رواية حب الي النهاية الحلقة السادسة
🌟 الحلقة ٦ 🌟
.
🌟🌟🌟🌟🌟🌟🌟🌟🌟🌟🌟🌟🌟🌟🌟🌟
.
نوال / كنت متاكدة ان هيجى يوم وكل حاجة هتظهر
جويرية / ماما قوليلى ان هما بيكدبو عليا
نوال / لا يا جويرية فعلا دة اخوكى انا كمان كنت عرفة بوجودو
جويرية / يعنى بابا مش مات وانا صغيرة
نوال / لااا انا الى كدبت عليكى وقولتلك انو مات خفت عليكى انك تعرفى انو طلقنى وراح اتجوز
جويرية مصدومة ومش عرفة تتكلم وبتبص لمحمد ومؤيد اوى
نوال / انا ومني كنا أصحاب من الطفولة وكنا اكتر من اخوات وكانت مني بتحب علي اوى بس اهلها كانو رفضينو
وغصبو عليها انها تتجوز واحد من الامارات وسفرت معاة على الخليج وانقطعت اخبرها خالص و علي كانت اعصابو
تعبانة من بعد ما سفرت وحاولت اهون علية بعد مني واتقربنا انا وهو جدا وارتبطنا وبعد سنتين جواز جة وقالى انو مش قادر ينسا مني ولسة بيحبها قالتلو بس احنا عندنا بنت
قالى انو مش بايدو حااجة عرفت بعدها ان جوز مني اتوفى و علي سافر واتجوزها وبعتلى ورقة الطلاق على المحكمة ورفض انو يبص وره ولا مرة وساعتها اتطريت انى اقولك انو
مات علشان فعلا هو مات بالنسبة لينا وكان لازم نعيش حياتنا ومينفعش حياتنا تقف من بعدو وبعد كام سنة عرفت من اعمامك انو سافر فرنسا هو وهى وكانت مني حامل كمان وبنا لنفسو عيلة
محمد / بس نسيو انهم هدمو عيلتين ورهم
مؤيد / بس بابا وماما كانو بيحكولى عنكو كتيير
جويرية / انتو بتكدبو عليا صح
نوال بتقاعد ومش قادرة تقف وبتعيط
نوال / كان لازم اخبى عليكى الحقيقة
جويرية / انا معرفش حد فيكو ودة مش حقيقة ابويا مات من زمان ومعنديش اخوات تانى ماشى انتو مش حقيقة انو مش حقيقة
وفجاة جويرية بيغما عليها و محمد بيجرى عليها هو ومؤيد ونوال تعبانة وبتعيط
نوال / جويرية جويرية
منة و وائل بيسمعو صرخة نوال وبيخبطو بسرعة ومؤيد بيفتح الباب
نوال / وائل جويرية شوف جويرية
وائل بيجرى على جويرية بسرعة وبيشفها
وائل / منة مياة بسرعة
منة بتجيب مياة و وائل بيفوق جويرية و جويرية بتفتح عنيهاوبتشوف مؤيد و محمد
جويرية / انتو انتو
وائل / جويرية اهدى انتى كويسة
منة / جويرية فى اية يا روحى مالك
جويرية / ابعدو عنى سبونى بقي مش عوزة حد يقرب منى
جويرية بتاخد البلطو بتعها وشنطتها وبتخرج و نوال بتتعب و وائل و منة بيجرو عليها و مؤيد بيجرى ورى جويرية
و محمد بيروح ورهم بسرعة
.
**********************************
.
جويرية بتعيط وبتروح على البحر و مؤيد بيروح عليها
مؤيد / جويرية انا اسف انا انا
جويرية / انت مش اخويا انت فاهم وابويا مات وانا صغيرة ابعد عنى
مؤيد / كانت امنيتى انى اشوفك وتعرفى ان ليكى اخ
جويرية / قولتلك انا معنديش اخوات ابعد عنى بقي
محمد بيتعصب اوى وبيروح عليهم
محمد / بس كفاية انا سيبك من بدرى علشان عارف ان الى
سمعتية دة صعب عليكى بس فكرى فية ولو دقيقة انتى تعرفى هو عمل اية علشان يدور عليكى ويشوفك ومكنش معاة غير صورة ليكى وبس معرفتيش هو نام كام ليلة فى الشارع علشان يدور عليكى كل الى هو محتاجو مجرد ابتسامة وحضن من اختو
مؤيد / جويرية انا ممكن مش هعرف اشوفك تانى بس حبيت تعرفى انى موجوود انا عارف ان بابا وماما غلطو فى حقك انتى و محمد بس صدقونى هم كانو طول الوقت بيفكرو فيكو
جويرية / تفتكر مجرد التفكير دة هيساعدنى انى انسا ان ابويا رمانى انا وامى
وموبيل جويرية بيرن
جويرية / منة
منة / جويرية طنط تعبت واحنا فى طرقنا للمستشفى
جويرية بتصرخ / ماااماا
مؤيد/ فى اية
جويرية بتعيط
جويرية / ماما تعبانة اوى
جويرية بتحاول توقف تاكسى و محمد بيجيب العربية بتعتو بسرعة وبيقف قدم جويرية بالعربية
محمد / اركبى اوصلك
جويرية بتركب مع محمد ومؤيد وبيروحو على المستشفى
.
