بناتي حياتي 🌸الحلقه السابعه🌸
رواية 💖بناتي حياتي💖
بقلم_ولاءيحيي
الحلقه السابعة
مروه : لعبه لعبت ايه دي
عايدة بابتسامه: سليم زمان لما كان يعوز لعبه وقوله لا يزعل ويتقمص وينام في اوضته لوحده ماينمش في حضني لحد.... لما وافق وجيب ليه اللعبة اللي هو عاوزها...... فيفرح ويرجع ينام في حضني. وكان يلعب بالعبه يومين وبعدين يكسرها ويرميها ويدور على لعبه تانيه (وتبص لمروه وتكمل بابتسامه) وانا هجيب له اللعبة اللي عاوزها يلعب بيها
مروه تبص لها بابتسامه :وافرضي بقي اللعبه المره دي عجبته ومزهقش منها.... (وتقرب منها) البت دي مش سهله....دي بت حلوه... و حلوه اوي وهتاكل عقله زي امها ما اكله عقل ابوها....ما انتي عارفه سلوي مرات عمها بتقول علي امها ايه... وانها بتلبس ليه زي العرايس اللي لسه متجوزين واكله عقل جوزها..... و اكيد بناتها زيها ماهي اكيد معلمهم.... وبت لين احلي من امها واختها.... وابنك خايب ومالوش علاقات قبل كده يعني البت هتاكل عقله
عايده بخبث : بس لما هيبقوا تحت عيني وفي بيتي لا هتعرف تلبس ولا تدلع .... وهعرف ازاي اخليه يزهق او هي اللي تزهق.... (وتكمل بضيق) انا ماحدش هيأخذ ابني مني... واللي تفكر تاخدوا اكلها بسناني ( وتقوم تقف) اوعي كده لما اروح اصالحوا وجيبه يفطر (تمشي عواطف ومروه تبص لها بضيق)
مروه بضيق : روحي لحبيب أمه (وتكمل بتريقه) بكرا نشوف أخرت الحب دا هيكون ايه
#بقلم_ولاءيحيي
💖💖💖💖💖💖💖💖💖💖💖💖💖
سليم كان نايم علي السرير... فيتفح الباب وتدخل عايده.... فيلف وشه يبص لها ويروح لفف تاني بصص لسقف
عايده تقرب وبتقعد جمبه علي السرير
عايدة بتصنع الزعل : لما من قبل ما تجوزها تزعل مني وتخاصمني علشانها.... امال لما تجوزها هتعمل ايه هتاخدك و تسافر وتسيبني
سليم يقوم يقعد بفرحه : و انا اقدر بردوا ابعد عنك... دا أنا أول شرط ليا عليها انها ترجع تعيش في مصر
عايده تبص له : يعني مش هتسافر وهتفضل قدامي وهتجوز هنا معايا
سليم بابتسامه : ايوه طبعا انا هتجوز واعيش في شقتي اللي فوق
عايده بضيق :وتجوز فوق ليه ما تعيش معايا هنا في الشقة دي وهنا في اوضتك
سليم بيقرب وينام في حضنها : مش هتفرق يا ماما... ما انا هبقي في الشقة اللي فوقك علي طول.... مش بعيد عنك.... وبعدين انا مش هطلع فوق غير علشان انام وبس.... لكن طول اليوم هفضل هنا معاكي هو انا اقدر ابعد عنك برده يا عيوده
عايده بابتسامه : يعني هتفضل عيشتك هنا هتاكل وتشرب فطار وغدا وعشا.... هتطلع علي النوم وبس دا شرطي علشان اوفق
سليم بابتسامه : طبعا ودي عاوزه كلام
عايده بمكر وخبث : ولو هي اللي رفضت وقالتلك لا قعد في شقتي ... واعمل اكلي لوحدي
سليم بابتسامه : عيب عليكي يا ام سليم... ابنك راجل وكلمته هو اللي بتمشي.. ولما اقول هناكل هنا يبقي هنأكل هنا
عايده بابتسامه : حبيب امك... ماشي موافقه لما اشوف بقي ابني الرجال ينفذ وعده لأمه والا لا
سليم يبسها بفرحه : حبيبتي يا ام سليم يا قمر انتي
عايده بغيظ من فرحتوه : و هتكلم ابوها امتي ان شاء الله علشان نروح نخطبها
سليم بابتسامه : يعني شويه كده علي ما لين تضبط الامور... وتكلمهم علشان يوافق
عايده تشهق بغضب : نننننعم... ليه أن شاء الله هو ممكن مايوافقش ليه هو يطول يجوز بنته ليك هو يلقي زيك..... دول يحمده ربنا انك بصيت لبنتهم وعاوز تجوزها.... انا عارفه انت عجبك فيها ايه.
