رواية ادم و حواء الحلقه 66
🍎 الحلقة ٦٦ 🍎
.
🍎🍎🍎🍎🍎🍎🍎🍎🍎🍎🍎🍎🍎🍎🍎🍎
.
زياد / عاوز اخد اخر نفس ليا وانا فى حضنك
شمس / لااا زياد انت مش لازم تستسلم ابدا انا جمبك وهتعمل العملية
زياد / شمس افهمى لية اضيع وقت ممكن اعيشو معااكو
نسبة العملية ٣٠ ٪
شمس بتمسكو من هدومه بقوة
شمس بصرخة /ولو حتى ١٪
زياد حاسس بتعب وبيبص لشمس وبيحاول يفتح عيونو قدمها وفجاة مبيحسش برجلو ابدا وبيقع على ركبو قدمها
والكل بيصرخ و شمس بتحضنو اوى
كريم / باابااا باابا اطلبو الدكتوور بسرعة
رودى / باابى باابى متسبنيش باااااابى
.
بينقلو زياد على المستشفى بسرعة والكل موجوود هنااك
ومستنين رد من الدكتور
ريهام و مريم وقفين مع شمس وبيحولو يهدوهاا شوية
وابتسام وخدة رودى فى حضنهاا ورودى بتعيط
بعد اكتر من نص ساعة الدكتور بيخرج
الدكتور / لو سمحتو بلاش التجمع هنا
سراج / دكتور طمنا لو سمحت
الدكتور بيبص لكريم
كريم / ممكن تتكلم يادكتور الكل عرف حالة والدى
الدكتور / باختصار الورم قريب من خلايا المخ جدا وبيضغط على المنظمات الى بتوصل الاشارة للجسم والى حصل دلوقتى دة امر طبيعى وللاسف معندناش اى حاجة ممكن نعملهاا ابدا
شمس / ازااى يعنى ازاى انت مش دكتور ودى مستشفى انتو لازم تعملو حااجة انت انت عااوز تقول انكو هتسبوة يمووت
شمس بتمسك فى هدوم الدكتور بقوة وبتصرخ
شمس / لاا مش هيمووت لاااا
زياد بيفتح عنية وبيسمع صوت شمس بتصرخ
زياد / شمس
زياد بيخاف عليها اوى وبيشيل الاجهزة من على صدرو
وبيحاول ينزل من السرير بس رجلو بتالمو جدا ومش قادر يمشى ابدا وبيقع على الارض وبيصرخ
زياد / شمس شمس
شمس بتسمع صوت زياد بتبعدهم عنهاا وبتجرى على الاوضة
شمس / زياد زياد
زياد بيحضنهاا اوى
زياد / شمس
شمس بتعيط اوى وبتضمو بقوة و رودى بتروح علية هى وكريم وبيحضنو شمس و زياد بقوة
على و محمود بيروحو على زياد بسرعة وكريم بيساعدهم يرفعو زياد من على الارض و الدكتور بيدخل وبيحط الاجهزة لزياد تانى
شمس / زياد انت هتعمل العملية
زياد بيغمض عيونو بحزن و شمس بتحط اديهاا على قلبو
شمس / انا متاكدة انك هترجعلنا بالسلامة
زياد بيبص لشمس و شمس بتبتسم اوى لزياد
شمس/ هتعمل العملية
زياد بيمسحلهاا دموعهاا وبيبتسم
زياد / انا سلمتك قلبى وروحى وحيااتى عمرى فى ايدك
كريم بعياط / دكتور اعمل استعداداتك باسرع مايمكن
هاني / دكتور لو محتاج اى حااجة اى اجهزة اى حااجة مهما كانت من برة البلد احنا جاهزين اطلب وكل حاجة هتكون عندك فى خلال ساعات
الدكتور بيبص لزياد
دكتور / لو قررتو فعلااا انو يعمل العملية فى دكتور اسبانى عمل نفس العملية دى ونجحت اكتر من مرة لو تقدرو توصلولو باسرع مايمكن
هاني / خلينا نتكلم فى مكتبك واخد كل التفصيل
محمود وسراج و هاني وحسام بيروحو مع الدكتور على المكتب
.
