رواية حب الي النهاية الحلقة الثانية
🌟 الحلقة ٢ 🌟
.
🌟🌟🌟🌟🌟🌟🌟🌟🌟🌟🌟🌟🌟🌟🌟🌟
.
جويرية بتغنى فى فرح فى فندق كبير والناس مبسوطين اوى وبتخلص وبتغير هدومها وبتخرج و طاهر مستنيها برة
جويرية مبتتكلمش وبتاخد الخوذة منو وبيتركب وره
و وبيمشو وبيروحو يقفو على البحر فى مكان هما بيقفو
فية على طول
طاهر / هتفضلى ساكتة كدة كتير
جويرية / امتى بقي الدنيا تفتحلى درعها امتى
طاهر / انا بفتحلك دراعى اهو
طاهر بيفتح دراعو لجويرية و جويرية بتضحك اوى علية
جويرية / انت مش معقول
طاهر / المهم انك ضحكتى
جويرية و طاهر بيقاعدو على الرمل وبيتكلم مع بعض
.
**********************************
.
مصطفي بيروح لمحمد وهو قاعد فى الجنينة
مصطفي / صباح الخير
محمد / صاحى بدرى يعنى
مصطفي/ لازم ابدا حياة جديدة وهنسي كل حاجة مرت عليا
محمد / كويس حلو اوى الطاقة الايجابية دى ها ناوى تعمل اية
مصطفي / مش عارف
محمد بيضحك
مصطفي / اول حاجة هعملها هدور على شغل انا مستحيل اخد منو فلوس تانى ابدا لازم ابدا حياتى انا مش حياتو هو
محمد / اية رايك ممكن تساعدنى فى الشغل
مصطفي / لااا لحد هنا وكفاية باقي ناقص تجبلى عروسة كمان
وبيضحكو هما الاتنين
محمد / مصطفي انت صديقى الوحيد وانت الوحيد الى بثق فية
مؤيد بيخرج من البيت وعلى ضهرو شنطة و محمد بيروح علية وبيمسكو بسرعة
محمد / رايح فيين
مؤيد / ملكش دعوة بيا
محمد / يلا روح على الاوضة بتعتك وممنوع الخروج انت فاهم
مصطفي / محمد اهدى شوية مجرد طفل لسة
مؤيد / انا مش طفل انا عندى ١٥ سنة انا راجل
مصطفي / ماشى يا راجل ممكن تهدى شوية
مؤيد / انا مش هستنى لما يدخلنى ملجا لا انا همشى من هنا
محمد / قولتلك روح على الاوضة يلااا
مؤيد بيبص لمحمد اوى بغضب و محمد بيتعصب علية وبيخدو من دراعو وبيروح بية على اوضته وبيدخلو
محمد / ممنوع الخروج من الاوضة انت فاهم
محمد بيقفل الاوضة ومتعصب اوى
مصطفي / محمد اهدى شوية مش كدة
محمد بيروح على اوضته و مصطفي بيروح وره وبيحاول يتكلم معاة وبيهدية شوية
محمد / انا خلاص عملت اتصالاتى مع مدرسة داخلية ومن اول الشهر هيروح هناك واخلص من دة كلو
مصطفي / انت مش كنت حكتلى انو لية اخت
محمد / اة بس معرفش طرقهم طبعا
مصطفي / بس انت لازم تتحمل شوية مهما كان انو اخوك
محمد / اخويا اخويا اخويا كفاية بقي مصطفي متحولش تضغط عليا
مصطفي / محمد انت ومؤيد اخوات ودة مينفعش تنكرو انتو اخوات من الام بس بس اخوك فى الاخر ولازم تتحملو وكمان انت عاوز اية من واحد لسة عرفو من شهرين بس اكيد انت بالنسبالو شخص غريب
محمد / انا مش عارف لية السفارة بعتتو ليا انا من يوم ما امى اتجوزت الشخص دة وسفرت معاة فرنسا وسابتنى لعمى يربينى وانا قطعت علاقتى بيها للابد
مصطفي / ممكن اسالك سؤال اتوفو ازااى
محمد / قال انو حادثة على الطريق ومؤيد مكنش معاهم حتى ماتت من غير ما اشفها
مصطفي بيروح على محمد وبيطبطب على كتفو
مصطفي / حرام اكيد نفسيتو تعبانة حاول تفهمو شوية فقد
ابوه وامو فى يوم واحد السفارة اخدتو وحطوة عندك وفى بلد غريبة بالنسبالو وفى بيت غريب واكل غريب وهوى غريب كمان
محمد / يعنى المفروض اعمل اية انا
وفجاة بيسمعو خبطة عربية والخدم بيصروخ وبيجرو
الاتنين على تحت بسرعة وبيشوفو مؤيد راكب عربية محمد وكان بيحاول يهرب بيها وخبط فى سور الجنينة و محمد بيجرى بسرعة وبيبعد الخدم عنو بسرعة
محمد / مؤيد مؤيد
محمد / مصطفي هات عربية تانية بسرعة
وبيخدو مؤيد على المستشفى بسرعة و محمد قلقان اوى
مصطفي / اهدى هيكون بخير
.
