رواية حب الي النهاية الحلقة الثامنه
🌟 الحلقة ٨ 🌟
.
🌟🌟🌟🌟🌟🌟🌟🌟🌟🌟🌟🌟🌟🌟🌟🌟
.
جويرية/ دى شنطتى
محمد بيخبط على الباب و نوال بتفتح
جويرية / ماما انا
نوال / انا اتصلت باعمامك وقولتلهم انك هتسفرى عندهم
جويرية / اية مش فاهمة
نوال / انا معرفتش اربى صح روحى لاعمامك
جويرية / ماما انتى اكيد بتهزرى صح
نوال / لا مش بهزر هتسفرى الصعيد عند اعمامك وهناك
هتعيشى
جويرية/ لا مستحيل تعملى فيا كدة يا امى انا مش هسافر
نوال / دى فرصتك انى اسمحك لو انتى مهتمية انى اسمحك فعلا هناك فى القرية عند اعمامك محتاجين دكاترة وهناك
هتكون الوظيفة مستنيكي وانتى الى في ايدك القرار
نوال بتقفل الباب و جويرية بتخبط على الباب بعنف
جويرية / مااماا مامااااا
محمد واقف مصدووم
محمد / والله والدتك اختارت العقاب مظبوط
جويرية / انت شمتان فيا صح
محمد / انتى غلتطى ولازم تتحملى
جويرية بتقاعد على السلم وبتعيط و مؤيد بيفتح الباب
مؤيد / محمد
جويرية بتجرى على مؤيد بسرعة عوزة تدخل
مؤيد / جويرية ممنوع تدخلى والدتك هى الى امرت بكدة وبتقولك يا محمد لازم توصل جويرية عند اعمامها فى الصعيد قبل الفجر
محمد / انا وانا مالى
مؤيد / دة العنوان بالظبط
ومؤيد بيقفل الباب بسرعة و محمد بيبص لجويرية اوى
محمد / من اليوم الى شفتك فية وحاسس ان المصايب بتجرى ورى
جويرية / ازااى امى تعمل فيا كدة ازاااى
محمد / اتفضلى معايا خلينى اوصلك واخلص منك
جويرية / ومين قالك انى عوزاك توصلنى انا مش هتحرك من هناا ابدا انا متاكدة انى هصعب عليها وهتفتحلى الباب
محمد / خلاص انتى حرة هروح انا انام فى الفندق النهاردة
جويرية / انت رايح فين
محمد / اكيد اى مكان متكونيش فية
جويرية / المفروض انك راجل ازااى تسبنى وانا بالحالة دى ولوحدى
محمد / لا ياشيخة انتى مجنونة صح
جويرية بتعيط اوى و محمد بيبصلها وبيقاعد جمبها
محمد / انا شايف انك لازم تستسلمى لكلام والدتك وتسافرى كام يوم عند عمك واعتبرى انك بتغيرى جو
جويرية/ انت عارف يعنى اية الصعيد
محمد / محصليش الشرف
جويرية / لية ياربى لية بيحصلى دة كلو
محمد / طب لما توصلى لقرار كلمينى
جويرية / استنى انا لازم اتحمل العقاب وهسافر
محمد بياخد شنطة جويرية وبينزل و جويرية وره وبيركبو عربية محمد و محمد بيفتح برنامج الموقع فى العربية
جويرية / انت هتقف كتير
جويرية / والله شايف انك مستعجلة انك تروحى عند اعمامك
جويرية / اة فعلا مستعجلة اوى انى اروح عندهم وانا اخر مرة شفتهم كان عندى ٥ سنين
محمد / اهو خلاص الموقع اشتغل وهوصلك بالسلامة وياريت منشفش بعض تانى يااريت
جويرية / يكون احسن يمكن النحس يبعد عنى شوية
جويرية و محمد بيمشو بالعربية
.
**********************************
.
منة و وائل فى الشقة مع نوال
وائل/ بس يا طنط الى بتعملية دة كتير على جويرية
نوال / لااا وانت وهى ليكو عقاب كمان علشان كنتو عرفين طول الوقت دة كلو ومخبين عنى
منة / كنا بس خايفين عليكى
نوال / ازااى تسمحلها انها تضيع مستقبلها الى كنت برسمهلها طول السنين دى كلهاا انا كنت بحلم بالدكتورة جويرية
منة / طب خلاص انتى ارتاحى شوية الوقت اتاخر ولازم تخدى الادوية
مؤيد بيخرج من المطبخ ومعاة كوبية مياة والادوية بتاعت نوال
مؤيد / ماما نوال معاد الادوية بتعتك
نوال / تسلم ايدك يا ابنى
وائل بيبص لمنة اوى
.
