بناتي حياتي 🌸الحلقه الثامنه🌸
رواية 💖بناتي حياتي💖
بقلم_ولاءيحيي
الحلقه الثامنه
احمد باستغراب : تجاوزها!!!! بس لين لسه مخلصتش كليه دي لسه في سنه اولي مستحيل عمي فؤاد يوافق يا سليم
سليم بعصبيه : وانا ما فيش مستحيل هيقف قدامي انا بحبها..... وهتجوزها ياحمد هتجوزها وتكمل كليتها وهي في بيتي.... انا عمري ما همنعها عن دراستها هأساعدها كمان.... هي بتدريس مجال شغلي هبقي معها خطوه بخطوه.... احمد انت لازم تساعدني
احمد : يابني انا ماعنديش مانع بس انا مليش اني ادخل في حاجه زي دي.... كل اللي اقدر اعمله اني اقول رائي فيك.... بس القرار في الاول والاخر للين وعمي فؤاد
سليم : لين موافقه وبتحسبني.... بس لازم حد يوقف معانا ويقنع عمي فؤاد... انت وسيلا ياحمد لازم تقفو معانا تساعدونا ( ويبعد عنه بعصبيه)
لو انت مكلمتوش انا هكلم حد من عمامها او جدتها او هسافر لعمي فؤاد بنفسي... مهو انا هتجوزها يعني هتجوزها.... انا بحبها ياحمد بحبها أووي
احمد بابتسامه : اهدي يابني وبطل تهور.... عمي فؤاد بطريقتك دي هيرفض.... وبعدين هو واحد بس اللي يقدر يقنعوا
سليم بلهفه : مين؟ قولي هو مين وانا هروح ليه واكلمه
احمد يقرب منه ويحط ايده علي كتفه : لين يا سليم لين بس اللي تقدر تقنع عمي فؤاد.... وانت بتقول انها موافقه يبقي سيبها هي تتصرف... بطريقه وفي الوقت اللي تشوفه مناسبة.... لين اكتر حد فاهم بابها ومامتها.... لين مع انها لسه صغيرة بس هي اعقل من سيلا بكتير.... وعمي فؤاد بيثق فيها وفي قرارتها اهدي يا سليم وسبب لين تتصرف هي هتعرف ازاي تقنعهم بس انت اهدي علشان متخسرهاش
سليم بضيق : اخسر مين.... دا انا اولع في الدنيا كلها انا مستحيل اخسر لين..... لين ليه انا وبس ياحمد مش هتبقي لغيري ابدا
احمد يضحك : دا انت وقع علي بوزك... بس ليك حق ما انا عارف بنات خالتي جامدين.... ما انا عيشت الانت عايشه.... بس انا بقي كنت هادي وبتصرف بعقل
سليم ينفخ بضيق : هو انا بقي فيه عقل
#بقلم_ولاءيحيي
💖💖💖💖💖💖💖💖💖💖💖💖💖
وعند سيلا كانت نايمه وتصحي علي صوت خبط باب الشقه
سيلا بنوم : ايوه جيه اهو (وتبص من العين السحرية تلقي لين )
سيلا تفتح الباب :ادخلي يا ازعاج
لين باستغراب : يا نهارك ابيض... انتي لسه نايمه دي الساعة واحده يا بنتي
سيلا بتعب : يابنتي ارحميني مش كفاية امك لسه مسمعاني كلمتين علشان اتصلت لقيتني نايمه
لين تقعد وتضحك : والله دي لو كانت هنا كان زمانها
جيبتك من شعرك... هو انتي يا بنتي مش متجوزه مش تقومي تعملي غداء للرجل المسكين اللي اتجنن في عقله واتجوزك
سيلا تنام علي الكنبة : لا يا ستي مش هعملوا غدا.... هو لسه مكلمني.... و عزم اصحابه علي العشا هنا النهارده..... فانا ادب ليه مش هعمله غدا وهسيبوا جعان لحد العشا
لين باهتمام : اصحابوه مين اللي عزمهم
سيلا بتتاوب : سليم ومحمد واسلام اللي هيفتح معاهم المكتب الجديد.... جاين علشان يتفقوا .... كانوا عاوزين يتقابلوا في مكان ويتكلموا.... فطبعا أحمد بيه فرد صدره وعزمهم علي العشا هنا والنهارده ... مش مثلا يقولهم بكرا ولا يأخذ رائي الاول لا بيحطني قدام الامر الواقع