**********************************
.
جويرية بتروح على بيتها ولسة هتفتح الباب وباب الشقة الى جمبهم بتتفتح وبتخرج منها بنت قصيرة وبيضة وبتتسحب وبتروح على جويرية وبتخض جويرية و جويرية بتصرخ وبتبص بتشوف منة
جويرية / منة
وبيحضنو بعض اوى وبيتنططو هم الاتنين
وائل/ ايوة كانى مش موحوود طبعا
جويرية / انتو رجعتو امتى
منة / لسة امبارح بس وسالت عليكى اول ما وصلت طنط قالتلى انك فى الشغل
جويرية / وحشتينى اوى
وبيحضنو بعض تانى
وائل / كفاية ممكن تكملو جوة
جويرية بتدخل عند وائل و منة الشقة
جويرية / احكيلى شهر العسل عملتو اية
وائل / ودة سؤال برضو يا بنتى يعنى هنكون عملنا اية يعنى
جويرية / انت رخم اوى على فكرة بقصد رحتو فيين
منة / بصى يا ستنى رحنا على بلد التسوق الاول
جويرية / دبى الللللله نفسى اشفها اوى
وائل / اة وهناك يا ستى الامن راحو خرجو صحبتك بالعفيا
جويرية / حببتى اكيد اشتريتى دبى كلها
وائل / الفلوس الى كنا محوشنها انا وهى كلها طااارت
منة / مش مهم الفلوس انا استمتعت جدا جدا وهناك شفنا اماكن رووعة
جويرية / بس وحشتينى اوى
وبيحضنو بعض تانى
وائل / خليكو انتو مع بعض انا هخرج هروح اشوف ماما
منة / ماشى يا حبيبى سلملى عليها كتير
وائل بيخرج و جويرية و منة بيقاعدو يتكلمو مع بعض ومبسوطين و جويرية بتحكى لمنة على صاحب البيت والى حصل معاهم
منة / عمو لو كان عايش دلوقتى مكنش حصل كدة الله يرحمو بابا كان بيحكيلى عنو كتير
جويرية / للاسف مش قادرة افتكر اى لحظة من وجودو جمبى
منة بتحضن جويرية اوى و جويرية دموعها بتنزل
جويرية / يوووة انتى لسة رجعة من السفر النهاردة وانا جاية اشكيلك همى
منة / انتى عبيطة ولا اية انتى صحبتى الوحيدة دة انا فضلت ازن على وائل اننا نتجوز فى شقة ماما علشان اكون جمبك وانتى عارفة وائل ميقدرش يبعد عن امو خااالص
جويرية / حياتى انتى واختى وروحى
منة / استنى خليكى هنا انا جبتلك معايا هدية روووعة
منة بتدخل وبتجيب شنطة كبيرة وبتطلع منها فستان ابيض سورية جمييل اوى
منة / انا اول لما شفتو قولت دة بتاع جويرية وبس
جويرية / حياتى انتى
و جويرية بتحضنها اوى
منة / جويرية خدى دول ممكن يسددو الايجار المتاخر
جويرية / منة انتى عرفة انى مش هقبل الفلوس دى
منة / لا هتقبليها علشان دى فلوسى انا مش من وائل اوكى
ومش عوزة كلام تانى انتى فاهمة وانا ياما اخدت منك فلوس ولا انتى بتنسى
جويرية / بس هيكونو دين عليا
منة / ماشى وانا موفقة
.