**********************************
.
رودى بتخرج من الاوضة وبتروح على جنينة المستشفى
و ياسين بيدور عليهاا ومش موجودة
ياسين / لياا لياااا
ليا بتروح عليه
ياسين / رودى فيين مش موجودة هناا
ليا / رودى كانت هناا مش عارفة وكمان انت عاوز اية منهاا
ياسين متجبش مصيبة على دماغك انت مش ناقص
ياسين / يووة ممكن تروحى مكانك تانى انا غلطان انى سالتك اصلاا
محمود بيروح عليهم
محمود / حسام خد ليا والبنات وصلهم على البيت
ياسين / رودى مش هناا
كريم بيخرج من اوضة زياد
حسام / كريم عمى زياد عامل اية دلوقتى
كريم / هو احسن الحمدللله وماما معااة مش عوزة تسيبو
محمود / كريم يا ابنى رودى اختك مش موجوودة
كريم / اة حبة تشم هواء يمكن فى الجنينة تحت
ياسين / انا هروح اشفهاا
كريم / لاا استني انا الى هروح اشفهاا
وكريم بيمشى وليا بتبص لياسين اوى و ياسين بيبصلهاا بغضب وبيقاعد بعيد عنهاا
ريم/ ليا فى اية مالك انتى و ياسين
.
ليا / الاستاذ حاطط عينو على رودى
ريم / ازاى يعنى
ليا / اسالى الاستاذ ناوى يفضحناا
حسام / ريم ليا جهزو نفسكو كريم راح يجيب رودى وهخدكو على البيت
ريم بتبص فى الساعة
ريم / لاا انا لازم اروح المكتب جدو مسافر ولازم اكون هنااك
حسام / اية رايك اوصلك وارجع اخد البنات
ريم / لاا متتعبش نفسك هاخد تاكسى
حسام / لاا انا هوصلك الاول اتفضلى
ريم / اوكى
ريم بتروح لوالدهاا ووالدتها الى وقفين مع ابتسام وسراج بيتكلمو
ريم / مامى انا لازم اروح المكتب
هاني / هتروحى المكتب ازااى انتى منمتيش طول الليل
ريم / متقلقش عليا وكمان حسام هيوصلنى
هاني/ خلى بالك من نفسك ولو احتجتى حاجة كلمينى
ريم / اوكى سلام
كريم بيشوف رودى قاعدة فى اخر الجنينة بتعيط وبيروح
عليهاا و رودى بتمسح دموعهاا وبتبص لكريم من غير ما تتكلم وبتقرب منو وبتحضنو وكريم بيضمهاا اوى ومبيتكلمش معاها ولا كلمة بس بيحضنهاا
ريم وحسام بيشوفو كريم ورودى
حسام / الى يشفهم كدة قد اية بيقدرو يفهمو بعض من غير ما يتكلمو ميقولش انهم اخوات
ريم / لان هما الاتنين جذرهم مبنية من الحب في بيت خالتو شمس وعمى زياد
وريم وحسام بيروحو على العربية وبيركبو وحسام بيتحرك
ريم / والله حكايتهم هما الاتنين لزم تتدرس فى كتب
لان الحب دة مش موجوود دلوقتى
حسام/ لا موجوود وبيكون قدمنا بس احنا الى مش شيفينو
ريم / يمكن عندك حق
.
**********************************
.
شمس قاعدة قدم زياد بتبص على ملامحو بدقة و زياد نايم
وبتمسك ايدو بحنية وبتتنهد و زياد بيتالم وبيفح عيونو
شمس / حبيبى تحب اطلب الدكتور
زياد بيمسك اديهاا و بيبتسم
زياد / انتى دوائى
شمس بتحط اديهاا على خدو وبتبتسم اوى
شمس / ياريت اقدر اشيل عنك الوجع
زياد /فى طريقة واحدة
شمس / طريقة
زياد بيشاور لشمس جمبو انهاا تنام فى حضنو
شمس / زياد احنا فى المستشفى
زياد / خلاص خلينى بتالم كدة وانتى فى ايدك الدواء ورفضة كمان
شمس / والله بدات اشك انك تعبان
زياد بيضحك
زياد / تعالى هناا انا مريض بيكى انتى يا ام ولادى
شمس / اول مرة تقولى ام ولادى
زياد / اة انتى حببتى وروحى وعمرى وام ولادى
زياد بيمسك اديهاا وبيسحبهاا بحنية فى حضنو وبيضمهاا اوى
زياد / ياااااة
زياد بيتنهد وبيضمهاا اوى
.
