رواية حب الي النهاية الحلقة الثالثه
🌟 الحلقة ٣ 🌟
.
🌟🌟🌟🌟🌟🌟🌟🌟🌟🌟🌟🌟🌟🌟🌟🌟
.
جويرية مديقة جدا ووقفة قدم قاعة حفلات و طاهر بيخرجلها
طاهر / مفيش فايدة مش عارف اكيد فى حاجة غلط من يومين بس كانو بيطلبوكى لية غيرو رايهم دلوقتى
جويرية / يعنى هعمل اية حظى كدة خلينى ارتاح يومين احسن
طاهر / اية رايك اخدك دلوقتى ونروح نركب مركب ونغير جو
جويرية / انت مش كان عندك شغل النهاردة
طاهر / مش مهم اتصل واعتزر
جويرية / لا يا روح على شغلك وانا هروح على البيت ارتاح
طاهر / ماشى يا حببتى بس خليكى متاكدة ان رفضهم انك تغنى هنا دة مش عادى اكيد فى حاجة
جويرية / يعنى هيحصل اية اسوء من الى بيحصلى سلام
جويرية بتمشى و طاهر بيركب الموتوسكل بتاعو وبيمشى
وفى عربية سودة بتقف قدم جويرية وبينزل منها الشخص الى هاجم جويرية فى اليخت
جويرية / انت تانى
خليل / دى برضو مقابلة تعالى اوصلك
جويرية بتمشى وبتسيبو والامن بتاعو بيقفو قدم جويرية
جويرية / لو مبعدش عنى هصوت والم عليك الناس
خليل / هو حد جة جمبك يا قطة بس خليكى عرفة انك كلها يومين وتيجى تبوسى رجلى
جويرية / ههههة انت بحلم
خليل / لما متلقيش شغل وتموتى من الجوع ساعتها هتيجى
تسلمينى نفسك بمزاجك
جويرية / انت حقير وحيوان دة مستحيل انا افضل الموت احسن ماواحد زيك يلمسنى
جويرية بتمشى وبتسمع صوت ضحكات خليل عليها
.
**********************************
.
محمد بيروح على أوضة مؤيد وبيشوف فاطمة قاعدة بتعملو
كمدات مياة
محمد / فاطمة انتى لسة هنا
فاطمة / مؤيد تعبان وحررتو زيادة اوى مقدرتش امشى واسيبو
محمد / روحى انتى لاولادك يلا الوقت اتاخر
فاطمة / بس مؤيد
محمد / روحى انا هخلي بالي منه يلا روحى
محمد بيقاعد جمب مؤيد وبيعملو كمدات و مؤيد بيعيط وهو نايم
محمد / مؤيد مؤيد
ومؤيد بيترعش وبينام تانى و محمد بيخاف علية اوى
وبيعمل كمدات بسرعة بقلق
مؤيد / امى تعالى متسبينيش لوحدى امىىىى امىىى متسبينيش لوحدى
محمد بيفتكر لما كان صغير خمس سنين وامو سابتو لعمو
و محمد كان بينادى عليها وهى بتركب العربية مع جوزها وبتمشى و محمد كان بينادى عليها وبيعيط و محمد دموعو بتنزل وبيتعصب اوى وبيمسك علبة الكمدات وبيرميها على الارض وبيضرب الكرسى برجلو بعنف
مؤيد / امى
محمد بيروح لمؤيد بعنف وبيمسكو من درعاتو وبيرفعو لفوق بعصبية
محمد / خلاص خلااااص مش هترجع تانى خلااااص
ومؤيد بيبص لمحمد اوى بخوف وبيعيط اوى و محمد بيشوف دموع مؤيد ودموعو هو كمان بتنزل ومبيقدرش يوقفها ومؤيد بيترمى فى حضن محمد وبيضمو اوى
مؤيد / متسبنيش
محمد مش عارف يضم مؤيد ولا لاا ودراعو متعلق فى الهوى مش قادر يضمو ولا قادر يبعدو عن حضنو
مؤيد / متسبنيش لوحدى
محمد بيضم مؤيد بقوة و محمد بيتكلم بيكلم نفسه
محمد / مش عارف انت الى محتجلى ولا انا الى محتجلك جمبى
محمد / مؤيد فووق تعالة معايااا مؤيد يلا ساعدنى
محمد بيسند مؤيد وبيخدو على الحمام وبيحطو فى البنيو وبيفتح المياة علية ومؤيد بيصرخ بقوة وبيترعش
و مصطفي بيسمع مؤيد وبيخاف احسن محمد يكون
