رواية حب الي النهاية الحلقة الاولي
🌟الحلقة ١ 🌟
.
🌟🌟🌟🌟🌟🌟🌟🌟🌟🌟🌟🌟🌟🌟🌟🌟
.
فى صباح يوم جميل فى الاسكندرية فى شارع المنتزة تقريبا
فى ام قاعدة على سجادة الصلاة بتدعى والدموع على خدها بتنزل وبيتفتح باب الشقة والام بتروح على الباب
نوال / انتى جيتى يا بنتى
جويرية / اة يا ماما انا هدخل انام على طول
نوال / ربنا يحميكى يا حببتى اكيد تعبانة من الوقفة طول
النهار فى المستشفى غيرى هدومك لحد ما اجهزلك الفطار
جويرية / لا يا ماما انا اكلت فى المستشفى وشبعانة بس جعانة نوم تصبحى على خير يا حببتى
جويرية بتروح على اوضتها و نوال بتدعى لجويرية ان ربنا يحميها و بترجع لسجادة الصلاة والمصحف
**********************************
.
جويرية فى اوضتها وبترمى بجسمها على السرير من التعب
وبتعيط اوى وبتكتم صوتها علشان امها متسمعهاش
.
**********************************
.
فى الامارات
فى بيت كبير بيخرج شاب طويل ووسيم وبيروح على عربيتو وبيمشى وبيشغل موسيقى هدية جدا فى العربية
وبيروح على شركة كبيرة والامن اول ما بيشوفة وصل
بيروحو يفتحولو العربية بسرعة وبينزل من غير ما يتكلم
وملامحو حادة اوى وبيدخل الشركة والموظفين بيقفو
فى مكانهم لحد لما بيعدى هو وبيروح على الاسنسير
وبيركب الاسنسير والموظفين كل واحد بيروح فى اتجاة بسرعة وبيروح على مكتب كبير وفى سكرتير بيمشى وره بسرعة
كرم / كمان ربع ساعة فى اجتماع لمديرين الشركان
وبعد الاجتماع بتلات دقايق فى اجتماع تانى مع صاحب الشركة الاسبانية
محمد / الغى الاجتماع
كرم / نعم اة حاضر يا فندك
كرم / الساعة ٤ فى مؤتمر
محمد / جهزلى شيك ب٢ مليون
كرم / حاضر يافندم والساعة ٦ فى عند حضرتك زيارة للشركات ودة هياخد وقت طويل من حضرتك لحد الساعة ٩ والساعة ٩ ونص فى عشاء عمل مع صديق حضرتك مصطفي فى النادى الصيفى
محمد / ابعت عربية للمطار تستقبلو وجهز بيت الاستقبال
كرم / تمام يافندم بعد ازنك
كرم بيخرج و محمد بيبداء يشوف الشغل الى على المكتب
.
**********************************
.
جويرية نايمة على السرير ومرهقة جدا وبتسمع صوت خبط في البلكونة وبتفتح عنيها بسرعة وبتخرج وفى طوبة صغيرة بتيجى عليها
طاهر / اسف اسف
جويرية / انت مفيش فايدة فيك ابدا انت مش هترتاح لحد لما تقتلنى
طاهر /وطى صوتك
جويرية / عاوز اية دلوقتى
طاهر / فى النهاردة شغل الساعة ٧ هستناكى متاخريش
جويرية / اوكى
طاهر بيحدفلها بوسة فى الهواء و جويرية بتضحك وبتدخل تانى وبتنام على السرير ومبتسمة
.
**********************************
.