**********************************
.
محمد فى الطريق و جويرية نايمة فى العربية و محمد بيقف بالعربية و جويرية بتفتح عنيها
جويرية/ وصلنا
محمد / دى رابع مرة ارجع لنفس المكان برنامج الموقع دة بيخرف بقي
جويرية / يعنى احنا تايهين كدة
محمد / هنتطر اننا نستني للصبح يطلع ونشوف هنعمل اية
جويرية / مبتعرفش تعمل اى حاجة صح ابدا احنا فى الصحرة دلوقتى ولو طلع علينا حاجة دلوقتى يعنى
محمد بيبص لجويرية اوى
محمد / تعرفى تسكتى شوية
جويرية بتسمع صوت من حوليها وبتخاف اوى وبتقفل ازاز العربية بخوف
جويرية و محمد بينامو فى العربية على الطريق و بعد سااعات محمد بيفتح عنية على صوت عربيات و بينزل من العربية ورقبتو بتوجعو اوى وبيحاول يوقف اى حد على الطريق يسال على العنوان وبيسال عن العنوان وبيرجع العربية ويشغلها و جويرية بتفتح عنيها
جويرية / عرفت العنوان
محمد/ لا بس فى قرية قريبة هنروح ومن هناك ممكن حد يدلنا على العنوان
جويرية / هوووف هووف
محمد / والله لو مش عجبك ممكن تنزلى وتخدى اى مواصلة غيرى
جويرية بتبصلو اوى بعصبية ومبتتكلمش و محمد بيشغل العربية وبيمشى وبيبص على جويرية من المرايا وبيروحو على القرية
محمد/ خليكى هنا وانا هسال على العنوان وهرجع
محمد بيروح على اتنين بيزرعو فى الارض وبيقف يتكلم معاهم وبيرجع العربية و جويرية مش موجودة فى العربية
وبيدور عليها بسرعة بقلق وبيشفها من بعيد بتجرى ورى
خروف صغير وبتضحك اوى وبيقاعد على العربية بيتفرج عليها ومبتسم اوى و جويرية بتمسك الخروف الصغير وبتحضنو اوى ومبسوطة وبتروح تحطو جمب امو وبتبص
لمحمد اوى وبترجع العربية
جويرية / عرفت العنوان
محمد / اول مرة اشوفك بتضحكى
جويرية بتتكسف وبتهرب بعنيها
جويرية / الجو هنا حلو اوى
محمد / عن راى انتى هتتقالمى مع اعمامك الجو هنا هينسبك جدا
جويرية / لا ياشيخ
محمد / مفيش حد هنا يعرف قرية اسمها قرية ابو العز
جويرية / هنعمل اية
محمد / قررى حضرتك
جويرية / انا جعانة
وفى واحد بيروح عليهم وهم وقفين
الشخص / انتو مش من هنا
محمد / احنا بندور على قرية ابو العز لو حد يقدر يدلنا عليها
الشخص / انا مسمعتش عنها بس ممكن جدى يعرف
محمد / خلينا نروح نسالو
الشخص / بس هو نزل للصيد وهيرجع العصرية
جويرية / هنعمل اية دلوقتى
الشخص / ممكن تيجو ترتاحو عندى شوية لحد ما يرجع
محمد بيبص لجويرية
الشخص / تعالو اتفضلو الدار هنا اهى قريبة اتفضلو
محمد بياخد جويرية وبيروح معاة
جويرية / احنا منعرفهوش يمكن هيخطفنا ويقتلنا ويقطعنا حتت
محمد / تعرفى تسكتى شوية
وبيروحو معاة على البيت بتاعو
الشخص / دى فاطمة مراتى اتفضلو دوول ضيوف
فاطمة / اهلا اهلا اتفضلو
وبيدخلو بيت بسيط اوى بس فية طاقة وسعادة ملهاش مثيل
محمد / احنا اسفين للزعاج
سعد / فاطمة جهزى الفطار للضيوف
فاطمة / حاضر
وفاطمة بتروح بسرعة
سعد / متقلقوش جدى عارف كل شبر فى البلد واكيد هيدلكو على العنوان
فاطمة بترجع ومعاها فطار لجويرية و محمد عبارة عن بيض وجبنة وعيش
سعد /هى حاجة بسيطة
محمد / لا بالعكس احنا بس تعبناكو معانا
فاطمة / انتو باين عليكو متجوزين جداد صح انتو ليقين على بعض اوى.