سليم يضمها ويحاول يرضيها : ومين قالك انها عجباني.... انا مافيش حد يعجبني غيرك انتي يا قمر... (و يبص لها بابتسامه) على فكره بقى انا هموت من الجوع يلا بقي فطريني احسن انا ماكلتش من إمبارح
عايده بابتسامه : بعد الشر عنك يا قلب امك.... قوم يا حبيبي الفطار جاهز بره قوم لما اكلك بايدي يا قلب امك
#بقلم_ولاءيحيي
💖💖💖💖💖💖💖💖💖💖💖💖💖
وعند لين الكل كانوا قاعدين بيفطروا علي سفره في بيت الجدة
الجدة بابتسامه : اطمنتي علي سيلا يا منى وصلت اليونان بسلامه
مني بفرحه : ايوه يا ماما الحمد الله ومبسوطين جدا
الجدة :الحمد الله ربنا يسعدهم يارب ويهدي سيرهم
( وتبص لسناء) هي البت ريهام فين يا سناء دي من ساعه ما جيت وهي وش الضيف مش بنشوفها ابقي اعزميه هي وجوزها يتغدوا معانا ويقعدوا عندنا يومين
سناء بابتسامه : حاضر يا ماما بعد الفطار هكلمها وقولها تيجي
يرن تلفون فؤاد فيرد
فؤاد بابتسامه : اهلا اهلا يابو طلال
ويسكت شويه ويستمع لطرف التاني
فؤاد بفرحه : بجد ربنا يبشرك بالخير يا ابو طلال... الله يبارك فيك يا حبيبي... مع الف سلامه اشوفك علي خير
لين قلبها يدق بخوف : خير يا بابي النتيجة ظهرت
فؤاد بفرحه يفتح ايده ليها : ايوه يا حبيبتي الف مبروك يا بشمهندسة 99% رفعتي راسي يا حبيبتي
(لين تجري لحضنها بفرحه وسناء زغردت بفرحة )
مني تضم لين بفرحه : مبروك يا لين الف مبروك يا حبيبتي فرحتي قلبي
لين تحضنها : كله بفضل الله وبفضل حضرتك انتي وبابي ..... انا عمري ما هنسي أن حضرتك سيبتي شغلك و حياتك العملية عاشان تفضلي معانا وتاخدي بالك منا طول الوقت ربنا يخليكي لينا يارب
فؤاد يقرب و يحط ايده علي كتف مني : فعلا يا مني انت فضلك كبير اوي انتي اللي سبيتي شغلك وفضلتي معاهم وتبعتيهم.... ووقفتي جمبي لحد ما انا وهم نجاحنا.... انتي اعظم زوجه وانا ربنا كرمني بيكي
مني الدموع تملي عينها من كلامهم ليها قدام الكل والكل بقى بيبص ليهم بفرحه وحب معاده سلوي اللي الغيرة ملت قلبها
مني بدموع الفرحة : انا اللي عمري ما كنت هلقي زوج واب لبناتي زيك يا فؤاد كفاية حنيتك وطيبتك وحبك لينا
الكل يبارك للين وفؤاد ومني والكل بقى فرحان بيهم
ورحوا فؤاد ومني والجدة وفريد وفايز وفاروق و امير وسناء وسلوى قاعدوا في الصالون
فؤاد بابتسامه : هاااا يا بشمهندسة تحبي تاخدي هديتك هنا والا لما نرجع الكويت لم
لين حست ان دا الوقت اللي لازم تكلم فيه
لين بقلق : هنا يا بابي... اصل انا مش هرجع الكويت
فؤاد يبص لها باستغراب : يعني ايه مش راجعه الكويت
لين بارتباك :اصل انا عاوزه ادخل الجامعة هنا في المنصورة
فؤاد يبص لها باستغراب : تدخلي الجامعة هنا ليه؟ هو مش احنا متفقين انك هتدخلي ال Auc في الكويت... عاوزه تدخليها هنا ليه ما هي موجوده هناك
لين بقلق : لا ما انا مش هدخل Auc انا هدخل فنون جميله جامعه المنصورة
فؤاد بصدمه : ايه فنون جميله ! ليه ما انتي طول عمرك عاوزه تبقي مهندسه معمارية... و حلمك انك ع تدرسي في Auc علشان منحه التفوق وتسافري بره تحضري الماجيستر والدكتوراه
لين تبص للأرض : غيرت رائي
فؤاد بغضب : غيرتي رائيك كده بين يوم وليله
مني : اهدي يا فؤاد...لما نفهم منها فهمينا يا لين غيرتي رائيك ليه
لين بحزن : يا مامي انا مش هقدر ارجع الكويت لوحدي
فؤاد بزعيق : لوحدك؟ يعني ايه لوحدك مااحنا راجعين معاكي
لين بدموع حزن لانها زعلت بابها
لين بدموع مكتومه : مش عاوزه ارجع من غير سيلا وكمان حضرتك بتقول ان امير كمان هيمسك فرع الشركة في القاهرة يعني هو كمان هيرجع يعيش في مصر وانا مقدرش ابعد عن اخواتي
فؤاد بغضب : لكن تقدري تبعدي عنا احنا
لين بحزن : لا يا بابي بس حضرتك ومامي تقدروا تيجي طول السنه في اي وقت لكن انا لو دخلت الجامعه هناك هنشغل في الدراسة ومش هقدر انزل غير كل سنه وفي سنين هيكون فيها تدريب وشغل عملي يعني مش هقدر انزل خالص وانا مقدرش ابعد عن اخواتي كل الوقت دا
فؤاد بغضب : انا الكلام دا مش داخل دماغي ولا عجبني ومش مقتنع بيه... (و يبص لها بغضب) انتي هترجعي معانا انا مش هسيبك هنا لوحدك
فريد بيحاول يهديه : لوحدها ازاي يا فؤاد بنتك هتبقي وسطينا ومعانا وفي بيتها
الجدة بفرحه : طب والله دا احسن حاجه انها تدخل الجامعة هنا وهو انت ومني كمان ترجعوا تعيشوا في مصر... مش كفياك غربه بقى
سناء بابتسامه : متخافش عليها يا فؤاد دي هتبقي في عنينا
مني تبص للحين باستغراب : طيب وليه فنون جميله ليه متدخليش اللي Auc زي ما كنتي عاوزه
لين : ما انا لو دخلتAuc هحتاج اقعد في القاهرة وانا ماينفعش اقعد لوحدي هناك وفنون جميله فحضرتك عارفه انا بحب الرسم والتصميم وعاوزه ادخل قسم ديكور..