**********************************
.
بيوصلو وبيشوفو وائل واقف بيتكلم مع الممرضة
جويرية / وائل مامااماااماا
وائل / اهدى هى كويسة متقلقيش بس حطنها فى العناية
جويرية/ لااا انا لازم اشوف امى
وائل / تعالى معايا
وائل بياخد جويرية على العناية المركزة و جويرية اول ما بتشوف والدتها وحوليها الاجهزة بتعيط اوى و منة بتروح عليها وبتحضنها
جويرية / انا السبب
وائل / جويرية اهدى هى هتكون بخير بس متقلقيش
جويرية بتروح على والدتها وبتبص عليها من ازاز الاوضة وبتعيط و مؤيد بيبص لمحمد و محمد بيبصلو وبيشورلو بعيونو على جويرية ومؤيد بيروح على جويرية ومتردد انو يقرب منها علشان متتديقش منو
مؤيد / جويرية
جويرية بتبص لمؤيد اوى وبتمسح دموعها
جويرية / دة كلو بسببك انت انت الى دخلت حياتنا ابعد عنى مش عوزة اشوفك انا بكرهك
منة / جويرية اهدى
جويرية بتعيط اوى ومؤيد دموعو بتنزل و مصطفي بيرن على محمد
محمد/ مصطفي ميعاد الطيارة
مؤيد بيبص امحمد بحزن
محمد / مصطفي مش هنقدر نسافر دلوقتى انت سافر علشان الشغل ولو فى اى حاجة كلمنى
.
**********************************
.
مؤيد واقف بعيد عن جويرية طول الليل و محمد فى الكفترية بيشرب قهوة و وائل بيروح علية
وائل / ممكن اقاعد
محمد / اة طبعا اتفضل
وائل / مقدرناش نتعرف على بعض كل حاجة جت فجاة
محمد / فعلا
وائل / انا وائل دكتور وكنت انا و جويرية زمايل فى الجامعة
محمد / انا محمد اكون اخو مؤيد من الام
وائل / انت غنى عن التعريف كل القنوات المدة الى فاتت دى كانت مبتجبش غير اخباارك وبس
فى جهاز فى ايد وائل بينور
وائل / خلينا نروح طنط نوال فاقت
محمد و وائل بيروحو على أوضة نوال و جويرية بتشوف وائل جاى بتخاف
جويرية / فى اية وائل ماما
وائل / جويرية اهدى المفروض انك دكتورة الجهاز رن يعنى طنط نوال فاقت بس
وائل بيدخل لوحدو والكل واقف برة و وائل بعد شوية بيخرج
جويرية / وائل ماما
وائل / هنطلعها على اوضة الاول وبعدها ممكن تشفوها بس طبعا ممنوع الزعل ابدا مهما كان فاهمة يا جويرية
جويرية / لااا خلاص مفيش زعل ابدا اانا ااانا هنفذ كل حاجة هى عاوزاها بس مخصرهاش ابدا
منة / متقوليش كدة يا روحى ان شاء الله طنط هتكون بخيير
وبيطلعو نوال على أوضة و جويرية و وائل و منة عندها
محمد / اظن ان كدة كفاية خلينا نروح اتطمنا عليها
.
**********************************
.