**********************************
.
محمد فى المستشفى والدكتور بيخرج
الدكتور / متقلقوش هو كويس مفهوش حاجة خالص احنا عملنالو اشاعات واطمنا انو بخير بس فى جرح بسيط فى دماغو وممكن يخرج معاكو الف سلامة علية
محمد و مصطفي بيدخلو لمؤيد والممرضة بتغيرلو على الجرح ومؤيد بيبص لمحمد وبيبص للارض و الممرضة بتخرج
محمد / الدكتور قال انك كويس يلا خلينا نمشى
مصطفي بيروح على مؤيد بيساعدو يقف وبيخدوه على البيت
محمد / جهز نفسك اسبوع وهتروح مدرسة داخلية
مؤيد / اية لاااا لاااا
مصطفي / محمد بهدوء لو سمحت
مؤيد / انا اسف بس متدخلنيش المدرسة دى انا انا هعمل الى انت عوزو
محمد / لااا مفيش كلام تانى
ومؤيد بيعيط اوى
مؤيد / امى كانت على طول تقولى ان ليا اخ كبير وهيكون سندى من بعدهم بس امى كانت غلطانة
محمد بيبصلو اوى
مؤيد / ارحووك انا انا مش هخرج من الاوضة اوعدك بكده بس ارجووك مش عاوز اروح المدرسة الداخلية دى ارجوووك
مصطفي مؤيد بيصعب علية اوى
مصطفي / مؤيد روح على اوضتك انت تعبان وهتكلم مع اخوك شوية
ومؤيد بيروح على اوضته وزعلان اوى وبيشوف الشنط بتعتو ومؤيد بيقاعد وبيعيط
محمد / مصطفي انا مش قادر اشيل المسؤالية دى انا مش قادر
مؤيد بينزل لمحمد و مصطفي ومعاة صورة فى ايدو
مؤيد / بابا كان عندو زوجة تانية وبنت كمان خلينى اروح عندهم
محمد / انا لو اعرف مكانهم كنت اول واحد عمل كدة
مؤيد / دى صورة بنت بابا وهى صغيرة ومكتوب هنا انها اتصورو فى اسكندية
مصطفي بياخد الصورة وبيشوفها وبيشوف المكتوب
مصطفي / يعنى فى مصر فى اسكندية شوف الصورة يا محمد
محمد / مصطفي انت كمان
مؤيد / خدنى عندهم ومش عاوز اى حاجة منك تانى وبكدة هتخلص منى
محمد / لااا لاااا
مؤيد بيمسك السكينة بتاعت الفاكة وبيحطها على رقبتو
مؤيد / لو دخلتنى المدرسة دى هقتل نفسى هقتل نفسى
محمد بيروح علية وبياخد منو السكينة بكل بروود وبيرميها
مؤيد / انا بكرهك بكرهك
ومؤيد بيروح على اوضته
مصطفي / بصراحة الى بتعملو فى الولد دة كتير اوى انت بتطلع الى حصل زمان علية هو لية مش هو السبب الى خلا امك تسيبك وتروح تتجوز بعد موت ابوك
محمد / مصطفي
مصطفي / اية انت طول عمرك بتقولى متهربش من المشاكل واجهاا
محمد / انا كل لما بشوفو بفتكر الى عملتو فيا امى مش عارف يا مصطفي عقلى مشوش
مصطفي / انت تعبان يلا اطلع ارتاح شوية وبكرة الصبح نتكلم انا وانت
محمد بيطلع وبيدخل أوضة مؤيد وبيشوف مؤيد نايم وماسك صورة امو وابوة فى حضنو و محمد بيروح ياخد الصورة وبيلمس خد امو بحنية ودموعو بتنزل وبيسيب الصورة بسرعة وبيخرج من الاوضة
.
