الفصل السابع عشر من "لفة ورد"🌸🌸

الفصل السابع عشر من (لفة ورد)..💐❤

و جاء اليوم المنتظر،اليوم الذي يترتب عليه كل ما هو خير مثلما قال حمزة......جاء يوم عقد القران
في هذا اليوم استيقظت جميلة مبكرًا و أيقظت مني أيضًا قائلة:مني اصحي يا مني يلا بسرعة بسرعة
مني:ايه في ايه؟!
جميلة:قومي يلا علشان تظبطيلي شعري
مني:يا نهار ابيض ليه هي الساعة كام؟!
جميلة:الساعة سبعة
مني بدهشة:نعم يا حلوة نعم!!
جميلة:قومي يلا يا عروسة علشان نظبط نفسنا بقا كده بالله عليكي يلا يلا
مني:هقوم أهو و أمري لله أنا مش عارفة انتِ ازاي النهاردة كتب كتابك و انتِ لسه شبه العيال كده
غمزت جميلة لها و قالت:بس عاجباه و لا لا؟!
مني بمزاح:ما هو يا قلب أمه ميعرفش اللي فيها
جميلة بغضب مصطنع:اللي فيها ايه يا بت انتِ هاااا قولي هااا؟!
مني:خلاص خلاص يا عم الحاج احنا اسفين يا ريس
جميلة:تقبلته
مني:طب قومي ده فعلًا النهاردة المفروض نعمل حاجات كتير
جميلة:أيوة يلا علشان تعمليلي الحبشكلنات اللي بتعمليها في الشعر و الماسكات بتاعتك دي علشان أنا عاوزة أبقي حلوة النهاردة
مني بابتسامة صافية:أنتِ حلوة من غير أي حاجة والله
جميلة و هي تصطنع الكسوف:يا كزوفي
ضحكت مني ثم قالت:طب قومي نصلي الضحي كده علشان ربنا يبارك لينا
جميلة:حاضر يلا
بعد الانتهاء من الصلاة قالت جميلة:تقبل الله يا قلبي
مني:منا و منكم يارب
جميلة:هتعمليلي ايه في شعري بقا؟!
مني بشر مصطنع:هقصه
جميلة:يا نهار أبيض لاااا ده أنا سمعت أن الرجالة بيحبوا الشعر الطويل
مني بمزاح:اه بتغظيني يعني علشان أنا شعري قصير هاا؟
جميلة:لا والله أنتِ ليه فاهماني غلط يا بنتي علي طول كده
احتضنت مني جميلة و قالت:أنا فرحانة أوي يا جميلة والله أنا و أنتِ فرحتنا سوا و النهاردة
جميلة:ربنا يفرح قلبك دايمًا يا عمري
قفزت الدموع من أعينهما فقالت مني و هي تمسح دموعها:بس يا بت بقا ده النهاردة المفروض نفرح و نزقطط ليه بنعيط بس
ضحكت جميلة و قالت:عندنا حوَل في مشاعرنا
ضحكتا معًا فقالت جميلة:قومي يلا بقا نظبط البيت أول مع ماما و بعدين نيجي نشوف هنعمل ايه احنا
***********************
كان حمزة يجلس في غرفته حائرًا لا يعرف هل يفرح أم يحزن؟
هل يبتسم أم لا يبتسم؟
فما هذا الذي وضع نفسه فيه!
كيف قبِل بأن يتزوج امرأة لا تحبه؟
ثم قال بصوت مسموع و هو ناظر للفراغ:طب أنا ازاي وافقت علي كده؟!
معقول اللي بعمله ده فيها قبلي!
ازاي وافقت علي كده أنا بجد مش بني آدم
المفروض تبقي قالتلي لا من الأول فكنت أرفض
بس هي قالتلي أن نبقي أصدقاء يعني متقبلة وجودي
بس إزاي أقبل أعيش معاها كده؟!
ازاي هي مفكرتش فيا؟
ليه مش بتراعي مشاعري و أن انا بحبها؟!