**********************************
.
فى الليل
ابتسام وسراج و على و ريهام عند زياد فى المستشفى
و موبيل سراج بيرن و سراج بيروح يرد على التليفون بعيد وبعد دقايق بيبان علية السعادة وبيرجعلهم بعد شوية
سراج / هاني كلمنى دلوقتى وقالى انو قدر يوصل للدكتور
الى هيعمل العملية لزياد ووافق انو يعمل العملية وهيوصل مصر بعد بكرة
.
علي/ انا هروح ابلغ الدكتور سعد بسرعة
علي بيروح على مكتب الدكتور سعد وبيبلغو الخبر
سعد / كدة احنا لازم نجهز فوراا
الكل بيفرح اوى من الخبر دة وبيخبطو على اوضة زياد وبيدخلو و شمس قاعذة جمب زياد بتقرا قران
سراج / شمس زياد فى خبر حلو
شمس / فى اية
سراج / الدكتور الى هيعمل العملية وافق وهيجى هناا مصر بعد بكرة
شمس / الحمد لله
زياد مبيتكلمش خالص
ابتسام /انا متاكدة ان كل حاجة هترجع زى الاول واحسن
شمس / يارب
.
**********************************
.
كريم قاعد فى الجنينة لوحدو وليا بتبص علية من شباك اوضتها و بتبص لرودى الى قاعدة سرحانة ومبتتكلمش
ليا / رودى يعنى احنا الخبر الى وصلنا دة خبر سعيد يعنى انتى لازم تفرحى خلاص عمو زياد هيكون بخيير يلا تعالى ادخلى خدى شور
رودى / لاا خلينى انا تعبانة
رودى بتاخد رودى من اديهاا وبتدخلها الحمام بالعفياا
ليا بتبص لنفسها فى المراياا وبتظبط شعرها وبتنزل الجنينة لكريم وبتقرب منو وبتشوفو بيعيط لوحدو بعيد عن عيون الكل
ليا / انت كمان من حقك تعيط
وكريم بيمسح دموعو بسرعة
ليا / عمر العياط ما كان عيب ولا حرام
كريم / رودى كويسة
ليا / يعنى انا اجبرتهاا انها تاخد شور علشان ترتاح شوية
كريم / يعنى خبر مرض بابا كان قوى عليهاا اوى
ليا / وانت
كريم / انا لازم اكون قوى
ليا / فعلا انا مش عوزة اشوف دموعك دى ابدا وكمان الخبر الى وصل دة بيفرح
كريم بيبتسم /عندك حق
.
**********************************
.
