رواية حب الي النهاية الحلقة 13
🌟 الحلقة ١٣ 🌟
.
🌟🌟🌟🌟🌟🌟🌟🌟🌟🌟🌟🌟🌟🌟🌟🌟
.
محمد /ريم انا تعبتك معايا
ريم/ لا ولا يهمك انا هروح الشركة وهبعتلك عربية
ريم بتمشى و جويرية وقفة بتبص على محمد و محمد بيوقف تاكسى و جويرية بتروح على محمد قبل ما يركب العربية
جويرية / محمد لازم نتكلم
محمد / اة اوكى بس وقت تانى عندى شغل مهم بعد ازنك
جويرية بتزعل اوى و محمد ومؤيد بيمشو بالتاكسى
مؤيد / انت لية عاملت جويرية بالطريقة دى
محمد / انا ماختش بالى عادى
محمد بيبص على جويرية وهى وقفة من مرايا العربية
.
**********************************
.
جويرية / انا الى غلطانة انى حبيت اشرحلو الى حصل وانا زعلانة لية شخص مغروور
منة / جويرية انتى بتكلمى نفسك
جويرية / لا مفيش
منة / تعالى معايا الصيدلية
جويرية / لية انتى فى حاجة
منة / تعالى معايا بس
جويرية بتروح مع منة و بتشوف ان منة بتشترى اختبار حمل
جويرية / منة انتى حامل
منة / انتى غبية لو اعرف هشترى اختبار لية
جويرية بتفرح اوى وبتروح هى و منة على شقة منة بسرعة
منة / لو مطلعتش حامل مش هنقول لاوئل ماشى
جويرية / ماشى يلا ادخلى بقي يلا
بعد دقايق منة بتخرج لجويرية وزعلانة اوى
جويرية / حببتى عادى انتى لسة صغير انتى متجوزة بقالك شهرين بس
منة / انا حامل
منة بتعيط جويرية بتصرخ من الفرحة وبتحضن منة اوى
.
**********************************
.
محمد بياخد مؤيد على الشقة
محمد / ودى هتكون الاوضة بتعتك
مؤيد /بتعتى انا
محمد / طبعا يعنى انا برضو هقدر اعيش من غيرك ان كنت
هنا او فى الامارات انت معاية ومش هسيبك ابدا
مؤيد بيحضن محمد اوى
مؤيد / طب و جويرية
محمد / مالها جويرية
مؤيد / يعنى هنسبها لوحدها
محمد / والدتها معاها وكمان منة و وائل والا بتفكر انك تسبنى انا
مؤيد / لا ايه رايك نجبهم هنا يعيشو معانا او احنا نروح نعيش معاهم هناك ونكون كلنا مع بعض
محمد / مؤيد بلاش تعيش فى الاحلام كتيير انت كل الى كان يهمك انك توصل لاختك واهو انت وصلتلها وكمان
علاقتكو كويسة مع بعض ولو حبيت تشفها معنديش مانع
فى اى وقت
مؤيد / اية رايك احط هنا سرير وهنا تربيظة بليردوو
محمد بيضحك
مؤيد / علشان لو فى عندك وقت نلعب انا وانت
محمد / الى انت عوزو اية رايك نخرج انا وانت دلوقتى وتروح تختار كل حاجة برحتك
مؤيد / ممكن ناخد جويرية معانا
محمد / مؤيد جويرية اختك انت مش اختى انا ماشى مش حابب تدخل فى حياتنا وخصوصا ان اى حاجة خاصة بيا
مؤيد / انت زعلان مع جويرية لية خلينى اكلمها وانا
محمد / مؤيد جويرية بالنسبالى ولا حاجة ماشى وملهاش اى دور فى حياتى
مؤيد / طب خلاص متزعلش انا بس كنت
محمد / خلينا نمشى علشان منتاخرش يلا
مؤيد و محمد بيخرجو مع بعض وبيشترو العفش للشقة الجديدة و محمد وهو ماشى بيشوف واحد بيبيع كريز
وبيفتكر جويرية وبيفكر
مؤيد / محمد انا تعبت خلينا نمشى بقي
محمد / اة يلا بينا
ريم بتتصل بمحمد
ريم / اية نسيت انى عزماك على الغداء
محمد / اة اسف نسيت ممكن نخليها يوم تانى انا ومؤيد
نزلنا بنجيب شوية حاجات للشقة
ريم / خلاص اوكى بس متنساش انك وعدتنى
.
**********************************
.
