قصة الجحيم 💀الجزء الاول💀
#الجحيم
#الجزء_الاول ... القصة ....حقيقية
انا مرعوبة وانا بكتبلكم الكلام دة .. بس قررت مستسلمش كل كلمة حقيقية اكتر من اللازم ..انا ساكنة بالدور الخامس. كنت كل يوم افتح باب الشقة الصبح عشان اطلع كيس الزباله .. كنت الاقى روث حصان قدام باب شقتى .. اول مرة مدتش اى اهتمام ومخدتش بالى اصلا انة روث حصان بعد تانى او تالت مرة ورا بعض بدأت استغرب اى القرف الى قدام شقتى دة ؟
معقول دة حمام قطط ؟ بس دة مش حمام قطط .. دة روث حصان انا متاكدة ..
وبعدين رجعت ضحكت ع نفسى .. وقلت اى الحصان الاهبل دة معقول هيطلع 5 ادوار يعمل حمام قدام شقتى وينزل ولا دافع اشتراك الاسانسير مثلا.. ومدتش اهمية برضو للى حصل
بس الغريب انى من يوم م استهترت بالموضوع بقى يزيد اكتر لدرجة انة مبقاش مرة وحدة باليوم .. مع الاسف بقى اكتر من مرة كل مفتح بابا الشقة .. الاقى حمام الحصان قدام الشقة
ومش بس كدة ... الموضوع بقى اصعب لدرجة انى بقيت شمة ريحة وحشة طول اليوم جاية من نحية باب الشقة ... ومن قوة الريحة كنت اقوم اروح افتح الباب وانا واثقه انى هلاقى القرف دة بوشى .... جة منين .. مين حاطتهولى .. وهيستفاد اى ..انا كنت ساعتها لسه عروسة مبقاليش شهور .. وساكنة فى بيت عيلة .. حماتى فوقى وسلفتى تحتى .....
الموضوع للاسف مخلصش على كدة .... دى كانت مجرد البداية .... مش اكتر .... حتى الاذان ... بعد 3 شهور جواز تقريبا ... اكتشفت ان فى مسجد بوش بيتى او بمعنى اصح ... يوم فتحت البلكونة الضهر كدة لقيت سجاد مفروش تقريبا ... وفى ناس بتصلى علية افتكرت ان فى مسجد اوو اخدت بالى او جمعت افكارى بس الغريب ..الغريب كان .. انى ولا مرررررة سمعت صوت المؤذن ......
والصراحة انا ماكونتش بصلى ومش ملتزمة ربنا يسامحنى فعمرى ما ركزت فى الاذان .. بس استوقفنى اوووووى يعنى اى فى مسجد بوشى والميكروفون كمان بالدور التالت يعنى قريب منى جدا والشارع ضيق مش واسع وبالرغم من كدة عمرى ما سمعت صوت المؤذن ولا الاذان ...
طبعا قررت وقتها استنى معاد الصلاه الجاية ع اركز فى صوت المؤذن ... قلت يمكن اكون انا الى مخدتش بالى
كنا وقتها قرب الضهر كدة ... عدت ساعه ساعتين 3 ساعات .. قلت المفروض دلوقتى العصر تقريبا .. عشان انا مش بصلى مع الاسف فمش عارفة معادة بالظبط .. بس بالتقريب يا قرب يا عدى من شوية ... عدت ساعه و2 ... وحسيت اننا داخلين ع المغرب والدنيا بتضلم ...ومسمعتش صوت المؤذن
وقفت ابص من البلكونة وبصيت ع المسجد ... شوية ولقيت الناس داخلة تصلى و بعدها بشوية .. طالعين من المسجد
فسرت الموضع على انة اكيد الميكرفون بايظ .. وانا فاضية والفراغ مخليكى اركز بتفاصيل غريبة
كان جوزى ..محمد .. المفروض شوية ويرجع من الشغل .. معاد رجوعة الساعه 9 ودلوقتى 7ونص المفروض الحق احضر الغدا
دخلت من البلكونة وباتجاهى للمطبخ ...سمعت صوت حد بيخبط على باب الشقة
اتفجعت وقلت يا لهوى شكل محمد جة بدرى وانا لسة مخلصتش الغدا وهيبقى فيلم للصبح وزعيق وزهق
وفضلت ابرطم بصوت واطى واشوف هقولة مطبختش لية ... كنت تعبانة ... الماية قطعت ...ممكن يسال حماتى وهى ساكنة معانا بالعمارة وبتحبنى اوى اكيد مش هتفوت فرصة
وشى احمر وخدودى سخنت ... قربت من الباب وخدت نفس عمييييييق وقلت لنفسى علقة وتفوت ومحدش هيموت ... وفتحت الباب
سمعت صوت حد بيجرى طالع فوق ..قلت اكيد حمااااااااااتى ست الكل بدأت تضايقنى بقى
لقيت روث الحصان مغرق المشاية قدام
قررت اطلع اجرى وراها عشان اقفشها واواجهها عشان نخلص بقى عيب كدة ...