لين بابتسامه :ياسلام وايه المشكلة يعني... ما بابي دايما يعمل كده في مامي.... وهي عمرها ما زعلت وعلي طول بتكون مستعده.... قومي يا ستي و انا هساعدك مش انتي عندك كل حاجه في الثلاجة
سيلا بتتمطع: ايوه ما انتي عارفه مامي و نناه ملين الثلاجة والديب فريزر... وكل شويه نناه تبعت حاجه
لين : طب حلو اوي يلا بينا نبدأ نجهز علشان نلحق
سيلا بتصنع التعب : والله يا لين انا مش قادره تعبانة ومش عارفه مالي
لين تقرب منها بقلق : ليه يا حبيبتي مالك اجبلك دكتور
سيلا بدلع : لا سبيني انام ساعه
لين تضربها علي كتفها : خضيتني يا رخمه...وانتي بتدلعي (وتبتسم)طيب قومي ارتاحي وانا هتصل بناناه تبعت داده زينب علشان تغسل علينا ومنكركبش الدنيا... وهبداء انا احضر علي ما هي تيجي... وتكوني انتي فوقتي و تيجي تساعديني
سيلا تبوسها : حبيبتي يا لين هي دي الاخوات ولا بلاش
#بقلم_ولاءيحيي
💖💖💖💖💖💖💖💖💖💖💖💖💖
ورحت سيلا تكمل نوم... ولين دخلت المطبخ.... جبت ورقه وقلم علشان تكتب وتشوف هيعملوا اكل ايه وكانت فرحانه ان سليم هيجي بليل وهي اللي هتعملوا الاكل.... وكانت عاوزه تعمل كل الاكل اللي سليم بيحبوه فتصلت بشروق
شروق بابتسامه : وانا بقول التلفون نور ليه
لين بابتسامه : علي فكره بقي انا زعلانه منك... لا بتيجي عندي والا بتتصل بيا.... وانا اللي افتكرت اني لما هدخل الجامعة هنا... مش تسبيني وهتفضلي معايا كل يوم
شروق بابتسامه : والله عارفه اني مقصره معاكي بس كنت مشغولة في الكليه.... بس متزعليش بكرا هجيلك الجامعة ونفطر سوأ
لين بابتسامه : اوكي حبيبتي هستناكي (وتكمل بارتباك) بقولك ايه شروق كنت عاوزه اعرف حاجه كده ممكن
شروق بابتسامه : تدفعي كام
لين تضحك : طول عمرك ماديه حقيره عموما انا اللي هعزمك بكرا علي الفطار
شروق بفرحه : فطار وغدا وفي المكان اللي اختاره
لين بابتسامه :انتي بت مستغله على فكره... بس ماشي يا ستي موافقه فطار وغدا
شروق : دا الظاهر انها حاجه مهمه اوي اللي عاوزه تعرفيه علشان توفقي بسهوله كده... خير يارب عاوزه تعرفي ايه
لين بكسوف : كنت عاوزه اعرف ايه اكتر اكل سليم بيحبوه
شروق بضحك : ايوه بقي مدام فيها سليم يارتني كنت طلبت فطار وغدا لمده اسبوع.... هو دا اخرت التسرع
لين بغيظ : انطقي يا بت بقي مش فاضيه لرغيك انا
شروق بابتسامه : ماشي يا ستي متذوقيش اكتر اكل بيحبوه.... امممم اه المكرونة بالبشمل و ورق عنب ويكون اللي لمون كتير علي ورق العنب... بس تعالي هنا هو انتي بتسالي ليه
لين بضحك :و انتي مالك يا حشريه يلا باي
وقفلت بسرعه قبل ما شروق ترد وتفضل تسألها
بس سيلا كانت واقفه علي باب المطبخ وسمعت المكالمة وطبعا هي كانت حسه من زمان ان لين معجبه بسليم بس اللي مكالمة دي حسستها ان فيه حاجه اكبر هي متعرفهاش فدخلت للين
سيلا تقف جمب لين : ها طلع بيحب يأكل ايه
لين بخضه : ميامي... ايه دا خضتيني انتي جيتي امتى... مش قولتي هتنام
سيلا تبص لها اوي : صعبتي عليه قولت اجي اساعدك.... مقولتيش بيحب اكل ايه
لين بتهرب من عينها : هو مين دا