جويرية واقفة مع طاهر قدم العمارة
طاهر / يلا تعالى معايا نتمشى شوية
جويرية / معلش مليش مزاج النهاردة عندى صداع
طاهر / مالك ياحببتى فيكى اية
جويرية / لا مفيش بس مجرد صداع بس
طاهر بيمسك ايد جويرية وبيبسها
طاهر / الف سلامة عليكى يا قلبى خلينى اخدك على الدكتور
جويرية / لا مفيش دة مجرد صداع وبس ارتاح شوية وهكون بخير
طاهر / انا عندى حفلة النهاردة باليل لو حسيتى انك مرتاحة تعالى
جويرية / بس
طاهر / وحشتينى كنت حابب نتغدا انا وانتى
جويرية / خليها وقت تانى
طاهر / خلاص انا همشى وهبقي اطمن عليكى خلى بالك من نفسك
جويرية بتشوف محمد ومؤيد بيقفو بالعربية قدم العمارة
جويرية / طاهر استنى انا غيرت راى هاجى معاك
ومؤيد بيروح على جويرية و محمد بيبص لجويرية و طاهر وهو قاعد فى العربية
مؤيد / جويرية كنت عاوز اتكلم معاكى فى موضوع
جويرية / معلش يا مؤيد طاهر عزمنى على الغداء ولما ارجع نتكلم مع بعض
محمد واقف بالعربية بيبصلها اوى و جويرية بتلبس الخوذة من طاهر وبتركب وره وبتحضنو من ضهرو وبتبص لمحمد انه يتحرك و محمد بيرجع راسو ورى وبيغمض عيونو وباين علية متعصب اوى وبيطلع بالعربية بسرعة ومؤيد بيستغرب اوى من جويرية ومن محمد وبيطلع على الشقة
.
**********************************
.
بعد يومين
مؤيد بيجهز شنطتو و جويرية بتدخل الاوضة
جويرية / خلاص هتمشى
مؤيد / انتى زعلانة
جويرية / لا ابدا المهم انك هتكون مبسوط وبس
نوال بتدخل ومعاها علب اكل
جويرية / اية الى بتعملية دة يا ماما
نوال / ملكيش دعوة انا عملة لمؤيد و محمد حبيابى دوول شوية اكل اول ما توصل تحطهم فى التلاجة ماشى
مؤيد بيروح على نوال وبيبوس اديها و نوال بتحضنو
نوال / اوعة تنسا ان ليك بيت تانى هناا
مؤيد/ المهم عملتيلى ورق العنب الى بحبو ولا لاا
جويرية بتضرب مؤيد على راسو
جويرية / مبتفكرش غير فى بطنك وبس
وبيضحكو اوى والباب بيخبط و جويرية بتروح تفتح الباب
جويرية/ محمد اتفضل
محمد / لا شكرا بس نادى على مؤيد
مؤيد بيخرج بسرعة
مؤيد / محمد ثوانى ثوانى واكون جااهز
نوال / ادخل يا ابنى انت هتفضل واقف على الباب كدة
محمد بيبص لجويرية اوى
جويرية / سبية يا ماما برحتو ولو حابب استني فى العربية تحت
وائل / محمد
محمد بيبص وره بيكون وائل و منة وبيسلم عليهم
وائل / انت واقف لية على الباب كدة تعالة عندنا خبر حلو ليك تعالة
وائل بيدخل محمد الشقة وبيقاعدو كلهم
منة / محمد انا هكون ام
وائل / منة حامل وانا هكون اب قريبا جداا
محمد / الف مبرووك
محمد كل شوية بيبص لجويرية و جويرية بتبصلو اوى و منة بتاخد بلها منهم
منة / انتو كويسين فى حاجة حصلت
جويرية / حاجة لا ابدا
منة / اصل بتبصو لبعض بطريقة غريبة اوى وكانكو هتهجمو على بعض او هترمو قنابل على بعض
جويرية / ههههة قنابل اية هروح اعملكو عصير
جويرية وهى ماشية بتكلم نفسها
جويرية / دة لو معايا حزام ناسف هيكون احسن
منة / بتقولى حاجة يا جويرية
جويرية / لا يا روحى ابدا
مؤيد / انا خلصت خلاص
محمد بياخد الشطنة من مؤيد
محمد / سلام
وائل / اكيد هنشوف بعض تانى
محمد / اكيد
مؤيد / فين جويرية
منة / فى المطبخ
ومؤيد بيروح على جويرية وبيحضنها من ضهرها
مؤيد / هتوحشينى يا احلا اخت فى الدنيا
جويرية / هتوعدنى انك هتيجى تانى انت فاهم
مؤيد / وانتى كمان انتى معاكى العنوان وهتيجى علشان عاوز اوريكى حاجة فى اوضتي هتعجبك اوى
جويرية / هحاول
جويرية بتحضن مؤيد وبيخرجو و محمد اخد الشنط ونزل تحت و جويرية بتنزل مع مؤيد هى و وائل
مؤيد / سلام
وائل / مع السلامة يا راجل يا صغير
ومؤيد بيضحك وبيركب العربية و جويرية بتبص لمحمد اوى و هو بيبصلها
مؤيد / محمد يلا نمشى
محمد/ اة
محمد بيمشى هو ومؤيد
.
