشارع
وفي اخر السهرة امير يقرب من لين ويحط ايده علي كتفه ويبوس راسها و يقرب من ودانها
امير : دموع الصبح كانت لسبب تاني انتي هتقولي عليه (لين تبص له فيطبطب على وشها بحب) انا موجود وهاسمعك في اي وقت.. ماحدش هيسمعك والا يفهمك ويساعدك زاي انا ممكن اكسر الدنيا كلها و ماشفش دموعك دي تاني ابدا اتفقنا
( لين تحرك راسه بالموفقة مع ابتسامه )فيضمها امير لحضنه
وتخلص السهره ولين تطلع اوضته علشان تنام بعد سهرتها مع عيلتها الجميلة
#بقلم_ولاءيحيي
💖💖💖💖💖💖💖💖💖💖💖💖💖
سليم بعد ما ساب مامته طلع علي شقته الخاصة وواقفه في البلكونة يبص علي لين وشافها وهي بتعيط وشاف رامي ازاي قدر يخليها تضحك وتنسي زعلها وعرف يمسح دموعها
فبقي مضايق وغيران ان هو يكون سبب دموعها و رامي هو اللي يضحكها و يمسح الدموع
فقرر انه لازم لين ما تنمش وهي زعلانه منه ولازم يصلحها ويفضل يقرب منها وما يسمح لحاجه تفرقهم
فنزل اشتري هديه ليها ورجع وفضل مستني لما كلهم طلعوا وشاف نور خفيف في اوضت لين وعرف انها في اوضتها فتصل علي تلفونها
لين لما طلعت ماقدرتش تنام فقعدت ترسم هي بتحب الرسم... ودايما بترسم لما بتكون مضايق علشان تخرج من الضيق دا ورسمتها بتطلع جميله جدا... وهي قعد لقيت تلفونها بيرن برقم غريب فمرديتش عليه ورقم فضل يرن اكتر من مره وهي مابتردش وسرحانه في رسمتها
وسليم افتكر انها مش عاوزه تكلمه فنزل اخد تلفون شروق من غير ما تحس واتصل بيها
لين لقيت تلفونها بيرن برقم شروق فاستغربت وردت
لين : الو
سليم بضيق : مساء الخير يا لين انتي نمتي
لين قلبها دق لما سمعت صوته : مساء للنور لا لسه منمتش
سليم بضيق وزعل : طيب ليه مرديتش عليا لما اتصلت بيكي
لين باستغراب :اتصلت بيا امتى.... هو الرقمك اللي كان بيرن رقمك... سوري يا سليم انا معرفش والله انه رقمك.... و انا مش برد علي ارقام مش عارفها
سليم بابتسامه : بس انا بعتلك رساله علي الواتساب قبل ما اتصل وعرفتك انه رقمي
لين : انا في الاجازه بقفل النت ومش بفتحوا عشان كده مش ظاهر اسم ولا الرسالة الواتس وصلت ليه
سليم بارتياح : يعني لو كنتي عارفه انه رقمي كنتي هتردي عليا
لين بحب : طبعا يا سليم اكيد لو اعرف انه انت اللي بتتصل هرد.... بس انت متدنيش رقمك والا اخدت رقمي وعلشان كده ماتوقعتش انه انت اللى بتتصل
سليم بابتسامه : ماكنتش محتاج اخد رقمك هو اصلا معايه من زمان ودايما بدخل اتابع الواتساب بتعك وشوف صورك
لين تفرح وتكسف ومتردش
سليم : لين
لين : ايوه
سليم بضيق : متزعليش يا حبيبتي علي الحصل النهارده
لين بضيق تحاول تخفيه : انا مزعلتش
سليم : انا شوفتك وانتي بتعيطي وشوفت رامي وهو بيضحك.... كان نفسي اكون انا اللي امسح الدموع دي بس ماكنتش اقدر اجي اصالحك لأني مليش صفه في حياتك لحد دلوقتي
لين بابتسامه : متقولش كده انت اهم حد في حياتي كلها
سليم بابتسامه : دا بيني وبنك يا لين... لكن انا ماكنتش اقدر اجي بيتكم واصالحك جنت هاجي بأي صفه .... لين انا عاوز الناس كلها تعرف انك حبيبتي وليه انا وبس.... علشان كده لازم نتجوز لاني مش هسمح ان حد يكون سبب لضحكتك غيري انا مش هقول يمسح دموعك لأني عمري ما هسمح لدموع تنزل من عيونك تاني ابدا يا حبيبتي