طلعت جريت ورا الصوت الى بيجرى .. والدنيا كانت ضلمة
سمعت صوت حصااان .. صوت حصان جاى من فوق ... كنت لسة موصلتش الدور السادس الى هو دور حماتى ...
اتفجعت اووووى ازاى فى حصان فوق السطح .. وقفت مكانى مش عارفة اتحرك ولا انزل ولا اطلع ...
مش عارفة احدد دة بجد ولا مقلب من حماتى ..
دة صوت حصان بجد ولا بيتهيئلىى...
وقررت اطلع واخبط عليها عشان انهى الموقف ...
لسة بطلع اول سلمة ... سمعت صوت باب شقتى اتهبد ...
خبر اسسسسسوووووود معايش مفتاح هدخل ازاى ...
معداش لحظة .... خبر اسوووووود تانى انا ازاى اطلع من شقتى باللبس دة ... محمد لو عرف هيخربيتى ....
اعمل اى
قررت اطلع لحماتى اخبط عليها واقولها وانا بطلع الزبالة .الباب اتقفل والى يحصل يحصل .
ويارب الحق ارجع الشقة قبل م محمد يجى
وبعدين قلت خبر اسوووووود تالت
مش يمكن محمد الى رجع ودخل وقفل الباب ... يا لهوى .. هقوله كنت عند مامتك باللبس دة ازاى
المشكلة مش فى حماتى ولا حمايا المشكلة باخوة الى مطلق مراتة وقاعد عند حماتى ....
نسيت الحصان وصوت الحصان وركزت فى المصيبة الى انا فيها .......
قلت انا انزل اخبط علية وخلاص .... اكيد هيبقى اهون عليا وعلية لما افهمة الى حصل .. هيكون اهون من انى اطلع عند حماتى وكريم يفتح ويشوفنى كدة ... ولا انزل عند سلفتى وهيثم يشوفنى برضو كدة ... مضمنش مين يفتح ... وهتبقى فضيحة ....
نزلت وانا فى دماغى 1000 حوار هقول اى هعمل اى متوقعه اخبط يفتحلى يروح مدينى بالقلم على وشى ..
لية بس يارب تحطنى بموقف زى دة ...
حرفيا بدات ادمع ....
ونزلت براحة وبدأت ارتعش وخايفة جدا من محمد
وصلت قدام باب شقتى ودوست على زرار النور ... السلم كان ضلمة جداااا
اول منورت النور ظهر بوشى لكسور من اللحظة .. ظهر حصان كانوا نازل من الدور بتاعى ..
انا لمحت ديلة والجزء الى ورا
انا فعلا مستوعبتش المنظر
معقول دة حصان بجد ...
قعدت اصرخ واصوت ...
سمعت حماتى فتحت الباب وبتسالى فى اى مين بيصوت ونازلة تجرى عليا ...
وتحت هيثم اخو محمد فتح الباب وطالع يجرى يقول مين بيصرخ يا ساتر يا رب فى اى ....
رحت لزقت نفسى فى باب الشقة ...
واديتهم ضهرى عشان محدش يشوفنى وتيجى عينى فى عنيهم وانا بالمنظر دة ..
اول ما سندت على الباب ...
لقيتة مفتوح اصلا ....