بيعملو حاجة و بيدخل الاوضة بسرعة وبيروح على الحمام مكان الصوت بسرعة وبيشوف محمد حاضن مؤيد اوى وقاعد معاة فى قلب البنيو والمياة نزلة عليهم هم الاتنين
و مصطفي بياخد نفسو و محمد بيشوف مصطفي
محمد / مصطفي هات البرنس بسرعة
وبيسندو مؤيد وبيغيرولو هدومه وبيخدوه على السرير وبينيمة وبيغطوة كويس
محمد / الحمد لله الحرارة نزلت خلاص
مصطفي / غير هدومك انت كمان احسن تاخد برد
محمد بيغير هدومه
مصطفي / روح انت نام انا هفضل مع مؤيد هنا
محمد / لا انا كويس روح انت نام انا مش جيلى نوم اصلا
محمد بيفضل سهران جمب مؤيد طول الليل و مؤيد بيفتح عينو بيشوف محمد نايم جمبو على الكرسى وهو قاعد
و مؤيد بيبتسم اوى
.
**********************************
.
بعد اسبوعين
جويرية طول الليل بتلف على جميع قاعات الحفلات ومفيش اى شغل ومديقة اوى و طاهر بيتصل بيها
جويرية / الو طاهر لو سمحت هكلمك بعدين
طاهر / جويرية انا هبعتلك عنوان بسرعة لازم تيجى
جويرية / عنوان اية طاهر فى اية
طاهر / دة عيد ميلاد وكانو طلبين مغنية بس المغنية تعبانة محتجين مغنية فورا
جويرية / ابعتلى العنوان بسرعة
جويرية بتفرح اوى وبتوقف تاكسى بسرعة و طاهر مستنيها قدم كافية كبير
طاهر / تعالى يلا
جويرية بتدخل هى و طاهر الكافية وفى بنت حلوة وطويلة وشعرها طويل بتروح عليهم
ريم / هاى انتى جويرية صح
جويرية / اة
ريم / طاهر حكالى عنك كتير اوى فى الساعة دى كانى عرفاكى طاهر زمان
جويرية بتبص طاهر اوى وبتبتسم
ريم / انا ريم والنهارده عيد ميلاد اختى وكنت عمللها مفاجاة
بس للاسف المغنية الى هى بتحبها تعبت فجاة فاستاذ طاهر اقترحك عليا وطبعا وافقت فورا انا متشكرة جدا انك قبلتى انك تيجى بالسرعة دى
جويرية / لا ابدا
ريم / انا عرفة انى بتكلم كتير زميلى بيقولولى كدة
جويرية / بس للاسف انا مكنتش عرفة انى هغنى فى مكان زى دة ومكنتش عاملة حسابى يعنى هدومي مش حلوة اغنى بتيشيرت وجينز فى حفلة سوارية زى دى
طاهر / بس انتى حلوة فى اى حاجة يا روحى
ريم / حببتى ولا يهمك اختى كانت جايبة اكتر من فستان
علشان تختار منهم واحد وهى تقريبا مقاسك تعالى معايا
ريم بتاخد جويرية وبتخليها تلبس فستان طويل وجميل اوى
ريم / واااو جميل عليكى
جويرية / متشكرة جدا
ريم / انا حاسة اننا هنكون اصحاب
جويرية / وانا كمان حاسة انى اعرفك من زمان
جويرية بتطلع تغنى والكل مبسوط اوى وبيرقصو و طاهر بيطلع يغنى مع جويرية
بعد الحفلة ريم معاها ظرف وبتروح على جويرية
ريم / اتفضلى
جويرية / لااا انا مبسوطة انى اتعرفت عليكى وانا الى استمتعت النهاردة مش انتو
ريم / بس دة من حقك
طاهر / جويرية فعلا دة حقك وتعبك
جويرية / لااا اعتبريهم هدية صداقة بيا
ريم / اوكى هوافق بس الاسبوع الجاى بابا عامل حفلة صغيرة بمناسبة تخرجى من كلية ادارة اعمال وانى هستلم الشغل مع بابا
جويرية / الف مبرووك
ريم / يبقي مش هكون مبسوطة غير لما تكونى موجوودة وتغنى كمان
جويرية / وانا معنديش مانع
ريم / بس المرة دى هيكون شغل اوكى
جويرية / اوكى
ريم بتحضن جويرية اوى
.
