رواية حب الي النهاية الحلقة الخامسه
🌟 الحلقة ٥ 🌟
🌟🌟🌟🌟🌟🌟🌟🌟🌟🌟🌟🌟🌟🌟🌟🌟
.
محمد بياخد الموبيل تانى وبيقرا الرسالة وفى عنوان فى الرسالة ان جويرية تروح على هنا
محمد / لو اخويا حصلو حاجة
وائل / اهدى احنا كمان قلقنين علية
محمد / انا مش هستني انا هروح بنفسى ارجع اخويا
وائل / انا جاى معاك
جويرية / منة خليكى هنا مع ماما هى مدام اخدت الادوية مش هتصحى دلوقتى خالص
جويرية بتجرى ورى محمد و وائل
وائل / جويرية من الاحسن انك تخليكى هنا
جويرية / لا انا الى دخلت مؤيد فى المشكلة دى
وبتركب معاهم العربية بتاعت محمد و محمد بيسوق بسرعة جدا وبعصبية اوى و وائل بيوصفلو الطريق وبيوصلو قدم فيلا صغيرة على البحر
وائل / جويرية خليكى فى العربية
محمد و وائل بيلفو حولين الفيلا وبيحولو يشوفوها كويس
و محمد بيشوف اتنين من الامن وقفين قدم الفيلا وبيمسكو حاجة للحماية وبيحولو يدخلو الفيلا من وره و وائل بيشوف خليل بيتكلم مع الامن
خليل / هى لسة مجتش
الامن / اكيد زمنها جاية
خليل / خلو بلكو احسن تجيب حد معها
خليل بيدخل الفيلا و وائل و محمد بيهجمو على الاتنين الامن وبيضربوهم بقوة على دمغهم وبيغما عليهم وبيدخلو الفيلا وبيدورو فيها كويس و جويرية بتدخل ورهم
وائل / جويرية انتى مجنونة
جويرية / انا عرفت مكان مؤيد هو مش هنا
محمد / فيين مؤيد اتكلمى
جويرية / فى اليخت
وبيروحو هما التلاتة على اليخت بسرعة واليخت كلو رجالة امن
وائل / مستحيل نقدر علي دة كلو
محمد / انا مش هرجع من هنا من غير اخويا
ولسة محمد هيهجم عليهم و جويرية بتمسك ايدو بسرعة
جويرية / انت بتعمل اية قبل ما تخطى على اليخت هيكون قتلوك
محمد / ابعدى ايدك عنى
محمد بيهجم على اليخت و وائل بيروح وره بسرعة
محمد و وائل بيضربو فيهم وفجاة خليل بيمسك جويرية وبيحط مسدس فى دمغها و جويرية بتصرخ
وائل / جويرية
خليل / ابعد انت وهو انا مش عاوز ازى اى حد فيكم
محمد / فين مؤيد
خليل بيشاور للرجالة بتوعو وبيجيبو مؤيد
مؤيد / محمد
وبيجرى على محمد بسرعة بخووف
وائل / سيب جويرية
خليل / انتو ختو الى انتو عوزينو وانا اخد الى انا عوزو
مؤيد بيحاول يهجم على خليل بس الامن بيوقفوة
وائل / انا مش همشى من غير جويرية
خليل / يبقي هتموت
محمد بيخاف على مؤيد وبيخبى مؤيد وره ضهرو
محمد / خلينا نتفاهم نزل السلاح
خليل / يلا روحو من هنا
وبيخلو وائل و محمد ومؤيد ينزلو من على اليخت وخليل بيركب جويرية على اليخت و جويرية بتحاول تهرب وبتصرخ وفجاة الشرطة بتظهر حوليهم وبتقبض على الكل
منة بتجرى على وائل وبتعيط بخوف وخليل لما بيشوف الشرطة بيرمى السلاح فى البحر وبيسيب جويرية و منة بتجرى على جويرية بسرعة و جويرية بتعيط بخووف
وبيقبضو على خليل والرجالة كلهم
مؤيد بيروح على جويرية
مؤيد / انا اسف انتى بخير
لسة جويرية هتتكلم و محمد بيمسك مؤيد من ايدو وبيشدو وبيخدو على العربية وبيمشو ومؤيد بيبص جويرية اوى من ازاز العربية و جويرية بتبصلو
وائل / جويرية يلا خلونا نمشى
منة / انتي متاكدة انتى كويسة
جويرية بتهز برسها بنعم وبيخدوها على العربية وبيروحو على البيت
منة / بس اخو مؤيد دة باين علية عصبى اوى شفتو كان بيشد مؤيد ازااى حتى متكلمش ولا كلمة
جويرية / عندو حق انا سببتلهم مشاكل كتير وعرضت اخوه للخطر ودة بسببى انا شؤم على اى حد يقرب منى
جويرية بتعيط اوى وبتروح على اوضتها
وائل / منة خليكى مع جويرية النهاردة
منة / متقلقش مش هسبها
.
