قصة لست عاهرة (الجزء الخامس + السادس)
لست عاهرة
الفصل الخامس + السادس
============
نعم هذا هو الحل حتي أضع حد ونهاية لهذا الموضوع والتفت واتفرغ لدراستي ..!!!
وأمسكت بهاتفي وقررت الاتصال بها ولكن اوقفني دخول عبير الي غرفتي في لهفة وقالت لي
عبير : دنيا في واحده زميلتك بره وعاوزاكي
دنيا : زميلتي ..؟ مين يا عبير ..؟؟
عبير : لا انا معرفهاش بنت مزه وشيك كده اول مره اشوفها بتقول ان اسمها "مهره"
دنيا : بتقولي مين يا عبير ....!!؟؟؟؟؟؟
مهره ؟؟؟
ما سبب بها هذه الزيارة الغريبة ..؟؟
وكيف عرفت عنوان منزلي ..؟
بدون ادني شك لم أكن أتوقع زيارة مهره لي بمنزلي ابداً ..!!!
عبير :
مالك يا دودو تنحتي ليه كده ...
مش هتخرجي تشوفي صاحبتك ..؟
دنيا : اه طبعا هخرج روحي يا عبير اقعدي
معاها وقدميلها حاجه تشربها عقبال مغير
واخرجلكم ..!!
بدلت ملابسي ورأسي بها الف سؤال كلها تدور حول هذه الزيارة ..!!؟
ولكن لماذا أرهق ذهني بأسئلة لا يوجد لها إجابة عندي ومن تمتلك الإجابات موجوده بالخارج
فقط عليـ الخروج لها وسوف اعرف كل شئ ..؟
دنيا : ازيك يا مهرة عامله ايه نورتي
مهره :ازيك يا حبيبتي وحشتيني ايه الغيبه
الطويلة دي مبتجيش الجامعة ليه ..؟؟
طمنيني عليكي انتي كويسة ..؟؟
دنيا : الحمد لله انا تمام بس كنت حابه اقعد في
البيت فتره أراجع وأركز عشان الامتحانات
قربت وانتي عارفه كليتنا اد ايه صعبه ..!!
مهرة : اه طبعا ربنا يقويكي ويوفقك يا قمر بس
برده كنتي سيبي فونك مفتوح نعرف نطمن
عليكي حتي ولا انتي مش عاوزه تعرفيني ؟
دنيا وابتسمت : لا والله ابدا ليه يعني بس هو
الموضوع جيه كده مش مقصود ..!!
مهره : امممم ماشي طبعا عاوزه تسأليني جايا
ليه وعرفت عنوانك منين ...؟؟
دنيا : لا حضرتك نورتيني وتشرفي في اي وقت
ده بيتك مع انه مش قد المقام وبأبتسامة
خفيفة :بس بصراحة اه نفسي اعرف انتي
عرفتي العنوان منين ..؟؟
مهره : عادي سألت "نرمين" صاحبتك وهيا
اديتني العنوان حتي هيا كمان اتصلت
بيكي كتير وكان نفسها تطمن عليكي .. ؟
وبصراحة انا جيتلك بعد ما "أشهد" هوه
اللي طلب مني كده لانه من وقت ما بطلتي
تيجي وهوه قلقان جدا عليكي وكان كل يوم
يسأل عليكي ويطلب مني اني أجي اشوفك
وأطمنه ده حتي كان عاوز يجي معايا بس
انا قولتله مينفعش يجي ..!!
دنيا : امممممم ماشي عموما كويس ان حضرتك
جيتي عشان انا كنت عاوزة اكلمك اصلا
وأسألك عن حاجه ..؟
مهرة : امممم أتفضلي أسألي ..؟؟
دنيا : هو انتي تعرفي ان صالح جوزك كلمني
في التليفون ..؟؟
مهرة : اه طبعا عارفه ده واخد الرقم مني ..!!
دنيا : اممممم تمام وعارفه كمان قالي أيه عن
أشهد اخوكي ..؟؟
مهرة : اه عارفه كل الكلام اللي هوه قالهولك وهوه
مكدبش عليكي في حاجه ...!!!
