اشباح درعا 💀الجزء السابع💀

💀 اشباح درعا 💀
(الجزء السابع )

و لسه الراجل بيقول الله و اكبر و هيدبح ابو السعود سمعنا صوت رصاص و قصف جاي من بره و فجأه لقينا فيكتور خد طلقة ف ضهره و الراجل اللي كان هيدبح ابو السعود سابنا و طلع يجري و دخلوا جنود ملثمين بس لابسين لبس جيش و بيتكلموا لغة غريبة ، تقريبا روسي دخلوا فكوا ايدينا و رجلينا و خدونا و خرجو بينا لبرا المبني و اول ما خرجنا لقينا المعسكر كله تقريبا فاضي و في جثث مالية الارض كلها من الدواعش و لقينا ظابط جه نحيتنا .
- حمد لله علي السلامة شباب .
- لا اله الا الله مش مكتوبالك الموتة دي يا ابو السعود .
- يا عم استني بس اما نعرف مين دول .
- نحنا الجيش السوري النظامي و جينا ف مهمة لانقاذكم بناءا علي تعليمات القيادة بدمشق .
- طب و بالنسبه للروس دول مع مين يا نصر .
- يا ابني انت بتسألني انا ليه هو انا قائد الجيش ما تسأل حضرة الظابط .
- لا تقلقوا يا شباب نحنا و الروس بجبهة واحدة و نحنا جينا لانقاذكم و الحمد لله نجحنا بمهمتنا و هالحين بنروح معسكر تابع ل ألنا .
- طب يا نصر قوله علي الحاجات بتاعتنا .
- يا ابني ما تقوله انت هو انا المتحدث الرسمي بأسمك .
- اشيا اية اشيا ياللي هم تحكو عنها .
- الريكوردر بتاعي و الكاميرات و ال لاب توب بتوع نصر .
- ايييه ايييه بعرف هالاشيا ياللي لقيناهم بخيمة قائد المعسكر .
- ايووووه الامير التخين هو اللي خدهم .
نده الظابط علي جندي و خلاه يجيب الشنط اللي كان فيها حاجتنا و كانت مفكوكة لكنها الحمد لله سليمة .
- تمام يا رجال .
- تمام يا فندم و بالنسبة لل ....
- شو ؟
- نصر يقصد يقول لحضرتك الهدوم يعني الملابس اصلنا لا مؤاخذه مش هنفضل ب الرداء الاحمر ده كده .
- ايييه ايييه بعرف بمجرد ما بنروح عالمعسكر بنعطيكم التياب ال لازمه و بنعتذر علي ما صار لكن المعسكر التابع لينا و ياللي كنتوا عم تحتموا فيه اتدمر تماما جراء قصف قوات الدواعش ، و مات عدد كبير من الجنود و الظباط .
- الله يرحمهم ، بس في حاجتين بس لازم اقولهم لحضرتك .
- متل ما بدك.
- الحاجة الاولي ان انا و ابو السعود كنا ف غرفة ف المعسكر هنا اسمها غرفة الاعتراف و كانت مليانة جثث لكن كان فيها واحد عايش و متعذب و تقريبا بيموت ف ياريي..
- ايييه ايييه وجدناه و ارسلناه للمشفي ، شو الشي التاني .
- الامييير يا فندم امير الجماعة انا عاوز اشوفه لأنه تقريبا اهان ابو السعود😂
- الامير هرب ما لحقناه .
- هرب ابن الجزمة بعد ما اكل الديك الرومي لوحده 🤦‍♂️
- انت كل اللي هامك الديك الرومي يا ابو السعود و مش هامك انهم كانوا هيدبحوك من شوية .
- يا سيدي ما موتناش اهو يبقي ناكل بقي انا جعان اووي .
- هلأ بنروح عالمعسكر و بنوفرلكم ياللي بدكن اياه .
ركبنا السيارة و اتجهنا للمعسكر و اول ما وصلنا استقبلونا استقبال الابطال و جابو لنا هدوم و اكل و قعدنا وسط الجنود لأننا رفضنا نقعد ف غرفة لوحدنا تاني ( اصل ابو السعود خايف من العفاريت ) .
- هلأ شرفتم معسكرنا يا ابطال .
- والله يا دفعة انتو اللي ابطال .
- دفعة ايه ابو السعود انت فاكر نفسك لسه ف مصر🤦‍♂️.
- هلأ علي الرحب يا أخي، لكن خبرونا شو صار ل الكن بمعسكر الدواعش الارهابيين .
- يالهووووي ده احنا شوفنا الويل و كان في واحد عنيه مفقوعه و كنا هنمووت والله يا دفعة .
فجأه قطع كلامنا جندي من اللي حوالينا قام وقف و بدء يقول .
- هذي دمشق و هذي الكأس و الراحُ
ان ِ احب و بعض الحب ذباحُ
انا الدمشقي لو شرحتمُ جسدي سمعتم في دمي
اصوات من راحو....... الي اخر القصيدة .