فؤاد يقف بغضب : انا الكلام دا مش داخل دماغي احنا هنرجع كلنا الكويت يا لين انا مش هسيبك هنا في مصر
ويقوم يمشي ويسبهم ولين تزعل عينها تدمع فهي اول مره تزعل بابها منها
امير يقرب يقعد جمب لين : متزعليش يا لين بس عمي ليه حق انتي غيرتي رائيك وانتي كنتي متفقه معاها وبعدين انا عاوز افهم ليه فنون جميله مش هندسه
لين تمسح دموعها : يا امير دلوقتي انا لما اتخرج شغلي هيكون في شركه بابي وانتم مش محتاجين مهندسين معمارين انت موجود وفي مهندسين كتير في الشركة.... انا لما قررت اني افضل هنا حبيت اني بعد ما اتخرج اضيف حاجه جديده لشركه وعلشان كده اختارت قسم ديكور و هضيف لشركة لما ادخل فيها الديكور مش البناء وبس.... كده الشركه لما هتبني هتسلم البيت او الشركة جهزه بناء وشطب وفرش كمان.... ووقتها شركتنا هتكبر اكتر... وساعتها انا هكون ضيفت حاجه جديده لشركة... مش هبقي مجرد بنت صاحب الشركة اشتغلت فيها....و ماحدش يعترف بمجهودي... لكن قسم الديكور الكل هيعرف اني نجحت بمجهودي انا..... يا أمير انا عاوزه اعمل حاجه تضيف ليا ولشركة وانجح فيها
فاروق بابتسامه : طيب والله البت دي دماغها الماظ وتفكيرها صح
الجدة بابتسامه : روحي يامني لفؤاد وتكلمي معاها براحه
لين : ايوه يا مامي بليز اتكلمي حضرتك مع بابي فهميه وجهه نظري انا مش عاوزه يزعل مني
مني بابتسامه : حاضر يا لين بس انتي متأكده من قرارك دا يعني مش هترجعي تندمي
لين :ايوه يا مامي فكرت فيه كتير جدا
مني بابتسامه : خلاص يا حبيبتي هكلموه
تبوس لين مامتها وتقوم مني تروح لفؤاد وتلقيه قاعد متعصب ومضايق
مني بهدوء : ممكن اتكلم معك
فؤاد بضيق : مني انا مش موافق و مش هسيب بناتي الاتنين هنا انا في اليومين اللي سيلا بعدت فيهم تعبان وعاوز اروح اجيبها ارجعها معانا الكويت تاني.... دلوقتي عاوزيني اسيب لين كمان ماقدرش يا منى... وخصوصا لين انا مقدرش ابعد عنها.... اخاف عليها لين مش قويه زي سيلا.... لين رقيقه وطيبه مش هكون مطمن عليها غير وهي معايا وتحت عيني
مني بابتسامه وهدء : انا فهمك يا فؤاد وحسه بيك بس احنا كمان لازم نرجع..... كفاية غربه بقى وهي جت من البنات.... وانت الحمد الله ناوي تفتح فرع لشركه هنا و فرصه نرجع احنا كمان.... يعني سنه او سنتين بكتير لما الشركة الجديدة تستقر نرجع وتبقي انت وامير بين هنا وهناك ونستقر في بلادنا بقى.... لكن لو لين دخلت الجامعة هناك يبقي قدمنا 5 سنين واكتر علي ما نرجع.... وبعدين لين كانت عاوزه تدخل علشان تاخد منحه تفوق وتسافر أمريكا... ساعتها انت كنت هتعمل ايه هتسيبها تسافر امريكا وتعيش لوحدها
فؤاد بضيق : وهو انتي شوفتي انها اخدتها... دى منحه تفوق ممكن ما تاخدهاش
مني : يا فؤاد انت عارف لين كويس..... لين لو دخلت هتفضل تحارب لحد ما تاخد المنحة.... انت عارف بنتك لما بتحط حاجه في دماغها.... ولين متفوقه ساعتها انت مش هتعرف ترفض انها تسافر لأنك انت وعدتها..... يعني لو جيت ليها المنحة لين هتصمم تسافرها..... (وتبص ليه بحب) وبعدين يا فؤاد سيلا الحمد الله تجوزت وكلها كام شهر ان شاء الله وتبقي حامل وتحتاجني جمبها... وقتها انا اللي هتعب بينكم ومش هبقي عارفه اسيب سيلا اللي هنا والا انت ولين اللي في الكويت.... انا بقالي فتره عمله افكر وماكنتش لقيه حل و بصراحه يا فؤاد لين حلتها الحمد الله واخدت القرار صح اللي في مصلحتنا كلنا