دنيا : يعني كل كلامة صح وأشهد فعلا مريض
بمرض نفسي ..؟؟
مهرة : اه فعلا والحكاية دي من بدري بس هوه
هوه حاليا كويس جدا ومش بيظهر عليه اي
أعراض الا لو حصل اي ارتباط عاطفي
فده ممكن يفكره بالموضوع ويعمله مشاكل
هوه والحد اللي هيرتبط بيه وده لفتره معينة
لحد مينسي مشكلته القديمة وده كلام
الدكاترة وانا جايا النهارده عشان أأكد كلام
صالح انك متدليهوش الفرصة انه يتعلق
بيكي اكتر وتحاولي تتجاهليه رغم انه بعتني
عشان اعمل العكس بس مصلحته اهم ...!!
دنيا وبضحك وسخرية : ههههههه مش عارفة
ليه كلامك انتي وجوزك محسسني اني
بجري ورا اخوكي ده وعاوزه اتجوزه ولا
حاجه ده علي ايدك انا لسه عارفاه من كام
يوم ومفيش بينا اي حاجه وعموما انا مش
عاوزه اعرفه تاني وبالأخص لو ده لمصلحته
مهره : مش عاوزاكي تزعلي من كلامي وانا عارفه
فعلا ان مفيش حاجه في دماغك من ناحيته.
والا مكنتش جيت كلمتك اصلا ....!!؟؟
بس هوه معجب بيكي جدا وقلق عليكي جدا
لما غيبتي ولو الموضوع طول هيكون مش
كويس وهيتعلق اكتر بيكي ..!!
دنيا :عموما انا فعلا نازلة الكلية من بكرة ولو
شوفته هعامله زيه زي اي زميل عادي جدا
وده فعلا اللي كنت ناوية اعمله ..!!
مهره : تمام وانا مرة تانيه بتأسفلك اني جيتلك
كده من غير ميعاد وياريت بعيدا عن اي
شئ نكون اصحاب ..؟ مع السلامة ..!!
اه وهعرفه اني قابلتك وأنك رايحة بكرة
الكليه وطبعا انتي مش محتاجه اقولك ان
موضوع المرض النفسي ده سر ما بينا
محدش يعرفه وبالأخص أشهد .؟؟
دنيا : تمام ولا يهمك نورتي واكيد هنكون اصحاب
مع السلامة ...!!
اذاً بالفعل أشهد مريض فليس من المعقول ان تكون مهره كاذبة هي الأخري اذا افترضنا ان صالح كان كاذبا وبالاحري انها اخته وليس لها اي مصلحة ان تسوّء صورة أخاها وتنسب اليه انه مريض نفسي وهو غير ذلك ..!!
اذا الحل هو ان ابتعد عن طريقة نهائيا وأبعده عن طريقي وانا حتي هذه اللحظة لم أخسر شئ فأنا احمد الله ان هذه القصة ستنتهي مبكرا قبل ان كان يزداد تعلقي به اكثر من ذلك وإلا كان الامر سيكون اكثر تعقيداً ..!
وابتداءً من الغد سأذهب الي كليتي واذا رأيتة سأتجاهلة ولو اضطررت ان اتحدث معه سيكون حديثاً محدودا وفي إطار اننا زملاء لا اكثر من ذلك ومن المؤكد انه مع الوقت سينساني
ويفقد الأمل ان نكون اكثر من مجرد زملاء ..!!
في فيلا عائلة أشهد : ..
أشهد : بلهفة : ايه عاملتي ايه قابلتي دنيا ..؟
مهرة : يا عم اصبر عليا أخد نفسي طيب ؟مالك
كده ملهوف عليها اتقل شويه يا أش أش !!
أشهد : اخلصي وبطلي برود بقا قولي قابلتيها
ولا لأ ..؟
مهرة. : انا روحت وسألت عليها في العنوان اللي
نرمين اديتهولي بس للاسف ..؟؟
أشهد : للأسف أيه ملقتيهاش ..؟ انتي اصلا
تلاقيكي مروحتيش ولا سألتي انا عارف
انتي زيهم مش عاوزه الموضوع ده يتم
اصلا ، ماشي انا هتصرف يا مهره ...!!؟
مهرة : ههههههه واطي انت يا أش أش بقول
للأسف لاقتها وكلمتها هههههه ويلا بقا انا
طالعة انام باي يا واطي ...!!
أشهد وقد عادت الابتسامة الي وجهة وردت إليه
روحه: حبيبتي انتي يا مهره والله دانا
بهزر معاكي قولي بقا عملتي أيه ..؟؟
مهره. : حبيبتك دلوقتي ماشي ..!! ع العموم يا
عم انا قابلتها وهيا زي الفل وهتيجي
الكلية بكرة كمان ...!!
