الفصل السادس عشر من "لفة ورد"🌸🌸

الفصل السادس عشر من (لفة ورد)..💐❤

ذهبوا جميعًا إلي منازلهم من بعد هذا اليوم الشاق
في بيت جميلة دلف الثلاثة إلي المنزل فقال يوسف بتعجب لهما:أومال مفيش صوت ليه كده؟!
مني:مش عارفة؟!
بحثوا في الغرف كلها عن والدهم و والدتهم و لكنهم لم يجدوهم فاتصل يوسف بوالده و فتح الميكروفون
فتح محمد الهاتف و قال و هو يضحك:السلام عليكم أولًا
ثانيًا أنا عارف أنكوا أكيد قلقتوا علينا
بس أحب أقولكوا أن احنا نزلنا نشتري هدوم لينا و الصراحة حبينا نكون لواحدينا
يوسف و هو في دهشة:نعم يا حاج نعم؟!
صمت ثم تابع:علي أخر الزمن بتهربوا من ورانا و تصيعوا كده؟!
لاا لااا لاااا أنا معرفتش أربي لما ترجعوا البيت بس
يلا روحوا صيعوا
ضحك محمد بشدة و قال:ماااشي لما نشوف لما تحب هتعمل ايه
يوسف:ماااااشي مااااشي
ضحكوا جميعًا بشدة فقال يوسف:يلا بقا يا حاج هنقفل علشان نرتاح شوية من المشوار
محمد:ماشي يا ابني
في رعاية الله
قالوا ثلاثتهم:في رعاية الله يا بابا
أغلق يوسف الهاتف وقال:راحوا يصيعوا علي أخر الزمن
ضحكت جميلة بكسرة و قالت:يلا الحمدلله أنهم مش هنا لأني كنت هضطر أحكي ليهم اللي حصل النهاردة بردو
مني:بلاش نقول حاجة دلوقتي خليها بعد كتب الكتاب
يوسف:طب يلا ادخلوا ارتاحوا شوية و روقي يا جميلة بقا ها
جميلة بابتسامة حزينة:حاضر
*************************
دخلت هدي غرفتها و أتت بالخمار الذي اهداها إياه حمزة
وقالت لحمزة بفرحة:شوفت لايق علي الفستان إزاي
حمزة:أيوة والله...أنا مفتكرتوش خالص والله
ردت قائلة ببراءة:أنا بحبه أوي لأنه منك و بحاول ألبسه علي كل الهدوم
نظر لها حمزة بحب قائلًا:ربنا ما يحرمك منه و لا مني
ردت ضاحكة:ياااارب
فريدة:احكولي عملتوا ايه تاني هااا؟!
و جميلة يا ولاد كانت فرحانة كده و لا ايه؟!
أنا والله قلبي واجعني عليها أوي و معرفتش أروحلها
مصطفي:والله دي صعبانة عليا أوي لأن هي متستاهلش غير كل خير
هدي بعفوية:النهاردة اتبعـ.....
نغزها حمزة ففهمت أنه لا يريد أن يخبرهم فصمتت و من حسن الحظ أن فريدة و مصطفي كانا ينظران لما اشترياه
رأت فريدة ملابس حمزة فأدمعت عيونها و قالت:الله البدلة دي حلوة أوي يا حمزة
والله و كبرت و بقيت عريس زي القمر
حمزة:تسلميلي يا حبيبة قلبي
مصطفي:والله أنا فرحان أوي يا حمزة
ربنا يتمم علي خير
هدي:جميلة بقا اشترت فستان روعة يا ماما بجد روعة روعة و لونه بنفسجي زي ما الأستاذ حمزة بيحب
و حمزة اشتري الفيونكة بنفسجي
ثم غمزت لحمزة و قالت:آه منك يا سوسة
حمزة و قد شعر بالإحراج:الله بس يا هدي
هدي: مكسوف يا صغنن؟!
ضربتها فريدة بمزاح و قالت:بكرة يبهدل فيكي كده و تبقي مكانه
شعرت هدي بغصة و قالت:ليه هو أنا هتجوز؟!
