رواية آدم و حواء الحلقه 68
🍎 الحلقة ٦٨ 🍎
.
🍎🍎🍎🍎🍎🍎🍎🍎🍎🍎🍎🍎🍎🍎🍎🍎
.
زياد / احكيلى على كل حاجة كنتى سعيدة معايا
شمس بتمسك ايدو بقوة وبتبوس كف ايدو
شمس / انا اسعد زوجة فى الكون كلو
الباب بيخبط وبيدخل فهد من الباب
فهد/ خالى حمدالله على سلمتك
زياد / خالى
شمس / حبيبى دة فهد ابن اختك
فهد / يعنى انت فعلا نسيت كل حااجة زى ما قالو
شمس / بس لوقت بسيط بس
.
حسام فى مكتبو والباب بيخبط
حسام / ادخل
وريم بتدخل المكتب
ريم / صباح الخير يا حضرة البش مهندس
حسام بيقف بسرعة وبيسلم عليهاا
حسام / اهلا ريم
ريم / دى كل الاوراق القانونية الى طبتهاا
حسام / ولية تعبتى نفسك وجيتى بنفسك هناا كنتى ابعتيهاا
ريم / حسام انت مدايق منى فى حاجة
حسام / انا لاا ابدا
ريم / مش عارفة حاسة انك متغير شوية مش عارفة
حسام / لا ابدا بس دماغى مشغولة فى الشغل انتى عارفة بابا سبلى كل الشغل على دماغى
ريم / ربنا يوفقك اة متنساش النهاردة عيدميلاد لياا
حسام / النهاردة الحمدلله انك فكرتينى دى كانت لياا اكلت دماغى
ريم بتضحك
ريم / لما تحددو المكان كلمونى سلام انا لازم امشى
حسام / انتى لسة مشربتيش حاجة
ريم / وقت تانى عندى محاضرات النهاردة السلام عليكم
ريم لسة بتخرج وبتقابل رامى صاحب حسام من زمان
ريم / رامى
رامى / ريم عاملة اية
ريم/ الحمد لله بخيير انا لازم امشى مستعجلة بعد ازنك
وحسام بيبص لرامى الى دخل المكتب
رامى / اية يا بش مهندس عامل اية قولت مبتسالش اسال انا باة
حسام / تعالة اقاعد تعاالة
حسام باين علية الحزن ومدايق اوى
رامى / انت لسة زى ما انت هتفضل تتعذب كدة كتيير
حسام / كل لما بقول خلاص لازم اقولهاا بس كل مرة لسانى بيتربط وكمان خلاص هى قالتها انها بتعتبرنى زى اخوها
رامى / يعنى انت قولتلها
حسام / لااا
رامى /خلينا نخرج نتغدا مع بعض انا وانت ونتكلم برة يلا تعاالة
حسام بيروح مع رامى وبيخرجو من الشركة
.
**********************************
.
هاني قاعد فى اوضته و مريم بتدخل
مريم / هاني انت خارج
هاني / اة هقابل مجموعة من اصحابى وهنتغدا مع بعض
مريم / وانا هفضل لوحدى كالعادة يعنى
هاني / اظن انك لازم تكونى اتعودتي على طبيعة شغلى وعلاقاتى
مريم / مفيش فايدة فى الكلام معااك ممكن توصلنى فى طريقك
هاني / على فين
مريم / هروح اطمن على زياد
هاني / بسرعة علشان متاخر
مريم مديقة اوى
.
**********************************
.
