رواية ادم و حواء الحلقه11
🍎 الحلقة ١١ 🍎
.
🍎🍎🍎🍎🍎🍎🍎🍎🍎🍎🍎🍎🍎🍎🍎🍎
.
لينا / انا سالتك بتحبهااا
زياد بيبص للينا
زياد / مين يشفها وميحبهااش
لينا / وانت مش لازم تستسلم بالسهولة دى لازم تدافع عن حبك
زياد بيجيب ملف اوراق الطلاق وبيدية للينا
زياد / قبل ما اسافر طلبت منى اجهز الاوراق
لينا / ادى نفسك واديها فرصة تانية تعرفو بعض اكتر انا وسعود مسفرين بكرة على مصر خلينا نروح كلنا يمكن دى تكون فرصة حلوة انكو تدو بعض فرصة واحدة كمان
زياد / لينا يلا روحى خلينى اناام
زياد بيروح على السرير وبينام وبيتغطى ولينا بتحط صورة
شمس جمبو على المخدة وبتبتسم اوى وبتخرج
.
محمود فى بيروح على الفيلا وبيدخل ومتعصب اوى
سارة / محمود انت مروحتش الشركة النهاردة لية عمى اتصل بيك
محمود / يووة ابعدى عنى
سارة بتكون مرات محمود و سارة بتقرب منو
سارة / فى اية مالك انت لية بتعاملنى كدة انا عملتلك اية
محمود / انا هسبلك المكان كلو وماشى
محمود بيسبها وبيروح على البلكونة وسارة بتقاعد وبتعيط
ام محمود / سارة فى اية يابنتى مالك
سارة / مفيش حااجة يا طنط انا بس مخنوقة شوية هخرج الجنينة اتمشى شوية بعد ازنك
سلمي اخت محمود بتنزل على السلم
سلمي / ماما فين يا سارة
ام علي / مش عارفة كانت بتعيط ومش عارفة لية
سلمي / انا سمعها هى و محمود باين كدة بيتخنقو
ام محمود / هو هنا
سلمي / اة فى اوضته
وام محمود بتطلع علي الاوضة و محمود كان بيشرب سيجاارة ومتعصب اوى
ام محمود / انت عملت لسارة اية
محمود / انا مكلمتهاش
ام محمود / يعنى البنت هتعيط من نفسها يعنى البنت من اليوم الى دخلت البيت فية وهى بتحاول تسعدك باى طريقة وانت ولا معبرها ولا مديها وش كمان ولا انت فكرنى مش وخدة بالى منكو
محمود / يووة ياامى انا معملتلهاش حاااجة
ام محمود / انت متعليش صوتك عليا انت فااهم وخليك عارف ان لولا ابو سارة كان ابوك اعلن افلاسو
محمود / كفاية باة كفااية لية كلكو بتضغطو عليا ليية قولتلك انا معملتلهاش حااجة
محمود بيخرج من الاوضة وبينزل وبيروح على الجنينة عند سارة
محمود / انتى مش هتبطلى ابدا لازم الحركات الى بتعمليها دى وبتروحى تقولى الامى
سارة / انا مقلتلهاش حااجة انا
محمود بيمشى وبيسبها وبيروح على العربية بتعتو وبيمشى
وسارة بتعيط
.
**********************************
.
فى الصباح
سعود بيخرج من الاوضة ومعاة الشنط
سعود / لينا يلا علشان منتاخرش
ولينا بتلف الحجاب بسرعة
لينا / انا خلصت خلاص ومعاها فهد وبينزلو تحت وبيشوفو زياد خارج ومعاة شنطة السفر
وبيبص للينا وبيرفع حوجبو ولينا بتروح علية زياد و بيبتسم وبيبسها من جبنها
سعود / يعنى هتسافر معانا
زياد / اة قولت انك مش هتعرف تتصرف مع التامين لوحدك
سعود / على بركة الله
وبيركبو العربية كلهم ولينا باين عليها السعاادة وبتملس على شعر اخوها الى قاعد قدمهاا
سعود / فرحانة انك بتروح معانا على مصر
.
**********************************
.
