قصة الممسوسه👻 الجزء الحادي عشر👻

الممسوسة
الجزء_الحادى_عشر
على من جواه كان خايف ومرعوب عشان هو فهم الحقيقة ...مش من السهل تبقى عارف انك هتتعامل مع شيطان .. ممكن تسمع بالقصص والحكايات وممكن تبقى مؤمن بوجودهم حواليك بس انك تبقى واثق من انهم جاين بجد وحقيقى عشانك ... الموضوع مختلف
بعد ما ولعوا الشمع بدأوا يحسوا بحاجات بتلف حواليهم زى اطياف  مش باين بس حاسين بيها ...
وبدا يظهر ع الحيطان خيلات لشياطين لما بتعدى من قدام نور الشمعه بينعكس شكلها ع الحيطة ...
بدأوا يصرخوا   .. بدأ على يقرا قران بصوتة ...ببحاول يجمع الايات بالعافية...
النور جة فضلت مامت على تعيط وتصوت وتلطم وتقول اشباح ارحمنا يارب اشبااااح 
قعد على يقولها اهدى يا ماما اهدى ممكن نكون فاهمين غلط ....
بس انا قريت قران عشان اطمنكم مش اكتر ...
ودخل على اوضته وقلبه مقبوض ...
بدأ يحس فعلا بحجم الى هو داخل عليه ..
لما دخل على اوضتة لقى نقط دم كتيييير ع الارض وبتنتهى تحت سريرة
فضل باصص لنقط الدم وقال اعوذ بكلمات الله التامة من شر ما خلق ...
وبدأ يقرب من تحت السرير عشان يشوف مصدر الدم اى ...
رفع الملاية وسمى الله ووطى يبص تحت السرير..
لقى قطة سووودة متقطعه تحت سريرة راسها لواحدها وديلها لوحدة واديها لوحدها ورجليها لوحدة ...اتخض ورجع  بضهرة لورا اتعبل وقع لقى راس القطة اتحدفت عليه من تحت السرير ... وراحت عين القطة فتحت وبرقتله والقطة نونوت ... راسها بس من غير جسم ...
جسمة قشعر وقال بسم الله الرحمن الرحيم وبدأ يقرا اية الكرسى وهو بيعيط
من الخوف الى كان حاسس بيه والى المفروض يخبية عن اهلة ويتعايش معاه مؤقتا لحد مايلاقى حل ...
غمض على عينة وقعد يقرا قران ...
ولما فتح عينة لقى كل دة اختفى ... تماما كان شيئا ما لم يكن
مافيش دم مافيش قطة ....
غير على هدومة وجاب مصحف وطلع ع السرير وفضل يقرا فية لحد منام ع نفسة ...
كان كل شوية يقوم من النوم مخضوض يتفجع ...
ويرجع يصحى مفجوع .. ويرجع ينام ويرجع يحس ان فى حد باصصله ومقرب وشة منة...
يصحى مخضوض ميلاقيش حاجة ..ينام تانى ويتهيئله ان فى حد بيهمس بودنة  ليناااااف ...
صح المرادى وقرر مينامش  وهيفضل صاحى لحد م يطلع الصبح ..
فضل يقرا قران لحد الفجر .. وصلى الفجر ...
ورجع كمل قران لحد ما مبقاش شايف حاجة قدامة ....
نام على ع نفسة ...بعد وقت .......
رن تليفون على ... ميادة
ميادة:- صباح الخير عامل اى يا على انا رحت الشقة انهاردة عشان امسحها انا وماما وكدة هو احنا هنطلع العفش امتى عشان الحق اجهز نفسىى
على:- منين م تبقى جاهزة قوليى وتانى يوم نطلعه
ميادة :- تمام ممكن بعد بكرة احنا دافعين تمن العفش فاضل يتنقل بس والاجهزة ممكن ننزل نجيبها انهاردة
على :- تمام يا ميادة الى انتى عوزاه
ميادة :- حبيبى يا ماعود
على :- مين .. ماعود مين
ميادة :- فى اية بقولك حبيبى يا على اى الغريب ؟
على :- بس انتى قلتى ماعود
ميادة :- والله قلت على
على :- حصل خير .. قولى لطنط اعدى اخدهم من بيتكم ولا اعدى ع الشقة اخدكم ع 7 هتكونوا خلصتوا ولا لسة ...
سالت ميادة مامتها
ورجعت ردت عليه هنكون لسة مش خلصنا عدى علينا ع الشقة خدنا ننزل من هنا ...
على :- تمام .. اشوفك بخير حبيبتى لا اله الا الله
رزعت ميادة السكة بوش على ....
مقدرتش تسمع ولا ترد ....
قام على يشوف مامتة مالقاش حد بالبيت
خاف يقعد لوحدة قام لبس ونزل جرى ع الشارع ..