فى الليل
جويرية بتنزل من العمارة و طاهر واقف مستنيها وراكب موتوسكل و جويرية بتاخد خوزة لونها وردى من طاهر وبتلبسها وبتركب وره وبيمشو
طاهر / جويرية الحفلة النهاردة مستوى عالى جدا وطلبينك بالاسم كمان
جويرية / مش سمعة حااجة عالى صوتك
طاهر بيضحك وبيزود السرعة و جويرية بتمسك فى طاهر بقوة وبتفرح ان طاهر مزود السرعة وبتصرخ من الانتعاش اوى وبتفرد درعها لاحظات بسيطة بسرعة وبترجع تمسك فى طاهر وبينزلو قدم يخت فى البحر ومتزين اوى
جويرية/ واااو جميل اوى
طاهر بيقرب من جويرية وبيشيل الخوزة منها
طاهر / لو حبتية اية رايك اشترية علشانك انتى
جويرية / لاياشيخ
طاهر / اية مش بعيد عن ربنا
جويرية / انا حلمى انى اعيش فى بيت صغير حتى لو اوضة بس يكون بيت مستقل وله كمان جنينة على البحر
طاهر / بقولك يخت يخخخت انتى عرفة دة بكام
جويرية / مش مهم بكام المهم اننا نكون مبسوطين وبس
طاهر بيمسك ايد جويرية وبيبوس اديها
طاهر / ممكن تفوقى من حلمك دة بقي وخلينا ندخل الناس مستنين
جويرية و طاهر بيدخلو اليخت وفى امن كتير على الباب
وبيفتشو جويرية و طاهر وبيدخلو على أوضة صغيرة
طاهر / جويرية يلا غيرى هدومك بسرعة
طاهر بيخرج من الاوضة وواقف مستني برة جويرية تغير هدومها وبتلبس فستان سهرة بسيط وبتحط ميكاب وبتفرد شعرها و بتخرج لطاهر وبيطلعو على الدور التانى لليخت وفى الفرقة الموسيقية
جويرية و طاهر بيتكلمو معاهم وبيحددو الاغانى الى هيغنوها وطبقات الصوت وبيطلعو على الدور التالت وبيكون فى رجال اعمال كتير كلهم ببدل وسهرنين وبيتعشو
و جويرية بتغنى و طاهر بيغنى هو كمان مع جويرية
.
**********************************
.
محمد قاعد فى مكان هادى جميل جدا وبيبص فى الساعة
وبيدخل مصطفي المكان وبيشاور لمحمد من بعيد و محمد بيبتسم لمصطفي وبيروح علية
مصطفي / وحشتني يا صحبى
محمد /وانت مفيش مرة تيجى فى معادك ابدا
مصطفي بيضحك و محمد بيضحك اوى وبيسهرو مع بعض ومبسوطين
محمد /انا مبحسش بالحرية غير لما بكون معاك مش عارف انت بتعمل اية
مصطفي / انت الى حابس نفسك فى صندوق ومش عاوز تخرج منو
محمد / مش للدرجة دى يعنى المهم قولى اخبارك اية
مصطفي / مرات ابويا ماتت هههههة
محمد بيبص لمصطفي اوى باستغراب
مصطفي / بجد فعلا مرات ابويا ماتت من اسبوع كدة وبيدور على عروسة جديدة لو عندك عروسة ونبى ابعتهالو
محمد بيبص لمصطفي اوى بحزن
محمد / انت كويس
مصطفي / انا مش مرتاح هنا المكان هنا هادى زيادة اوى ومنظم اوى
محمد / مصطفي خلينا نخرج يلا
مصطفي بيتعمد انو يوقع كوبية المياة على الارض وبتتكسر
مصطفي / شفت حصل حاجة انا بتكسر كل يوم ومفيش حاجة بتحصل
محمد بيروح على مصطفي وبيخدو من دراعو وبيخرجو من المكان
مصطفي/ خلينا نرجع تانى انا بدات احب المكان هنا
محمد / مصطفي اركب العربية يلا
مصطفي / تمام يافندم حاضر اومرك مجاابة طبعا
مصطفي بيضحك وبيركب العربية وبيروحو على مكان فاضى خالص و محمد بينزل هو و مصطفي وبيقاعدو على العربية
محمد / فى اية مالك
مصطفي بيفرد ضهرو على العربية وبيبص للنجوم
مصطفي / انا بفكر انى اطلع القمر اية رايك تيجى معايا ممكن احجزلك تذكرة ذهاب وعودة متقلقش وعلى حسابى
محمد / لو عوزنى اجى معاك هاجى
مصطفي بيبص لمحمد اوى وبيحضنو بعض اوى و مصطفي بينهار من العياط
مصطفي / ماتت يا محمد ماتت حنين
محمد / اهدى
مصطفي / هو الى قتلها هو الى قتلها مكفهوش انو اتجوز البنت الى بحبها ابويا يا محمد ابويا حط عينو على بنت اصغر منو ٣٥ سنة واتجوزها
محمد / البقاء للة وهى الى اختارت
مصطفي / كان غصب عنها انها تتجوزو اهلها هم الى غصبو عليها علشان الفلوس وبس ولما تعبت رماها لاهلها لحد ماماتت هو السبب هو السبب
.
**********************************
.