و اثناء ما هو بيقول القصيدة غصب عني مسكت الكاميرا و بدأت اصوره فيديو و بيني و بين نفسي كنت معجب بيه جداااا و كنت بقول لنفسي قد ايه الشعب السوري ده عظيم ف عز الشدة و المحنة لسة شعب متذوق و بيقول شعر يعبر بيه عن اللي جواه و قد ايه معتز ببلده و فخور بيها رغم كل اللي حصل ، و خلال ما احنا قاعدين مع الجنود دخل علينا ظابط و قال ( استعدوا يا شباب بعد قليل ستخرجون مع فرقة تأمين مكونة من جنود سوريين و روسيين لتأمينكم خلال اداء مهمتكم بشوارع درعا )
- مهمة ايه عم المؤاخذه هو احنا المفروض نساعدكم ف القبض علي الامير ،؟؟
- امييير ايه يا ابو السعود حضرة الظابط يقصد مهمتنا الاساسية اللي احنا جايين عشانها اصلا .
- اه صحيح و احنا جينا ليه اصلا 🤔
- بقول لحضرتك ايه يا فندم ياريت بعد ما نخلص شغلنا ترجعوه تاني ل بتاع الزناديق 😂😂
- لا يا عم الله يجحمه مطرح ما راح .
ضحكنا كلنا و قمنا انا و ابو السعود و جهزنا ادواتنا و كان مستنينا الفريق الروسي السوري اللي هيأمننا في ساحة المعسكر ، ركبنا السيارة المدرعة معاهم و بدأنا نتنقل بين المدن و بدأنا نعمل حوارات مع ناس ف مخيمات ، بيوتهم اتهدمت من القصف و تم انقاذهم او ناس قوات داعش احتلت بيوتهم و طردوهم منها ... اه تخيل انت كده تبقي قاعد ف بيتك و تيجي ناس تطردك و تاخد بيتك بقوة السلاح و كمان تقلب بيتك اللي اخدوه معسكر او سجن او مخزن اسلحة ، حقيقي انا كل لقطة عيوني كانت بتقع عليها كنت بصورها و ابو السعود ما سابش حد الا و سجل معاه حتي الاطفال اللي لما صورتهم كانو فرحانين بالكاميرا جداااا و اقسملكم بالله انا و ابو السعود مسكنا دموعنا بالعافية لما سألنا بنت صغيرة عن اهلها ردت بكل براءة و قالت ( طلعو لفوق بالجنة و فاتوني بالحرب وحدي ) ....
قطع الاجواء صوت رصاص و صوت قصف قووووي جداااااااا جاي من الناحية المواجهة للمخيم اللي كنا بنصور فيه ، و بالنظر كده عرفت انها قوات داعش و عرفوا بوجود قوات روسيه و بدأوا هجوم بالرصاص و بالقذائف و مكنش هاممهم اي وجود للمدنيين ، كان المشهد مرعب اكتر من العفاريت اللي شوفناهم ، جثث ابرياء بتقع قدام عنينا و شاب من اللي كنت بتكلم معاهم اخد رصاصة ف صدره و بقي جثة قدامي ..... و لسه ببص علي ابو السعود لقيته بيقوولي حااااسب و بعد كده حسيت بالم شديد في الجهة اليسري من جسمي و لسه ببص اكتشفت انها رصاصة و من شدة الالم حسيت ان عيوني بتغمض لوحدها ، وقتها ادركت ان انا بموت و كان اخر مشهد بشوفه هو ابو السعود و هو بيصرخ و بيقول اسعااااف اسعااااف و بدأت اغيب عن الوعي او اموت و الدنيا ضلمت من حوااليا ....... يتبع

بقلم
محمد_شعبان
العارف
اشباح_درعا