يا الله ساعدني يا الله
دخلت فريدة و هي ممسكة بدُف و معها هدي أيضًا ممسكة بدُف آخر فقالت فريدة و هي تقرع دُفها:يا نجف بنور يا سيد العرسان
يا قمر ومنور ع الخلان
يا نجف .. آه يا نجف .. حلو يا نجف آه
على خدك 100 مليون وردة
وعينينا عليك ساقعة وباردة
في الدنيا ما فيش غيرك وردة
في خفافة الدم يا غصن لبان
يا نجف .. آه يا نجف .. حلو يا نجف آه
ثم تابعت هدي و هي تقرع الدُف:حلو ومتدلع من يومك
واسم الله عليك ملو هدومك
والدنيا دي عايمة على عومك
بتغني أمان يا لالالي أمان
يا نجف .. آه يا نجف .. حلو يا نجف آه
الشمع أهه قايد ومنور
حواليك يا كحيل العين يا أسمر
فرحان بيك وانت بتتمخطر
يا عيون غزلان يا زين الخلان
يا نجف .. آه يا نجف .. حلو يا نجف آه
ضحك حمزة بشدة و قال:يا نهار حلو ايه ده يا ناس؟!
أقسم بربي قلبي هيطير من الفرحة ايه الحلاوة دي والله فرحان أوي يا أحلي أهل في الدنيا
دخل مصطفي ممسك بدُف أيضًا و في فمه طعام و قال:يا نجف بنور يا سيد العرسـ....
صمت ثم تابع:أنتوا خلصتوا و لا ايه؟!
ده انا لسه مبدأتش
ضحكت فريدة و قالت:ما أنت همك علي بطنك يا سي مصطفي
هدي:بالهنا يا بابا يااارب
مصطفي:بس أنا كنت عاوز أقول معاكم
ضحك حمزة و قال:مرة تانية بقا يا حاج
نشوفك في الأفراح بقا
قال مصطفي:طيب هروح أكمل أكل بقا
شكرًا يا مصر
ضحك الجميع علي مصطفي و طريقته الفكاهية في الكلام
خرج مصطفي من الغرفة و اتبعته فريدة و ظلت هدي مع حمزة
قالت هدي:مبارك يا أحلي عريس في الدنيا
ابتسم حمزة ابتسامة صافية و قال:حبيبة قلبي يا هدي والله و عقبال ما أشوفك عروسة يا أحلي عروسة
قالت هدي بحزن:ما بلاش نتكلم في الموضوع ده
حمزة:لا هنتكلم يا عروستي و بعدين مش عاوز أشوف الحزن في عيونك كل ما السيرة دي تيجي فاهمة!!؟
هدي بابتسامة:حاضر يا حمزة
حمزة:قومي بقا لما أنزل أصلي
هدي:يلا يا قلبي
**************************
لولا وجود عكس المعني لن يكون للمعني معني ...
رغم وجود الفرحة في قلوب الكل و لكن هناك قلب مملوء بالحقد
كان حسن يجلس في بيته و يقول:طب و بعدين ده كتب الكتاب النهاردة
معقول تكون الرسايل مش بتوصله؟!
ولا معقول يكون مش مصدق فيها كل ده؟!!!
أنا شكلي هاخد خطوة كبيرة لأني مش هسمح تكون جميلة غير ليا...ليا أنا و بس
سمع صوت يرن هاتفه فنظر له فوجد أن دنيا هي المتصلة
ففتح الهاتف و قال باستفزاز:ياااااه انا عارف أن قلبك هيحن يا عمري
دنيا:بلاش قرف أنا بس اتصلت علشان أقولك اياك تعمل حاجة النهاردة فاهم و ياريت متجيش هيكون أحسن
حسن باستفزاز أكثر:لااا طبعًا ده النهاردة كتب كتاب ابن خالتي حبيبي و كتب كتاب جميلة حبيبتي بردو
دنيا:ايه ده أنت لسه شايف أنك تقدر تخليها ليك؟!
حسن:أنا أصلًا بفكر أخد خطوة تانية
دنيا:ناوي علي ايه؟!
حسن:هخطفها النهاردة
دنيا بدهشة:أنت بتقول ايه؟!
حسن:اللي سمعتيه يا حلوة
دنيا:طب هتعمل كده ازاي كده يا حسن؟!
