الممسوسة 👻الجزء الثامن👻
الممسوسة
الجزء_الثامن
عصمت اخد على وقعدو وقالو طبعا ياعلى يا ابنى انت مستغرب م اللى حصل انا وعاوز تعرف ده من اى وده حقك ميادة كان ليها اخ تؤامها وكانو روحهم فبعض كانو مش تؤام فالشكل بس كانو كل حاجه بيعملوها مع بعض وفيوم كانو خارجين مع بعض ووهما راجعين كانو بيهزرو مع بعض فالشارع وبيزوقو بعض ويغلسو ع العربيات ويقفو قدامها جت ميادة تهزر مع مازن اخوها وبتزقو جامد فالوقت ده جت عربيه كانت جايه بسرعه ضربته ومات فساعتها ومن وقتها ميادة محملة نفسها ذنب موت مازن وجاتلها حاله نفسيه بتجلها وقت ..ماتضغط او تزعل زى ما انت شفتها كده ومش بس كده دى سعات بيتهيألها انها شيفه مازن بجد وبتقعد تكلمه وتهزر معاه سعات تخرج اقولها كنتى فين تقولى كنت خارجه مع مازن بنتفسح نكون قاعدين مع بعض نلاقيها برقت مرة واحدة او ضحكت اسالها بتعملى كدة ليه تقول مازن كان هنا
كذا مرة ادخل اوضتها الاقيها بتعيط اوبتكلم حد اقولها مالك يا ميادة بتكلمى مين ترد تقول مازن زعلان منى عشان كان نفسة يعيش وانا موتة وكزا مرة تنزل تشتريلة هدايا وهدوم فى اعياد ميلادة فبنسيبها براحتها عشان ماتتعبش اكتر لحد م الصدمة تعدى بس الهدايا كانت بتختفى وبتقول مازن جة امبارح خدهم .. سعات نلاقى عندها هدوم جديدة او فلوس نقولها منين تقول مازن جابهوملى ... والاغرب انها تصحة بالليل تمشى بالشقة تقعد ماسكة التليفون .. بتعملى اى يا ميادة تقول بكلم مازن طبعا الكلام دة كان زمان اول الصدمة حاليا الموضوع قل خالص وبتتحسن جدا طبعا انت شفت بنفسك ال بيحصلها وليك القرار عاوز تكمل معاها ولا لا بس لو هتكمل تبقى عارف ان الموضوع مش سهل لان اما تجلها الحاله بتبقى صعبه اوى زى ماشفت وسعات اصعب فكر با ابنى ورد عليا ....
اه ونسيت اقولك لو قررت تكمل ياريت الكلام الى بينا دة ما يطلعش من الاوضة دى وماتحكيش لميادة حاجة عشان حالتها بتسوء وبتزعل وممكن دة ياثر على هلاقتكوا ولو قررت متكملش ياريت برضو الكلام مايطلعش برة الاوضة دى عشان ميطلعش عليها كلام مالوش لزمةة..والى عندها صدمة نفسية عادية وارد تيجى لاى حد باى وقت لس محدش بيفهم كدة وهيقولوا عليها كلام مالوش لازمة ... فكر يا على ورد عليا خد وقتك لو حابب تروح وتفكر وترد بعدين عادى وماتقلقش دهبك وهداياك هتاخدها كاملة وزيادة...
ولسة بابا ميادة هيكمل ...
قاطعة على وقاله اى يا عمى الكلام دة لا طبعا متفكرش كدة عادى ميادة خلاص بقت خطيبتى وقريب هتبقى مراتى ان شاء الله ووارد بخلال حياتنا مع بعض يحصل لاى حد فينا ازمة باى شكل وانا قررت اكمل مع ميادة بقية حياتى ..
وعاوز اطلب منك طلب . بعد ما يعدى الاربعين بتاع عامر صحبى هجيلك ونتفق ع معاد الفرح وهو هيكون خلالى3 شهور ان شاء الله لو حضرتك معندكش مامنع وهجيب اهلى اخر الاسبوع ياكدوا الاتفاق ... اتمنى ان حضرتك ترضى ومش لازم نستنى سنة يعنى انا جاهز ...