**********************************
محمد بيروح مع مؤيد على أوضة الفندق
مصطفي / مؤيد انت كويس
مؤيد بيهز براسو بنعم و محمد رايح جاى فى الاوضة ومتعصب اوى
محمد / ازااى ازااى وحدة تعرض اخوها للخطر
مصطفي / فهمنى اية الى حصل
محمد / اخت الاستاذ كان فى شوية بلطجية بيحولو يخطفوها والاستاذ الشهم دافع عنها وخطفوة ولو مكنتش وصلنا فى الوقت المناسب مش عارف كان هيحصل اية
مؤيد / انت قولت اختى
محمد بيبص لمؤيد اوى
مؤيد / يعنى جويرية بتكون اختى بجد انت انت متاكد
محمد / يعنى دة كلو ومتعرفش انها اختك ازاااى وانت وصلتلها ازاى
مؤيد / صدقنى كانت صدفة مش اكتر يعنى جويرية اختى فعلا عيونها زي عيون بابا بالظبط انا ازااى ماختش بالى لازم اروح لجويرية بسرعة
محمد بيمسك مؤيد بسرعة
محمد / مؤيد مفيش خروج من الاوضة دى وكمان فى اتنين
من الامن من دلوقتى هيكونو وقفين قدم الباب انت فاهم
مؤيد / بس انا لازم اقولها ان انا اخوها
محمد / هى لو عوزاك كانت دورت عليك من زمان
مؤيد / هى متعرفش بوجودى زيك محمد ارجووك خلينى اشفها لاخر مرة مصطفي قولو حاجة
مصطفي / محمد هما يومين وهنسافر
محمد / مستحيل اعرضك للخطر تانى ابدا انا وثقت فيك مرة بس انت خدعتنى وهربت انا هحسبك على دة بعدين لما نرجع هم يومين يومين استلم الجايزة دى وهنرجع كلنا وملناش مكان هنا
محمد بيتعصب اوى و مصطفي بيروح يتكلم مع مؤيد وبيهدية شوية
.
**********************************
.
فى حفلة كبيرة محمد ومعاة مصطفي بيستلمو الجايزة
ومحمد بيقول خطاب صغير والكل مبسوط اوى وبيروح للوزير
محمد / انا مش عارف اشكر حضرتك ازااى
الوزير / لو عاوز تشكرنى يبقي بكرة تيجى عندى عامل حفلة لبنتى بمناسبة تخرجها وكمان هى هتستلم الشركة بتعتى وانا افضى نفسى للشعب اكتر
محمد / بس انا مسافر بكرة الصبح
الوزير / مفيهاش حاجة لو اجلت السفر يوم كمان
مصطفي / فعلا خلينا نحضر الحفلة دة معالى الوزير بنفسو هو الى عزمنا
محمد بيبص لمصطفي اوى ومدايق
محمد / انا شاء الله اكيد جيين الحفلة
الامن بتاع الوزير بيروح علية
الوزير / لازم امشى حفلة سعيدة
محمد / انت لازم يعنى تتكلم مبتقدرش تسكت شوية انت عارف انى مليش فى جو الحفلات دى
مصطفي / الوزير بنفسو بيعزمك انت عاوز اية تانى
محمد / انا اتخنقت من الحفلة انا هنسحب بهدوء وانت اسهر برحتك
محمد بيروح على الاوضة بتعتو وفى اتنين حرس وقفين على الباب وبيدخل ومؤيد نايم وماسك فى ايدو صورة جويرية وهى صغيرة
محمد بيروح يغطى مؤيد وهو نايم وبيقف بيتفرج على البحر من شباك الاوضة وباين المنارة من الشباك ومنظر جميل اوى
و محمد بيفتكر جويرية والخوف الى كان فى عنيها لما خليل مسكها وبيبص لمؤيد اوى وبيرجع يفكر
.