اتصل بصاحبة احمد .. وقابلة ع القهوة
قعدوا مع بعض .. وبدا على يسال اساله غريبة لاحمد
زى تعرف حد بيصرف الجن ؟
احمد قاله اى دة فى اى يا عريس اى الى بتقولة دة فى اى اتلبست ؟
مهتمش على لكلام احمد عشان كان دماغه مشغولة بالى هو فية
وراح ساله تعرف شيخ كويس مش كلامنجى وخلاص ؟
برقبه احمد وقاله خير يا عمنا عاوز تعمل عمل للعروسة ولا اية
المرة دى صرخ على باحمد وقالة رد ع اسالتى عدل مش عاوز هبل مش هتقدر تساعدنى قولى وخلاص ولا اقولك انا غلطان انى اتكلمت مع واحد تافه زيك
وجاى على يقوم يمشى لقى احمد مسكة وقاله اهدى بس وفهمنى فى اية شكل الموضوع بجد
قعد على وبدأ يحكى لاحمد بس  طبعا مقالوش ان ميادة هى الى تعبانة قاله حد قريبة وانة كان المفروض يبعد عنة بس هو مش عاوز ومن ساعه مقرر يكمل وهو بيشوف وبيسمع حاجات غريبة ...
رد احمد وقاله اعرف حد تبع ماما كان مر بالوضع دة بس معرفش عملولة اى  انا هتصل عليها وافهم  عملوا اى استنى ...
رح احمد اتصل بمامتة عن قريبهم الى مر بظروف مشابهه عملوا معاه اية
قالتوا  فى ست بركة راحولها وساعدتهم بس معرفش فين ولا مين ولا عايشة ولا ماتت اصلا الكلام دة من 9 سنين اقفل هروح اسالهم ولو وصلت لحاجة هكلمك ...
قفل على مع احمد وفضلو مستنين  مكلمة مامته احمد
اتصلت بعد ربع ساعه وقالت الست مكانها بالسويس واديتهم العنوان ...
قرر على انة ياخد ميادة ومامتها وباباها  ويسافروا تانى يوم السويس ...
كان فاضل ع الفرح 10 ايام رفضت ميادة وقالت انا عاوزة احضر للفرح واستمتع بالفترة دى مش عاوزة اضيعها بالسفر والشيوخ
عشان خاطرى  يا على بعد الفرح باسبوع هسافر معاك واعمل كل الى انتى عاوزة عشان خاطرى خلينى اعيش اليومين دول ...
بالعافيه اقنعت ميادة على ... ومع الاسف مكانتش ميادة الى بتقنعه كانت ليناف ...
مش عاوزاهم يروحوا عشان اكيد مرواحهم فى ضرر ع ماعود ...
ميادة من جواها مش منقسمة ولا عندها انفصام و عاوزة تخلص من الجحيم الى عايشة فيه
لكن ماعود مش بيخلى ميادة تسمع وتعرف كل حاجة بيحجب عنها تفاصيل معينة ...
ميادة لو كانت عرفت موضوع الست البركة دة كانت جريت سافرة انهاردة مش بكرة
ولكن ماعود خلى ليناف الى تتعامل بالموقف دة.. ولغى ميادة
اقتنع على عشان خاطر ميادة ... واتفقوا بعد الجواز يروحوا للست دى ...
ميادة طبعا شافت ايام سودة وليالى سودة كل ميقرب الفرح ماعود ياذيها اكتر ويقرب منها اكتر
ولكن كان بالمقابل على مواظب ع الصلاه والقران 24س يا قراية يا مشغله والاذكار ... وكل دة كان بيضعف من ماعود بس برضو ماعود مكنش بيسكت....
الليله الى قبل الفرح الساعه 3 الفجر
اتصل حد من جيران على بالشقة الى هيتجوز بيها ...
الحق يا على شقتك ولعت ...فى نار طالع من الشبابيك اتصلنا بالمطافى بس لسه ماجوش هنكسر الباب ونحاول نطفى لحد ما تيجى وتتصرف ..
قام على جرى اتصل باحمد صاحبة وخد ابوة وجروا ع الشقة ...
الى كانت وقت وصولهم ..  رماد مافيش ولا حاجة ماتحرقتش الشقة بقت سووووووودة ....
والعفش بقى فحك ورماد ع الارض ....
والجاد والستاير كلة اتحرق ...
وكل الازاز الى كان بالمطبخ او النيش متكسر ع الارض ... يعنى مش مجرد حريق عادى ...
دة بفعل فاعل ... اعوذ بكلمات الله التامات
قعد على ع الارض وبص ع شقى عمره وقعد يعيط ....
دخلى احمد وابو على الشقه يشوفوا فى حاجة سليمة ولا
لقوا كل حاجة محروقه تماااااما ماعدا هدوم ميادة ... بكيستها زى ماهى ..
الكل استغربوا
بس على كان فاهم وهنا بالنسباله كانت النهاية ...
وقرر مايكملش مع ميادة ...
وبكدة انتصر ماعود
وسط ما على كان بيبص على شقته وهى خربانه ومحروقة ... ظهر وسط الضلمه ماعود ... لمحى على جسمة قشعر وحس ان جسمه سخن وشعر جسمة وقف ..  اى دة ... بسم الله ومكملش راح اختفى قبل ما يقول الرحمن الرحيم
يوم الفرح....
المفروض على يعدى ياخد ميادة من الكوافير الساعه 7 ...
بقت 8 ومجاش على .. وبيتصلو عليه تليفونة مقفول ...
بقت 9 ... ومظهرش على بعتولة حد ع بيته مالقاش حد ...  اختفى على
يتبع😍😍