قصة الجحيم 💀الجزء السابع💀

#الجحيم
#الجزء_السابع.. معظم الاحداث حقيقية
سمعت صوت كركبة جاية من جوة ...
تقريبا .... الحمام ...
قلبى اتقبض ... وبدا صوت القطة ... القطة السوووودة
يظهر .....
والباب يخبط ...
ومحدش يرد ...
سمعت صوت حد جاااااى من الطرقة
بيقرب عليا...
وباب الشقة يخبط واسال مين محدش يرد...
الصوت بيقرب ....
وبدات اسمع ... ماغورراااااا
فتحت باب الشقة ... وقلت اصرخ اجرى اعمل اى حاجة
لقيت الشيخ بوشى ...
مبرقلى ومبتسم ... ابتسااااامة اعوذ بالله من الشيطان الرجيم ....
مرعبة فوق الووووووووصف
ملامحة اصلا كانت بتخوفنى
بس المرادى .... كان ساكن روحة شيطان .
كانة شيطان متقمص الشيخ ....
او الشيخ اصلا ......
مش عارفة اقول اية
الصوت الى طالع من الحمام  بيقرب
وبيقولى ماغورااااا
والشيخ بوشى مبتسم و وبيقولى ماجيتيش لية يا سمر يا بنت فاطمة ....
وادانى ضهره ونزل ...
والصوت ورايا بيكرر اسم ماغور ... بيقرب ...
سامعة صوت رجلية بالارض ...
رحت طلعت من الشقة جرى ع شقة حماتى..
طلع ورايا ... قعدت اخبط عليها ...
محدش بيفتح ...
وصوتة طالع ورايا وبيكرر ماغور .... ما غورررررا
قعدت اهبد ع وشقة حماتى عشان حد يفتح ابدااااا.
بدا الصوت يقرب ... وظهر بوشى ...
حسيت لحظتها قلبى هيقف من الرعب ...
الصوت بيقرب .. فاضل لحظات ويظهر بوشى
حسة المرادى هيجيلى سكتة قلبية وهموت .. مقدرتش اكمل خبط على شقة حماتى
قعدتى بالارض
بالزاوية وضميت رجالى على صدرى  وسندتماغة عليها وغمضت عينى واستسلمت
قررت استسلم واتمنيت الموت ... فعلا انمنيت يموتنى الشئ دة واخلص ...
مافيش حل ...
خطوات رجلية كانت زى صوت الخشب ع السلم .. عشان رجلية شبة رجلين المعزة
فضل يقرب وانا بنفس الوضع ... مش ناوية اقاوم .. انا اضعف من انى اواجهه
قرب اكتر ....
وحط ايدة على راسى ...
جسمى قشعر وارتعشت ... خلاص حاسة قلبى   هيساعدنى وهيقف وينهى الجحيم دة ..
حسيت الشئ الى كان بيطاردنى
نزل وطى وراح حاضنى ....
وندة سمر ... سمر
اى جابك هنا ... اى الى مقعدك بالضلمة هنا يا روحى ...
روحى ردت فيا ....
محمد .... محمد انت هنا محمد الحقنى  يا محمد الحقنى
حضنى محمد جامد وقالى اهدى بس ... شكل الموضوع كبير ...
تعالى اسندى عليا ننزل شقتنا وفهمينى تحت اى الى بيحصل ...
نزلنا انا وهو
وقررت احكى لمحمد كل حاجة من يوم ويجا وموت صحابى والشئ الاسود ووالقطة وروث الحيوان والشيخ .........الخ
كنت بحكى وواثقة انة مش هيصدقنى
انا اصلا لو حد حكالى الكلام دة  مش هصدق ...
محمد سمع كلامى كلة للاخر ..
ارتحت جدا حتى لو م هيصدق حتى لو مش هيعملى حاجة .. بس كنت حاسة ان دة هم على قلبى كان نفسى حد يكون عارفة ع الاقل طلعت كل الى جوايا ...
قالى ممكن تسيبينى اساعدك بطريقتى ...
وماتعترضيش خالص ...
هزيت راسى بالموافقة
قالى اول حاجة انتى حامل .. وعاوزين ابننا يجى بالسلامة  فلازم تتحركى بحرص وتتصرفى بحكمة شوية
ماتجريش مثلا
ماتطلعيش السلم بسرعه .....الخ
تانى حاجة ودى الاهم
لازم نروح لدكتور نفسى  ودة مش عيب ولا غلط
ولا حاجة تكسف بالعكس زية زى اى دكتور
حلفتلة انى والله ما مجنونة والى بيحصل بيحصل بجد
قالى استنى
وقام جاب اللاب توب ... وكتب بالسيرش
الهلاوس السمعية .. الهلاوس البصرية ... الفصام .....وغيرة
قرالى كل الى مكتوب ... ملخص الى اتقال
ان ممكن اى بنى ادم منا يسمع حاجات ويحسها حقيقية مليون المية ... وهى بالاخر سراب
هلاوس مالهاش وجود
وممكن كمان تشوف حاجات او ناس وتتفاعل كمان معاهم لدرجة ان ممكن التفاعل دة يسيب اثر على جسمك فتقول لنفسك لا الموضوع حقيقى والدليل اهو
لكن بالحقيقة دة وهم ....
