رواية حب الي النهاية الحلقة السابعه
🌟 الحلقة 7 🌟
.
🌟🌟🌟🌟🌟🌟🌟🌟🌟🌟🌟🌟🌟🌟🌟🌟
.
جويرية / اية الشنط دى كلها
منة / طنط نوال هى الى طلبت ان مؤيد يتصل بالسواق يجبلهم حاجتهم كلها من الفندق
محمد بيدخل وبيشوف الشنط
محمد / دى الشنط بتعتى
جويرية / اة احنا هنفتح البيت فندق ليك انت واخووك شفت ازااى
نوال بتخرج من الاوضة
جويرية / ماما انتى الى قولتى
نوال / اة انا عندك مانع
جويرية / لا طبعا يا ماما الى انتى عوزاة بس اكيد احنا كدة هندايق محمد اكيد عندو شغل كتيير اة وكمان لازم يسافر
محمد بيبص لجويرية
محمد / لا انا هكون مرتاح هنا اكتر وكمان انا مكنتش حابب الفندق
ريم / افهم من كدة انك متواجد فى مصر فترة
محمد / ةا خدت ميعاد من والدك كمان
ريم بتروح على محمد
ريم / هيكون بينا شغل اكيد
محمد / دة شرف ليا طبعا
جويرية متغاظة جدا
مؤيد / انا هاخد الشنط على الاوضة
منة /جويرية يا روحى انا فى الشقة لو احتجتى حاااجة
منة بتهرب بسرعة من جويرية وكل واحد بيروح فى مكان الا جويرية وقفة مكنها وهتفرقع من الغيظ
.
**********************************
.
فى الليل
طاهر بيرن على جويرية
جويرية / ماما انا نزلة شوية مش هتاخر
جويرية بتنزل و طاهر واقف مستنيها
طاهر / خلينا نتمشى شوية
جويرية / اوكى بس مش كتير علشان ماما
طاهر و جويرية بيتمشو و محمد بيشفهم وهو راجع بالعربية على البيت وبيشوف طاهر وهو بيلف دراعو حولين جويرية وهما مشيين وبيروح على البيت
.
**********************************
.
نوال / اهلا يا ابنى تعالة تحب اجهزلك العشاء
محمد / لا شكرا حضرتك عاملة اية دلوقتى
نوال / الحمد لله يا ابنى
الباب بيخبط ومؤيد بيفتح وبتدخل منة من الباب و ورها وائل
منة / انت لازم تطلقنى
نوال / اعوذ بالله فى اية مالكو يا ولاد
وائل / شايفة شايفة ياطنط بتقول اية
منة / اية متكمل قولها حضرتك عملت اية قوول
وائل / دة كلو علشان شافت صورة ليا انا ومريضة عندى فى المستشفى على الفيس
منة / بس كدة واية البنت كاتبة مع احلا دكتور شفتو عنيا
وائل / طب اعمل اية انا هو انا قولتلها اكتبى كدة
منة / وانت بتتصور معاها لية اصلا انت رايح تعالجها ولا رايح تتصور معاها ولا ممكن تكون مش مريضة عندك وتكون اتجوزتها عليا اااة اتجوزتها عرفى كمااان اااة يااخاين وعندك ولاد صح وانا كنت حاسة
جويرية بتدخل بسرعة وسمعة صوت منة
وائل / منة بلاش جنان انتى جوزتينى وكمان خليتى عندى ولاد
جويرية / فى اية ملكو
منة بتحضن جويرية وبتعيط
وائل / والله العظيم مجرد مريضة عندى قالتلى ممكن ناخد صورة قولتلها اوكى عادى يعنى
نوال / بس بس انت هى اقاعدو هنااا يلااا
نوال وكلهم بيقاعدو
محمد / مؤيد خلينا ندخل جوة شوية
نوال / اقاعد انت وهو انتو من العيلة برضو يلا كلو يقاعد
منة / مستحيل اصدقو يا طنط هو خااين
وائل / انتى الغيرة اكلت دماغك
منة / انا كنت حاسة انك بتخنى انا كنت حاسة بكدة كان بيرجع كل يوم تعبااان ومش قادر واقولك نسهر تقولى تعبان خليها يوم الخميس صح
وائل / منة شوفى انتى بتقولى اية
مؤيد بيضحك و محمد بيضرب مؤيد على دماغو
نوال / وائل يا ابنى البنت دى انت تعرفها
وائل / صدقينى مجرد مريضة عندى عادية
نوال / منة وائل عمرو ما بيكدب عليا ابدا
وائل / ولو تحبى اكلمها قدمك حالا وتسمعى كلمنا واطلب منها تمسح الصورة