سهي فى الاوضة وقفة قدم المراياا وبتدقق اوى فى شعرهاا
و محمود بيخرج من الحمام
محمود / انتى لسة وقفة قدم المرايا
سهي / شايف كام شعرايا بيض ضهرو عندى
محمود / واية يعنى
سهي / واية يعنى
محمود / هو انتى لسة فكرة نفسك بنت ٢٠سنة ولا اية
دى بنتك عروسة
سهي / محمود
محمود / خلاص اسف انا غلطاان سلام
سهي / رايح فين
محمود / عندى اجتماع بعد نص ساعة
سهي / انت ناسى ان النهاردة عيد ميلاد بنتك وبتقولى اجتماع
محمود / انا اتفقت مع ليا هناجل الاحتفال علشان زياد لما يرجع بالسلامة ونحتفل كلنا مع بعض
سهي / انا ريحة عند والدتك
محمود / لية
سهي / اية انت نسيت ان زينب رجعة النهاردة
محمود / يااة نسيت
محمود / لو خلصت بدرى هعدى عليكى سلام اخرتينى سلام
.
**********************************
.
زياد وكريم ورودى قاعدين فى اوضة زياد وبيتكلمو مع بعض وبيضحكو اوى والباب بيخبط وبتدخل ليا و زياد بيبصلها اوى
ليا / عامل اية يا عمو دلوقتى
شمس / دى بنت سهي و محمود
زياد / الحمد للة اتفضلى
ليا / لا انا جاية اخد كريم وليا معاياا
شمس / هتروحو فين
ليا / النهاردة عيد ميلادى ونتجمع احنا وريم وحسام ونخرج نتعشا مع بعض ونغير جو
شمس / كل سنة وانتى طيبة يا حببتى
كريم رودى / كل سنة وانتى طيبة
ليا / يلا الشباب مستنين هنااك
كريم / معلشى يا ليا مش هقدر اسيب بابا
شمس / كريم روح يا ابنى غير جو شوية انا مع بابا متقلقش
رودى / خلينى انا
شمس / لاا يلااا انا كمان خلونى استفرد بوالدكو لوحدنا شوية يلا روحو
رودى / طب ممكن اروح اغير هدومي الاول
.
ليا / وانا كمان هروح الفيلا ابدل ملابسى
وبيمشو هم التلاتة مع بعض
زياد بيمسك ايد شمس وبيبسهاا
زياد / لازم افتكر كل حااجة ٢٠ سنة وانتى جمبى و قدمي مستحيل ظاللحظات دى تتنسى بالسهولة دى
شمس / حبيبى كل حاجة هترجع زى الاول متقلقش
زياد / بس مدام انا مش فاكر اى حاجة من ال ٢٠ سنة الى فاتو ممكن نعيد الشريط من جديد وكل لحظة عشناها نعشهاا تانى
شمس بتضحك اوى وبتحضن زياد اوى و زياد بيضمهاا اوى
.
**********************************
.
ليا ورودى بيغير هدومهم و ياسين مستني فى الرسبشن وبيتكلم فى التليفون
ياسين / يعنى انت فى الطريق خلاص احنا خمس دقايق وهنخرج بس الهانم ليا تخلص باة
وكريم بينزل و ياسين بيبصلو اوى
ياسين / لااا انت كدة هتاخد البنات منى
كريم / خليلك انت في البنات انا مليش فى الطريق دة
ياسين / ملكش فى الطريق دة ازااى يعنى شاب وسيم زيك ملوش فى البنات
وبيسمعو خطوات البنات نزليين
رودى بتنزل لبسة فستان اخصر منفووش لتحت الركبة
ومترز من عند الخصر وفردة شعرهاا على كتفهاا وكريم بيبتسم لرودى اوى وبياخد اديهاا
رودى / حلو
كريم / يجنن
ورودى بتحضن كريم اوى ومبسوطة و ياسين عيونو على رودى ومش بيتكلم ولا كلمة و رودى بتبصله وكريم بيشوف ليا نزلة هى كمان
ليا لبسة جيب شورت قصير اوى وعلية بادى من غير اكماام وعاملة شعرهاا كيرلى ولبسة اكسسوارات كتير فى اديهاا ورجليهاا وعلى خصرها