**********************************
.
مصطفي بيدخل على محمد فى الشركة
مصطفي / حرام عليك انا تعبت انت عارف الساعة كام دلوقتى
محمد / يااة الوقت اتاخر اوى
مصطفي / لابجد ازاااى
محمد / معلش يا مصطفي تعبتك معايااا
مصطفي / بقالى اسبوعين بس فى الشركة وكانى بقالى سنتين
محمد بيضحك وبيلبس جاكيد البدلة بتاعو
محمد / يلا خلينا نمشى يلا
.
**********************************
.
وبيروحو على البيت
مصطفي / هروح على المطبخ ياريت تكون فاطمة سيبلنا الاكل
محمد بيشوف مؤيد نايم على الكرسى فى الرسبشن
محمد / مؤيد انت لية نايم هنا
مؤيد / انا بخاف انام لوحدى البيت كبير وفى اصوات كتيير غريبة
محمد / هههههة دى تهيااات
مصطفي ماسك طبق فى ايدوو
مصطفي / الللله محشى مصرى اصيييل
مؤيد / صدقنى فى اشباح البيت مسكوون
مصطفي / اشبااح اشبااح
محمد / مصطفي
مؤيد / صدقونى انا كنت نايم وفجاة لقيت حد بينادى عليا
واتخايلت بحد لبس ابيض بيعدى من جمبى كمان
مصطفي / محمد سكت اخوك احسنلو انت عاارف انا نجمى خفيف
محمد / ههههههة مؤيد يلا كفاية اطلع على اوضتك يلااا
محمد بيطلع مع مؤيد
مصطفي / انتو ريحيين فيين وهتسبونى لوحدى
مؤيد/ متخفش الاشباح معااك هناك
مصطفي بيخاف اوى وبيتلفت حولية و محمد بيضرب مؤيد على دماغو ومؤيد بيضحك على مصطفي
محمد / ولا فى اشباح ولا حاجة مؤيد بيهزر معاك يلا تصبحو على خير
مصطفي بيروح هو كمان على اوضته وباين علية الخوف والقلق و مؤيد بيخبط على أوضة مصطفي وبيجرى
و مصطفي بيخاف ومؤيد بيضحك علية اوى و محمد بيفتح باب اوضته وبيشوف مؤيد مستخبي وره ستارة وبيضحك و محمد بيمسكو من ودانو بقوة
مؤيد / اااة اااة
مصطفي / شايف اخوك بيعمل فيا اية
مؤيد/ اسف كنت بهزر معاة
محمد /متعملش كدة تانى يلا روح على اوضتك
مصطفي / محمد انا بحظرك ان الولد دة لما يكبر هيكون مشكلة كبيرة
محمد / مصطفي كبر عقلك شوية تصبح على خيير
.
**********************************
.
