قصة اشباح درعا 💀الجزء السادس💀

💀 اشباح درعا 💀
(الجزء السادس )

اول ما فتحت عيني شوفت راجل طويل ملثم بعد ما فك عينينا قال .
- ستظلوا هنا حتي يأتي القائد .
و بعدها خرج و قفل الباب الحديد وراه و اليكم وصف غرفة الاعتراف اللي فيها انا و ابو السعود متكتفين ، جثث حوالينا ف كل مكان لرجالة و لشباب و من الشكل كده الظاهر انهم ماتوا من اثار التعذيب لان شكلهم كان مخيف ، اللي جسمه كله ازرق و اللي عيونه مفقوعة و اللي مدبوح و كلهم كلهم بلا استثناء متكتفين من ايديهم و رجلهم ، لقيت ابو السعود بص لي .
- ايه ده يا نصر !
- ايه ده ايه زي ما انت شايف ناس اتعذبت لحد ما ماتت و تقريبا كده هم السابقون و نحن ال لاحقون 😑.
- يا عم لا مش قصدي علي كده انا قصدي علي الجثة اللي بتتحرك قدامك دي 😳.
بصيت علي الجثة اللي قدامي كانت جثة شاب عيونه الاتنين مفقعويين تماما و متكتف و نايم علي ضهره لكنه بيتحرك علي ضهره و جاي بيزحف نحيتنا و بيخرج منه صوت زي الانين ، ابو السعود بصلي .
- عفرييييت عفررريييت تااااني .
- لا تاني ايه قول سابع تامن تاسع ، بص يا ابو السعود احنا نغمض عينينا و نفتحها تاني مش هنلاقي حاجة .

ابو السعود زي الاهبل راح مغمض عينيه و عمال يتشاهد و يقرا قرأن بس الغريبه ان الجثة اتكلمت اه والله اتكلمت و قالت ( انا لست ميت انا علي قيد الحياة انقذوووني انهم يعذبوني و يتركوني بلا مااء حتي الموت ) ، زحفت علي ركبي و قربت منه و قولتله .
- انت مين و هم بيعملوا فيك كده ليه .
- انا حسين جندي بالجيش السوري الحر و يعذبوني لأنهم يعتبروني كافر .
- يا لهوووووي يا نصصصر انت اتلبست و بقيت بتكلم العفاريت 😳.
- يا عم اخرررس بقي شويه عفاريت ايييه الراجل مش عفريت و عايش قدامك اهو .
- عايش ازاي يا عم و عيونه مفقعوه كده لا لا لا ده عفريييت .
- ابو السعوووووود اسكت شوية الهي تتفقع عينيك انت كمان ، بس قولي يا حسين ازاي بيعتبروك كافر و انت من الجيش السوري الحر و علي ما أظن يعني انكم ف جبهة واحده .
- لا لا لسنا في جبهة واحدة انهم لهم جبهتهم الخاصة لا يؤمنون بأي عقيدة او اي دولة او اي جيش او اي شئ سوي انفسهم فقط .