اقسم بالله روحى ردت فيا ... والله كنت هتشل من الكسفة والموقف .. جسمى فعلا كلة نمل ...
لقيت نفسى دخلت بسرعة وقفلت الباب ...
وقعدت بالارض قدامة اعيط بصوت عالى ...
خبطوا عليا ...
مكونتش قادرة حتى ارد
ولو رديت احكى اقول اى .... معقول الى حصل ..
انا شوفت حصان .... معقول فى حصان بيطلع لحد هنا ...
فضلوا يخبطوا عليا .. قلتلهم ثوانى
لبست هدوم مناسبة ونكشت شعرى شوية كدة ...
وفتحت الباب كانى كنت نايمة
اول مفتحت الباب لقيت حماتى بتقولى بتصرخى لية يا سمر فى اى يا سمر ...
اتاوبت وقلتلها صرخت امتى
انا كنت نايمة
رد هيثم احنا سمعنا صويت يا سمر ..
قلتلهم طيب اسالوا اى حد هو مافيش غيرى ..
طبعا كان رد اهبل منى عشان فعلا مافيش حد غير حماتى وحمايا ومعاهم كريم الى مطلق مراتة وسايب شقته الى بالدور التانى وعايش مع حماتى
وهيثم ومراتة مروة يالدور الرابع والادوار الى فوق حماتى مقفولة وفاضية والى تحت مقفولة وفاضية ....
محدش بالعمارة غيرنا فعلا
بصتلى حماتى بقرف ...
وسابتنى وطلعت
وهيثم نزل
دخلت الشقة وقفلت الباب ...
وانهارت بالعياط
دخلت المطبخ وحاولت احضر اى اكل بسرعه قبل ميجى محمد ... وعماله افكر بالى حصل .. وارتب الكلام عشان لما يجى احكيلة من غير ما اقولة انى طلعت بهدوم مينفعش اطلع بيها ....
وبعدين قررت محكيش حاجة لمحمد ...
مسكت التليفون وانا بطبخ كلمت ماما وحكيتلها ...
قعدت تقولى حماتك عملالك عمل قلتلك ماترضيش تسكنى ببيت العيله وانتى الى اصريتى لازم اخدك لشيخ بكرة ...
طبعا رفضت وقعدت اقولها كلامك غلط وده جهل عمل اى ولية اصلا ولو كانت مش موافقه على جوازنا مكانتش جت اتقدمت ليا اصلا ...وطول فترة الخطوبة بتعاملنى عادى يعنى
قالتلى يبقى سلفتك عملتك عمل سفلى ع تجيب الارض وتخليكى انتى الى تخدمى عليهم . عشان سلفتى طول اليوم عند حماتى وانا مبطلعش غير كل اسبوع او كل م يبقى فى سبب كانهم مش ساكنين معانا بالعمارة ..
طبعا معجبنيش كلامها سلفتى شكلها بنت ناس ودكتورة محترمة مش بتاعه الكلام دة
طبعا امى مقتنعتش بالكلام دة ...
واصرت تانى يوم تودينى لشيخ ...
يقرالى قران ويفكلى العمل ... بعد رفض شديد منى فضلت تدعى على نفسها .. انى لو مرحتش تموت ومش عارف اى اضطريت اوافق ...
قفلت معاها وقلتلها ان شاء الله وقلت اطاوعها عشان اخلص وخلاص والقران مش هيضرنى يعنى بس اخلص من الزن ..
خلصت طبخ ودخلت ااحمام اخد دش واظبط نفسى قبل م محمد يجى ....
الصابون على وشى ومغمضة عينة طبعا تحت الدش .. حسيت بهوا جامد ...ملى الحمام .. خفت وصرخت وفتحت عينى والصابون فيها ...
حمرا ... ... الماية السخنة ماليا الحمام دخان والصابون على عينى مش شايفة كويس....
اتخايلت بشئ اسود مرعب اونة اسود وعيونة حمرا بارزة لبرة
شايفة ملامحة بالعافية... قالى اياكى تروحى مع فاطمة ....بكرة ...
يتبع استنوا باقي الاجزاء❤❤
مستنية رئيكم وتشجيعكم بقى .. 😍
التعليقات على الموضوع