سيلا رفعت حجبها : اللي كنتي بتكلمي اخوته دلوقتي علشان تعرفي هو يحب يأكل ايه
لين بارتباك : ااااه مهو انا قولت اعرف بقي هم بيحبوه اكل ايه علشان نعمله ويعجبهم واحمد يتبسط منك بقي و كده.... يعني علشان ترفعي راسه قدام اصحابه ودي اول عزومه ليكي
سيلا تربع ايدها وتبص ليها : اه تصدقي صح بس ياترى بقي هتعرفي اسلام ومحمد بيحبوه ياكلوا ايه هم كمان ازاي
لين باستغراب : اسلام ومحمد مين ( سيلا بصت ليها رفعه حواجبه فين افتكرت ان في اتنين معزمين مع سليم)
لين بارتباك : اااه.... ما هم اكيد بيحبوا يا المكرونة بالبشمل يا ورق العنب ما الكل بتحبهم اصلا يا سيلا
سيلا تقرب منها : لين اخلصي وبطلي لف ودوران وقولي ايه الحكاية من اولها
لين بتصنع الزعل : يووووه يعني انا غلطانه اني حبيت اساعدك... طيب انا همشي واعملي لوحدك سلام
( ولفت عشان تمشي بس سيلا مسكتها من الشميز من قفها زي المخبر ما بيمسك الحرامي كده ههههههههههه)
سيلا : لا يا عسل شغل القمص دا يمشي مع ابوكي مع امك مع العيلة كلها.... لكن انا لا.... انا ممكن ارزعك قلم اخليكي تعترفي من اول ما خرجتي من بطن امك..... انطقي يا لين بسرعه وقولي ايه الحكاية
لين بخوف : هقول هقول والله خلاص هقولك بس سبيني
سيلا تسيبها : اخلص قولي (باب الشقه يخبط وينقذ لين)
لين بفرحه : الباب بيخبط انا هروح افتح وجي
( وتيجي تمشي تروح سيلا شدها مقعدها علي الكرسي تاتي)
سيلا : لا ياختي اترزعي هنا انا اللي هفتح واجيلك علي ما تجمعي افكارك كده وتشوفي هتبدئي تحكي من اول فين ماشي يا حلوه
ورحت سيلا تفتح الباب وكان احمد
أحمد بابتسامه : حبيبتي وقلبي وعقلي ودنيتي الحلوة كلها (وراح بيسها )
سيلا بابتسامه : اهلا يا حبيبي جي بدري يعني
احمد : مهو بصراحه حسيت اني دبستك في العزومه كده من غير ما اقولك قبلها وتكوني عمله حسابك فقولت لنفسي ايه قله الزؤق دي.... انا لا يمكن ابدا اسيبها تعمل الاكل لوحدها انا لازم اروح اساعدها وافضل واقف معاها في المطبخ لأخر نفس.... بس انتي حضري لية مريلة من بتوع المطبخ بطقيه بتعتها زي الشيف الشربيني.... وانا ايه هواد هتلقيني لهلوبه في المطبخ يا ستو هانم
سيلا تضحك علي اسلوبه : والله وانت بقي بتعرف تعمل ايه يا حضرت الشيف
أحمد يقرب منها بحب : انا يا ستو هانم أعجبك جدا.... خدي عندك انا بعرف اعمل سلطة خضرة واحسن واحد يعمل سلطته طحينه لا وخدي الكبيرة بقي و بعمل كمان سلطه زبادي ايه روعة
سيلا تضحك : الله الله دي هتبقي عزومه عال العال وكلها سلطه
احمد يشدها من وسطها ويقربها منه اوي : لا ما انا ممكن اقطع طماطم (ويروح بايسها علي شفيفها ) اقشر البصل (ويبوسها تاني) اقطع فلفل (ويبوسها تالت ) وممكن اتصل بيهم والغي ام العزومه دي من الاساس وادخل انا وانتي جوه في الاوضه ونعمل احلي شغل
سيلا تبعد عنها بكسف : انت مبتزهقش ابدا... و بعدين اتلم لين جوه في المطبخ... يا سيدي متشكرين لخدمتك لين هتعمل الاكل معايا... وكمان داد زينب جي وهتساعدنا
احمد يمسك بطنه : داد زينب ااااه يا بطني... اوعي يا سيلا تخليها تعمل الاكل... دي بتحط دهن و وسمنه كتير اوي... ابوس ايدك خليها بعيد عن الأكل... خلي لين هي اللي تعملوا الاكل... لين اكلها حلو