كريم بيقرب من ليا بسرعة
كريم / اية الى انتى لبساة دة
ليا / اية مش عجبك ولا اية
كريم / لا طبعا انتى تقريبا مش لبسة حااجة غيري هدومك دى
ليا /كريم لو سمحت انا حبة اللبس دة كمان النهاردة عيد ميلادى ومفيش اى حد يزعلنى
ياسين بيقرب من رودى
ياسين / طلعة حلوة اوى بالفستان دة
رودى / شكرا
ياسين / واللون الاخضر زى لون عيونك بيسحر
رودى بتبصلو وبتروح على كريم وليا
رودى / كريم ليا فى اية
ليا/ مفيش يلا ريم وصلت واتاخرنا علياا كدة
وكريم مدايق اوى وبيروحو يركبو عربية كريم وبيمشو
و ليا قاعدة جمب كريم وكريم بيسوق العربية
ليا / هتفضل زعلان. كدة
كريم مبيردش عليها
ليا / خلاص رجعنى انا مش عوزة احتفل بعيد ميلادى ولا حاجة
كريم / انا مبحبش طريقة اللبس دى
ليا / اوكى اخر مرة
كريم بيبتسم وليا بتبتسم اوى
رودى بتبص برة العربية علشان عيونها متجيش فى عيون ياسين و بيروحو على نادى صغير فى موسيقى ورقص
وليا بتكون قاعدة لوحدهاا وبتشوف الشباب والبنات دخلين بتشاورلهم وبيروحو عليهاا
ريم / كان لازم يعنى المكان دة
ليا / دة عيد ميلادى انا الى اختاار بس اية الجماال دة
ريم لبسة فستان اسود طويل بطبقة شيفوون مترزة وفى قمة الرقة ولبسة الحجاب وزدهاا جمال على جملهاا
ريم / انتى الى جميلة كل سنة وانتى طيبة
ليا / وانتى طيبة يا احلا ريمووووو
ريم بتسلم على رودى وكريم
ريم / عمو زياد عامل اية النهاردة
كريم / احسن كتيير
وحسام بيوصل وبيسلم على الكل وبيبص لريم اوى
ليا/ كريم خلينا نرقص بلييز
كريم بيروح مع ليا بيرقصو وليا بترقص بطريق هستيرية وكريم مدابق و ليا بتشوف اتنين شباب من اصحابها فى الكلية وبيسلمو عليهاا وبيبسوهاا وكريم بيروح على ليا وبيسحبها من اديها بعيد
ريم / لي انتى بتعملى اية
ليا / كريم فى اية اهدى شوية
ريم بتشفهم وباين عليهم بيتخنقو مع بعض وبتروح عليهم
ريم / كريم لياا فى اية مالكو انتو بتتخنقو ولا اية
ليا / كريم دى حياتى وانا كدة بعد ازنك
كريم بيدايق اوى وبيخرج من المكان وريم بتروح ورى بسرعة لانو متعصب
ريم / كريم انت كويس
كريم/ يووة سبينى فى حاالى
ريم بتبص لكريم بحزن اوى
ريم / اسفة مكنش قصدى انى اتدخل فى حااجة بس انا
وريم بتسيبو ولسة هتدخل المكان وفى شابين سكرنين
خرجين من المكان بيوقفو ريم
ريم / بعد ازنكو خلونى اعدي
الشاب / انتى اية الى جاابك هناا خليناا نشوف تحت دة فى اية
ريم بتبعد عنهم وبتتخض
الشاب / بس انتى جميلة خلينا نشوف الجمال دة كامل
ولسة ريم هتبعد بسرعة والشاب دة بيشد الحجاب من ريم وريم بتصرخ وكريم بيسمع صرخة ريم بيجرى عليهاا بسرعة وبيهجم على الشباب وبيضربهم بقوة وحرس المكان بيبعدهم وكريم بيبص على ريم الا بتعيط ومن غير حجاب وبيروح
بسرعة بياخد الحجاب بتعها من على الارض وبيروح عليهاا بسرعة و بيبص لريم اوى وشعرهاا الاسود نازل على عيونهاا
و ريم بتحط الحجاب بسرعة وكريم بيخدها على العربية وريم بتعيط
كريم / انتى بخير
ريم مبتردش علية و كريم بيبصلها اوى وهى بتعيط..