**********************************
.
فى الصباح
نوال بتدخل أوضة جويرية
نوال / جويرية يا بنتى يلا اصحىي يلا يا حببتى
جويرية / ماما سبينى شوية خلينى انام تعبانة اوى
نوال / يلا يا بنتى انتى مش عزمتى منة و وائل على الفطار النهاردة
والباب بيخبط و نوال بتفح الباب
منة / صباح الخييير يا طنط
نوال / صباح الخير يا حببتى ادخلى صحى صحبتك لحد لما
اجهز باقى الفطار يلا روحى
منة بتروح على أوضة جويرية و جويرية بتتكلم فى التلفون
جويرية / النهاردة يااة كنت حاسة انى تعبانة بس خلاص اوكى اشوفك النهاردة
جويرية بتقفل التلفون و منة بتروح عليها وبتنام جمبها
منة / طاهر برضو
جويرية / منة بلييز
منة / انا نصحتك كتير وانتى مفيش فايدة فيكى يا جويرية الطريق دة اخرتو وحشة جدا ولو طنط عرفت انك سبتى الطب ولجاتى للغناء مش عرفة هتعمل اية
جويرية / منة عوزانى يعنى اعمل اية مش بمزاجى انتى
عرفة كل الى حصل معانا كنتى عوزانى استني ال ٦٠٠ جنية الى بخدهم من المستشفى وكنت هسدد تمن عملية امى ازااى
منة / خلاص متزعليش اوى كدة وتكشرى
جويرية بتحضن منة
جويرية / انا مش عرفة لو مكنتيش جمبى كنت هعمل اية
وائل صوتو عاالى
جويرية / دة وائل
منة / اكيد جعان انا مش عرفة بحس ان فى مجاعة ٢٤ ساعة فى بطنو
جويرية بتضحك اوى
جويرية / خلينا نخرج نشوفو احسن ياكل امى هههههههة
وبيخرجو الاتنين
منة / انت بتصرخ لية بهدوء شوية
وائل / انتو الاتنين نايمين وسيبين طنط نوال بتعمل الفطار لوحدها
جويرية / يعنى انت خايف على ماما من امتى الحنية دى
منة / انتى مش فاهمة يا جويرية هو بيقصد اننا نساعدها علشان تخلص الفطار بسرعة
وائل / ياسلام على مراتى الى بتفهمنى
منة / انت حبيبى انت عملاقى
و منة و وائل بيلعبو فى خدود بعض زي الاطفال
جويرية/ بصراحة لما بشفكو كدة بحس انكو رجعتو اطفال تانى
وائل / جعاان جعاان يا ناس ارحمونى باة
منة / يلا تعالى يا جويرية احسن ياكلنا
.
**********************************
.