فؤاد بدا يقتنع : طيب هي ليه عاوزه تدخل فنون جميله ليه مش هندسه
مني شرحت لفؤاد الكلام اللي لين قالته وتفكرها
مني بابتسامه : انت عارف لين بتحب تنجح بمجهودها.... وعاوزك دايما فخور بيها وبصراحه انا شايفه انها تبقي مهندسه ديكور احسن هتنجح فيه جدا...... لين فنانة وبتحب الرسم دا كل تصميم الفيلا في الكويت هي اللي عملتوه وانت شوفت المهندسين في الحفلة اللي عملنها بعد ما خلصنا الفيلا كانوا معجبين بيها و بأفكارها وقتها وقالها انها لو درست ديكور هتبقي شاطره في المجال دا ( وتقرب منه وتحط ايدها علي وشه)
وافق يا فؤاد... وهو ننظم امورنا ويبقي سنه او اتنين لما الشركة امورها تتضبط ونرجع احنا كمان ونستقر مع العيلة... انت عارف انا نفسي ارجع من زمان
فؤاد يبوس ايدها بابتسامه : حاضر يا مني انا مقدرش ارفض لكي طلب... وعارف انك نفسك ترجعي من زمان
مني تبوسه : ربنا يخليك لينا يا فؤاد... طب قوم يلا قول للين بنفسك وفرحها
ويخرج فؤاد ومني.... لين كانت قاعده مع جدتها وأعمامها و سناء وسلوي وامير
فؤاد تصنع الزعل : لين
لين تقوم تقف : ايوه يا بابي
فؤاد بابتسامه : هو اختبارات فنون جميله امتى
لين بفرحه تجري لحضنه : حبيبي يا بابي ربنا يخليك ليه يارب
فايز بفرحه : يعني وافقت انها تفضل الحمد الله.... وانا اعرف دكتور في الكلية هوصي عليكي في الاختبارات
لين تبص ليه وهي في حضن فؤاد : ميرسي يا انكل بس لا بليز متوصيش حد انا عاوزه ادخل الاختبار وانجح بمجهودي
امير بابتسامه : متقلقش يا بابا لين رسوماتها حلوه جدا وهتنجح وبتفوق كمان
فايز بابتسامه : ربنا يوفقك يا حبيبتي
سلوي لنفسها : ايه القرف دا شكلهم كلهم هيرجعوا ويقعدوا علي قلبي صبرني يا رب
#بقلم_ولاءيحيي
💖💖💖💖💖💖💖💖💖💖💖💖💖
لين تدخل اوضتها وتتصل علي سليم
سليم بابتسامه : حياتي وحشتيني
لين بابتسامه : وانت كمان..... عندي ليك خبر حلو اوي انا نجحت وجبت 99%
سليم بفرحه: مبروك يا حبيبتي بس ايه دا 99% و ال واحد في المائة دا راح فين.... اكيد ضاع بسبب تفكيرك فيا
لين تضحك : ايوه شوفت بقي كنت بضيع وقتي في التفكير فيك
سليم بابتسامه : يا نصابه بقي كنتي بتفكري فيا 1% بس...... ماشي يا لينو انا هعرف ازاي خليكي تفكري فيا 100%...... المهم يا لين انك تكلمي عمي وتدخلي الجامعة هنا
لين بابتسامه : حصل يا حبيبي و بابي وافق وهدخل اختبارات فنون جميله ان شاء الله
سليم بفرحة : الله اكبر لا دا انتي كده عاوزه تتباسي بوسه كبير جدا
لين بكسوف : سليم ايه اللي بتقوله دا
سليم بابتسامه لكسوفها : ايه مش لازم ابركلك وأجبلك هديه ودي هديتي ليكي وبعدين انتي جيبتي 99% ولازم علي كل واحد في المائة بوسه
لين بضحك : ياسلام ودي هديتي ولا هديتك
سليم بضحك : هو مش انا وانتي واحد و نجاحك هو نجاحي.... لو عاوزه تبوسي انتي ماعنديش مشكله
لين بضحك : لا تبوسني ولا بوسك ممنوع و اسكت بقي وخليك مؤدب
سليم يتنهد بحب : هو فيه َأدب اكتر من كده.... المهم يا حبيبتي عمي فؤاد قال ايه علي خطوبتنا
لين بابتسامه : لا ما انا لسه مكلمتش في الموضوع دا انا قولت ليه علي الجامعة بس
سليم بزعل : ليه كده يا لين ما كنتي قولتي ليه كل حاجه مره واحده
لين : صعب يا سليم بابي اصلا وافق على دخولي الجامعة هنا بصعوبة دا ماكنش مقتنع خالص
سليم بضيق : طيب هتكلميه امتي
لين بابتسامه : لما انجح في الاختبارات وادخل الجامعة هكلمه
سليم : نعم..... وهو انا لسه هاستني لما تدخلي الجامعة كمان
