يكفي ان يحبك قلبها (الحلقه ١٠)❤❤
يكفي ان يحبك قلبها
بقلم_ولاءيحيي
الحلقه (10)
ريم وصلت بتاكسي قدم الفيلا ........اللي كان طالع منها صوت اغاني عاليه جدا ........لقيت البوابه الخارجيه مفتوحه ......فدخلت وهي بتبص حاوليها......... بس ملقيتش حد قدامها ........ فدخلت لجوي الفيلا ..... اللي لقيت بابها الجوه كمان مفتوح .........وصوت الاغاني عالي اكتر اول ما دخلت الفيلا الصوة وطي ..... وبقي هادي ... وتسمع صوة ورها
حازم بخبث: اهلا يا قطه
ريم بتبص ورها لقيت حازم وقف
ريم بصدمه : حااااازم
حازم ببتسامه وهو بيقرب عليها ونظرت عنيه كلها شر وشهوانيه : اخير دخلتي المصيده
ريم خافت وبعدت عنه وهي بتزعق : انت عاوز ايه مني....... وفين حسن ... اخويه فين.... انت عملت فيه ايه
حازم وهو بيقرب منها اكتر : مافيش حسن ........فيه حازم وبس ....
ريم برعب وخوف : انت جيبني هنا ليه ....... واخويه فين..... انت عاوز ايه
حازم يهجم عليها : عاوزك انتي
ريم فضلت تبعده وتزق فيه .....وهو عمل يشدها وهي بايدها الاتنين بتبعد وشه عنها
ريم بغضب وضيق : ابعد عني يا حيوان يا قذر
حازم بيحاول يتغلب عليها : ابعد اروح فين...... انا ما صدقت انك وقعتي في ايدي........ وبعدين مالك كده محسسني انك اول مره انتي هتعمليهم عليا ........ متاخفيش دا انا هعجبك
ريم بغضب هي بتقاوم : انا شرف منك ومن اهلك كلهم...... وعمري ما هخلي حيوان زيك يلمسني...
ريم فضلت تزقه..... وتبعد عنه...... وهي عمله تصرخ عشان حد ينقذها
حازم بضحك وشماته : صرخي..... ماحدش هنا هينقذك.... فا متتعبنيش وتتعبي نفسك....... وخلينا نقضي وقت حلو برضيكي
ريم بصوت مخنوق : الموت اهون عليه .....من ان حيوان زيك يلمسني.... علي جثتي انك تقرب مني
ريم كانت بتقومه بكل قوه ......وتزقه بايدها ورجلها..... وبتحاول تهرب منه ......وطبعا حجابها وقع....... من علي شعرها وهدومها اتبهدلت ......وفضلت فتره بتبعدوا.... بس وهي بتبعده كانت بترجع بظهرها........ فدخلت اوضة النوم .... وحازم استغل الفرصه ........ورمها علي سرير...... فاوقفت مقاومه وهديت ......فحازم حس انها هتستلم ...... فص عليها ......لقها مفتحه عينيها ..... وساكته وبتاخد نفسها فرفع جسمه عنها وهو بيبتسم بنصر ...
حازم ببيبتسم وينهج : ايوه كده .....مش كنا اتفهمنا من الاول.... لازم يعني الفرهده دي... و تتعبينا علي الفاضي.... بس واللي يهمك ......انا معاكي لصبح
وقام وقف وهو بيبص ليها ويبتسم ....وبدأ يشيل هدومه ..... رحت هي بسرعه ضربته برجلها بكل قوتها..... تحت الحزام.... فصرخ من اللي ألم.....ووقع علي الارض .......وهي قامت جري وخرجت من الاوضه بسرعه ...... بس هو لحقها علي بابا الاوضه...... ومسكه من شعرها بقوه...... وشدها بسرعه لحضنه...... ورح بيسها..... وهي عمله تزق فيه بكل قوتها....... بس هو كان مكتفها كويس... فامكنتش عارفه تتحرك....... وكان ظهرها لباب الفيلا ....و فاجأة سمعت صوت وراها
عمر كان وصل ودخل بسرعه..... من باب الفيلا المفتوح ودخل يجري لحد ما وصل لجوي..... واول ما دخل سمع صوة اغاني...... وشاف ريم وقفه بشعرها ظهرها ليه..... وحازم حضنها وبيبوسها ..... وطبعا مقدرش يشوف ملامح وش ريم لان ظهرها ليه ....ولا قدر يشوفها وهي بتقاوم لان حازم كان مسكها بقوه
عمر بصدمه وزعيق : رييييييم
حازم اول ما سمع صوته..... رفع وشه وبص علي عمر..... وريم زقته جامد بعدت عنها.... ولفت لقيت عمر قدامها فحست بلامان..... وفرحت ان عمر جيه وانقذها....و رحت عليه تجري وهي خايفه ....