ياسين بيخبط على اوضة ليا ورودى ومفيش حد بيرد
رودى فى الحمام بتاخد شور وليا مع كريم فى الجنينة
و ياسين بيدخل وبيروح على الاب توب بتاع ليا وبيدور فية على حااجة ورودى بتخرج من الحمام ولبسة البرنس
ومش عارفة ان ياسين فى الاوضة وبتروح تطلع بيجامة النوم و ياسين بيحس بيهاا وبيبص ورى وبيشوف رودى لبسة البرنس ووقفة قدم الدولاب وبيبص عليهاا
ياسين / حمام الهناا
ورودى بتتخض وبتصرخ
ياسين / اهدى فى اية
رودى بتغطى نفسها كويس وخوف
رودى / انت انت بتعمل اية هناا فى الاوضة
ياسين / انا خبطت على الباب كنت محتاج حاجة من لاب لياا بس
رودى / لو سمحت اخرج برة
ياسين / مكسوفة منى
رودى بصرخة / اخرج برة
ياسين / خلاص اهدى انا خاارج
ياسين بيبص عليها باعجاب شديد ورودى بتقفل الباب بقوة فى وشو وبتقاعد تعيط و ياسين بيسمعها
ياسين / انا غبى غبى
وبيروح على اوضته وكريم وليا بيدخلو على الفيلاا وبيطلعو على الوض وكريم بيوصل ليا قدم اوضتها
كريم / انا متشكر جدا
ليا / على اية انا معملتش حاجة
كريم / يعنى قدرتى تخرجينى من المود الى انا كنت فية
ليا / احنا تحت امرك فى اى وقت
وكريم بيضحك
كريم / تصبحى على خيير
وليا وكريم بيسمعو رودى بتعيط
كريم / دة صوت رودى
وكريم مبيستنش رد من لياا وبيدخل بسرعة
كريم / رودى
ورودى بتبص لكريم وبتجرى علية وبتحضنو اوى وبتعيط
كريم / رودى حببتى فيكى حااجة رودى قليلى فيكى اية
رودى بتعيط وبتحضنو اوى و ليا بتروح علياا وبتملس على شعرهاا و ليا بتشوف الاب توب بتعها مفتوح وبتشوف صور الحفلة بتاعتهاا هى و ياسين اصحابهم وبتفتكر انه كان بيسالها على الصور وهى قالتلو ان الصور على الاب توب بتعهاا و بتبص لرودى بخوف و كريم بيحاول يهدى رودى شوية
كريم / حببتى انا جمبك قليلى فى اية
رودى / بس بابى وحشنى انا خايفة
كريم / اية رايك تنامى معايا فى الاوضة زى زمان واحكيلك الحدوتة الى كنتى بتوجعى دماغى بيهاا كان اسمها اية
زات الرداء الاخضر صح
رودى بتمسح دموعهاا
رودى / الاحمر
كريم / يلا تعالى
وكريم بياخد رودى وبيلف ذراعو حولينهااا وليا بتبص على الاب بتعهاا وبتروح على اوضة ياسين وبتدخل وبتخبط
الباب بقوة
ياسين / ايييية فى حد يدخل على حد بالشكل دة
ليا / انت عملت اية لرودى
ياسين / انتى هتودينى فى دهية ولا اية
ليا / اتكلم احسنلك
ياسين!/معملتش حااجة
ليا / انت كنت فى الاوضة ورودى كانت بتاخد شور اوعة تكون
ياسين / انا يمكن اكون بتاع بنات وصايع بس مش حقير للدرجة دى
ليا / عاوز تفهمنى ان انت ورودى كنتو فى اوضة وحدة وهى كانت بالبرنس وانت يعنى
ياسين / انا خبطت على الاوضة كنت بحسبك فيهاا وملقتش حد روحت على الاب توب اخد الصور بتاعت الحفلة ولسة بلف علشان اخرج لقيت رودى كانت فى الحمام ولو انا حقير كدة هى مكنتش هعرفها انى فى الاوضة اصلاا
ليا / ياسين انا وانت متربين مع بعض وعرفين دماغ بعض كويس يعنى لو قربت من رودى
ياسين / اية خايفة احسن علاقتك بكريم تتهز
ليا / علاقة اية
ياسين / انتى لسة كنتى بتقولى ان احنا متربين مع بعض وفهمين بعض كويس جداا يا لياا وواخد بالى كويس اعجابك بالشاب الوسيم كيموو
ليا / والله دى حاجة ترجعلى انا وميهمنيش انك تعرف او لاا
وليا بتخرج وبتسيبو
.
**********************************
.
