الفصل التاسع من "لفة ورد"🌸🌸

الفصل التاسع من (لفة ورد)..💐💜

قال لها حمزة:أنا عارف كل ده علي فكرة
طب عاوز أقولك شرطين لو مش موافقة عليهم ده هيبقي رأيك و نتناقش فيه
مش هقول هسيبك يعني
ضحكت جميلة و قالت:اتفضل
حمزة:أول حاجة عاوز الخطوبة و كتب الكتاب سوا
تاني حاجة عاوز فرحنا يكون إسلامي
لو في حاجة هتضايقك قوليلي عليها
قالت جميلة:و أنا موافقة
دُهِش حمزة لأنه لم يتوقع بأنها ستوافق و قال لها بتعجب:موافقة بجد؟؟!
جميلة بمزاح:لو عاوزني أقول لاء ماشي هقول لاء
ضحك حمزة ثم قال:أنا مش قصدي كده علي فكرة بس اللي أقصده أنك أصلًا مش بتحبيني علشان توافقي
جميلة:كفاية أني بحبك في الله و احنا اتواعدنا نكون أصدقاء
حمزة و قد شعر بغَصة صعبة و لكنه لم يظهرها و قال:أيوة اتواعدنا
جميلة:ممكن محدش يعرف باللي قولناه ده؟!
حمزة و هو يتصنع الابتسامة:أكيد
جميلة بابتسامة هي الأخري:يلا نخرج
حمزة:آه يلا
خرجا سويًا فرآهما يوسف و حاولا معًا إظهار البسمة علي وجوههما فقال يوسف لجميلة بلهفة:ها يا جميلة موافقة ولا لا؟!
ابتسمت جميلة ابتسامة مزيفة و قالت:أيوة موافقة
احتضنها يوسف بشدة و قال بفرحة:ألف مبروووك يا حبيبتي
ثم نظر لحمزة و قال:مبروك يا حمزة
تصنع حمزة الابتسام و قال:الله يبارك فيك يا يوسف
تعالي يلا نخرج نقولهم برا
أمسك يوسف جميلة من يدها و باليد الأخري أمسك يد حمزة
خرجوا معًا فنظر الجميع لهم فقال يوسف:الاخت جميلة وافقت يا جماعة
ابتسم الجميع و احتضنوهما و باركوا لهما فقال حمزة:
يا جماعة احنا قررنا نعمل خطوبة و كتب كتاب سوا
قال محمد:طب ليه بسرعة كده؟!
حمزة:هي وافقت يا عمي علي كده أصل الصراحة محبش الناس يقولوا خطيبها عاوزهم يقولوا زوجها
عزة بفرحة شديدة:الله يباركلك ياابني
نظرت مني لعيون جميلة و هي غير مصدقة ما يحدث لأنه من المستحيل أن يتغير رأيها لهذه الدرجة و عرفت أن هناك شئ مجهول
قال مصطفي:طب هنعمل امتي كتب الكتاب؟
يوسف:ايه رأيكوا نعمل كتب كتاب مني و جميلة في نفس اليوم؟!!
وجه يوسف كلامه لحمزة و تابع:أصل يا حمزة يوم ما إسلام كان هنا قال بردو أنه عاوز كتب الكتاب مع الخطوبة و هيكون الكلام ده بعد أسبوعين كده
حمزة:أنا موافق
قال يوسف لجميلة: وأنتِ ايه رأيك يا جميلة؟!
جميلة:موافقة
فرِح الجميع بهذا القرار فالفرحة ستكون فرحتين
تحدثتا العائلتان سويًا ثم غادرت بعد ذلك عائلة حمزة
قالت مني لجميلة بنبرة فيها شئ من الغضب:تعالي كده يا جميلة عاوزاكي
جميلة:حاضر
دخلتا معًا لغرفتهما و جلستا علي السرير فقالت مني لجميلة:
ليه بتعملي كده يا جميلة؟!
نظرت لها جميلة و قالت و كأنها لا تفهم:بعمل ايه؟
مني:هتستعبطي عليا يا جميلة؟!
أنتِ حتي لو وافقتي عليه مش هتوافقي علي كتب الكتاب بالسرعة دي
جميلة بلا مبالاة:احنا اتفقنا نكون أصدقاء
صرخت مني في وجهها بدهشة:نعـــــــم يا جميلة!!!!!!!
ثم أخفضت صوتها حتي لا يسمعها أحد و قالت لها:أنا مش فاهمة حاجة
جميلة:هو شخصية كويسة والله بس أنا مش عارفة أحبه و كمـ...
مني:كنتي ترفضيه أحسن لأن كده هو هيتعذب قبلك
أنا مش عارفة إزاي هو وافق كده؟!
جميلة:يعني أنتِ بتفكري فيه ومش بتفكري فيا!!؟!
مني:أنتِ غلطانة يا جميلة و هو هيستحمل غلطك علي أمل أنك تحبيه متخيلة قد إيه صعبة أن واحد يتجوز واحدة مش بتحبه!!!