ريم بخوف : عمر
عمر بضيق وغضب عامي عيونه : انا اسفه لو جيت في وقت مش مناسب...... وقطعت عليكم اللحظه الرومانسيه دي (ريم انصدمت من كلامه.... وبصتله وهي مش فاهمة معني البيقوله)
ريم بصدمه: عمر ايه البتقولوا دا ...رمانسيه ايه انا كنت
حازم بسرعه : خلاص بقي يا ريمو..... ما هو شاف بعينه كل حاجه .....مش هينفع نكدب ونخبي اللي بنا.... مش معقول يعني هيكدب عينه...هو مش غبي
ريم بعصبيه وغضب : اخرس يا حيوان .....هو ايه اللي بنا ( بصت لعمر) ....عمر انااا جيت عشان
حازم ببتسامه خبيثه : كانت جيه تقطع علاقتها بيا ....علشان هتجوزك .....بس خالص يا حبيبتي هو شافنا بعينه .....وعرف كل حاجه .....ومتخافيش انا مش هتخلي عنك
وهتجوزك ...انتي عارفه انا بحبك قد ايه.... ومن زمان عاوز نتجوز...وبقالنا كتير انا وانتي سوا ...اظن دلوقتي مافيش حاجه تمنعنا... نكمل سوا
ريم بصدمه وغضب : اخرس انتي ايه البتقوله دا.... انت كداب ( وتقرب من عمر وتقف قدمه) عمر انا
عمر بغضب وزعيق : انتي احقر انسانه انا شوفتها في حياتي ......انا مش مصدق ان انتي قدرتي تخدعينا كلنا فيك.... وترسمي علينا دور المحترمه ....انتي ازي طلعتي بالوساخه دي ( ولسه هيضربها بلقلم) حازم مسك ايده
حازم ببتسامه انتصار : لاااا انا مسمحلكش .... انا مسمحش لاي حد يضرب او يشتم حبيبتي
عمر بغضب وعصبيه : انت تخرس يا ابن .....(وهجم عليه وبداء يضربه بعض )
ريم كانت واقفه مصدومه.....وفضلت واقفه مكانها من غير اي رد فعل..... غير دموعها اللي نزلت علي وشها من غير صوت .....بعد كلام عمر ليها ......وبعد كل الحصل ليها.... وازاي هو صدق كلام حازم بمنتهي السهوله...... من غير حتي ما يسمعها او يبص حاوليه
في الوقت دا وقفت عربيه شريف قدم الباب الفيلا.... ونزل منها هو وعماد وهم بيجري لجوه الفيلا
عماد بقلق وهو بيجري :دي عربيه عمر يارب يكون لحقها
شريف وعماد دخلوا الفيلا...... لقي ريم واقفه بشعرها وهدومها متبهدله ......وعمر بيتخانق مع واحد ونزلين ضرب في بعض شريف بص علي ريم ......ورح جري علي عمر يساعده
عماد بص لريم بحزن لحالها.... ولقي حجابها مرمي علي الارض ....رح جابه ليها وحطه علي شعرها
عماد بضيق وحزن : ريم انتي كويسه ....حصلك حاجه
ريم بصتله بدموع وخوف وصدمه..... فشكلها استفز عماد ....فسابها ورح يضرب في حازم
ريم كانت فاقت علي صوة عماد.... فمسكت حجابها لفته علي شعرها ....وخرجت بره الفيلا وهي بتعيط من غير صوت
ووصلت للباب الخارجي..... وكان في الوقت دا هاله ونهي نزلين من التاكس...... وشافوها وهي خارجه فجروا عليها
هاله بعيط : ريم انت كويسه
نهي بعيط : ريم حصلك ايه يا حبيبتي... مالك
ريم اتحركت من غير ما ترد.... وفتحت باب التاكس..... وطلبت منه يمشي بسرعه..... وسابت هاله ونهي واقفين ومش عارفين ايه الحصل
هاله بخوف : تعال ندخل نفهم ايه الحصل
نهي بدموع : انا خايفه يا هاله
هاله : في عربيات كتير واقفه .....اكيد قريبها وصلوا تعالي نشوف ايه الحصل.....
وشديتها ودخلت للفيلا.... وفي الوقت دا شريف وعماد قدروا يشيل عمر من علي حازم..... قبل ما يموته
عمر بغضب : سبوني لازم اموتهم هم الاتنين
عماد وشريف مفهموش اتنين مين.... بس لقي عمر بيلف وبيزعق بغضب
عمر بصوة عالي وغضب : رييييم..... رحتي فين يا هانم سيبتي حبيب القلب... ورحتي فين
عماد مسكه من كتفه بغضب وبزعيق : فوووووق انت اتجننت ايه البتقولوا دا
عمر يزق ايده بعصبيه : ايييييه بقول ايه....بقول الحقيقه ....انا دخلت لقيت الهانم مع عشقها
شريف بغضب قرب منه : عشيق مين يا حمار..... ريم جابوها هنا بلعبه.... عشان ينتقم منها
حازم يضحك بصوت عالي وهو بيقوم من علي الارض بعد الضرب : انتقام! .....مين الحمار اللي فهمكم كده...... ريم حبيبتي...... وعلي طول بنتقابل انا وهي هنا...... ونعيش اجمل الساعات سوا
في الوقت دا تقي وهاله كانوا وصله.... جوه وسمعه كلام حازم اللي قالوا
هاله بصريخ وغضب : كداب والله كداب....... ريم جيت هنا بلعبه ......بعتلها رساله من تلفون واحد صاحب حسن..... وقاللها ان حسن موجود هنا...... و انه في خطر ولازم تلحقوا .... نزلت جري.... وجيت هنا عشان تلحقوا .... بس دا كان فخ... عملينا ليها..... علشان ينتقموا منها....علشان فاكر انه اترفد من الشغل بسببها
عمر انصدم لما سمع هاله..... ووقف يستوعب البتقوله
حازم بغضب : ضحكت عليكم كلكم...... طيب والصور ورسايل اللي وصلت لك ... انا اللي بعتها.... عشان كانت عاوزه تبعد عني... عشان تجوزك ( وضحك بصوة عالي) ريم عرفت تخدعكم