لين تفرح اوي بكلامه
سليم حس بكسوفها فأبتسم : ممكن تقومي تفتحي البلكونة
لين باستغراب : افتح البلكونة ليه
سليم : عاوز تكوني اخر وش اشوفوه قبل ما نام و عاوز اديكي حاجه.... ويلا قومي مش عاوز اي اعتراض
لين تقوم وتفتحها البلكونه وفضلت تبص يمين وشمال وتحت وفوق خايفه حد يشوفها
سليم كان واقف في البلكونة قدمها ومسك التلفون وهي وقفت بصه ليها وساكت ( البلكونة ماكنتش بعيده ولا قريبا بس كانوا شايفين بعض كويس) سليم سرح في جمالها في هي كانت لبسه ترنج بينك بناتي وشعرها الطويل سايب علي ظهرها
لين بكسوف من نظراته : سليم انا هدخل احسن حد يصحي ويشوفنا
سليم بابتسامه : استني شويه لسه ماشبعتش منك مع اني عارف ان عمري ما هشبع
لين تبتسم :سليم بطل دلع احسن حد يشوفنا
سليم بابتسامه : طيب استني خدي الهديه
لين باستغراب : هديه ايه.... واخدها ازاي
سليم مردش لأنه حط التلفون على السور ....ومسك عصايه طويله اوي وعلق في طرفها شنطة هداية وفضل يقرب العصاية من بلكونه لين لحد ما أخذتها ودخلت تجري... تفتح الهديه تلقي عروسه جميله شكل النونو بظبط ومعاها شكولاتة كتير اوي فتفرح جدا بالهديه
سليم بابتسامه : عجبتك
لين بفرحه : اوي يا سليم حلوه اوي
سليم بابتسامه : الشوكولاته ليكي بس العروسة مش ليكي
لين باستغراب : امال لمين
سليم : لبنتنا... العروسه تشيلها عندك امانه لبنتنا ولما تيجي تد يهالها
فلين تكسف اوي وتبتسم : لا دي بتعتي انا... لما هي تبقى تيجي ابقي هاتها لها واحده تانية
سليم يضحك : حاضر يا حبيبتي.... (و يتنهد) لين هتفضلي في مصر معايا مش كده.. يا حبيبتي مش هتبعدي عني تاني.... وكلمي عمي فؤاد زي ما قولتلك.... انا عاوز اتجوزك وتفضلي قدم عنيا وفي حضني
لين بحب :حاضر يا سليم... بس ممكن نستنا شويه لحد لما القي الوقت المناسب
سليم بابتسامه : نستنا مس مش كتير يا حبيبتي انا عاوزك معايا على طول
يفضلوا لين وسليم يتكلموا لحد ما ينامو والتلفونات علي ودنهم
#بقلم_ولاءيحيي
💖💖💖💖💖💖💖💖💖💖💖💖💖
و الصبح وفي بيت سليم عايده قعده علي السفرة ومروه وشروق بيجهزه الفطار
عايده كانت قعده مضايقه فهي من ساعة المشكلة ماشفيتش سليم ومتعرفش هو رجع البيت والا لا فأول مره ميدخلش عليها اوضتها قبل ما ينام ويسلم عليها
عايده بضيق : شروق بت يا شروق
شروق بحزن : نعم يا ماما
عايده : روحي صحي سليم علشان يفطر
شروق : سليم مش موجود مانمش في الشقه
وفي الوقت دا دخل سليم ويبص عليهم وميكلمش ويروح لااوضته وقبل ما يدخل
شروق تبص ليه بحزن : سليم تعال افطر معانا
سليم يبص لمامته بضيق : افطروا انتم
ويدخل اوضته ويقفل الباب بقوه
شروق تتنهد بضيق وتروح المطبخ وهي زعلانه علي حال اخوها و قسوة مامتها
مروه تقعد جمب عايده :شوفتي اتغير ازاي من اول ما دخلت حياته.... هتعملي ايه دلوقتي دا شكله مصمم
عايده تبتسم بشر : هجيب له اللعبة اللى شبطان فيها وعاوزها
مروه بعدم فهم : لعبه!!!!! لعبة ايه دي
بقلم_ولاءيحيي
💖💖💖💖💖💖💖💖💖💖💖💖💖
التعليقات على الموضوع