شمس بتروح على المعهد عندها تدريب هى ريهام بيتدربو
ريهام / انا مش عارفة احنا ملنا ومال الرقص احنا بنغنى وبس
شمس / هشش بدل مايسمعك
هادى / يلا يابنات هنعيد من الاول بس دلوقتى كل واحدة فيكو هتتدرب مع الشريك بتعها
شمس بتقف بتبص على الشريك الى هترقص معاة وبيخرج محمد و علي من الكوليس و ريهام فرحاانة اوى لما بتشوف
علي و شمس بتبص لمحمد اوى ومحمد بيروح عليها
شمس / انت الى هترقص معايا
محمد / انا مستعد اطلع القمر كمان علشانك
شمس بتضحك و ريهام وقفة مبسوطة ومسكة ايد علي
علي / اخر مرة رقصت فيها كانت رقصة بحيرة البجع
وبيضحكو هم الاتنين اوى
علي / يعنى عوزانى اسيبك ترقصى مع حد غيرى ة انا كنت دغدغتو
ريهام / لاياشيخ
هادى / هششش سكوت يلا هنداء من الاول ١-٢-٣-
وهادى بيدربهم على الرقص
هادى/ شمس انتى اهم واحدة هنا علشان هتغنى وهترقصى مش عاوز اى غلطة
شمس / حاضر
وبيبداو تانى بيرقصو و شمس بتغنى وهى بترقص مع محمد
.
**********************************
مريم فى المكتب معاها ملف بتدرس فية وفجاة بتشوف هاني قدمها
مريم / هاني مقلتليش انك هتيجى
هاني / وحشتينى اعمل اية
مريم / هاني هنا مكان شغلي
هاني بيقاعد قدمها على المكتب
هاني/ وانا جااى هنا علشان شغل مش جااى علشان اعطلك
مريم بتضحك وبتقاعد تانى على مكتبها
مريم / واية الشغل الى جابك هناا
هاني / انا اتسرقت
مريم / لاياشيخ هنا مش قسم الشرطة
مريم / مش انتى محامية انا عاوز ارفع قضية على الى سرقنى
مريم /ومين الى سرقك
شمس / انتى ياحرمية
مريم / انا حرمية وسرقت اية باة
هاني بيحط ايدو على قلبو وبيقرب من مريم اوى وبيطلع على المكتب برجلو و مريم بتبعد بسرعة
مريم / سرقتى قلبى منى
مريم / هاني انت بتعمل اية احنا فى مكان شغل اقاعد مكانك
هاني بيقاعد
هاني / تمام يافندم ممكن اعزمك على الغداء
مريم / لا عندى شغل كتيير
هاني / يعنى امشى
مريم / اة ياريت تروح باة
هاني / ماشى هيجى يوم وتقعى تحت ايدى ومش هسيبك
ابدا وهتشوفى
مريم / بعنى هتعمل اية
هاني / هفضل ابوس فيكى للصبح
مريم بتحدفو بالقلم الى فى اديها
مريم / حقير يلا روح بدل ما اطلب الامن يخرجوك
هاني بيضحك و مريم وشها بيحمر اوى
.
**********************************
.
زياد بيوصل البيت مع لينا وسعود وفهد وبيدخلو
لينا / الله الشقة هنا حلوة اوى
زياد / الشقة الى جمبها بتاعت ولاد خالتك الله يرحمها
لينا / خلينى اروح اشفها
زياد / ريحة فيين لينا
لينا / خلاص
زياد / سعود خلينا نروح الشركة
زياد / لينا مش هتتحركى من هناا انتى فاهمة ولما ارجع
اخليكى تتعرفى عليهم
سعود / زياد هروح انا على التامين وانت روح الشركة
زياد / انشاء الله خير
زياد بيمشى ولينا بتروح تقف فى البلكونة وبتبص عليهم
وهما ماشيين و فهد بيلعب فى الشقة ومبسوط ولينا بترتب الشنط
.
**********************************
.