مصطفي:و متتجوزيش ليه؟!
ناقصك ايه يعني علشان تقولي كده؟!
هدي و قد بكت:خلاص يا بابا بالله عليك
حمزة:طب ايه رأيك أن جايلك عريس
دهِش الجميع و بالأخص هدي
فقالت هدي:ايه؟!
مين ده؟!
فريدة بفرحة:مين يا حمزة؟!
حمزة:هقولكوا بس بعد كتب الكتاب
مصطفي بابتسامة:كتب الكتاب ده هيبقي مترتب عليه حاجات كتير
حمزة:و كله خير بإذن الله
ثم قام و ذهب لغرفته فذهبت خلفه هدي و قالت له بعصبية:ايه اللي أنت قولته برا ده؟!
حمزة:اللي سمعتيه؟!
هدي:أنا مش هظلم حد
حمزة:أنتِ بتنوري كل اللي في حياتك
هدي وهي تبكي بحرقة:حمزة أنا مش هعمل أي عملية
و كمان يا حمزة مش هتجوز لأني مش هعرف أعيش حياتي ولا أخلف حتي
يبقي مالهاش لازمه حكاية الجواز دي
حمزة:سيبي كل شئ لأوانه
ثم احتضنها و قبَّل رأسها و قال:طول ما أنا عايش مش هسيبك أبدًا
هدي:و الله بحبك يا حمزة
ربنا ما يحرمني منك
حمزة:ولا منك يا حبيبتي
*******************************
في اليوم التالي ذهبت جميلة إلي المركز و دعت من فيه علي خطبتها ،دخلت فوجدت دنيا و نورا
قالت نورا:جميييييلة وحشتيني و الله
فينك يا بنتي كده مختفية بقالك كام يوم!!
دنيا:أيوة يا جميلة احنا قلقنا أوووي
جميلة بحزن مصطنع:طب ما أنتوا متصلتوش بيا يعني
دنيا:والله كل ما نحاول نكلمك نلاقي الهاتف المطلوب مغلق أو غير زفت متاح
جميلة بابتسامة:خلاص يا بنات مش مشكلة
بس في خبر حلو
نورا:ارغي
جميلة بكسوف:احممم احممم بكرة الخطوبة و كتب الكتاب
ضربت نورا جبهتها بيدها و قالت:يا نهار مش فايت
هما الأسبوعين عدوا؟!
هما لحقوا؟!
دنيا:أه والله هي الأيام بتجري كده ليه؟!
جميلة:والله يا بنات أنا عدي عليا يومين ما يعلم بيهم غير ربنا
نورا:احكي في ايه؟!
جميلة:اسمعوا اللي حصل
قصَّت عليهما جميلة كل ما حدث لها و عن الرسائل المجهولة و عن مرضها
عرفت دنيا من الذي أرسل هذه الرسائل و قالت في نفسها:أنا كنت عارفة أنك مش هتسكت يا حسن الكلب و ربنا لأوريك
أنا قولت أن أنا اللي هقفلك
همَّت لأن تقول لها من هو و تعترف بكل شئ و لكنها قالت في نفسها:لا هي قالت هتبدأ في كل حاجة بعد كتب الكتاب و أنا هحكي ليها كل حاجة بعد كتب الكتاب بردو
فاقت من شرودها علي صوت نورا تقول:طب الحمدلله أن حمزة صدقك 
دنيا:والله ربنا هياخدلك حقك اصبري يا جميلة
جميلة:كفاية أنكوا كلكوا مصدقين أني بريئة
أنا هقوم كده أدعي مدام هالة و أجي تاني
دخلت جميلة لهالة و قالت:السلام عليكم
هالة:و عليكم السلام يا جميلة فينك يا حبيبتي مختفية كده ليه؟!
جميلة:ظروف والله
أنا جاية أقول لحضرتك أن بكرة خطوبتي و كتب كتابي والله ما عرفت أجي اليومين اللي عدوا بس قولت أقول لحضرتك النهاردة و عارفة أنك هتعذريني
هالة:فرحتيني والله يا جميلة بس مين سعيد الحظ؟!
