نور💜الجزء الثالث و الاخير💜

خرجت بسرعه من الباب وبصيت علي السلم علشان لو حد نازل بس ملقتش حد فتحت الرساله
"عزيزتي منه انا اسف اني وصلتك للحاله دي انا والله مكنش قصدي ابدا بس خواف بخاف من كل حاجه ،انا يا منه الطفل اللي كان بيقعد في زاويه الفصل وبياكل لوحده ولو اتكلم يتريقوا عليه بسبب ان لساني تقيل كانوا بيقولولي اسكت هتشلنا عبال ما تقول  جمله كان بيتريقوا علي طريقه كلامي علشان كده سكت سمعت كلامهم وفضلت ساكت طول حياتي ،امي ودتني عند دكتور وعملت كل حاجه وانا برده مكنتش بتكلم بدأت احس بالوحده فقررت اكتب رسايل واتكلم مع شخصيه مش موجوده كنت بتعامل علي انها موجوده وحقيقيه كبرت وهي كانت بتكبر معايا وانعزالي عن الناس بيزيد،كلامي ومعاملتي معاهم علي القد جدا،مليش صحاب وبعد ما ماما ماتت مبقاش ليا حد لما بدأت شغل في الشركه اللي انتي فيها وشوفتك حسيت ان انتي ايوة انتي اللي راسمك في خيالي بكل حاجه فيكي فضلت اراقبك سنه
وبقيت بدل ما بكتب لخيالك بكتبلك بعد السنه اتشجعت وكتبتلك  رساله وبدأت بقي ابعت هدايا ورسايل وورد كنت بشوف الفرحه في عينك وافرح وقلبي كان بيرقص ،اكتر فتره حسيت اني مش لوحدي ،لما لاقيتك مصره تشوفيني خوفت وكنت عايز اهرب واسيب الشغل ،لما طلعتي الاوضه كان قلبي هيوقف فعلا واتوترت جدا اكتر ما انا متوتر ولساني بقي اتقل ورعشه ايدي البسيطه بانت اكتر شوفت في عينك انك هتتريقي عليا زيهم واني شخص مستحيل تلاحظي وجوده وخصوصا لما كنت بحاول اتكلم وانتي مش مركزه معايا وملامح وشك مبينه اني اسكت علشان بطول في الجمله ،علشان كده خوفت علي قلبي خوفت ينجرح وجبت هدوم زي هدومك ولبستها وصورت الفيديو  ،علشان اوهمك ان مفيش حد واقنعك بكده بس مكنتش متخيل علشان احمي قلبي اكسر قلبك ولا تخيلت ان دي تكون رده فعلك ،كنت بتعذب وانا شايفك مغمى عليكي انا كنت موجود ومسبتكيش حتي وانتي جايه دلوقتي كنت ماشي وراكي انا اسف اني خواف واسف اني مش حلو واني بلعثم وايدي بتترعش بس انا حبيتك وعايز اسألك سؤال هتقبليني وانا كده ؟
انا فوق في السطح مستني اجابتك ارجوكي  لطفاً بقلبي
*خلصت قرايه وانا مش مصدقه نفسي ولا مستوعبه قومت بسرعه جريت علي السلم وطلعت السطح لاقيته واقف بعيط ،قربت منه وفضلت اضربه علي كتفه وصدره 
-انت ليه عملت كده ليييييه حرام عليك حرام
=انا اسف ،اسف والله سامحيني
*فضلت ساكته شويه علشان استوعب كل ده لانه كان كتير عليا فعلا وهديت وهو كان بيبص عليا وعمال يدمع *
-ممكن متبقاش خواف بعد كده علشان انا بحب حبيبي يكون شجاع وبطل
=حبيبك!
-اه حبيبي وان شاء الله تبقي جوزي ونعمل الفرح هنا في السطح ايه رايك
-يعني يعني هو انتي فعلا عايزاني بجد ولا ايه
=انت بتهزر انا مستنياك بقالي 25سنه انت حلمي انا شيفاك جميل جدا وكامل بالنسبالي وعمري ما هسيب حلمي يضيع من ايدي
-انا بحبك جدا
=انت اسمك ايه صحيح
-نور
=ها هتتجوزني امتي يانور
-دلوقتي لو حابه
*ونزل علي ركبته وطلع خاتم من جيبه*
=تتجوزيني ؟
-أتمنى
*اتجوزت انا ونور وعملنا الفرح في السطح زي ما كنت عايزه كنت طايره اليوم ده مكنتش علي الارض ابدا ،اتمسكوا باحلامكوا هيجوا اليوم اللي هتتحقق فيها وعلفكره
كل واحد فينا جميل في عين شخص لازم يلاقي الشخص ده علشان يحس بجماله دورا علي نوركم انتو كمان علشان تحسوا بجمالكم
Menna_elshamy
الجزء_التالت
نور
قولولي رأيكوا 💜