محمد بيوصل شمس لحد البيت
محمد / اشوفك بكرة
شمس / بس انت لازم تتدرب على الحركات احسن رجلى خلاص
شمس بتضحك
محمد / ماشى اتريقى زى ما انتى عوزة بس المسرح
راح يشهد على اقوى عرض فى تاريخ المعهد كلو
شمس بتضحك وبتسيبو وبتطلع على شقتهم ولسة هتفتح الباب بتسمع صوت خبط فى الشقة
شمس/ ليكون حرامى
شمس بتقرب من الباب براحة وبخوف والباب بيتفتح فجاة شمس بتتخض وبيكون فهد وبيضحك
شمس / انت ميين
فهد/ انا فهد
شمس بتنزل مستواة
شمس / وانا شمس انت الحرامى
فهد / لااا انا هكون ظابط طخ طخ طخ
شمس بتضحك اوى ولينا بتخرج وبتشوف الباب مفتوح بتجرى علية
لينا / فهد فههد
ولينا بتبص لشمس اوى وبتبتسم
شمس/ مكنتش اعرف ان الشقة اتاجرت
لينا / انتى شمس صح
شمس / اة انتى تعرفينى
شمس / زياد حكالى عنك
شمس / انتى تعرفى زياد يعنى
لينا / اة طبعا مفيش حد يعرفو اكتر منى
شمس بتكشر اوى وبتبص للينا باستغراب
لينا / اتفضلى ادخلى معلش الشقة مبهدلة شوية اصل احنا لسة وصلين من شوية
شمس / لا شكرا بعد ازنكو
شمس بتمشى وباين عليها التوتر وبتدخل الشقة وبتقف وري الباب
شمس / وكمان متجوز وعدو والد بس مراتو حلوة
لينا / هى ملها زعلت لية ياربى احسن تكون مفكرة انى هههههههة حلال عليك يا زياد
ولينا بتروح تكمل شغلها وفهد بيتفرج على التلفزيون
.
**********************************
.
فى الليل
مريم بترجع البيت بتكون شمس حاطة سماعة فى ودنها والصوت عاالى اوى
مريم / شمس شمس
شمس مش سماعة حاجة و مريم بتشيل السماعات
شمس / مريم رجعتى امتى
مريم / بقالى ساعة بنادى عليكى لية معلية الصوت اوى كدة
شمس. / مفيش فى كام حااجة فى دماغى دوشانى بحاول ابعدهم
مريم / من يومك مجنونة يلا تعالى معايا نجهز العشاء
شمس / لا مش عوزة انا اكلت ايس كريم من شوية
مريم / ايس كريم دلوقتى وفى الشتاء دة
شمس / ابتسام اتصلت وبتقول انها هتيجى بكرة هى وسراج يتعشو معانا
مريم / خلاص ماشى انا هرجع بدرى وهخلى هاني كمان يجى
مريم بتروح المطبخ
مريم / شمس انتى مجبتيش الحاجات الى قولتلك عليها
شمس / يالله نسيت خالص
مريم / انا مش عارفة عقلك دة فيين بالظبط
شمس / ولا انا مش عارفة
مريم / بتقولى اية
شمس / هروح اجبها بسرعة مش هتاخر
شمس اول ما بتخرج بتشوف زياد وسعود رجعين
شمس بتبصلو اوى و زياد بيتامل فى ملابحها الطفولية
وفهد بيخرج من الشقة
فهد / ابويا ابويااا
وفهد كان هيقع و زياد بيلحقو وبيشيلو
شمس / حمدالله على السلامة
زياد لسة هيرد عليها وبتنزل على السلالم وبتسيبو ومديقة اوى و سعود بياخد فهد من زياد
سعود / مش براحة وانت بتجرى تعالة يلا
وبيدخلو الشقة زياد فى عيونو حيرة لية شمس بتكلمو بالطريقة دى ولية عيونها كانت مليانا حزن
لينا / حمدالله على السلامة
سعود / انا جعاان حطى العشاء
لينا / يلا العشاء جااهز
ولينا بتروح على فهد وبتمسكو من ودانو بقوة
لينا / انا مش قولتلك متفتحش الباب تاانى
فهد / اااة ااة بتوجعنى
زياد / انا مش جعان بالهنا والشفاء
زياد بيروح على الاوضة وبيقفل الباب
لينا / فى اية
سعود / مش عارف كان كويس
لينا بتروح لزياد وبتدخل و زياد واقف فى الشباك ولينا بتحط
الحجاب على شعرها وبتروح تقف معاة
لينا / شفت شمس
زياد / شفتها بس هى مش مبسوطة انها شافتنى
لينا/ حصل اية
زياد / مفيش اول ما شفتنى قالتلى حمدالله على السلامة
حتى مستنتش ردى عليها ومشيت على طول بس كان فى حزن فى عنيها غريب مش عارف فى اية
لينا بتضحك و بتحضن دراع زياد وبتضحك اوى
شمس بتجيب طلبات لمريم وبترجع وبتشفهم فى الشبااك
وبتقف تبصلهم اوى بحزن و زياد بيشفها هو ولينا
لينا / دى نظرة الغيرة
شمس بترتبك لما بتشفهم بيبصو عليها وبتدخل العمارة بسرعة
زياد / غيرة اية مش فاهم
لينا بتحكيلو على الى حصل و زياد بيحط ايدو فى جيبو وبيبتسم اوى
سعوود / لينااا
لينا/ يلا تعاالة علشان نتعشا مع بعض
وبيخرجو وبيتعشو مع بعض
.
