رواية عشق و لكن الحلقة 35 و الاخيره

اسفة علي التاخير 🌹

الحلقة      35   ((   الاخيرة   )) 

 🌺  عشق و لكن  🌺

هبة \ انا شكلى هولد اة فى وجع جامد اوى اة اة الحقونى 

-- مرون بيشيل هبة و حمزة بيجرى وبيجيب العربية على باب الفيلا بسرعة 

-- اياد بيركب وره وبياخد هبة من مرون وبيخدها فى حضنو وهى بتصرخ من الالم و مرون بيركب جمب حمزة قدم

-- هبة عمالة تصرخ والكل قلقان عليها اوى --

هبة \ انا خايفة اوى انا حاسة انى هموت 

اياد \ لا يا حببتى هتكونى بخير متقوليش كدة 

هبة \ انا عوزة سلمي هتولى سلمي 

-- حمزة سمع صوتها وهى بتنادى على سلمي ودموعو بتنزل و مرون بيحط ايدو على كتف حمزة

 

-- وبيوصلو المستشفى وبيدخلو هبة على اوضة  والدكتور عندها وبعد شويه الدكتور بيخرج -

الدكتور \ احنا لازم ندخلها  العمليات دلوقتى 

اياد \ مراتى هتكون كويسة يا دكتور 

الدكتور \ ان شاء الله هنعمل الى علينا والباقى على ربنا بس فى خطر على الجنين بس ربنا معانا 

اياد \ المهم مراتى يا دكتور 

مرون \ ان شاء الله خير 

-- وبيخرجو هبة من الاوضة علشان يدخلوها  العمليات وبيجرو عليها علشان يطمنوها

 

اياد \ متخفيش يا روحى كل حاجة هتكون تمام

هبة \ سلمي انا عوزة سلمي هتولى سلمي 

مرون \ احنا كلنا معاكى بس انتى قومى بخير 

حمزة \ انتى عرفة سلمي بتحبك ازاى هى اكيد حاسة بيكى ولو هى قريبة من هنا اكيد هتيجى 

-- هبة بتدخل على  العمليات وكلهم قلقنين اوى علشان هبة اتاخرت اوى

 

اياد \ اتاخرت مفيش حد يطلع يطمنا عليها لية 

حمزة \ اياد اهدى شوية  وادعلها 

مرون \ لا فعلا اتاخرت

 

-- والدكتور بيخرج ومبتسم ودة ريحهم شوية 

الدكتور \ العملية كانت صعبة بس الحمد لله الام والطفل بخير الام كانت عنيدة اوى الف مبرووووك 

-- والدكتور بيمشى وبتخرج الممرضة ومعاها الطفل 

الممرضة \ مبروووك جابت بنوتة زى القمر 

اياد \ بنتى انا دى بنتى 

مرون \ الف مبروووك 

حمزة \ مبروووك 

اياد \ هبة فين 

الممرضة \ هى فى اوضة  فى الدور التانى 

-- وراحو كلهم علشان يطمنو على هبة و اياد شايل البيبى وبيدخلو على هبة بيلقوها بتعيد  

اياد \ مبروك يا روحى جبتلنا بنوتة زى القمر 

هبة \ سلمي كانت هنا 

مرون \ هنا فين 

هبة \ انا متاكدة انا حسيت بلمست اديها ولما فتحت عنيا علشان اشفها كانت خرجت ولمحت شعرها هى سلمي انا متاكدة 

اياد \ طيب اهدى ونامى شوية انتى تعبانة 

هبة \ وفين بنتى 

مرون \ خدوها علشان يطمنو عليها اكتر 

هبة \ هى فيه حاجة هى تعبانة 

اياد \ لا والله وانا شفتها برة بس خدوها علشان يطمنو عليها اكتر 

-- والممرضة دخلت ومعاها النونة و هبة بتخدها منها بسرعة وبتبسها ودموعها بتنزل 

اياد \ هو انتى تفرحى تعيطب وتزعلى تعيطي

 

هبة \ دى صغنونة اوى 

الممرضة \ بس الدكتور اطمن عليها وبيقول انها كويسة بس انتى رضعيها 

هبة \ فين حمزة 

مرون \ كان واقف هنا راح فين 

-- والبنت بتعيط اوى 

هبة \ اية يا سلمي بتعيطي لية 

اياد \ هتسميها سلمي 

هبة \ اغلي اسم على قلبى ممكن تخرجو برة علشان ارضع البنت 

اياد\ اخرج برة انت يا مرون 

هبة \ لا وانت كمان 

مرون \ هههة يالا برة 

-- مرون و اياد خرجو برة وبيبصو على حمزة وبيشوفوة جاى من بعيد  والاتنين بيروحو علية

 

مرون \ كنت فين 

حمزة \ كنت بدور على سلمي

 