اول مقال كلمة وهم ... حسيت ببرودة بالجو ...
وكانى اتصدمت ... معقول
معقول يطلع وهم ..... بسهولة كدة .... وهم
كل وجع السنين دى ... وهم
وبدات اعيط كانى رافضة انى جحيم السنين الى فاتت
يطلع وهم واكون اتبهدلت كل دة ... بسبب  نفسى او مرض نفسى
استغربت شعورى ... محمد سالنى بتفكرى ف اى بقى
حكيتلة بالظبط الى حسيت بية والى جة بدماغى
قالى دة تالت جزء ... الفصام
ممكن تنفصلى عن العالم الى مش مرغوب بيكى فية مثلا او الفاضى الممل ... الخ حسب السبب وتبداى تكونى لنفسك عالم خاص بتفاصيله باحداثة بشخصياتة ....الخ ....
بدات اقتنع ....
قالى يا سمر احنا ناس متعلمة ولازم نروح للى يقدر يساعدنا صح عشان كدة يا سمر .. احنا لازم بكرة نحجز دكتور نفسى كويس ونبدا نتابع معاه ...
قلتله ماشى
قالى فى غدا ؟
سكت مردتش وبصيت بالسقف
قام اتصل وطلبلنا دليفرى
اكلنا
وفضل يعمل بحث على النت عشان يوصل لدكتور كويس
وتانى يوم اخد اجازة ...ونزلنا الدكتور
لما رحت للدكتور
طلب منى احكيلة كل حاجة بالتفاصيل وبصراحة
حكيت كل التفاصيل  كلها كلها ...
بعد ما خلصت
..ادانى ورق وقلم وقلى حاولى ترسمى كل الحاجات الوحشة الى بتشوفيها  ..
مسكت القلم وجيت ارسم ...مش قادرة
مش عارفه ارسم ولا احرك القلم ...
كنت لحظتها  مركزة جدا بالورقة عشان احاول ارسم
سمعت ... ماغورا
ماغورا
ماغور ا
بدات ابص يمين وشمال
مافيش حاجة ...
الدكتور حس بيا وانى ببص يمين وشمال
سالتى فى اى .
قلتة سمعت  حد قال ماغورا
قالى تملما ورينى رسمتى اى
قلتله مش قادرة ارسم حاجة
قالى خلاص خلى الرسم المرة الجاية او اى وقت  تكونى فاضية ارسمى .
سال محمد الدكتور ... سمر مالها يا دكتور
قاله التشخيص المبداى صدمة قديمة
واحساس بالذنب وانها مسؤله وكان المفروض تموت لانها اتسببت ف موت صحابها
فكبر الموضوع جواها واتحول لشبح بيطاردها بتعذب بيه نفسها عشان ..
فنتج عنة هلاوس كتير ...
قاله طيب والعمل
قاله الفترة دى الدوا مش هيجيب نتيجة كويسة عشان هى حامل ..وهتاخد ادوية بتركيز بسيط جدا
لازم حد يهتم بيها ويفضل معاها طول الوقت
لازم ميبقاش فى وقت تنفرد بيه بنفسها وتفضل تفكر
ولازم يا سمر تبداى تتصالحى مع نفسك وتعرفى ان كلما بنغلط ... واكيد مكنش قصدك ... بلاش تعذبى نفسك
انتى الوحيدة الى هتقدرى تساعدى نفسك
لازم القرار يطلع من جواكى
مهما سمعتى ومهما شوفتى اثبتى ...  دة مش حقيقى
مع الاسف من جوايا مقتنعتش نهااائى بكلامة

علميا ممكن يكون صح بس فى حلقات مفقوووووودة
والصراصير الى طلعت من الكيسة الى ماما كانت جيباها ؟
طيب ويجا زمان ل
ما اتحركت وقالت موت
وفعلا ماتو
طيب والاذان الى مبسمعهوش نهائى
هلاوس ازاى ......
واحنا ماشين سلمنا على الدكتور  ادناه ضهرنا وطالعين
سلام يا استاذ محمد
سلام مغورااا
رحت دورت وشى مرة وحدة وبصيت عليه
لقيتة اتحول للشيى الاسود المرعب وباصصلى ...