أشهد : بجد يعني هشوفها بكره طب هيا كان
مالها مش بتيجي الكلية وقافله تليفونها ليه؟
مهره : مفيش بتقول انها كانت بترتاح وتراجع
شويه قبل الامتحانات بس انا عارفه ده
دلع بنات بتتقل عليك شويه يا اهبل
أشهد وعينونه ممتليئةبالفرح: بجد وحيات ربنا
يعني اكيد جايا بكره..؟ بجد يا مهرة ؟؟
مهرة : اه يا عم هتيجي قولتلك اتقل شويه!!
أشهد : ربنا يخليكي ليا يا احلي وأجمل مهره
في الدنيا وأجدع اخت ربنا يخليكي ليا
وضمهالصدرة بكل حب وحنية ..!
نظرت له مهرة نظره كلها شفقة وقد ظهر الحزن علي وجهها وكادت عينيها ان تدمع عندما احتضنها وشعرت بتأنيب الضمير ..؟؟
أشهد : مالك يا حبيبتي في أيه ..؟؟
مهرة : مفيش بس وفر الكلام الحلو ده للست
دنيا حبيبة قلبك ومسكت دمعتها وقالتله
انا هطلع فوق ارتاح شويه ، هوه صالح
جيه من الشغل ..؟؟
أشهد : اه جيه من شويه وطلع و كمان ابقي
عدي اطمني علي بابا عشان تعب شويه
وجاتله أزمة القلب والدكتور جاله بس
متخافيش هوه كويس دلوقتي الحمد لله ..!
صالح : ايه عملتي أيه قابلتيها ..؟؟
مهره : اه قابلتها وقولتلها كل حاجه وقولت لاشهد كمان كل اللي اتفقنا عليه بس أشهد صعبان عليا اوي يا صالح ومش عارفه اللي احنا بنعملة ده صح ولا غلط ؟؟
صالح : هنعيده تاني يا مهره متخافيش يا
حبيبتي انا عارف انا بعمل ايه وروحي
اطمني علي الحاج عشان تعب شويه
في الجامعة
أشهد : دنيا ..؟؟دنيا دكتوره دنيا ..؟
ايه معديه كدة مفيش حتي سلام ولا ازيك ولا اي حاجه ؟
دنيا : ازيك يا دكتور معلش مخدتش بالي ازيك
عامل ايه ..؟؟
أشهد : انا تمام المهم انتي ازيك وايه الغيبه
الطويلة دي دانا قلقت عليكي جدا بس
الحمد لله مهرة طمنتني ...!!
دنيا : كويس انك اطمنت ، بعد إذنك بس عشان
عندي محاضرة مهمة سلام
وتركته وأكملت طريقها
أشهد وقف متعجبا من طريقة كلامها الغير متوقعه ثم رفع صوتة مخاطبا لها: طب انا هستناكي بعد المحاضرة ..؟؟
لم ترد علية وأكملت طريقها بإتجاه المدرج !!
في اخر اليوم ..
أشهد : ممكن اتكلم معاكي شويه ..؟؟
دنيا : معلش يا أشهد لازم اروح علي طول
عشان مينفعش أتأخر ..!!
أشهد : ومستغرب جدا : طب ممكن افهم في ايه
هو انا عملت حاجه ضايقتك ..؟؟
دنيا : لا مفيش بس مالوش لازمة يعني نقف
ونتكلم كده مفيش ما بينا كلام اصلا
هنتكلم في ايه وبعدين انا لازم امشي
سلام يا دكتور ...
استاء اشهد جدا من معاملة دنيا السيئة له متسائلا لماذا كل هذا التجاهل المفاجئ
ومهره كانت تقف علي مسافة تراقب الموقف بدون ان يراها احدا منهم ومن ثم تقابلت مع اشهد للعوده الي المنزل بسيارته ...!!
أشهد : انتي متأكدة يا مهره ان دنيا قالتلك انها
مش زعلانه مني في حاجه..؟؟
مهره : أأأه هيا قالت كده ليه بتسأل ..؟؟
أشهد : أصلها مادتنيش فرصة خالص اني اتكلم
معاها وروحت علي طول وكان شكلها مش
مبسوط خالص انها شافتني ..!؟
مهرة : قولتلك يا أشهد ده دلع بنات وانت كمان
لازم تتقل شوية ..!!
أشهد : بصراحة مش قادريا مهره انا بحبها بجد
واتعلقت بيها جدا ومش هقدر ابعد عنها
وانا في طريقي للمنزل خطر علي ذهني سؤال
اذا كان اشهد مريضا فعلا فما هذا العلاج الغريب الذي يقول انه اذا احب عليه ان يبتعد عن من احببه حتي يكون بخير ..؟؟
حقاً انها طريقة جديده وغريبة للعلاج النفسي ..!!