**********************************
.
طاهر واقف قدم العمارة بتاعت جويرية وبيرن على جويرية ومبتردش وبيتطر انو يطلع وبيخبط و منة بتفتحلو
منة / طاهر
طاهر / منة انتو رجعتو امتى
منة / مهو لو بتسال كنت عرفت
طاهر / بقالى اسبوع فى القاهرة وبحاول اكلم جويرية ومبتردش
منة / جويرية نايمة فى اوضتها
طاهر / خلاص خليها مرتاحة بس بلغيها انى عاوز اكلمها قلقان عليها
منة / ماشى
طاهر بيمشى ومدايق كان عاوز يشوف جويرية
جويرية / منة ميين على الباب
منة / مفيش دة البواب كان بيسال لو محتاجين حاجة
جويرية / موبيلى فين بدور علية
منة / مش عرفة يمكن فى اوضتك
جويرية بتروح على اوضتها بتدور على الموبيل و منة معاها موبيل جويرية وبتمسح كل مكالمات طاهر بسرعة
منة / ياربى انا كدة بعمل صح ولا غلط بس الى اعرفو ان طاهر مش لجويرية ابدا
جويرية / منة فين الموبيل
منة / اة اهو الموبيل كان هنا على الكرسى
جويرية / قلقانة على طاهر اوى متصلش بيا ولا مرة بقالو اسبوع فى القاهرة انا هتصل بية
منة / اااة جويرية بطنى اااة بطنى
جويرية / منة فى اية مالك
منة / مش عرفة بطنى بتوجعنى اوى خدينى على شقتى خلينى ارتاح شوية اااة دماغى
جويرية / دماغك ولا بطنك
منة / الاتنين ااااة الاتنين دماغى وبطنى اااة
جويرية بتخد منة على اوضتها وبتنيمها
جويرية / هعملك حاجة سخنة بسرعة
جويرية بتروح على المطبخ
منة / ياربى سامحنى انت عارف ان نيتى صفية والله
جويرية / خدى يا روحى اشربى دى
جويرية / خلينى اشوف ضغطك
منة / اااة ضغطى شوفية كدة
جويرية بتجيب جهاز الضغط وبتشوف الضغط لمنة
جويرية /الضغط مظبوط مفهوش حاجة
منة / انا حاسة انى بخير دلوقتى خلاص انا كويسة
جويرية/ لو مكنش عندى حفلة مهمة النهاردة كنت فضلت معاكى
منة / اة اخرجى روحى انتى يا روحى انتى بقالك يومين فى الاوضة مبتخرجيش ابدا
جويرية / انا هكلم وائل يجى بدرى من المستشفى فين الموبيل بتاعى
منة/ لا انا هكلمو انا روحى انتى اجهزى مفيش وقت اة والبسى الفستان الى جبتهولك من دبى هيكون جميل اوى عليكى
جويرية بتبوس منة من خدها وبتروح على شقتها وبتغير هدومها وبتلبس فستان الى جبتهلها منة من دبى وطالع عليها جمييل اوى وبتفرد شعرها وبتحط ميكاب خفيف
منة /وااااو تحفة جميل اوى يا جويرية
جويرية / ربنا يخليكى ليا يا روحى بس انتى لبسة وجهزة
منة / مش احنا كمان معزومين كلمت وائل وهو مستنين تحت في العربية خلونا نغير جو شوية بقلنا كتير مخرجناش مع بعض زى زمان وكمان وحشنى صوتك
وبيحضنو بعض اوى
منة / يلا امشى بلاش نتاخر وائل مستني تحت
جويرية/ بس مش كنتى تعبانة
منة / لا انا كويسة يلا يلا خلينا نمشى
جويرية و منة بينزل و وائل واقف قدم العربية
وائل / دة انا كدة هدخل بالحفلة ببنتين احلا من بعض
وائل بيبص لمنة
وائل / منة مش قولتلك متلبسيش الفستان دة قصير اوى
منة/ لا مش قصير خلاص بقي يا روحى
وائل/ مفيش فايدة فيكى مفيش مرة وحدة تسمعى كلامى ابدا
جويرية / هو انتو هتتخنقو هنا كمان
منة بتروح على وائل وبتبوسو من خدو
وائل/ انتى كل مرة بتضحكى عليا بالحركات دى وانتى عرفة انى بضعف
جويرية بتضحك اوى عليهم
.