محمد بيبص لجويرية
سعد / معلش اصل فاطمة مبتعرفش تسكت ابدا
فاطمة / هو انا قولت حاجة
سعد بياخد فاطمة وبيسيب جويرية و محمد
جويرية / انت لية مقولتلهمش اننا مش متجوزين
محمد / وانتى متكلمتيش لية
جويرية / عوزنى اشرحلهم صلة القرابة الى بينا ازااى يعنى
محمد / يبقي تاكلى وانتى ساكتة
جويرية / يووة مش عوزة اكل
جويرية بتخرج برة وبتقعد قدم الدار ومديقة اوى و محمد بيبص عليها من بعيد و بعد شوية محمد بيخرج لجويرية وبيقاعد جمبها و جويرية بتبص فى الاتجاة التانى
محمد / ممكن تكون دى اخر مرة اشوفك فيها
جويرية / يكون احسن والله.
محمد / انا غلطان علشان شفتك مديقة وجيت اتكلم معاكى
جويرية / انا كل لما بشوفك بتعصب
محمد / لا بجد وانا يعنى الى هموت علشان اشوفك
فاطمة بتروح عليهم
فاطمة / اهدو يا جماعة فى اية
محمد و جويرية مبيردوش ومديقين اوى
فاطمة / هو كدة فى اول الجواز بيكون فى شوية مشاكل بس بعد كدة خلاص هتكونو فهمتو بعض كويس
جويرية / دة مش جوزى ماشى.
فاطمة / لا ميصحش كدة مش من اول مشكلة دة انا وسعد ياما اتخانقنا فى اول جوزنا مع انو خطفنى من اهلى واتجوزنى غصب عنهم.
جويرية / الله يعنى انتو كان فى بينكو قصة حب
محمد بيبص لجويرية اوى و فاطمة بتتكسف وبتضحك وبتخبى وشها
فاطمة / تعالى معايا وانا احكيلك فى الطريق
جويرية بتروح مع فاطمة
محمد / استنو ريحين فيين
سعد بيخرج من البيت
سعد / متقلقش عليها هيروحو يجيبو فاكهة من الجنينة الى هناك دى
محمد بيبص على جويرية وهى ماشية مع فاطمة
سعد / انتو ريحين علشان شهر العسل زى ما بيقولو
محمد / لا جويرية ليها اعممها هناك وهى ريحة كام يوم عندهم.
سعد / اشرب الشااى اتفضل
بعد شوية محمد رايح جااى قدم البيت وقلقان فاطمة
و جويرية اتاخرو اوى
سعد / متقلقش زمنهم جيين
محمد / لا اتاخرو اوى خلينا نروح نشفهم احسن
سعد / تعالة معايا
محمد وسعد بيروحو على جنينة الفاكهة وبيدورو عليهم
وبيشوفو فاطمة بتقطف فرولة
محمد / فين جويرية
فاطمة / كانت هنا جمبى ممكن تكون راحت عند شجر التفاح هناك
سعد / وازاى تسبيها لوحدها
محمد بيجرى فى اتجاة الى فاطمة بتشاور علية وسعد وفاطمة وره
سعد / متخفش الجنينة امان
محمد / جويرية جويرية.