ريم / لو سمحت ممكن نروح من هنااا
كريم / اة طبعاا
وكريم بيشغل العربية وبيمشى و حسام بيلف فى المكان وبيدور على ريم ومش موجودة و بيروح على ليا وهى بترقص
حسام / ليا فيين ريم
ليا / مش عارفة كانت هنااا
ياسين بيروح على رودى وهى قاعدة بتشرب عصير لوحدهاا
ياسين / تعالى ارقصى معايا
رودى / مش بعرف شكرا
ياسين / انا هعلمك يلا اكيد مش هكلك متخفيش
رودى / انا اصلا مش خايفة منك بس انا مش بحب تصرفاتك
ياسين / خلاص هنرقص من غير ما نتكلم
رودى مش عارفة تقولو اية
ياسين / بلييز يلا رقصة وحدة بس بلييز
ورودى بتروح معه وبترقص معااة
.
**********************************
.
كريم وقف العربية قدم النيل علشان ريم تشم هوى شوية
ريم / كريم خدنى على البيت
كريم / طب ممكن اخد نمرة حسام اصل سبت رودى هنااك
ريم / انا اسفة انا ممكن انزل هناا واخد تاكسى وانت روح لرودى متخلهاش لوحدها فى المكان دة
كريم / هخلى حسام يوصلهاا اكيد مش هسيبك لوحدة وانتى فى الحالة دى
ريم / شكرا يا كريم
وكريم بيتصل بحسام
كريم / حسام لو سمحت انا اطريت اروح اوصل ريم على البيت
حسام / ريم لية ريم بخيير كريم حصل اية لريم
كريم / لاا مفيش هى بخيير بس محبتش جو المكان وانا هوصلهاا للبيت بس لو سمحت رودى ممكن بس توصلهاا معاك
حسام / رودى اة طبعاا متقلقش
كريم / شكرا حسام هعتمد عليك
حسام /طبعا
وكريم بيقفلق الموبيل مع حسام وبيبص لريم الى عيونها على النيل
كريم / ارتحتى شوية
ريم / انا مش عارفة انا مديقاهم فى اية حجابى لية مسببلهم مشكلة
كريم بيبص لريم ومش عارف يقولها اية ولا يواسيها باية
و لسة هيتكلم
ريم / انا مش حبة حد يعرف الى حصل
كريم / اة طبعاا
ريم / خلينا نروح لو سمحت
وكريم بيحرك العربية وبيمشى
.
**********************************
.
رودى بترقص مع ادم رقصة رومنسية وادم بيقرب من رودى اوى
رودى / كفاية كدة انا تعبت
ولسة رودى هتسيب ياسين وتمشى ياسين بيسحبها تانى
رودى / ياسين قولتلك خلاص
ليا بتشفهم وبتروح عليهم
ليا / رودى ياسين والله ليقين على بعض اوى انت وهى
ياسين بيضحك وبيبص لرودى
رودى / بعد ازنكو
ورودى بتمشى وبتسبهم و ياسين بيكمل الرقصة مع لياا
ليا / ياسين انا حظرتك اكتر من مرة انك تلعب مع رودى
ياسين / ممكن نركز فى الرقص وبس
رودى بتروح على حسام
رودى /حسام فين كريم
حسام سرحان وبيفكر فى ريم
رودى / حسام
حسام / نعم
رودى / كريم فيين كريم
حسام / ريم حبت تروح على البيت وكريم راح يوصلهاا
رودى بتقاعد وباين عليها انها اديقت
حسام / لو حبيتى روحى فى اى وقت انا هوصلك
رودى بتهز رسها بنعم وبتتكسف انها تقول لحسام انها عوزة تروح على البيت
.
**********************************
.