فأنا اعلم ان الحب يساعد علي تخطي الصعاب ويحسن من الحالة النفسية ويجعل الانسان سعيدا وليس مريضاً ..!!!
وهذا الأشهد انا اعلم انه يحبني من كل قلبه هذا واضح من توتره وارتباكه عندما يراني مصادفتاً عندما يكون في قمة سعادته وهو يتحدث معي ، من بريق عينيه عند تصادم عينينا ببعض كل أفعاله تدل علي هذا ، وانا لا أنكر اني انا الأخري أصبحت مشدوده له وكثيراً ما أفكر فيه !!
وأخيرا اتمني ان تنتهي هذه القصة بدون ان اظلم أشهد وبالطبع دون ان اظلم نفسي ..!!؟
فيلا عائلة اشهد
صالح : ايه يا مهره اللي حصل بينهم والموضوع
ماشي ازاي ...؟؟
كله حاجة كويسه ولا البت دي بتلعب علينا
وبتكلم اشهد لسه ..؟؟
مهرة : كله تمام ودنيا بتتجاهله علي الاخر ومش
بتتكلم معاه خالص تقريبا وكل حاجه
ماشية زي مخططنا وأشهد نفسيته زفت..!
نفس الموقف يتكرر يوميا اثناء وجودي بالكلية عندما اتقابل بأشهد وهو يحاول محادثتي وانا اتجاهله واتركه وأرحل وكل يوم تسوء حالته النفسية عن اليوم الذي قبله ومع مرور الوقت اصبح ينظر لي من علي مسافه والحزن يتملكة ولا يحاول ان يحدثني وكأنه قد فقد الأمل ..!!
والغريب ان انا من بات يريد رؤيتة كل يوم ..؟؟
نعم اريد ان أراه حتي اذا لم نتكلم فهو احياناً
بيوحشني ..!!
انتهيت من كليتي في احد الأيام وكنت لم أراه بالجامعة منذ يومين وأثناء خروجي من البوابه وجدته يقف بسيارته بجوار سور الجامعه فتجاهلته كالعاده وأكملت طريقي ولكنه نادي عليـ
أشهد : أنسه دنيا ..؟
دنيا لو سمحت عاوز اقولك حاجه ضروري ..؟
دنيا : نعم يا أشهد في حاجه ؟
أشهد وكانت الدمعة تقف عند باب عيونه وقال ..؟
انا بحبك ..!!!
والله العظيم بحبك ...!!!
انا مش عارف اذاكر ولا انام ولا اعمل اي
حاجه في حياتي غير اني أفكر فيكي
انتي ليه بتعامليني كده ..؟؟
وهنا فتح باب عينيه وخرجت دموعه ..!!
وعندها كانت دموعي ايضا ستهطل ولكنني تماسكت ..!!
أدار وجهه ومسح دمعته ثم نظر إلي مرة اخري وقال لي انا بحبك يا دنيا بجد وارجوكي لا تتركيني وسالت دموعه بغزارة هذه المرة وانا من بعده لم استطع ان أتمالك نفسي وبكيت علي بكائة ..!!
أدركت حينها اني بالفعل أحبه من كل قلبي
وفي هذا الوقت لو كنت انا الرجل وهو الانثي لكنت ضميته لصدري واحتضنته ويحدث ما يحدث وليحترق العالم بما فيه فأنا لن أجد من يحبني كل هذا الحب ولو بحثت في كل شبر بالعالم ، يكفي ان "دموع رجل" سالت لأجلي ...!!!!
وهنا نظرت له وقولت ..؟؟
يتبع😍😍
لست عاهرة
الفصل السادس
==•=====•====•
أدركت حينها اني بالفعل أحبهُ من كل قلبي
وفي هذا الوقت لو كنت انا الرجل وهو الانثي لكنت ضميته لصدري واحتضنتهُ ويحدث ما يحدث وليحترق العالم بما فيه فأنا لن أجد من يحبني كل هذا الحب ولو بحثت في كل شبر بالعالم ، يكفي ان "دموع رجل" سالت لأجلي ...!!!!
وهنا نظرت له وقولت ..؟؟
علي فكرة بقا انا كمان معجبة بيك ..!!
ومديت ايدي بمنديل واديتهوله ..!!