عمر افتكر الصور اللي شافها لريم ورسايل
هاله بدموع : والله ما بكدب......انا من 10 ايام شوفت سمر بتاخد تلفون من ممرضة في المستشفى ... اكيد خليتها تسرق تلفون ريم و سمر اخدته وخرجت بره المستشفي كان حازم واحد معاه في العربيه بره مستنينها....... وكان معاهم لاب توب في العربيه .....و سمر اديته التلفون..... ووصلوا بلاب توب اللي معه وبعد نص ساعه..... خلصوا اللي كانوا بيعمله ...وسمر رجعت بالتلفون واديته للممرضه..... واكيد هي رجعته زي ما خديته من غير ما ريم تاخد بالها .......والله شوفتهم بعيني بس مفهمتش هم بيعمله ايه ......وفضلت برقبهم علشان اعرف.... بيخططته لايه....... لحد ما سمعت سمر بتكلم مع واحده اسمها ميرنا .....متفقه معاهم. .... معرفش علاقتها ايه بيهم .....بس هي الجيبه الفيلا دي ليهم...... سمعتها بتدي لسمر العنوان هنا وسمر .....بعدها اديت العنوان لحازم .......وانا سجلته علي الابلكيشن...... كنت عاوزه اعرف مكان ايه دا ......والنهارده سمعتها وهي بتقول لميرنا ...... انها بعتت الرساله من تلفون واحد صاحب حسن...... وانها زمانها في الطريق للمزرعه وحازم مستنيها .....فطلعت اجري اطمن علي ريم ....لقيت نهي بتقولي انها نزلت تجري عشان تلحق حسن .......فعرفت انها هتيجي علي هنا زي ما بعتوا لها.....فتصالنا بلاستاذ شريف عشان يلحقها ويكون معانا و جينا نجرري عشان نلحقها....
حازم بغضب : كدابين دا فيلم.... ريم عمله.... ومتفقين عليه مع بعض
نهي لمحت شنطه ريم علي الارض...... جريت عليها وطلعت التلفون...... ولقيت الرساله اللي وصلت لريم ......من تلفون عادل لسه موجوده
نهي بدموع تجري علي عمر : لا والله ما بنكداب...... اهو تلفون ريم....... وادي الرساله ......اللي اول ما ريم قريتها جريت ....بعد ما حاولت تتصل بحسن...... ولما ماعرفتش خرجت من المستشفي تجري
عمر مسك التلفون بصدمه .....وقرب منه عماد وشريف يشوفها الرساله...... بس سمعه صرخه هاله ونهي .......وحازم بيزقهم ......وهو بيجري وبيهرب...... شريف نط و جري وره .....عشان يمسكوا
عمر بصدمه وندم : انا ظلمتها .... انا ظلمت ريم يا عماد مسمعتهاش..... بعتولي صور وايميلات علي انها بينها وبين الزفت دا حاجه ........وبعتلي العنوان وقالوا هتلقيها معاه ولما دخلت لقيته في حضنه وهو بيبوسها ........انا مش فهم حاجه ومش عارف افكر
هاله بدموع : والله وربنا يشهد ......انا حكيت كل الحقيقه ....وريم مظلومه معملتش ....حاجه ريم مظلومه والله
نهي بعصبيه : سمر طول فتره الجامعه .....ومن اول ما اشتغلنا..... وهي بتكره ريم...... عشان ريم مثال لشرف والاحترام...... و سمر متعرفش حاجه عن الاحترام والشرف...... وحازم كان دايما بيحاول يتقرب من ريم وكانت بتصده....... لحد ما اترفد يوم ما جيت حضرتك في الصيدليه ..... ولما اترفد من الشغل.... واتعرف ان انت اللي كنت سبب انه يترفد عشان خاطر ريم ....فالكل بقي يقول ريم اللي رفدته...... و عشان كده بينتقمه منها
شريف دخل بينهج بغضب : ملحقتوش ابن ال............ ركب عربيته وطار
عماد بيبص لهاله و نهي : هي ريم فين
هاله بدموع : خرجت مصدومه .....وركبت التاكسي اللي كنا جينا فيه ومشيت
عمربخوف: مشيت راحت فين بحالتها دي...... دي بشعرها وهدومها مقطوعه
شريف بغضب : وانت ماخدتش بالك يا عم اللي لماح.... انها هدومها مقطوعه وبشعرها........ قبل ما تتهمها الاتهام الزباله دا (ويقرب منه بغيظ بس يوقفه عماد )انت كان فين عقلك ......ازي تشك فيها
عماد بيهديه: مش وقته الكلام دا يا شريف..... يلا نروح نطمن علي ريم..... ونشوف راحت فين
شريف وعماد اخدوا نهي وهاله وخرجوا من الفيلا .ركبه عربية شريف...... وراحوا يدوره علي ريم
عمر فضل قاعد علي الكرسي...... وحطط ايده علي راسه...وبيلوم نفسه .....وعمل يفتكر ريم وهي بتحاول تفهموا وتكلم بس كلام حازم والصور والايملات .....عمت عينه.... ورفض يسمعها
ووهو قعد دخل البواب بتع الفيلا
البواب بستغراب : خير يا بيه مين الكسر الفيلا كده
عمر رافع راسه...... وبص حاوليه لقي في حاجات كتير واقعه ومتكسره علي الارض...... وفي كرسي كمان مقلوب وواقع...... فبقي يقول لنفسه....
عمر لنفسه بصدمه : انا ازاي ماخدتش بالي من حالة البيت اول ما دخل .......ازاي ماشفش البهدله دي ....واللي بدل ان ريم كانت بتقاوم ...وبتتخانق مع حازم .....