لين بضحك : دا هو شهر يا سليم
سليم بحب : كتير يا عيون سليم.... انا نفسي اتجوزك بكرا..... بحبك يا لين بحبك اوي
لين بكسوف : وانا كمان يا حبيبي بحبك اوي....و ان شاء الله اول ما استقر في الجامعة هكلم بابي على طول
وتقعد لين تكلم شويه مع سليم ولما تقفل تكلم اصحابه (شوشو وصافي والاء) مكلمه فيديو جماعيه بنهم
لين بابتسامه :مبرروك يا بنات بقينا في الجامعة
شوشو : مبروك يا سوسه بقى تجيبي 99% جيبتيهم ازاي دول
لين بابتسامه : قدرات يا بنتي قدرات صحيح انتم جيبتم كام
صافي بفرحة : انا جيبت 95%
ألاء : وانا 87%😢
شوشو : وانا بلا فخر 70%
يضحكوا كلهم
شوشو بغيظ : اخرسي يابت منك ليها.... انا اصلا هتجوز وقعد في البيت... بلا تعليم بلا خبط راس
لين باستغراب : اوعي تقولي انك مش هتكمل بعد الجواز يا شوشو
شوشو :لا هكمل طلال مصمم اني ادخل الجامعة
صافي بضحك : فاتك انت يا لين طلال لما عرف مجموعها كان مواقفها جمب الحيطة وناقص يرفعها ايدها
يضحكوا البنات
شوشو بابتسامه : دا زعل مني جدا.... بيقولي كان عاوزني ادخل جامعه كويسه وحقق ذاتي... ويفتخر بيا.... حسيت انه بيفكر في مصلحتي
لين بابتسامه : طلال بيحبك واختارك شريكه لحياته واكيد عاوزك افضل واحسن وحده.... المهم دلوقتي يا شوشو انك تكلملي وتدرسي حاجه تحبيها مش لمجرد شهاده وخالص
شوشو : ياختي انا ما بحبش حاجه انا عاوزه اتجوز وربي العيال
الاء :يبقي ادخلي رياض اطفال
لين : او اقتصاد منزلي ادخلي حاجه تستفيدي منها حتي لو في بيتك
صافي : المهم انتي راجعه امتي علشان نقدم اورقنا سوأ
لين بضيق وحزن فهي عارفه ان قرارها هيزعل صديقات عمرها
لين بارتباك : انا كنت عاوزه اقولكم علي حاجه بس بليز تفهمني.... و مش بس تفهمني تشجعوني وتقفوا جنبي
شوشو : خير يا لين شكل في موضوع خطير
لين بحزن : انا قررت ادخل فنون جميله... هنا في المنصورة
صافي بصدمه: لا يا لين متقوليش احنا متفقين ان احنا مش هنفترق ابدا
الاء بحزن : انتي وعدتينا انك راجعه وهتدخلي الجامعة هنا
لين بحزن : اسمعوني طيب الاول
شوشو بضيق : طبعا سليم هو السبب في قرارك دا
لين : يا بنات سليم طلب ان احنا نتجوز .... ومستنياني اكلم بابي.... يعني عاوز نتجوز وانا في الكلية... وانتم عارفين انا بحب سليم واكيد لما هتجوز عيش في مصر معاه يبقي لازم الجامعة اللي هدخلها تبقي مكان ما هعيش يعني هنا في المنصورة ( ودموعها تنزل ) انا عارفه اني وعدتكم بس انتم بتحبوني وبتتمنوا سعادتي وانا سعادتي مع سليم
صافي بتعيط وزيها الاء وشوشو : يعني انتي مش هترجعي الكويت تاني
لين بدموع وحزن : لا طبعا هجي اجازات على طول وهنفضل سوا.... وكل يوم سبت هنخرج سوأ زي ما متعودين
الاء بدموع :هخرج ازاي وانت مش معنا
لين بابتسامه : انا هفضل معاكم هتصل بيكم فيديو وأخرج معاكم اون لاين هفضي يوم السبت ليكم وتخرجوني معاكم في كل مكان
شوشو بعيط : وانا يا لين مش هتجهزي معايا لفرحي....هتسبيني لحالي... دا فرحي قرب معقول مش ها تحضري... يعني مش هتبقي جمبي
لين بدموع : لا طبعا هحضر انت عبيطة ولا ايه وجهازك انتي اشتري من عندك وانا هشتري من هنا وهاجي قبل فرحك وهكون معاكي .... يا بنات احنا مش هنفترق عمرنا.... بليز ساعدوني في قراري وخاليكم جمبي... انا سعادتي مع سليم
صافي بابتسامه : ربنا يسعدكم
الاء :احنا معاكي لين وهنفضل سوأ واصحاب طول العمر