منة / اة متفق معاها علشان تخدعونى
جويرية / يووة منة خلاص بقي وائل مستحيل يعمل حاجة زى دى
منة / انتو مخدوعين فية
وائل / ماشى يا منة اعملى الى انتى عوزاة وانا هروح شقتنا
جويرية / وائل استنى وائل وائل
وائل مدايق وبيخرج و منة بتعيط وبتروح أوضة جويرية
نوال /الولاد دوول مش هيكبرو ابدا
نوال بتروح على اوضتها و جويرية بتبص على محمد
محمد / اية انا كمان الى روحت قلتلو اتصور مع البنت دى
جويرية / انا دماغى مصدعة ومش عوزة جدال معاك تانى
جويرية بتروح على البلكونة وبتقف سرحانة وبعد شوية مؤيد معاة كوبية برتقال ورايح وبيتكعبل وهو ماشى والكوبية بتقع وبتتكسر و جويرية بتجرى على برة بسرعة وبتشوف مؤيد
مؤيد / اسف انا هنضفها حالا
ومؤيد لسة هيمسك الازاز المكسور
جويرية / حاسب ابعد ايدك هتتعور
مؤيد / لا انا هنضفو
ومؤيد لسة هيمسك الازاز بيتعور فعلا
مؤيد / ااة
جويرية بتجرى علية وبتمسك ايدو بسرعة و محمد واقف بيبص عليهم من بعييد
جويرية / تعالة معايا لازم تطهر الجرح بسرعة
جويرية بتاخد مؤيد و بتجيب الاسعافات وبتضف الجرح لمؤيد بعناية جدا و مؤيد مبتسم اوى وبيبص لجويرية
جويرية / مالك بتبصلى لية كدة
مؤيد / لا مفيش
جويرية بتشوف محمد واقف ومبتسم هو كمان
جويرية / لو حصل كدة مع قطة الجيران كنت عملت نفس الى عملتو
محمد / اة طبعا ما انا عارف
جويرية بتتعصب وبتروح على اوضتها
محمد / انت كويس
مؤيد / كانت خايفة عليا صح
محمد / يلا علشان تنام يلااا
.
**********************************
.
محمد مش جيلو نوم خالص وبيخرج من الاوضة وبيشوف منة قاعدة بتعيط لوحدها فى الصالة وبيروح عليها
محمد/ ممكن اقاعد
منة بتمسح دموعها بسرعة
منة / اة طبعا اتفضل
محمد/ انا مينفعش انى اتدخل بينكو بس انا متاكد ان هو كمان مش هيعرف ينام وانتى بعيدة عنو
منة بتبص لمحمد
محمد / وعيونك بتقول نفس الكلام متضيعيش اى لحظة وانتو مع بعض بلاش تندمى
منة / يعنى انت رايك انى اروحلو
محمد / مش انا الى بقول انتى الى بتقولى
منة بتبتسم و جويرية بتكون وقفة بتسمعهم
جويرية / يلا روحى على شقتك زمان وائل مستنيكي انا متاكدة
منة بتبتسم اوى لجويرية و محمد وبتجرى على باب الشقة وبتفتحو وبتشوف وائل واقف قدم باب الشقة و وائل بيبصلهم اوى وبيبص لمحمد و جويرية و منة
وائل / انا كنت جاى يعنى انا
منة بتجرى فى حضن وائل وبتعيط
وائل / وحشتينى اوى
منة / اسفة اسفة اسفة
وائل بياخد منة وبيروح على شقتهم بسرعة و جويرية بتقفل الباب وبتبص لمحمد
جويرية / انا هعمل قهوة تشرب معايا
محمد / لو دة مش هيزعجك
جويرية بتروح تعمل قهوة وبتروح تقف مع محمد فى البلكونة
محمد / انا عارف ان الى عرفتية كان صعب عليكى بس
جويرية / بليز ممكن منتكلمش فى الموضوع دة
محمد / طبعا ولو تحبى ممكن اخد القهوة اشربها فى الاوضة
جويرية / لاا مقصدش
وبيقفو هم الاتنين مع بعض فى البلكونة ومبيتكلموش خالص
وبيسمعو صوت مؤيد بيصرخ وبيجرو على الاوضة بسرعة
وبيكون مؤيد بيحلم
مؤيد / امى امى باابااباابااا
محمد / مؤيد مؤيد
مؤيد بيتخض وبيفتح عنية وبيبص لمحمد و جويرية
محمد / مؤيد كان كابوس
مؤيد /اة كابوس
مؤيد بيبص لجويرية اوى
مؤيد / انتو كنتو مع بعض
جويرية / تصبحو على خيير
محمد بيضرب مؤيد بالمخدة
مؤيد / كان مجرد سؤال
.
**********************************
.