**********************************
.
محمد بيلبس و مصطفي بيدخل الاوضة
مصطفي / جاهز
محمد / اة خلصت خلاص ياا بينا
مؤيد / طب خدنى معاك
محمد / لااا كفاية الى حصل منك بكرة الصبح هنسافر وحسبنا هناك
مؤيد / انت هتكون معايا يعنى مش هعمل حاجة غلط
بس انا مليت من الاوضة دى خدنى معاك بس هقاعد فى اى حتة بعيد
مصطفي / محمد خدو معاك حرام دة كمان اخر يوم لينا هنا
كانو بيودع مصر يعنى
محمد بيبص لمؤيد اوى ومؤيد حزين وباصص فى الارض
محمد / خمس دقايق وتكون جاهز يلا
مؤيد بيجرى على محمد وبيحضنو اوى
محمد / حاسب بوظتلى البدلة يا مجنون
.
**********************************
.
وائل والبنات بيوصلو على الحفلة
جويرية / هروح انا اشفكو فى الحفلة بقي بااى
جويرية بتدخل على ريم
ريم / جويرية كنت خايفة احسن تكونى غيرتى رايك ومش هتيجى الحفلة
جويرية/ انا وعدتك وكان لازم اجى
ريم / تعالى يلا من هنا
جويرية و ريم بتروح على الفيلا بتاعت ريم وبتدخل
ريم / تعالى اعرفك على بابا
جويرية / ريم دة مش الوزير
ريم / اة انتى خفتى لية كدة هو هنا بصفتو بابى مش الوزير
ريم بتعرف جويرية على والدها
ريم / جويرية هتغنى النهاردة يا بابا وهيعجبك صوتها جدا
الوزير / انا بثق فى زوق بنتى جدا اهلا وسهلا بيكى يا بنتى
جويرية / اهلا بحضرتك
ريم / جويرية تعالى معايا علشان لو هتظبطى ميكاب تعالى
جويرية بتروح مع ريم
.
**********************************
.
وبتبدء الحفلة
منة وائل وبيرقصو مع بعض و ريم بتروح عليهم وبتسلم عليهم
ريم / يارب تكون الحفلة عجبتكو
منة / جميلة جدا ياروحى
وبيقفو بيتكلمو مع بعض وبيهزرو اوى وبعد شوية بيدخل محمد و مصطفي ومؤيد الحفلة
مصطفي / الله عليكى يا مصر
محمد / مصطفي
مصطفي / فى اية احنا فى حفلة خلينى اروح اشوف البوفية
محمد بيضحك هو ومؤيد وفى واحد بيروح على محمد وبيستقبلو وبيدخلو هو ومؤيد عند الوزير
الوزير /يارب الحفلة تعجبك
محمد / هو انا مليش فى الحفلات بس مقدرش ارفض طلب من حضرتك
.
**********************************
.
مصطفي بيروح على البوفية و بيشوف المحشى ولسة هياخد منو وبتيجى بنت بتضربو على ايدو
مصطفي/ اااة فى اية
أسماء / لسة البوفية مفتحش
مصطفي / بس انا جعان
أسماء/ يلا رووح من هنا
مصطفي / فى بنت حلوة زيك تقول يلا روح من هنا
أسماء / لاياشيخ
مصطفي / امااال
أسماء. / ممكن متضيعليش وقتى لسة البوفية مفتحش
مصطفي / طب اى حااجة
أسماء / يلا روح من هنا امشى
مصطفي / انتى بتعملينى كدة لية انتى لو مكنتيش حلوة بس
أسماء بتحدف مصطفي بزتونة و مصطفي بيمسكها وبيكلها وبيضحك
أسماء / ضربة في قلبك
.