قطع كلامنا صوت الباب و هو بيتفتح و دخل منه اربع شباب ملثمين و جسمهم قوي ولابسين جلاليب بيضا و عمم سودة ، اخدونا من ايدينا و احنا متربطين و خرجونا بره و قفلوا الباب ورانا و فضلنا ماشيين ف ممر طويل لحد ما خرجنا بره المبني و لما خرجنا لقينا نفسنا ف مكان صحرا و الظاهر انه معسكر لداعش و ده عرفته من الاعلام اللي موجوده علي الخيام و اثناء ما احنا خارجين ابو السعود كلم واحد منهم .
- الا قولي يا عم الناس انت مودينا علي فين كده ؟
- نحن ذاهبون الان الي معسكر الامير .
- امير مين امير الانتقام و لا الامير اللي بيلزق ده .
- اصمت ايها الكافر ، لولا ان الامير يريدك حيا لكنت قتلتك الان بيدي .
- يا ابو السعوووود اسكت شوية يا ابو السعود انت عاوزهم يموتونا .
- يا نصر ما هو اللي بيقولك امير و فطير و عايشلي ف جو فجر الاسلام و كأننا ف ايام الجاهلية ده نااقص يقولك نأخذ من كل رجل قبيلة 😁.
- تصدق بالله يا محمد يا ابو السعود
- لا اله الا الله يا محمد يا نصر .
- انت حلال فيك كل اللي هيعملوه .
- هيعملوا ايه يا عم متخوفنيش .
- لا متقلقش هم اقل حاجة هيعملوها فيك انهم هيقيموا عليك الحد .
- ده اللي قبل الاتنين 🤔.
- يلا و النبي يا اخ منك ليه دخلونا للامير بسرعة قبل ما اتشل منه .
- حسنا ها هي خيمة الامير .
دخلنا خيمه كبيرة كده و كان قاعد فيها راجل وشه ابييض و تخين و دقنه طويله و قدامه ديك روومي بياكل فيه ، و بدأ يسألنا و هو بياكل .
- من اين جئتم .
- حضرتك احنا صحفيين من مصر جايين نغطي الاحداث انا اسمي محمد نصر و ده محمد زفت ابو السعود .
- أأتيتم لتغطية الاحداث فقط ام ارسلتكم المخابرات المصرية للتجسس علينا في بلادنا و دولتنا ايها الكفرة الزناديق .
- زناديق حاجة ساقعه 😂😂😂 .
- ماذا تقول ايها السفيه .
- معلش يا جناب الامير بس ابو السعود يقصد يقول لحضرتك صناديق حاجه ساقعة عشان تحبس بيها بعد الاكله التقيلة دي .
- اه والله يا امير بيه انا اقصد كده و بعدين يعني انت عمال تلوغ تلوغ و مقولتلناش حتي اتفضلوا و احنا بقالنا كتير ما اكلناش و المفروض اننا ضيوف عندكم يعني .
- انتم ضيف غير مرحب به و لذلك سنقيم عليكم حد الكفر .
- ايه حد الكفر ده يا جناب الامير !
بصلنا اوووي كده و نده علي حد بصوت عالي ( ياااا فيكتووور ) ،دخل شاب طويل ملثم برضه و قال بلغة عربيه مكسره ( السمه و الطاهه يا امير المؤمنين ) ،رد عليه الامير و قال له ( قل للشباب بأن تجهز الكاميرات و ان يحضروا انفسهم جيدا لقطع رؤؤس هؤلاء الكفرة الفجرة بصاصين الطواغيت ) .
- بصاصين مين يا عم و طواغيت مين انت هربان من فيلم عربي قديم ولا انت مفكر ان دي روشنه ، انتو شوهتو صورة الاسلام و المسلمين و انتو اساسا ولا تعرفوا حاجه عن الاسلام ، و بعدين انت متعرفش انا مين ولا ايييه ده انا محمد ابو السعووود ، لا لا لا لا ميغركش جو الصحافة و النضارة و بتاع ده انا خالي امين شرطة ف قسم الهرم ده انا لو حد لمسني هولع لكم ف المعسكر باللي فيه .
- الله يخربيتك انت عاوزهم يعذبونا قبل ما يدبحونا .
- يا عم ما يعذبونا ولا يدبوحنا هي موته ولا اكتر دول عالم مجانين يا عم .
بصله الامير كده و بص لفيكتور ده و قال له ( الان ينفذ حد الله ف الكفرة الخونة ) ، اخدونا الاربع شباب و كان قدامنا فيكتور و دخلنا نفس المبني تاني بس ف غرفة تانيه كانت مليانة كاميرات و اسلحة و كان واقف شاب قدام الكاميرات و واحد منهم راح جاب لنا هدوم حمرة و قطع الهدوم اللي احنا لابسينها .
- يا نهاااار اسوووود يا نصصصصر انا اتفضحت و اتعريت قدام الغرب .
- احسن تستاهل عشان انت عمال تقول للأمير أمير الانتقام و امير اللي بيلزق ابقي خلي الامير اللي بيلزق يلزقلك دماغك ف جسمك بعد ما يقطعوها .
- يااارب انا عمري ف حياتي ما أذيت حد يااارب انت عارف ان انا طيب و غلبان ياارب و مش عاوز اموت و انا مدبوح يارب 😢.
لبسونا البدل الحمره و دخلونا قدام الكاميرات و قعدونا علي ركبنا و وقف ورانا الشاب ده و اللي كان شبه فيكتور حتي ف لبسه و طريقة كلامه لكنه كان ف ايده سلاح ابيض و بدء يقووول بلغة عربية مكسرة برضه و هو واقف قدام الكاميرا و فيكتور ده بيصور .
- رسالة الي كل زبانية الطاغوت بمصر ، لقد ارسلتم الينا بصاصين و جواسيس و ها هم يقضي فيهم شرع الله و حده ليكونوا عبره لكل من تسول له نفسه بمحاولة اختراق دولة الخلافة ، و حد الله هو ذبحهم و قتلهم و رى الارض بدمائهم .
انا سمعت كده بدأنا انا و ابو السعود نتشاهد و الراجل ده خلص كلامه و قرب بالسكينة من رقبه ابو السعود و قال .
- الله اكببببببببر ........ يتبع

بقلم
محمد_شعبان
العارف