فى الصباح
جويرية بتخرج من الاوضة وبتشوف منة بتحط الفطار على السفرة
جويرية / صباح الخير
منة/ صباح الخير يا روحى
جويرية / وائل مش هنا
منة / لا عندو مستشفى ومشى بدرى
جويرية / ماما انا هخرج عندى شغل
محمد بيخرج من الاوضة
محمد / صباح الخير
منة / صباح الخير يلا الفطار جااهر
محمد / عندى اجتماع مهم لازم امشى
نوال بتخرج من المطبخ ومعاها صانية عليها كوبيات لبن
نوال / مفيش نزول غير لما تفطرو الاول
جويرية / ماما انتى لية بتتعبى نفسك يا حببتى
متشليش حاجة بلييز.
نوال/ مؤيد يلا يا حبيبى هات الفطاير من عندك
ومؤيد بيخرج من المطبخ ولبس المريلة بتاعت المطبخ ومعاة طبق فى فطاااير
مؤيد / جويرية ماما نوال قالتلى انك بتحبى فطاير بالجبنة
نوال / يلا يا ولاد يلا الفطار هيبرد
والكل بيقاعد على السفرة ولسة جويرية هتاخد من القطاير موبيلها بيرن وبيكون طاهر وبتاخد الموبيل بعيد وبترد علية
وبترجع تاكل وهى وقفة
نوال / يا بنتى اقاعدي افطرى كويس
جويرية / معلش يا ماما عندى شغل
محمد / انا كمان استاذن لازم امشى
نوال / محمد ممكن توصل جويرية معاك بدل المواصلات
جويرية / لاا يا ماما انا هاخد تاكسى
منة/ تاكسى اية خلى محمد يوصلك احسن
محمد / اتفضلى
جويرية و محمد بينزلو مع بعض
محمد / انتى ريحة فيين
جويرية / انا
طاهر بيقف قدم جويرية و محمد
طاهر / صباح الخير
جويرية بتبتسم اوى
جويرية / صباح النور اتاخرت عليك
طاهر بيبص لمحمد
جويرية/ طاهر خلينا نمشى يلا لازم نلحق البروفات يلااا
جويرية بتركب ورى طاهر على الموتوسكل و محمد بيتجاهل الى حصل وبيروح يركب العربية وبيمشى
.
**********************************
.
طاهر / انا مش فاهم يعنى مؤيد واخوكى مفيش مشكلة بس دة لية يقاعد معاكو
جويرية / طاهر قولتلك ماما هى الى اثرت انهم يفضلو معانا لفترة
طاهر / انا مش مرتاح ابدا
جويرية / ممكن تبص قدمك احسن نعمل حادثة
.
**********************************
.
محمد بيروح على شركة كبيرة وفى موظف فى استقبالو
وبيخدو على مكتب وبيدخل
ريم / اهلا يا بش مهندس اتفضل
محمد بيقاعد مع ريم وبيتكلمو فى الشغل
ريم / انا متاكدة ان الشراكة دى هتنجح
محمد / وانا كمان متفائل بكدة كمان يومين هيكون كل المكينات فى المخازن
ريم / تحب تشرب اية نسيت اسالك
محمد/ قهوة سادة لو سمحتى
.
**********************************
.
جويرية بتعمل بروفات على المسرح مع فرقة وبتشوف طاهر
واقف مع بنت وبيضحك اوى و جويرية مش عرفة تركز مع الفرقة وبتتلغبط
جويرية / اسفة خلينا نعيد من تانى
وبتحاول تركز معاهم وبتغنى وبتشوف البنت بتحط اديها على صدر طاهر و جويرية بتتعصب وبتروح عليهم
جويرية / طاهر اظن اننا جيين هنا علشان الشغل
طاهر/ جويرية اهدى فى اية
والبنت بتديق وبتمشى وبتسبهم
جويرية / ممكن اعرف اية المياعة دى
طاهر / انتى احرجتينى قدمها
جويرية / لا ياشيخ احرجتك هو دة كل الى همك احراجك
طاهر / جويرية فى الشغلانة دى لازم نتنازل شوية علشان الحكاية تعدى الى حضرتك شفتيها دى كانت بتتفق معايا على شغل جديد
جويرية / انا مش عوزة الشغل الى من النوع دة
طاهر / جويرية احنا مش هنقدر نستمر بالطريقة دى
جويرية بتبص لطاهر اوى وبتمشى وبتسيبو
طاهر / جويرية جويرية استنى
**********************************
.