جميلة وقد بدأت في البكاء:كفاااية بقا كفاية
مني بحسم:لا مش كفاية
قومي قوليلهم برا أنك مش موافقة حالًا
جميلة:ما أنا كده هخسر حبه ليا واحترامه ليا
مني:أنتِ كده بتفكري بأنانية
جميلة:لا مش أنانية
مني:لا أنانية و كده ربنا هيعاقبك يا جميلة والله لأن كما تدين تدان
جميلة:سيبيني دلوقتي يا مني
مني:لو سيبتك دلوقتي هسيبك علي طول
جميلة و هي تبكي بحرقة:طب أعمل إيه؟!
مني:صلي
جميلة:ماأنا بصلي
مني:استخارة..صلي استخارة
جميلة:طيب هقوم أصلي و أنام
احتضنتها مني و قالت:أنا آسفة يا جميلة بس مقدرش أشوفك بتغلطي و أسكت
جميلة بصوت مسموع:يارب سامحني أنا والله شايفاه كويس و وافقت لأن مضمنش حد يتقي ربنا فيا كده و شايفة أنه كويس بس مش مناسب ليا
مني:كلامك متناقض أوي علي  فكرة
يلا قومي صلي و نامي وربنا يهديكي للصواب
جميلة:حاضر
قامت جميلة لتصلي و لأول مرة تشعر بكل هذا الخشوع في صلاتها شعرت بأن كل حواسها تصلي
انتهت من الصلاة و وجدت نفسها تقول أذكار الصلاة وتسبح علي يدها فقالت في نفسها:أنا نادرًا ما بسبح بعد الصلاة ليه لقيت نفسي بسبح كده؟!
انتهت من تسبيحها و ذهبت إلي فراشها لتنام
**************************
في الصباح ذهبت هدي لغرفة حمزة فوجدته نائم فهزته وقالت له:حمزة اصحي يا حمزة الفطار جاهز
استيقظ حمزة و قال لها:حاضر يا هدي قايم
هدي بتعجب:أنت إزاي لسه نايم لحد دلوقتي أصلًا؟!
ده أنت دايمًا بتصحي قبلنا كلنا
حمزة بصوت به شئ من النوم:أصل بعد الفجر منمتش علي طول قعدت شوية
ضحكت هدي و قالت له:اللي واخد عقلك بقا
ضحك حمزة ضحكة مكسورة لاحظتها هدي فقالت له:في ايه؟
حمزة:مفيش...ليه بتسألي؟!
هدي:ما أنت مش علي بعضك كده وأنا حاسة أن في حاجة غلط
حمزة:لا يا حبيبتي أنا كويس
قومي بقا نفطر أنتِ يعني مش عاوزاني أكُل؟
ضحكت هدي و قالت:لا ده أنا عاملة ليك النهاردة البيض اللي بتحبه
ضحك حمزة كالأطفال و قال:بجد بجد و حطيتي طماطم؟
ضحكت هدي و قالت:حطيت
حمزة:و فلفل؟
هدي:آه و فلفل
حمزة:ولسه قاعدة قومي قووومي
ضحكت هدي وقالت:حاضر يلا نقوم
**********************
كان حمزة في مكتبه لا يستطيع التركيز في عمله أبدًا
رمي القلم من يده و صرخ قائلًا:أنا ليه وافقت علي اللي هي طلبته؟!!!
ما أنا كده هتعذب وهي مش حاسة بيا
بس أنا بحبها و هحاول علي قد ما أقدر أخليها تحبني
بس معقول تحبني؟!
أنا خاايف تكون بتحب حد تاني و أكون بظلمها أنا
يااارب ارشدني للصواب لأني والله تعبت
سمع صوت الهاتف يرن فنظر له وجد أن هدي المتصلة فرد عليها
فقالت:السلام عليكم
حمزة:و عليكم السلام
ضحكت هدي و قالت بمزاح:مين معايا؟
ضحك حمزة أيضًا وقال بمكر:أنتِ اللي متصلة
هدي:احممم أيوة عارفة بس تصدق صوتك حلو
لا لا أنت عجبتني يا واد
حمزة:بت يا هدي أنتِ انحرفتي و انا معرفش؟!
ضحكت هدي بشدة و قالت:بص أنا هبهرك والله هبهرك
ضحك حمزة بشدة وقال:بتجيلي في أوقات ببقي تعبان فيها و بتخففي همي بعد ربنا
هدي بقلق:هو أنت مالك؟!...
حساك مش مظبط
ارتبك حمزة و قال:طول ما أنتِ معايا هبقي بخير ربنا ما يحرمني منك
هدي:و لا منك يا عمري
**********************
صرااااخ في الغابة مرة أخري و جميلة تهرب من هذا السواد و لا تعرف إلي أين تذهب
تركض وتركض فما هذا السواد؟!!!