جويرية بتخلص الحفلة هى و طاهر
جويرية / رجلى مش قادرة ادوس عليها خالص
طاهر / يلا روحى غيرى هدومك خلينا نمشى
جويرية بتروح تغير هدومها وهى بتخرج من الاوضة بتشوف واحد واقف قدم الاوضة مستنيها
جويرية / افندم فى حاجة
الشخص / لا ابدا انا بس حبيت اجى بنفسى اشكرك على الحفلة الروعة دى وصوتك البديع وعلى جمالك الى ملوش زى وعلي عيونك الى زي القطط و شفيفك
جويرية / لو سمحت ممكن تخلينى امشى
الشخص / تمشى فين لسة النهار كمان طويل
وبيهجم على جويرية و جويرية بتصرخ و طاهر بيسمع جويرية بتصرخ وبيجرى عليها بسرعة وبيشوف الشخص
دة هاجم على جويرية بقوة وبيحاول يبسها و طاهر بيبعدو عنها بسرعة وبيضربو بالبكس و جويرية بتعيط
والامن بتاع اليخت بيدخل بسرعة
الامن / خليل بية فى حاجة
خليل بيبص لجويرية اوى و جويرية مستخبية ورى ضهر طاهر بخوف
خليل / لا خلوهم يمشو بس هنتقابل تانى
طاهر بيمسك ايد جويرية بقوة وبيخرج من اليخت بسرعة
وبيركبو الموتوسكل وبيمشو وبيقفو على شط البحر
و جويرية بتعيط و طاهر بيروح عليها و جويرية بتحضن طاهر اوى وبتعيط
جويرية / انا الدنيا لية بتعذبنى كدة انا تعبت تعبت اوى
.
**********************************
.
محمد فى بيت الضيوف مع مصطفي و مصطفي نايم
و محمد بيدخل أوضة الى فيها مصطفي بيتطمن علية
وبيخرج تانى وبيسيبو يرتاح و بيروح على البيت وبيدخل
مؤيد / محمد اتاخرت لية
محمد / وانت لسة صاحى لحد دلوقتى لية
مؤيد / انا كنت نايم وقلقت وملقتش حد معايا خفت اوى
محمد / يلا اطلع على اوضتك لازم تنام عندك دراسة الصبح
مؤيد مدايق اوى وبيطلع على اوضته و محمد مدايق اوى وبيروح على أوضة بباب كبير خشب وبيدخل وبتكون أوضة مكتب كبيرة وفيها مكتبة مليانا كتب كتيير و الاوضة مليانا
تراب وكان مفيش حد دخلها من سنين و محمد بيروح على صورة على الحيطة وبيطلع منديل وبيمسح من عليها التراب وبيكون لشخص كبير بيشبة محمد اوى و محمد بيقف يبص
علية مدة طويلة وبيسمع خبطة من الدور الى فوق الى فى الاوض النوم وبيقفل الباب تانى وبيطلع على فوق بسرعة وبيدخل أوضة مؤيد ومؤيد مش فى الأوضة و محمد
بيتعصب اوى وبيروح يدور علية فى الاوض التانية وبيدخل أوضة الرياضة وبيشوف مؤيد بيحاول يلعب رياضة ومؤيد اول ما بيشوف محمد بيقف بسرعة بخوف وبيبص للارض
محمد / انت بتعمل اية هنا
مؤيد / كنت حابب العب رياضة
محمد/ قولتلك روح نام فى اوضتك
مؤيد / مش جيلى نوم خالص حاولت كتير
محمد / روح على اوضتك بسرعة
ومؤيد بيخاف وبيخرج بسرعة من الاوضة وبيروح على اوضته وبينام وبيتغطى بسرعة و محمد بيدخل الاوضة وبيبص على مؤيد وهو نايم
محمد مهموم اوى وبيسند دماغو وبيغمض عيونو
.
**********************************
.
طاهر بيوصل جويرية على البيت
طاهر / جويرية خلاص هتنسى كل الى حصل
جويرية مبتردش عليه و طاهر بيمسك ايدها
طاهر / جويرية حياتى انا الى غلطان كان لازم اخد بالى منك اكتر من كدة
جويرية / وانت كنت هتعمل اية دة نصيبى
طاهر / طب انا مش همشى من هنا غير لما اشوف ضحكتك ماشى
جويرية / طاهر يلا روح بقي انا تعبانة
طاهر / مش همشى ولو مضحكتيش دلوقتى هعملك بهلوان علشان تضحكى
جويرية بتبتسم لطاهر و طاهر بصوت عاالى
طاهر / ايوة كدة هو دة
جويرية / انت مجنون
طاهر / بس بحبك
جويرية / وانا كمان سلام باااى
جويرية بتدخل على العمارة بسرعة و طاهر بيبص عليها وبيبتسم وبيركب الموتوسكل بتاعو وبيمشى
.