نوال / فيين مؤيد
جويرية / حببتى خلاص هو خرج من حياتنا وهننسا كل حاجة حصلت
نوال / منة لو مؤيد و محمد برة خليهم يدخلو
جويرية / ماما بس هما
وائل / جويرية
منة بتخرج وبتقول لمحمد و مؤيد يدخلو
محمد / حمدالله على سلمتك
نوال / الله يسلمك يا ابنى
نوال بتبص لمؤيد
مؤيد / حمدالله على سلمتك
نوال / قرب منى
ومؤيد لسة هيقرب جويرية بتبصلو وبيقف مكانو تانى
نوال /قولتلك قرب منى تعاالة
ومؤيد بيبص لجويرية وبيقرب من نوال و نوال بتمسك ايدو
نوال / انت من النهاردة ابنى يعنى انت زى جويرية بالظبط
جويرية / ماما
وائل / جويرية قولنا اية
جويرية / اة اوكى ماما حببتى لازم ترتاحى
نوال / لا انا مش هرتاح غير فى بيتى يلا خرجونى من هنا
وائل /طنط نوال انتى لسة تعبانة
نوال / انا نص عمرى ضاع فى المستشفيات كفاية انا هخرج من هنا
جويرية / حاضر يا ماما بس انتى متتعصبيش بس
جويرية بتبص وره بتشوف محمد واقف
جويرية / انت كمان هنا لية
محمد / ياربى انتى
نوال / محمد يا ابنى تعالة عندى
جويرية بتبرق عنيها لما بتشوف نوال مسكة ايد مؤيد
و محمد وبتتكلم معاهم
منة / جويرية ارجوكى اهدى شوية
وائل / انا هروح اخلص اوراق الخروج
وائل و منة بيخرجو و جويرية بتروح على والدتها
جويرية / حببتى الى انتى تقولى علية هيحصل بس انتى متتعبيش نفسك
نوال بتحضن جويرية اوى
نوال /محمد يا ابنى كنت حبة اقولك انى مش شيلة فى قلبى
اى حقد او اى حاجة اتجاة امك
محمد / من السهل انك تسمحيها بس من الصعب انى اسامحها
جويرية بتبص لمحمد اوى وبتشوف نظرة الحزن فى عنية
نوال / مؤيد انت و محمد هتيجو معانا
جويرية / هيجو معانا فيين
نوال / على البيت مؤيد بيكون اخوكى و محمد كمان فى مقام اخوكى
محمد / لا شكرا احنا حجزين فى فندق
نوال / انا هنا الى اقول وانتو تنفذو
محمد / اسف انا مش هرتاح غير
جويرية بتخبط رجل محمد و محمد بيبصلها بغضب
جويرية / ماشى يا روحى الى انتى عوزاة.
محمد بيخرج برة الاوضة و جويرية وره
محمد / اية
جويرية / انت الى اية انت مش سمعت بودانك ان ممنوع الزعل واى حاجة هى تقولها تتنفذ
محمد / بس انا مقدرش اعيش معاكى انتى بالذات فى بيت واحد
جويرية / لاياشيخ على اساس ان انا هموت علشان تيجى تعيش معانا
وائل / فى اية يا جماعة انتو فى مستشفى
منة / انا ملاحظة ان كل مرة تتقبلو فيها لازم تتخنقو
جويرية بتبص لمحمد بغضب وبتدخل لوالدتها و بتشوف مؤيد ساندها
جويرية / ماما بتعملى اية كنتى نادى عليا
مؤيد / متخفيش انا معاها
جويرية /ودة الى مخوفنى انك معاها
نوال / جويرية
جويرية / اة خلاص يلا خلينا نروح
وبيخرجو كلهم من المستشفى و جويرية بتشوف طاهر واقف قدم المستشفى بالموتوسكل بتاعو و بتروح على طاهر
جويرية / اية فى كلام تانى لسة عاوز تقولو
طاهر / جويرية انا اسف انا ممكن اتعصبت عليكى شوية بس دة من خوفى عليكى
نوال / منة ميين دة
منة / دة مع جويرية فى الشغل يا طنط اركبى العربية يلا
منة بتروح على طاهر جويرية
منة / جويرية بتعملى اية طنط عوزاكى يلا
طاهر / انا هكلمك تانى
جويرية / اوكى سلام
طاهر بيمشى
جويرية / منة انتى لية مقولتليش ان طاهر جالى البيت اكتر من مرة
منة / يااة نسيت خالص اقولك
جويرية. / نسيتى برضو ماشى يا منة حسابى معاكى بعدين
وبيركبو كلهم وبيمشو وبيروحو على شقة جويرية
محمد / مؤيد خلينا نروح
نوال / هتروحو فيين
محمد / يا مدام نوال
نوال / اية مدام نوال
مؤيد / ماما نوال هنروح على الفندق نرتاح
نوال / شايفين كلمة ماما طلعة ازاى منو
جويرية بتبص لمؤيد اوى بغيظ
جويرية / ربنا معاكو مع السلامة
نوال / انا قولت مفيش حد هيمشى من هنا منة جويرية روحو غيرو ملايات أوضة الضيوف يلا بسرعة محمد ومؤيد زمنهم تعبنين منموش من امبارح
محمد / لو سمحتى احنا كدة مش هنكون مرتاحين
جويرية / اة شفتى يا ماما خليهم يروحو
نوال / مفيش كلام تانى يلا روحى انتى وهى
وائل / جويرية خلاص اهدى انتى يا طنط متتعصبيش بس
جويرية و منة بيروحو على أوضة الضيف وبيغيرو الفرش بسرعة
وائل / محمد مؤيد هروح اجبلكو بيجامات من عندى علشان تعرفو تنامو
.