جويرية / انا هنااا
وبيبصو بيشوفو جويرية طلعة على شجرة التفاح
محمد / انتى بتعملى اية عندك
جويرية / بجيب تفااح
محمد بعصبية
محمد / انزلى حاالا
جويرية / متتعصبش عليا مش هنزل
محمد / انزلى من عندك
جويرية / لا مش هنزل يعنى هتعمل اية
ولسة جويرية بتتحرك ورجليها بتتزحلق وبتصرخ و محمد بيجرى عليها وبيلحقها بسرعة جويرية بتقع على محمد
و سعد وفاطمة بيجرو عليهم و فاطمة بتبتسم وبتخبى وشها من الكسوف لما بتشوف جويرية فى حضن محمد على الارض
سعد / حصلكو حاجة
محمد بيقف وبيبص لجويرية اوى
محمد / فيكى حاجة
جويرية / لاااا
محمد / كان مهم اوى يعنى انك تعندى افردى كان حصلك حاجة
جويرية / انت الى خلتنى افقد تركيزى ووقعت
سعد / خلونا نرجع زمان جدى رجع من الصيد
جويرية لسة هتتحرك ورجليها بتوجعها
جويرية / ااة ااة رجلى
محمد بيروح عليها بسرعة وفاطمة بتشوف رجليها
فاطمة / متقلقيش دى بس من الخبطة
سعد / خلينا نروح على الدار
جويرية مش عرفة تمشى وفجاة رد فعل من محمد بيشيل جويرية بين دراعو و جويرية بتبصلو اوى وهو بيبصلها
فاطمة / خلينا نروح احطلك عليها كمدات مياة سخنة
وبيمشو و محمد شايل جويرية
جويرية / اوعة توقعنى تانى
محمد / لو مسكتيش هرميكى فى الترعة دى
جويرية / انت رخم اوى على فكرة
وبيروحو على البيت
فاطمة / دخلها هنا في الاوضة
محمد بينيم جويرية على السرير وفاطمة بتجيب كمادات مياة سخنة
فاطمة /خد اعملها الكمادات لحد ما اروح اعملكو حاجة سخنة تشربها
جويرية بتاخد الكمادات من محمد
جويرية / لا انا هعملها بنفسى
محمد بيخرج من الاوضة وببيسبها
محمد / الجو ليل ولسة جدك موصلش
سعد / على حسب تسهيل ربنا البحر ملوش موعييد
وبيشوف جد سعد بيوصل البيت
سعد / محمد تعالة هو دة جدى اتفضل اقاعد
محمد / احنا كنا عوزين نسالك على قرية اسمها قرية ابو العز
الجد / قرية ابو العز قرية ابو العز يااة بس دى بعيدة يا ابنى
محمد / لو حضرتك تدلنا على الطريق لازم نروح هناك
الجد / بس دى على الجبل
سعد / دى بعيدة فعلا
الجد / خليك هنا للصبح واول ما النهار يطلع هبعت معاكو سعد هو يعرف الجبل كويس مش هتقدر توصل لوحدك
سعد / يبقي الصبح نتوكل على الله
محمد / من راى اننا نمشى دلوقتى احسن
محمد بيروح على الاوضة الى فيها جويرية وفاطمة بتخرج من الاوضة
فاطمة / نامت من التعب
محمد بيبص على جويرية وهى نايمة
سعد / يبقي بكرة الصبح نطلع على الجبل باذن الله
فاطمة / دى جلبية من عند سعد علشان ترتاح فيها
محمد / لا ملوش لازوم
سعد / متقلقش فاطمة بتغسل كويس جدا
محمد / مش قصدى شكرا
محمد بياخد الجلبية وبيغير هدومه وبيخرج يقاعد مع سعد وجدو قدم الدار وبيشربو شااى وبيتكلمو مع بعض
سعد / يلا روح نام مع مراتك علشان نصلى الفجر ونمشى
محمد مش عارف يقول اية
محمد / انا ممكن انام هنا اصلا مش جيلى نوم
سعد / برحتك تصبح على خير
محمد بيقاعد قدم الدار وبيروح فى النوم
.
**********************************
.
جويرية بتفتح عنيها وبتتخض
جويرية/ محمد محمد اكيد مشى وسبنى هنا انا الى غلطانة انا الى اتعصبت علية
جويرية بتعيط بخوف وبتخرج من الاوضة
جويرية / محمد محمد
فاطمة بتجرى عليها
فاطمة / فى اية مالك
جويرية / محمد مشى وسبنى لوحدى انا انا الى زعلتو
محمد / جويرية
جويرية بتبص وره وبتشوف محمد واقف وبتجرى علية وبتحضنو وبتعيط
فاطمة وسعد بيبصلهم اوى
محمد / جويرية
جويرية بتبعد عن محمد بسرعة وبتمسح دموعها
جويرية / كنت بحسبك مشيت وسبتنى
محمد / انا متعوتش اسيب اى حاجة ناقصة ابدا
الفجر بياذن
سعد / خلونا نصلى الفجر فى الجامع ونتكل على الله