لا أحد يريد إنقاذها رغم أنها تصرخ بشدة
فقالت بصراااخ:فين الناس!!!!
فييين الناس!!!؟؟؟
محدش موجود ليه هنا محدش بيرد عليا ليه؟!
ياااانااس حد يرد عليا أنا تايهة بجد
فسمعت صوت يقول بحُب:و أنا مش هسمح أنك تتوهي و أنا موجود
قالت هي بصراخ:اييييه مين بيتكلم ميييييييين؟؟
رأت شعاع نور يخرج منه رجل فنظرت بتمعُن لهذا الرجل فوجدته رجل ملتحي من جانبه ثم نظر إليها فوجدته حمزة فدُهشَت مما وجدته
فقالت بهدوء:حمزة!
ابتسم لها وقال:مستغربة ليه مش أنا قولتلك هاخد بإيدك للجنة!...
أنا عاوزك تقربي لربنا معايا
جميلة ببكاء:ليه هو أنا مش قريبة لربنا؟!
حمزة بابتسامة:كلنا مقصرين في حق ربنا....
هاتي ايدك بقا علشان نعيش حياة ترضي ربنا سوا
ابتسمت له جميلة و أعطت يدها له و قالت بهدوء:أنا مش عاوزة أتوه تاني يا حمزة
حمزة:لو بقينا سوا مش هتتوهي و لا أنا هتوه
سمعت جميلة صوت يقول:اصحي بقا يا جميلة يوووه كل ده نوم
فتحت جميلة عيونها و قالت:أنا فين و مين اللي بيتكلم؟!!
قالت مني:أنا مني يا حبيبتي في ايه؟!!
صمتت ثم تابعت:اوعي يكون نفس الحلم يا جميلة!
ابتسمت جميلة و ضحكت بعدها بصوت مسموع و قالت:أيوة هو نفس الحلم بس بطريقة تانية مخلياني فرحانة و حاسة أن دي رؤية من ربنا أنا فرحانة فرحاااانة
مني بتعجب:أنا مش فاهمة حاجة والله فهميني يا بنتي
قصَت جميلة عليها كل الحلم و هي تضحك كالبلهاء
و عندما انتهت قالت لها مني:أنتِ كنتي متوضية قبل ما تنامي؟!
جميلة بفرحة:يا بنتي كنت صليت الاستخارة و نمت علي طول
ضحكت مني بشدة وقالت:يبقي دي رؤية من ربنا بإذن الله
فرحتي قلبي يا جميلة والله العظيم
قالت جميلة بفرحة شديدة:أنا هقوم أصلي ركعتين شكر لله
تعجبت مني منها فهي و لأول مرة تقول هذا و قالت لها:هو معقول اللي أنا فيه ده و لا بحلم!!
جميلة:لا أنا اللي حلمت و حلمت حلم حلو أوي مخليني طايرة في السما
احتضنتها مني بشدة و قالت لها:ربنا يسعدك يا حبيبتي
جميلة:أنتِ و أنا ياااااارب
*************************
ذهبت جميلة إلي المركز و هي فرِحة بشدة و جرت علي نورا و قالت لها:يا صباح الفل
نورا بابتسامة:يا صباح الجنة علي عيون الناس اللي فرحانة دي و هتحكيلي ليه
ضحكت جميلة بشدة وقالت:أكيد هحكيلك
نورا:ارغي
جميلة:أنا وافقت
دهشت نورا وقالت:احلف
جميلة بكسوف:آه والله
نورا:و إيه اللي غير رأيك؟!
جميلة:لأنه إنسان كويس
نورا:و الخطوبة امتي؟
جميلة:مع أختي مني و هتبقي خطوبة و كتب كتاب بردو
نورا:يا رااااجل ده ازاي ده؟!
جميلة:آه والله
نورا:لا مش مصدقاها فيكي يا جميلة والله
ضحكت جميلة و قالت:عارفة وربنا من غير ما تقولي كفاية تعبيرات وشك
ضحكت نورا و قالت:والله فرحانة أووووي أنتِ مش متخيلة أنا فرحانة قد ايه!!!!!
جميلة:أنا عارفة أنك هتفرحيلي والله ربنا ما يحرمني منك
كان كل هذا الكلام تسمعه دنيا و هي تحترق و تقول:ليييييه كده ليه؟!!
ليه عملت كده يا حمزة و كمان مع أكتر واحدة بكرهها في حياتي!!!!!
لا أنا لازم أتصرف أنا لازم أتصل بيه و أحكيله هو اللي هيلاقي الحل
اتصلت دنيا به و حكت له كل ما سمعته فقال لها بكل ثقة:متخافيش أنا هعمل حاجة هتخلي ثقته فيها تبقي في الأرض
ثقته فيها هتنعدم و مش هيقبلها تكون مراته و ساعتها هي هتكون بتاعتي و هو هيكون ليكي
ضحكت دنيا و قالت:ربنا ما يحرمني منك يا.....