**********************************
.
بعد ساعة مؤيد و محمد فى الاوضة و مؤيد مبسوط اوى
محمد / حضرتك مرتاح اوى
مؤيد / جدا انا عايش مع اخواتى تحت سقف واحد احساس حلو اوى
محمد / انا بصراحة بدات اشك ان جويرية دى اختك
مؤيد / بالعكس بتشبة بابا كتير
محمد / ممكن تنام بقي وتبطل كلام كتيير
.
**********************************
.
ومؤيد مش جيلو نوم خالص وبيخرج من الاوضة وبيروح على اوضة جويرية وبيبص عليها وهى نايمة وبيخرج وبيروح على المطبخ و محمد بيدور على مؤيد وبيروح وره
محمد / بتعمل اية
مؤيد / جعان جيت ادور على حااجة اكلها
وفجاة جويرية بتدخل المطبخ وفى اديها عجاز بتاع والدتها وبتصرخ و ومؤيد و محمد بيتخضو منهااا
جويرية / حراامى حرااامى
مؤيد / جويرية جويرية
جويرية / انتو
محمد / صبرنى يااربى
جويرية / انتو بتعملو اية هنا فى الوقت دة
محمد / مؤيد جعاان وجة يشوف حاجة ياكلها
جويرية / فى الوقت دة
مؤيد / اسف بس انا متعود اكل باليل كدة
محمد / وانتى اية صحاكى دلوقتى
جويرية / كنت جاية اكل حاجة سمعت صوت
محمد ومؤيد بيبصو لجويرية
جويرية / انا كمان متعودة اكل حاجة باليل وكمان انتو ملكو بتسالنى لية
محمد / انا رايح انام احسن
محمد بيمشى بيسيب مؤيد و جويرية
مؤيد بيبص لجويرية
جويرية / نعم بتبصلى كدة لية
مؤيد / ممكن تعمليلى حاجة اكلها معااكى
جويرية / ابعد ابعد من هنا
جويرية بتعمل سندوتش لمؤيد وليها
.
**********************************
.
فى الصباح
الكل على الفطار
نوال / الف هنا وشفاء يا ولادى
وائل / طنط نوال انا لازم امشى عندى عملية كمان ساعة سلام
منة / حبيبى متنساش الطلبات الى قولتلك عليها
وائل / ااة ااة مش هنسا طبعا سلام
نوال / جويرية يا بنتى انتى كمان اكيد فى مرضى مستنين فى المستشفى
محمد ومؤيد بيبصو لجويرية
نوال / مؤيد جويرية اختك بتكون دكتورة قد الدنيا
محمد بيشرق وهو بيشرب لما بيسمع من نوال ان جويرية دكتورة
نوال / براحة يا حبيبى
محمد / يعنى جويرية دى بتكون دكتورة
نوال بتستغرب
منة / طنط اية رايك تيجى معايا علشان ترتاحى وتخدى الادوية بتعتك
منة بتاخد نوال على اوضتها
جويرية / اوعة انت وهو ماما تعرف انى بغنى فى حفلات وكدة
محمد / بس انك تكدبى على والدتك بالطريقة دى
مؤيد / جويرية متقلقيش سرك فى بير
جويرية / انتو فكرنى اية انت وهو
محمد / يعنى هتكونى اية وحدة مغروورة وانانية رمت حلم والدتها فى الارض وكدبت عليها وبتروح تسهر طول الليل فى الحفلات
جويرية / اخرص قطع لسانك
مؤيد / جويرية محمد ميقصدش
جويرية / انا فعلا خريجة كلية طب صيدلة يعنى مكدبتش على امى بس انا متولدتش زى حضرتك لا انا كبرت ولقيت نفسى لوحدى انا وامى المريضة بالقلب ولما تعبت وكان لازم تعمل عملية كبيرة وكان منين اجيب الفلوس العملية اتطريت
انى اروح اشتغل بس الطب دلوقتى للغلابة الى زينا ميقدرش يوفى مصرفهم اتطريت انى اشتغل بالموهبة الى بعتهالى ربنا وهى صوتى بس دة كلو بشرف طبعا مش زى
ماحضرتك فااكر لو انا زى ما بتقول مكنش واحد زى خليل دة حاول معايا اكتر من مرة ولما عرف ان مفيش فايدة فيا حاول يخطفنى وانت عارف الباقى
جويرية بتقف من على السفرة وبتخرج من الشقة بسرعة
منة / فين جويرية
.