سيلا تضحك اوي : لا متخافش هي هتغسل الاطباق علينا... ملهاش دعوي بالأكل ويلا ادخل سلم علي لين وروح ارتاح شويه قبل اصحابك ما يجو
ويدخل احمد وسيلا عند لين في المطبخ
احمد بابتسامه : اهلا اهلا بالعروسه
لين باستغراب : عروسه مين دي
احمد يضحك ويقرب منها ويأخذ تفاحه من جمبها ويقعد علي الرخام قدامها وهي تبصله وهي مش فهمه حاجه
احمد : هو احنا عندنا عروسه غيرك ( ويبص لسيلا ) اسكتي يا سيلا مش في اتنين خطبوا لين مني النهارده
لين بضحك : اتنين مره واحده.... واتنين مين دول ان شاء الله
أحمد يقطم التفاحه : اسلام ( ويقرب منها ويبص لوشها بابتسامه ) وسليم
لين تفرح اول ما تسمع اسم سليم وتحاول تداري فرحتها
لين بكسف : هو مين اسلام دا ويعرفني منين اصلا علشان يخطبني... هو مشي يخطب اي حد كده
احمد يضحك على ارتباكها : هو لقني سعيد مع اختك ولما عرف اني عزمهم وعرف ان سيلا طباخه شاطره فقال لو عندها اخت اجوزها ليه
لين بغيظ : ااااه دا عاوز طباخه بقي
احمد بابتسامه ومكر : مهو سليم مسكتش وكان هيضربه (ويقرب منها) وبعدها قالي انه عاوزني اكلم عمي فؤاد علشان عاوز يخطبك
سيلا باستغراب : يخطبها انت بتكلم بجد يا احمد ولا بتهزر
احمد بابتسامه : هو الكلام دا فيه هزار يا سيلا والله هو دا الحصل النهارده
سيلا تبص للين باستغراب : بس لين لسه صغيره جواز ايه دلوقتي
لين بسرعه : انا مش صغيره علي فكره
احمد يضحك و ينزل من علي الرخام : ما هو سليم بردوا قال كده (ورح غمز للين وخرج من المطبخ )
سيلا تقرب من لين : لين انا لازم اعرف كل حاجه وبتفصيل فاهمه
لين تتنهد : انا اصلا جايه النهارده علشان اتكلم معاكي في الموضوع دا يا سيلا
سيلا بقلق : تمام يا لين نخلص العزومه دي ونقعد نتكلم انا وانتي
وفعلا بدا بتجهيز الاكل وكانت داد زينب حبه تحط لمساتها بس هم انقذوا العزومه... ووصل اصحابوه واحمد يستقبلهم
احمد بابتسامه : نورته البيت يا شباب... بس ايه دا هديه واحد انتم جمعتم فلوسها من بعض ولا ايه
يضحكوا الشباب بصوت عالي
محمد بابتسامه : ما احنا قولنا مندخلش بأيدنا فاضيه
أحمد بنص عين : لا يا راجل غرمتموا نفسكم بصراحه... وعلي كده هتكملوا بقي الشهر ازاي يا معفن منك ليه... دا بدل ما كل واخد يدخل بحاجه
اسلام بضحك : ايه يا عم هو انت عزمني وعاوز حق الاكل قبل ما ناكل
سليم بضحك :احمد ربك يا عمنا أن احنا دخلنا وفي ايدنا حاجه.... و احنا جيبنها للعروسة اساس لو عليك ولا هنعبرك
احمد يضحك : واطي طول عمرك يا مان
ويضحكه الشاب سوأ وتدخل سيلا وتسلم عليهم
محمد بابتسامه : متشكرين يا مدام سيلا واسفين جدا تعبناكي النهارده
سيلا بابتسامه : لا ابدا ما فيش تعب انتم نورت البيت
سيلا : اخبارك ايه يا سليم و ازاي طنط ومروه وشروق
سليم بابتسامه : بخير الحمد الله طمنيني عليكي انتي.... الواد دا عمل معاكي ايه لو زعلك و حبه اخطفهولك انا جاهز
سيلا بضحك : متقلقش معايا تلفونك هتصل عليك قريب وانت تنفذ (ويضحكه كلهم)