**********************************
.
الوزير واقف مع محمد ومؤيد
مؤيد / انا هروح هناك
محمد / تعالة استنى رايح فيين
الوزير / ماتقلقش المكان متامن كويس
محمد عيونو على مؤيد و ريم بتروح على والدها
ريم / باابى
الوزير / اعرفك دى ريم بنتى
محمد بيسلم ليها
محمد / الف مبرووك على التخرج
الوزير / دة البش مهندس محمد
ريم / طبعا غنى عن التعريف كل القنوات بتنقل اخبارك
والموسيقى بتبدا
ريم / بابا دى جويرية
جويرية بتطلع على المسرح وبتشاور للموسيقى تبدا
ومحمد بيبصلها اوى و جويرية بتبدا تغنى ومؤيد بيشفها وبيقرب منها اوى ومبسوط اوى انو شاف جويرية
الوزير / فعلا يا ريم صوتها جميل وحساس اوى
ريم / مش قولتلك يا بابا
محمد بيدور حولية على مؤيد وبيشوفو واقف قدم المسرح
وبيبص لجويرية اوى و محمد بيروح على مؤيد وبيقف جمبو
مؤيد / صوتها حلو صح
محمد بيبتسم لمؤيد اوى
محمد / فين مصطفي خلونا نمشى عندنا طيارة بدرى
جويرية بتغنى اغنية تانية ومؤيد عيونو عليها و جويرية بتشوف مؤيد قدمها وبتبتسم اوى لمؤيد
.
**********************************
.
مصطفي قاعد جمب البوفية هو و أسماء بيضحكو هم الاتنين
مصطفي / يعنى انتى طباخة
أسماء / انا الشيف أسماء
مصطفي / اكيد شيف مميزة
أسماء / مقولتليش انت بتشتغل اية
مصطفي / انا انا مش عارف
أسماء / يعنى انت بتدور على شغل لو عاوز تشتغل انا ممكن اشغلك شغل
مصطفي / اة فعلا
أسماء / بس انت هنا بتعمل اية وشكلك يعنى مش باين عليك انك
مصطفي / انا جااى هنا علشان اكل وبس
أسماء/ انت جعان بجد
مصطفي / جدا
أسماء بتروح تجبلو الاكل وتفاحة
أسماء / خد التفاحة دى كمان كلها بعد الاكل انا لازم امشى خمس دقايق والبوفية هيتفتح.
أسماء بتمشى و مصطفي بيبص عليها وبيضحك اوى
.
**********************************
.
جويرية بتخلص والكل بيسقف و ريم بتروح تاخد جويرية من على المسرح وبتحضنها اوى. ومبسوطة وبتخدها وبتعرفها على اصحابها ومؤيد بيروح على جويرية
جويرية / مؤيد انت كويس
وفجاة مؤيد بيحضن جويرية اوى و جويرية مستغربة اوى و وائل و منة بيروحو عليهم
جويرية / مؤيد بتعمل اية ابعد عنى
محمد بيروح على مؤيد
محمد / مؤيد يلا لازم نمشى حالا
مؤيد / جويرية انا اخوكى انا اخوكى كنت بدور عليكى
ومؤيد مبسوط اوى و جويرية مش فاهمة حاجة و محمد بياخد مؤيد من الحفلة ومدايق اوى
محمد / مؤيد يلا هنمشى حالا
محمد بياخد مؤيد على العربية و مؤيد بيبص لمحمد بحزن ومدايق اوى
وائل / جويرية فى اية انا مش فاهم حاجة
ريم / انتو تعرفو البش مهندس محمد يعنى
جويرية / يعنى حصل موقف كدة بس باين علية انسان غريب ومغرور شفتوة كان بياخد اخوه ازااى حتى مفهمتش مؤيد عاوز يقولى اية
ريم / محمد هو ضيف الشرف فى الحفلة النهاردة ومن الضيوف المهمين عن بابا هو اخد اصغر وانجح رجل اعمال فى الشرق الاوسط