كريم بيوصل قدم الفيلاا بتاعت ريم وبيدخلو الفيلا من باب الجنينة و مريم بتكون قاعدة فى الجنينة وبتشوف كريم بيوصل ريم
ريم / كريم ماما جاية علينا بليز مش عوزاها تعرف حاجة
كريم / انتى فكرانى طفل صغير
ريم / لا مقصدش بس اناا
مريم / كريم اهلا يا حبيبى
وكريم بينزل من العربية وبيسلم على خلتو
مريم / رجعتو بدرى لية
ريم / مفيش اصل المكان الى اخترتو ليا كان دوشة اوى وانا مبحبش الاماكن دى
كريم / هروح انا باة
مريم / تروح فيين انت اول مرة تيجى عندى تعالة
كريم / بس يا خالتو
مريم / مفيش بس يلا تعالة
وكريم بيدخل مع مريم وريم الفيلاا وبيقاعد
ريم / هروح اغير هدومي
وريم بتطلع على اوضتها
مريم / فين رودى
كريم / سبتها مع حسام و ياسين ولياا سهرنين شوية بس قلقان عليها
مريم / مدام حسام معاها متقلقش
كريم بيبص على الفيلااا
مريم / عجبتك الفيلاا
كريم / بصراحة جميلة اوى
ريم لبسة عباية بيضة ومترزة باللون الوردى وبتنزل
وكريم بيبصلها وهى نزلة
مريم / انت اكيد لسة متعشتش صح
ريم / لا انا اختو قبل العشاء انا هروح اجهز السفرة
كريم / لا متعبيش نفسك انا
مريم / ريم متسمعيش كلامو يلا خلينا نجهز السفرة انا وانتى
مريم وريم بيروحو يجهزو السفرة مع بعض وكريم بيروح يتفرج على دولاب الجوائز بتاعت هاني وريم بتروح علية
ريم / الجايزة دى بابا اخدها سنة ٢٠٠٧ فى حفل تكريم
كريم / انا حضرت لوالدك حفلة غناء فى السعودية هناك بيحبوة اوى
ريم مبسوطة
مريم / يلا يا حبيبى الاكل جاهز
وكريم بيروح هو وريم على السفرة و ليا بتتصل بكريم
وكريم مبيردش عليهاا
ريم / كريم موبيلك بيرن
كريم / بصراحة الاكل جميل اوى مش هسيبو علشان ارد على التلفون
وبيضحكو اوى وبيكملو اكلهم
.
**********************************
.
ياسين / لياااا يلا ليلاااا
ورودى وحسام و ياسين ومعاهم اصحاب ليا كتير وقفين حولين تورتااية كبيرة وليا بتبص للموبيل بتعها مديقة اوى
وبتروح عليهم والكل بيغنو عيد ميلاد سعيد وبيطفو الشمع
والكل مبسوط اوى
ياسين / الكل يوسع الكل يبعد
ياسين جايب هدية ليا فى صندوق كبير والكل بيضحك
ليا / لو فيهاا حااجة تخوف والله مش هسمحك ابدا
ادم / لولو حببتى يلا افتحى الهدية بتعتك
ليا بتفتح الهدية بتاعتهاا وبيكون فيهاا جيتاار و ليا بتصرخ وبتحضن ياسين اوى ومبسوطة.