**********************************
.
فى الصباح شمس بتحط ميكااب وبتلبس فستان لتحت الركبة وعلية بلطو بنفس الطول وبتفرد شعرها
مريم / شمس انتى عرفتى ان زياد رجع
شمس / اة عرفت واية يعتى
مريم / وانتى متظبطة اوى كدة وريحة فيين
شمس / يعنى هروح فين عندى تدريب فى المسرح النهاردة
شمس بتبص فى الساعة
شمس / هتاخر سلام
شمس بتاخد شنطتها بسرعة وبتفتح الباب وبتبص على شقة زياد وبتقف على الباب دقايق وبترجع تبص للساعة وبتسمع صوت زياد
زياد / ليناا ليناا انا همشى
زياد بيفتح الباب و شمس بتخرج وبتقفل الباب و زياد بيبصلها
زياد / صباح الخير
شمس/ صباح النور
لينا / زياد هاتلى الحاجات وانت راجع احسن سعود نسيها
ولينا بتشوف شمس وقفة
لينا / صباح الخير
شمس / صباح النور
زياد / حاضر
زيادزياد بيبوس لينا من جبها و شمس مستنية الاسنسير
و زياد بيقف جمبها مستني الاسنسير وبيبصو لبعض هم الاتنين و لينا بتبتسم وبتدخل وبتقفل الباب
زياد / عاملة اية
مريم / انا الحمد للة بخيير
زياد مش لقى كلام يقولو
مريم / ابنك حلو اوى بيشبهك
زياد / ابنى
شمس /فهد
زياد بيبتسم اوى
زياد / اة فهلا بيشبهنى شوية بس بيشبة لينا اكتر
الاسنسير بيوصل وبيدخلو هما الاتنين و زياد عيونو عليها
ودة بيربك شمس اوى وبينزلو
زياد / خلينى اوصلك فى طريقى
شمس / لا شكرا انا طريقى غير طريقك
شمس بتمشى وبتسيبو ز زياد بيلبس نضارة الشمس بتعتو
وبيبصلها وبيركب عربيتو وبيمشى
.
**********************************
.
ابتسام وقفة قدم المرايا بتظبط شعرها وبيدخل سراج وبيحضنها من ضهرها
ابتسام / حبيبى خلينا نروح هنتاخر على المكتب
سراج / خلينا النهاردة انا هديكى اجاازة
ابتسام / بلاش دلع انت ناسى ان النهاردة هيتم تسليم المنشاات
سراج / يااة هيكون يوم صعب
ابتسام / متنساش كمان معزومين على العشاء
سراج / يعنى طول اليوم مش هتكونى فاضية ليا ابدا
ابتسام بتمسك سراج من خدودو
ابتسام / حبيبى اناا روحى
.
**********************************
.
فى المعهد سهي فى المسرحة بتتفرج على شمس و ريهام وهما بيتدربو
هادى / شمس خطواتك مش ثابتة لية انتى مش مركزة
شمس / اسفة ممكن ارتاح شوية ونكمل
هادى / اوكى
شمس بتروح على سهي وبتقاعد جمبها
سهي / مالك فى اية
شمس / زياد طلع متجوز وعندو والد كمان
سهي / اووف
ريهام بتروح عليهم
ريهام/ اية رايكو نخرج النهاردة نتعشا مع بعض
شمس / لا مريم عزمة ابتسام على العشاء
سهي ساكتة
شمس / سهي فى اية
سهي / محمود بقالو يومين مختفى
ريهام / مش انتى الى كل لما بتشوفية تزعقيلو وتتخنقى معاة
سهي / اة بس بيكون جوايا سعاادة غريبة
شمس / سهي حولى تنسية احسن
سهي / لو كنت اقدر كنت نسيتو من زمان
محمد و علي بيدخلو المسرح و ريهام بتبتسم لعلي اوى وبتشاورلو
شمس / شوفى الهبلة الى مش عارفة تخفى مشاعرها دقيقة واحدة دى
ريهام / ابو شكلك
محمد / ها يابنات عمليين اية
شمس / اتاخرتو لية هادى زعلان منكو انتو الاتنين
العرض كمان يومين
محمد / متقلقيش انا مدرب كويس على الرقصة
هادى / شمس محمد يلااا هنبدا من تاانى
شمس بتروح هى ومحمد على المسرح و سهي بتشاور للبنات انها هتمشى و شمس بتقلها بااى
سهي بتقف قدم المعهد وعنيها بتدور يمين شمال على محمود
وبتوقف تاكسى وبتروح
.