عمر بص للبواب بغضب: انت مين
البواب : انا البواب وحارس الفيلا دا
عمر بغضب : الفيلا دي بتاعت مين ......وانت كنت فين وسايب البوابه
البواب : الفيلا بتاعت طارق بك البنهاوي .......وست انجي كلمتني الصبح..... وقالت اسيب الفيلا للاستاذ اللي هيجي وابعد ساعتين وارجع....... هو فين الدكتور الكان هنا
عمر لفت نظره الاسم (انجي طارق البنهاوي) وافتكر هاله وهي بتقول..... سمر بتكلم واحده اسمها ميرنا ..... فوقف بسرعه واخد عربيتة وطلع يجري
حازم لما هرب... رح للمكان اللي متفق عليه مع سمر وميرنا... انه يتقابلوا فيه.... بعد انتهاء المؤمره....
حازم بغضب: بقولك هاله كانت بترقبك يا هانم........ وعرفت كل حاجه...... وجيت وقالت كل حاجه لسي عمر.....بعد ما كان صدق وشتم ريم وبهدلها ....ونزل ضرب فيا
سمر بغضب : بنت... يعني بوظة كل اللي عملنا
ميرنا بغضب وعصبيه: انتي حيوانه .......مش تاخدي بالك اهو كل الشغل العملنا والفلوس الدفعت ضاعوا ....بسبب غبائك
حازم بغضب : هو دا كل اللي همك.....احنا هنروح في داهيه يا هانم منك ليها..... دول زمانهم بلغوا فينا البوليس ..... وقابلي بقي الاتهامات اللي لبسنا ....... محاولا اغتصاب و فبركت صور ..... ومحاولات تشويه سمعه....... ومعاهم بدل الدليل 10......مهعم الصور والتلفون..... والشهود ومكان الفيلا اللي احنا كنا فيها ...( ويضرب علي التربيزه بغضب) يعني رحنا في داهيه.... رحنا في داهيه
سمر بخوف وارتباك : وااااااحنا مالنا..... انت اللي كنت بتحاول تعتدي عليها ....انت اللي هتتمسك .....احنا ملناش دعوي
حازم بغضب : نعم يا روح امك.....ليه هو انتي فكره اني هشيل اليله لوحدي........ لا انسي..... وبعدين يا هانم كله من تخطيطكم .....وانا كنت بنفذ .....واللي خطط المؤامرة دي وجب ريم لعندي كان انتي ......واللي جهز المكان وكان بيدفع الفلوس ميرنا هانم....... يعني احنا التلاته في الهواء سوا .... وهنروح في داهيه ....كلنا
ميرنا بخوف بدريه : انا مليش دعوي بيكم .......وحتي ولو عرفوا اني ليه دخل ..... فانا بنت خال عمر وهو عمره ما هيفكر يبلغ عني .....انا مليش دعوي بيكم ....اتصرفوا لوحدكم
حازم بتريقه : انسي يا حلوه ......انتي فاكره عمر بيه هيعمل قيمه ولا اعتبار .... للقرابه اللي بنكم.....
تبقي بتحلمي (ويقرب منهم بغضب) بصي يا حلوه منك ليها..احنا كلنا في الهوا سوا ......وانا مش هسيب حقي وفلوسي...... فكل واحده فيكم كده تسمع كلامي احسن لها
سمر وميرنا بخوف : عاوز ايه
حازم بغضب : كل واحده تقوم حالا تروح بيتها......... تجيب دهبها وفلوسها وعربيته.... ( ويبص لميرنا).... وانت خدي الفلوس.... اللي هتقدري عليه من ابوكي......وساعه بالكتير وتكلموني علي الرقم دا ........اقولكم هنتقابل فين بس بسرعه منك ليه ......قبل ما يتقبض علينا ........واي وحده فيكم هتفكر تغدر بيا ........ساعتها تترحم علي نفسها ......انا كده كده ضعت خالص ...وماعنديش حاجه تانيه اخسرها.....