رودى نايمة فى اوضة كريم وكريم بيتصل بامو
كريم / ماما
شمس / ايوة يا حبيبى انتو عاملين اية واختك
كريم / احنا كويسين بس رودى نفسيا مش اوى
شمس / اكيد كان صعب عليهاا انت عارف اختك حساسة قد اية خليك معاها
كريم / بابا عامل اية دلوقتى
شمس / اخدوة على اوضة الاشاعات من سااعة وانا قلقانة
كريم / دة اكيد امر طبيعى متقلقيش تحبى اجى
شمس / لااا انت بس اهتم باختك وكمان عمك علي وعمك سراج هنا معايا مسبنيش ولا دقيقة
كريم بيسكت وبيتنهد
شمس / كريم انا عارفة ان الايام دى صعبة بس كل حاجة هترجع زى الاول واحسن انا متاكدة
كريم دموعو بتنزل و شمس بتحس بية
كريم / بس انا مش قادر اكون متفائل زيك
شمس / حبيبى رحمة ربنا وسعة اوى خليك متطمن ابوك مش هيسبنا ابدا
كريم / لو حصل اى حاجة كلمينى
شمس / روح صلى الفجر بياذن
كريم / لا الة الاالله
شمس / محمد رسول الله
شمس بتقفل الموبيل مع كريم وسراج بيدخل الاوضة ومعاة زياد قاعد على كرسى متحرك و شمس بتجرى علية بسرعة
شمس / انت بخير
زياد بيهز راسو بنعم وباين علية التعب والارهااق و علي بيدخل
علي / كدة كل الاشاعات تمام
شمس بتنزل على ركبها قدم زياد
شمس / حبيبى
زياد / خلينا نتراجع
علي / اول مرة اشوفك مستسلم للدرجة دى
سراج / انت طول عمرك قوى خليك كدة وهتعدى الازمة دى
وهترجعلنا بالسلامة
شمس / حبيبى انت لازم ترتااح
وبيخدو زياد على السرير و علي وسراج بيسعدوة ينام على السرير و شمس بتبتسم لزياد و زياد بيغمض عنية من التعب
سراج / خلينا نخرج خلية يرتاح شوية
سراج و علي بيخرجو ومعاهم شمس
شمس / الدكتور قال حاجة على الاشاعات والتحليل دى
سراج / لا ابدا كل حاجة تمام بس ممكن يحتاجو دم وبعتنا لبنك الدم يجهزو ٤ اكياس دم احتياطى
شمس / بس باين علية تعبان اوى
علي / متقلقيش دة طبيعى يعنى طول النهاار من جهاز لجهاز ومن التحليل للمعمل ومن المعمل للتحاليل
.
.
**********************************
.
فى الصباح
رودى قاعدة على السلم بتاع الفيلاا بتفك و ياسين بيقاهد جمبهاا
ياسين / صباح الخير
رودى بتبصلو بحزن ولسة هتمشى
ياسين / لية بتتعملى معايا بالطريقة دى
رودى / انت الى عاوز اية منى
ياسين / مفيش يعنى نتعرف اكتر بما اننا هنعيش فى بيت واحد واهلى واهلك يعرفو بعض من زمان
رودى / شكرا مش عوزة اتعرف على حد
ياسين / استنى
ياسين بيمسك اديهاا
رودى / سيب ايدى
ياسين بيسيب اديهاا
ياسين / الظاهر ان انا تقيل عليكى اوى خلاص انا اسف
كريم وليا بينزلو
كريم / جاهزة
رودى بتهز رسهاا بنعم
ياسين / انا كمان جاى معاكو المستشفى
كريم / خلونا نتحرك
وبيروحو هما الاربعة على العربية ولسة هيتحركو بالعربية بتدخل عربية الفيلاا وبتقف قدمهم وبينزل من العربية واحد وبيروح فى اتجاة كريم
مصعب / حضرتك البش مهندس كريم
كريم / اة اناا
كريم بينزل من العربية
مصعب / بعد ازنك ممكن تمضيلى على الاوراق دى لازم تتسلم حالا
كريم / اوراق اية وانت ميين انا مش فاهم حاجة
مصعب / اة اسف انا البش مهندس مصعب مدير شركة والدك
كريم / اة اهلاا
مصعب/ والدك حول كل المسؤالية لحضرتك يعنى مفيش ورقة ممكن تخرج من الشركة غير بامضاء حضرتك
كريم / ازاى يعنى انا معرفش اى حااجة عن الموضوع دة
رودى بتخرج من العربية ودموعها نزلة
رودى / باباا يقصد اية بتحول كل المسؤالية عليك يقصد انو
مش راجع تانى صح
كريم / رودى لو سمحتى اهدى اكيد فى لغبطة
مصعب / لا مفيش اى لغبطة ولا حاجة علشان مش الشركة دى بس الى اصبحت تحت مسؤاليتك وكمان شركة الصيانة وكل فروع العرض حتى شركة الخامات الى فى المنصورة تحت رعيتك وانت الى متحكم فيها
كريم / انا معرفش اى حااجة من الى بتقولها دى انا لازم افهم
كل حاجة من بابا بعد ازنك
وكريم بيخلى رودى تركب العربية وبيركب وبيمشى
بالعربية ومدايق اوى
.