فى الصباح
الموظفيين كلهم وقفين بيسقفو لمحمد بقوة والكل مبسوط وعملين احتفال صغيير
مصطفي / فى اية
الموظفين / الف مبرووك يابش مهندس محمد حضرتك
اخدت انجح رجل اعمال شاب فى الشرق الاوسط
محمد مبيهتمش وبيروح على اوضته
مصطفي /الف مبرووك يا محمد
محمد / اية يعنى
مصطفي / يعنى حضرتك مشهوور دلوقتى ولازم تسافر
علشان تستلم الجائزة
محمد / لو مهتم بيها اوى روح استلمها انت
مصطفي / انت عارف الفتحات الى هتفتحها الجائزة دى
يعنى شغل اكتر وعلاقات اكتر
محمد / مش عااوز علاقاات
مصطفي / لااااا حضرتك هتروح تستلم الجايزة وبنفسك
محمد / لااا
مصطفي / هترووح
محمد / لااا
مصطفي / قولتلك هتروح يا محمد وكمان ادارة المنظمة للحفلة بعتتلك البسبور دة وكمان طيارة خااصة
محمد / مصطفي انا مش فاضى للكلام دة خالص ياعمى انا عاوز اشتغل وبس واى حاجة تانية مش مهم
مصطفي / ودة جزء من الشغل وجزء كبيير
محمد / هفكر ماشى
مصطفي / خلاص انت هتسافر بكرة
محمد / نعم بكرة
مصطفي / فى مقابلات فى التلفزيون اتصلو انا ادتهم ميعاد كمان دة غير الطلبات الى بدانا نستلمها من اول ما الخبر وصل انت عارف حجم الشغل الى هيجى للشركة قد اية اكبر ما تتخيل وانا تقريبا وافقت كمان وادتهم وعد انك هتقابلهم فى مصر وهتتكلم معاهم
محمد / لاااا مستحيل تكون عملت كدة
مصطفي / انا مدير العلاقات العامة وانا الى قررت خلاص يلا روح على البيت علشان تجهز نفسك على السفر
محمد /مصطفي متجننيش
مصطفي / يلا مفيش وقت كتير لازم تجهز كويس اوى
محمد / والشركة
مصطفي / انا هنااا والموظفين كمان هم اسبوعين بس اعتبرهم اجازة
محمد بيمسك البسبور والاوراق
محمد / فى مصر
مصطفي / ام الدنيا اية انت ناسى ان نصك مصرى كمان وانت معاك الجنسية المصرية يلا سلام وسلملى على ام الدنيا
محمد بيبص لمصطفي ومتعصب وبيخرج من المكتب وبيسيبو
.
**********************************
.
محمد بيروح على البيت وبيدخل على اوضته وبيجهز الشنطة بتعتو و مؤيد بيشوف أوضة محمد مفتوحة بيبص بيشوف لمحمد
مؤيد / محمد انت مسافر
محمد / اة اسبوعين فى شغل
مؤيد / هتسافر لوحدك
محمد / اة
مؤيد / هتسافر فين
محمد / مصر
مؤيد / خدنى معاك نفسى اشوف مصر اوى كان عندى صديق فى فرنسا مصرى كان بيحكيلى عنها كتير
محمد / انا رايح فى شغل مش رايح اتمشى
مؤيد / مش هعمل حاجة مش هطلع صوت حتى بس خدنى معاك
محمد / مؤيد خلاص انا عندى ترتبات كتير لازم اخلصها
محمد بيشوف ملفات معاة ومؤيد بيزعل اوى وبيروح على اوضته
.
**********************************
.