يقوم حازم ويسيبهم مصدومين....... وبعد شويه كل واحده فيهم قامت تروح....... وهي مش عارفه هتعمل ايه
ريم لم ركبت التاكسي ....فضلت تعيط وشكلها صعب علي السواق .......اللي كان سامع نهي وهاله وهم بيتكلموا ....... وفهم ان في مصيبه حصلت ليها ........ فصعبت عليه وفضل ماشي وهو ساكت مستنيها تهدي .... وبعد فتره
السواق بضيق : اهدي يا اختي ......واحمدي ربنا انه انقذك قدر ولطف بس ابن............... العمل فيكي كده....... لازم تبلغي عنه اوعي تسيب حق ......وانا هشاهد معاكي وصحبتك اللي عرفوا كمان يشهدوا
ريم كانت بتسمع بس مش مركزه واللي عرفه تفكر ....واللي عارفه ترد عليه
السواق بصلها بحزن : طيب اوديكي فين .....لحد ما تهدي وتعرفي هتعملي ايه......اوديكي بيتكم.... تروحي لاهلك
ريم بدموع شديده : ايوه ودينا بتنا ارجوك روحني
السواق : حاضر يا اختي هروحك.... بس قوليلي بيتكم فين
ريم لسه هتنطق عنوان الفيلا بس غيرت رائيها واديته
عنوان بيتهم القديم........السواق وصل ريم قدم بيتهم القديم
ريم بدموع وصدمه : انا اسف ....انا نسيت شنطتي... ومامعيش فلوس
السواق بحزن : فلوس ايه بس..... انتي زي اختي وانا عمري ما كنت هاخد منك فلوس.......( وادها ورقها)...... ودا رقمي عشان لو احتجتيني اشهد معاكي ......او اي خدمه تانيه انا تحت امرك ...... وربنا يحميكي ويبعد عنك الشر
ريم بحزن ودموع : متشكره اوي
ريم نزلت من العربيه..... ودخلت بيتهم وطلعت لشقتهم ووقفت علي الباب....... مش عارفه تعمل ايه.... الباب مقفول بالقفل ......وهي مش معاها مفتاح ....... فقعدت علي الارض قدم باب الشقه...... وهي ضمه رجليها علي بعض وحطت راسها ......بينهم وفضلت تعيط
وبعد ربع ساعه كان عم صالح طالع...... فلقي حد قعد قدام باب الشقه..... فقلق وقرب منها سمع صوة عيط
صالح بقلق : خير يا بنتي
ريم رفعت راسها....... لقيت عم صالح قدامها ....اللي اول ما شافها اتخض وخاف من الحاله اللي هي فيها
صالح بخضه وخوف :ريييييم ......مالك يا بنتي .....ايه العمل فيكي كده... وقعده هنا ليه
ريم بدموع وانهيار : مش عارفه ادخل بيتنا .........عاوزه ادخل بيتنا يا عم صالح .......عاوزه استخبي فيه..... دخلني بتنا يا عم صالح......احميني يا عمي .... دخلني بيتنا يا عمي
صالح نزل قعد في مستواها على الارض ...وحط ايده علي كتفها
صالح بحزن : لا حول وال قوه لا بالله .....مالك يا ريم حصلك ايه يا بنتي...
ريم بعيط هستيري : دخلني بيتنا يا عم صالح..... عشان خاطري... دخلني جوه....احميني في بيتنا يا عمي........
صالح قام وقف بسرعه...... ودخل علي بيته وجاب المفتح اللي سبته معاه ريم...... وخرج يجري ...وزينب مراته خرجه وراه
زينب بستغراب : في ايه يا راجل.....انت بتجري ليه وريح فين تاني
صالح خرج ورح عند ريم
زينب بخضه : ريم يا بنتي مالك يا حبيبتي
صالح بزعيق : اسنديها يا وليه ووقفيها....... انتي هتقفي ترغي ...( ويبص لريم بحزن).... قومي يا ريم.....قومي يا بنتي انا جيبت المفتح اهو .....قومي افتحي بيتكم وادخلي
ريم قمت وهي عمله تترعش .....وقفت وزينب سندها ....وعم صالح ادها المفتح ......بس ماعرفتش تفتح من رعشة اللي في ايدها... فاخد عم صالح المفتح ....وفاتح هو ...و ريم اول ما الباب تفتح الباب دخلت تجري.... رحت لاوضة مامتها ....ورمت نفسها علي السرير ......وهي حضنه مخدتها ....وخبت وشها فيها....زي ما تكون في حضن مامتها...... وفضلت تعيط بهستريه ...وصوة عالي
زينب بحزن : هو في ايه يا صالح..... ريم مالها هي فاطمه ماتت ...واللي ايه
صالح بيبص بحزن علي ريم : الله اعلم يا زينب ....احنا نستنا علي ما تهدي .......وبعدين نعرف هي مالها..... انا هروح اغير هدومي واتوضا وانزل اصلي المغرب...... وانتي خليكي هنا اوعي تخرجي (ويبص لريم تاني بحزن)..... وسبيها ترتاح متدخليش عندها دلوقتي .... وربنا يفك كربها.... ويخفف عنها.... ويحميها
وخرج صالح وهو حزين.... ومافيش علي لسانه غير الدعاء لريم ان ربنا يفك كربها
وفي الفيلا.... وصل شريف وعماد ومعهم نهي وهاله .....اللي ماقدروش يروحو من غير لما يطمنه علي ريم .....وفي الجنينه ......ماجده كانت قعده هي وامل وتقي وحسن وهاجر وساندي...... وقلقنين علي ريم اللي اتاخرت وعمالين يتصله تلفونها غير متاح
شريف دخل بيجري وقلقان : ريم فين ريم .....ريم جت
امل بقلق : لا مجيتش....و عاملين نتصل عليها تلفونها مقفول ....(وقامت وقفت بخوف). في ايه يا شريف .....فين ريم....حصلها ايه
شريف وعماد ونهي وهاله ......بقي يبصه لبعض .....ومش عارفين يقوله ايه
ماجده بقلق وزعيق : في ايه يا عيال .....ما تنطقوا ريم فين..... (وتقف وتبرق بخوف) البت مالها ....ريم جرالها ايه يا عماد
حسن بخوف جري عليهم وعينه بقي كلها دموع : اختي فين.... (ويبص لنهي وهاله) ريم فين يا ابله نهي هي مش معاكم ليه ......(ويقرب من هاله ودموعه بتنزل) ابله هاله اختي حصلها ايه
عماد قرب من حسن بحزن : اهدي يا حسن مافيش حاجه ..... هي بس اتخانقت في الشغل...... وتلقيها قعده في مكان علي ما تهدي وهتيجي ..... اصبر بس واهدي
تقي بخوف وزعيق : ما تفهوني حصل ايه
عمر يدخل في الوقت دا وهو بيجري : ريم فين
تقي بعيط : لااااا ......كده فيه حاجه حصلت لريم....انتم مخبين ايه ........ ريم فين.....قولوا حصلها ايه
ماجده بزعيق : انطقوا...... البت فين
عماد بقلق : طيب اقعده..... واحنا هنحكيلكم
وقاعدوا كلهم....... معاده عمر اللي واقف رايح جي...... عمل يفكر ازاي ينتقم منهم...... ويرجع لريم اعتبارها وحقها ...