حسن:بصي يا ستي أنا هحكيلك اللي هعمله
طبعًا أنتِ عارفة أن أنا اللي كنت باعت الرسايل لحمزة علشان عاوز أشككه فيها وفي أخلاقها
بس ملقتش منه أي رد فعل للكلام زي ما كنت عاوز
حتي محستش أنه شك فيها للحظة واحدة و محستش أن الشك دخل قلبه
كان نفسي يسيبها و أنا اللي أروح أطبطب عليها و تحبني أنا
بس خلاص أنا النهاردة هخطفها
دنيا:بس النهاردة هيكون كتب كتابها هتخطفها يعني و هي علي ذمة واحد تاني؟!
حسن:لا هخطفها قبل كتب الكتاب
دنيا:ازاي ده؟!
حسن:لما أشوفك هناك هقولك
يلا اقفلي دلوقتي هقوم أظبط نفسي علشان أنا اللي هبقي العريس النهاردة
دنيا:طيب سلام
أغلق حسن الهاتف و قال:والله كنت عارف أنك هترجعيلي زي الجزمة يا دنيا لأنك كلبة فلوس بس يلا أهو ممكن أستفيد بيكي في حاجة
***************************
ذهب النهار بخيره و أتي الليل بخيره أيضًا
دخلت عزة غرفة مني و جميلة فقالت:يااااربي ايه الجمال ده؟!!!!!
دخل محمد و قال:بسم الله ما شاء الله تبارك الله
هو أنا يا ناس أبو البنات الحلوين دول ازاي؟!
دخل يوسف و قال بمزاح:والله ما أنا عارف حتي أنا أخوهم ازاي؟!
بكت جميلة بشدة و قالت:متقولوش كده أنتوا أحلي حاجة في الدنيا
قال يوسف بحنان:أنتِ و أختك اللي أحلي حاجة في الدنيا
بس ايه الجمال ده لا و مظبطين الشعر يعني آه ما خلاص بقا
احمر وجه مني بشدة و قالت:لو عاوزنا نلبس الحجاب عادي يا يوسف
محمد:لا ازاي يعني أنتوا هتكتبوا الكتاب يعني خلاص بقا زوجك وجميلة كده بردو
يوسف:أنا بهزر يا مني ده لما يكتب كتابه هتبقي ملزومة منه يا بنتي و كمان دي حاجة مش بمزاجي دي غصب عني هتقعدي معاه عادي خلاص هتبقي مراته
جميلة:طب هو محدش لسه وصل يعني!
يوسف:يااااه علي الناس اللي مستعجلة دي
شعرت جميلة بالاحراج و قالت:بس يا يوسف الله
محمد:يلا بلاش رخامة و كل واحدة تقعد في أوضة علشان لما أزواجكوا يوصلوا
ظلت جميلة في غرفتها و ذهبت مني لغرفة يوسف و بعد وقت قليل بدأت جماعات من الناس تأتي للمنزل
جاءت دنيا لمنزل جميلة و رأت والدتها فقالت لها:ازيك يا ام جميلة اخبارك ايه؟!
عزة:الحمدلله يا بنتي
دنيا:ممكن اشوف جميلة
عزة:طبعًا يا حبيبتي
*************************
كانت جميلة تجلس في غرفتها و تنتظر حمزة بفارغ الصبر فهناك الكثير و الكثير من الكلام تريد أن تخبره به
قطع حبل أفكارها سماعها الباب يُطرق فقالت:مين؟!
فرأت والدتها دخلت الغرفة و من بعدها دنيا
فقالت بفرحة:دنيااااا
أخبارك ايه؟!
دنيا بفرحة و توتر أيضًا:أنا كويسة الحمدلله بس ممكن نقعد لوحدنا شوية
قالت عزة:خدي راحتك يا بنتي لو احتاجتوا حاجة أنا برا
دنيا:شكرًا يا حبيبة قلبي متحرمش منك
خرجت عزة و بقيت دنيا مع جميلة و انفجرت في البكاء
فتعجبت جميلة و قالت:مالك يا دنيا بتعيطي كده ليه؟!
دنيا:أنا هحكيلك كل حاجة يا جميلة