وسعد بيخرج
محمد / جهزى نفسك علشان نمشى
جويرية بتهز رسها بنعم و محمد بيمشى ورى سعد وبيروحو على الجامع و فاطمة بتبص لجويرية اوى وبتبتسم
فاطمة / تعالى نجهز الفطار لحد ما يرجعو
جويرية وفاطمة بيروحو يجهزو فطار لمحمد وسعد و جويرية لاول مرة بتخبز عيش ومبسوطة اوى وفاطمة بتعلم جويرية
بعد شوية سعد و محمد بيرجعو و محمد بيشوف جويرية
لبسة طرحة على رسها من عند فاطمة وبتضحك هى وفاطمة
سعد / فاطمة
جويرية بتبص وره بتشوف محمد بيبصلها
فاطمة / يلا افطرو قبل ما تروحو
وبيقاعدو كلهم على الفطار
فاطمة / جويرية ادى جوزك العيش الى انتى خبزتية
جويرية / لا هو محرووق
سعد / لو تعرفو انا فضلت اكل عيش محروق من ايد فاطمة قد اية مش هتصدقو
وفاطمة وسعد بيضحكو اوى وبيبصو لبعض
محمد / خلينى اشوفو انا
جويرية بتدى محمد رغيف عيش محروق ومعوج اوى
جويرية/ سيبو متكلش منو
محمد بياكل منو
محمد / بس حلو
جويرية بتبتسم اوى
جويرية/ مدام حلو خد كل دة كمان انا الى عملاة بايدى
محمد / مش للدرجة دى يعنى كدة هنروح على المستشفى
والكل بيضحك وبيشربو الشاى
جويرية / محمد عوزة الشنطة من العربية اغير هدومي لو سمحت
محمد بيجيب الشنطة لجويرية و جويرية بتروح مع فاطمة
فاطمة / الله لبسك دة حلو اوى
جويرية / يلا اختارى الى انتى تحبية منو
فاطمة / لا ميصحش مبروكين عليكى يا حببتى
جويرية / انا حبة اسبلك حاجة ذكرى ليا علشان تفتكرينى لما اروح
فاطمة بتحضن جويرية اوى و بعد شوية جويرية بتخرج لمحمد و محمد وسعد وقفين جمب العربية و محمد بيشفها بيروح عليها بياخد منها الشنطة وبيركبو العربية وبيوصلو على القرية وسعد معاهم وبيسالو على بيت عيلة ابو العز والناس يدلوهم علية
.
**********************************
.
محمد / سعد انا مش عارف اشكرك ازاى
سعد /ولا شكر ولا حاجة بس توعدونى انى هشفكو تانى
محمد / اكيد هنتقابل
سعد / سلام يا مرات اخويا
جويرية بتبص لمحمد اوى وفى واحد معة سلاح وضخم بيروح عليهم
شخص / انتو ميين وعوزيين ميين
سعد / دول جماعة بيسالو على عيلة اسمها ابو العز يابلديات
الشخص دة بيبص لمحمد و جويرية اوى و جويرية بتخاف منو وبتمسك فى محمد
الشخص / انتو عوزين مين بالظبط
جويرية / عمى عمى منصوور
الشخص / منصور بية واقولو مين
سعد / قولو الاستاذ محمد ومراتو المدام جويرية
جويرية / لااا اااة اةة
سعد / انا لازم اروح علشان ارجع قبل الليل
محمد و جويرية بيودعو سعد وبيمشى
.
**********************************
.
والحارس بيدخل بيت كبير بساحة كبيرة وبيخرج بعد شوية
الحارس /منصور بية بيقولكو اتفضلو
جويرية مسكة فى دراع محمد بخوف
جويرية / انا خايفة خلينا نمشى
محمد / هشششش
وبيدخلو عند عم جويرية منصوور ومعاة تلاتة رجالة
و منصور بيبص لجويرية اوى و محمد
جويرية / انا جويرية علي ابو العز
منصور بيروح على جويرية و جويرية خايفة منو وبيحضنها فجاة
منصور / اهلا ببنت اخويااا اهلييين وسهليين
جويرية بتبتسم اوى وفى واحد ورى منصور بيتكلم
شاهين / اهلا يا بنت عمى ميين دة الى معاكى
جويرية / دة محمد
منصور / يعنى صح الى سمعناة انتى اتجوزتى فعلا
محمد / فى سوء تفاهم هو فى الحقيقة
منصور / ازاى امك تعمل كدة وهى عارفة ان انتى و شاهين ابن عمك مكتبين لبعض
جويرية / نعم
شاهين / اة ابوى وعمى علي قراء فتحتنا واحنا صغيريين
محمد بيبص لجويرية
جويرية / بس دة كان زمان دى عادات وانتهت خلاص
منصور بصوت عالى
منصور / العادات عندنا عمرها مابتنتهى ابدا يعنى انتى اتجوزتى
محمد / لااا
جويرية / اااة انا و محمد اتجوزناا
وردة ✍️
التعليقات على الموضوع