و يفضلوا يتكلموا ويقفله المكلمة بعد الضحك وهزار بس طبعا كان جوهم زعل بسبب بعدهم عن بعض
#بقلم_ولاءيحيي
💖💖💖💖💖💖💖💖💖💖💖💖💖
ويمر الوقت وفؤاد ومني يسافر الكويت.... وامير سافر معاهم.... على انه هيرجع يجهز تلشركه بالقاهرة..... ولين دخلت الاختبارات ونجحت ودخلت فنون جميله المنصورة..... وطبعا سيلا طارت من الفرح بقرار لين وفرحت انها هتقعد معاها في المنصورة... وكانت عاوزه لين تقعد معاها في بيتها بس لين والكل رفضوا..... وجهزوا لها اوضة في شقة الجدة.... وبقيت تروح الكليه وكل يوم بعد الكلية تروح تطمن علي سيلا
وبعد مرور شهرين عند سليم في البيت... كانوا قاعدين كلهم علي العشا وعايده عمله تاكل سليم فمروه حبت تضايقهم وتغيظ سليم
مروه برخمه :هو انت غيرت رائيك يا سليم وخالص مش هتخطب لين
سليم يبص لها باستغراب : لا طبعا ما غيرتش رائي
مروه بخبث : امممممممممم... امال ما رحتش تخطبها ليه.... والا لتكون ست الحسن هي اللي غيرت رأيها.... او لسه بتفكر
سليم بغيظ : خليكي في حالك يا مروه ملكيش دعوي ومتدخليش في الموضوع دا بذات فاهمه
ويقوم سليم ويسيب الاكل ويروح اوضته فتقوم عايده وتدخل وره
شروق تبص لمروه بضيق : انتي ايه يا شيخه عجبك كده.... انتي لازم تعملي مشكله
مروه بضيق : بت انتي خليكي في نفسك مش كفاية مجيبك السودة اللي دخلتيها بيتنا وهتيجي تعمل علينا ست البيت
شروق بضيق : انتي بجد انسانه مريضه.... كرهك لكل الناس دا مرض ولازم تتعالجي منه..... لأنك بعد كده مش هتلقي حد تكرهيه غير نفسك
تقوم شروق وتسيبها لوحدها
#بقلم_ولاءيحيي
💖💖💖💖💖💖💖💖💖💖💖💖💖
وفي اوضة سليم
عايده : جري ايه يا سليم هو احنا هنفضل في القرف دا كتير.... كل ما حد يتفتح الموضوع دا تزعل وتتخانق..... اختك مغلطتش هي ست الحسن مستنيه وبتتأمر علي ايه..... هي تطول تجوزك وبعدين ابوها وامها سافروا.... ايه ها تستني سنه علي ما يجو تاني
سليم بضيق :يا ماما لين كانت مستنيه تستقر في الجامعة الاول وبعدين تكلم بابها علي طول
عايده بضيق :هتكلموا ازاي بعد ما سافر... و ماهي دخلت الجامعة بقاله شهرين.... مستنيه ايه دلوقتي... دا دلع بنات ومايصة.... عاوزه تفضل معلقك جمبها من غير ارتباط ( ولسه سليم هيعترض رحت واقفه قدامه)
عايده : بقولك ايه يا سليم انا اصلا مش مرتاحة لجوازه دي.... فيا تاخد معاد من ابوها.... يا تسيبك من البت دي.... وتسيبني انا اختار ليك بنت حلال اللي تستهلك وتسعدك
سليم بغضب : انا مش هتجوز غير لين يا ماما
عايده بغضب : يبقي تكلم ابوها بسرعه... شد عليها شويه وخليها تأخذ ميعاد من ابوها..... انا شغل المايعة دا محبوش سامع..... وتخرج وتسيبه
وسليم يضايق ويقرر انه يروح للين الجامعة ويعقد معاها ويخليها تكلم بابها
#بقلم_ولاءيحيي
💖💖💖💖💖💖💖💖💖💖💖💖💖
و تاني يوم لين كانت في الجامعة وقاعده مع بنتين اتعرفت عليهم داليا و امنيه كانوا في الكافتيريا مستنين ميعاد المحاضرة
امنيه بابتسامه : لين المعجب الولهان قعد جمبنا وعينه طلعه عليكي
لين باستغراب : معجب؟؟؟ مين دا ومعجب بمين
داليا بضحك : معقول مخدتيش بالك
لين : اخد بالي من ايه
داليا : الواد الخبط فيكي امبارح وانتي جيبا العصير من ساعتها وهو كل ما نروح مكان يجي ورنا
لين باستغراب : بجد والله ما شوفته ولا حتى اعرف شكله ايه
داليا :اهو هو اللي هناك دا (و تبرق عينها بصدمه) يا خبر دا شكله خد باله ان احنا بنتكلم عليه
امنيه : الحقوا الحقوا دا جي علينا
كريم بابتسامه : صباح الخير