بقولك ايه ياض يا أش أش انت مش كنت عاوز
توصلني قبل كدة ..؟؟
أشهد وابتسم بعد ما كان يبكي وقال اه كنت عاوز ولسه عاوز وهفضل عاوز ..!!
دنيا : طب يالا تعالي وصلني بعربيتك المعفنة
دي حتي نوفر أجرة الميكروباص ..!!
أشهد : بجد هتخليني اوصلك ..؟؟ طب يلا اركبي
بسرعة قبل مترجعي في كلامك
وركض مسرعا وفتح باب سيارته
دنيا : بتعرف تسوق ولا أية وعارف منطقتي ولا
اوصفلك تلاقيك مدخلتش المناطق دي قبل
كده ...!!؟؟
أشهد : انتي بجد معجبه بيا يا دنيا ..؟؟
دنيا : ملامح وجهها تبدلت كلها وبصوت منخفض وخجول قالت له : اه معجبه بيك وخلاص بقا غير الموضوع ده الله ..!!؟
أشهد : وقد لمعت عينيه فرحاً وقال :
طب ليه كنتي بتعامليني كده ليه كنتي
بتحاولي تبعديني عنك انا كنت بموت في
كل يوم مش بشوفك فيه انا بحبك بجد ..
مش عارف ازاي وليه وامتي بس انا بحبك
دنيا : وبعدما اخذت نفس عميق :
مفيش يا أشهد انسي اللي فات خلينا في
اللي جاي انت بقا احكيلي عن نفسك انا
تقريبا معرفش حاجه عنك ..؟؟
أشهد : اممم يعني الملخص أنا أشهد او أش أش
ابن رجل اعمال كبير امممم معملتش
حاجه مهمة في حياتي تقريبا، ارتبط قبل
كده مره بس كانت تجربة فاشلة يعني
مخدتش وقت، عاوز اخلص كليتي واشتغل
واتجوز الانسانة اللي بحبها
ثم نظر اليها وابتسم وهيا ايضا ابتسمت له !!
انتي بقا احكيلي عن نفسك شوية ..؟؟
لم يحدثني عن مرضة النفسي ..؟؟
اذا من المحتمل ان تكون مهرة وصالح كانوا يكذبون عليـ ...؟؟
لا لا
من الممكن ان يكون اشهد هو من خاف ان يحكي لي عن مرضة حتي لا اتركه او حتي لا يعرف كيف يحدثني في هذا الموضوع ومع الوقت سوف يحدثني ويخبرني به
أشهد : ايييييييييه بقولك احكيلي شوية عن نفسك
مش اسرحي شويه ..؟؟
دنيا وقد فاقت من غفلتها علي صيحته لها :
الأيام جايا كتير هبقا احكيلك كل حاجه
عشان انا خلاص هنزل هنا ودي منطقتي
منطقة شعبية زي منت شايف ودي اول
حاجه هتعرفها عني يلا نزلني هنا ...!
أشهد :
احلي منطقة لان فيها اجمل دنيا
وماشي أنا هنزلك بس لازم اشوفك بكرة
اوعي متجيش الكلية وهبقا اكلمك فون
اطمن عليكي ابقي ردي ها ردي ..؟
يلا باي
دنيا : فتحت الباب وتركت السياره وقالت له سلام يا أش أش
أشهد : بقولك ..؟؟
دنيا : ايه نعم ..؟؟
أشهد : بحبك !!!!
دنيا : سلام ياض ويلا امشي من هنا ..!!
القسم الذي يعمل فيه صالح وفي مكتبه :
صالح باشا انت عارف كويس ان بنتي مكنتش في وضع مخل وقت محضرتك قبضت عليها انت ورجالتك ولا كان معاها مخدرات ولا حاجه فملوش لازمة المحضر والصحافة اللي بتصور وكل الفيلم ده ..!
قولي انت عاوز ايه وبكل هدوء وانا انفذهولك لكن بلاش تشهر ببنتي وشرفها في الصحافة وأقسام البوليس مينفعش كده يا صالح ..!!
و قول لعمك الحاج "فريد" ان " مالك شداد" هيسيبلك الكرسي ومش هترشح للانتخابات بس بلاش سمعة بنتي يا صالح باشا بلاش..!!!