منة / وانا كنت بقول انا شفتو فين قبل كدة
وائل / جويرية خلاص متشغليش بالك
ريم / جويرية عوزاكى تتبسطى بالحفلة واحنا لازم نسمع صوتك تانى
جويرية / اكيد يا روحى
ريم / اية دة طاهر وصل
منة / يووة هو هنا كمان
جويرية بتبص لطاهر وبتبتسم اوى وبتروح علية بسرعة
جويرية/ طاهر رجعت امتى
طاهر / يعنى يهمك اوى انك تتطمنى عليا
جويرية / لية بتقول كدة
طاهر / انا كلمتك كام مرة وانتى مبترديش وحتى ولما قلقت عليكى روحتلك على البيت وسبتلك خبر
جويرية / بس انا
ريم / طاهر ممنوع الكلام الكل مستني يسمع صوتك
طاهر بيروح مع ريم و جويرية مديقة اوى و طاهر بيطلع يغنى والبنات تقريبا كلهم عرفينو وبيغنو معاة ومبسوطين
منة / جويرية يلا انا تعبت خلينا نروح
جويرية / انتو فى اية لية كلكو تصرفتكو غريبة للدرجة دى
وائل / جويرية اهدى شوية
جويرية / لو سمحتو سبونى لوحدى شوية
جويرية بتمشى وبتسيب الحفلة وبتخرج
ريم/ منة جويرية فيها اية انا شفتها متعصبة وخرجت
منة / ريم معلش جويرية بس عندها شوية ضغط اليومين دول
ريم / طب حد يفضل معاها
وائل / لا جويرية بتفضل انها تكون لوحدها احسن
.
**********************************
.
فى الصباح
محمد بيخبط على شقة جويرية بعصبية و جويرية بتفتح بسرعة و بتشوف محمد
جويرية / انت تانى
محمد / فين مؤيد
جويرية/ يووة مؤيد مؤيد مؤيد
مؤيد بيرد من وري محمد
مؤيد / انا هنا
محمد /انت عاوز تجننى انت ازااى تهرب من الفندق اتفضل قدمي
مؤيد / مش همشى من هنا غير لما جويرية تعرف كل حاجة
جويرية/ اعرف اية
محمد / ماشى ممكن ندخل يا انسة
جويرية بتدخلهم الشقة
مؤيد / جويرية انا بكون مؤيد ابو العز اخوكى
جويرية / مش فاهمة
مؤيد / انتى مكنتيش تعرفى انى موجود بس انا كنت عارف انك موجودة
جويرية / اسفة بس انت غلطان انا معنديش اخوات
محمد / مؤيد بيتكلم صح هو بيكون اخوكى من الاب
جويرية / هههههة انتو غلطنين صدقونى انا اصلا والدى متوفى من ٢٠ سنة ازى يكون عندى اخ عندو ١٥ سنة
نوال وقفة وبتسمع كل حاجة ووقفة مصدومة
محمد/ انت خلاص بلغتها خلينا نمشى لازم نلحق الطيارة
جويرية بتبص لوالدتها اوى وبتروح عليها
جويرية / ماما حببتى دة سوء تفاهم هم غلطنين قوللهم ان بابا اتوفى من زمان
نوال بتبص لمحمد اوى
نوال / انت ابن مني
محمد بيرفع نظرو لنوال
نوال / كنت متاكدة ان هيجى يوم وكل حاجة هتظهر
جويرية / ماما قوليلى ان هما بيكدبو عليا
نوال / لا يا جويرية فعلا دة اخوكى انا كمان كنت عرفة بوجودو
جويرية / يعنى بابا مش مات وانا صغيرة
نوال / لااا انا الى كدبت عليكى وقولتلك انو مات خفت عليكى انك تعرفى انو طلقنى وراح اتجوز
جويرية مصدومة ومش عرفة تتكلم وبتبص لمحمد ومؤيد اوى
وردة ✍️
التعليقات على الموضوع