محمد فى الجنينة بيشرب قهوة و مصطفي بيروح علية
مصطفي / انا مش عارف انت بتقدر تشرب القهوة المرة دى ازااى
محمد / سيبك من القهوة النهاردة هتروح الشركة معايا
مصطفي / لية
محمد / لية الشغل اية رجعت فى كلامك
مصطفي / لا بس
محمد / النهاردة هنروح مع بعض ونتكلم هناك براحتنا ونرتب كل حاجة
مصطفي/ حاضر
فاطمة مديرة الخدم فى البيت
فاطمة/يابش مهندس محمد مؤيد تعبان
محمد بيبص لمصطفي وبيروحو هم الاتنين على أوضة مؤيد
وبيشوفو مؤيد حاضن صورة امو و ابوة وبيترعش اوى
محمد بيبص لاوضة بيشوف ان التكيف شغال وعالى جدا
محمد / مصطفي طفى التكيف دة بسرعة
فاطمة / التكيف حاولت اطفية بس باين ان فية مشكلة
محمد / مؤيد مؤيد
ومؤيد حراتو عليا جدا
مصطفي / محمد فى مشكلة فى التكيف بيزيد لوحدو
محمد بيشيل مؤيد وبيخدو على اوضته بسرعة وبينيمو وبيغطية كويس
محمد / مصطفي هات تلفونى واتصل بالدكتور بسرعة
محمد بيجيب غطاء كمان وبيغطية بسرعة و مؤيد بيفتح عينو
مؤيد / هو انا همووت
محمد / هتموت بس مش دلوقتى
ومؤيد دموعو بتنزل
محمد / هتكون كويس متخفش ارتاح
مؤيد / انا خايف متسبنيش
ومؤيد بيترعش من البرد
مؤيد / ممكن امسك ايدك
فاطمة بتطلع ومعاها كوبية ينسون سخن و محمد بيحاول يشربو وحدة وحدة والدكتور بيوصل وبيتطمن علية
الدكتور / هو اخد برد بس اهم حاجة الحرارة الادوية دى هتنزل الحرارة ووالدتو تعملو كمدات مياة عادية وان شاء الله هيكون احسن
محمد بيسمع كلمة والدتو وبيزعل اوى
مصطفي / شكرا يا دكتور انا هوصلك اتفضل اتفضل
محمد بيقف بيبص على مؤيد وهو نايم و مصطفي بيروح علية
مصطفي / قلقت علية
محمد / حتى لو كان عندى قطة وتعبت هقلق عليها
محمد بيخرج وبيسيب مصطفي مع مؤيد وبيروح يجيب الادوية لمؤيد وبيرجع
محمد / فااطمة خدى الادوية دى اديها لمؤيد حالا
وفاطمة بتاخد الأدوية و محمد بيقاعد جمب مصطفي
و مصطفي بيقرا فى مجلة وبيضحك
محمد / مصطفي خلاص
مصطفي / فى اية قرات نكتة وبضحك
فاطمة / مؤيد رافض ياخد اى ادوية
محمد بيتعصب اوى وبياخد الادوية من فاطمة و مصطفي بيروح ورى محمد بسرعة
مصطفي/ محمد اهدى شوية محمد
محمد بيدخل على مؤيد وبيشوف مؤيد بيحاول يقف وكان هيقع على الأرض و محمد بيلحقو بسرعة وبيسندو وبيخلية يقاعد على السرير
محمد / انت مش طفل صغير ممنوع تنزل من على السرير انت فاهم انت مش هتبطل حركاتك دى اية الى خلاك تنزل من على السرير ولية ماخدتش الادوية بتعتك
مؤيد / كنت عاوز اروح الحمام
محمد بيبصلو وبيسكت
مصطفي / احم احم مؤيد انا ممكن اساعدك يلا تعالة
مصطفي بيسند مؤيد وبيخدو على الحمام وبيرجعو تانى
و مصطفي بينيمو
فاطمة/ استاذ مصطفي موبيل حضرتك بيرن من الاوضة
و مصطفي بيخرج وبيسبهم
محمد/ يلا لازم تاخد الادوية دى
مؤيد / مش بعرف اخدهم كدة
محمد / نعم
مؤيد / ماما كانت بتحطو فى العصير
محمد بيفتكر لما كان تعبان ومكنش عارف ياخد الادوية
وقرفان منها ووالدتو حطت الادوية فى العصير وشربتو باديها و. محمد بيدايق اوى وبيسيب الادوية وبيخرج
مصطفي / محمد رايح فيين
محمد / عندى شغل فى المكتب
مصطفي / مش النهاردة اجازة
محمد / بعديين بعديين سلام
محمد بيشوف فاطمة فى الجنينة وبيقولها انها تحط الادوية
لمؤيد فى العصير
وردة ✍️
التعليقات على الموضوع