دي بنت !، حرام عليك تسوء سمعتها عشان موضوع هيا ملهاش في اي دخل من الأساس ..؟؟
صالح وبسخرية قال :
لا لا لا يا حاج مالك ملكش حق والله
عيب كلام سعادتك ده ..، يعني انا برده
هتبلي علي بنت حضرتك ؟وبعدين ايه دخل
عمي الحاج فريد في شغلي..؟ انا بنفذ
القانون وبشوف شغلي ،بنت سعادتك انا
ظابطها بنفسي مع عيل في عربية ،في
وضع اممممم لا مؤاخذة يعني مش ولابد
يا مالك باشا وكمان كان معاها المخدرات
دية مش ظالمها انا يعني ...!! ؟
مالك : قام وقف وبعصبية قالوا :..؟
احترم نفسك انا بنتي اشرف منك ومن
عيلتك كلها يا كلب الحاج فريد ..!!
صالح : متعليش صوتك وتقل أدبك بدل محبسك
مع بنتك وفي كلبش واحد يلا امشي من
هنا وابقا روح شوف بنتك في النيابه ..؟
خد البت اللي برة دي علي الحجز يا بني
اه وقبل متنزلها الحجز اديلها صورتين
بالكلبوش عشان الصحافة ....!!!
في بيت دنيا ..
دنيا : بقولك ايه يا ماما هو انا حلوه ..؟؟
أمها : نعم يا ختي ؟؟ حلوة ايه وزفت ايه قومي
يلا عشان تغسلي المواعين اللي ماليه
الحوض جوه دي ..!!!
دنيا : يعني انا أسالك اذ كنت حلوه ولا لأ تقوليلي
مواعين ماشي يا حاجه ماشي ..!!!
أمها : مالك يا دنيا في أيه ؟ اه حلوه وزي القمر
كمان وانتي عارفه كده كويس في ايه بقا ها
دنيا : لا انا اقصد يعني حلوه لدرجة ان حد ممكن
يعني يحبني وكده من اول ميشوفني ...؟
أمها : اممممممم قولي كده بقا !!؟؟
ايه الحكاية يا ست دودو هاه مين ده اللي
حبك اول مشافك ده قولي واحكي ..؟؟
دنيا : المواعين ...!!
أمها : نعم يا روح امك ..!!؟
دنيا :اه المواعين هيا اللي حبتني وعشان كده
هقوم واسيبك واروح اغسلها ..!!
أمها : ماشي يا دنيا بس هعرف برده وهتقوليلي
في فيلا عائلة أشهد :
مهرة : عامل ايه يا حاج النهارده
فريد : الحمد لله يا بنتي زي الفل امال صالح
لسه مجاش من القسم ..؟؟
مهرة : لا يا بابا بس هوه لسه مكلمني وقالي انه
جاي في الطريق ..!!
اهوه جيه اهوه ..!!
صالح : مساء الخير عامل ايه النهارده يا عمي .؟
فريد : الحمد لله يا بني كويس بس نفسي في
كوباية شاي من أيد مهرتي حبيبتي ..؟؟
صالح : اه والنبي يا مهرة خليهم اتنين ...؟؟
مهرة. : امممم ماشي هقوم اعمل الشاي !!!
فريد : عملت ايه مع "مالك شداد" ..؟؟
صالح : كله تمام وبكره هتسمع فضيحة بنته في
كل الجرائد ومش هيعرف يرفع عينة فيك
تاني واعتبر نفسك خدت الكرسي يا
حضرة النائب ههههههههه
فريد : يلا بقا هوه اللي جابه لنفسه ربنا يخليك
ليا يا صالح ..!!
الو الو الو متردي يا بنتي علي طول هو انا لازم اتصل عشر مرات عشان اعرف اكلمك ..؟؟
دنيا : نعم يا عم كنت بذاكر وقبلها كنت بغسل
المواعين عاوز ايه ..؟
أشهد :مفيش كنت عاوز اقولك بس انك وحشتيني
دنيا : اممممم وانت كمان علي فكرة ..!!
أشهد : هاه وانا كمان ايه هاه ايه ..؟؟
دنيا : احم مممم وانت كمان لازم تروح تذاكر
عشان الامتحانات قربت ..!!
أشهد : دانتي عيلة فصيلة موت انا اصلا مش في
البيت انا لسه بره ..!!
دنيا : وصايع بره لحد دلوقتي بتعمل ايه يا سي
أش أش ومع مين هاه ..؟؟
أشهد : مفيش بجيب حاجه كده لحد مهم عليا
هاه مهم ؟؟
وهقعد مع صحابي شويه واروح
وبعدين الساعة لسه عشره يعني مش
الفجر ولا حاجه وبعدين هو انتي بتخافي
عليا ولا حاجه هاه قولي اكيد بتخافي ..؟؟
دنيا باستهزاء : أخاف عليك ليه يابابا هو انت
مين اصلا انا بس خايفة لمامتك تقلق عليك
ولا يقفلوا الباب ومتعرفش تدخل ..!!