سليم بجوع : اللي ايه اخبار الاكل يا سيلا احسن احنا خارجنا من الشغل علي هنا فواقعين من الجوع
سيلا بابتسامه: متقلقش هتاكل كتير بس عد صوابعك قبل الاكل
احمد يغيظ سليم : لا الاكل النهارده حاجه تانية خالص.... دي لين اخت سيلا هي اللي عمله الاكل بنفسها اصلها هنا من الصبح... هي عملت نص الاكل وسيلا عمله النص التاني.... هي سيلا شاطره في الاكل... بس لين ممتازة واكلها اكتر من رائع
اسلام بابتسامه: والله ماكنش في لازوم لتعب دا كله
سليم وشه احمر وبقي عاوز يضرب احمد وبقى يبص لأحمد بنظرات توعد واحمد عمل يضحك
سيلا تقف بابتسامه : عن اذنكم هروح اجهز السفره
الشباب يقفوا : اتفضلي
احمد بصوة عالي وهو بصص لسليم : سيلا خالي لين تيجي تسلم
سليم بغيظ وماقدرش يمسك نفسه فبص لأحمد بضيق
سليم بضيق : ما تتلم ياض احسن لك... طيب ورحمة ابويه يا احمد لو طرف بس ظهر.... والله لولع فيك وما يهمني حاجه... انا بقولك اهو
يضحك احمد بصوة عالي بس الشباب مش فاهمين حاجه
اسلام باستغراب : هو فيه ايه ماله دا
احمد بضحك : لا يا حبيبي متشغلش بالك.. (ويقف) ام قوم الحق نفسي العمر مش بعزقه
ويخرج ويدخل المطبخ ويقرب من لين
احمد بيوشوش لين : لين سليم بيقول لو شاف طرف منك بره هيولع فينا احنا الاتنين
لين باستغراب : ازاي يعني هو احنا مش هنعقد معاكم علي السفرة ( وتبصله بحزن) وبعدين هو مش عاوز يشوفني
احمد بضحك : لا مش كده هو اصلوا غيران عليكي و مش عاوز حد من العيال اللي برة يشوفك
ويضحك ويخرج ولين تبتسم علي غيرت سليم
سيلا تقرب منها : في ايه هو بيقولك ايه
لين : هااااا.... اه دا بيقولي نجهز السفرة ليهم لوحدهم وناكل احنا هنا اصله غيران عليكي علشان اصحابوا قاعدين يتكلموا بأعجاب عنك.... فقالي انا اصلوا خاف يقولك فتزعلي
سيلا بفرحه : يا حبيبي يا احمد هو لسه بيغير عليه
لين تضحك : طبعا طبعا دا غيران جدا
و يجهزه السفر ولين ما خرجتش بره المطبخ وكانت هي اللي بتغرف وتذوق الاطباق... وداد بتخرج الاكل
وسيلا بتنظم السفرة
#بقلم_ولاءيحيي
💖💖💖💖💖💖💖💖💖💖💖💖💖
سيلا بابتسامه : اتفضلو الاكل جاهز (ويدخله لسفره)
اسلام : ايه دا كله تعبتم نفسكم والله يا مدام
سيلا بابتسامه : لا ابدا تعبكم راحه اتفضلوا
محمد : هو حضرتك مش هتاكلي معانا واللي ايه
سيلا تبص لأحمد بابتسامة : لا معلش خليكم برحتكم انتم عن ازنكم
(وتخرج وهي بتغمز لأحمد.... وهو يبص ليها بستغرب و مش فاهم حاجه.... واللي فاهم هي مقعدتش تتعشا معاهم ليه.....و يقعدوا والشاب ويهجم علي الاكل وطبعا لين هي اللي كانت عمله الاكل اللي بيحبوه سليم وما رضيتش حد يساعدها فيه)
محمد بابتسامه :بسم الله ما شاء الله الاكل حلو اوي بجد
اسلام بإعجاب : اه تحفه وخصوص ورق العنب انا اصلا بعشوقه.. بس معمول حلو اوي بجد
احمد يبص لسليم ويبتسم : اه ما لين هي اللي عمله بأيدها ومرضيتش تخلي حد يساعدها فيه مش بقولك ممتازة
سليم يضرب احمد في رجله من تحت الترابيز جامد واحمد يتألم بس يفضل يضحك
سليم بغيظ بيبص لإسلام اللي بياكل ورق العنب بأعجاب شديد
سليم بغيظ : ايه يا عم اسلام ما تخف يا باشا
(ويشيل ورق العنب من قدام اسلام واحمد يموت من الضحك)