مرون \ تانى تانى 

حمزة \ والله انا كمان حاسس بيها 

  

اياد \ وكمان هبة قالت نفس الكلام وانت عارف سلمي قريبة من هبة ازاى 

مرون \ يعنى سلمي حولينا واحنا منعرفش وانت كان عندك حق لما قولت انك شفتها فى الجنينة وهى كانت هناك فعلا ودة يثبت انا جت ورانا هنا مفيش حد يعرف ان هبة بتولد 

اياد \ يعنى لو هى قريبة مننا لية مبتظهرش

و مرون بيبص لحمزة 

حمزة \ علشان انا موجود طول ما انا هنا سلمي مش هترجع انا عارف

مرون \ لا يا حمزة سلمي محتاجة وقت اكتر لسة 

حمزة \ اكتر من كدة والله انا نفسى اشفها نفسى المسها واطمن عليها ومش عاوز اى حاجة من الدنيا 

اياد \ تعال هبة بتسال عليك 

-- وبيرجعو  لهبة وبيدخلو -- 

حمزة \ حمدلله على السلامة يا هبة 

هبة \ شكرا يا حمزة شوف سلمي الصغنونة حلوة ازاى 

-- حمزة سمع الكلمة دى و عيونو مليانة دموع 

و بيروح بيشيل سلمي الصغنونة والدمعة بتنزل 

حمزة \ يا ريت تخدى كل حاجة من سلمي الكبيرة تخدى حنيتها تخدى طيبت قلبها 

-- حمزة بياخد النونة فى حضنو اوى وبيعيط و اياد بياخد منو البنت 

مرون \ انا متاكد ان سلمي هترجعلنا من تانى 

حمزة \ انا بموت مليون مرة فى اليوم وهى بعيد عنى انا  عاوز بس اطمن عليها اعرف انا بخير 

اياد \ اهدى يا حمزة سلمي اكيد بخير 

-- والباب بيفتح وكلهم عنيهم على الباب وكلهم سكتين ومبيتكلموش 

هبة \ ندي

 

ندي \ حمدالله على السلامة يا هبة 

-- حمزة راح عليها ومسك درعها اوى و ندي بتتوجع

 

حمزة  / انتى اية الى جابك هنا كفاية الى شفتو منك 

ندي \ سيب ايدى انت اتجننت 

مرون \ حمزة  انت اية الى بتعملو دة 

حمزة \ انا فعلا اتجننت خلاص خلاص مش قادر 

مرون \ انا اسف يا ندي 

ندي \ انا مش زعلانة منو انا مقدرة الى هو فية 

حمزة \ لا مفيش حد حاسس بيا ولا حاسس بالنار الى بتحرق فيا كل يوم سلمي بعيد عنى 

ندي \ لللدرجة دى بتحبها 

حمزة بيبص لندي والدموع فى عيونو -- 

حمزة \ كلمت بحبها دى قليلة عليها سلمي يعنى انا يعنى روحى يعنى النفس الى بتنفسو وطول ما هى بعيد انا بتخنق 

ندي \ انا عرفة مكان سلمي

 

وكلهم بيتصدمو و حمزة بيجرى عليها وبيمسكها من درعها جامد 

حمزة \ انتى لو بتلعى بينا مش هتعرفى هعمل فيكى اية 

مرون \ ندي انتى متاكدة انك شفتى سلمي 

ندي \ لا انا عرفة هى فين دلوقتى 

اياد \ واية يثبت انك مبتضحكيش علينا 

ندي \ وحيات مرون عندى انا عرفة سلمي فين 

-- مرون بيبصلها اوى وكلهم عنيهم على مرون و ندي 

ندي \ ندي راحت على شرم على الجزيرة 

هبة \ اة جزيرة المرجانة 

ندي \ اة سلمي عايشة فى البيت الى على الجزيرة 

اياد \ انتى كنتى تعرفى 

هبة \ لا بس سلمي طول عمرها كانت بتتمنى تعيش فى البيت الى على الجزيرة 

ندي \ دة بيت خالو انا قبلت سلمي وهى خرجة من المستشفى يوم وفاة والدها  وكانت شكلها غريب اوى وختها عندي وحولت اتصل بمرون بس هو مش عاوز يرد عليا ولما الصبح طلع سلمي حكتلى على الى حصل بنها وبين حمزة وكانت عوزة

 تبعد بعيد وقولتلها على البيت الى على الجزيرة وفرحت اوى لما عرفت انو بتاع خالو وقالتلى انى لو قولت الاى حد على مكنها هتبعد ومفيش حد هيعرف مكنها 

مرون \ خلينا نروح 

هبة \ لا استنو 

-- وكلهم استغربو اوى لما سمعو كلام هبة 

هبة \ حمزة هو الى هيرجعها لوحدو

 