أشهد : هههههههه ظريفه أوي بس عارفة ..؟
بموت فيكي وحيات ربنا ..!!
دنيا وبعدما ابتلعت ريقها : طب يلا بقا موت بعيد وانا
هذاكر شويه وبعدين هنام واشوفك بكره في
الكلية ومتتأخرش يا اشهد هاه يلا سلام
أشهد : عيون اشهد وقلبه حاضر باي يا دنيتي !
في فيلا أشهد : ..
مهرة : الحق يا صالح ماما بتقولي ان بابا تعب
جدا ..!! اتصل بسرعة بالدكتور يجي ..؟؟
بعد مرور وقت قليل
صالح : ايه يا دكتور عمي ماله اول مره يتعب
بالطريقة دي ..؟؟
الدكتور: الحاج فريد لازم يعمل عمليه في اقرب
وقت ..!! الإشاعات اللي عملتهاله اخر
مرة وتعبه النهارده بتأكد انه لازم يعمل
عمليه وبسرعه لاما يا صالح عمك مش
هيعيش كتير اممم يعني مش اكتر من
كام شهر ....!!!
صالح : انت متأكد يا دكتور "عماد" من الكلام
ده يعني لو معملش العمليه هيموت ..؟؟
الدكتور : اه طبعا متأكد يا صالح ده كلام اكيد !
صالح : اممممم طب يا عماد الكلام ده
متقولهوش لحد ولا حتي لحد من ولاده
عشان ميتخضوش ماشي يا عمده ؟؟
وانا هقول للحاج وفي اقرب وقت هسفره
يعمل العملية دي بره مصر ..!!!
عماد : طب تمام يا صالح باشا بس ده يكون في اسرع وقت ..!!
صالح محدثا نفسه :
يعني عمي لو معملش العملية هيموت
اممممم طب دي حاجه كويسه برده !!!!؟؟
مهرة : صالح .. صالح .. ؟؟
صالح : ايوه يا حبيبتي ..؟؟
مهرة : الدكتور قالك ايه ..؟؟
صالح : مفيش يا حبيبتي أزمة زي كل مرة وقال
بس يهتم بمواعيد العلاج وميتعبش نفسه
وهيكون زي الفل وان قلبه حديد متخافيش
يا حبيبتي هيبقا تمام ان شاء الله ..
مهرة : طب الحمد لله انا كنت خايف عليه جدا المره دي وكنت حاسه ان التعب اكبر من كل مرة.!!
في الجامعة : ...
أشهد : ألو ألو ألوووووو..؟
ايوه يا دنيا انتي فين يا بنتي أتأخرتي ليه كده ..؟؟
دنيا : أقفل يا بابا انا قدامك اهوه أقفل ..!!
ايه يا بني ترررن ترررن انا مش قولتلك
في الطريق وقربت ادخل الكلية مالك ..؟
أشهد : صباح الفل علي احلي عيون في الدنيا
دنيا ؛ صباح الخير يا أش عامل ايه ..؟؟
وعلي فكرة بقا انا معنديش النهارده اي
محاضرات بس جيت اشوفك ..!!
قصدي جيت اشوف صحابي احم ..!!
أشهد : وانا كمان فضلت سهران بليل جنب
الرسام عشان يرسملك ديه ..؟؟
وطلع بورتريه جميل فيه صورتها ...!!؟
دنيا متفاجئة جدا وقالت ..؟
يا بن اللذينة دي حلوه جدا علي فكرة بس
جبت الصورة منين هاه ..!؟؟
أشهد : مش مهم ..!! المهم عجبتك ..؟
دنيا : اه عجبتني جدا تسلم ايدك يا أش أش
وهقبلها منك عشان مزعلكش بس متعملش
تاني كده وتجيب اي حاجه ماشي ...؟؟
أشهد : انا نفسي اجبلك الدنيا كلها اجبلك كل
حاجه اي حاجه بس تكوني مبسوطه ..!!
دنيا : انا مبسوطه من غير حاجه وكفايه انك
معايا مش عاوزه حاجه تاني خالص ..!!