وحكي عماد ليهم اللي حصل ......بس مرديش يحكي قدام حسن .....اتهام عمر لي ريم
حسن بصدمه بغصب : عادل صاحبي..عمل كده....هو اللي ساعدهم
هاله بدموع : لا يا حسن...... هم سرقو تلفونه من غير ما يعرف ......علشان يبعته منه الرساله لريم
ماجده بحزن : لا حول ولا قوه لا بالله .......ليه يعملوا فيها كده...... مخافوش من ربهم ....حسبي الله ونعمه الوكيل
امل بحزن :طيب ريم رحت فين...... وليه مجتش معاكم .... انتم مش بتقولوا رحتم ولحقتها(عماد بص لشريف عشان ياخد حسن بعيد)
شريف يقوم يقف : تعال يا حسن عاوزه اسالك علي حاجه .....يمكن نعرف ريم رحت فين (وبعيد بيه عنهم )
عماد وهو بيبص لعمر بضيق : لما بعتوا لريم الرساله .... كانوا في نفس الوقت بعته لعمر....... صور وايميلات كانو مفبركيها لريم....... لما هكروا تلفونها ودخلوا عليه....و بعته ليه العنوان بتاع الفيلا اللي فيها ريم لعمر... .عشان يروح يشوفها ويتاكد انها علي علاقه ب الزفت دا.... وللاسف عمر اول واحد كان وصل .....والغضب عمي عينه.... ماقدرش يشوف الحقيقه وافتكر ان اللي وصله صحيح..... وان ريم علي علاقه بزفت حازم....... واتهامها من غير ما يسمع منها
امل قامت وقفت بصدمه و بغضب : انت ازاي تعمل كده......انت اتجننت. ازاي تصدق في ريم الكلام الفارغ دا
عمر بضيق وحزن : ماصدقتش ......والله ما صدقت في الأول ( ويعقد بحزن وندم) انا اول ما شوفت الصور قولت في حاجه غلط .......قولت ريم متعملش كده..... ولما بعت العنوان راحت وانا متاكد ان فيه حاجه غلط.....( ويبصلهم بندم ودموع) بس دخلت لقيتها معاه وكان ( وسكت..... ماقدرش يكمل ...وغمض عنيه بغضب... لما افتكر حاتم وهو بيبوس ريم.... ) ضهرها كان ليا..... ماشفتش وشها ..... شوفت ضهرها وهي معاها ..... الغيره والغضب عمو عيوني ....... وكلامه خلاني اشك فيها.... ( ومسح علي وشه بغصب).. انا غلطان....... انا والله عارف اني غلطان (ويوقف يبغضب)هجيبلها حقها..... والله ما هسيب حقها.... بس القيها اطمن عليه. اعرف هي فين .......وهجيبلها حقها منهم كلهم حتي لو هاموتهم كلهم بايدي
ماجده بحزن : يا حبت عيني يا بنتي...... البت شافت كتير النهارده ......زمانها منهاره....( وتبصلهم بخوف) احسن تعمل حاجه في نفسها
نهي بدموع وخوف : لايا طنط ريم عارفه ربنا كويس وبتخاف منه...... مش ممكن تعمل حاجه في نفسها وتغضب ربنا
تقي بعيط : طيب راحت فين..... ومجيتش ليه لدوقتي
امل بغضب وهي بتبص لعمر : اكيد مش هترجع علي هنا اكيد رجعت بيتهم القديم........ هو دا المكان الوحيد اللي هتروح فيه.... عشان تبعد عن اللي ظلموها
هاله وقفه بسرعه : صح..... هي اكيد راحت هناك.....( وتبص لنهي) يلا يا نهي قومي نروحلها
عمر قام بسرعه..... ولسه هيتحرك
امل بغضب: عمر...... انت رايح فين
عمر بستغرب : ريح لريم
امل بغضب : انت فاكر بعد اللي انت عملته ......ريم هتبص في وشك تاني...انت خسرت ريم يا عمر...... (وتبصله بحزن) انت مش هتيجي معانا..... البنت مش ناقصه كفايه الحصل ليها النهارده .....