-- حمزة بيبصلهم اوى وعيونو كلها دموع وبيخرج وبيروح على المطار وبيسافر على شرم وبيروح على الجزيرة دقات قلبو بتتسارع وبيشوف تربيزو برة قدم البيت وعليها كوبية شاى و حمزة بيحط ايدو عليها بيلقيها سخنة بيعرف ان سلمي موجودة 

وبيروح على الباب وبيخبط ومفيش حد بيرد وبيدور حولين البيت وبيلقى حد واقف على صخرة كبيرة قريبة من البحر وبيقرب منها وبيشوف سلمي الى شوقو ليها كان بيسابق خطواتو و سلمي مدياة ضهرها ووشها للبحر و حمزة واقف وراها 

حمزة \ سلمي 

- - سلمي كانت مغمضه عنيها و بتفتحها لما بتسمع صوتو ودموعها تنزل قبل ما تبصلو و حمزة واقف ومستني  نظرة من عيونها 

حمزة \ سلمي 

-- سلمي بتبصلو اوى والدمع نزلة على خدها 

حمزة \ وحشتينى يا حببتى 

-- سلمي وقفة مبتتكلمش وبتمشى 

                   -- حمزة بيمسكها اوى -

حمزة \ انا اسف يا سلمي 

         

سلمي \ خلاص الوقت فات 

حمزة \ لا احنا نخلق الوقت بادينا يا سلمي كفاية بعاد

وارجعى 

-- سلمي بتبعد عنو وبتمشى وهى بتعيط وبتحاول تسيطر على مشاعرها قدمه

 

حمزة \ سلمي انا بحبك يا سلمي 

سلمي \ و لو بتحبنى بجد ابعد عنى وسبنى اعيش حياتى زى ما انا عوزاها 

حمزة \ مقدرش ابعد عنك يا سلمي والله هموت من غيرك 

سلمي \ يا ريت انا الى اموت واستريح روح من هنا انت غلطت فى العنوان 

-- سلمي راحت على البيت و حمزة بينادى عليها ومبتردش علية و سلمي بتدخل البيت وبتعيط 

 

-- حمزة \ سلمي افتحيلى  يا سلمي سلمي انا مقدرش اعيش من غيرك يا  سلمي

سلمي \ اطلع من حياتى كفاية انا اتعذبت كتير بسببك ابعد باة روح روح كفاية باة 

حمزة \ حاضر يا سلمي انا همشى وهسيب البلد كلها بس المهم انى اطمنت عليكى بس وحيات عمو عاصم ارجعى هبة و مرون محتجنلك يا سلمي وانا اوعدك لما ترجعى انا هكون خرجت من حياتك ومن البلد كلها 

-- حمزة بيعيط  وبيرجع القاهرة وبيروح على الفيلا 

مرون \ سلمي فين 

حمزة \ سلمي مش هترجع غير لما انا امشى انا حجزت ومسافر كمان ساعة على دبي

 

اياد \ بسهولة كدة سبتها 

-- حمزة طلع جهز الشنطة وطلع على المطار وكل شوية بيبص على باب المطار وبيركب الطيارة وعيونو على مصر من فوق 

حمزة \ مع السلامة يالى فيكى اعز الناس 

-- حمزة بيوصل دبي وبيروح البيت وكلهم كانو فى البيت 

حمزة \ السلام عليكم 

تامر / خالو حمدلله على السلامة 

ام حمزة \ا هلا بابنى  اهلا بشمعة البيت 

حمزة اترما فى حضن امو وبيعيط

حمزة \ وحشنى حضنك اوى يا امى 

فاروق \ اهلا اهلا بالغالي

جودى  اخت حمزة \ حبيبي نورت البيت

حمزة \ اطلع على اوضتك استريح

 

حمزة \ لا انا عاوز اقاعد  معكم هنا

 

تامر  \ لا فوق احسن 

فاروق \ تامر  على اوضتك

 

ام حمزة \ لا يا حبيبي روح ارتاح فى سريرك وانا هجهزلك العشاء 

-- حمزة استغرب من الحاحهم انو يطلع وبيطلع على اوضته وبيفتح الباب وبيلقى سلمي جريت علية وبتحضنو اوى وهو بيصرخ من الفرحة وكلهم بيضحكو اوى تحت على صرختهم

 

حمزة \ سلمي انتى سلمي مش مصدق عنيا 

سلمي \ انا بحبك 

حمزة \ وانا بموت فيكى يا سلمي

حمزة / سمحتيني

سلمي / مش هعرف اعيش من غيرك

حمزة  / اوعدك عمري ما هزعلك تاني

سلمي / هتزعلني و هزعلك بس لازم   نتعلم نسامح بعض  علشان حبنا يعيش

حمزة /  بحبك

سلمي. /  بحبك

-- حمزة بيحضنها اوى وبيلف بيها الاوضة وهم بيضحكو ومبسوطين

                         🌺     النهاية.       🌺