في الليل
جويرية بترجع على البيت واول ما بتدخل بتشوف نوال وقفة وباين عليها متعصبة اوى و وره مؤيد و منة و محمد قاعد بعيد لوحدو
جويرية / ماما
نوال بتقرب على جويرية وبتضربها بالقلم و منة بتصرخ ومش مصدقة
نوال / انتى كدبتى عليا انتى خدعتينى طول السنين دى كلها
وبتكدبى عليا وبتخدعينى انا تعبت السنين دى كلها ووقفت قدم اعمامك وربيتك احسن تربية وكان حلمى انك تكونى دكتورة كبيرة وبعد دة كلو اعرف انك بتغنى فى الحفلات والنوادى هى دى اخرتها يا بنتى هى دى اخرت تربيتى فيكى
منة / طنط انتى فاهمة غلط
نوال بتروح على اوضتها و جويرية بتقاعد على الارض وبتعيط اوى و منة مع نوال فى الاوضة ومؤيد بيروح على جويرية وبيملس على شعرها و جويرية بتبعدو عنها بعنف
جويرية / ابعد عنى
محمد / جويرية انتى
جويرية / انا متاكدة ان انت الى قولتلها وكنت عامل نفسك محترم اوى بس انت
منة / جويرية محمد ولا مؤيد ليهم زمب طنط شافت الحفلة فى التلفزيون حفلة عيد ميلاد ريم
جويرية بتروح على أوضة والدتها
منة / جويرية استنى خليها شوية ترتاح وبعدها نتكلم معاها
جويرية بتعيط اوى و منة بتحضنها اوى
محمد / مؤيد خلينا حلينا ناخد حاجتنا ونروح
مؤيد / بس جويرية
محمد / خلاص مؤيد كفاية
مؤيد / مقدرش اسبها وهى فى الحالة دى هم يومين وبس
جويرية بتروح على أوضة والدتها و منة ومؤيد بيقفو برة الاوضة بقلق و بعد دقايق جويرية بتخرج من الاوضة وبتعيط وبتخرج من الشقة بسرعة
منة / جويرية جويرية استنى جويرية
منة / مؤيد خليك مع جويرية مقدرش اسيب طنط
ومؤيد بيروح ورى جويرية وبيدور عليها ومش موجوودة
و بيدور حولين البيت ومش موجوودة وبيرجع البيت قلقان اوى
منة / مؤيد فين جويرية
مؤيد / مش عارف دورت عليها
منة / يااة جويرية ياالله
محمد / متقلقوش انا هشفها
.
**********************************
.
محمد بيروح يشوف جويرية فى نفس المكان الا جويرية بتكون قاعدة بتعيط و محمد بيروح عليها
جويرية / انت اية الى جابك هنا
محمد / منة كانت قلقانة عليكى
جويرية بتعيط اوى و محمد بيطلع منديل لجويرية
و جويرية بتخدو منو
جويرية / ماما بتكرهنى دلوقتى
محمد / لا مش كره ممكن تقولى خيبة امل بس
جويرية بتعيط اوى وبتبص لمحمد
محمد / مش معايا منديل تانى ومن الاحسن انك تفكرى تخليها تسمحك ازااى مش تقاعدي تعيطي كدة مفيش حد اجبرك انك تكدبى عليها
جويرية / انت معندكش قلب انت شيفنى بالحالة دى وانت
محمد /خلاص لو مش عوزة تسمعى خلاص انا هقاعد هنا واتفرج على البحر والجو الجميل اااة الجو حلو اوى مدام مش عوزة تسمعى اوكى عادى خليكى عيطي عيطي يلا سكتى لية
جويرية / انت عوزنى اعمل اية يعنى
محمد / كدة انتى ممكن تسمعى اولا كفاية منخيرك احمرت اوى ثانيا نفكر هتقدرى تعملى اية علشان امك تثق فيكى من تانى
جويرية/ مش عارفة
محمد / اولا هتنسى موضوع الفن دة خالص لفترة ثانيا هدورى على شغل مناسب ليكى وبشهدتك
جويرية / انت فى مصر مش بسهولة كدة ممكن القى شغل
محمد / مكن اساعدك
جويرية / مش عوزة مساعدة من حد
محمد / اوكى
جويرية / هو اية الى اوكى
محمد / نعم
جويرية / يعنى لازم تساعدنى وتتحايل عليا
محمد بيضحك و جويرية بتبصلو وبتضحك
جويرية/ اسفة على تصرفى معاك وانفعالى عليك
محمد / لا ولا يهمك عادى اتعود على عصبيتك وتقريبا بقي عندى مناعة كمان
جويرية بتضحك اوى
محمد / خلينا نرجع ونتكلم مع والدتك بهدوء
.
**********************************
.
جويرية و محمد بيرجعو على البيت و جويرية بتشوف شنطة هدومها قدم باب الشقة
جويرية/ دى شنطتى
محمد بيخبط على الباب و نوال بتفتح
جويرية / ماما انا
نوال / انا اتصلت باعمامك وقولتلهم انك هتسفرى عندهم
جويرية / اية مش فاهمة
نوال / انا معرفتش اربى صح روحى لاعمامك
جويرية / ماما انتى اكيد بتهزرى صح
نوال / لا مش بهزر هتسفرى الصعيد عند اعمامك وهناك
هتعيشى
وردة ✍️
التعليقات على الموضوع