فى الليل
فاطمة / بش مهندس مؤيد رافض ياكل اى حاجة
مصطفي / انا مش عارف انت رافض لية تخدو معاك
الولد مخنوق ومحبوس فى البيت ليل نهار وحاسس انو وحيد
محمد بياخد صانية الاكل لاوضة مؤيد
مؤيد بيشوف محمد وبيبص فى الارض بحزن
محمد / فاطمة قالتلى انك رافض تاكل
مؤيد / مفيش بس مش جعان
محمد / يعنى لو حضرتك ماكلتش دلوقتى هتتعب ولو تعبت مش هتقدر تسافر معايا طبعا
مؤيد بيبص لمحمد اوى
مؤيد / يعنى هتخدنى معاك على مصر
محمد / امرى لله
ومؤيد بيحضن محمد اوى ومبسووط اوى
محمد / بس فى شرووط انا هيكون عندى شغل طول اليوم وانت هتفضل فى الفندق ومش هتتحرك وهحاول افرغ يوم اخدك افرجك على البلد
مؤيد / موافق طبعا
محمد / الطيارة الساعة ٧ الصبح جهز شنطتك من دلوقتى
ومؤيد بيروح يطلع شنطتو وهو كان مجهزها اصلا
محمد / انت مجهزها
مؤيد/ عارف انى هصعب عليك ومش هترضى تزعلنى
محمد بيضحك
محمد / انا مش عارف انت طلعتلى منين بس يلا خلص اكلك ونام بدرى
محمد بيخرج من أوضة مؤيد وبيروح لمصطفي
مصطفي / اطلع انا انام علشان اوصلك انت ومؤيد
محمد / كنت عارف انى هخدو معايا ومتفق انت وهو بقي
مصطفي / لا الى اعرفو ان قلب صحبى مفيش احن منو
مصطفي بيروح على اوضته
.
**********************************
.
جويرية مع منة فى السوبر مركت
منة /جويرية انتى صحبتى وانا قلقانة عليكى
جويرية/ منة قولتلك متقلقيش انا اتعودتت خلاص على الليل والليل اتعود عليا
منة / جويرية هاتيلى صلصة من هنااك
جويرية بتروح اخر الرفوف وبتجيب الصالصة وبتشوف صور ليها وهى دخلة السوبر مركت ومحطوطة على علب الصلصة
و جويرية بتبص حوليها بقلق وخووف
منة / جويرية يلا مستنية اية
جويرية بتقطع الصور بخوف وقلق وبتروح مع منة بسرعة
منة / مالك وشك اصفر لية كدة
جويرية / لامفيش بس حسيت بدوخة بس بسيطة يلا خلينا نمشى
منة/ فين الصلصة
جويرية / اصل مفيش النوع الى انتى عوزاة خلينا نروح من هنا يلا
جويرية بتخرج بسرعة من السوبر مركت وبتشوف الامن بتاع خليل وقفين قدم العربيات بتاعتهم و بتعرف ان هو الى بعتلها الصور وبيراقبها
منة / جويرية العربية من هنا يلا
جويرية بتروح مع منة وبيمشو
منة / مش فاهمة مالك حساكى متغيرة لية
جويرية/ لا بس ديخة شوية هنروح على البيت ارتاح شوية
منة بتمشى من طريق تانى و جويرية سرحانة اوى ومش وخدة بلها من الطريق و منة بتقف قدم مستشفى خاص
جويرية / انتى جبتينا هنا لية
منة / يلا انزلى خلينا نتطمن عليكى احسن يكون الضغط عالى عندك
جويرية / منة يلا خلينا نمشى
منة / لااا انتى حتى ماختيش بالك انى اتصلت بوائل وقالتو انك تعبانة وهنعدى علية
جويرية / لااا بس كنت سرحانة
كنزة / جويرية انا كلمت وائل ومستنين يلا عيب
جويرية و منة بيدخلو على المستشفى و وائل واقف مع ممرضة وبيتكلم معاها وبيشفهم وبيروح عليهم وبيبوس منة من خدها
وائل/ اية يا جويرية نسيتى انك دكتورة انتى كمان ولا اية
منة / مكنتش عوزة تيجى كمان
جويرية / انا مفيش حاجة يا جماعة منة انا همشى
وائل / جويرية مالك بقالك كام يوم متغيرة فعلا
منة / وائل متسمعش منها
وائل بياخد جويرية و منة على مكتبو وبيعمل فحصات لجويرية
**********************************
محمد بيوصل الفندق هو ومؤيد وفى استقبالو ادارة المهرجان والكل بيسلم علية وتصوير و محمد بياخد مؤيد وبيطلع على الاوضة
وردة ✍️
التعليقات على الموضوع