رودى قاعدة بعيد ومديقة اوى والكل مبسوط وبيبركو ليا بعيد ميلادها
حسام / ليا اتفضلى هديتك
ليا / فيهاا اية
ياسين / اكيد كتااب
وحسام بيضرب ياسين على دماغو وبيضحكو وليا بتفتح علبة صغيرة وبتكون سلسة من الذهب وفى حبة لولو رقيق اوى
ليا / طول عمرك رقيق فى اختياراتك
وليا بتحضن حسام و ياسين بيروح على رودى ورودى اول ما ياسين بيقرب منهاا بتبعد عنو و ياسين بيمسك اديهاا
ياسين / انتى لية بتعملينى بالطريقة دى
رودى / ياسين سيب ايدى انا قولتلك اكتر من مرة ابعد عنى
بس انت مبتفهمش ورودى بتروح على الحمامات ومديقة اوى و ياسين بيتعصب وبيروح على البار وبيطلب خمر
وفى بنت بتروح على ياسين
ساندى / ياسين مالك فى اية
ياسين / مفيش حاجة بس مزاجى مش فى مكانو
ساندى / اوعة تكون فاكر انى مش وخدة بالى انك معجب بالبنت الجديدة اة ليا قالت اسمها رودى
ياسين / ساندى انا مخنوق دلوقتى سبينى لوحدى لو سمحتى
سندى / من كام يوم كنت بتجرى انت ورايا فى كل حتة وكنت بتطلعلى حتى العصير
ياسين بيقرب من ساندى
ياسين/ انتى بالنسبة ليا كنتى مجرد لعبة ولما زهقت منك رميتك عادى خالص
وساندى بترفع اديها علشان تضربو و ياسين بيمسك اديهاا
ياسين / متحوليش تعملى كدة علشان انتى الى هتندمى يا جميلة انتى
ياسين بيحدف ايد ساندى بعيد وبيمشى وبيسبهااا
.
**********************************
.
زياد نايم فى اوضة المستشفى و شمس وقفة فى البلكونة وكل دقيقة بتبص علية و بتطمن انو نايم ومرتااح و زياد بيفتح عنية بسرعة
زياد / شمس شمس
وبيقاهد وبيتالم وبيحط ايدو على دماغو و شمس بتجرى علية بسرعة
شمس / زياد انت انت كويس زياد
زياد بيبصلها اوى وبيحضنهاا و شمس مش عارفة فى اية
شمس / انت انت كويس حاسس بحااجة
زياد / متقلقيش انا بخيير بس شفت حلم
شمس / حلم اية
زياد / كنتى بتتوجعي وانا مكنتش عارف اعمل اية
زياد بيحط ايدو على بطنهاا
زياد / كنتى حامل وكانت الدكتورة بتقولى ان حالتك صعبة انا كنت خايف اوى عليكى خايف اخسرك كان حلم
شمس / لا مكنش حلم فعلا انا كان عندى مشكلة فى الرحم وكان الحمل صعب بالنسبة ليا ولما ربنا كرمنا بكريم الدكتورة نبهت علينا وقالت ممنوع انى احمل تانى لان عضلة الرحم
كانت ضعيفة بس حكمة ربنا باة انى احمل فى رودى بعد ولادة كريم بالظبط. وكان فى خطر على حياتى وانت كنت مصر انى انزل الجنين بس انا رفضت وكانت ايام صعبة اوى علينا كلنا ووصلت رودى بعد عذاب بس للاسف الدكتورة اتطرت انها تشيل الرحم
شمس دموعها بتنزل و زياد بيمسحلها دموعهاا وبيحضنهاا اوى
.
**********************************
.
رودى بتدور على حسام ومش عارفة هو راح فين و ياسين بيروح على رودى
ياسين / بتدورى على مين
رودى / حسام كان هناا
ياسين / يعنى منفعش اناا
رودى / انت سكران ولا اية
ياسين / انا مش سكران ابدا على فكرة بس انا كنت مستنيكي
ياسين بيحط ايدو على خصر رودى
ياسين / انتى لية عنادية كدة مفيش بنت قدرت تقاومنى ابدا
رودى / انت اتجننت ابعد ايدك عنى
ياسين بيمسكها من خصرها بقوة وبيقربهاا علية ورودى بتحاول تبعدو عنها و ياسين لسة كان هيبسهاا من شفايفها بالقوة وحسام بيروح عليهم وبيمسك ايدو بقوة ورودى بتستخبي ورى حسام بسرعة
حسام / انت سكران
ياسين / يوووة ابعد عنى
حسام / ياسين تعالة معاياا
ياسين / لاا مش هاجى معااك انتى تعالى هناا
ياسين لسة بيروح على رودى وحسام بيمسك دراعو وبيلف دراعو ورى ضهرو بقوة ورودى خايفة اوى
حسام / انا مش هحسبك دلوقتى انا هحسبك لما تفووق يا غبى
وحسام بيحدف ياسين بعيد وبياخد رودى من اديها وبيخرجو وليا بتجرى على ياسين بسرعة
ليا / ياسين ياسين فى اية ماالك
رودى بتعيط وحسام بيخدها على عربيتو
حسام / انتى ازااى تديلو فرصة انو يعمل معااكى كدة
رودى /انا معملتش حااجة هو الى بيطاردنى فى كل حتة
حسام / والله لو مكنتيش انتى ال
رودى بتعيط اوى وحسام بيبصلها وبيسكت وبيمشى بالعربية
.