**********************************
.
وائل / جويرية فى حاجة حصلت بينك وبين محمد
جويرية / لا
وائل / انتى متاكدة
جويرية بتبص لوائل اوى بحزن
جويرية / انا هتمشى شوية
ولسة جويرية هتمشى ريم بتقف بالعربية قدم جويرية
ريم / جويرية انتى خرجة
جويرية / لا بس كنت هتمشى شوية
ريم / اصلى كنت جاية اتكلم معاكى فى موضوع
ريم بتشوف وائل واقف
ريم / اهلا دكتور وائل منة عاملة اية
وائل / اسمها دلوقتى ماما منة
جويرية / اصل منة حامل
ريم / الف مبرووك وصل سلامى لمنة بس اكيد لازم اجى ابركلها بنفسى
وائل / ماشى سلام
وائل بيطلع
جويرية/ تعالى خلينا نتمشى شوية سيبى العربية هنا
ريم بتقفل العربية وبتتمشى هى و جويرية و جويرية بتخدها على المكان الى بتقاعد فية على البحر
ريم / جويرية انا بحب
جويرية / بتحبى بس دى حاجة تفرح مش تزعل كدة
ريم / مش عرفة اصل انا بحب شخص مش عارفة ان كان بيحبنى ولالااا
جويرية / يعنى انتى مش حاسة من نحيتو بحاجة
ريم / مش عارفة بحس من نظراتو بحاجة بس
جويرية / حد انا اعرفو
ريم / حد تعرفية كويس كمان
جويرية / ميين
ريم / محمد
جويرية / اييييية
ريم / فى اية مالك اتخضيتى لية كدة
جويرية / انا لاا ابدا بس كانت مفاجاة ليا بس
ريم / انا كنت عوزاكى تتكلمى معاة وتجيبى سيرتى ويمكن يعنى تعرفى اية مشاعرو من نحيتى
جويرية / انا بس
ريم / وحياتى يا جويرية
جويرية / ريم انا علاقتى مع محمد حساسة جدا بسبب المشاكل و مؤيد يعنى مقدرش اتكلم معاة فى حاجة زى دى
ريم / عندك حق طب قوليلى اعمل اية
جويرية / مش عارفة
ريم / وانا الى قولت انى هروحلك انتى بما انك بتحبى يعنى يمكن تقدرى تقوليلى اعمل اية
جويرية / اسفة يا ريم
ريم / لا يا روحى ولا يهمك انا لازم امشى علشان هروح لبابا الوزارة
جويرية / وطمنينى هتعملى اية
ريم / اة انا عزماكى فى شقتى الجديدة بكرة على الغداء
انتى و طاهر هبعتلك العنوان فى رسالة
جويرية / حاضر
ريم بتسيب جويرية وبتمشى و جويرية بتقاعد سرحانة ومديقة اوى وبتمسك حجارة وبترميها فى البحر ومديقة اوى
وفجأة محمد بيقاعد قريب من جويرية على صخرة فى هدوء و جويرية مش شيفاة وبتكلم نفسها
جويرية / انا لو شفتو هكسر رقبتو هو فكرنى ميين يعنى
جويرية لسة بتقف علشان تمشى وبتصرخ من الخضة
جويرية / انت
محمد بيتجاهل وجدها خالص
جويرية / انت اية الى جابك هنا
محمد بهدوء
محمد / لية هو المكان هنا ملكك انتى ولا اية
جويرية / اة المكان هنا ملكى انا
محمد / لا بجد
جويرية / انت عاوز اية منى
محمد / انا همشى واسبلك المكان كلو
جويرية بتمسكو من ايدو وبتوقفو
جويرية / استنى لازم نتكلم
محمد / اظن ان مفيش اى حاجة نتكلم فيها انا وانتى
جويرية / والى حصل بينا دة ملهوش اى حاجة عندك
محمد / الى حصل انا مش فاكر حاجة حصلت
جويرية بتبصلو اوى بحزن
جويرية / يااة للدرجة دى مشاعرى ملهاش اى اساس عندك
محمد / مشاعر انتى تعرفى اية عن المشاعر الى زيك ميعرفوش اى حاجة اسمها مشااعر خالص واظن الى حصل بينا حاجة بسيطة بالنسبالك ومتعودة عليها
وردة ✍️
التعليقات على الموضوع