أشهد : هاه ؟؟
انتي بتكلميني انا متأكدة ..؟؟
دنيا : اه بكلمك انت واقولك كمان علي حاجه
مهمه .. اناااااا ..؟؟
أشهد وبلهفة شديده جداً:
هاااااه انطقي وقولي انتي ايه ..؟؟؟؟
دنيا : العب باليه ههههههههههههههههههه !!
أشهد بعصبية وغضب :
يا لهوي علي السئاله مشوفتش كدة بصراحة بس تعرفي رغم غلاستك دي انا بموت فيكي واقولك علي حاجه ..؟؟
دنيا وبلهفة قالتله :
حاجه أيه هاه أية ؟؟
أشهد : أحمّر بانيه ههههههههههههههه
( طبعا في ناس كتير مش عاجبها أسلوبي في الكتابه✋✋ فأنا قولت أطينها اكتر واكتبلكم العب باليه وأحمّر بانيه 😂😂 بس انا بكتب حوار واقعي والكلام ده هوه اللي بيتقال في الحوار الواقعي✋✋)
نرجع "للقصرحيه "
الآن لا يمر يوم دون ان اري فيه اشهد فكل الوقت نكون سويا في الجامعه ، في مطعم ، في الكافتريا بالكلية حتي يقلني الي منزلي في نهاية اليوم وفي الليل نتكلم في الهاتف بالساعات قبل ان ننام ، بات متعلقاً بي اكثر من ذي قبل بكثير ، وانا ايضاً تعلقت به جدا واطمئننت له وتأكدت فعليا اني احبه ،و تقريبا كلا منا علم كل شئ عن الأخر ..!!
أما قصة مرضه النفسي فأكاد أُجزم انها كذبه !!
ولكن اذا كانت كذبه فلماذا اصطنعوها من الأساس ..؟؟؟
لا اعلم ..!!
ولكن كل ما أعلمة هو ما رأيتة بأم عيني ، انه إنسان طبيعي جدا ولا يوجد به اي شئ او تصرف يوحي لي انه كان حتي مريض نفسي وليس لازال مريضاً ..!!؟؟
ولكن الأعلم بالحقيقة هو الله ثم أشهد وهو قال لي كل شئ عن حياته ولم يقل لي شيئاً عن هذا الموضوع ..!!؟؟
جالسين في كافتيريا الكلية
دنيا : مش مهره اللي جايا علينا دي يا اشهد ..؟؟
أشهد : اه هيا مهرة ..!!
دنيا : امممممم طب كويس اسلم عليها بقالي
كتير مشوفتهاش ..!!
مهرة : ازيك يا دنيا عامله ايه وحشتيني والله بس
انا دايما بطمن عليكي من أش أش
ده حتي بيقولي أنكم بتشوفوا بعض كل يوم
مش كده يا أش أش ؟؟
ونظرت لي نظرة عتاب ...؟؟
دنيا : اه فعلا بقيت بشوف اشهد كتير بس
تعرفي يا مهرة اشهد بيحبك اوي ..!!
أشهد تركنا ووقف علي بعد خطوات قليله بعد ان رن هاتفه باتصال من الواضح انه إتصال مهم ..؟
مهرة : هوه ده اللي اتفقنا عليه يا دنيا ..؟؟
دنيا : والله انا نفذت كل اللي اتفقنا عليه بس
لاحظت ان اخوكي مقدرش يبعد عني
وحالته النفسية كانت زفت وبعدين انا ..
مهره قاطعتها :
اسكتي دلوقتي عشان هوه جاي علينا ..!!
اشهد : ايه صوتك كان عالي ليه يا دنيا ..؟؟
دنيا : مفيش كنا بنهزر انا ومهره ..!!
مهرة :طب اسيبكم انا بقا عشان صالح هيجي
ياخدني ونروح نشتري حبة حاجات باي
دنيا : كنت بتكلم مين في التليفون يا أش ..؟؟
أشهد : اممممم اللي كنت بكلمه ده هوه تقريبا
الموضوع الوحيد اللي محكتهوش ليكي
لحد دلوقتي وكنت خايف ومتردد اقولهولك
بس انا لازم احكيلك واقولك ..؟؟؟
دنيا : في ايه يا اشهد اتكلم قلقتيني ..؟؟
أشهد : انا كنت بكلم دكتوري ..!!
دكتور نفساني بتعالج معاه ..!!
دنيا : أيه ؟؟
دكتور نفساني ...؟؟؟؟
يعني هما كانوا صح ومكانوش بيكدبوا عليا ..؟؟
يتبع
#لست_عاهرة
#محمود_زغلول
التعليقات على الموضوع