اسلام بضيق : ايه ياض انت بتشيله الطبق من قدامي ليه ما قدمك طبق تاني
سليم يحط الطبق جمبه : لا معلش اصلي انا مليش غير في ورق العنب ما بحبش باقي الاكل وانا جعان اوي فهأكلوا كله.... كل انت حاجه تانية
محمد بأعجاب : خد مكرونة بشمل يا اسلام جميله اوي تحفه
سليم يبوص لأحمد... اللي يعني بيسألوا إذا كانت لين اللي عمله المكرونة.... وطبعا احمد فهمه وراح ضحك وحرك راسه بايوه
سليم يشيل المكرونة من قدامهم : لا ما تكترش من المكرونة خليكم في الاكل التاني احلي
محمد بغيظ : ايه ياض الغسلة دي هات المكرونة
سليم : ورحمه ابويه ابدا المكرونة والورق العنب
(ويبص لأحمد ويقوله هو في حاجه تاني فاحمد يضحك اوي ويشاور برأسه ويقوله لا )
سليم : طيب تمام اوي يبقي المكرونة وورق العنب بتوعي والباقي حلال عليكم كلوا واشبعه بيه
ويفضله سليم يأكل المكرونه وورق العنب و مخالش حد يأكل منهم رغم محاولتهم انهم يأخذوا منه الاطباق بس..... هو مرضيش ابدا... واحمد كان عمل يضحك ومش قادر يمسك نفسه
#بقلم_ولاءيحيي
💖💖💖💖💖💖💖💖💖💖💖💖💖
وتنتهي السهرة ولين قعده مع سيلا وقالت ليها كل حاجه حصلت من وقت ما نزلوا مصر بس طبعا في بعض الحاجات ما قالتش عليها.... زي معاملة عايده ومروة ليها واعتراف رامي
سيلا بصدمه : جواز علي طول كده طب ودراستك هتعملي فيها ايه
لين بابتسامة : عادي يا سيلا زي دلوقتي هو الجواز هيفرق معايا في ايه والا هيعطلني ازاي
سيلا : يابنتي هو انتي فكره الجواز سهل كده دا بيت ومسؤوليه وطلبات مش بتخلص دا كفاية يعملك عزومه زي بتاعت النهاردة
لين بابتسامه :ما يعمل وايه المشكلة ما انا هنا معاكي اهو طول النهار....رحت الكلية ورجعت وعملت العزومه معاكي ...وهروح اذاكر هو دا عطلني يعني عن دراستي ...وبعدين هو هيعمل عزومه كل يوم
سيلا : لا مش كل يوم... (وتبص ليها بقلق) طيب يا لين انتي هتقدري تعيش مع مامته انا اسمع انها صعبه جدا هتعيش معاها ازاي في بيت واحد
لين بابتسامه : انا ليا شقتي وهي ليها شقتها.... وبعدين هي هتبقي زي مامي.... وطبعا لازم احترمها وارضيها..... بس انا ليه حياتي الخاصة انا وهو.... وماحدش هيدخل فيها... وبعدين ما احنا عايشين اهو عند نناه في بيت عيله وكلنا بنحب بعض جدا
سيلا : ام سليم مش زي نناه يا لين..... دي حتي نناه رغم طبيتها.... انتي شايفه بتعمل ايه مع طنط سلوي... لما بتزعل انكل فايز
لين : اديكي قولتي لما بتزعل انكل فايز... وانا عمري ما اقدر ازعل سليم انا بحبوه جدا.... وانا شايفها نناه بتعامل مامي وطنط سناء وايمان ازاي.... وشايفه بتعمل ايه في انكل فاروق لما بيزعل إيمان... بصي يا سيلا انا اللي في ايدي اخليها تحبني أو تكرهني....... وهي طول ما شايفه ابنها مبسوط وسعيد..... هتحبني... الآن اكيد المهم عندها راحت ابنها
سيلا بابتسامه : واضح انك مقتنعة واخده قرارك..... بس ازاي بقى هتقدري تقنعي بابي ومامي دول مستحيل يوافق صعب جدا
لين بتتنهد : مهو علشان كده انا هسافر الكويت بعد تلات ايام لازم اتكلم معاهم بنفسي وبوضوح
بقلم_ولاءيحيي
💖💖💖💖💖💖💖💖💖💖💖💖💖💖💖💖
التعليقات على الموضوع