**********************************
.
جويرية بتدخل الشقة ووالدتها قاعدة مستنيها
جويرية/ ماما صباح الخير
نوال / حمدالله على سلمتك يا حببتى ثوانى والفطار يكون جاهز
جويرية / خليكى انتى يا ماما انا هجهز الفطار بنفسى انتى ارتاحى
نوال / يا بنتى انتى طول الليل وقفة على رجلك وتعبانة في المستشفى
جويرية / ماما انا كويسة متقلقيش عليا اوكى بس انتى
ارتاحى هنا زي الملكة وانا اجبلك الفطار لحد عندك
جويرية بتبوس جبين امها وبتدخل على المطبخ وباب الشقة بيخبط
جويرية / انا هفتح يا ماما ارتاحى انتى
نوال بتروح تفتح وبيكون راجل كبير
نوال / اهلا يا حاج عبد الفتاح اهلا اتفضل اتفضل
عبد الفتاح / انا والله مكسوف جدا بس ابنى عملى مشكلة انكو لازم تدفعو الايجار المتاخر
نوال بتزعل اوى و جويرية بتخرج
جويرية / ميين يا مامااا
جويرية بتشوف الحاج عبد الفتاح واقف وبتفتكر الايجار
عبد الفتاح / متزعليش يا بنتى انتى عرفة ياسر ابنى
جويرية / عرفة يا حاج بس انت عارف الظروف بتاعتنا بس تصبر علينا شهر كمان وانا ان شاء الله هدفع كل المبلغ
عبد الفتاح / لو عليا انا مقدرش اخد منكو فلوس ابدا ابوكى الله يرحمو كان اكتر من اخ وصديق وجمايلو مغرقانى بس ياسر ابنى
جويرية بتروح على اوضتها بتاخد فلوس من الدولاب وفلوس من الشنطة بتاعتها
جويرية / بس دة المبلغ الى معايا النهاردة
نوال بتقلع السلسلة بتاعتها
جويرية / لايااا ماما
نوال / واية لزمتها يا بنتى خد ياحاج بعها وخد فلوسها
جويرية / وباقى المبلغ بس كام يوم
عبد الفتاح بيطلع فلوس من جيبو وبيحطها على الفلوس بتاعتهم
عبد الفتاح / دى حاجة بينا وياريت ياسر ابنى ميعرفش حاجة عن الموضوع دة
جويرية / لا ياحاج عبد الفتاح انا مقبلش حاجة زى دى ابدا حط فلوسك فى جيبك هم بس يومين والفلوس هتكون عندك
نوال /هتجيبى المبلغ الباقى منين يا بنتى بس
جويرية / ماما انا هتصرف متقلقيش انتى
عبد الفتاح / ماشى يا بنتى انا هتكلم مع ياسر وا،ن شاء الله خير
وعبد الفتاح بيمشى و جويرية بتقفل الباب وبتفكر اوى
و نوال بتعيط و جويرية بتروح عليها
جويرية / ماما انا مش عوزاكى تقلقى انتى مش وثقة فى بنتك ولا اية
نوال / حببتى انتى شلتى مسؤالية كبيرة من وانتى صغيرة
ومقدرتيش تعيشى حياتك زى كل البنات
جويرية / مدام انتى جمبى كل حاجة هتكون احسن اكيد
نوال / طب هتجيبى باقى المبلغ منين
جويرية / هطلب من مدير المستشفى مبلغ ويخدو من مرتبى كل شهر ان شاء الله هتتحل بس انتى متشليش هم ابدا انا هروح اجهز باقى الفطار
جويرية بتدخل المطبخ وبتتصل بطاهر
جويرية / طاهر انا محتاجة فلوس بسرعة صاحب البيت بيطالبنى بالايجار المتاخر ياما هيطردنا من البيت
طاهر / ازاى يعنى يطردكو متقلقيش انا هتصرف انا معايا مبلع فى البنك هو بسيط بس ممكن يكفى
جويرية / انت عارف انى مش هقبل طبعا انت لازم تشفلى حفلات او أفراح او اى حاجة بسرعة حتى لو هفضل ٢٤ ساعة
معنديش مانع اقبل باى مبلغ
طاهر / ماشى انا هشوف الموضوع دة سلام
جويرية بتقفل الموبيل مع طاهر وبتكمل الفطار
.
**********************************
.
محمد بيوصل الشركة كالعادة فى ميعادو وبيروح على مكتبو
والسكرتير بيقولو على كل الموعيد
وردة ✍️
التعليقات على الموضوع