عماد قرب منه بهدوء : عمتي امل عندها حق يا عمر...بلاش تروح انت دلوقتي...... لان ريم زمانها تعبانه ....وانها تشوفك دلوقتي مش في مصلحتك والا مصلحتها ....... وبعدين احنا لازم نبلغ البوليس بسرعه .......ونمسكهم قبل ما يهربوا... او يعمله اي حاجه تانيه .....لازم نتحرك ونكون اسرع منهم
ماجده وهي بتقوم : يلا يا امل...... احنا هنفضل قاعدين هنا .....وسيبين البت الغلبانه مش عارفين جرالها ايه...... قومي نروح ليها
وتخرج ماجده وامل و معاهم نهي وهاله وشريف وحسن ....وسابوا تقي بعد ما اقنعه بصعوبه...... انها تفضل مع ساندي وهاجر .....وهم هيطمنها
عماد : بتفكر في ايه يا عمر
عمر بحزن وغضب : اتصلي علي هشام يا عماد .......وشوفه هو فين عشان...... نرو ح نقدم بلاغ .....( ويقفل ايده بغضب) لازم يتقبض علي ولاد........... وانا هروح مشوار مهم وهحصلك
عماد بقلق : لا يا عمر ... انت مش هتروح مكان لوحدك..... احنا هنروح سوا لهشام........ وشيل من دماغك انك تنتقم بنفسك....... الانتقام هيبقي بالقانون......... وهنفضل وره لحد ما ناخد حقها ونسجنهم ....... لكن تروح تموت او تتخانق فدا مش هيفيد...... بالعكس هيضر اكتر
عمر بعصبيه وغضب : انت مش عرف مين العمل كده في ريم واتفق عليها معاهم
عماد بستغراب : مين
عمر بغضب : ميرنا بنت خالي ايرهيم...... بتنتقم من ريم بسببي ( ويبص لعماد بحزن وندم) الحصل لريم كان بسببي انا يا عماد........ وفي الاخر اروح انا كمان و اظلمها....انت عارف لو كنت اتاخرت..... كان حصل ايه لريم .....كان الحيوان الاسمه حازم هيعمل فيها ايه
عماد بغضب : قوم نروح لهشام...... ونبلغ عنهم كلهم...... ونقوله كل المعلومات العندنا.....ونديله الصور والايميلات وتلفون ريم ...... نسجنهم كلهم ......( ويقرب منه) ووقتها ريم ممكن تسمعك... وتسامحك
عمر بحزن : ريم مش هتسامحني ابدأ يا عماد...... انا جرحتها وظلمتها ......ووقفت ضدها .....وهي اللي اول ما شافتني جريت عليه...... كانت عاوزه تتحمي فيا ....بس انا ماشفتش نظرت الخوف اللي كانت في عنيها...... الغيره عمتني ( ويبصله بدموع ندم) انا ازاي كنت غبي كده يا عماد.... ازاي اجرح واظلم ريم
عماد بحزن : هم لعبها صح عليك يا عمر...... وعرفوا يخدعوك ......ولولي ستر ربنا .....وصاحبتها اللي سمعت وعرفت مؤامرتهم .....واتصلت وقالت عشان نلحق ريم كانت هتعيش في الظلم...... وربنا يعالم ايه اللي كان ممكن يحصل ليها ( ويحط ايده علي كتف عمر) ريم هتسامحك يا عمر لما تجيب حقها ....يلا يلا عشان منتاخرش
سمر في بيتها عمله تلف حاولين نفسها ......مش عارفه تعمل ايه
سمر بتكلم نفسها : انا مش همشي ...اهرب ليه..... هم اكيد مش هيعملوا حاجه....... هيخافوا من الفضيحه وان احنا ننشر الصور ( وبغيظ) كله من الزفته هاله .......بقي بتمثلي عليا وعامله نفسك صحبتي....... انا هربيكي واعلمك الادب ( وتنفخ بضيق وخوف) انا مش عارفه اعمل ايه دلوقتي... لو رحت لحازم زفت دا.... هياخد مني اللي وريا والقدامي.... وهيستغلني واهلي هيتفضحو.....بس انا خايفه لو فضلت هنا يتقبض عليه واتسجن....... اوووووووووووووف بقي كله منهم.... هيضيعوا مستقبلي ويضيعوني.....بس والله ما هسيبهم غير لما افضحهم زي ما هيفضحوني
عمر وعماد كانوا وصلو لهشام ...... وحكوا ليه علي كل حاجه واخد منهم تلفون ريم والصور والايميلات وعنوان الفيلا وحكي ليه كل اللي هاله سمعتوا وشافتو..... فجاب اذن النيابه بسرعه و خرج بقوة وراح للفيلا في المزرعه........ وبعت قوة تانيه تجيب سمر وميرنا وحازم .......وبعت التلفون لمختص يجيب عنوان الهكر......اللي مهكر التلفون
ميرنا قعده في اوضتها وعمله تفكر وبتكلم نفسها
ميرنا لنفسها : عمر مش ممكن هيبلغ عني .......هو عمل كده مع بابي .... انا بنت خالو... وسمعتي تهمه برده..... دا لو كان عرف اصلا ان ليا دخل في اللي حصل لزفته بتعته و حتي لو عرف وجي يسألني.... هقولوا ان حبي ليه هو السبب غيرت عليه (وهي قعده انجي اتصلت بيها )
ميرنا :الوووووو
انجي بعصبيه : انت فين يا ميرنا .......وايه اللي حصل في الفيلا
ميرنا اتعدلت بقلق : ليه في ايه
انجي بغضب : انا اللي بسأل مش انتي...... الفيلا اتبهدلت والفرش اتكسر...... والبلوليس هناك في الفيلا .....و اتصلوا علي بابي ....وريح لهناك...( وتزعق بغضب) انتي عملتي ايه هناك يا زفته
ميرنا قامت وقفت... وهي هتجنن...... وقفلت مع انجي من غير ما ترد عليها ....واتصلت بسمر بسرعه
سمر بقلق : ايوه يا ميرنا
ميرنا بصريخ : بلغوا البوليس ......والبوليس هناك في فيلا المزرعه..... يعني زمانهم عرفوا كل حاجه... وممكن يقبضه علينا
سمر بخوف : هارسوووود انا ههرب.......اهرب احسن ما اتسجن ..... مافيش قدمنا غير حازم هو اللي هيعرف يخبينا...... انا هروح ليه...... ههرب لحد ما افكر واعرف هعمل ايه........اهربي انتي كمان
ميرنا بخوف : ايوه ههرب.... انا هجي معاكي ... هلم حاجتي ونتقابل
سمر وميرنا قفلوا بسرعه...... وكل واحده بدأت تلم هدومها ودهبها...... ونزلو من بيتهم...... ميرنا قبل ما تخرج من الفيلا....شافت البوليس دخل الفيلا...... فستخبت في الجنينه لحد ما دخلوا ......وخرجت بسرعه من الباب الخلفي للفيلا
ماجده وامل وشريف وحسن ونهي وهاله .....وصلوا عند ريم في بيتهم القديم..... حسن طلع يجري عاي السلم.... وخبط علي الباب الشقه
صالح بحزن : اهلا يا حسن يابني
حسن بخوف : ريم هنا يا عم صالح
(الكل وصل لباب الشقه )
صالح بقلق : ريم جوه يابني بس معاها الدكتور
ماجده بخوف : دكتور ليه مالها....