**********************************
.
فى الليل
ابتسام وسراج بيوصلو البيت عند مريم و شمس
ابتساام / مريم شمس انا جييت
سراج / حببتى هتيلى مياة
ابتسام بتروح على المطبخ وبتكون مريم بتجهز العشاء
مريم / اهلا وسهلا اتاخرتو لية قولت انك هتيجى تساعدينى
ابتسام/ معلش يا روحى النهاردة كان فى شغل كتيير
وابتسام بتحط مياة لسراج
ابتسام / انا شايفة صوت من شقة خالتو
مريم / اة زياد رجع وكمان معاة اختو و جوز اختو
ابتسام / ااة اسمها لينا تقريبا
مريم / اة دمها خفيف اوى انا اتعرفت عليها وانا ريحة السوبر مركت
ابتسام / كنتى عزمتيهم معانا
سكينة / طبعا عزمتهم معانا
سراج / ابتساام المياة
ابتسام / حاضر ياحبيبى
وابتسام بتخرج و مريم بتقطع السلطة وبتدخل شمس
شمس / السلام عليكم يا عرسان
ابتسام بتبوس شمس اوى
سراج / اتاخرتى لية هموت من الجووع
ابتسام / نفسى فى مرة واحدة تموت فيا مش في الاكل
سراج / وانتى معايا مبحسش بالجوع
شمس بتضحك عليهم والباب بيخبط شمس بتفتح وبيكون هاني
شمس / مريم هاني وصل
هاني بيسلم على سراج وابتسام وبيقاعد مع سراج وبيهزرو مع بعض
سراج / لسة شايف الكليب بتاعك من شوية
هاني / واية رايك
سراج / مريم سمحتلك ببنتين بس
هاني / دوول الى قدرت اطلعهم من تحت اديها من غيير خدوش
وبيضحكو اوى هم الاتنين
شمس فى المطبخ مع ابتسام مريم و بتطلع الصانية من الفرن وبتتلسع
شمس /اااى
ابتسام / براحة شوية
وجرز الباب بيرن
ابتسام / سيبى انتى من ايدك وروحى انتى افتحى الباب
شمس بتروح على سراج هاني و قاعدين بيلعبو بلاستيشن
شمس / يعنى مفيش حد فيكو سامع الباب
شمس بتفتح الباب وحطة صبعها فى بوقها الى اتلسع من الفرن وبيكون زياد و شمس بتبصلو اوى و زياد بيبتسم لما بيشفها و شمس وقفة مبتتكلمش
زياد / اظن انك كبرتى على الحركة دى
شمس بتاخد بلها من صبعها وبتشيلو بسرعة و مريم بتروح عليهم
مريم / اهلا اهلا زياد انتو لسة وقفين لية على الباب
لينا/ اهلا بيكى
شمس بتبص للينا اوى و مريم بتدخلهم و شمس وقفة مكانها بتبصلهم و زياد بيروح على الشباب وبيسلمو علية وبيقاعدو معاهم وبيبص لشمس اوى الى لسه وقفة عند الباب
مريم / شمس تعالى ساعدينا خلينا نحط السفرة
لينا / ممكن اساعدكو
زياد / لينا الدكتور قالك ارتاحى
مريم / انتى بخير
لينا / انا حامل وتعبت شوية النهاردة
مريم / الف مبرووك يعنى هتجيبى اخ لفهد
لينا / ربنا كريم ان شاء الله
ابتسام بتخرج وبتحط الاكل على السفرة وبتروح للينا وبتسلم عليها وبتلاعب فهد وفهد بيضحك اوى و شمس بتروح على المطبخ
شمس / وحامل كمان ولية مستعجلة اوى كدة
ابتسام بتدخل وبتاهخد الاكل وبتحطو على السفرة
ابتسام / شمس هاتى الاطباق من عندك
شمس بتاكل فى ضوافرهااا وبتكلم نفسها
ابتسام / شمس هاتى الاطباق
شمس / اة حاضر
شمس لسة بتاخد الاطباق وفى طبق بيقع ومنها وبيتكسر