**********************************
.
محمد بيخرج وره بسرعة وبيروح على نفس المكان الى جويرية كانت فية اخر مرة على الشاطئ و بيقف جمبها بهدوء
محمد / اسف
جويرية / بص انت متعرفنيش ولا انا اعرفك انت واخوك دخلتو حياتى بالعفيا وانا حياتى مدمرة بما فيها ارجووك خد اخوك وروح من هنا
محمد / اخوك اخوك مؤيد بيكون اخوكى كمان
جويرية / وانا مش عوزاة لو سمحت ارجووك كفااية بقي انتو دخلتو حياتى من كام يوم شوفو كام مصيبة دخلت على دماغى
محمد / بتقصدى اننا سبب المشاكل دى كلها
جويرية / اة انتو سبب كل حاجة
محمد / انا غلطان انى حبيت اعتزر لما حسيت انى غلطان
جويرية / اة غلطان انا مش مستنية منك اى اعتزاار
محمد بيضغط على اسنانو ومتعصب اوى
ريم / جويرية
جويرية بتبص لريم هى و محمد و ريم بتروح عليهم
ريم / بش مهندس محمد انت تعرف جويرية
جويرية / ريم انا اسفة على الى حصل فى الحفلة وانى سبتها بطريقة بشعة ومشيت كدة من غير ما استازن
ريم / انا بس قلقت عليكى وكنت جاية على البيت اطمن عليكى وشفتك انتى وبش مهندس محمد وقفين
جويرية / يلا خلينا نروح على البيت اصل الجو هنا حر اوى
جويرية بتبص لمحمد اوى و محمد بيبصلها بغضب و ريم وهى ماشية بتبص لمحمد اوى كل شوية وبتروح على البيت مع جويرية و ريم بتشوف مؤيد
ريم / جويرية مش دة اخو محمد
مؤيد بيشوف ريم و جويرية بيروح عليهم وبيسلم عليهم
ريم / انت مؤيد شفتك فى الحفلة انت اخو البش مهندس محمد صح
مؤيد / اة واخو جويرية الصغير
ريم مصدوومة ومش قادرة تفهم
جويرية / ريم تعالى اقاعدي هفهمك تعاالى
منة / مؤيد تعالة عملتلك العصير بتاعك
ومؤيد بيروح مع منة على المطبخ ومبسوط اوى
ريم / جويرية فهمينى انا دماغى مش عرفة تستوعب حااجة خالص
جويرية بتحكى ريم على كل حاجة
ريم / يعنى مؤيد اخوكى و محمد اخوكى
جويرية / ياااة ريم قولتك محمد اخو مؤيد
ريم / يوووة انتى مش قولتى مؤيد اخوكى محمد اخو مؤيد يعنى اخوكى
جويرية بتتعصب على ريم وبتشرح من الاول
ريم / اة اوكى خلاص فهمت. يااة دة كلو حصل معاكى
جويرية/ امى الى مخوفانى اوى يا ريم لو حصلها حاجة انا همووت
والباب بيخبط ومؤيد بيجرى
مؤيد / انا هفتح الباب
وبيكون السواق بتاع محمد جايب شنط محمد ومؤيد
جويرية / اية الشنط دى كلها
منة / طنط نوال هى الى طلبت ان مؤيد يتصل بالسواق يجبلهم حاجتهم كلها من الفندق
محمد بيدخل وبيشوف الشنط
محمد / دى الشنط بتعتى
جويرية / اة احنا هنفتح البيت فندق ليك انت واخووك شفت ازااى
نوال بتخرج من الاوضة
وردة ✍️
التعليقات على الموضوع