صالح بحزن : ماعرفش..... انا راجع من الشغل لقيتها قعده علي الباب الشقه بتعيط ........وفضلت تقولي افتحلي الباب دخلني بيتنا..... و لما فتحته دخلت علي اوضه الست فاطمه وفضلت تعيط .......قولت نسيبها ترتاح شويه .....بس زينب مراتي قلقت عليها دخلت تشوفها لقيتها سخنه مولعه وعرقانه.... وعمل تتنفض وتخترف بكلام مش مفهوم....... فجيبنلها دكتور...... وهو جوه عندها ومعاه زينب مراتي ( ويبص لحسن) هو ايه الحصل يا حسن.....هي الست فاطمه كويسه
شريف بضيق وحزن : الحمد الله يا حج.... طنط فاطمه مسافره بره بتتعالج.... ريم بس حصلها مشكله في الشغل فتعبت
صالح بحزن : لا حاول الله يا رب خير ان شاء الله ...... انا اول مره اشوف ريم كده ......دي ياما مر عليها...... وطول عمرها حماله وشيله وما بتشتكيش ...عمرها ما تعبت كده
(خرج الدكتور والكل واقف)
صالح بقلق : طمنا يا دكتور
الدكتور : واضح انها تعرضت لصدمه عصبيه شديده .جبيت لها انهيار عصبي..... انا اديتها حقنه مضاد للاكتئاب وخافض حراره ...... وعلي الصبح هتفوق ان شاء الله ودا علاج ومعاه المواعيد
شريف : متشكرين يا دكتور اتفضل
بعد ما الدكتوره مشي ....حسن دخل يجري علي ريم وقعد جمبها وهو ماسك ايدها و بيعيط ......ودخلت امل وماجده وحاوله يهدي حسن ..... ونهي وهاله فضله معاهم شويه وروحوا ...واتفقو انهم هيجي الصبح يطمنوا عليها
عماد وعمر كانو مع هشام ....اللي للاسف ماعرفوش يمسك حد من التلاته ..... لانهم كانو هربوا ..... بس البوليس بيدوره عليهم ...وبلغ مواصفاتهم لكل الفنادق والاكمانه
سمر وميرنا راحو لحازم ....اللي اخدهم وراح شقه في الهرم
سمر بقلق : هي شقة مين دي
حازم بضيق : شقة واحده صحبتي
ميرنا بخوف : يعني هي عايشه هنا
حازم : لا بتعمل فيها سهرات وحفلات..... كل فتره انا اجرتها منها عشان نستخبي فيها كلنا
سمر بخوف : ليه هو انت هتعقد معانا هنا
حازم بضحكه عاليه : ايه يا قطه تكونيش خايفه علي سمعتك( ويبصلها بقرف) اه ياختي هعقد هنا ... وكل واحدها ايدها علي الف ونص
ميرنا : الف ونص بتوع ايه
حازم بغضب : ااااااه هنبتدي القرف اهو........ بتوع ايجار الشقه ياختي منك ليها ......وبعد كده مطلبش من واحده فيكم فلوس تقولي بتوع ايه ....وتعقد تفتحلي تحقيق..... كفايه اني هخبيكم في مكان وماحدش هيعرف طرقكم ...... واللي تحبوا ابلغ عنكم ......اااه مهو مش هتفرق معايا علي فكره...... الدور والباقي علي بنت العز اللي مش هتستحمل ساعه علي البورش...... والهانم الدكتوره اللي اهلها فاكرين انها رمز الشرف والاخلاق....... اهم هيتفضحوا ويتبرو منك اول لما تدخلي السجن
سمر وميرنا بصوا لبعض..... ورحت كل واحده منهم مطلعه المبلغ اللي قال عليه واديته ليه
حازم ببتسامه خبيثه :شاااطرين.... اهو كده تعجبوني .. يلا يا حلوه منك ليها كل واحده تختار اوضه... غيروا هدومكم...... وخليكم برحتكم خالص .... البسو اللي انتم عاوزينه.... مافيش حد غريب معاكم دا انا حزومه
عمر اتصل بشريف .....وعرف انهم لقوا ريم في بيتهم القديم. وانها وتعبانه جدا..... وغايبه عن الوعي..... ففضل يلوم نفسه....و يحلف ويتوعد انه هينتقم منهم وهيجيبهم من تحت الارض.....وهيدفع ابراهيم وبنته تمن كل اللي عملوا كله
تفتكرو ايه اللي هيحصل .....وعمر هيقدر ينتقم لريم........ وريم هتقدر تسامح عمر... وياتري حازم هيعمل ايه هو وميرنا وسمر نعرف بكرا ان شاء الله
التعليقات على الموضوع