داليا وامنيه وهم بيبصه ليه بأعجاب فهو شاب جميل
الاتنين : صباح النور
كريم : انا كريم عادل في سنه رابعه... ممكن اتعرف عليكم
وطبعا كان كلامه موجه للين لأنه كان يبص ليها وهي بصه قداما ولا مهتمة بوجوده بس استغربت من جرأته
داليا لسه هتكلم بس لين سابقتها وسكتتها
لين بضيق : سوري مش بنتعرف علي حد
كريم بابتسامه ونظرت اعجاب : ليه كده بس دا احنا حتي زمايل في كليه واحده
لين لسه هتكلم بس داليا المرة دي سبقتها اصلها اعجبت بكريم من اول نظره
داليا بابتسامه : انا داليا في سنه اولي ودي امنيه
( ولسه هتعرفو بلين بس لين برقت ليها فسكتت وكريم شافها فضحك وقعد علي الكرسي جمبها)
كريم : وانتي بقي مش هتقولي اسمك ولا هو سر
في الوقت دا كان سليم وصل وشاف كريم وهو بيقعد بيكلم مع لين... فيقرب بسرعه وسمع اخر حاجه قالها للين بس لسه هيقرب ويضربه لقي لين وقفت بغضب
لين بغضب : انا ماشيه لان في ناس بارده ما عندهاش دم بتفرض نفسها علي الناس.. (وبتلف لقيت سليم في وشها)
لين باستغراب وصدمه : سليم
سليم بعصبيه وصوت عالي وطبعا يسمعه كل اللي قاعدين علي الترابيزات
سليم بغضب : في حد بايضايقك هنا
لين خافت سليم يعمل مشكله : لا ابدا انا كنت قعده مع صاحباتي (وبصت للبنات) اعرفك داليا و امنيه صاحباتي
يبص سليم عليهم ويقرب من كريم... وكريم يقف قصاده بتحدي
كريم بتحدي : وانا كريم زميل داليا و امنيه
يرفع سليم حاجبه ويبص ليه بقرف
سليم : وانا سليم خطيب الأنسة اللي مرضيتش تقولك اسمها..... ودا كويس ليك علي فكره انت انكتب لك عمر جديد.... اصل انا اللي بينطق حروف اسمها بس بموته
لين تقرب منه بقلق : سليم تعال نمشي عاوزك ( فيبص ليها بضيق فتبص ليه بترجي) بليز يا سليم
سليم يمسك ايدها : يلا يا حبيبتي ( ويبص ل كريم وهو ماشي) سلام يا كيمو وخد بالك من نفسك
يمشي سليم مع لين وطبعا كان ركبه مليون عفريت وغضبان جدا... وأول ما يبعدوا
سليم بغضب : عجبك كده
لين باستغراب : هو ايه اللي عجبني يا سليم انا قومت وسبتهم وهزقته وانت شوفت
سليم يقرب منها بغيظ : مهو انتي لو لبسه دبله ماكنش حيوان زي دا فكر يقرب منك ويعاكسك.... ولو كان فكر وانتي خطيبتي رسمي كان زماني ليه الحق اولع في اهله واضرب.... لكن انا لو هكلمه دلوقتي بأي صفه... انا ماليش صفه علشان ادافع عنك
لين بضيق : مش الدبلة هي اللي هتحميني يا سليم
سليم بعصبيه : لا مش الدبلة انا يا لين انا اللي هحميكي.... هيبقي ليه صفه اني اقف في وش ايغاي حد يفكر يضايقك او يقرب منك..... لكن دلوقتي هتكلم بأي صفه ( يبص ليها بغيظ )هو انتي كنتي قعده في الكافتيريا و ما بتحضريش محاضراتك ليه
لين : انا خلصت محاضره و فضل علي التانيه ساعه رحنا نشرب حاجه ونفطر
سليم : ااااه وظريف بقي ما صدق وجي يتعرف علي الحلوة اللي قاعدة في الكافتيريا (ويبص لها بغضب) انتي مكلمتيش بابكي لحد دلوقتي ليه.... مستنيه ايه.... الجامعة ودخلتي ممكن اعرف مكلمتيش معاهم ليه
لين بضيق : لان بابي سافر و انا
(وكنت هتكمل كلمها بس سليم اتعصب)
سليم بغضب :و مكلمتيهوش قبل ما يسافر ليه... ولا انتي بتشتغليني يا لين
لين باستغراب : بشتغلك ! ايه اللي بتقوله دا يا سليم يعني ايه بشتغلك دي
سليم بضيق بيحاول يهدي نفسه : بصي يا لين يا تكلمي بابكي يا انا هتصرف.... ولا اقولك انا هتصرف سلام
ويديها ظهره ويمش خطوتين بعيد عنها
لين بضيق : سليم سليم