قام بابا ميادة حضن على واتأثر جدا لدرجة ان دموعة كانت هتنزل ..
على حس وقاله فى اى يا عمى المفروض تفرح لية بس الدموع دى ..هويام. قام عصمت قال لعلى ادينى 5د ابلغهم بالخبر وبعدين اندهلك ...
دخل عصمت ع ميادة ومامتها
قالهم انا اتكلمت مع على و ظبط الدنيا معاه والموضوع عدى
مامت ميادة سأله قلتلة الحقيقة يا عصمت
قالها استحاله عوزانى اقولة بنتك ملبوسة ولا اية
قعدت ميادة تعيط وانهارت وقالت لازم نقولة الحقيقة مش هينفع اكمل معاه وهو ومخدوع لازم يعرف الحقيقة
راح زعقلها عصمت وقال عليا الطلاق لو فتحتى بقك بحرف هتبقى امك طالق مش ناقص تخلف وجنان خلونا مخلص دة عاشر عريس يطفش
كلمة تانية ومش هيحصلكم طيب
خرج عصمت ومامت ميادة وقالو لعلى تقدر تدخل تتكلم معاها دلوقتى لو حابب هى بقت كويسة ...
دخل على عند ميادة وقالها عاملة اى يا حبيبتى دلوقتى ...
هزت راسها وابتسمت ابتسامة خفيفة ...
قالها بلغك عمو اننا هنتجوز كمان 3 شهور قالتله اه
قالها امال مش فرحانة ليه
قالتله لا فرحانة طبعا ربنا يخليك ليا ...
عدى اليوم وروح على وبلغ اهله ....
وبداوا تجهيزات الفرح ..
نزل على واهلة مع ميادة واهلها يشوفوا شقه على الى هيتجوزوا فيها ...
اول مدخلت ميادة الشقة فضلت وقفة مكانها تبص يمين وشمال وبدأ وشها يحمر وبدأت تتنهد ومكانتش قادرة تاخد نفسها ... بدأت تلف بالشقه
ظهر قدامها مرة وحدة زى قطة سودة صغيرة شكلها مرعب .. صرخت وقعدت تصوت وتقول قطة قطة طلعوها برة .. كان جمبها على فضل يقولها اهدى اهدى فى اى قالتله قطة .. اهى مشيها
قالها مافيش قطط فين القطة . هويام. قالتله انت مش شايفها ..... خلاص
مشينى من هنا حالا
قالها فى اى ماتبوظيش اليوم وماتتقمصيش ع حاجة مش مستهله انا فعلا مش شايف قطط ممكن تكون جربت ومخدتش بالى
قالتلى طيب انا تعبانة مشيينى من هنا
ومرضتش تلف بالشقة واتحججت انها نفسها مش قادرة تاخدة بسبب ان الشقة مققولة من فترة ومتربة ....
عدى اليوم ومحدش لاحظ حاجة..
لما روحت ميادة البيت قالت لمامتها وبباها ....
رجع تانى
قالولها مين الى رجع
قالتلهم انتوا فاهمين قصدى
من اول ما عرفت على وهو حواليا مش هيسيبنى اتجوز ... الموضوع مخلصش زى ما كنا مفكرين ...
رد عصمت .. قالها لا خلص بلاش تنكشى بالموضوع دة تانى عشان متجلبيش الشر تانى يا ميادة ..
قالتله والله يا بابا رجع تانى وحياه ربنا رجع
قالها مش عشان شوفتى قطة سودة يعنى رجع ممكن قطة دخلت الشقة بالغلط ...
قالتلة يا بابا....
وسكتت وتنحت ....
وبصت ورا عصمت ... وابتسمت ابتسامة لئيمة وبصة بصه عجيبه ...
وقالتله اهلا....
كنت حسة بوجودك من فترة ... وبدأت عنيها تنزل دم ...
يتبع ...
شجعونى 😍 😍😍
هويام
التعليقات على الموضوع