**********************************
.
كريم بيخرج من عند ريم وريم بتوصلو لحد الباب
كريم / انا متشكر جدا على العشاء والقهوة
ريم / على اية دة بيت خالتك يعنى بيتك انت كمان
كريم بيروح يركب عربيتو وبيمشى و ريم بتبص علية
لحد ما بيخرج من الفيلااا بالعربية
.
**********************************
.
حسام فى العربية مع رودى ورودى بتعيط
حسام / انتى هتفضلى تعيطي كدة كتير يعنى
رودى مش بترد علية
حسام / لو خالتو شمس ولا عمى زياد عرفو الى حصل هتحصل مشكلة
رودى / انا مش خايفة من حااجة علشان انا معملتش حااجة
انا فعلا غلطانة علشان موقفتهوش عند حدو من الاول وانا بتكلم معاك انت لية ممكن توصلنى على البيت لو سمحت
حسام بيبصلها وبيكمل طريقو وبيوصلهاا على الفيلاا وبيشوفو كريم بيدخل الفيلا ورهم ورودى بتنزل من العربية
وبتجرى على كريم وبتعيط اوى وبتحضنو و كريم خايف عليهاا
كريم / رودى رووودى فى اية
حسام مدايق اوى وبيروح عليه و كريم بيضم رودى وبيرفع عيونها فى عيونو
كريم / رودى قوليلى فى اية
ورودى بتستخبي فى حضنو وبتعيط
كريم / حسام اختى كانت امانة معااك
حسام / متقلقش بس حصل سوء تفاهم بس
رودى / ياسين
كريم / ياسين مالو اتكلمى
ورودى بتحكيلو انو كان بيدايقهاا وبيطاردها فى كل مكان تكون فية وبتحكيلو على الى عملو معاها فى الحفلة
و حسام بيدايق اوى من نفسو انو فكر ان رودى كانت
موفقة على الى ياسين بيعملو معااهاا و كريم بيمسك ايد رودى بقوة
كريم / ولية مقولتليش ليييية
رودى / انت كنت مشغول مع باابى ومكنتش عارفة اعمل اية
وليا اكتر من مرة تحظرو بس
كريم / وليا كانت عارفة بالى الحيوان دة بيعملو معااكى
رودى بتعيط اوى وكريم بيشوف ادم وليا بينزلو من التاكسى وليا و ياسين ساند على ليا ومش قادر يمشى وبيضحك اوى
حسام / كريم اهدى هو مش فى وعيو دلوقتى
وليا بتبص لكريم بحزن وكريم بيقرب منهم
ليا / انت مبتردش على مكالماتى لية
وكريم بيمسك ياسين وبيضربو بالبكس بقوة وحسام بيبعدهم عن بعض
حسام / كريم اهدى
ورودى خايفة وبتعيط
ليا / كريم انت اتجنتت انت بتعمل اية
كريم / لو قربت من اختى تانى انا هكسرلك رقبتك انت فاهم
وكريم بياخد رودى من اديها وبيركبها العربية
حسام / كريم انت رايح فيين كريم
وكريم مبيردش على حسام وبيمشى بسرعة
ليا / كرييييم كريييييم
وكريم بيخرج من الفيلااا ورودى بتعيط
كريم / اسكتى مش عاوز اسمع صوتك انتى فاهمة
ورودى بتنهار من العياط
وردة. ✍️
التعليقات على الموضوع