سليم يصعب عليه انه يمشي ويسيبها زعلانه فيرجع ليه
سليم : عاوزه ايه من زفت
لين بابتسامه : متقولش علي نفسك زفت انت كده تبقي بتشتمني انا
سليم بغيظ : وبشتمك ازاي بقي انا بشتم نفسي
لين بضحك : مهو حبيبة الزفت هتكون ايه غير زفته
سليم يكتم ابتسامته : طيب امشي يا لين من وشي... امشي بدل ما عورك..... وادخلي محاضراتك ومافيش كافتريا تاني خالص.... تفطري في بيتكم متروحيش الكافتيريا دي تاني ابدا... تخلصي محاضرتك وتروحي البيت علي طول فاهمه
لين تبص علي الارض وتعمل شفيفها حركة بحزن زي الاطفال : حاضر
سليم يضحك بصوة عالي علي حركتها : انتي عاوزه ايه دلوقتي يعني ابوسك وافضحك في الكلية
لين تبرق عينها وتبعد عنه : على فكره انت قليل ادب
وتطلع تجري من قدامه وهي مكسوفه
يضحك سليم على كسوفها ويخرج و يروح شغله وهو بيفكر ازاي هو اللي يتكلم مع اهلها.... وأنه ومش هيستنها لما هي تتكلم.... وكانت لين في نفس الوقت بتفكر ازاي تكلم مع بابها ومامتها وتقنعهم بجوزها في السن دا
يوصل سليم الشغل وهو مضايق ويلقي اصحابه في المكتب اللي من ضمنهم احمد جوز سيلا وابن خالت لين
اسلام صديق احمد وسليم : سليم باشا وصل ايه يا عم انا قولت انك قدمت استقالتك
سليم بضيق: بقولك ايه يا اسلام انزل من علي وداني وسيبني في حالي وحياة ابوك
احمد باستغراب : ايه يا عم مالك دخل حامي علينا كده
سليم يبص لأحمد ويفكر ويقرر ان يخلي احمد هو اللي يتكلم مع فؤاد
سليم : احمد قوم عاوزك في موضوع مهم
محمد صديقهم : استني يا سليم احنا الأربعة اصلا لازم نتكلم سوأ..... عاوزين نقعد ونتكلم في المشروع والشركة اللي هنفتحه سوأ ولا انتم رجعتوا في كلامكم
اسلام واحمد : لا مرجعناش
احمد :.انا جهز في اي وقت
اسلام : وانا جهز من امبارح
سليم ساكت وسرحان ومابيردش عليهم
محمد : ايه يا سليم انت مش معانا في الشركة الجديدة غيرت رائيك
سليم ينتبه لكلام : هاااا لا طبعا معكمث يا محمد شوف عاوز ادفع كام وانا جاهز
محمد : الموضوع مش فلوس يا سليم احنا عاوزين نرتب الامور ونبدأ.... ونشوف المكان ونجهزوا علشان كده لازم نتقابل بره ونتفق
احمد بابتسامه :ايه رائيكم النهارده... انا عزمكم علي العشا عندي ايه رائيكم
اسلام بضحك : ايوه بقي يا ابو حميد يا سيطرة بس اوعي المدام تكون مبتعرفش تطبخ وتأكلنا جبنه
احمد بضحك بيضربه علي كتفه : عيب عليك مراتي وخده كورسات طبخ من جددتها وحماتي... ودول بقي ولا احسن شيفات... ومراتي تلميذه شاطره وتعلمت كويس
اسلام : حلو اوي انا عاوزه حد زي مراتك اتجوزه هي ملهاش اخت تجوزها ليا
سليم بغضب : اسلام احترم نفسك( ويقرب منه هيضربه بس يوقف لما محمد يمسكه من ايده ويبعده عن اسلام)
محمد باستغراب : في ايه يا سليم اهدي انت متعصب ليه كده
يذقه سليم ويخرج بره المكتب وهو مضايق وحاسي ان الكل عاوز يأخذ منه لين
اسلام : ماله دا هو حد جي جمبه ولا كلمه
احمد:. معلش يا اسلام واضح ان في حاجه معصبه انا هروح اشوفه
ويخرج احمد وره سليم
احمد وهو بيجري وره : سليم استني اقف هنا يابني بلاش شغل العيال دا
سليم يقف وهو ركبوا عفاريت الدنيا ومخنوق ومضايق
احمد : ايه يابني مالك زعلت ليه... وبعدين اسلام كان بيهزر معايا انا... اتخنقت انت ليه
سليم بغضب : احمد انا بحب لين وعاوز اتجوزها وعاوزك تكلم عمي فؤاد حالا وتقنعوا انه يوافق
احمد ينصدم من اعترافه دا ويبص ليه بصدمه
بقلم_ولاءيحيي
💖💖💖💖💖💖💖💖💖💖💖💖💖
التعليقات على الموضوع