**********************************
.
شمس قاعدة مع زياد فى الاوضة
شمس / جاهز
زياد / مش عارف
شمس بتحط اديهاا على خدو بحنية
زياد / لو حصلى حااجة اوعدينى انك
شمس بتحط اديهاا على شفايف زياد و كريم بيدخل ومعاة رودى و رودى بتروح على زياد وبتحضنو اوى
كريم / المهندس مصعب جالى النهاردة
رودى بتعيط اوى فى حضن زياد و زياد بيلمس بايدو ملامح رودى
زياد / بنتى بياض التلج حتة من روحى انتى
شمس بتقرب منهم وبتملس على شعر رودى بحنية
شمس / بابا هيكون بخير يا حببتى متخفيش
كريم / بتقصد اية انك تنقل كل حاجة باسمى انا
شمس / كل حاجة
زياد / انت ابنى الوحيد وفيها اية لما انقل كل املاكى هنا فى مصر باسمك وانت هتكون المدير التنفيذى كمان
شمس / لية عملت كدة
زياد / وانتى يابياض التلج كتبتلك كل اسهمى فى القرية السياحية وفى رصيد فى البنك
رودى بتبعد عن زياد / انا مش عوزة حااجة مش عوزة حاجة
انا عوزاك انت
ورودى بتروح على كريم وبتترمى فى حضنو وبتعيط اوى
و زياد بيبص لشمس و شمس بتبصلو اوى
شمس / هاا واناا كمان يعنى مش هتكتبلى حاجة من املاكك ولا اية
زياد / شمس افهمينى
شمس بتصرخ / كفاااية انا مقدرش اتحمل الى انت بتعملو دة
زياد بيمسك اديهاا وبيخليها تقاعد قدمه وبيبوس كف اديهاا
و بيدخل الدكتور ومعاة ممرضة
الدكتور / جاهز
زياد بيبص شمس وبيبتسم اوى
زياد / انا جااهز يا دكتور جااهز
وكريم بيروح عليه وبيحضن زياد اوى وبيساعد زياد يقاعد على الكرسى المتحرك وبيخدو وبيخرجو من الاوضة
والكل واقف برة الاوضة وبيتمنو السلامة لزياد
فهد / خاالى
زياد بيبص بيشوف فهد ابن اختو بيوصل المستشفى
وفهد بيروح علية وبيحضنو
زياد / اسد خاالو
وفهد بيبوس ايدو
فهد / هترجعلنا بالسلامة
زياد بيبتسم اوى لفهد وبيبص حولية وبيدور على شمس
و شمس فى الاوضة وقفة بصدمة
الدكتور / يلا خلينا نتحرك
ولسة الدكتور بياخد زياد وهيمشو شمس بتخرج بسرعة
شمس / لااا استنى لااا
والكل مستغربين اوى من شمس و شمس بتروح على زياد بسرعة
شمس / زياد لااااا خلاص احنا هنتراجع زياد لاااا
دكتور الغى العملية
زياد بيمسك ايد شمس
زياد / مينفعش الرجوع دلوقتى
زياد / لاا الله يخليك خلينا نروح من هناا انا خايفة
شمس بتعيط اوى و زياد بيحضنهاا بقوة وابتسام و مريم بيروحو على شمس وبيخدهاا من زياد والدكتور بياخد زياد على العملياات و شمس بتحط اديها على قلبهاا وقلبهاا بيدق بسرعة
ريهام / شمس تعالى اقاعدي
شمس مش قادرة تتكلم و كريم بيروح عليها وبيبوس جبنهاا
كريم / امى تعالى
وكريم بياخد شمس فى حضنو وبيخليها تقاعد و شمس عنيها على العمليات ودموعهاا بتنزل و رودى بتروح تقاعد جمب شمس وبتحط خدها على كتفها
وردة ✍️
التعليقات على الموضوع