ابتسام / شمس فى اية مالك
شمس / مفيش انا هنضفو
ابتسام / لا خلية انا هنضفو انتى خدى الأطباق على السفرة يلا
وابتسام مستغربة اوى من حاالة شمس وبتروح بتدى الاطباق لمريم
مريم / يلا الاكل جاهز
شمس بتبص على زياد قاعد وفهد فى حضنو وبيلعبو
وفهد بيضحك اوى ومبسوط و ابتسام بتخرج من المطبخ
ابتسام / يلا يا شباب الاكل
والكل بيروح على السفرة و شمس بتقاعد قدم زياد
لينا / انا مبسوطة انى اتعرفت عليكو
ابتسام / انتو هتفضلو هنا كتيير
لينا / اسبوعين كمان بس يمكن زياد يفضل هنا اكتر من كدة
شمس / لا ازااى انتى حامل ولازم يهتم بيكى
زياد بيبص للينا ولينا بتبتسم لزياد و شمس بتشفهم المعلقة بتقع من اديها
ابتسام / شمس انتى مالك النهاردة باين عليكى متوترة اوى
شمس / انا لاا ابدا بس عندى صداع
لينا / انا معايا دواء للصداع كويس جدا زياد كمان بيرتاح علية
شمس / لا شكرا
زياد / عاملة اية فى المعهد
شمس / تمام
مريم / شمس هتقدم عرض غنائى راقص بعد يومين فى المعهد
زياد / ربنا يوفقك
موبيل شمس بيرن وبتشوف بيكون محمد
شمس / اسفة دة محمد لازم ارد علية اصلو هو الشريك بتاعى فى الاستعراض
شمس بتسبهم وبتروح على البلكونة وبتتكلم مع محمد
و زياد بيدايق اوى ولينا بتاخد بلها وبتحط اديها على ايد زياد و شمس بتشفهم من بعيد وبتبصلهم اوى
محمد / شمس الو شمس روحتى فين
شمس/ محمد هكلمك بعدين سلام دلوقتى
شمس بترجع على السفرة
هاني / مريم انا مسافر بكرة لبنان
مريم / خلى بالك من نفسك وكلمنى
سراج / بتقصد انها مرقبااك
شمس بتبص للينا
شمس / انتو تعرفو بعض من زمان
و مريم وابتسام بيبصو لبعض اوى
ابتسام / دة سؤال بردو
شمس / عادى حبة اعرف بس
لينا / يعنى من ٢٤ سنة تقريبا
و زياد بيضحك
شمس / ٢٤سنة
ابتسام / مهى لينا ااكبر منك بسنة وحدة
مريم / كنا حبين نتعرف على سعود كمان
لينا / وقت تانى اصلو مشغول اوى فى مشكلة حصلت فى الشركة
سراج / اة خسارة كبيرة
زياد / التامين هيتكفل بكل حااجة
سراج / الحمد لله ان مفيش اى خسائر بشرية
وبيتعشو كلهم مع بعض وبيقاعدو بيشربو شاى مع بعض كلهم
زياد / لينا متنسيش الدواء
لينا / حاضر يا حبيبى
شمس بتقرب على مريم
شمس / شوفى بتقولو حبيبى قدم الناس ازااى
مريم / فيهاا اية
شمس / لا عادى
فهد / خالى عاوزة اروح العب
زياد / لا بعدين
فهد / خالى عاوز العب
شمس / خالى هو لية بيقولك خالى
لينا / يعنى هيقولو اية غير خاالى
زياد بيخبى الضحكة و شمس بتبصلهم اوى باستغراب
لينا / مش عندكو فى مصر برضو بتقولو خالى
وبيضحكو و زياد بيشيل فهد فى حضنو
زياد / فهد بيكون ابن لينا اختى يعنى هيقولى اية
شمس بتقف
شمس / انتى لينا بنت خالتو
لينا بتضحك والكل بيضحك على شمس اوى
سراج / اهو الهبل بدا
ابتسام بتضرب سراج على صدرو و شمس بتضحك و زياد بيبص على ضحكتها الى منورة وشها و شمس بتبصلو اوى
وردة ✍️
التعليقات على الموضوع