قعدت اهز فى محمد شوف شوف
الدكتور ... الحق ... اهووو بقى ... بقى  شيطان
محمد .. مسكنى من ايدى وشدنى برة الاوضة
واعتذر لدكتور
قعدت احلفله والله والله شوفت شيطان
شيطان
قالى مش لسة قايل الدكتور مهما تشوفى  وتسمعى ماتصدقيش
حاولى تسعدينا وتساعدى نفسك يا سمر
بدات اعيط ...
قالى بتعيطى ليه دلوقتى
قلتله كنت مفكراه هتصدقنى
قالى منا مصدقك
فلتله لا
قالى والله مصدقك بس التفسير الى مش عجبك
طيب خلينا نمشى ورا كلام الدكتور للاخر .. مش هتخسرى حاجة وهتعرفى ان كل كلامة صح
قلتله فى حلقات مفقودة وحاجات مش مفهومة
قالى كل حاجة ليها تفسير يا سمر بس انتى شايفة الموقف من زاوية واحدة ....
يلا بينا نروح وهتبقى كويسة بس اسمعى كلام الدكتور ...
روحنا البيت
دخلت اخد دش ...
محمد كان برة
خد التليفون وطلع البلكونة كلم ماما
وسالها على موضوع الصراصير الى طلعت من الشنطة
استغربت سمر حكيتلك
ماما قاتله كان يوم اسوووود
الصراصير كانت هاجمة عليا  كانت هتموتنى
وقرتت مدخلش بيتكم تانى لحد ما سمر تروح لشيخ يشوف مين عاملها العمل
قالها بس يا طنط الكلام دة غلط مافيش حاجة اسمها كدة ....
قالتله دة الى حصل عتبكم فيها حاجة
وبتى مش مصدقة ...
كان على وشى صابون
حسيت بحد بمسك شعرى وبيدخل صوابعه فى شعرى ...
قعدت اصرخ مش عارفة افتح عينى مليانة صابون
بس فتحت وقفلت كم مرة
الحمام ضلمة النور اطفى
بس فى نور برة بالشقة
بداء النور يروح ويجى
ظهر قدامى الشيطان الى بيطاردنى
قعدت اصرخ واندة ع محمد
صرخت
باللحظة دى محمد سمعى صوتى بصرخ
جة جرى يفتح الباب  مش عارف باب الحمام مقفول جامد
فضل محمد يحاول يفتح الباب من برة وانا جوة
الشئ  الاسود بعد عندى ووقف بزاوية الحمام .   وفضل باصصلى
وقال ماغورا
واختفى لحظتها محمد قدر بفتح الباب
قالى فى اى اى دة شعرك ماله
لقيت شعرى متقطع كلة ومرمى بارض الحمام
شوفت شعرى بالارض قعدت اصرخ والطم واقولة صدقتتى صدقتنى صدقتنى
لفنى محمد بالبشكير وطلعنا من الحمام
واتصل بالدكتور وحكاله
قاله سمر دلوقتى بتحاول تعمل حاجة تثبت بيها انها صح
والحاجة دى ممكن توصل انها تاذى نفسها
لازم تاخد المهدئ ولازم تبقى تحت عنيكوا ديما
ولما تهدى اتكلم معاها تانى
وقولها ان كل دة هى الى بتعملة واننا عارفين عشان متلاقيش من اذية نفسها لازمة فتبطل
هدانى محمد واتصل يالصيدالية جابوا الادوية
وبدا يقولى ان عقلى بيصورلى كل دة
وانة بيحاول يساعدك ويثبتلنا انك ع حق بانة يخليكى تاذى نفسك
معهما تشوفى مهما تسمعى مهما يحصل الفترة دى
مش حقييييييقى يا سمر
الكلمة وجعت قلبى اوووووووى
مفعول الدوا اشتغلى
وبدات اروح بالنوم ....
بعد فترة من النوم وعلى الاغلب مش طويلة
بدات افتح عينى
لقيت نفسى نايمة بنص السرير  فى اوضتى
وعلى يمينى حصان على هيىئة بنى ادم
وعلى شمالى ...كلب اسود ضخم ...
وواقف الشى الاسود الشيطان الى بيطاردنى اخر الشرير ...
وماسك  زى وعاء معرفش جواه اى
قرب منى ...
حاولت اقوم او اصرخ مقدرتش
دخلت فى حاله الجاثوم تانى
قرب منى اكتر وطلع حاجة حادة
قتل بيها الحصان
والكلب
وملى الوعاء دة دم من رقبتهم ...
وبدا يقرب منى
ورفعنى قعدنى ...
وبدا يشربنى من دمهم ...
و مسك الدم بايدة وفضل يحطة على شعرى وعلى جسمى ...
وبعدين وقف عند طرف السرير تانى  لف جامد حوالين نفسة .......
يتبع..... 😍😍

اتمنى الجزء يكون عجبكم ومستنية رئيكم وتشجيعكم بقى
عاوزة كومنتات كتير 😍