جميلة و قد احمر وجهها خجلًا:تعرفي حمزة مصطفي؟!
هالة:أنا عارفة الاسم ده بس تايهة عنه
اااااااااه الشيخ ده اللي كان جالنا ياخد ورد؟!
جميلة:أيوة
هالة:ما شاء الله ما شاء الله
فرحتيني يا جميلة والله لأنه شكله ابن ناس
ربنا يتمم علي خير
جميلة:أنا و مني هنبقي سوا بقا
هالة:الفرحة فرحتين أهو
ربنا يبارك يارب،باذن الله هاجي يا حبيبتي
جميلة:معلش يا مدام علي تقصيري في الشغل اليومين دول
هالة:يا بنتي والله أنا بس كنت قلقانة عليكي
جميلة:ربنا يكرمك
هسيبك أنا بقا علشان ألحق أروح أجهز معاهم البيت
هالة:أيوة بقا مين قدك
ضحكت جميلة و قالت:مااااشي
يلا في رعاية الله
هالة:في رعاية الله
خرجت جميلة للفتاتين و ودعتهما و قالت:أشوفكم بكرة بقا
دنيا:بإذن الله
نورا:إن شاء الله
***************************
كان حمزة في المسجد يعطي درس عن عظمة النبي و يقول:
بسم الله و الصلاة والسلام علي رسول الله
النهاردة عاوز أتكلم في موضوع حلو اوي و هو تكريم ربنا للرسول محمد صلي الله عليه و سلم
صلوا عليه
قال جميع من يستمع لدرسه:عليه أفضل الصلاة و السلام
تابع حمزة قائلًا:اسمعوا كده
الله لم ينادِ رسول الله صلي الله عليه و سلم باسمه المجرد أبدًا
و لكن الله سبحانه و تعالي قد نادي علي كل الأنبياء بأسمائهم المجردة
قال تعالي (يا آدم اسكن أنت و زوجك الجنة)
و قال (يا نوح اهبط بسلام منا و بركات)
(يا إبراهيم قد صدقت الرؤيا)
(يا موسي لا تخف)
(يا يحيي خذ الكتاب بقوة)
(يا زكريا إنا نبشرك بغلام اسمه يحيي)
و لكن لما أراد أن ينادي علي الحبيب صلي الله عليه و سلم
قال تبارك و تعالي (يا أيها النبي)
(يا أيها النبي اتقِ الله و لا تطع الكافرين والمنافقين)
(يا أيها المزمل قم الليل إلا قليلًا)
(يا أيها المدثر قم فأنذر)
هللوا:سبحااااان الله
تابع حمزة و قال:لم يناديه بيا محمد في القرآن كله من الفاتحة للناس
و ما ناداه باسمه إلا بقرينة الرسالة و النبوة
فقال تبارك وتعالي (و ما محمد إلا رسول)
هللوا جميعًا مرة أخري:الله أكبر الله أكبر
أكمل حديثه عن النبي و عن فضل الصلاة علي النبي فهي فرج و خير
فقال:الصلاة علي النبي يا جماعة بتساوي الفرج ثم الفرج ثم الفرج
و عند انتهاؤه من الدرس ذهب إلي الحاج حسين و قال له:السلام عليكم يا عم حسين
حسين:و عليكم السلام يا بركتنا
حمزة:حبيبي يا عم حسين
عاوز أقولك حاجة
حسين:قول يابني
حمزة:كتب كتابي بكرة
حسين بفرحة كبيرة:يا حبيب قلبي يا حمزة والله فرحت قلبي
حمزة:اوعي متجيش والله هزعل
حسين:بإذن الله هاجي يا حبيب قلبي
حمزة:تنورنا والله
أسيبك بقا يا عم حسين علشان ورايا شغل كتير
حسين:ماشي ياابني خد بالك علي نفسك
حمزة:حبيبي
في رعاية الله
حسين:في رعاية الله ياابني